|
هل أنت مع تدخل خارجي في سوريا؟
أنا رح حط استفتاء والغاية بتوقع أنكن بتعرفوها...
أول شي منصوت.. وبعدين منشوف شو بيبين معنا لنتناقش.. مع التحية للكل.. بلا استثناءات لأنو حاج استثناءات |
خيو أنا بدي صوت بس من بين الإجابات ما لاقيت إجابة شافية للي في مخي ..
أنا ضد التدخل الأجنبي لو بدي أعيش تحت خمام البعثيّة خمسمية سنة تانية .. ببقو ولاد بلدي .. ولو شو ما صار يصير .. تشكرات أفندم :D |
والله يا صديقي يا ريت تعدل الخيارات واذا في اتصال بصديق تحطها
انا قطعا ضد التدخل الاجنبي اقر أ التاريخ الحديث بتعرف ليش |
اقتباس:
ما لاقيت احلى من كلامك اقتبسه , يا سيدي كلام معدل ... :D |
أنا ضد التدخل الأجنبي بس بدي ديموقراطيي
لأنو أنا بدي حرر سوريا من حكم البعث و الاحتلال بعمرو ما كان تحرير |
لا ... مو مع تدخل خارجي مطلقاً ولا بأي شكل من أشكالو
لأنو ما حدا بيعرف البلد قد أهلها و التصوت كان انا بعتقد أنو الحكومة قادرة تصلح البلد ( على الرغم من النقاط العديدة الي بحطها على سياستها الداخلية ) |
اقتباس:
تماما ....:D |
انا طبعاً ضد التدخل الاجنبي باي شكل من الأشكال لأن شفنا الديموقراطية الواعدة بالعراق
بس كمان بدي ديمقراطية طبعاً انا ما بيهمني اذا كانت الديموقراطية من النظام الحالي وللا لا يعني لو النظام الحالي غيّر استرتيجياتو وصار في ديموقراطية اكتر فبأيدو اما انو نضل على الوضع الحالي فصعب شوي |
اقتباس:
انا ( رأيي الشخصي ) انو نحنا شعب هاللا مو جاهز للديمقراطية ..... |
اقتباس:
نحن شعب همجي تم تهميش رأيه العام .. على مدة عدة عقود بل قرون .. قصة أنو بين يوم و ليلة يصير عنا ديمقراطية بطق عقلنا .. و ما منعود منستوعب .. بقا خليا عم نمشي دادي دادي .. لنشوف آخرتا .. على عيني معلم تايغر :D |
اقتباس:
|
اقتباس:
بس كمان كتير بطيء عم نمشي لوقت ما نصل لذروة الديمموقراطية يكون الله اعلم وين وصلت الدول التانية |
ما بعرف شو المقصود بالتدخل الخارجي.
انا شخصيا ضد التدخل الخارجي (العسكري) التدخل الاجنبي رح يكون يا اما عسكريا, يا اما رح يكون ضغط على الدولة, وبالحالتين التدخل ما الو طعمة لانو رح يهلك رب الشعب, ورح يكون النظام التاني تابع لهلدولة الاجنبية. وضد انو نضل متل ما نحنا لاكني مع المساعدة من قبل الدول الخارجية. (استفادة من خبرات, مساعدات اقتصادية, مساعدات سياسية) تحت النظام الحالي. (طبعا اذا لان اذا ما حدا اشتغل تحت هالنظام بالوقت الحالي. رح تفلت عالاخر. بكل الاحوال انا من رأي بلاك و تايغر. ما لقيت خيار عبالي راسي. بس خيار "حسب نوع التدخل وطبيعتو" حسيتو افضل الخيارت. (حسب من انو منطلق بدك تاخدو) |
أكيد أنا ضد التدخل الأجنبي
و بعدين البلد عما تتحسن |
اكيد .................. ضد
|
ما بظن أنو أكتر السوريين معارضةً رح يكون مع التدخل الاجنبي ( قصدت السوريين ...و ليس مدّعي الجنسية السورية )
قال ما متت .........ما شفت مين مات ..؟؟  |
اقتباس:
هو صح بسيط بس كتير مهضوم |
اكيد ضد التدخل الاجنبي من أي كان فليكن ولكن مع الديموقراطيه
مع اصلاح كافة مؤسسات الدوله . أي تدخل خارجي لح يكون كارثي ع البلد حتى تصويت قبل الاخير (حسب نوع التدخل وطبيعته) يعني كيف حسب التدخل يعني في تدخل ابن حلال وتدخل أبن حرام ؟ شو عرفنا بنوايا |
اقتباس:
|
اقتباس:
|
تاريخيا مافي ثورات استعانت بقوة خارجية إلا بقيت مكبلة معها .. و أكبر التجارب و أوضحها هي تجربة الثورة العربية حيث و لأسباب سياسية تلقت الدعم من الدول الأوروبية للقضاء على الدولة العثمانية " أو ما كان متبقيا منها " و بعدها انتو بتعرفو شو صار .. بقيت دولنا محتلة الى أن تحررت و تم الجلاء ..
و شعبنا صحيح مش مستعد للديمقراطية و مفاهيم الديمقراطية و الحرية غير متبلورة عند الشعب السوري .. لكنها مع الزمن و ضمن أخطاء سيتحسن الوضع و لكن إذا اليوم ابتدوا ممارسة حرياتهم و ديمقراطيتهم الفعلية فلن يكون هذا التبلور إلا بعد 20 الى 30 سنة .. فلا لتدخل خارجي بشكل عام و لا لتدخل أمريكي أو فرنسي بشكل خااص |
اقتباس:
|
اقتباس:
ياعيني على هالجملة الاخيرة مامتت بس شفت مين مات على كل طبعا انا ضد قلبا وعقلا وبرايي عم نتقدم شوي شوي بخطا الديمقراطية وعم تصير شوية اصلاحات (ومعو معو بيصير معو) وما بدي يصير معي بسرعة تجبلي الجلطة طبعا:sosweet::deal: |
اقتباس:
اقتباس:
اقتباس:
الزلمي عم يتمسخر أنو شو في تدخل ابن حلال و تدخل ابن حرام يعني قصدو أنو كل تدخل غلط اقتباس:
|
اقتباس:
هلا بدي اسالك سؤال اذا جبت شخص من أفغانستان وسلمتو جهاز كمبيوتر يا ترى بيعرف يتعامل معه مو لازم أول شي تعطيه الراديو بعدين التلفزيون بعدين تعلمو مبادئ الكمبيوتر . |
اقتباس:
بس الله يرحم |
اقتباس:
محسوبك مخو دبق .. اشرحلي و بأدق التفاصيل إذا سمحت ..! |
بعتقد يا شباب أنو شعبنا ما بيلبقو ديمقراطية و لا بشكل من الأشكال لأنو الديمقراطية لا تمنح لمين ماكان و إلا بيستغلو أسوأ استغلال :D
|
اقتباس:
بس بتوقع انك عم تحكي عن فترة الخمسينات بالقرن الماضي مزبوط كان في بهالفترة تداول للسلطة بس أبداً ما كان في ديمقراطية لأن التداول كان يصير اما بانقلابات عسكرية ...... أو بتدخل خارجي ( مباشر أو غير مباشر ) اذا قصدك فترة تانية ....... يا ريت تخبرنا |
اقتباس:
شباب الديمقراطية مو وجبة جاهزة بنشتريها من السوق ..... الديمقراطية بدها تحضير و بتجي على مراحل و اي كلام غير هاد رح يصير فيها بالتأكيد دم !!! ..... و قدامنا في اكتر من مثال عم بيصير و هادا ياللي ما بدنا ياه كلياتنا ..... |
اقتباس:
شعبك (( شعبنا )) هالشعب ما بيستاهل المكانة اللي انت و غيرك عم تحطوه فيها هالشعب هني انت و انا و اهلك و اهلي و اللي زرع فينا انه هالشعب ما بيستاهل الديموقراطية ما زرعها الا لحتى من خلالنا يستغل هالشعب البسيط و الطيب و يمارس عقد النقص اللي جواتو 0 |
أنا خايف عليها ..وتلفان بيها .. الشام دقة بالقلب . لوتباع .. كنت اشتريها ..
وأنا ضد الديموقراطية ..لأنها مخلوق خرافي .. |
أنا مع الديمقراطية وحرية الرأي شرط أن تكون تلك الديمقراطية تصب بمصلحة الشعب والبلد فقط ولامانع من ان نرى اراء معارضة لسياسة الحكومة وسياسة الرئيس بشار شرط ان تكون تلك الاراء ايجابية وبنائة وتصب بمصلحة الوطن وابناؤه
وأنا ضد التدخل الاجنبي بأي شكل من أشكاله لأن التدخل الاجنبي تهمه مصلحته فقط وحتى ولو تم سحق البلد واكبر مثال مايحدث الان في العراق ... الموت لفريد الغادري عاشق التدخل الاجنبي :x |
اقتباس:
برأيك هل من سيقوم بحمل أعباء نشر الديمقراطية والرأي الحر هم من الفلاحين والطبقة العاملة الكادحة والبسطاء مع احترامي الشديد لهم لأنهم جز لايتجزأ من شعبنا أم سيقوم بحمل أعباء نشر الديمقراطية الطبقة المثقفة والواعية والطبقة المتعلمة والمؤهلة يعني بدي اسألك هل شاهدت فلاح أو عامل بلدية أو عامل بناء أو حتى مكيانيكي من المنتمين الى فئة المعارضة ؟؟؟ سؤال اخر اريد ان اطرحه عليك وعلى الاعضاء برأيك من هو أفضل من ناحية الثقافة والتاريخ والحضارة الشعب السوري ام الشعب الموريتاني انا برأيي لم يكن هناك شيء اسمه موريتانيا قبل عام 1950 بينما سوريا والشعب السور ي قديمين قدم التاريخ وابناء سوريا هم من ساهموا بنشر الحضارة والثقافة والعلوم وتاريخنا واثارنا شاهدين على ذلك ... لكن انظر الى موريتانيا تجد انها اول بلد عربي يقوم بعمل انتخابات ديمقراطية شفافة نزيهة..بل واصبحت من اوائل البلدان العربية والافريقية بنشر الاراء الديمقراطية بكل حرية وبدون اي تهديد من السلطات المحلية يعني اي شخص موريتاني اصبح قادر على انتقاد سياسة رئيسه بكل حرية في حال وجد ان رئيسه يقوم باعمال تضر بالمصلحة العامة ومصلحة الوطن .. فهل تستكثر على الشعب السوري ان يحصل على الديقراطية التي حصل عليها الموريتانيين ؟؟ وهل شعب سوريا العريق والمثقف والتي تجد به نسبة الأمية من أقل النسب في العالم العربي نقول عنه انه غير مؤهل للديمقراطية بعد !!!! على مااظن انه من حقنا نحن السوريين ان نواكب الدول المتقدمة في مجال الديمقراطية وابداء الرأي الحر مادام انه لدينا المؤهلات لعمل ذلك ولا الاخ الاخر الذي يشبه الافغاني بالمواطن السوري !!! شو جاب هاد لهاد !!! ارجوا ان لااكون قد اطلت عليكم وتحياتي ... :D |
اقتباس:
شيء اخر تشبيهك للسوري بالافغاني اكبر غلط ...هاداك عايش بالكهوف وحالتو حالة ومابيعرف يقرأ ويكتب بينما الشعب السوري اقل واحد فيهم معو كفاءة ... ولله الحمد نسبة الأمية بسوريا ضئيلة جدا واغلبهم من كبار السن والعجائز تحياتي :D |
انا ضد التدخل بأي شكل من الاشكال شفناوقت دخلت اميركا العراق
منشان تعمرها ((أما شو عمرتها عمارة)) كيف هلأ عنا لا انا بفضل عيش كيف منكان بس بدون تدخل وبعدين شفنا التدخل بالخليخ وكيف صار عندهم تسيب من الامور الدينيه :D |
دبور وعم يزن ع خراب عشو ......... ...:?
تدخل خارجي......... يعني دمار يعني اعاده للفلم العراقي بغير مكان وبغير زمان و بسيناريو تاني :sick: |
اقتباس:
اقتباس:
غريب اقتباس:
اقتباس:
اقتباس:
الموت لفريد الغادري اقتباس:
|
ممكن لكن تشوفو النتائج وتجاوبوني ليش نازلين ببعض تخوين؟؟
|
ع فكرة النتيجة شي كتير كتير كتير بيبسط ..
بس .. في شغلة أنو مما حدا بيجاهر بكلمة انو بدي اميركا تفوت .. بتخوف هي |
| الساعة بإيدك هلق يا سيدي 02:01 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون