|
مليار دولار حجم مصاريف الاستفتاء!!!
قدّرت المعارضة السورية حجم مصاريف الاستفتاء الرئاسي في سورية، بين 800 و1000 مليون دولار، وقالت إن هذا الإسراف الكبير، يأتي "في وقت تشكي فيه البلاد من عجز تجاري كبير، ومن تراجع في مستوى الخدمات الصحية والتعليمية، ويشتكي فيه معظم المواطنين من عجز في توفير مستلزمات حياة بحدود معقولة". وندد مكتب الأمانة العامة لتجمع إعلان دمشق للتغيير الوطني الديمقراطي، أكبر تجمع معارض في البلاد، في بيان حول اجتماع دوري له اليوم (الثلاثاء)، بعد ساعات من إعلان فوز بشار في الاستفتاء، رئيساً لسورية لولاية ثانية، ندد بشدة بالطريقة التي أدارت فيها السلطة الاستحقاق الرئاسي، وأشار التجمع المعارض إلى "تجاهل دعوات المعارضة والقوى الاجتماعية السورية، لإجراء تعديل في طريقة اختيار المرشح للرئاسة، بحيث تدخل سورية، أسوة بعدد من الدول العربية، عصر التعددية السياسية من باب التنافس على منصب الرئاسة بين متعددين، ليخرج البلد من دائرة النظم الشمولية المغلقة". كما ندد التجمع المعارض بالحملة الإعلامية "الواسعة والكثيفة والضخمة، التي استخدمت فيها إمكانيات الدولة المالية دون حساب، وحولت دوائر الدولة ومؤسساتها إلى مكاتب دعاية مغلقة للحملة الانتخابية، حيث توقفت هذه الدوائر عن أداء وظيفتها، وعطلت مصالح المواطنين لأكثر من أسبوعين"، لتتفرغ وفقاً للبيان "لوضع الزينة وبث الأغاني التي وضعت خصيصاً لهذه المناسبة، والتي ركزت على شخص الرئيس ومناقبه والولاء المطلق له"، وحولت الموظفين "إلى عمال سخرة في الحملة الدعائية، و"تحويل المواطنين إلى كومبارس يرقصون في الشوارع، في مسرحية هزلية تعبيراً عن خضوعهم غير المحدود لشخص الرئيس، والسلطة الحاكمة والمتحكمة في حياتهم وحياة أسرهم"، بالإضافة إلى "تسخير القنوات التلفزيونية والإذاعية السورية في الترويج للمرشح الوحيد". واعتبر التجمع المعارض الذي قاطع الانتخابات البرلمانية والاستفتاء الرئاسي، أنه ما من داع لهذه الحملة الانتخابية "الباذخة" طالما أن "نجاح المرشح الوحيد مضمون"، في عملية استفتاء وصفها بأنها "مسيطر عليها من قبل السلطة وأجهزة مخابراتها"، ورأى أنه كان يمكن "إعلان نجاحه بالتزكية لعدم وجود منافس، وتوفير الأموال الطائلة التي هدرت". وربط التجمع العملية بـ"سعي السلطة الحاكمة إلى إعادة عقارب الساعة إلى الوراء، بتعويم نظام فقد مبررات الوجود والاستمرار، وبإعادة ضبط استجابات المواطنين وردود أفعالهم وربطها بالسلطة، وفي استعادة فجة لأجواء سبعينيات القرن العشرين، بعد أن عكست التعبيرات السياسية واليومية، ارتفاع درجة التذمر والتململ في صفوف المواطنين، التي أوضحتها انتخابات مجلس الشعب، التي لم تتجاوز نسبة المشاركة فيها الـ 5%"، وبإعطاء "صورة مضللة عن موقف الشعب السوري من السلطة وسياساتها، في سياق استدراج عروض تهدف إلى غواية القوى الدولية، للتفاهم وإعادة إعطاء أدوار سياسية إقليمية، لنظام فقد الجاذبية والصدقية من جهة ثانية". وعلى صعيد آخر دان التجمع "الأحكام الجائرة"، التي أصدرتها المحاكم العادية والاستثنائية، بحق معتقلي الرأي والضمير، والنشطاء الحقوقيين والسياسيين السوريين. مشيرا بذلك إلى الكاتب المعارض ميشيل كيلو، والمحامي الناشط في مجال حقوق الإنسان أنور البني، والناشطين كمال اللبواني ومحمود عيسى وخليل حسين وسليمان الشمر وغيرهم. آكي |
هلق بيجيك واحد من جماعة الموالاة بقلك.
خائن عميل. |
بيستاهل الرئيس أكتر من هيك كمان ... الله يحميه ويوفقه .. ويكسر راس كل ( أشباه الرجال )
|
فعلا صديقي ( صياد الطيور ) بيستاهل أكثر من هيك ...!! بيستاهل يسرق كل أموال سوريا والسوريين ... ويخلي سوريا والسوريين يروحوا لجهنم مو مشكلة!! هاد على رأيك!! المشكلة أنو ما نحكي على الخائن العميل الغير شرعي بشار!! لأنو هو أهم من سوريا ومن كل السوريين!!! |
خائن عميل ههههههههههههههه بمزح والله انا مش منهم
المهم مش فاهمة شي :lol: |
اقتباس:
|
لا ياعمي غلطان المولاه شتغلت بضمير ومن دون مقابل لانو ( بنحبك ) فهمت كيف ؟
واي واحد بيعارض بيكون خاين |
كل واحد بينظر من منظور ....
لما بتدها تجي أميركا لسوريا حتى تحاربها بحجة تغير نظام الحكم ( متل ما عملت بالعراق ) سوريا رح تخسر أضعاف مضاعفة من هالمبلغ ... بقى خلي يروح هالمبلغ على الشعب الي عم يفرح و يتسلى و يشارك بالحفلات ... احسن ما يروح حق قذائف و قنابل و خسائر بالبلد و البنى التحتية ... بكل الأحوال ... المبالغ المذكورة فوق مبالغ جدا جدا جدا فيها ... ولا يمكن يقبل فيها عقل ولا منطق .. غير حديث اعلان دمشق ومشكور يا زاهي على الحوار الراقي ... مو متل غير عالم .. شاطرة بالتهجم و الشتائم بس ... لما بيكون حوار راقي بتاخد رد راقي .. والعكس صحيح :D |
والله غريب يا أخ صياد الطيور .... على أساس بشار وجماعتو شلة ( المقاومة ) و ( الممانعة ) و ( الصمود ) و ( التصدي ) ..... يعني معقول يكونوا خايفين من أميركا لهل درجة؟؟؟؟!!!! وبعدين ما في بديل بكل سوريا غير هل عميل الحرامي وحزب السرسرية لحتى يكونوا البديل عن كل الشعب السوري الصابر المحتسب؟؟ |
اقتباس:
هلأ لشو الحكي يللي ما رح يقدم ولا رح يأخر.....المصاري انصرفت...بح...خلاص...ما فيش....نجلا... |
اقتباس:
اصلا يا حبيب لو النظام مالو موجود امريكا كلا مارح تجي !! وبعدين يا زلمة بركي لا سمح الله بكرى بعد كم شهر اجت امريكا ودخلت على سوريا ؟!! بيكون النظام صرف حق قنابل وخسائر وبنى تحتية مع هدول الي راحو مشان الشعب يرقص ويغني معقولة كلامك انت معلم ؟!!!!!! بيكون انبعص النظام بعدين !!!! لانو صرف هل المصاري كلا وبالاخير طار ومالحق يشتري قذائف وقنابل !! يا عمي هي اسما ديكتاتورية لانو مو من حقو يصروف من اموال الدولة واموال الشعب على حملتو الانتخابية الي كلا مسخرة لافي برنامج ولافي منافسين وكل الحملة كانت رقص ودبك وقلة ادب وكل هاد قبل الاستفتاء مايصير !! والله مسخرة !! |
ما هي المشكلة أنو المصاريف متل قلتها.. يعني ناجح ناجح... لشو المصاريف
|
هع هع
يا ريت كل سنه يكون في حمله انتخابيه ...وحتى ولو بلى منافسيين... الشعب كيف وهيص بهداك الشهر ... ما ضل حدا ما روق ( غير الي اصلا ما بدو يروق ) ...!! الكل استفاد من هالحمله ...سواء بالاكل الي كان يتوزع بالخيم ... او الدبك ...او تأجيل الامتحانات...!!! عدا عن ذلك ... انو خاف الله او سعدو (الي بريحك) لما بتكتب هيك ارقام ...! |
يعني برأيك اي استفتاء لمين ماكان رح يصير ببلاش
بعدين شو مصداقية الرقم المذكور و دخلك الانتخابات الفرنسية قديش كلفت و انتخابات الرئاسة باميركا عزمانا قديش كلفت بعدين لا تزعل مني حاسس كأنو مالك سيرة غير هالسيرة لك يا اخي والله الحل مو هيك وفيك تعطيني مثال صالح لما تريد بس شرط يكون موجود على ارض الواقع |
اقتباس:
اقتباس:
عم نقول أنو المصاري المليار دولار راحوا حق لافتات اقتباس:
اقتباس:
اقتباس:
اقتباس:
المصاري عم بتضيع و هاي مصرياتنا نحنا الشعب السوري و بيجي واحد بقلي بسطوا الشعب خلو يرقص و التاني فاد الشعب خلاه ياكل من الخيم لك شو هالحكي الفاضي اقتباس:
اقتباس:
|
اقتباس:
اسمحلي قلك ابدا مو بشار هوي الي سارق البلد...لك اذا في حد ما عم يسرق هوي بشار... الي عم يسرقو كتتتتتتتتتتتتتتتتتير وعم ينهبو البلد كمان.... نحنا لازم نوجه اهتمامنا بالفساد مع هدووليك مع الروس الكبيره مو بشار!!!!!!!!!!!! لك ما حد عم يشتغل بهالبلد غير بشار ومرتو..... بس ع شو ...؟؟؟ فعلا ما بيلبقلنا....! وتحياتي...:D |
اقتباس:
كم مرشح سوري؟ |
اقتباس:
كل هي الحملة مو سرقة؟؟ العمى بدينها إذا هي مو سرقة شو السرقة؟ |
اقتباس:
أنا غريمي نظام الحكم و أنا ما عندي أي مشكلي شخصيي مع الدكتاتور بشار الأسد اقتباس:
اقتباس:
الاستبداد اقتباس:
اقتباس:
|
اقتباس:
|
اقتباس:
و تجمع اليسار الماركسي طرح أنو الانتخابات لازم تكون عالطريقة النسبيي و سوريا دائرة و واحدة |
اقتباس:
مرحبا اخي, ليست المرة الاولى التي يعتدي فيها المواطن الغير صالح على اخاه المواطن الصالح, من خلال الكلام التضليلي, الذي في معظمه يقوم على دوافع اجرامية تعصبية عمياء ... حبا منك في اثبات انك لست من المضللين لاخوك المواطن, نريد دراسة اقتصادية يتبين ضمنها اين صرفت هذه المصاريف و كيف تمكنت المعارضة ((( اللا انسانية ))) من الوصول الى تلك النتيجة... مع انه من الواضح انهم يستغلون سذاجة المواطن السوري, الذي يصدق بلا دليل ويعتمدون على الاحمق الذي يدرس في بعض المجامع الشبه دينية (( لان الدين لا يحث على التعصب الاعمى) يدرس الحقد و الكره و البغض الاعمى... و هذه ليست معارضة. هذه مجموعة اجرامية صاحبة مصالح, ترى من خلال انانيتها انه يجب ان تحصد بعض خيرات الوطن..... لا يمكن ان تخرج من هكذا شعب معارضة انسانية..... لبندأ بالاصلاح, لبندأ بزارعين الرعب في نفوس مواطنينا, لنبدأ بالذين يجعلوا من اغلبنا اعنام, لنبدأ بالذين يدرسون تكفير الناس و لنمنع كل كتاب فيه تكفير و حث على الكره بأي طائفة اخرى و لنطالب بحقنا كمواطنين, ان يحاسب القانون كل رجل او شيخ او قسيس او او او او يسمح لنفسه بأن يقوم بدعوى تكفيرية, لا سرا و لا جهرا... و لبندأ بمحاربة اللا انسانيين .. الاغنام .. الاقل من الاغنام.. و لنقدس الانسانية و لنرفع رايتها ..... سدير |
ما بعرف شو يلي عم يصير بس الله يعينا من ......................................
|
طيب لنفرض هلق طلع قانون انتخاب جديد ومتل ما بدا المعارضة وغيرها (قصدي بغيرها متلي انا مثلاً ماني معارض بس باتمنى الافضل دائماً) شو رح يكون موقف المعارضة
وسؤال تاني عالهامش مين بتقصد بالمعارضة |
أنا أريد أن أسأل شباب وصبايا : هذا الرئيس الغير شرعي الذي اسمة بشار ، في الاستفتاء الاخير كان سيفوز يعني سيفوز وطبعا بنسبة معروفة ايضا ... تمام.. ( يعني سيمدد له غصبن عن كل سوريا وشعبها وبالقوة )! ألم يكن من الأفضل أن تقدم هذه الأموال حتى لو بلغت 1000 ليرة سوري بس .. الى الفقراء في سوريا؟ ألم يكن من الأفضل أن تقدم هذه الأموال لبناء وترميم شوارع سوريا المحفورة؟ ألم يكن من الأفضل أن تقدم هذه الأموال لترميم المدارس المهدمة والتي باتت على شفير الانهيار؟ ألم يكم من الأفضل أن تقدم هذه الأموال الى أبناء الشهداء الذين لم يصلهم فرنك واحد ( الا عبر الدعاية الكاذبة في التلفزيون السوري! ) ؟ ألم يكن من الأفضل أن تقدم هذه الأموال لبناء جسور وأنفاق جديدة بدل التي بنيت وبانت عيوبها و صارت فضيحة؟ ؟؟؟؟؟؟؟؟؟؟؟ |
............. شباب هل تذكرون سد زيزون الذي انهار عام 2001 ؟ وأدى الى مصيبة كبرى ومات بسببة عشرات السوريين وابيدت الماشية في المنطقة وهدمت القرى فيها... ؟ هل تعرفون كم من المال كلف بناءة؟ تخيلوا : 200 مليون دولار فقط! ( طبعا راح نصفها سرقات مع الشركة الروسية والمخابراتية والعواينية و الحزبيين ورشاوي وواسطات ...يعني ثمن اقامة السد 100 مليون دولار فقط ) هل تعرفون من قدم كل المعونات لأعادة بناءة من الحديد للباطون ....؟؟؟؟ ليس النظام وليس الحرامية وليس المجرمين وليس بشار وليس اعمامة ولا اخوالة ولا ولاد الخالة....ولا الحزب ولا المرتشين ... الذي يحزر سأعطية هدية محرزة! |
إي إي أنا بعرف...
عمو الوليد بن طلال... اللي خايف ع مصلحة البلد يا حرام... شو ربحت؟ |
اقتباس:
|
اقتباس:
اقتباس:
إن كانت طائفيتك تدعوك للدفاع عن نظام استبدادي كالنظام السعودي فأنا ماني مستعد حط إيدي بإيدك و أنا بحب قلك أنو بالرغم من أني معارض بس بفضل النظام السوري عن الظام السعودي |
اقتباس:
يعني انا ما بقلك انو النظام عنا احسن نظام بالعالم بس بقلك انو احسن من غيرو بكتير و شكراً للجميع:deal: |
انا ماراح ناقش كتير بس مليار دولار يارفيق!!! مليار دولار لك ياعمي اذا بدنا نعطي رقم بنجيب واحد بيتصدق مو هيك رقم خنفشاري
كل ميزانيتنا العظيمة 6 مليار وتقولو ان صرف مليار وحدووووووووووو الله ولوووووووووووو كان في صرف بس مو بهالرقم الخرافي لان الحملة الاميركية للانتخابات مابتوصل الربع هالمبلغ فيا ريت ندقق بالارقام قبل مانستخدمها |
يا عيني وأنا بواقوا تماام.. يعني بفضل النظام السوري عالسعودي أو العراقي أو اللبناني
بس مو معناها إذا في أسوأ منّو صار منيح.. بيضل في أحسن منّا.. وهنن كتااار كتير |
اقتباس:
بس مو معناها إذا في أسوأ منّو صار منيح.. بيضل في أحسن منّا.. وهنن كتااار كتير |
مليار!!!!!!!!!!!
أتعلموا يا سادتي كم ميزانية سوريا؟؟؟ 10 مليار دولار يا بلدي الطيب..... يابلدي |
اقتباس:
|
اقتباس:
بس بكل الأحوال ممكن نقول... ممم تونس.. ونظام موريتانيا الجديد اللي عمل الثورة وقطع مع إسرائيل وما اعترفت فيه أميركا لأنها ثورة... نظام الإمارات اللي عمل توعية لشعبو وليكون عايشين مرفهين ومعلمين أحسن تعليم... شوفي كمان؟؟ تركيا النظام اللي استلموه الإسلاميين وحافظ ع ديمقراطيته وقوة صوت الشارع فيه.. بتحب كمان؟؟ فنزويلا اللي صحيح قامع المعارضة بس عالأقل عم يشتغل مع مصلحة الفقراء... الأرجنتين... وكتار غيرون |
اقتباس:
بس انت مو شايف ابداً اي تحسن معقول ما في شي تغير وكلو نفس الشي يعني ضل في شوية سلبيات انت بتشوفا كتيرة وزادت كمان شوية سلبيات كمان انت بيجوز تشوفها كتيرة بس معقول ما في ايجابيات بالمرة..؟؟؟؟ |
شكرا شباب على الردود أنا شخصيا أعتقد أن أي نظام .. أعيد : أي نظام! أو دولة يهرب لها شبابنا لأي سبب فهي نظام ودولة أفضل من نظامنا بأشواط! ولو كانت الدعاية ضدها تقول العكس ... وبغض النظر عن التسميات! ونسأل : لو كلفت اموال الاستفتاء 1000 ليرة سوري بس ... أليس من الأفضل أن توضع في مكان ( مناسب ) لها؟؟ |
1 ملف مرفق .
بالنسبة للسؤال الذي سألته لم يجاوب عليه الا الصديق العزيز كهربجي مثقف بس صديقي أنت جاوبت على نصف السؤال بس! الجواب الكامل هو : الامير طلال بالبناء، و الاردن الشقيق!! ولبنان الشقيق!! بالباطون والحديد!!! طيب وين ملياراتنا نحنا ؟؟؟؟؟؟؟؟؟؟؟؟؟؟؟ بس على كل حال افترض انو الزعيم كهربجي مثقف هو الفائز وأنا وعدتو بهدية وهي هيه هديتو : |
انا بشوف هالمبالغ اللي انصرفت ، مع انو مبالغ فيها ، ماراحت عالفاضي، يعني على شو انصرفت؟
او خلينا نقول مين اللي استفاد منها هالمصاري اندفعت للعمال اللي اشتغلو بالخيم والمضافات وللناس اللي اجرو هالخيم ولمحلات الاقمشة والخطاطين وللفرق الموسيقية وفرق الفنون الشعبية وللمطاعم والمطابع وأصحاب السرافيس،ومحلات تأجير الكراسي وغيرهم كثيرين ،هدول الناس ما اشتغلو ببلاش، يعني باختصار، المصاري راحت للشعب لأنو هالناس هدول من عامة الشعب، ولا لأ؟؟؟ |
| الساعة بإيدك هلق يا سيدي 09:19 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون