|
واشنطن تطالب بالافراج عن حسام ملحم ورفاقه ..
واشنطن تطالب دمشق بالإفراج عن 7 نشطاء
واشنطن -ا ف ب: انتقدت الولايات المتحدة سوريا في اعقاب حكم على سبعة نشطاء سوريين بالسجن من خمس الى سبع سنوات، وطالبت بالافراج الفوري عنهم· وقال المتحدث باسم وزارة الخارجية الاميركية شون ماكورماك إن ''الولايات المتحدة تدين الحكم القاسي ضد سبعة شبان ناشطين في المجتمع المدني ومعظمهم من الطلبة''· واضاف ان القضاء يأخذ على الشبان السبعة ''تأسيس تجمع شبابي ديموقراطي وسلمي'' ونشر بعض كتاباتهم على شبكة الانترنت· واوضح ماكورماك ان ''الاحكام الظالمة تعكس ازدراء النظام السوري بحقوق الانسان ومنها حرية التعبير والاجتماع· وتعكس ايضا نظاما قضائيا مجردا من القواعد الشرعية''· وذكرت المنظمة الوطنية السورية لحقوق الانسان ان الشبان السبعة المحكوم عليهم وجهت اليهم تهمة ''تعريض سوريا الى أعمال عدائية''· وقد اعتقلت المجموعة مطلع العام الحالي بعدما حاولت تشكيل هيئة للتشجيع على الديموقراطية والسلام· وصدرت الاتهامات في حقهم بموجب قوانين حالة الطوارئ المطبقة في سوريا منذ أربعة عقود· واشار ماكورماك الى أن ''سجناء الرأي'' هؤلاء اعتقلوا منذ اشهر من دون ان يتمكنوا من الاتصال بمحامين او بعائلاتهم· ودعت الولايات المتحدة الى ''الافراج الفوري وغير المشروط عن السجناء السياسيين ومراعاة الالتزامات حيال القانون الدولي على صعيد حقوق الانسان''· المصدر : صحيفة الاتحاد الاماراتية يا دامي العينين والكفين إن الليل زائل لا غرفة التوقيف باقية ولا زرد السلاسل نيرون مات ولم تمت روما بعينيها تقاتل وحبوب سنبلة تجف ستملأ الوادي سنابل. |
رئيس فرع المخابرات الجوية: "هؤلاء الشباب أخطر من القاعدة لأنهم يضمّون كافة الطوائف
حكم القضاء السوري العادل بالسجن لمدة7 سنوات لكل من طارق الغوراني (تولد 1985، مساعد مهندس) وماهر ابراهيم إسبر (تولد 1980، صاحب محل) ولمدة 5 سنوات لكل من سام ملحم (تولد1985، طالب حقوق)، وعمر العبد الله (تولد 1985، طالب فلسفة) ودياب سرية (تولد1985، طالب) وأيهم صقر (تولد 1975، يعمل في صالون تجميل) وعلام فخور (تولد 1979، طالب في كلية الفنون الجميلة – قسم النحت). لو كان الأمر يتعلّق بناشطين مخضرمين لكان الأمر أسهل، ولو كان الأمر يتعلّق بأشخاص ينتموا إلى تتنظيم إرهابي ما لطالبنا بعقوبات أشد وأقسى، لكنهم شباب علمانيون أغلبهم لا يتجاوز الـ 22 من العمر، يمثلون مختلف أطياف المجتمع السوري، وحلمهم فقط أن يساهموا في بث ثقافة ديموقراطية في مجتمعهم. فلم السجن إذاً؟ ولمن؟ إذا أخذنا بكلام رئيس الفرع المسؤول عن الاعتقال لأحد آباء الشباب المعتقلين والذي صرّح فيه بأن "هدول الشباب أخطر من القاعدة لأنن مثل ماقلت بيضموا كافة الطوائف،" بوسعنا أن نؤكّد عندها بأن حكم القضاء الجائر قد صدر ضد كل شباب سورية على مختلف أطيافهم وانتماءاتهم. الهدف هو ترويع جيل، بل أجيال، باتت ترفض الواقع الراهن وتبحث عن بديل. يحاول النظام من خلال هذه العقوبات أن يعيد عقارب الساعة إلى الوراء، إلى فترة الثمانينات التي كثر الحديث عنها هذه الأيام، لكن المستقبل آت، ومهما تشابهت الظروف، لا يمكن للزمن أن يعود إلى الوراء، بوسع النظام الإرتكاس إلى أساليبه القمعية ذاتها وإلى ماض ما انفتق يحنّ إليه، لكن شباب سورية ينظرون إلى الأمام يحدوهم أمل بمستقبل أفضل باتوا يدركون تماماً أنه لن يبنى إلاّ على رفات هذا النظام. زمن التضحيات آت. والبداية الجديدة قادمة لا محالة. لن ننسى شبابنا.... يا دامي العينين والكفين إن الليل زائل لا غرفة التوقيف باقية ولا زرد السلاسل نيرون مات ولم تمت روما بعينيها تقاتل وحبوب سنبلة تجف ستملأ الوادي سنابل. |
اقتباس:
على كل حال مافينا نقدم للشباب غير دمعة و خجل من عجزنا :cry: |
هزلت .. :hashish:
|
يا سيدي الكريم ......اقدم للشباب احترامي الشديد وخجلي من عجزي امام ما فعلوه ...
استغرب وحقي ان امارس فعل الغرابة ..ما علاقة الأميركان هل اصبحوا دعاة حرية ..... للأسف هو تشويه مدروس لصورة المعارضة السورية من فريد الغادري للعميل عبد الحليم خدام والكثيرين ممن يعملون لمصلحة النظام اقتباس:
|
يا جماعة طبعا الكل بيعرف انو نقل الخبر لا يعبر عن وجهة نظري فعلا ما دخل الادارة الاميريكية بقضاينا الداخلية العادلة وانا بضم دموعي وخجلي امام عجزنا ................. تحيا منا لحسام والشباب السبعة |
اقتباس:
وضح اكتر شو هي يلي هزلت ؟؟؟؟ |
أنا مع الشباب المساجين بس بطلب من أميركا لا تتدخل
|
اقتباس:
اللي هزلت هوي اللي صاير بأي حدا بيفتح تمو ليعارض أو يقول رأي .. اللي هزلت انو شباب بأول طلعتهم تتصادر سنين من عمارهم لمجرد رغبتهم انو يكون الهم رأي في تحديد مصير وسير الوطن .. اللي هزلت أنو الشعب ما يقدر يفتح تمو ويقول ليش سجنو الشباب .. وليش مو مسموحلنا نحكي ونعبر عن رأينا وعن اللي بدنا اياه بحكم انو الوطن ملك للشعب كلو .. اللي هزلت أنو تجي أمريكا للمرة المليون لتحكي عن الحرية في حين نحنا كلنا عارفين انها بتسلب الحرية ونحنا نصدقها أو نضلنا ساكتين .. اللي هزلت اشيا كتيرة .. وهاي بداية بس .. :hashish: بلا ما نكمل .. |
اقتباس:
لا تكمل خيوووووووووووو هزلت |
اقتباس:
|
اقتباس:
لاتواخذينا ;-):p.....ماعاد طسينا من كتر ما هزلت ........ولووووووووووووو |
اقتباس:
|
اقتباس:
لأيمتى بس؟ |
اقتباس:
لايمتى ......... لحتى تفرج ...:larg::larg: |
اقتباس:
لانو نحنا اللي عم نعملو انو نخدر وجعنا وهمنا الوطني (باعتبار انو عنا هم وطني) ... أما انو نتغير (وهالشي هو المسار الطبيعي للبشر الصاحيين بس) فما في أمل .. عالأقل عندي.. في مرحلة من المراحل كنت حاسة اني رح اقدر أعمل شي لتغيير العالم مو البلد بس .. شوف السذاجة بقا .. !!! ايه هلأ بحس انو ما بقدر غيّر موديل شعري .. !!!! :hashish: |
اقتباس:
بس أنا ما فقدت الأمل من التغيير .. يعني مو شخص واحد بيغير بس كل الزمان بيتغير و ما طار طائر .. |
اقتباس:
اذا البلد (وانا هون بقصد سوريا ) نفد من الفساد الداخلي ما رح ينفد من ايد ايران (لأنو عندي رأي خاص بهالموضوع) واذا نفد من ايد ايران ما رح ينفد من ايد إسرائيل واذا نفد من ايد اسرائيل ما رح ينفد من ايد أميركا .. . ويا أسفي على غير دول لسا وضعها اسوا من وضع سوريا .. والانسان في سوريا وفي المنطقة كل ما لو ما عم يسكت اكتر .. ليش بنستنى وليش منستنى الزمن ليغير .. ما حدا بيعمل هيك غير نحنا .. نحنا لازم نغير. |
دائماً و أبداً..
أنت مجرب تعمل مفاوضات سلام بعد ال:hashish: بس مو الفكرة إلّا أنو لو كل رواد التغيير بالعالم تنازلو ببداياتهون ما كان صار شي بالعالم وكنّا بعد بالإقطاعيّة |
اقتباس:
دائماً و أبداً.. أنت مجرب تعمل مفاوضات سلام بعد ال بس مو الفكرة إلّا أنو لو كل رواد التغيير بالعالم تنازلو ببداياتهون ما كان صار شي بالعالم وكنّا بعد بالإقطاعيّة |
ولله بظن أنو لما اميركا بيصير عندا سجناء رأي ما حدا بيطلب بـ الأفراج عنون ؟
|
اقتباس:
لك ااااااااااااااااااااااااخ يا خيتو على القليلة بتقدري تغيري موديل شعرك نحنا ما عنا شي نغبروووووو ....... على قولتك هزلت |
اقتباس:
ماعاد عم يطلع معنا غير ااااااااااااااااااااخ ويا اسفي |
اقتباس:
لا اميركا عندها جمعيات فعالة بتاطلب عنهم نحنا طبعا ما عم نحكي عن غونتنامو .....هاد شي تاني لانو معتقليهم مو اميركان :jakoush: |
لا بد لليل ان ينجلي ولا بد للقيد ان ينكسر
|
اقتباس:
انا عم قلك أنو المعتقلين بـ أميركا يعني .. سوريا ما بتطالب بـ الأفراج عنون . |
اقتباس:
|
بدي افهم بس شلون صارو هدول رمز للحريه و النضال ..وايمتا وكيف وليش ...وشو انجازاتون على اي صعيد ...
مع العلم انو انا بعرف و اغلبيه العالم يلي عم تكتر حكي بتعرف انون شله شباب صايعين ...حبو يجربو شغله جديده وتورطو بعلاقات مع دول معاديه لسوريه لهيك دخلو السجن ...مع العلم انو في جهات خارجيه استغلت طيش الشباب هدول وهنن مو عرفانيين شو عم يصير فيون ..و بالنهايه اخدوا يللي بيستحقوا وبس |
اقتباس:
في عدة نقاط ممكن تنحكى بالموضوع حتى لو فرضنا انو كلامك مزبوط : 1. عدالة المحكمة والأدلة. 2. الحكم هل هو عادل أم جائر. 3. حرية الرأي. |
اقتباس:
|
اقتباس:
اوك بس كمان انت ما فهمت علي انا مو مرحب ابدا بفكرة انو البيت الابيض يطالب بأطلاق صراح المعتقلين اساسا هاد الشي ما بشرفهم هنة |
اقتباس:
ونحن كلنا مع وجهة هالنظر يعني اذا التغير والديمقراطية بدها تيجينا من اميركا بلاااااااااااها احسن |
اقتباس:
يعني يا ريت لو احتفظت برأيك احسن لانو ما بتعرف شي عن الشباب ولا ملابسات القضية شباب صايع مو من جامعة دمشق هنة بعدين قلك شي بس شوف كتابات حسام بعدين قلي انو صايع |
المشكلة الأكبر انو لحنا واقعين بين استبداد الإنظمة وبين الأمبريالية وخصوصا الأميركية ...
وكل واحد بيحاول تماما يشد اللحاف لتحته الأنظمة بتلعب على وتر المقاومة واميركا بتلعب على وتر الحرية والشعب بده حرية وبده نضال وراحت على الشعب المظلوم ........ بكل بساطة |
اقتباس:
يا دامي العينين والكفين إن الليل زائل لا غرفة التوقيف باقية ولا زرد السلاسل نيرون مات ولم تمت روما بعينيها تقاتل وحبوب سنبلة تجف ستملأ الوادي سنابل. |
اقتباس:
بعدين الصياعة هي صفة كافة لمحاكمة الناس و حبسهم لخمس و سبع سنوات؟ حاج دفاع عن أفعال قمعية و لا قانونية و لا بتأطر لبناء وطن بتأطر لبناء زريبة و فيها أوبة متخلفين مكدسين فوق بعضهم عم ياكل بعضهم منشان يشبعو بجميع الأحوال الشباب هني شباب واعي و جريء و منفتح حاولو يجتمعو ليعبرو عن رغبتهم بتحسين أوضاع الوطن و هني ما اجتمعوا مع حدا و لا اتصلوا مع حدا من برات البلد و لو في أدلة ينشرها قرقوش و يقلع عيننا بس مو على طريقة الإشاعات و الزعرنة أصلا ما حدا مهدد الوطن و حاططو على شفير حفرة إلا هالأنظمة العميلة و شفنا الزلمة صدام وصل العراق لوين و شلون قدم بغداد للأميركان على طبق من ذهب و خلال 14 يوم بعد شق راسنا بمووايل الوطنية و شعارات خرائية و بالنهاية حول العراق من بلد يمتاز ابناءه بدرجة تعلمهم إلى مجموعات قبلية لا يتجاوز حدود انتمائها الخمسة متر مربع ، دمر العراق و دمر اللحمة الوطنية العراقية و سلم العراق للأميركان يعني نحنا كمواطنين واقعين بين سندان الأنظمة القمعية المتسلطة الدكتاتورية اللاشرعية و مطرقة التهديد الخارجي و لا بد لليل أن ينجلي و لا بد للقيد أن ينكسر |
[quote[/quote]
بجد مزوق.. يعني.. فعلاً الشباب صايعين... نحنا زبالة يا زلمة آخدينا ع قد عقلنا؟؟؟ من كل عقلكون؟؟ |
اقتباس:
ما قصدي شي ع راسي انت والشباب |
اقتباس:
اما عن انجازاتون فيد بشار الأسد المجرمة لم تسمح لهم باكمالها مازلت ترم الاتهامات وعن حديثك عن طورتهم مع دول معادية فيك نقلي ايمتا ووين وومين بس ادعي لربك ماتكون المحكمة الدولية مشابهة لمحكمة امن الدولة واحكامها ساعتها قول اخذوا يللي بيستحقوا |
آآآآآه
:cry: |
| الساعة بإيدك هلق يا سيدي 07:28 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون