|
سرافيس سوريا .............
بعض ميزات سرافيس سوريا محاسبة السائق: إيصال النقود للسائق وإعادة الباقي للراكب يتم بالتسلسل مساعدة الركاب بين السائق والراكب. "فراطة يا حباب". إذا أعطيت السائق 1000 أو 500 ل.س. معناتا ما بدك تحاسب. إذا كانت التسعيرة 3 أو 4 أو 5 ليرات عليك أن تدفع 5 ليرات. حتى إذا 3 ركاب معاً بيدفعوا 15. كثيراً ما يتم صرف النقود بين سرفيس وسرفيس أو بين سرفيس وتكسي: يحتاج لمزامنة حيث يسير الاثنان بنفس السرعة وتتم مبادلة القطع بالاستعانة بركاب المقعد الأول إن وجدوا قد تقع القطع النقدية المعدنية (وخصوصاً ال25) في موكيتات أرضية السرفيس المصممة خصيصاً بحيث تقع القطعة في إحدى الثقوب العميقة بإحتمال كبير. عندها يستحيل إخراجها... >"مين ما حاسب ورا!" الشخص يلي بيقعد وراء الشوفير هو عادة المصب لنقود كل الركاب: عليه أن يحسب لكل واحد كم أعطى وكم بقي له. عادة بعد اكتمال المبلغ بدقة لدى السائق يتم صرف أكثر من عشرة إلى خمستين أو خمسين إلى خمس وعشرينتين. في داخل السرفيس: ===== عادة يصعد القادمون قبل نزول النازلين! ما في مقعد فاضي؟ قرفص فوق الدولاب أحياناً يقوم الركاب بتبديل أماكنهم إما للجلوس أمام صديق أو للتقريب من الباب أو أحياناً للابتعاد عنه. إذا نزل واحد من الركاب القاعدين، وأراد بعض الركاب الجدد الصعود، أولوية الجلوس على المقاعد التي أصبحت فارغة للمقرفصين حسب شطارتهم. عند الازدحام الشديد الشديد قد يجلس راكب إضافي مع السائق بنفس المقعد! غالباً يكون هذا الراكب شرطي كثيرا ما يصعد أو ينزل الركاب على الماشي الباب: ====== إذا يلي نزل أو طلع ما سكر الباب، يستخدم السائق نظرية انخفاض كمية الحركة لتسكيره. أحياناً إذا السائق ما وقف مكان ما بدو الراكب قد يتنقم الراكب بتسكيرة باب عنيفة. للتخلص من مشاكل الباب قام العديد بتركيب باب يعمل بالكهرباء. أعراف وقوانين: ====== يمكن السرفيس أن يتحول لتكسي: تستأجر السرفيس طلب من مكان أنت تحدده لمكان أنت تحدده. يتم التنسيق إما عن طريق الموبايل (تقريباً كل سائق بيحط رقم موبايله) أو يتوقف السرفيس وبتتفق معه عالموعد والمكان والوجهة وأهم شيء: السعر أحياناً يمكن أن تستخدم السرفيس كسرفيس معظم الرحلة وتستخدمه كتكسي عندما بيصير قريب من الهدف الذي لا يقع على طريقه حيث تدفع له زيادة كي يوصلك لهدفك. عند منتصف الليل تتوقف سرافيس كثير من الخطوط عن العمل. لإيصال الركاب المتأخرين هناك بعض السرفيسات الليلية العائمة. يتجه إليها الركاب وبعد التفاوض واجتماع عدد مقبول من الركاب ذوي الوجهات المتقارية والاتفاق على السعر (عادة من 2 إلى 5 مرات زيادة عن السعر الأصلي حسب المسافة والندرة) ينطلق السرفيس. مثال: موقف السيدة زينب الساعة 0:00 بإمكانك النزول من السرفيس وين ما بدك تقريباً! حتى لو كان السائق مخطئ في مشكلة مرورية، يؤيده معظم الركاب بأنه على حق. الراكب المعارض يتم الانتقام منه بتنزيله بعد طلب الوقوف بمسافة كبيرة. على الطريق: ====== في محطات شاي وعرقسوس ودخان وحتى صندويش خصوصاً للسائقين. إذا ما في خط فاضي باتجاه الروحة خود واحد باتجاه الرجعة وحاسبو دبل. أحياناً يطلب السائق من الركاب النزول والصعود إلى سرفيس أخر: يتم هذا بعد تنسيق واتفاق بين السائقين إما بالإشارات أو حسب اتفاقيات مسبقة. لبعض الخطوط هذه هي القاعدة مثل دمشق - مساكن الديماس - قرى الأسد بعض السرافيس لا تنطلق إلا إذا اكتمل العدد (مع المقرفصين او المقاعد الإضافية). ما في مجال أمام الركاب المنتظرين على الطريق كثيراً ما يسأل السائق: في حدا عالجسر؟ وحسب الإجابات وعددها يقرر الطريق أو المفاوضات مع سائقي السرافيس الأخرى. المقعد الأمامي: ====== عادة يجلس الرجال في المقعد الأمامي. كثيراً ما ينزل واحد من الشباب (خصوصاً الصغار) من المقاعد الخلفية للمقعد الأمامي عند عدم وجود مكان كافي للقادمات في المقاعد الخلفية. عند نزول الركاب المزوقين بهدف إتاحة المجال لأحد الركاب في العمق بالنزول، يعود المحظوظ منهم للمقعد الأمامي إذا كان في فراغ. المقعد الأمامي يتسع لشخصين: فيك تحجزه لوحدك كاملاً بأن تدفع عن راكبين. عند امتلاء المقاعد الخلفية على القادم الجديد أن يجلس القرفصاء ولو الراكب المرفه يالأمام قاعد لحاله وما معه أغراض.... منقووول دلوعه سوريا :hart: |
اقتباس:
هاي ساليني عنها كون قاعد بالمقلوب يعني بالمقعد اللي ضهرو على ضهر الشوفير ينزل شي واحد يجي الشوفير يقلع بسرعة كون انا صرت فوق الركاب اللي مقابيلي يكون ضرب فرام بسرعة مشان يسكر الباب يكون ضهري خبط بالمقعد و اللي مقابيلي صار فوقي تسالي عم بقلك :lol: ولي على تولك دلوعة ضحكتيني باخر هالليل ميرسي :D |
هههههههههههههههههه
بعرضي هاني موتتني ضحك ينعن كفركك يسلمو ام الرور بعرضي متتت من الضحك |
ع سيرة السرافيس ..
مرة كنا طالع بالسيرفيس بحلب وراجع ع بيتي وكنا ماشيين بطريق عام وشادد اخو الشليتة شادد لا وفوق كل هادا الطريق كان نزلة هووووووي عني لهون الوضع عادي لحدا مااجت وحدة هيك متل القمر شي جمال وطول وعرض وشقار ولابسة لبس هيك سبور وليييييييييييييي ع بعضي انا ان شاء الله بروح عفس على هالشوفة والطول والشعر الطويل والهوا لفلف ع الخدود وليييييي علي انا :sosweet::sosweet: اي المهم ابو السرفيس اخو الشليتة هو شاف هالشوفة دبت في النخوة وصار بدو يوقفلا ويخليا تعدي وطبعا هادا شي غريب جدا عنا بحلب بل ومستجيل انو صاحب السيارة يوفق للي عبمشي حتى لو بدو ينعفس :pos::pos: المهم هو شاف هديك الشوفة هبت في النخوة وصار بدو يوقفلا (على حظنا صار شهم ) وطبعا ابن الايش طاير طاير ع النزلة ولا كبس هداك الفرين فرد مرة خيو انا كنت قاعد جنب الشوفير ولا واحد كان باخر السرفيس شفت وشو لزق بالبلور القدامي وطبعا انا لزقت بالبلور واللي ورا هادا اللي قعد فوق هادا وهداك وهديك مدري وين صارت وهادا اللي صار يكفر و هادا اللي صار يحشك طبعا السرفيس كلو صار فوق بعضو وهادا اللي لزقان بالبلور وهادا اللي دخل جوات الكرسي وانا لزقت بالبلور :frown: وبعدين بكل رواق وهدوء عدت هالصبية الملاكية وصارت تمشي شوي شوي شوي شوي وطبعا وهي عبتمشي هالمشية الشوفير غاطط فيا وعبتزكر وصفنننننننننننننننننن مدري باشو صفن :oops: وطبعا اكلتا شي مية كفرية وشي مية مسبة هي والشوفير والشوفير غاطسسسس والسيرفيس كلو عبكفير وبالاخير عدت ووصلت للرصيف التاني بسلام وتوتة توتة خلصت الحتوتة :pos: |
اقتباس:
وانا بئول لشو هدولي الفتحات الي بأرض السرفيس.هلا فهمت:p فعلا هالسرافيس شغلة تسالي! |
اقتباس:
....ممممم اي اي فهمت كيف عالعموووم نوووووووورت هاني ( ابو ورده) |
اقتباس:
نورت |
اقتباس:
ال عم يحكي عن الشوفير ............ ياما تحت السواهي دواهي |
اقتباس:
|
اقتباس:
|
اقتباس:
|
اقتباس:
بعدين بلا احاديث جانبيه هلأ بتاكل قتله ....... |
حاضر...افتحي مسنجر ضروري بس بسرعةةةةةةةةة بدي روح:cry:
|
والله كتير حلوين
وانا اصلا بكره اطلع بالكرسي الاول لانو الواحد بيشتغل محاسب و اقعدي يا بنت لمي مصاري وعدي فراطات ويلي بدو العشرة خمستين ويلي بدو الخمسين خمس وعشرينتين اصلا انا مو شاطرة بالحساب هاد عدا اني بشتغل بوابة لافتح وسكر للعالم يلي بيطلعو وبينزلو وفي كمان غير مشاكل طبعا كلها مذكورة بمميزات السرافيس يلي عنا والله مأساة |
اقتباس:
لك انا اللي خبط هداك الفرين ولا الشوفير ..:jakoush: انا كنت عبتفرج بس :sosweet: |
اقتباس:
بعتقد ولا مره...! كذااااااااااااااااااااااااااااااااااااااااااب ه..! |
اقتباس:
انو قبل ما يوصل لعندك السرفيس ... بيأشرلك بإيدو الشوفير ...( تشبير ) بيعملك ( شبر ) انو معاك مجال قد الشبر تقعد فيه .. وتدفع ( الخمسة ) |
السرافيس نص مصيبة .. عندك باصات النقل الداخلي .. ألعن بملـيون مرة ..
|
اقتباس:
مو هدول اللي شوفيريتن بحسبو حالن راكبين بي ام وبطيروا طيران بالشوارع الفرعية والعامة ؟ |
مـو .
|
آخر مرة ركبت باص نقل داخلي .. ( أخضر )
كانت بال 92 ... ليت الباصات تعود يوما .. فأخبرها بما فعل السرفيس !! |
ثانكس على الموضوع الحلو :deal::deal::deal::deal:
|
نسيتو تحكوا عن شغلة كمان وهي لما شوفير السرفيس بيحجز المقعد يلي بجنبه وما بيركب حدا ( طبعاً من الرجال ) بس لما يلاقي شي بنتين حلوين وع 24 بيدوبل يلي ماشي ادامه مشان شو
مشان يخليهن يركبوا معن حرام واقفين بالشمس مو.... |
موضوع كتيير حلووو
زكرتيني بايام الشام ولما كنت روح الصبح على المدرسه بالسرفيس وهات ليجي سرفيس فاضي اس الله |
نووووورتووو الكل
اسفه تأخرت عالرد |
عل أصلي شي كتير حلو
عنجد خليتيني أضحك وأنا لحالي بالبيت (هلا العفاريت يلي عندي بيفكروني جنيت) وكمان شكرا ل GOVERMENT كمان قصتو حلوة ... وشي منو كتير شو رأيكون نعمل مقال بيحكي فيه كل واحد أغرب شي صار معو ضمن هادا الأختراع يلي أسمو "سرفيس" بأنتظار رأيكون بالموضوع |
ههههههههههههه
حلوة يسلمو رؤى ولا انتي الدلوعة التانية؟؟ لانو في دلوعتين لسرويا بالمنتدى وما بقدر ميز سلام |
اقتباس:
دلوعه سوريا ... لازم تلبس نضاره |
اقتباس:
:jakoush::jakoush::jakoush: وليه شو شايفتيني ما تبهدلت بحياتي :) صيط غنا ولا صيط فقر:p :yahoo::yahoo: وحياتك بعمان انتي علمتيني عالباصات وبالشام دانا علمتني علسرافيس :x |
اقتباس:
|
اقتباس:
والله انا اتخرجت وما ركبت باص غير مره او مرتين هاد انا الشب كيف انتو البنات طيب كيف لقيتو الكونتروليه ؟؟ اشي طقع من الاخر صح ؟ |
اقتباس:
|
ولك عيني الله السرافيس.ولك احلى شي الركبة ب السرافيس السرافيس عالم تاني
|
:shock::?:shock::?
اقول انتي وش الي دراكي بهاي السالفه |
اقتباس:
|
اقتباس:
مغامرات مغامرات!!! الواحد بجرب كلشي وبتسلى :D شبها الباصات لما تكون رايق!تساااااااااااااااااا ااالي:melody: :D:D |
لا انا مره فلست وبيتي كان بعيد واستحيت اتصل على حدا يرجعني عالبيت
او بالاحرى خلصوا وحداتي :frown: وطلعت بسرفيس ............. وكان يوم اسود اشتغل البلوتوث وطلعو شله شباب ............... بقرفوووووووو يومها نزلت وكملت مشي بس وصلت عالبيت وفشيت قهري بأخي الصغير :pos: |
احلا شي الركبة ب باصات النقل الدخلي وب الاخص باص القصاع باب توما....:sosweet:
|
hhhhh thank its fanny thank u for topic
|
اقتباس:
يا ابو عيون زايغه ..... اذا ما بشكيك لمرتك :frown: :o |
| الساعة بإيدك هلق يا سيدي 11:00 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون