|
تعو شوفوا شكل بطاقة الأستفتاء
1 ملف مرفق .
 |
بتعرف بالتسويق لهيك فكر..
بيصير عامل الخوف .. يخلي الناس تحط " نعم " وبيصير الخوف اكبر من الحقيقة .. مع أنو ما بظن ( يعني ما عندي معلومات دقيقة أذا عندك انت فيدني .. ) أنو في شخص تعرض لاعتقال او لأزعاج لمجرد انو كتب لأ .. :D |
شكرا على الردأول شي انا الكاريكتور ناقلو من موقع شفتوا مضحك فحطيتو اما بالنسبة عن اذا بيعتقلوا حدا لو حط لأ أكيد مابعتقد بس ممكن يواجه مشاكل مثلا اي شخص بيقدر يصرح باختياروا الانتخابي فبدي إسألك انتي أو اي شخص سوري بقدر أنو يجاهر بأنو رح يحط لأ أكيد رح يعتقلوا
الناحية الأخرى أنا مابشوف أنو هيك اشياء بتخوف العالم أكتر من أنو بتخلهن يضحكو على الوضع المبكي المضحك يلي هنن في مشان هيك نزلتها على المنتدى واذا بدك فيكي تجربي وتحطي لأ ومنشوف شو رح يصير مع أنو مابنصحك لأني بخاف عليكي |
يُفشَل... |
هاي سياسةى الرهيب والترعيب مو الترغيب والديمقراطية
سيدي كلو متل بعض :cry::cry:ندفع فواتير اخطاء ونسكتتتتتتتتتتتتتتتتتتتتت تتتتتتتتتتتتتتتتتتتتتتتتت ت:sick: |
اللي نفسي اعرفو
طالما في معارضين كتير لهاد الكائن ! من وين بتطلع النسب المؤيدة العالية ؟ وبيحطولكو مراقبة ع وراق الاستفتاء يعني ؟! "لمى بتعمل حالها عبيطة " |
حلوة....بس عفكرة انا مرة امي حطت لا!!!
اي صدقوني |
اقتباس:
حدا .. أرهبكون ..؟؟ |
هههههههههههههه لا وحياتك... لو تشوف بس شو صار
هي ما حطت لا حطت بس فاتت .. قام اول ما فاتت شو قلها تبع يللي واقف قلا حطي نعم قام الوالدة الله يخليلكم الوالدة تبعكم قالتلو ما بدي حط نعم :o :o :o :o :shock::?:shock: قام قلها نعم:? قالتو اي ما بدي حط نعم ... بدي حط اي:gem: وراحت...بشرفي ما بنسا هالموقف بحياتي:yahoo: |
جد هي هي الصوره ههههههههههههه
يالله طلع حظي حلو شفتها قبل ما موت :cry: |
اقتباس:
ملعوبة يماااااااااااان قال ما بدي حط نعم قال اي شو عايشين بالسويد .... |
باركولي الاحد رايحه عالسفاره ال لازم انتخب حدا ههههههههههههههه
بس اكيد مافي غيرو ..... ليش في حدا ترشح :o وبوافيكم بالاخبار اذا كانت نفس البطاقه ولا لا هههههههه |
معلش من الشباب والصبايا الناخبين معارضة و موالاة .. وبالروح بالدم ...
بس عند ي اقتراح صغير هالقد .. بما انو العملية ديمقراطية .. واستفتائية .. وعلى العين موليتين .. ليش ما بيكونوا ثلاث اختيارات .. وطبعا الاختيارات ما بيكونوا بترتيب معين .. عشان الحريات يعني .. الاختيارات : - نعم - لا - لا أعرف |
اقتباس:
وأمك هلىء وينها؟؟؟:D |
اقتباس:
ههههههههههههههههههههههههههههههههههههههههه هع هع هع دماتها خفاف والدتك سلملي عليها :p |
1 ملف مرفق .
بطاقتي أنا أحلى، بالله شوفو هالبطاقة، بجوز كتير منكن شافها من قبل، بس مشان يللي ما شافها يشوفها و يجربها كمان :clap::clap::clap::yahoo::yahoo::yahoo::yahoo:
شباب بس للمعلومات العامة، و مشان الشباب الطيبي ما يفهموني غلط :sick: ، أنا رحت عالسفارة و حطيت "نعم"، لنشوف شو آخرتها، آل يللي بتعرفو أحسن من يللي بتتعرف عليه. :frown: |
شكرا لك أخي فاوست يعني ماذا نتوقع من نظام غير شرعي حكم سوريا بالحديد والنار منذ 40 عاما؟؟؟ كلنا نحن السوريون رأينا بأم اعيينا كيف مارس هذا النظام كل أدوات الضغط والغصب والنصب واللف والدوران والتهديد والوعيد! قالوا لأبي ( وهو موظف حكومي ) : ( يوم كذا بتكون الساعة 8 في وظيفتك لأنو الباصات جاهزة لتوزعكن على المراكز! والي ما بييجي رح نحرموا من من وظيفتو )!! وقالوا لأخي ( وهو في الجامعة ) : ( سماع ولاه انتي وياه يلي ما بييجي على مسيرات المحبة للرئيس ( النهارية والليلية ) والله لأحسب الله ما خلقوا ورح نحرموا من الامتحانات وهو راسب وما في جامعة بالعالم رح تستقبلوا )! ثم قالوا لهم اوقات المسيرات الوطنية!! ابن جيراننا بالجيش ( المسكين :cry: ) كمان جروا جر على الاستفتاء بالرغم من انو الجيش لا يتنخب !! وعمي ابو سطيف قريبنا ( توفى قبل بيوم واحد من الفرحة الوطنية ) قالوا لأبنو :( بكرة بتكون انتي واخواتك وبتجيب هوية ابوك معك لحتى ينتخب )!!!! والله يا شباب ما حكيت الا الحقيقية والي شفتو بيعيني!! |
الحقيقة ياجماعة خلونا شوي منطقيين انا معكن بانو الاسلوب غلط بس سبحان الله المبالغه صارت بالدم خيو زاهي انا موظف وماحدى جرني لاعلى مركز استفتاء ولا على مسيرة. والخوف يلي عم يخلي الكل يكتب نعم لوفرضنا هاللشي هوهاجس كبر بعقولنا وصار اضخم من الواقع. وصار حافز لقصص تخويت وخيال متل يلي تفضلت فيها وخصوصي هي شيت الجامعه اي شو يازلمة طول بالك مفكرنا قاعدين بالمريخ يعني!!!
|
اقتباس:
|
هلأ هالنقطة الحمرا يلي بجبينا كل هالقد مبينة :shock:يعني مبين انو نحنا هنود :shock:
ممكن نسدء انو التصويت :clap:والمظاهرات ;-) وكل هالشي اللي صار طلعوا اجباري................لك خلصنا بئا كلكون كام واحد بدكون تعملولي معارضة لحالكون فعلا خسئت |
فينك أخ فاوست تقلي نحتا إذا كنا عم ننتهك حقوق الديمقراطية .....
فين بالعالم موجود ديمقراطية ...........................أتحداك إذا بتلاقي بلد في العالم ديمقراطي و إذا لاقيت دلني عليه نحنة بنتم أحسن من غيرنا بكتييييييييييير ......بس المشكلة إن الحقد عامي قلوبنا ووقت الواحد مابيقدر يحكي على حالوا بيروح بينزل بسيحل جاروا حاجتنا بقى لسه راكدين ورا شغلة فاضية هاتوا إحكولنا شي قصة مفيدة عن علم أو عن نهفة...............تحياتي :D |
عنجد مشكلة كبيرة .. !!
|
اقتباس:
|
اقتباس:
:larg:;-);-) |
اقتباس:
|
اقتباس:
|
اقتباس:
|
اقتباس:
أما عنا، و هي عفكرة ظاهرة جديدة، الرئيس بكون شعارو "إلى الأبد" و ما بينشال إلا باستفتاء لامجال لكلمة "لا" فيه، و إزا حدا من الشعب حكى عالرئيس كلمة هيك ولا هيك، و مو ضروري سب، بجوز ما عاجبتو السياسة، إنتو أدرى مين بكون عميستنى هيك مواطنين، يعني تخيل شي كام شب بشارع الدبلان بحمص أو بالشعلان بالشام، حاملين شعارات و لافتات ضد الرئس و مطالبين بتنحيتو أو على الأقل بتغيير سياسة من سياساتو، بشرفك هيك منظر ممكن نلاقية بعهد بشار الأسد؟؟؟؟؟؟؟ لساتك مصر إنو وضع البلد بكون أحسن من غيرنا، و بكتير كمان؟؟؟؟؟؟؟؟؟ :o:o:o و حابب قللك شغلة إنو الديمقراطية بأسوء حالاتها عنا، و مو بس عنا، بالوطن العربي بشكل عام، مادام في رئيس باقي للأبد و بدون منافس و بدون حرية نقض، معناتها مافي ديمقراطية. و يعني اسمحلي، إزا بتعتبر حرية المواطن و مستقبل الأجيال شغلة فاضية، معناتا نحنا منستاهل أكتر بكتير من يللي عمبصير فينا. و يا صديقي بدك قصص مفيدة عن علم روح عقسم العلوم و التكنولوجيا، و بدك شي نهفة روح عالصالون، هون المنبر الحر و السياسة، يعني مستحيل تلائي خبر علمي أو شي نهفة. أخي حج متولي، لاتزعل من النقاش، انا ما قصدي زعلك بأي طريقة، بس مجرد نقاش و اختلاف وجهات نظر :D:D:D |
اقتباس:
كل واحد يحكي من موقعو انا طالب جامعة ما حدا جبرني انو انزل نزلت بكامل ارادتي |
أبو طريق الملك تحياتي
لك ماعاش يلي بدو يزعل منك يا غالي أنا من ناحيتي ما عم بحكي إني نحنة ما في متلنا .....لا بس المشكلة إني صاير فينا إختلاف عن الغرب إني هنن عم بينفذوا ييلي بدهن ياه من تحت لتحت .......ونحنة عم بنفذوا بعين وقحة يعني بدي أسألك اليوم وقت الشعب الأمريكي طلع مظاهرة ضد بوش وصار يسب ويلعن الكل توقع إنوا بوش صاريت اسهموا بالحضيض بس مع ذلك نجح بالولاية التانية وغصب عن شعبوا وعن العالم كلياتها وصدقني مافي رئيس أميركي بينجح إذا ماوافق على مخططات صهيونية مخطط إلها إنوا ينفذها بعهد ولايتوا ...هادا بدوا يكون أول شي بقائمة متطلبات الرئاسة أما بالنسبة لموضوع السب للرئيس و...و..و... شوف الديموقراطية يلي إنته عم بتطالب فيها (وهادا على الاقل)شوفها بتصير في مصر ...كتير من الشعب المصري بيكره الرئيس حسني مبارك وبيطلع مظاهرات ضد الرئيس وشو الفايدة يا أخ ابو طريق المحترم.......المشكلة إني السياسة على مفهوم السياسيين غير علم السياسة وأصول السياسة, كل السياسيين في العالم من أكتر من 1000 سنة السياسة برايهن إني خلال ولايتوا ...قديش بدوا يصير رصيدوا بالبنك ...او ......قديش بدوا يحقق من الشهرة وصدقني يا غالي كلمة رح قلك ياها .......صاير فينا من الأشيا يلي عم بنشوفها من 20 سنة للآن عم بنقول يلي بتعرفوا أحسن منيلي بتتعرف عليه يعني أنا برأيي الرئيس بوش يمكن يكون احسن من غيروا بكتير على الأقل إني بوش خرب الدنيا بالشرق الاوسط و العالم ..و إكتفى ...و إنفضح ...فيمكن رح يجي عليه وقت إنوا يتعظ و يراجع أفكاروا ويبلش يحسن أو حتى يصلح يلي خربوا ....بتلاقي فترة ولايتوا إنتهت ......وبيجيك واحد أحقر منوا ....وبيقول رح نبلش من جديد ....وبينزل بخلق الله ...وبتلاقي الناس نسيت يلي قبلوا ....وهمهن بإبن الحرام الجديد ....و....,...,,....,و....و...و خليها على الله نحنة مارح يمشي حالنا إلا إذا بلشنا من نفسنا الاول ....خليك في حالك و كون مربي فاضل علم نفسك وعلم اولادك على الشرف و الامانة وعلم جارك على فعل الخير وقابل السيء بالحسن بتلاقي بعد فترة وصلت لمجتمع مثالي بس المشكلة يلي الكل ما عم يشوفها إني ..............مثلما أنتم يولى عليكم................. آسف أبو طريق للإطالة وهي لكل الشباب الطيبة:D |
اقتباس:
إنته متأكد .....طيب أول شي أنا ما بعرف إذا كنت مسلم أو مسيحي ...أو مدري شو بس رح اسألك سؤال ....إذا واحد باليونان فتح مكتب وكتب عليه يافطة مكتوب عليها ...الرجاء التبرع للمقاومة في فلسطين ضد الإسرائيلين :o.....شو بيساوو فيوا ;-) |
بساوو فيو كبة مقلية وبيشربوحدو كاسة بظن. بس عندي سؤال هلق شوفرقت معك اذا كان مسيحي اومسلم اومدري شو؟؟
|
اقتباس:
و الله يا غالي أنا بالنسبة إلي مافرقت معي لإني يلي بيهمني بالناس هنن أخلاقهن وبس ........لإني الدين هو المعاملة ..........و الاخلاق اساس كل إشي بالدنيا أما الفرق هو متل مابتعرف إني صاير في حرب عالمية على الإسلام و المسلمين وصاير متل مابتعرف على زمان جورج بوش و شلتوا ....المسلم = إرهابي ....مو عرفانين إني كل يلي عم بيساوا هالمشاكل هنن عبارة عن شلة مرتزقة عم تدعي الإسلام من شان تهين الإسلام..... على كل الأحوال هادا مو موضوعنا ..... سبب سؤالي إني إذا كان مسلم فأكيد رح تكون ديمقراطيتوا في اي دولة محدودة يعني بشرفك إذا كان الواحد مسلم ....الدولة بتعاملوا متل إذا كان مسيحي...أنا بالنسبة لإلي رحت كتير بلاد وشفت .......وإكتشفت إني مافي شي بالدنيا إسموا ديمقراطية ....العنصرية هي يلي مصيترة ...و الرأسمالية بمنتهى الصراحة .........الديمقراطية ....مفهوما لكل الديمقراطين ....عبارة عن كلمة بتتألف من 9 حروف فقط لا غير تحياتي الحاج متولي وهي وحدة لكل مسلم:D وهي وحدة لكل مسيحي:D وهدول لكلشي بتكون أخلاقوا عالية ومحترم:D:D:D |
والله بشار احسن من واحد مو معروف قرعة ابوه من وين
على كلن انا استفتيت بنعم طبعاً بس على فكرة يا شباب عندي رفيق استفتى بـ(لا) ولهلا ما عملولو شي او بالاحرى ما بيعرفوا (بس معقولة) |
اقتباس:
بشار احسن واحد فيهم هيك رأيك:shock: !! اشك انك وافقت عليه وقلت نعم لأنه أحلى واحد فيهم وعيونو زرقاء :o:o كشفتك ;-):lol: |
اقتباس:
وين الإشكال اذا كل واحد عندو رأي حر ؟؟؟ انا شخصيا مابصدق ان المظاهرات صارت اجبارية ,,, والرئيس بشار على العين والرأس انا بفضله على الاشخاص الاخرين يعني بيفضل افضل بكتير من الغادري والبيانوني وخدام والحثالة الاخرين ... انا ملاحظتي فقط على المبالغ الطائلة التي صرفت بالاستفتاء والتي قاربت مليار دولار ؟؟؟؟؟؟ موووووووووووووووووو حررررررررررررررررررررام هذه المبالغ الطائلة ؟؟؟؟ لو صرفوها على الفقراء والمعترين من ابناء هذا الشعب يعني فهمنا الناس بتفرح يوم او يومين اما تصير حفلات الها او مالها اخر لمدة تزيد عن شهر وتتعطل دوائر حكومية ومصالح بشر ومدارس لييييييييييييييييييييش ؟؟؟؟؟ كل هذا الغلووووووووووو يعني فهمنا على زمن حافظ الاسد بعام 1999 ساوو هذا الشيء وافظع ليش يرجعوا يكرروه مرة تانية يابنت القرداحة يمكن انتي ماحضرتي استفتاء حافظ الاسد بس انا حضرتوا وكرهت حياتي بهداك الوقت مشان هيك هاجرت عالسعودية والى الان انا بالسعودية لأن هذه الاساليب الهمجية ان دلت على شيء هي تدل على تخلف البلد وابناء البلد فقط ان كنا نحب الرئيس ونريد انتخابه يجب علينا ان نقوم بانتخابه او بالاستفتاء باساليب حضارية وديمقراطية عيييييييييييييييييييب هذا الشيء يلي صار ويلي عم يصير لأنه لا يحدث الا بسوريا ولم نره بأي بلد آخر غير سوريا التي نقول عنها ارض الحضارات !!!!! |
اقتباس:
هلا ما طلع معك غيرو لا حبيبي انا استفتيتو عن حب بسياستو الخارجية بصراحة بس لو بدي انتخب على اساس الشكل كنت نقيت شادي اسود :lol: |
اقتباس:
قال دخلت منتدى قلت بلاقي فيه حوار سياسي راقي اذا رئيسك بتقول عنو هاد الكائن فسلااااااااااااااااام على ديمقراطيتكوم باااااااااااااااااااااااا اااااااااااااي اول مشاركة واخر وحدة ترقو اول يا شباب |
اقتباس:
قال جروهون قال خخخخخخخخخخخخخخخخخخخخخ شعب اذا ضرب الحذاء براسه صرخ الحذاء باي ذنب اضرب |
اقتباس:
يعني منين بتخرفو هالحكي مابعرف يعني يمكن بس للمعارضة عم يعملو معكون هيك يا حبيبي خخخخخخخخخخخ والظلم كلو عليكون يا مساكين ويلي ساكنين برا لاقطر اجا الانتربول وشحضون ليصوتو كلو ممكن |
| الساعة بإيدك هلق يا سيدي 22:47 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون