|
لماذا!!!!
صباح الخير اخوية... سؤال يطاردني منذ مدة وترددت كثيرا في طرحه عليكم هنا بالاخوية ... لماذا!!!! لماذا الصراع الدائم بين اصحاب الديانات السماوية الثلاثة حول من منا سيدخل الجنة ومن سيدخل النار!!! لماذا نصر دائما انه حتى يدخل اصحاب احد الديانات الجنة لابد من دخول اصحاب الديانات الاخرى النار!!! لم لا يكون لكل منا جنته ونارة... فوصف الجنة بالديانة الاسلامية مثلا لا يختلف كثيرا بينه وبين الجنة في الديانة المسيحية أو اليهودية.... فلم لا يكون لكل دين جنة ونار.. بمعنى انه مثلا عندنا في الاسلام الجنة لها شروطها والذي يخالف هذه الشروط هو من يدخل النار.... ونفس القصة في الدين المسيحي والدين اليهودي.. لم نصّر على انه هناك طائفة واحدة هي التي تدخل الجنة وبقية الطوائف والديانات ستدخل النار:? اتمنى ان تكون وجهة نظري وصلت وسؤالي الان......
في انتظار تعليقاتكم:D |
كلامك منطقي يا منوشة وعنجد كل دين بيتهم التاني ودائما كل دين بيحاول يشوف اخطاء بغير دين بس شو الفائدة ما بعرف
انا الجنة فأكيد كل انسان رح يفوت على الجنة لا محال يعني بعتقد حتى البوذي رح يفوت على الجنة أخرآ لأن مو معقول البوذي مثلا مانو عامللو ولا شغلة كويسة بعدين بعتقد انو الاسلام والمسحيين واليهود هن الاوائل يللي رح يفوتوا على الجنة بحسب كل واحد وسيئاتوا وحسناتو يعني ممكن يهودي يسبقني على الجنة لانو عامل سيئات أقل مني يعني الواحد بيأكللوا كم سنة بجهنم وبعدين بيطلع على الجنة وشكرا كتير على الموضوع منوشة |
انا بقدس الديانات التلاتة
وعرف انو كل البشرية بتعبد الله بس كل واحد حسب دينو وتعاليمو وتعصبو :D |
اقتباس:
انا من جهتي بؤمن انو في اكتر من جنة لانو في عالم بتكون مشتغلة اكتر من عالم ف من الظلم انو تنحط مع العالم اللي ماكانت تشتغل زيادة ولما انو الله عادل كل واحد رح يحصل على جنتو لا طبعا انا ما بعتقد انو ديانة وحدة يلي رح تفوت عالجنة والباقي يندك بالنار لانو المسلم بيعبد ربو المسيحي بيعبد ربو اليهودي بيعبد ربو فبالتالي الرب مارح يفرق بينون بس رح يكون كل شي بدرجة مختلفة يعني كل واحد وعملو |
اقتباس:
عجبتني كتير القطعة الي بتقول فيها انو كل واحد رح ياكلو كم سنة جهنم :o شكرا على المرور والتعليق:D اقتباس:
اقتباس:
في انتظار باقي الردود والتعليقات:D |
انا بقدس كل المنتديات وكل المعتقداااااااااات
وبكره انو حدا يغلط على دين غيروو وبس |
هالسؤال يا سيدتي العزيزة برسم الشيوخ وعلماء الدين...يعني بدك تسأليهم وتشوفي كتبهم لحتى تقدري تفهمي لماذا..!!!
