|
بخصوص هالمبدعين
فقت مبارح الصبح ....و متل العادة حطيت الركوة عالنار قبل ما غسل وشي على اساس بغسل وشي و بقعد اشرب القهوة على أنغام الاخبار (لأني ما بلحق فترة فيروز بكون لساتني نايم ) مسكت هالريموت و صرت دور بهالمحطات اتفاجأت أنو خبر رحيل نازك الملائكة محتل جميع الشاشات ( حتى يللي ما الها علاقة لا بالادب و لا بالأخبار ) أكيد زعلت على رحيل عالشاعرة الكبيرة بس زعلت على حالتنا اكتر أنو حتى بهيك أمور في موضة.... و أنو هلأ هالخبر ضارب يعني الكل لازم يحكي عنو ولا انو هلأ لاكتشفوا ابداعات نازك الملائكة و تاريخها الادبي حسب ما بذكر ...آخر مرة كنت سمعت أخبارها ... بالبكالوريا (أنا بكالوريتي من شي عشر سنين ) أنو ضروري المخلوقة تموت .... لنسمع خبر عنها ( أو لنسمع خبرها ) أو كان لازم يغنيلها كاظم مثلاً ليخلدها بصوتو (مع العلم ما بطيقو) أو كان لازم ينهدر دمها ..متل ما صار مع نوال السعداوي مثلاً أنو ليش الاعلام عنا ( الله يجعلو اعلام ) ما بيذكر حدا غير لنفقدو أسفي عليك يا أدبنا ...... و أسفي عليكي يا نازك |
يسعدلي مساك
وانا هيك قلت لما سمعت الخبر قلت ما بيعرفو قيمتو غير لما بيموت ال ع اساس كانو حاسين فيها ومحسسينها بوجودها وقلمها بما يليق لو دورنا عليهم كيف عرفو بتلاقيها متلها متل القيل والقال اللي بتوصل لسابع جار ووصلت لعندهم بصدفة او سمعوها من حكي ولاد صغار (عم يلعبو با الكلال) بتعرف تلعب كلال ؟؟ ع اساس ضربة صحافة واعلام بتعرف تجيب اخبار(سخني تازة لاتئرف) عموما خسرناها لنازك ومشي الحال بس قلمها موجود وحياة عينك بتلاقيه بيبت الفهمانين وبمكتبة الزواقين وباحاسيس اللي بيستاهل يمسك لنازك ويقرالها تحية حب لنازك الملائكية قلتلك يسعد مساك صح وهي مرة تانية |
لك أحلى مسا ...للوردة
يللي بحزّ بالقلب ..أنو في أجيال كاملة مو سامعة باسمها .... ( يمكن مانها عالموضة ) يعني يا ريتون شي مرة ذكروا اسمها ...أو شي من أعمالها (أو أعمال غيرها ) بشي فترة ضايعة بين زحمة الكليبات |
اقتباس:
يعني شو مفكر ها الكليبات مستهون فيها ولاشو(يضربو هني وياها) بنفس التكي ال شو مفكرين عم يضحكو علينا فيها عم يضحكو ع حالهم وعلينا ........ليش الكزب خلينا نعترف ع كلا ولايهمك في ناس امثالك كتير بتفهم صح قليلي اد اصابع ايدي وايدك بس المهم في عم يلعبو لعبة مسخباي بس مابيكفيهم غصب عنهم لانو كتر الطباخين وبلش التخبيص ويسعدلي مساك لاول سهرة النا |
أحيان بقول أنو الحق مو على وسائل الاعلام
الحق عالجمهور يللي ما عم يتقبل غير هيك أسلوب و أي وسيلة اعلام عم تشز عن هالقاعدة .... عم يكون مصيرها الافلاس متل ما صار مع صوت الشعب ( اللبنانية ) من فترة |
اقتباس:
ماعم لاقيه على قولة مين قال انو اجتو محاي اصلي(مستوردة) ومحيتو هادا اللي عم تحكو عنو اسمو عالم جواها فاضيييييي بس اكيد ماابيض عالم التفاهة هيك سميتو انا وامتو خالصين |
اقتباس:
لانو الاعـــلامي بــشر و الــبشر بتــنطبــق علــيهم جــمله لــجبران : الــمحبــه منــذ البــدء لا تــعرف عــمقها الا ســاعه الــفراق :D |
والدليل انو ممكن تسأل كتير ناس يقولولك مين نازك الملائكة ...
هي وقفت عالاعلام .. ما كلو هيك .. |
اقتباس:
|
اقتباس:
متل لما مات نزار قباني في طفل سأل أبوه مين هاد نزار قلو هاد يللي بغنيلو كاظم الساهر أخت هيك زمن :frown: |
اي والله يا اسفي عليك يا أدبنا
بتعرف انا دايما بفكر بهلموضوع واذا دورت وفتشت رح تلاقي مش بس الادباء يلي بس ماتوا نشهروا ناس كتير مطربين .. فلاسفة .. علماء .. كتار اي صحيح لي في تخلف هيك العمى عنجد العرب شي بضيق الخلق اوف يا |
نحن شعب لا يكرم سوى الاموات ..... |
اقتباس:
|
اقتباس:
|
والله العظيم انا بحب اعرف عن الشعراء وهيك بس بحياتي ما سمعان فيا
وهلأ بدي اعمل بحث اعليا على النت وازا حدا بيخبرنا اشوي عنا وعن اعمالا بكون ممنونو اكتيير |
قال جبران خليل جبران عليه السلام:
أنا مثلك أيها الليل.........ولكن لن يأتي صباحي حتى ينتهي أجلي....... وهيك دائما بيصير.....لازم البني كر يموت لحتى الناس تقدره |
اقتباس:
فلماذا اذن مشى العالمُ المجنون للموت و الأذى و الدمار ؟ فيم تحدوُ الشعوب أطماع غر يتصبى عينيه وهج النار ؟ أعن نصر يبحثون ؟ و هل نصر لمن تستذله الأهواء ؟ هل فخار و حولنا عالم يملؤه الجائعون و الأشقياء ؟ |
اقتباس:
أنصتي ... هذا صراخ الرعد هذي العاصفات فارجعي لن تدركي سراً طوته الكائنات قد جهلناه و ضنت بخفاياه الحياة ليس يدري العاصف المجنون شيئاً يا فتاة فارحمي قلبك .. لن تنطق هذي الظلمات |
معلم الإعلام ما عليه ذنب ..
الذنب ذنبي و ذنبك و ذنب أخوي و أخوك و و و و لما بتكون اهتماماتك أدبية رح يقدملك الإعلام روائع الأدب .. أما لما بكون اهتماماتك هيفا و و و و رح يقدملك أجمل الفنانات و أجمل عروض الأزياء و و طبعاً الإعلام رح يهتم لخبر موت نازك الملائكة .. لإني نحنا شعب منهوا الحوادث و هاد مات و هاد توّفا يعني الإعلام عبقدم برامج على طلب الغالبية العظمى لأفراد المجتمع يعني ما معقول تفتح قناة و تهتم بالأدب رح تفلس أكيد لذلك أنا ما بلوم الإعلام بلوم المجتمع ككل |
هو الموت ابو شريك
كلنا بدنا الموت بس المعروف هلق الشاعر او الاديب ما بينشهر ليموت شو بدنا نسوي الله يرحما |
اقتباس:
أنا قلت هالحكي برد سابق .... الحق ( عالجمهور ) بالبداية يللي وصل ذوقو لأدنى مستوى ممكن |
اقتباس:
لهيك عم نأسف على هالزمن |
اقتباس:
الله يرحما |
الواحد صار عم يحس بتناقض فظيع
مع اني ما بحب النظرة السوداوية، بس للأسف واقعنا عم يتدهور بسرعة، بالذات الثقافي والابداعي، وبنفس الوقت انا مؤمن بإنو طالما في ناس بعدد اللي شاركو بهالموضوع، مهتمين بالابداع، ومقهورين عالوضع اللي وصلناله، فهذا الشي بيكفي لنقول انو هالوضع مهما تدهور، ومهما وصل من انحطاط وسطحية وتفاهة، رح يجي يوم ويرجع ينهض، يمكن حدا منكم يقول اني عم احلم او اني متفائل زيادة عن اللزوم،وانا يمكن قول عن حالي اني عم اتمنى، يمكن يكون كل هالشي صحيح، بس انا بآمن بمقولة، في النهاية لا يصح الا الصحيح . يسعدلي مساكم:D |
اقتباس:
أحلى مسا الك :D |
اقتباس:
يعني البذرة دائما موجودة، بس اللي عم يعتنو فيها ويتابعوها مرات بينحدرو للأسفل، ومرات بينحدرو لأسفل الاسفل.:cry: وتعيش المتة:D |
اقتباس:
و لما بكون التسطيح هو سمة العصر .... و سمة المجتمع هيك بذور ..يمكن تموت ...و تندثر منيحة المتة ..... حالياً أحسن من غير شي |
أول شي بدي أترحم على الأديبة الكبيرة نازك الملائكة ... :cry:
و بدي أكد على فكرة ذكرها BL@CK من قبل أنو الإعلام بيقدم للجمهور ما يريد و الجمهور وصل لهل المستوى المنحط نتيجة تضائل الإهتمام العام بالأدب و الفنون بسبب أنو شعبنا هي الأيام عم يركد ورا لقمة عيشو بالدرجة الأولى فماحتلاقي حدا ممكن يفكر بشي نشاط ثقافي لأنو عم يفكر كيف بدو يعيش و بس و أيضا بالإضافة أنو الإهتمام بالثقافة بتصير عند الشعوب أحيانا من أمور الرفاهية و ما منفكر فيها إلا آخر شي للآسف الشديد ... :? و شكرا جزيلا لـ madmax على الموضوع الرائع و المهم |
اقتباس:
بس ...شو مشان وسائل الاعلام الخاصة بالدول و يللي هي المفروض ما تكون تجارية يعني مثلا ... حالياً عم شوف تلفزيون سوري خاص ( لساه بث تجريبي ) ... اتفاجأت أنو عم يصير بسوريا نشاطات ثقافية كتير حلوة ما كنت عم اسمع عنها قبل و حتى بالنسبة للفن و للأغاني عن بسوريا شباب كتير بيرفعوا الراس ما كنا نشوفون على التلفزيون السوري ...و اذا شي مرة حطّوا شي بحطوه باطار كتير جاف و ناشف ...... يعني بكرّه الناس بشي اسمو ثقافة بقى .... مسؤولية التسطيح برأيي بيتقاسمها الجمهور و الاعلام مناصفةً و شكراً على مرورك |
الذكرى لنازك الملائكة ... !!
.... عالهامش بدي قول شي .. او وراء هالجمهور المتسطح .. سياسات اشتغلت لتشغلو عن قضايا فكرية وحضارية .. ويتحول اهتمام هالجمهور .. لستار أكاديمي .. واتصل واربح !!! سيكون خرابا سيكون خرابا سيكون خرابا .... هذي الأمة لا بد لها أن تأخذ درساً في التخريب !!! (مظفر النواب ) |
اقتباس:
|
ما بتفق مع اللي بيقول انو الاعلام بيقدم الثقافة والأدب للي بدو ..
وبتفق مع ماد كتير انو في تقصير أعلامي .. مين بيتذكر بسوريا برنامج من أي نوع ما ... بيحكي عن المبدعين السوريين في حق عالتعليم .. انا وعم ادرس السنة عن فنون الادب العربي " بالبكالوريا " اكتشفت انن ما سمعانين بولا كاتب سوري :lol: ولا واحد .. كل الامثلة تدور حول نجيب محفوظ وممكن تتخطاه لطه حسين .. او ترجع كتير لعصور قديمة انو يا أخي .. طيب بيسوى انت وعم تدرس هالطالب عن القصة القصيرة .. تقلو انو في كاتب اسمو زكريا تامر .. وقت عم تدرسو مسرح تقلو عن سعد الله ونوس .. أما اللي حابب يقرا شي لنازك فيو يجي يزورنا بالمكتبة - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - وبدي اطلب من ماد أنو يبدا موضوع بقسم الشعر لقصائد نازك .. يسلمو عالموضوع مادوووووووووووو كتير حبيتو .. :mimo: |
اقتباس:
|
اقتباس:
|
ياخوفي ما يضل بالساحة الادبية ولا شاعر.وتفضى للي بيعتبرو حالهم شعراء.:frown:
الله يرحمها وانا لله وانا اليه راجعون:cry: |
اقتباس:
كان ببدايتو يحطولك تماثيل عم تفتل فوق بعضا على موسيقى (كارمينا بورانا ) بصراحة كنت كتير خاف منو و أنا زغير حسو برنامج عم يحكي عن نهاية العالم ...:cry: |
اقتباس:
و أكيد التعليم عنا بدو اصلاحات جذرية ... مو بس بالادب .... بكل شي و الاعلام حالياً حالتو بالويل بس أنو في أمل اقتباس:
 شكرا على مرورك :D |
اقتباس:
|
اقتباس:
|
ايه معك حق ماد
بس هالموضوع مرة انطرح بحلقة من حلقات مرايا بس برضو بدون فائدة خلص هاد احد طباعنا يعني ما بنقدر نستغني عنو وشكرا على الموضوع |
| الساعة بإيدك هلق يا سيدي 06:34 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون