|
شجرة" ضخمة تنمو"فجأة " لمسافة 8 امتار في ليلة واحدة في مقبرة دوما
شجرة" ضخمة تنمو"فجأة " لمسافة 8 امتار في  قبرة وتثير دهشة وخوف السكان المحليين ساعات عديدة كانت كافية لتحول مقبرة دوما من مجرد مقبرة عادية لمزار أمَّهُ المئات من سكان دمشق، بعد أن أشيع عن نمو مفاجئ لنبتة صحراوية قُدر طولها بثمانية أمتار الأمر الذي اعتبره السكان أعجوبة ، في الوقت الذي وصفها الخبراء الزراعيين بالظاهرة العلمية نادرة الحدوث بسورية . " معجزة إلهية " يصف بشار أنجيلو الذي تواجد بالمقبرة يوم أمس لصيانة احد القبور النبتة بالقول " لم يتجاوز طول النبتة البارحة نصف متر " بينما يروي نذير بأنه "صلى الفجر بالمسجد المجاور ورأى نوراً ساطعاً من القبر". أما حفار القبور محمد حمو فيقول " أعمل بالمقبرة منذ 18 سنة ولم يتجاوز طولها المتر ، وتحتاج لعشرة سنوات لتصل لهكذا طول " ( شاهد بالصور) قصص وأحاديث كثيرة سمعناها خلال تواجد سيريانيوز بالمقبرة فمنهم من قال " أنظر للأرض فكلمة الله مكتوبة على التراب " وأخر ربط الحادث بقرب يوم القيامة . بينما ربط الكثيرون الظاهرة بوجود قبر يونس بن أحمد المصري المعروف بإيمانه وورعه وملازمته المسجد ، ووصفه الكثيرون بالـ"ولي" . وهو ما سارع حفيده تيسير المصري لنفيه واكتفى بالقول " كان جدي مزارعاَ أمي ، وخلال سنواته الأخيرة لازم المسجد، ولكنه لم يكن يوماَ شيخاً أو إمام مسجد كماأشيع بين العامة " وأبدى المصري خشيته من استثمار هذه الظاهرة ، و الترويج للقبر كمزار يؤمه المؤمنون بهدف التبرك والنذور. الحشود الكبيرة التي أمت المقبرة تباينت مواقفها من الظاهرة ، فالبعض اعتبرها معجزة الهية وخرج من المقبرة يكبر ويسبح بينما اعتبرها البعض ضرب من الخزعبلات . الغائب الوحيد عن المكان كانت قوى الأمن الداخلي حيث عمت الفوضى في المكان وسجلت حالات اعتداء بالحجارة على بعض الفتيات ومنهن من فريق عمل سيريانيوز اللواتي قدمن للمساعدة في تغطية الحدث.  الخبراء : "الشجرة الزهرة " .. ظاهرة طبيعية نادرة الحدوث الأستاذ أديب نظام مهندس زراعي ومدرس سابق في جامعة دمشق رافق فريق سيريانيوز لمقبرة دوما قال بان هذه " النبتة معروفة بالعامية باسم لسان الحماة". واضاف بان "هذه الظاهرة طبيعية وهي باختصار إطلاق ما يسمى نورة زهرية ( حاملة الأزهار ) ، وهي شبيهة بالجزء الاخضر للبصل على سبيل المثال" وتابع نظام بانه " على ما يبدو توفرت للنبتة ظروف بيئية ملائمة يمكن ان تكون عمليات تحريض أو تفريغ شحنة حيث تتم العملية بفترة زمنية قصيرة نسبياَ مقارنة بعمر النبتة " وأوضح المهنس الزراعي الذي شارك بالكثير من المؤتمرات والابحاث بحسب ما عرف عن نفسه ، بأنه شاهد مثل هذه الحالة ( تفتح النورات ) يشكل ملحوظ في مدينة سيدي بو سعيد التونسية ، خلال زيارته لها لحضور مؤتمر علمي حيث " تكون الظروف ملائمة لنمو مثل هذا النبات هناك". مؤكدا بان هذه الظاهرة "علمية وان كانت نادرة الحدوث في سوريا". وفي السياق ذاته وصف المهندس الزراعي عبدو الصوص والذي كان معنا ايضا في زيارتنا للمقبرة مشاهدته للواقعة بالقول " نحن أمام ظاهرة نمو نادرة وطبيعية لنبات شوكي مثيرة للدهشة " ويشير الصوص لأسباب حدوث الظاهرة بالقول " نتيجة الظروف الغذائية الملائمة أدت لانفلات الشمراخ الزهري ( حامل الأزهار) الجاهز للتكون في الأرض والأوراق " ويعزو أسباب الإندفاع " لحدوث التلقيح بين الأعضاء الأنثوية والذكرية التي أدت للنمو بشكل مفاجىء " وأضاف شوهدت هكذا حالة منذ خمس سنوات بمحافظة السويداء " وحول مصير النورة أكد نظام والصوص بقائها حوالي أسبوعين يتم خلالها تفتح الأزهار ثم لا تلبث أن تزول وقد يموت النبات لإكتمال دورة الحياة للنبات " من جهته اعتبر الشيخ توفيق رمضان البوطي في اتصال لسيريانيوز بأن كل ما يحصل في الحياة سواء أكان مألوفاً أو غير مألوف لا يخرج عن نطاق القدرة الإلهية رافضاً أي ربط بين هذه الظاهرة وفكرة الأولياء الصالحين .  عمار الدوجي - سعدالله خليل - سيريانيوز |
اقتباس:
اقتباس:
اقتباس:
اقتباس:
نحن بانو سنة؟؟ يعني اكيد مو 1500 ق.م ما هيك؟؟ عالم بدها قشة لتمسك فيها بالفعل شعب الله يجيرنا. اكتر الشي لفتني انو ضربو مراسلات سيريا نيوز بالحجارة. اي اللي زتو الحجارة بدهون ضرب بالصرماي على راسهون. |
عفكرة جاد...انا ضد هالتفكير الخرافي هاد من سيريا نيوز لانو بشوية عقل وتدوير شوف شو لقيت عن هي الشجرة
متل ما حكا أكتر من خبير زراعي و مهندس هي الظاهرة كتير طبيعية و بدرسوها بكليات الزراعة و صايرة بكتير محلات هي الشجرة تسمى علميا باسم "Agave Americana" و هي شجرة معروف عنها أنها بتضل طول حياتها صغيرة و بيوم واحد بتطول و ممكن أكتر من 8 متار و صايرة كتير بسوريا و خاصة بضيع الساحل و في وحدة صايرة كمان بحمص مرة بس الجهل و التخلف بخلي موقع متل سيريا نيوز تنزل هالحكي كخبر بالصفحة الرئيسية سبحان الله |
لك معلم انت قريت المقال اللي جبتو؟؟
سيريا نيوز كاتبة شو كان حكي الخبراء الزراعيين اقتباس:
بس انا عم احكي عن الناس اللي قالت انو هاي معجزة الهية. وشوف اسم الله مكتوب عالتراب. وهداك اللي شاف نور من المقبرة :shock: مشكور معلم |
وهي صور
  |
هههههههههههه اي بعرف انا قثريتو نقلتو متل ما هو
بس كمان ضد راي سيريا نيوز الخرافي بالقصة لانو هي الشغلة معروفة وموجودة شوف هي دراسة كمان عن الموضوع نبات السيسال نبات عشبي معمر ومستديم الخضرة قوي النمو وكبير الحجم. اوراق النبات كثة سهمية كبيرة الحجم لونها اخضر رمادي وجلدية الملمس وطولها اكثر من المتر وعرضها اكثر من 15 سم وقمة الورقة تنهي بشوكة صغيرة حادة يحمل النبات عناقيد من الازهار الصفراء. يعرف النبات علمياً باسم Agave sisalana من فصيلة الزنبقيات Liliaceae. كما يوجد نوع آخر يعرف بالسيسال الأمريكي يعرف علمياً باسم Agave americana من نفس الفصيلة وهو يشبه النوع الاول في النمو إلا ان اوراقه اقل طولاً وعرضاً حيث يصل ارتفاعه الى حوالي مترين ويزهر النبات بعد عشر سنوات او اكثر. |
عفكرة موجود عنا بسورية تنتين متلها وحدة بحمص ووحدة بالساحل
|
اقتباس:
يمانننننننننننننن:shock::shock::shock::shock: انا بعرفك ما بتشرب بالعادي .. شو مغيرلك مزاجك ومشربك اليوم :shock: شو كان رأي سيريا نيوز بالخبر ؟؟؟ وشلون طلع معك انو خرافي؟؟؟ |
خيو نحنا أرضنا أرض البركات....أرض العجايب...
المعجزات يللي بتصير عنا ما بتصير بالسبع بحرات... لك أفففففففف.... |
لك هلأ كلشي فهمنا وامنا في ومااختلفنا عليه
بس السؤال اللي بيطرح نفسو ليش ضربو مراسلات سيريا نيوز :shock: لايش اش السبب :shock: |
أول شي لما سمعت الخبر وبطبعي حشرية كتييييييير وفضوليه كتير قررت روح شوف هاالشجرة
وفعلاً اليوم الجمعة الساعة 6 رحت ودخلت وشفتها هلىء انت لما تشوفها اكيد رح تحس بشي غريب وخاصة انها بوسط المقبرة وحواليك ها القبور بعيد من هون امي واخواتي التهو بالشجرة وانا التهيت بالأموات قرأتلهم وصرت شوف اسم هاد وايمت مات وكيف مات:cry: وابيات الشعر يعني ياناس ولله الموت كتييييييييييييييير صعب:sick: يعني رايحة لشوف الشجرة ام انقلبت حياتي بسبب دخولي على ها المقبرة وقلت معقول انا هي آخرتي:cry::cry: هي آخرة الوردة البيضا يا خسارة ناس تحت التراب واجسادهم صارت تراب هي آخرتي وآخرة كل بني البشر شوبدي قول غير انو لا إله إلا الله المهم الشجرة فعلا رهيبة ومنظرها بخوف النقطة التانية انو ليش فريق سيريا نيوز انضربوا بالحجارة الأسباب التالية حتى مو بس فريق سيريا نيوز كل بنت كانت داخلة على المقبرة من غير غطاء للرأس او بكامل أناقتها ولبسها الصيفي المفضوح والمتعارف عليه بجميع الديانات انو زيارة المقابر لها حرمة وهي الحشمة وتغطية الرأس ان كانت المرأة غير محجبة حتى عند الدين المسيحي وأنا شفت بعيني ماحدا قلي:frown:فياريت ماحدا يتفلسف ويقلي لاء يعني ولله شفت وحدة لابسة بنتكور وسابو طولو من طول الشجرة ولله انا خفت عليها تروح وتتفشكل وتنزل بشي جورة وكنزة حفر كتير سبور يعني:pos: فهاد خلا بعض الشباب يتحركشوا ها البنات بها الأسلوب بدي اشكر يمان من قلبي على الصور يلي حطون وقطع فيها الشك باليقين لأني كنت جد عم فكر انها فعلا ظاهرة طبيعية لكنها غريبة الحدوث مع تأكيدي لكلام العلامة فضيلة الشيخ البوطي اعتبر الشيخ توفيق رمضان البوطي في اتصال لسيريانيوز بأن كل ما يحصل في الحياة سواء أكان مألوفاً أو غير مألوف لا يخرج عن نطاق القدرة الإلهية رافضاً أي ربط بين هذه الظاهرة وفكرة الأولياء الصالحين وشكرا يمان وبنصحك تروح تشوف الشجرة لأنو مهما كانت ظاهرة طبيعية فهي بالنهاية من خلق الله عز وجل وبتستحق الوقوف عندها بس لو تحكي اكتر عن ها الشجرة يعني وين بتنمو وليش بتكبر بسرعة وهيك قصص او عطينا شي لينك لنقرأ عنها اكتر |
اقتباس:
بس قلت يمكن ماتقرأه لأنو طويل لأنو كانو كتييييييييييييييير سبور هنن وغيرون والقبور تتطلب حشمة وهنن كانو بعيدين كتير عن ها الشي :jakoush: |
لك هلأ وانا عبقرا الموضوع بالصدفة مطالعين خبر بموجز الاخبار بالاmbc عن الشجرة ورايحين مصورين جوات المقبرة وعاملين تقرير مصور عنا
|
اقتباس:
ايواااااااااااااااااااااا ااااااااااااااااااااااااا اااااااااااااااااااااااا مشاااااااااان هيك :? اقتباس:
لا لا قريتو كلو اكيد واذا عرف السبب بطل العجب |
اقتباس:
بالفعل شعب بدو ضرب بالصرماي على راسو. |
ليش حبيبي جاد....الاحترام صار عيب نا ولا دامما لازم نكون من شعب خالف تعرف يعني
لح قلك شغلة القبور متل ما قالت ويا روز الها حشمة .. وما بيصير انو حدا يفوت وهو مانو متغطي عن راسو هلا بيجوز بحكم عيشتك بامريكا ما بتعرف هاد الشي بس شو الغلط... واهل الشام المسيحية من اول الناس اللي بتساوي هيك وانا بعرف رفقات مسيحية كتير الي بيساوو هيك شي انا ما عم قول طريقة الضرب بالحجارة صحيحة ولا معها اكيد بس معلم كلشي الو حرمة وكلشي الو عادات يجب احترامها يعني هي اللي جاية بالشورت ولا بالبانتاكور وين رايحة انتي على عرس اقتباس:
انت فهمتني غلط انا قلت الطريقة الخرافية اللي انعرض فيها الخبر وهي الضجة اللي ساووها ما عجبتني يعني وضع هيك موضوع وبالصفحة الاولى الرئيسية والعنوان و و و انا هون كان قصدي الظاهر اوك غريبة شوي بس لو فيهم واحد شوي بيفكر كان عرف انو هي هية طبيعة هالشجرة وقلتلكم انو عنا بسوريا في تنتين منها وقلتلكم انو صايرة من قبل عكلن لح جبلكم دراسة كاملة عنها بس لافضى وان شاء الله خير عراسي كل الشباب والصببايا ويا ريتك يا وايت روس مصورة بايدك كان كتر خيرك |
|
1 ملف مرفق .
هي دراسة على شكل pdf
ممكن تحملوها من المرفقات كتير حلوة شوفو ال Description واقرو عنها |
اقتباس:
شو بصير؟؟ يعني شو رح يصير بالموتا؟ او بالاحرة شو رح يصير للقبور!! بعدين اذا وحدة دخلت بدون حجاب بروحو بيرموها بالحجر؟؟ شو هالتخلف هاد!! بعدين شو مشان اللي بروح على القبر بالشاروخ وبتياب موسخة مثلا يعني؟؟ (وانا مستعد شارط اذا مو تلت ارباع اللي كانو هنيك كانو لابسين شحاطة وتياب مأنشحة معفنة) ليش هاد معلش يدخل وهو مو مرتب حالو. والبنت مو معلش تدخل بالبونتاكور. (على القليلة هية مرتبة حالها) بعدين العالم شو الا علاقة فيها هية بشو داخلة. كل العالم راحت تشوف هال"اعجوبة" شو هني احسن منها!! عقلية بالحضيض (مو انت المقصود بالحكي, بل اللي رمى الحجراة, وكل واحد بأيدون, مين ما كان يكون) لسى بدنا الاف والاف السنين لنصير بشر |
صور من سيريا نيوز  الجزع العملاق كما ظهر عندما اقتربنا منه  اوراق النبات الذي اطلق الشجرة ( الزهرة ) ويبدو من اوراقه بانه نبات قديم معمر  وقف السكان الذين توافدوا من مناطق مجاورة مشدوهين امام ظاهرة لم يألفوها  الشجرة بالطول الكامل وقدر طولها بـ 8 امتار و تظهر تحتها الجموع التي اجتمعت حولها |
اقتباس:
انو لسا بدنا الف السنين لنصير بشر ما كلنا واحد وكلنا من البلد اللي حاضنتنا واذا كونك برا هاد ما بينكر انك سوري وانك ابن هي البلد يللي عم تحكي عن شعبها انا قلتلك انو ضد هي الطريقة بس قلتلك هي الفهيمة اللي جايي ولابسة ومشلطة عالاخر مالها رايحة عالشعلان ولا عالعرس وقلنالك انو في شي اسمو حرمة القبور 5- هل يجوز زيارة المقابر للنساء؟ فزيارة النساء للقبور اختلف فيها أهل العلم إلى ثلاثة أقوال فمنهم من منع ومنهم من أطلق الإباحة ومنهم من جوَّز بشروطٍ جمعاً بين الأدلة وهذا الأخير هو أقرب الأقوال للصواب فقد روى الترمذي في صحيحه عن بريدة رضي الله عنه قال قال رسول الله صلى الله عليه وسلم: "كنت نهيتكم عن زيارة القبور فزورها فإنها تذكر الآخرة". وأصل الحديث في مسلم والمرأة تحتاج إلى التذكير كالرجل تماماً وثبت عنه صلى الله عليه وسلم قوله: "النساء شقائق الرجال" وأما قوله صلى الله عليه وسلم: "لعن الله زوارات القبور" رواه أحمد والترمذي وابن ماجه فإن اللعن لمن تكثر الزيارة كما هو واضح من الصيغة فخلاصة القول أنه يجوز للمرأة أن تزور القبور إن أمنت الجزع وخرجت غير سافرة أو متعطرة وألا تكثر الزيارة وألا تتحرى أياماً محددة تعتقد أن لها فضلا في الزيارة . والله تعالى أعلم. فهذه آداب زيارة القبور، فينبغي للمسلم أن يتحلى بها، ويدع الخرافات والبدع التي أحدثت عند زيارتها. |
بالله ما عملو جامع وسموه جامع السجرة الألهية
شايف اتغير مسار الحج بسوريا |
اب سليمان خليك مطرح مانك قاعد;-)
:pos: |
:sick::sick::sick::sick:
|
اقتباس:
لك حجي هي شغلة عادات وتقاليد واحترام لحرمة القبور مو شغلة شوينة وتقفيل يعني حتى متل ماقلولك المسيحية اذا بدن يدخلو ع القبور لازم يتسترو شوي ويحطو ع راسن شغلة عادات وتقاليد يعني واحترم وهيك الناس متعودة قهالناس لما شافو شي غريب من هالمراسلات هيك مدري شلون كان الواجب عليهن انن يطالعون احتراما لحرمة القبر اقتباس:
لك ابو اليمن اش يعني بامريكا بروحوا ع القبور بالبكيني يعني :? |
اقتباس:
|
اقتباس:
يعني بفهم من هالحكي انو العادات والتقاليد مفروضة على كل انسان بالاجباري؟؟؟ واللي مابيلتزم فيها بيتعاقب او بينجبر بالاجباري انو يلتزم فيها؟؟:pos: يعني هي العادات والتقاليد واللي بدو يتقيد فيها حر مية بالمية وماحدا الو حق يمنعو من التقيد فيها واللي مابدو يتقيد فيها كمان حر مابجي ببهدلو او اضربو او اجبرو باي طريقة:pos: يعني اكتر مابيحقلي (اذا كان الموضوع فعلا بيدايقني) انو حاول وضحلو انو هالشي غير مناسب وضد العادات بس مابيحقلي لا أنا ولا اي شخص تاني انو نجبرو على شي هوي مو مقتنع فيه |
انا وجهة نظري متل وجهة نظر جاد .. وما بعتقد انو هادا البني ادم الي ميت ومقبور بهاي المقبرة رح يتدايق او بياخد عخاطرو اذا تنين كانو عما يساوي شي فوق قبرو ..
وانو مشان الحرمة بالموضوع على عيني وراسي مع اني ما بعرف شو دخل لبس تياب محتشمة بالحرمة تبيعيت القبور .. واذا انا بدي روح ( بلا مؤاخزة منكون ) اعلمة على قبر شي واحد ما رح يكون دخل حدي بالموضوع وانا هاي اشلغلة بساوية لحالة لانو ما دخل الدني كلى بكل صغيري وكبيري بدي اعملة .. ويمان هادا الحكي الي نسختلنا اياه صار عمرو اكتر من 1500 سنة هلق .. وبعتقد انو هيك شغلات فينو الواحد ياخد ويعطي فيا شوي .. وما يضل تفكيرنا متحجر بشي سمعنا عن الانبياء بدون ما نفكر في بنوب بنوب .. الي بدو يحترم المقبرة بيحترمة عكيفو والي ما بدو ما حدي دخلو فيه ولا حدي بيحقلو يضربوا بوردي ما بحجرة لانو ما عاجبو منظرو وطريقة لبسو |
اقتباس:
اوكي حلو كتير هالحكي .. هي العادات وهي التقاليد وبعض الناس مخا صعب وعندا هالعادات والتقاليد لازم تمشي وماحدا غير الله بغيرا وبالحلال باحرام هالعادات والتقاليد لازم تتنفذ (وبتعرفي شعبنا في ناس مخن صعب غير الله مابغيروا) والله مابدو يلتزم بهالعادات وهالحكي عاد بقى بدو يتحمل اذا هالناس هي يا اما يحترم عاداتن وتقاليدن ومخن الصعب يا اما عاد اذا بدو يمشي ع كيفو ويعاند هالناس بدو يتحمل الاذى تبعن |
اقتباس:
البنت متل ما قالو لابسة بونتاكور يعني مو فايتة بالزلط على المقبرة. بعدين مراسلات سيريا نيوز كمان ما بظن كانو فايتين بالزلط عالمقبرة. هاد غير انو اذا ما عجبني طريقة لبسك بروح بحمل حجر وبضربك فيه؟ شو هالمنطق!! والله لفرجيك اذا بشوفك بسوريا :lol: بعدين لهلق ما فهمت شو هاي حرمة القبر؟؟ وما حدا جاوبني شو اللي رح يأذي هالميتين, او القبور اذا بنت دخلت مو متحجبة؟؟ وليش بيأذيهون انو البنت تدخل مو متحجبة؟؟ طيب وليش هالموتة ما انزعجو من كل هالعالم اللي راحو عالقبر مشان يشوفو الشجرة, هني ومطنشين كلشي ميت بالقبر, وانزعجو من هالبنت لانها لابسة بونتاكور؟؟ وليش كمان الموتة ما انزعجو من الخرافات اللي قالوها الناس كمثال, لما قالو عند شخص انو من احد الاولياء الصالحين. وهو حسب قولة حفيدو كان عايف التنكو ما صار يصلي الا باخر كام نهار عمرو؟؟ |
اقتباس:
واما عن الحجاب فلا تغرنكم المظاهر قال متحجبات والله في منهن الله لا يسترهن لا دنيا ولا اخرة فضائح عاملينها ومتخبيينتحت خيام الحجاب حلو لانو بيستر وفرض بس يالي مو حاطتو مو معناتو حيوانة وتترجم قال رجم قال اما عن هالشجرة فوالله اثارت فضولي |
اقتباس:
|
[quote=Willi;619567]معلم هاي ما عاد اسمها عادات وتقاليد. هاي بالفعل اسمها تقفيل واكل هوا.
البنت متل ما قالو لابسة بونتاكور يعني مو فايتة بالزلط على المقبرة. بعدين مراسلات سيريا نيوز كمان ما بظن كانو فايتين بالزلط عالمقبرة. هاد غير انو اذا ما عجبني طريقة لبسك بروح بحمل حجر وبضربك فيه؟ شو هالمنطق!! والله لفرجيك اذا بشوفك بسوريا :lol: بعدين لهلق ما فهمت شو هاي حرمة القبر؟؟ وما حدا جاوبني شو اللي رح يأذي هالميتين, او القبور اذا بنت دخلت مو متحجبة؟؟ وليش بيأذيهون انو البنت تدخل مو متحجبة؟؟ طيب وليش هالموتة ما انزعجو من كل هالعالم اللي راحو عالقبر مشان يشوفو الشجرة, هني ومطنشين كلشي ميت بالقبر, وانزعجو من هالبنت لانها لابسة بونتاكور؟؟ وليش كمان الموتة ما انزعجو من الخرافات اللي قالوها الناس كمثال, لما قالو عند شخص انو من احد الاولياء الصالحين. وهو حسب قولة حفيدو كان عايف التنكو ما صار يصلي الا باخر كام نهار عمرو |
اقتباس:
|
اقتباس:
مو من 1500 سنة؟؟؟؟ ليش بالله هلا بدك تقنعني انو الاداب بتغغير مع مرور الزمن يعني مثلا من زمان عيب الواحد كان انو يضرب ابوه هلا لانو بعد شي 1500 سنة صار الواحد بيطلش ابو كفين وبيخرسو اقتباس:
مدري ليش احساس تاني شي انا قلتلك انو ضد هي الطريقة الهمجية وما قلتلك هاد الشي مقبول وطريقة متخلفة بس مو معناها والله انو شعبك بدو ليصير بني ادم فوق 10000 سنة اسمحلي فيا يعني ما في بلد الا وفيها هيك وهيك منشان حرمة القبور .. ان شاء الله ححطلك كلشي عنها بس مالي فاضي والله هلا بكرا فحصي احلى جاد  اقتباس:
يعني على عيني في بنات هيك وبنات هيك بس شو جاب هي السيرة هلا نحنا ما قلنا انو المحجبة شريفة وهديك بنت حرام بس الموضوع كان موضوع ستر انو عقليا انتي رايحة ترقصي ولا شو يعني لايش كل هالعلاك وهالتنورة الشبرين اقتباس:
قلتلكم في شي اسمو اداب زيارة القبور والله مالي فاضي جبلكم او شفلكم ياهم بس هدول عليي اسبوعين بعدين عندي سؤال للكل هلا شيلونا من حرام وحلال ومعلش ولا يعني هلا بشرفك انتي يللي رايحة عالقبر ورايحة تزوري امك او اختك او حدا من اهلك او رايحة كنتي تشوفي هي الشجرة او قايتة حتى تتمشي جوا هيك كزدورة يعني ضرروري تروحيلي بالكلس.. ولا تضروري تروحيلي بهاد البنتاكور والشلحة ولا ضروري تروحي ولابستيلي هالتنورة الشبرين يعني لا المكان مناسب ولا الجو منساب وانتي رايحة عاساس زيارة للقبر ناطر ردكم جميعا عفكرة ملاحظة عالهامش انا مالي متاكد من شغلة بس بتذكر اني سامع مرة انو الميت ممكن يحس ويسمع باللي حواليه بدي اتاكد وشوف وارجعلكم ما بعرف اذا حدا بيعرف يخبرنا واحلا شباب وتحية للكل |
اقتباس:
بالاضافة حتى لو بدي روح زور بالمقبرة قبر شخص غالي عليي (بعيد الشر:cry:) فلما بروح بزورو بنفس التياب اللي بطلع بالعادة (بغض النظر عن طبيعية هالتياب) مارح كون قللت من احترامه كميت والشغلة التالتة والاهم انو ماحدا دخلو بلبس حدا وماحدا بيحقلو يفرض على حدا اسلوب اللبس باي مكان حتى لو ماعجبنا يعني اي حدا فيو يروح على عرس ببيجاما رياضة وخفافة او يروح على مقبرة بتياب النوم وماحدا بيحقلو يمنعو اقتباس:
بس بتمنى ماتحط اشياء ممكن كتير ناس وانا اولون يشوفوها خرافية وعلى فكرة اذا كان هالحكي صح فاكتر ناس أذو الميت هني اللي بلشو يطلعو بالخرافات حول هالشجرة واللي بلشو بهالعنف والضرب :D |
انحكى اكتر من نقطة كتير بخالفن انا ..
بداية : المسيحية بيغطوا راسن وقت بيروحو عالقبور :? وقالت وايت روز ما حدا يجادلا .. مو صحيح ومو دقيق وعندي خبرة شخصية أقرب للاسبوعية .. تنين : القبور تقتضي الحشمة :? اووكي منيح " إذا وافقتكن عالفكرة " بيعملو قانون .. حارس للمقبرة .. وهوي بيقرر هالناس بتفوت أو لأ .. احترام الميت " اللي ما فهمت دخلا ببونتاكور البنت " لا يفوق احترام الانسان الحي .. اللي انضرب بالحجارة ما بيحق لحدا يقرر احتشام حدا تاني .. ولا يقرر انو يضربو او لأ .. . اقتباس:
لك شو بيلبس البني ادم حرية شخصية ... بيلتزم بقانون معين .. في حال وجوده بس اكيد ما بمنظور الاشخاص وعاداتن وتقاليدن ومفاهيمن الشخصية للاحتشام اما بخصوص الشجرة ... تساااااااااالي :lol: |
اقتباس:
انا ما قلتلك انو البسي هيك واعملي هيك يعني مثال بسيط اكيد اذا شفتك بالشارع ما لح اركد وراكي وقلك وين عمو شو يا بانتكور وما بانتكور ما هيك .. تصطفلي هي بتصفى منك الك ما حدا الو عندك |
اقتباس:
اقتباس:
البني آدم لمّا بموت .. بتّتموت خلايا جسمو تدريجياً بتموت الخلايا الدمّاغية أول الشي .. لما بتموت الخلايا الدماغية رح تموت معها الحواس ( الإحساس , البصر, ... ) --- أكيد الجهل و التخلف .. رح يسمح لكم مجنون متعصب .. يعتبر هالشي معجزة .. لذلك توقعو يضربو السيريا نيوز و الشام برس .. و و و و و و دائماً بالأخير مثبت أنو عرب بامتياز .. منساوي من الحبة قبة .. و من شغلة مثبتة علمياً .. معجزة و بالأخير منبهدل حالنا قدام العالم .. و بروحو كم حيوان بضربو مراسلين السيريا نيوز .. و ما ببقا وكالة أنباء إلا بتنشر هالخبر .. و لاا تقول هالمراسلين يهود و هني أطفال الحجارة .. و عووجة .. |
جادو روح وانا معك والله محييك
بما انو انا ما قريت كل الموضوع وما كنت متابع من اول (تاني مرة هيك مواضيع سخنة بتبعتولي فيها برايفت مشان تابعها لحظة بلحظة ) قريت شوية ردود بس عندي تعليق على قول ليمان وقت قلو لجاد انو بتضلك ابن سوريا حتى لو كنت براتها او هيك شي خيو يمان انا من وقت كنت بسوريا بآمن انو عنا عقليات متخلفة لهيك ما كنت اتبع التقاليد والاعراف اللي عنا بسوريا وبعتقد اي واحد من ضيعتي بيعرف هالحكي بس مو معناتا انو روح فحش وبحش وما خلي شغلة مو منيحة الا وساويها بس كمان في كتير تقاليد وعادات بسوريا لازملها حرق قشة لفة وهاي هيي اللي انا ما كنت اتبعها (بجوز تكونو انتهيتو من هالنقطة من شي عشرطعشر رد سابق بس انا بيحكني جسمي اذا ما بقيت البحصة وحكيت بنقطة متل هالنقطة ) وايت روز متل ما قالتلك مرسيل وسمحيلي قلك لاء المسيحيات مو ضروري يحطو على راسن وقت يروحو على المقابر واهلين وسهلين على راسي الشباب فيكن تتابعو بس لا تنسوني بالمواضيع التانية اللي من هالشكل :D |
| الساعة بإيدك هلق يا سيدي 10:34 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