وبعتقد كمان ع الانسان انو يحاول بذاتو يفهم لماذا... يطرح هالسؤال ع جوهر ذاتو ... ولعلك كمان تعرفي انو بكل دين طوائف وكل طائفة بتقول انها صاحبة مفاتيح الجنة...يعني خلينا نبدأ من دين واحد لحتى نطلع لبقية الاديان... شنو متل ما بتعرفي بكل دين في فرقة ناجية والبقية بمزبلة النار وجهنم.. وشكراً ع طرح السؤال ...وبتمنى شي عالم دين من هالديانات السماوية يجي ويدلو بدلوه... |
اقتباس:
اقتباس:
أنا بسأل عن رأي كل عضو بدو يجي يحط تعليق على الموضوع وعلى كل حال..... نورت:D اقتباس:
|
اقتباس:
أسير ؟؟؟؟ حبيبي إنتي من وين بتجيب الحشيش و إنته عم تتصفح أخوية على الحلال مافي منك أكابر و فهيم بهالمنتدا كلوا الله يديمك لأخوية ولاهل حارتك ولبلدك ......إي ها هادا الكلام يلي بينسمع مو متل كل واحد بدوا يجي يصير من ورا الكيبورد تبعوا ..دكتور ومهندس وقاضي ومفتي وهو بالحقيقة حقوا فرنجين تحياتي لئك ولصاحبة الموضوع الحاج متولي |
اقتباس:
وانتي كمان نورتي...:D |
اقتباس:
منوشة يا عيوني انا ما طلعت عن الموضوع لا بالعكس أنا عم برد بصلب الموضوع و أكبر دليل إني رديت على تعليق اسير و أبديت إعجابي برايوا أما بالنسبة لصلب الموضوع فانا رح بسطلك الامر الجنة و النار هما عبارة عن ثمرة تستحقينها لاعمالك في الدنيا .....على إعتبار دينك كما ثمرة البنون لكل ولد في هذه الدنيا إم واحدة و اب واحد فقط ...وثمرة تلك العلاقة بين الزوج و الزوجة هي الأولاد..لا يمكن أن يكون للولد أكثر من أب او اكثر من إم واحدة فالجنة لدين واحد و لاعمال مذكورة له في كتابه ..الحلال بين و الحرام بين كل واحد مسؤول عن دينوا و عن أعمالوا .......... مافي واحد بالدنيا بيتقبل إني يعفي عن مجرم إرتكب جريمة قتل ....حتى لو كانت أعمالوا في الدنيا قبل تلك الجريمة ...جيدة ..إن تلك الجريمة لا تعفيه من العقاب ...و عقاب القتل الإعدام ...فهل بعد الموت حيات في الدنيا أرجوا أن تكون الفكرة وصلت و أنا آسف على الإسائة |
اقتباس:
شكرا فعلا على مرورك وعلى التعليق الرائع وبالنسبة للأسائة ;-) انسى:D |
سلام :D .... شكرا منوشة ... حلو موضوعك :D
بتعرفي منوشة ! الاصل مو هيك .... الاصل انو بكل الاديان مطلوب الايمان بباقي الكتب السماوية ..... خليني احكيلك .... هلأ بالاسلام اللي ما بآمن بباقي الاديان بيكون خارج عن الملة، لانو الركن التالت من اركان الايمان هو الايمان بالكتب السماوية. لكن بهالزمن... المتعصبين والمتطرفين هن اللي عم بيعطوا هالفكرة للناس... فكرة انو واحد منا هو اللي رايح ع الجنة .... اما بالنسبة للجنة والنار ....باعتقادي انو كل انسان مصيره الجنة دام بآمن بالله ... يعني ان كنت بتآمن بالله سواء كنت مسيحي او مسلم بدك تدخل الجنه آخر شي ... طبعا باختلاف المراتب حسب اعمالك. وعلى فكرة مافي فرق كبير بين الاسلام والمسيحية ... انا قريت الانجيل تقريبا كله لما كنت بالثانوي ... وقدمت مشروع عن الفرق بين الديانتين ... اكيد في فروقات بين الدينين.. وفي اختلافات كبيرة ببعض النقاط ... بس بالآخر هن التنين هدفن واحد .... عبادة الله اما اليهودية .... مابدي اقول رأيي فيها .... انا قريت التوراة وهادا كتابن التاني -نسيت اسمه- .... فيه اشياء غريبة ...بس منن لربن ... انا مادخلني :pos: اما الحاج متولي .... فكلامك ما اقنعني ... رحمة ربنا كبيرة.. وبتسع كل الناس اقتباس:
مو انت اللي بتقرر اذا الله بدو يعفي عن حدا او لأ :D وبدي اسألك سؤال: .... مابتقدر تجاوب او تضيف رد من غير ماتتمسخر !!!! :? |
اقتباس:
شكرا اولا على اهتمامك بالرد على الموضوع :D ثانيا بالنسبة للرأي الي طرحتيه هنا فأنا معاكي في ان الي ما بيآمن بباقي الاديان حسب الاسلام بيكون خارج عن الملة ولكن انا هنا مش بدور على إن كان المسيحية او اليهودية اديان موجودة فعلا أو لا.. انا سؤالي هو إن كان هناك جنة واحدة يدخلها المسلمين والمسيحيين واليهودييين سوا ولا لكل دين منهم جنة مختلفة تقدري تقولي كده عندي اصحاب كتار مسيحيين وبدي اتطمن علي مستقبلنا سوا:lol: لا تعالي نحكي جد انا هالسؤال فعلا براسي وجد بتمنى لاقيلو جواب ... شكرا دودي مرة تانية على المرور والتعليق وبالنسبة للحاج متولي .... هاد تعودنا عليه يعني شوفي كم مشاركه ليه بالمنتدي ما فيهن مشاركة واحدة بعتقد من غير ما يتمسخر:o نورتي الموضوع:D |
اهلين منوشة :D وصباح الخير مابعرف ... بس ياريت في نفس الجنة ... انا كمان بدي اشوف صحابي هناك :o :p لا بجد ... اذا لاحظتي انا كنت قايلة اقتباس:
على فكرة هالكلام مو من عندي.... في حديث للرسول « ان في الجنة مئة درجة اعدها الله للمجاهدين في سبيل الله، مابين الدرجتين كما بين السماء والارض، فإن سألتم الله فاسالوه الفردوس، ..... » . يعني اكيد الجنة فيها مراتب ... لكن اذا بدك رأيي ... اعتقد انو الناس ح يدخلوا المراتب مو على اساس الديانة ... لكن على اساس الاعمال اللي بنعملها بالدنيا اتمنى انو كلامي يكون مزبوط :oops: .... سلام :D |
اقتباس:
انا على فكرة مسمعتش الحديث مع انو انا مسلمة بس انتي متأكده إنهم كانو 100:shock: |
اقتباس:
كما اذكر:oops: لحظة اتأكد وارجعلك :D |
ايواااااااااااااااااااا .... تأكدت :D
سلام :D |
أول شي شكرا كتيييير على الموضوع الرائع منوشة لأنو هاد السؤال كتيير بفكر فيه و بفكر بإجاباتو .. بعتقد أنو ممن يكون في جنة بعد حياة الإنسان الأولى على الأرض و كمان ممكن تكون جنة الإنسان هية حياتو نفسا يعني الإنسان ممكن أن الحياة يللي عايشها ممكن تكون هي جنة على الأرض أو ممكن تكون هي جهنم تبعو ،، أكيد و بحسب مبدأ العدالة الإلهية فالإنسان هو يللي بيصنع حياتو بإيدو و بيصنع جنتو أو جهنم تبعو ،، هون بقى بتبلش تفوت الأمور ببعضا بخصوص موضوع العدالة الإلهية يللي في كتيير من الناس بشكك فيها ،، يللي هي مو حديثنا اليوم :? بس الشي الأكيد أنو أعمال الإنسان هي اللي بتحدد الإنسان الخير من الإنسان السيء و مين يللي رح يلتعن فاطسو بالنار و مين يللي رح يبورد و يروق بالجنة :lol: :lol: |
اقتباس:
 |
اقتباس:
أصلاً الله آخر همّو مزايا هالديانات التلاتة و الله لما بدو يحاسب ..... ما رح يحاسب على طريقة لصلاة بحد ذاتها أو عن شو بدنا نصوم ....... أو مين منحب أكتر من الانبياء ( يللي ما شاء الله كتير كتار ) يللي بهم من كل الديانات أنو : ما في دين بيدعي للقتل ما في دين بيدعي للسرقة ما في دين بيدعي انك تقاتل جارك ما في دين بيدعي للخيانة و للزنى و لكل شي سيء أما باقي التفاصيل ( يللي برأيي كتير تافهة ) يللي بتختلف عليها الديانات و بتقاتل بعضها عليها بظن الله أكبر من أنو يشغل بالو فيها :D |
هلا منوشه كيفك
ردي هو : معنى كلامك انه لازم يكون لكل دين اله!!!!!!!! او انه الله عز وجل وتعالى غير عادل شكرا كتير على السؤال وتحياااتي الك:D:D |
اقتباس:
دودي الغالية:oops: أول شي بحب قلك ...رووئي ولا تعصبي...وهي إلك:D تاني شي ...أنا كلامي ماعم حاول إقنعك فيوا لإني اليوم متل ماهو معروف إرضاء الناس غاية لا تنال معروف إني الله عز وجل غفور و رحيم ...ولاكن مالازم ننسا إنوا كمان شديد العقاب...إيواااااااااااا أما بالنسبة للردود يلي أنا بتمسخر فيها ... أو بتحسي إنها مسخرة ......فأنا بحب قلك إني مع كل إحترامي أنا في عندي حب للفكاهة وبحب كل واحد أعطي حقوا ....في كتير ناس المشكلة بتحس إني هية الصح و الباقي كلهن غلط ... أو بتناقشك بإمور الشرف وهي أكبر الحرمية على سبيل المثال : ومن سخرية القدر.... هادا العضوا يلي مسمي حالوا ....اللوطي السوري..syrian-gay...بشرفك بدينك ...في إنسان متبع شغلة بحياتوا.. كل الأديان السماوية ..وكل الشعوب يلي عندها أخلاق بتنادي إني شغلة اللواطة حرام ...و..مقززة بيجيكي هيك واحد عم بيناقش بموضوع ديني ..و أخلاقي....إنتي مابتحسي إني هيك واحد بردوا أو مجرد مشاركتوا بالموضوع..عم يستهزء بدينك أو بموضوعك.. في بيت شعر للمرحوم أحمد شوقي بيقول: إنما الأمم الأخلاق مابقيت ....فإن هم ذهبت أخلاقهم زهبوا أرجوا تكون الفكة وصلت;-) وبرجع وبقول لصاحبة الموضوع أنا آسف لخروجي عن الموضوع ومع إعتذاري الشديد لإلك إذا كنت في يوم أسأت لإلك عن غير قصد أو بقصد .....مع إني ما بحب سيئ لحدا تحياتي الحاج متولي |
اقتباس:
هلأ نناقش فكرتك انا ما بسأل إن كان في جنة من الاصل أو لأ لأن فكرة وجود الجنة لا نقاش فيها وانا مقتنعة مليون بالمية بوجودها لأن هيك قال رب العالمين على لسان انبيائة ورسلة... انا بناقش انو نحنا في هالمنتدى وفي غيرة إن كان او كان في حياتنا العادية كمسلمين ومسيحيين ويهوديون نتصارع حول فكرة الجنة والنار... ومين بدو يدخل الجنو ومين بدو يفوت على النار انا فكرتي انو يعني بالاسلام عندنا قواعد ثابتة ومن اهمها "شهادة أن لا اله الا الله وأن محمد رسول الله" وبعدها بيجي باقي اركان الاسلام الي ما بدي احكي فيها علشان ما ينحزف موضوعي من اولو لأخرو من الادارة بسببها;-) وفي الديانة المسيحية اكيد كمان في شروط للفوتة على النار يعني مش معقول انو كل المسيحيون بدون يفوتو على الجنة ويتركو النار فاضية:o ونفس الشيء عند اليهودية... انا سؤالي انو ليه احنا بنتصارع على الجنة في حين ان كل واحد مننا بدينو بيعمل الي عليه وهو متأكد انو رح يفوت على الجنة بسبب اعمالة فلماذا يعني نحط براسنا ان ما رح يفوت حدا على الجنة غيرنا:? يعني انا بعتقد انو الجنة في كل ديانة ببساطه متل النادي الاجتماعي.. لكل نادي منهم عضوية ولكل نادي منهم شروط التحاق.... انا بدي فوت على نادي جنة المسلمين فعملت عضوية ومشيت على شروط الاتحاق.. غيري بدو يفوت على نادي جنة المسيحيين.. خلص هو حر بحالة يروح هو هناك وانا اروح على النادي الي التحقت بيه... ليه بأه اصّر على انو نادي جنة المسيحيين هو النار في حين ان النادي بتاعي هو الافضل... هو اكيد الافضل برأيي بس مش كل البشر فكرون متل بعضون .. اتمنى انو يكون فكرتي وصلت:D اقتباس:
ارجو انك تقرا ردي على أبو السيم وارجو ان فكرتي تكون وصلت بعد ما تقراها:D اقتباس:
هلا حبيبتي ونورتي موضوعي والله:D انا ما قلت انو لكل دين إله لأنو انا متأكده انو لا اله الا الله وان محمد رسول الله.. ولا اقدر قول انو الله عز وجل غير عادل.. انا بس من كترة الخلافات بالمنتدي هنا تحيرت من عقول لا تفكر غير في القاء بعضهم البعض في نار جهنم ويمكن كتار منهم منشغلين بهالفكرة عن عبادات دينهم فأجت عبالي هالفكرة وبعدها قلت ليه ما نناقشها كلنا... بس انا متأكده أنو الله واحد وأن من يعمل مثقال ذرة خير يره ومن يعمل مثقال ذرة شر يره... يعين ما في ظلم اكيد لأن الله سمى نفسة ضمن الاسماء الحسنة (العادل):D تحياتي كرومة ونورتي الموضوع حبيبتي |
لك يا عمي شو بدك بهالصرعة
يعني من يوم يومه الدين افيون الشعوب وبعدين عزيزتي و هي ملاحظة من عندي انا 99% ممن يصنفون الناس على اساس الدين والديانات يعانون اما من فشل او نقص او ضعف :D |
اقتباس:
شكرا على المرور |
اقتباس:
ما كنت بدي رد لانو الموضوع متجاوزو من زمان كتير وهالشغلة اساسهاالاكبر التربية المنزلية وفي شغلة تذكرتا هلق و بظن هي Madmax رح يتذكرها ويضحك بمسرحية فلم اميركي طويل لابو الزوز واحد بيسأل :ليش البني ادم بيسأل عا دين الشخص اللي قبالو بيجاوبو التاني : بيسأل منشان ما يزتلو شي كلمة تطلع واقفة تحياتي:D |
انا من جهتي مآمنة انو الله كبير
وأكبر من انو يفصل بينا ع أساس دياناتنا وانو في جنة وحدة ونار وحدة واللي بينحط بالجنة الانسان شو ما كان فكرو وشو ما كان مبدأو اللي بتتوفر فيه الصفات الانسانية اللي بتأهلو يتعامل مع البشر اللي ربنا خلقهم ! والنار لكل عدو للانسانية شو ما كان دينو ! |
تحياتي للكل و لمنوشة الظريفة :D
يبدو أنو صار سوء فهم بسيط هلق بشكل عام في وجهة نظر بكلامك بس الشي يللي أنا كنت عم إحكي عنو مو فكرة وجود الجنة أو لأ لأنو أنا مقتنع بوجودها و بعتقد الأغلبية مقتنع بوجودها بس نحنا حكينا على مفهوم الجنة كيف هيية بالنسبة للأديان و شو هي المقاييس يللي بتحدد دخولها ،، يعني مثلا ممكن الواحد يعقد الأمور و يخلي شروط الإلتحاق بالجميعة تبع الجنة أو النار ( بحسب الفكرة الكربوجة تبعك :p ) شروط صعبة و معقدة و يفرض عليكي أمور أنت نفسك مو مقتنعة فيها و يتدخل بتفاصيل كتيرة و صغيرة بحياتك و يقنعك أنو إذا ما بتعمليها فأنت ما عم تحققي الشروط .... أو ممكن أنو يبسط الموضوع كلو و يقللك الأساسيات تبع النادي هي كذا و كذا و كذا يعني المهم نوصل للهدف فكيف أنت شايفة الوصول للهدف هي بتكون بحسب تربية الأسرة و بحسب المجتمع و القيم الأخلاقية العامة و يللي نحنا مقتنعين فيا فكل واحد بيحاول الوصول للهدف و بطريقتو يللي أكيد رح تكون طريقة جيدة لأنو الهدف هو هدف نبيل و سامي (( سامي مو أنا بقصد الهدف هو يللي سامي :p )) .... أنا بعتقد مو بس بكلام معين هو مفتاح الوصول للهدف بقدر ما بكون العمل يللي بتعمليه و يللي بيغني عن هاد الكلام .. آسف على الإطالة :lol: أخوكم سامي :D :D |
متابع و لي عودة غداً ..
|
هلق أنا في شغلة حابب ضيفها للكل ...بغض النظر عن يلي بدوا يعرف شو هو ديني أو بشو أنا بآمن
هلق الكل بيعرف إني المشكلة الأساسية لبعض الناس مو مشكلة وجود جنة أو وجود نار .لإني لو كانت هي هيّ مشكلتهن فصدقوني كنت شفت الجوامع و الكنائس أو المعابد مكتظة بالناس مو من شان العبادة ...لأ ..بس من شان يعرفوا شو هو العمل يلي بدوا يودي على الدنيا أو شو يلي بدوا يودي على النار.... صدقوني أكتر من 80% من الناس مو هاممهن غير نفسهن بس و أكبر دليل ..على كلامي إني كل واحد بيفتي على حسب مصلحتوا هلئ رح إحكي على شغلة : أغلب الناس بتعرف إني 1+1 = 2 وكتير من مبرمجين الكومبيوتر بيعرفوا إني أهم شغلة بالبرمجة هو : if and then يعني إذا و آنذاك يعني إذا كان (***) آنذاك = (***) يعنــــــــي مو ممكن شي يكمل بدون شي الولد ما بيجي على الدنيا إذا ما كان في وصال بين البيضة و اللقاح الشجرة ما بتطلع بأرض إذا ما كان في تراب ومي السيارة مابتمشي إذا كان ما فيها بنزين و زيت و الجنة ما حدا بيفوت عليها إلا يلي بيستاهلها ..عن كل عمل مطلوب منوا إني يعملوا بدنيتوا هو صحيح إني الجنة درجات ..و إني الله غفور رحيم بس كمان ما ننسا إني الشغلة بدها شغل وبدها تعب ....متلها متل الهندسة أو الدكتوراه..... تنيناتهن بدهن دراسة ...ودراسة من كل قلب ورداً على بعض الأعضاء يلي عم يقولوا إني الواحد لو فات على النار بدوا يجي يوم ويرجع يدخل على الجنة هادا بيعني إني الواحد بيجوز يبرك شي إسبوع بالنار وبعدين بيدخل على الجنة (اليوم عند ربك كـ ألف سنة مما تعدون ) يعني على هيك بيبركلوا شي 7000 سنة بالنار .....ولي ولي ولي ليش في حدا بيقدر يمسك جمرة بإيدوا 7 دقايق ....مو 7000 سنة..... أرجوا إني تكون الفكرة وصلت آسف للإطالة تحياتي الحاج متولي:D |
اقتباس:
اقتباس:
|
اقتباس:
كلام عظيم من أبو السيم الحاج متولي:Dتحياتي يا معلم |
اقتباس:
الصراع بين الديانات ليس وليد هذه اللحظة أو هذا الزمن .. صراع أزلي بحت .. كتذكير .. اقتباس:
من وجهة نظر الأديان ( الابراهيمية ) : الجنة أو النار أو مفهوم الحياة الآخرة أو أو .. عبارة عن قوالب جاهزة من الواجب على جميع أتباع هذه الديانة الإيمان بها .. فالجنة و النار .. هي عبارة عن معاقبة أو مجازة الخالق لعباده .. و تتبع لمبدأ الثواب و العقاب .. أما سؤالك .. لما قد يكون لكل منّا جنته .. ف يا عزيزتي .. اتباعك لديانة ما .. يحتّم عليكي الإيمان بالعديد من القوالب الجاهزة و أهم قالب منها .. أتباع أي ديانة غير الديانة الي تؤمنين بها .. مصيرهم جهنم و بئس المصير .. فعندما نستطيع الخروج من قوقعة ( القوالب الجاهزة ) التي حسبنا أنفسنافي داخلها مختارين .. عندما نستطيع أن نتقبّل معتقدات الآخر .. و عندما و عندما .. ذاك الوقت قد نستطيع النقاش عن حيثية الجنة .. هل هي ملكٌ لأتباع ديانة ما .. أم هي مشاع لكل من آمن بمن يسمى " الله " و الخلود لرسالتنا . :lol: |
للأسف ما زالت الديانات تهطل علينا بأطنان من عواصف التفرقة " إن الدين عند الله الإسلام " "يسوع طريق الخلاص " وليس احد طرق الخلاص
للأسف هي الاديان ذات الطابع الشمولي البحت لن تدع الإنسان ليحيا بأخوية وبسلام دمتم بحب شكرا على تساؤلك اخوك بحب ظل جيفارا |
| الساعة بإيدك هلق يا سيدي 03:26 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون