|
بدي التفسير العلمي كيف انو الشمس رح تصير تشرق من الغرب...؟؟
سلامات
اول شي حطولي الله والدين ع جنب :pos: عطوني التفسير العلمي او شلون بتتوقع تصير الشمس تشرق من الغرب :? انا حاطط نظرية براسي كيف رح تصير تشرق بس مو حابب احكيها هلق لشوف أرائكون |
ولك بدي افهم شلون اجى على بالك هيك سؤال
ومن وين اقترحتو |
اخي انا زلمة علماني بثقافتي
وبناقش بكل شي وبسأل اسالة ممنوعة كمان وفي ببالي اسئلة كتير بدي اسئلها بس مو خرج تنسأل هون حسب العقول الكبيرة يعني يلي هون لانو هلق بينط واحد بيقلك مافي الله ولا في شي من هالشي بعدين بينط واحد بيقلك هاد مو شغلك الله على كل شيئ قدير مشان هيك انا كتب بالموضوع تركولي الله والدين ع جنب |
ولك سطلة عم اسألك عن جد
لا تبعبع وتقلي دين ومادين |
يعني سؤالي عن جد انا متلك بدي اعرف
بس الموضوع شلون اجى على بالك |
ايه بيجي عبالي متل هيك قصص كتير
ما قلتلي شو طلع معك انت |
والله ياصديقي خلينا نتركها
لاصحاب الدين ومفتيين المنتدى وبتشوف شلون بيعلقوا ببعضهن متل العادة |
:Dلك خيي قبل كلشي طول بالك
ثم انا عنجد مفكرك عم تمزح لان اذا الشمس شرقت من الغرب ماعاد بيسمى غرب راح يتسمى شرق لان الانسان اول مااطلق هالتسمية اعتمدها كصفة للجهه الي بيشرق منها الشمس ثم هاد البحث اول مرة بسمع فيه..فياريتك تغنينا بمعلوماتك والف تحية :D |
انو صراحة سؤال مو واضح يعني كيف لح اتوقع يعني ..!!!!
|
يا سيدي انا قريتها من زمان
انو الكرة الارضية هلا عم تخفف من سرعتها بالدوران بالاخير بتوقف وبتدور بالعكس فبتصير بتشرق من الغرب بس لاقيلك المصدر بعطيك ياه وطبعا بياثر على سرعة الارض الكوارث الطبيعية سلاااام |
اقتباس:
اقتباس:
|
اقتباس:
|
اقتباس:
بس اذا بتأمن بالله (العلماني مو كافر بس ما بيربط الحياة الاجتماعية بالدين) وبما انك تأمن فبظن انك بتعرف انو بيقدر ساوي كل شي متل ما ساوى هالشي كللو طيب انا رح اسالك : كيف الشمس عم تطلع من الشرق هللا ؟ |
لك يا شباب بيقولو انو الشمس رح تصير تشرق من الغرب
عطوني التفسير العلمي |
اقتباس:
بك شو دخل اخي انا يلي بعرفو انو رح تشرق الشمس من الغرب طيب اوكي كيف رح تشرق من الغرب علميا |
:yahoo::yahoo::yahoo:
ذكرتني وقت كنت صغيرة طلبت المعلمة نكتب "تشرق" بجملة مفيدة كتبت بكل ثقة: تشرق الشمس من الغرب و من يوما الشمس عندي بتشرق من الغرب بس ما بعرف ليش المعلمة اعتبرت الجملة مي مفيدة :? بس علميا عن جد ما بعرف ليش:cry: |
-لا احد قادر على اعطائك الجواب لانها لن تشرق من الغرب ابدا , هذا كله كلام خرافات.
-لنلقي بالخرافات ورائنا ولنهتم اكثر بتنمية و تطوير بلادنا التي قتلها الجهل. |
ما حندخل بالدين......ولا راح نكذب بعض و نعمل مشاكل.......يا ريت:deal:
السنة الماضية كتير ناقشنا هالموضوع بالمدرسة....و تقدمتلنا ادلة كتير مقنعة و نظريات بس لازم الكل يعرف انو النظرية قابلة انو تكون عرضة للخطأ......و يحل مكانها نظرية اصح بحبشت شوي عن كم دليل..........بس بحب اتركزوا على شي كتير مهم ..محور الارض ليش مائل؟ ليش مو مستقيم..........بتمنى انو تقتنعوا:- اول نظرية بتقول:-ن كوكب الارض بيدور بسرعه كبيره لكن مع الايام تقل سرعة الدوران لحد ما يوقف كوكب الارض لفتره بسيطه و تبدا مره ثانيه بالحركه لكن بالاتجاه المعاكس لحركة دورانها السابق وهالظاهره صارت لكوكب -المريخ و عطارد من قبل- ويعتقد العلماء ان بعد كم مليون سنه راح يصير نفس الشي لكوكب الارض........و من الردود انذكرت قبلي النظرية التانية و الي بتخص محور الارض وزي ما بتعرفو انو بميل بزاوية مقدارها 22.5 و غير مستقيم رأسياو الي حسيتها اكثر قبولا هية:- انه تم اكتشاف كوكب اعتبروه العاشر من المجموعة الشمسية (x-planet)و مدار هذا الكوكب ليس كباقي كواكب المجموعة في مداراتها , و التي جميعها تدور حول الشمس في مدارات أفقية , و إنما يدور حول الشمس في مدار رأسي يمر بين الأرض و المريخ و هو أقرب إلى الأرض منه إلى المريخ و دورته حول الشمس تعدل ثلاثة آلاف و ستمية دورة للأرض حول الشمس , أي أن دورته تستغرق من الزمن ثلاثة آلاف و ستميةسنة أرضية , يكمل فيها هذا الكوكب دورة واحدة حول الشمس , و حجمه يعدل أربعة أضعاف حجم كوكب الأرض , مما يشير إلى أن له جاذبية كبيرة جدا تفوق جاذبية الأرض بأضعاف مضاعفة . لهون الموضوع كتير عادي ........بس:- مما اكتشفه علماء الغرب أن هذا الكوكب سيكمل في مطلع الشهر القادم من مارس , 3600 عاما منذ آخر مرة مر فيها بجوار كوكب الأرض , و من المفترض أن يعيد مروره بكوكب الأرض في مطلع الشهر القادم من ربيع الأول لعام 2003 م . المهم في الموضوع هو ما ورد في أبحاث العلماء عن التأثيرات التي سيسببها مرور هذا الكوكب الضخم ذو الجاذبية العالية بكوكب الأرض , و هذا ما حاول مجموعة من الباحثين الغربيين أن يقوموا بتوضيحه للعالم , و سأستعرض لكم أهم ما جاء في بعض أبحاثهم من اكتشافات . كما أوضحنا سابقا فإن آخر مرة زار فيها هذا الكوكب الضخم كوكب الأرض كانت قبل 3600 سنة , أو ما يسميه علماء الغرب بالزمن أو العهد الآشوري , و هو العهد الذي يسبق عهد الفراعنة . و قبل مروره بالأرض في ذاك الزمان, يذكر الباحثون أن الأرض كانت تدور حول نفسها حول محور رأسي مستقيم ليس فيه أي انحراف , حيث كان القطبين المتجمدين الشمالي و الجنوبي مختلفين في مكانهما عما هما عليه في زماننا هذا الآن , و كانت جزيرة العرب تقع على مدار من الأرض هـَيئ لها ظروف خاصة , لأن تكون أرض خصبة ذات غابات و أنهار . و عندما مر هذا الكوكب الضخم ذو الجاذبية القوية من كوكب الأرض , غير من زاوية محور دورانها حول نفسها و ذلك بفعل جاذبيته العالية , فبعد أن كانت الأرض تدور حول نفسها حول محور مستقيم , أصبحت تدور حول نفسها حول محور منحرف قليلا عن زاوية الاستقامة , أي كما هي عليه من الدوران اليوم . فأدى ذلك الانحراف المحوري للأرض إلى ذوبان الجليد في الأقطاب الشمالية و الجنوبية , و تكون أقطاب جليدية جديدة في أماكن أخرى مختلفة في مكانها عن مكانها القديم , فأدى ذلك إلى ما يعرف بالزحف جليدي و إلى اختلاف توزيع الأمطار في العالم , و إلى فيضانات و زلازل و براكين أدت إلى حركة الصفائح أو ما يعرف بحركة الطبقة اليابسة السطحية العائمة على وجه الأرض , و التي بدورها غيرت تماما من شكل خارطة العالم , و غيرت أيضا من مدار جزيرة العرب التي كانت تقع عليه , فأصبحت جزيرة العرب صحراء مقفرة من بعد أن كانت غابات تجري بها الأنهار . يتوقع العلماء أن يعيد الكوكب ( X ) مروره من جوار الأرض في مطلع الشهر القادم من شهر مارس , و يتوقع أن يعيد بفعل جاذبيته العالية للأرض استقامة محورها , و دورانها حول نفسها دون أي انحراف كما كانت في السابق , و الذي سيسبب ذوبان الأقطاب الجليدية مرة أخرى , و تغيير كبير جدا لخارطة العالم , و الأهم من ذلك هو عودة جزيرة العرب إلى مدارها السابق , فتعود بفعل الظروف المناخية الجديدة بإذن الله إلى غابات و أنهار كما كانت عليه في السابق . و مما يتوقع أيضا , أن تؤثر جاذبية هذا الكوكب على سرعة و اتجاه دوران الأرض حول نفسها , فيجعلها و بشكل مفاجئ تعكس من اتجاه دورانها حول نفسها , مما سيؤدي إلى شروق الشمس من مغربها , ثم تتوقف الأرض عن الدوران حول نفسها مدة دورة كاملة حول الشمس , أي ما يعادل سنة كاملة لا تدور الأرض حول نفسها , ثم تعود الأرض لتدور حول نفسها و لكن ببطئ شديد فتكمل دورة واحدة حول نفسها في شهر كامل , ثم تزيد من سرعتها لتصل إلى دورة كاملة حول نفسها في أسبوع , ثم يعود دورانها حول نفسها دورة كاملة كل يوم كما كانت تدور دائما . ولكن المهم هون هو:-عودة جزيرة العرب إلى مدارها السابق الذي كانت عليه في زمنها القديم , فتعود إلى غابات خضراء و تجري بها الأنهار الناتجة عن سقوط الأمطار الغزيرة بسبب السحب الكثيفة التي تشكلت بسبب ذوبان الجليد في الأقطاب , و التي أيضا ستحدث بفعل تغير الظروف المناخية لجزيرة العرب . و مما يهمنا أيضا خبر تأثر الأرض بجاذبية الكوكب مما سيؤدي إلى انعكاس دوران الأرض حول نفسها للوهلة الأولى و الذي سيؤدي إلى شروق الشمس من مغربها , ثم توقف الأرض عن الدوران حول نفسها لعام كامل , فيصبح اليوم كالسنة , ثم عودة دورانها مرة أخرى على مراحل مختلفة من السرعة حتى تستقر سرعتها في دورانها على ما كانت عليه دائما . طبعا منقول....بس ليكون علمي بحت :D |
اقتباس:
-القسم الثاني اليس من الغريب عدم ذكر اقتراب هذا الكوكب من الارض في كل الاثارات المكتوبة في العصر الآشوري?! , ولا في تاريخ اي حضارة ثانية اتت من بعد الآشوريين! |
اقتباس:
عطينا الرابط أو المصدر المنقول منو هالكلام ..بصراحة عندي كم دينة بدي أوفيهن قبل ما تقوم القيامة و أبري زمتي العمى صحيتيني بعد ما كنت نعسان |
هلأ الشرق يعني مطرح ما بتشرق الشمس و الغرب مطرح ما بتغرب ,,
بفهم من هالحديث حتشررق من الغرب و حتغرب من الشرق .. قال في فيل أزرق عم يطير .. بقلو رفيقو ليش الكذب ولااه ما في فيل أزرق .. :p |
اقتباس:
|
صحيح مشان أبو جوزيف ما ينتئز ..
معلم افتراض أنو الشمس حتشرق من الغرب ما مذكور غير بالقرآن .. يعني لو بدي أحط الأديان عـ طرف .. ما في داعي لمناقشة هالشي .. لإني شروق الشمس من الشرق من الامور المسلّمة بها ... بدك تناقش الموضوع لازم تذكر أنو انذكر هالشي بالقرآن و بدنا نناقش علمياً هالشي المذكور بالقرآن .. و على عيني :D |
اقتباس:
|
اقتباس:
الكوكب اكس اكتشف عام 1930 الا انه في العام 2003 اطلق عليه (2003 يو.بي 313) انا ما فهمت شو قصدك الموضوع قديم....هاي تعد نظرية و افتراضات يعني مو شرط انها تكون حدثت هذا العام لنعتبر الموضوع جديد 2003 بتخص الكوكب العاشر x بس. |
زوروا هاللينك لتعرفو اكتر عن الكوكب اكس
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
اقتباس:
|
والله سؤال حلو ابو جوزيف بس انا ما بعرف كيف ازا وصلت لجواب ردلي خبر :lol: بعدين انت مو قلت انك رايح ولا غيرت رايك ؟؟؟؟؟
بس على كلن اهلا وسهلا فيك :D:D:D |
اقتباس:
قال وبيقلك شيلو الدين على جنب:frown: |
لك لك لك
بعدين بحكي :frown: اخي يوم القيامة ليك شو رح يصير نظريتي هية انو طالما الشمس رح تشرق من الغرب هاد يؤدي إلى انو تكون كل البشرية مجموعة سوى ليش رح تكون مجموعة سوى مشان تشرق من الغرب ع كل الناس سوى اها طيب بيحكو انو الناس رح تموت بعدين رح تنبعث ماشي هلق غربت الشمس من الغرب وكل شي تمام اها هلق بس تغرب الشمس بتدور الكرة الأرضية بالعكس الكرة الأرضية لحتى دور بالعكس في لحظة رح تتوقف فيها عن الحركة بهي اللحظة بتموت العالم بعدين بترد بتنبعث طيب اوك فصار هلق معنا انو الأرض عم تفتل باللعكس يؤدي رح تشرق الشمس من الغرب :frown: |
منيح انو بلشت تستوعب في امل منك:yahoo:
|
اقتباس:
كأنك انت مو قارئ كل الموضوع شوف اقتباس:
|
اقتباس:
بدو مراجعه كبيره :D اذا بتقصدي على ال retrograd motion بالنسبه لكوكب المريخ فهاد مو معناه انو الشمس اشرقت من الغرب عليه اذا بدك توضيح انا جاهز :D |
اخي انا سمعت انه الشمس ستشرق من الغرب
قبل يوم القيامه وليس يوم القيامه وفيك تلاقي مقالات عن هذا الموضوع في البحث في الجوجلي |
اقتباس:
حتى هذه اللحظه لم تشرق الشمس من الغرب على اي كوكب من الكواكب المعلومه حسب العلوم المتاحه لنا وما تم تناقله على الشبكه كان من اشخاص لا تعرف عن الفلك اي شيء تماما . |
اخي محمد ابراهيم
اهلا بك ايه صح بس الله واعلم قربت لانه هي من العلامات الكبرى والعلامات الصغرى تقريبا كلهن خلصوا |
اقتباس:
بس لسا ما حصلت :D |
ما قريت الردود كلها. ما بعرف اذا حدا جاوب.
بس هالشي مستحيل يصير الا بحالة وحدة. هية انو الكرة الارضية تصير تدور بالعكس |
اقتباس:
اوكي معناتا بحكيك انتي هون عم تقولي انو هالكوكب التاسع (على اعتبار انو بلوتو معد بالمجموعة الشمسية وبغض النظر انو ما سمعت لهلأ اي شي عن هالكوكب هاد - بجوز لانو خافف اطلاعي وقرايتي هالايام ) هالكوكب التاسع هادا مرق من حد الارض قبل 3600 سنة يعني اذا اجينا نحسبها فهوي مرق بالقرن التاني قبل الميلاد على ابعد تقدير معناتا من هالقرن التاني قبل الميلاد وما قبل كانت الارض تدور بالعكس يعني تشرق الشمس من الغرب وتغرب من الشرق مع انو هالشي مو مزكور ولا بمصدر علمي من قبل شغلة تانية جزيرة العرب حاولت اعمل بحث شوي عن جزيرة العرب وتاريخها لاني اشك انو كانت ارض خضرا وصارت صحرا بهالسرعة هاي طبعا ما قدرت اوصل لشي لانو بحثي كان سريع وغير مركز بس صير بالبيت بعمل بحث اوسع بس طلع معي انو انفجر سد مأرب في عام 115 قبل الميلاد فاغرق البلاد واتلف الزرع فاذا وللبد في سبب لتحول البلاد من خضراء الى صحراء هوي هالانفجار هاد وبرجع بعمل حركة بحثية بس اوصل البيت لجيب معلومات اكتر شغلة تالتة من كلامك أن تؤثر جاذبية هذا الكوكب على سرعة و اتجاه دوران الأرض حول نفسها , فيجعلها و بشكل مفاجئ تعكس من اتجاه دورانها حول نفسها , مما سيؤدي إلى شروق الشمس من مغربها انتي ماشية بسيارة وهالسيارة ماشية بسرعة تمانين كيلومتر بالساعة وبشكل مفاجئ اجا الشوفير ضرب فرام وقفت السيارة بارضا انتي شو بيصير فيكي ؟ نفس النقاش بالنسبة للارض اللي عم تمشي بسرعة 1670 كيلو متر بالساعة ناقشي وحللي وفسري واعطيني جواب بالنسبة للسؤال الرئيسي ما عندي اي فكرة بس منحاول نسالك ونبحبشلك شوي :D |
ما بدا شي يلي خلاها تطلع من المشرق بخليها تطلع من المغرب مو صعبة كتير
|
| الساعة بإيدك هلق يا سيدي 11:52 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون