|
على راسي الشعب السوري
كنت عم احضر مبارح برنامج ( منبر الجزيرة ... أكيد على قناة الجزيرة )..و كان محور الحلقة هو السؤال هل يحق للدولة أن تراقب المساجد ( أو تتدخل بأمورها ) ... و هل دور المساجد ديني أو سياسي كان في استفتاء من ( سوريا و مصر و اليمن و المغرب ) و كانت النتائج : 100% من السوريين كانو مع تدخل الدولة بالمسجد و مع حصر دور بالمسجد بالعبادة فقط و مع فصل الدين عن الدولة ( مع العلم أنو يللي انطرح السؤال عليهم من شرائح اجتماعية و عمرية مختلفة و من الجنسين ) بينما كان 100% من المصريين ضد تدخل الدولة بالمساجد و مع توسيع دور المساجد لتشمل حتى الحكم باليمن الأكترية كانت مع توسيع دور المسجد ليشمل جميع نواحي الحياة بالمغرب ................ بصراحة ........ ما فهمت شي من كلامهون و استقبلوا بالحلقة اتصالات من أكثر الدول العربية .... و كان الجميع ضد تدخل الدولة و مع ارجاع دور المساجد كما كان من 15 قرن و الجميع نسوا باقي طوائف الوطن ....و هل من العدل أن يحكموا من المساجد .... و هل رجل الدين مؤهل للعمل السياسي هلأ يللي لفت نظري مو موضوع الحلقة بحد ذاتو يللي لفت نظري هو تميز الشعب السوري عن كل الشعوب العربية و أنو هو الشعب الوحيد يللي قدر يتجاوز التقاليد و العادات البالية و هو الوحيد يللي ربي على ثقافة احترام الآخر...و أكيد هو الوحيد المؤهل لعيش بمجتمع علماني حقيقي بقى ...تحية للشعب السوري يللي يوم بعد يوم عم يثبت أنو شعب واعي و على قدر كبير من الثقافة |
:ss: :clap: :larg: :deal: :ss:
|
شو بدك بالحكي شعبك السوري علماني بالفطرة " :lol: "
|
اقتباس:
ما بعرف اذا كلامي مزبوط بس يمكن هاي الايجابية الوحيدة في الحكم السابق .. !!! (بتمنى حدا يصححلي هالمعلومة اذا خطأ .. اذا كان للحكم السابق دور في ترسيخ هذه الفكرة عند الشعب السوري طبعا دون انكار للعوامل الأخرى.) بضل في ثقافة عند الشعب السوري أعلى من غيرها من المجتمعات العربية (ما بعرف هيك بحس من تجربتي) !! |
100% من السوريين كانو مع العلمانية؟؟؟
اي شو هالخرطة هاي!! يمكن مفكرين انو المخابرات عم تعمل هالتقرير :o |
اقتباس:
|
اقتباس:
بس كرأي شخصي لو قسمنا الشعب السوري لطبقتين .. الطبقة العليا , دائماً بتلاقي أفراد هالطبقة بتتغنا بالعلمانية و مع إني ما بتمت للعلمانية بصلة , بس كل شي خروج عن ما يسمى بالقيم و الأخلاق كان ( و ما زال ) عم يندرج تحت بند " فصل الدين عن الدولة " .. أما طبقات الشعب السفلى ( العوام ) , فكانت و ما زالت عم تعيش في دوامة فكرية و ما هي مستعدة تفكر بالعلمانية لإني همّا الأوحد كيف تحصل الخبز .. و الخلود لنضال أمتنا المرير , :lol: |
اقتباس:
والعوام .. مو فاضيين يفكرو بهيك شي .. والطبقة المتوسطة؟ والطبقة النخبوية ؟ .. بس اللي فعلا قد يؤمن بالعلمانية من هذه الطبقات ! يعني انا عم اطلع عسوريا من برا سوريا .. فما بقدر اجزم بشي .. بس بحس انو كطابع عام الدين ما عم يتدخل بالسياسة وحتى الناس ببعضا مع عم يكون في مشاكل على اساس ديني متل غير دول. |
اقتباس:
|
الحكومات العربيه اصلا ضد الدين يعني بالاحرى الامام ازا بدو يخطب متل ما بدا الحكومة ;-)
|
السوريين شعب متفهم و متعايش مع بعضو من يوم يومو بكل اديانو و طوائفو واقل شعب بيصير بيناتهم او حتى صارت مشاكل دينية او طائفية و هاد شي بيعرفو الكل و كمان الكل بيعرف انو الدين و السياسة ما بيلتقوا بوقتنا الحاضر ابدا لانو رح يخدم اشخاص معينين و بس و رح يصير في تلاعب بالدين مشان اغراض سياسية فالافضل يضل الدين لحال و السياسة لحال
|
الحمد لله على افشال خطة القناة باظهار الرأي الآخر فقط !!!!!!!!!
|
انو من الطبيعي تطلع النسبه هيك
بس اكيد وبرجع بأكد متل ما حكو الشباب هي نسبة العالم المتصلة او اللسي شاركت بالبرنامج انو بربك مين عنا بسوريا عندو ديجتال وبيتفرج ع الاخبار والبرامج السياسية غير العالم الواعية والعلمانية إلى حد ما وخاصة ع قناة الجزيرة |
اقتباس:
|
اقتباس:
و مع حصر دور المساجد بالعبادة .... و انا مو مستغرب هالنتيجة ... لأنو نحنا أول شعب عانى من الأصولية |
اقتباس:
بس لحد الآن ما قدر يطلع من انتماءو الطائفي يللي بأكتر الأحيان بيتفوق على انتماءو الوطني |
لا لحكم المساجد ...
قال مساجد ؟؟؟؟ طبيعي تكون نتيجة التصويت من مصر واليمن 100% ضد التدخل لانه بعيد عنك شعبين ما عندن لا ثقافة ولا حضارة ومتمسكينلي بخزعبلات الدين ... يا سيدي على راسي الدين بس مو على حساب الحياة العامة ولا على حساب الدولة وقتها ولا على حساب حرية الاشخاص ... هي اوروبا ما صارو ملاح الا لما تعلمنو .... وعلى كل تحية للشعب السوري وانا افخر اني من مواليد دمشق وانتمي لها .... وتحيا سوريا وشعبها واللي صوتو مع تدخل الدولة ..... روووووووووووووووووووووووووووح |
اقتباس:
بس قلنا انو الشعب السوري هو أكتر شعب عربي مؤهل لينتقل للنظام العلماني و هو الشعب العربي الوحيد يللي ممكن يتقبل فكرة فصل الدين عن الدولة |
اقتباس:
نحنا عم نحكي عن الشعوب العربية |
اقتباس:
بس ما بظنها الايجابية الوحيدة ..... كما أنو هناك الكثير من السلبيات و كمان الشعب السوري بطبيعتو شعب منفتح ....... و بيتقبل للآخر و عندو القدرة و الاستعداد دائماً للتطور ( يعني مو متقوقع متل كتير من الشعوب العربية ) |
اقتباس:
بس قصدي بين الفرق عن غير شعوب و خاصة أنو الناس يللي شملهم الاستفتاء من باقي الدول ....من نفس السوية الاجتماعية و الاقتصادية بس جوابهن كان غير |
اقتباس:
|
اقتباس:
انا معك انو يمكن الاكترية هيك وانو الشعب السوري شعب واعي ومنفتح وهالشي بيرفع الراس بتمنى يكونو الاكترية |
اقتباس:
طلعت معي هيك ... خلينا نقول أحد ايجابيات الحكم السابق .. :lol: وأكيد في بعض الايجابيات والكثير من السلبيات بس هاد مو موضوعنا هون .. |
اقتباس:
بعتقد رفيق ان الحكومات العربية هي الاكثر تبني للدين لان مفعول الدين متل مفعول الحشيش بعقول الشعب ويعني كل المصايب تبع الحكام بيصير مصدرها الاهي وبالتالي الرجعية والسلطة هن عبر التاريخ حلفاء مابيتخلو عن بعض |
بعتقد ان المشكلة مو كامنة بالي عندن مصاري بتكفي ليحكو مع الجزيرة ليعبرو عن رايهم
بعتقد الرجعية بالعة الفئة الي ماعندها مصاري لتاكل وتشرب وهن شريحة كتير كبيرة بشعبنا وبعتقد شباب ان المتابعين لنشاطات المراكز الثقافية راح يلاحظ الاقبال الكتير كبير لما بيكون الموضوع الوعلاقة بالدين وكمان الاعداد الهائلة بصلات الجمعة بالمقابل في كتير ندوات بتكون كتير قيمة بيكون عم يحظرها 10 الي 15 واحد نصهن من حبال المضيف مافينا ننكر ان الرجعية ناخرة بقسم مابيستهان فيه من شعبنا وهاد الي نازم الدولة والشباب الواعي ان يطوقو ويحاول يغير وضع مو يستهان فيه ويصغر من قيمة اسف عكتر اللعي |
اقتباس:
بس لبنان من اكتر دول العالم عنصرية و طائفية و لأعلى الحدود و بالنسبة للموضوع مو غريبة على شعبنا الي عانا كتير من الأصوليين و كل الشعب السوري بيعرف انو لما بدها تولع الخلافات الطائفية والدينية بسوريا ما بتنطفى ( لكثرة الأديان و المذاهب و الملل ) و أروع شي .. الدين لله والوطن للجميع ..... |
اقتباس:
انا بحكي اذا جردنا الشعب اللبناني من طائفيتو .. يعني كثقافة وانفتاح فقط .. بيقدر يستوعب العلمانية .. بس اكيد بوضعو الحالي وبهالطائفية الموجودة ما رح يقدرو يعملو هالشي .. هاد اذا بدهم يعملو اساسا .. لانو كل طايفة بهمها الحكم .. المسيحيين بهمهم يكون الحكم بإيدهم .. والمسلمين من بعض الجماعات بهمهم يكون الحكم بايدهم .. وهكذا ........ |
اقتباس:
انشالله لقدام دائما .. :D |
بدي اقرا الموضوع وارد عليه
بس المشكلة تخورفت بالفاتورة تبعت المحل يحرء اختو اللي رجع الشهر الجاي :p |
اقتباس:
متل الحزب الشيوعي و القومي السوري و حركة الشعب و غيرون كتير بس نسبتهون لسا زغيرة بالنسبة لعدد الشعب اللبناني |
اقتباس:
اي فهمان عليك بس انت قلت انو الاستفتاء جمع عالم من مختلف طبقات الشعب. بعدين معلم, يمكن نحن عانينا من الاصوليين بسوريا. بس لسى عنا كتير اصوليين. وبظن هون منتدى اخوية اكبر مثال. دايما بيدخل عليه ناس من سوريا. اصوليين ومتشددين ومتعصبين كمان. |
اقتباس:
بس مو هاد محور الموضوع القصد من الموضوع اظهار الفرق بين الشعب السوري و بين باقي الشعوب العربية |
اقتباس:
|
اقتباس:
انا على علمي ان الشيخ مرتبط بالله يعني بين قوسين مابيخاف غير من الي خلق وبالتالي نحن امام خيارين 1-يا المشايخ عم يعتبرو الحكام هبة الله للبشرية وبالتالي هن بيسروا امور العباد لمصلحة هالحاكم العادل(تحالف رحعي-مستبد) 2-يا المشايخ اتحول ربهن من الله (عزج) الي الاب القائد والمنظمة الحزبية وبالتالي ماعادو مشايخ للاديان بل عناصر مخابرات وهاد الشي مو عسبيل الحصرببعض المشايخ لا بل بيطول الكل والشيخ الي خايف من البلبلة مابيعرف ان الله اكبر (حسب معتقدات) من كل شي ؟؟ |
أول شي بدي قولو لرفيقي و صديقي الأممي أنو يسلملي ربك و أنا معك للعضم بكل شي حكيتو :deal:
كمان بحب إشكر مادو العظيم على هيك موضوع :D الشعب السوري يا شباب بعتقد أنو ممكن يتقبل التغيير و التطور بس مو لأنو منفتح وواعي ، لأ في طبقة كبيرة من الناس الشعبيين يللي تعلقن بالدين كبير كتيير و رح يصعب التأثير عليهم .. بس بشكل عام فينا نقول أنو نسبة لا بأس بها من الشعب السوري مع العلمانية كونو نحنا تربينا على نظام و حكم علماني و مبني على احترام الآخرين و تقبل الآخر .. بس السؤال هل هذا الإحترام و تقبل الآخر نتيجة وعي عند أفراد الشعب أم هو خوف من أن يتهم بتهمة الطائفية و بذلك يخضع لمحاسبة عناصر الأمن و وقتها الله يعينو ؟؟:?::?::?: يعني هل هو ناتج عن وعي أم عن خوف ؟؟؟؟؟:?::?::?::?::?: |
اقتباس:
يمكن التنتين بس بعتقد التانية اكبر من الاولي وهاد هوه الي مخوفني ....ان في لحظة اهتزاز االاجهزة الامنية(لآسامح الله) راح يشكلو القسم الرجعي بالتيارات الاسلامية خطر حقيقي بيهدد الوفاق الوطني عنا بالبلد وساعتها البلد راح تعاني كتير كتير من حكم الناطقين باسم الله وعلة راسي تحيتك ملاحظة:رفيقي عملت مشاركة بقسم الصور بعتقد انها راح تعجبك وبتظل الراية حمرا :D |
شو هالدين
شو هالدين التافه اللي عم تحكي عنو لسا عملولنا المسجد الاحمر والاصفر والازرق لك يضرب الاسلام والنصارى واليهود بقلب بعضن بس تحية للشعب السوري على هالاجماع كيف ما كان يكون
|
اقتباس:
بس لما الشغلة بتتعلق بتصويت ببرنامج تلفزيوني ...ما بظن رح يكون في حاجز خوف كبير كمان لا تستغربو كتير أنو صارعنا أجيال واعية (نسبياً ) لأن سوريا محكومة بنظام علماني من 44 سنة و كمان الناس عم تشوف الأصولية شو عم تعمل بباقي البلدان ...و الوضع مو خفيان على حدا المهم شو ماكنت الاسباب ....برجع و بقول :على راسي الشعب السوري |
اقتباس:
|
| الساعة بإيدك هلق يا سيدي 08:15 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون