|
فوز منتخب سورية على منتخب لبنان لكرة القدم
اليوم صارت مباراة بس منتخبنا ومنتخب لبنان " الشقيق ":o
ضمن افتتاحية مباريات بطولة غرب اسيا اللي بديت اليوم اللي جارية بالاردن حاليا .. وفاز منتخبنا اليوم على المنتخب البناني كمان " الشقيق " :p بنتيجة : سوريــــا 1 × 0 لبنان :larg::yahoo::yahoo: بعد اداء جيد نوعا ما من من تخبنا وخف شوي المستوى بالشوط التاني وتعرضنا لعدة هجمات خطيرة من المنتخب البناني (كمان الشقيق ;-)) بس الحمدلله الوضع مشي تمام وتمكن منتخبنا من تخطي عقبة المنتخب البناني (قال يعني عندن منتخب:o) وان شاء الله الباقي ورا .. والف مبروك لسوريــــا :adal::adal: وانا سوري اه يانيالي :larg: تم تعديل عنوان المضووع من هيـــة هيـــة هيـــة شقينـــا البنانية ... الى فوز منتخب سورية على منتخب لبنان لكرة القدم |
اي نيالك عنجد
بس عجبتني هي عقبة المنتخب اللبناني منيح بركي بيرتفع مركزنا بالترتيب العالمي هلئ |
الف الف الف مبروك
مو لنتيجة المبارة .. لأنو العنوان عجبني :clap::clap::clap::clap::clap::clap::clap: |
بس مايتهوا حسن نصر الله انو هوه ورى خسارتهم كمان:o
مبروك النا ونشالله بعدمك ياحسون ماتخبرنا بموعيد مباريات :pos: |
اقتباس:
اقتباس:
:lol::lol: لك ع راسي معلم صياد بتنور ياملك :D اقتباس:
شي بهوي منن ومنو :lol: لك بعدين يازلمة انا ماكنت بعرف انو البطولة اليوم بتبدا بعرف فيا بس مالي خبر انو اليوم بتبدا بعدين انت من ايمت بتابع المنتخب بعرفك وحداوي مدري شلون :frown::pos: |
والله يا معلم انا حضرت المباراة. وكنت رح انجلط على هالاداء تبع المنتخب.
يعني اللاعبين مبينين مافي انسجام بيناتون. تنين بيركضو عالطابة. وبخلصوها من بعضهون (التنين من منتخب سوريا) حارس لبنان بشوط الطابة بتجي لعند اللاعب السوري (بنص الملعب السوري) هداك الحمار بدال ما يهديها ويمرر مشان يعملو هجمة. بيخلعها لبيط للمدافعين لبنان. يعني نحن ربحنا المباراة بسبب قلة خبرة فريق لبنان. ولانو فريق مستواه اقل من انو نقول عنو ضعيف. يعني دفاعنا بين قوي بالمباراة. بس هاي لانو لاعبين لبنان مو زيادة. انا صراحة كنت متمني انو منتخبنا يخسر. بلكي اذا شافو خسرنا قدام لبنان. بحلو هالاتحاد الرياضي لكن 4 منتخبات لسوريا:shock: اي البرازيل ما عملتها |
اقتباس:
لقلك شلون .. هي بما انو المباراة الاولى للمنتخب فشي طبيعي انو يكون مافي انسجام ابدا لانو اللعيبة تشكيلات شي جايبينو من الكرامة وشي من الاتحاد وشي من الوحدة والجيش الخ .. يعني كلن جابون وحطون بتشكيلة وحدة يعني هنن بدون شي مافي انسجام من الاول يعني اذا انسجموا شوي مع بعضن فبدن بعد شي مباراتين تلاتة لحتى يبلشو يفهموا ع بعض وطبعا بالبطولات التانية مناكل هوا لوقت مايبلشو ينسجموا واليوم صار معن نفس الشي انو مافي انسجام وخاصة بمنتحبنا الشباب بتأخروا ليتعودو ع بعض :pos: يعني معلومك نحن مالنا البرازيل وبعدين حتى بالبرازيل لما بلعبوا اول مباراة للمنتخب بتحسن مابكونو ع طبيعتن لانو كل واحد بكون جاي من ديرة ومن نادي والامور داخلة ببعضا فمابالك بالمنتخب السوري :cry::cry: بقى الحمدلله مع كل هالكلام وعدم الانسجام طلع حظنا منيح وطلعتلنا اول لعبة مع هيك منتخب بهوي ماطلعلتلنا مع شي كبير وان شاء الله المباراة الجاي بكونوا احسن والأخ والمردب الكبير والعظيم والخنفشاري والخرافي وبياع البطاطا فجر ابراهيم يدارك هالمشاكل لانو الله سترنا مع لبنان ومو كل الفرق متل لبنان :cry: ومباراتنا الجاي مع الاردن وبالنسبة لكلامك انو يخسروا مشان يحلو الاتحاد الرياضي .. فبحب طمنك انو الاتحاد الرياضي وبياع البطاطا الجان قاعد ع قلبكككككك قاعد قاعد قاعد ولو منخسر قدام الصومال رح يضل قاعد وغير الله مارح يشيلوا ;-) بقى اطمن ابو شريك :larg: |
لك بس انو الشي اللي خوزقني اليوم
انو شلون مخلينو لفجر اراهيم لهلأ مدرب للمنتخب بعد الشرشحة والبهدلة والبرد:pos: اللي اكلنا بالاسياد يعني اكلنا هوا ع المزبوط ومع كل هادا لساتو مدرب للمنتخب :o فتأمل يارعاك الله |
أنا عندي مشكلة ما عم اقدر أخلص منها...
مع كل بطولة وكل مباراة بيشارك فيها فريق سوري بعمل لحالي غسل دماغ، وبقول يا ولد هادا منتخب الوطن... لازم نشجعو.... وبالأخير ما بكسب غير وجعة الراس والإحباط واليأس .... واليوم ما شذ عن القاعدة.... أداء باهت... تمريرات خاطئة... تشتيت الكرة بشكل عشوائي.. لا يوجد خطة واضحة في الملعب .... فعلاً ما نحنا يلي ربحنا، وإنما لبنان هو يلي خسر !!!! على فكرة منتخب لبنان كان بإحدى فتراته قوي.... وهي الفترة يلي كان أبو شاكر مستلن تدريب المنتخب اللبناني فيها.... بس آآآخ.... يا خوفي من لعبة الأردن... حاسس بدنا ناكل صواب ماكن... الله يستر... |
مبروك....
ايمتى اللعبه مع الاردن ......؟؟؟؟ |
لك لك
ليش هيك تغير العنوان :shock::shock::? |
مبروك....
ايمتى اللعبه مع الاردن ......؟؟؟؟ |
اقتباس:
بعد بكرة على ما أظن .. |
خبر عاجل :......
أعلن السنيورة عن الحاق ملف فوز المنتخب السوري على المنتخب اللبناني 1*0 مع ملف عيدو الى المحكمة الدولية بجريمة اغتيال الحريري حيث ان فوز المنتخب السوري يعتبر جريمة ارهابية بحق جميع اللبنانيين الاحرار وقد طالب بوش بوضح حد للمنتخب السوري كي لايفوز باي مباراة مستقبلا على المنتخب اللبناني ,, هذا وقد حمل وليد جمبلاط وسمير جعجع وتيار المستقبل سوريا مسئولية خسارة المنتخب اللبناني 1*0 امام المنتخب السوري :hashish::hashish: |
خاوه الاردن رح تفوز واذا مش خاوه مابدنا ياه(الفوز) |
اقتباس:
لا معلم فارس ولو روق انا كل بطولة بصير معي نفس الحالة تماما وبعمل لحالي غسل دماغ وبقول رح نعمل شي وهلأ هالبطولة عامل لحالي غسل دماع ومتأمل انو نحقق شي لانو ببطلوة غرب اسيا الماضية بقطر اتأهلنا ع النهائي مع العراق وقدمنا عرض اكتر من رائع لهيك لحدا الان متأمل خير بمنتخبنا مع انو اليوم كان ادائنا بهوي نوعا ما بس الحمدلله فزنا واخدنا 3 نقط وان شاء الله منعمل مفاجأءة منيحة ومنغلب الادرن او منتعادل معا على الاقل لانن على ارضن وبين جمهورن .. وتفائلو بالخير تجدوه :larg: |
اقتباس:
اللعبة مع الأردن نهار التنين بعد بكرة... الساعة يا أما خمسة المسا أو تماني المسا (كل مصدر بيكتب شكل!!!!!) :D:D |
اقتباس:
لا يروحي .. لا خوا ولا هوا ان شاء الله بدنا نسبحكن على ارضكن وبين جمهوركن وبلا هوا وبلا خوا ;-) |
هع هع هع قال خاوه قااااااااااااااااااااااااااااااااااااال..:o.. .!
بعد بكرا ...رح يجن الشعب الاردني.:yahoo:..نفس الجنه الي جنها ...يوم ما فازت الوحدات ع الفيصلي.:yahoo:... طالعه ع الملعب شجع المنتخب السوري...:clap:.(:p).! |
اقتباس:
:lol::lol::lol::lol::lol: يحرء حريشك والله لو بطلعن بعملوا :o |
اقتباس:
ما هون هي المشكلة..... صار إذا ربحنا ع الأردن مفاجأة ........ :cry::cry::cry: |
اقتباس:
:shock: :shock: :? |
اقتباس:
خليا لربك :pos: |
اقتباس:
لك ماتقلي خوا وهوا رح نفوز او نتعادل باذن الله ...:gem: |
لك انا بس اللي بدي افهو مين غير عنوان الموضوع وليش ؟:?
مابكفي الصالون كمان لاحقينا لهون |
اقتباس:
تم تعديل عنوان المضووع من هيـــة هيـــة هيـــة شقينـــا البنانية ... الى فوز منتخب سورية على منتخب لبنان لكرة القد آخر تعديل Spector يوم 30 دقيقة مضت في 00:50. |
وانا بطالب بإرجاع العنوان القديم للموضوع :frown:
|
الرجاء وضع اي اعتراض بقسم بريد المنتدى لنتناقش فيه لانو هون مو مكان لتناقش بهيك موصوع
وبالمناسبة مبروك للمنتخب السوري ونشالله دائما لقدام :D |
عم نمزح يا زلمة
تاريك حمش وما منعرف روق علينا منسقنا :p |
اقتباس:
اقتباس:
طيب ليش ليش ليش مو ع أساس ديمقراطية ومدري شو واخوية ديمقراطية وواحد بحسن يكتب اش مابدو يعني فهمنا هلكتو ربنا بالصالون جايين لهون كمان مابقي كمان غير تعدللونا بمواضيعنا وردودنا بالسقيفة |
انو يا شباب اذا المدرب نفسو عرفان انو المنتخب ما رح يطلع معو شي بهالبطولة
وقالها انو هاي مشان المنتخب يكتسب خبرة فعلى اي اساس رح نعمل شي فيها اي المنتخب ما عمل مباراة من كانون التاني. والحلو بالموضوع انو لبنان ما عمل مباراة من كانون الاول (يعني لسى اخريين) فما بظن انو نربح على الاردن وانشالله ما نربح على الاردن, لانو ما منستحق |
اقتباس:
فلسفة :D مشكور على ردك:D |
اقتباس:
خليا لربك يا ..:frown: |
:clap::clap::clap::clap:
مبروك مبروك لسوريا و انا بكرة رايحة مع ريمي نحضر المباراة مع الاردن .... يلا الشباب بالاردن بدنا دعم لسوريا:yahoo::yahoo::yahoo: |
اقتباس:
مافي غيرك وغير ريمي :o |
اقتباس:
خليا لربك...قولك اذا رحنا ع الملعب بنرجع :p |
مبروك يا شباب يعطيكون العافية.
|
المهم انو الملك شعبو هو جاب الجول حيو
|
اقتباس:
بلالك هالروحة :cry: لانو عندن بالاردن متل عنا البنت اذا دخلت ع الملعب مفقودة واذا خرجت مولودة بلالك ياها :cry: |
اقتباس:
اي منيح :frown: لو كان بياع البطاطا فجر ابراهيم عبلعب عبد الفتاح الاغا من الاول كان حط غولين مو غول واحد :yahoo: بس يلا المهم فزنا |
| الساعة بإيدك هلق يا سيدي 09:36 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون