|
رأيك بصراحة بخطاب الرئيس الدكتور بشار الاسد
يا جماعة هاد الموضوع مشان تحطو رأيكم كسوريين او كعرب ..بخطاب الرئيس بشار الاسد بتمنى انو تكون الاراء موضوعية سلبا او ايجابا ........وما تكون مجرد مهاترات .. يا ريت كان فيني قول رأيي المشكلة ما شفت الخطاب كامل لانو كان عندي فحص بنفس الوقت ناطر الاعادة وبعدين بقول رأيي وهلق تفضلو ....... بتمنى تكون الاراء حضارية وموضوعية ...... وشكرا |
1 ملف مرفق .
الخطاب ( نقلا عن سانا )
:D |
احنا بندخل عالمنتدر عشان نبعد شوي عن الحياة الواقعية والسياسة
قام انت بتيجي وبتذكرنا!!!!! صب صب خلينا ننسى بس عارف؟؟!!! |
ما حضرتو و لا بيهمني احضرو.............................
|
حضرتو شوي
بس فورا قلبت . حسيتو حكي كل مرة :pos: |
أنا عجبني بالخطاب ..... أنو طنّش اللبنانيين هالمرة
|
بعيداً عن اي تعصب او موالاة
الخطاب بمضمونه جيد من ناحية المواضيع اللي ناقشها و واقعي تماماً فكرة محاربة الفساد كتير منطقية ( طريقة الادارة الصحيحة ) مع استمرار المحاسبة الكلام عن الواقع الاقتصادي صحيح و بالنسبة للسياسة الخارجية سليم 100% بيجوز كنت بتمنى لو صار تحليل وحلول اكتر للوضع الاقتصادي بس بشكل عام الخطاب مريح وهادئ وهادف يلي شايف سلبيات او نقص او تقصير يتفضل للمناقشة :D |
اقتباس:
انو اخر همنا اللبنانيين بس شوي تفائلت بموضوع تزبيط قانون الإعلام ويارب يكون على قدها :D |
الله يعينو ويكفي انو رافع راس العرب :deal:
والايام راح تبين ان كان هالخطاب راح يطبق ولا لا .................بس من غير مساعدة الشعب ماراح يشوف النور ابدا :pos: |
اقتباس:
|
أنا ما سمعتو بس رح اقرأو و ببقى برد
|
الله يحميلنا الرئيس ..
يا جماعة بالنسبة إلي أنا شفت أنو خطاب أقل ما يوصف به بأنه تاريخي اعطوني رئيس دولة بالبسيطة بيصارح شعبو وبخاطبهم بالشفافية اللي منشوفا مع الأسد وبرجع بقول الله يحميك يا حبيب الشعب ويطول عمرك .:-D |
اقتباس:
|
لعمى لعمى والله المنتدى آخدين الشباب راحتن فيه تمام
لك وين كان مخبى هل الفضيحة |
اقتباس:
مبارح كنت عم حاكي واحد من اعضاء المنتدى بنفس الموضوع أنو السيد الرئيس هو و كان عم يحكي حسيت عم يحكي شي حدا من الجيران أو المعارف .. ما حسيت بالفوارق ولا الحواجز كان كلام صريح تماماً .. وأكتر شي عجبني تبريرو لعدم تنفيذ القرارات و المراسيم الكبيرة و شو هي المعوقات الي عم تكون بوجه تنفيذ هالمراسيم كمان حكا كتير عن الخطط المستقبلية لتغيير الوضع الداخلي و شرح كيف بتصير زيادات الرواتب و المنح حكا بصراحة عن السياسة الخارجية الي ظاهر ما فيها تغير .. حكا عن موضوع السلام مع اسرائيل و الي لفتلي نظري هو حديثو عن موضوع اللغة العربية و الأهتمام فيها .. أنا بالنسبة ألي شفتها كلمة رائعة وضح فيها كتير امور و حط النقط على الحروف و حكا بكل الأمور الي بتهمني كمواطن .. الحلو معدل النمو الأقتصادي 5.1 ومع تراجع اأنتاج النفطي بتوصل لــ 6.5 أو 7 .. و الي صعقني هو المبلغ الي عم تدفعو الدولة لحماية المازوت .. حيث انو المازوت عم ينباع للمواطن بأقل بكتير من سعر تكلفته على الدولة و كان الرقم الي عم تخسرو الدولة على هالشي هو 750 مليون ليرة يومياً و الأهم من هادا كلو هو الديون السورية الي وصلت لــ 3 مليارات دولار فقط و لك الله يحميك يا سيادة الرئيس و يكون معك ويرفع راسك أكتر وأكتر متل ما عم ترفع راسنا و تنصرنا |
اقتباس:
رافع راس العرب ورافع رجلينا عالفلقة ! يخرب بيت اليوم اللي شفنا فيه بيت الاسد ومخلوف والكلاب اللي حولهم |
اقتباس:
أهلين بالاخونجية وبجماعة البيانوني ...:jakoush::jakoush: |
اقتباس:
|
اقتباس:
زاهي رقم 2 |
انا كمواطن سوري عادي اتمنى من كل قلبى ان يطبق خطاب الرئيس بشار مستقبلا الى افعال وأملي كبير بالمستقبل المشرق
|
يا شباب لو حاورتو العرب ( غير السوريين ) عن الخطاب لشفتو تأثير الخطاب عليهم
أعجاب كبير بالكلام و المنطق الي عم يحكي فيه المواضيع الي طرحها السيد الرئيس من النادر ما يطرحها شي وزير مو رئيس جمهورية اقتباس:
و الله يخفف هالضغوط على سوريا لنصير من أفضل دول العالم بتكاتف الشعب مع بعضو :deal: |
اقتباس:
حبيبي بدك تنتقد ما حدا ماسكك ... بس شي موضوعي .... وين ما زتيناك بتسب ..... يحرق سماك وين عايش :? |
_طبعا ما حدا يقدر ينكر انو سوريا عم تواجه ضغوطات كبيرة وتحديات اكبر ...الشي يلي ممكن يبطئ ويعرقل السير بملفات داخلية مهمة وساخنة متل ما قال السيد الرئيس _بس هلق مثلا بالنسبة لقانون الاحزاب والاعلام ... من مؤتمر القطري للحزب و من بداية ولاايتو الاولى عم ينحكى فيهم ... منتمنى هاد الموضوع يبصر النور بأسرع وقت وبصيغة مشرفة .... بالنسبة لموضوع الاكراد كمان اسهب بشرحو والحكي عن مشاكلو وعقباتو .. والكلام فيو وجهة نظر كبيرة وصحيحة بس هاد الشي ما بينفي انو في بطأ والموضوع لازمو حل سريع وجذري يضمن حق المواطنة ... وعدم التقسيم بالنسبة لموضوع الفساد والاصلاح الاداري وموضوع المعيشة انحكى عنو كمان بالتفصيل منتمنى بأسرع وقت خطوات جدية وجريئة _وشغلة اخيرة بالنسبة لحق كل مواطن التعبير عن رأيو ,,,, والاحكام الاخيرة الصادرة عن محكمة امن الدولة والاعتقالات ..... كمان يا ريت ينعاد النظر فيهم __هلق تم التجديد ولاية جديدة سواء كنا مع او ضد هلق تم الانتخاب ..لازم نستنى الخطوات الايجابية .. وندلل على السلبيات ... الموجودة ويلي ممكن تنوجد ... بس بموضوعية وايجابية |
بالنسبة لموضوع الاعلام حكى عنو انو في ضعف و لازم يصير غير هيك
وموضوع الاكراد كمان نبه انو ما لازم نستعجل فيه منشان ما نرجع بعد فترة نضطر نعمل دراسة تانية هلق بالنسبة لقانون الاحزاب و موضوع المعارضة وموضوع لبنان بظن انو ما راد يحكي فيهن منشان ما يترك مجال لحدا يستغل الموضوع بطريق انتهازية مع اني كتير بتمنى لو لمح للموضوع تلميح بس برجع وبقول الخطاب كان كتير ايجابي :D |
والله الشباب محللين سياسيين من الطراز الاول كمان
لك يحرء حريشكم كل ما عم اتفرج على المنتدى بلاقي شغلات جديدة لك تاريني من كوكب آخر وانا مودريان |
اقتباس:
|
اقتباس:
الخطاب ايجابي .... وشفاف بس المهم التطبيق .... وموضوع حرية الرأي كتير مهمة |
اقتباس:
نورت خيو .... بما انك زنديق بحب خبرك عنا مواضيع خاصة للملحدين وحصريا .... |
اقتباس:
1-الاستقلال الغربي المستقر 2-الفلسفة الكونية البحتة 3-التواطىء السلبي 4-التمييز العنصري بين الطيور 5-الارتوازية المتعددة 6- طال عمرك فهمت شو يعني ولا عيد |
اقتباس:
كتر خيرك كتير منيح ....... وما تضيف شي لانو كتير نضيف هيك ... |
اقتباس:
اي يلعن كفرك شو القاموس اللي بتستخدمو :lol: |
اقتباس:
|
ايوا هذا يلي بدي يا ه طرو الجو بكم مزحة شباب
ودمتم لهذا الوطن فاسدين |
اقتباس:
بس شو دخل هي بخطاب السيد الرئيس ؟؟؟؟؟؟؟؟؟؟:clap::larg::larg::larg: |
اقتباس:
|
اقتباس:
أنا عن جد عم بحكي... عيد يا زلمة ما فهمت عليك.. |
اقتباس:
لعمة اي موضوع واي منتدى لك وين انا مين انا يخرب بيتكم نسيت جيب الخبزات للبيت |
اقتباس:
فرش الشب واكل الختيار .................. يالله جيب الخبز بس والله عجقة شفتهم وانا راجع |
الخطاب ؟؟؟؟؟؟؟؟؟؟
خطاب الرئيس السوري بشار الاسد
سمعته بوضوح اذا كان هادء بعيد عن الانفعال والخطابه اما بما تطرق اليه فكان تعداد للنجازات التي تحققت وبعض الاخفاقات في الاصلاح وصعوبات الاقتصاد على صعيد السياسه الداخليه كانت مشكله الاكراد لافته في الطرح وبشكل جيد وواضح قانون الاعلام والاحزاب ايضا كانت الرؤيه واضحه لا قانون في ظل تعسر الحياه السياسيه, اي قانون احزاب لبنان فلسطين العراق مغيبه عن سابق اصرار وتصور ازعم ان هناك شيء ما يمنع من تداول المواضيع الاقليميه والسبب يعود الى حوار في الغرف الخلفيه قد يعيد الى الاسد المبادره في مواضيع شتى اختفاء السياسه بقدها وقديدها من الخطاب يثير الشك ان العمليه التكتيكيه في اوجها ونتائجها قريبه عربيا ودوليا ومن الحنكه السياسيه ان الاسد بداء يقطف ثمار فشل الامريكان في العراق وعدم مصداقيتها كراعي لعمليه السلام بشكل عام خطاب تكتيكي بمتياز تلونه ساعات الترقب بظل كثيف من الهدوء . |
اقتباس:
|
| الساعة بإيدك هلق يا سيدي 20:47 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون