|
مسلسل الإنهيار بدء في حكومة أولمرت !!!
أولمرت يقر بإخفاقات حرب لبنان وبيرتس ينوي الاستقالة  إيهود أولمرت حذر معارضيه من استخدام تقرير الحرب على لبنان لأغراض سياسية (الفرنسية) طالب رئيس الوزراء الإسرائيلي إيهود أولمرت معارضيه بعدم استغلال التقرير الرسمي الذي وجه انتقادات لاذعة لأسلوب معالجته للعدوان على لبنان العام الماضي، لأغراض سياسية, وسط أنباء عن اعتزام وزير دفاعه الاستقالة من منصبه. وقال أولمرت خلال اجتماع خصص لمناقشة تقرير فينوغراد إن "التقرير -لا شك- يؤكد وجود إخفاقات خطيرة في إدارة الحرب ومن جانب الحكومة ومني شخصيا". وأكد أن فريقا سيشكل لاستخلاص النتائج من التقرير وتطبيقها، وقد وافق رئيس الأركان الأسبق أمنون ليبكين شاحاك على إدارة الفريق. توقعات ومطالب  أنباء عن اعتزام عمير بيرتس تقديم استقالته في الساعات المقبلة (الفرنسية) من جانب آخر قالت الإذاعة الإسرائيلية إن وزير الدفاع الإسرائيلي عمير بيرتس سيعلن استقالته خلال الساعات المقبلة، على خلفية التحقيق في حرب لبنان. وفي سياق المطالبات لرئيس الحكومة بالاستقالة قال مسؤول إن وزير الخارجية تسيبي ليفني ستطالب أولمرت هي الأخرى بهذا الطلب خلال اجتماع الحكومة. كما دعا زعيم الكتلة البرلمانية لحزب كاديما أولمرت إلى الاستقالة, وقال أفيغدور أيتزشاكي إن على رئيس الوزراء أن يتحرك ويتخذ قرار الاستقالة ليسمح بذلك لحزب كاديما بتشكيل ائتلاف جديد, مضيفا أنه لا يعتقد أن هناك انتخابات مبكرة قادمة. وأوضح أيتزشاكي أن تصريحاته تعبر عن نفسه, نافيا أن يكون يعمل لحساب وزيرة الخارجية وهي من المرشحين لخلافة أولمرت. وتأتي تلك الدعوات بينما أبدى أغلبية نواب كاديما عزمهم حث أولمرت على الاستقالة. وحسب القناة الثانية الإسرائيلية فإن النواب سيطالبونه بالتنحي عن زعامة الحزب في اجتماع يتوقع أن يعقد غدا، وهو ذات اليوم الذي سيجتمع فيه البرلمان في جلسة خاصة لمناقشة نتائج التقرير الخاص بالحرب.  ضغوط وسيواجه أولمرت تحديا الخميس حيث ينظم معارضوه من اليمين واليسار مظاهرة حاشدة تطالبه بالتنحي، ويشارك فيها جنود احتياط تم استدعاؤهم في الحرب وعائلات بعض الجنود القتلى. وتأتي تلك التحديات في الوقت الذي كشف فيه استطلاع للرأي أن غالبية كبيرة من الإسرائيليين يرغبون في استقالة رئيس الحكومة.  ضغوط شعبية إسرائيلية تدعو رئيس الحكومة للتنحي عن منصبه (الفرنسية) وقال 65% من المشاركين في استطلاع صحيفة يديعوت أحرونوت أنهم يؤيدون استقالة أولمرت, مقابل 10% فقط أعربوا عن عدم رغبتهم فيها, بينما أكد 25% أنهم يفضلون أن يستقيل بعد نشر التقرير النهائي المتوقع في يوليو/ تموز القادم. يشار إلى أن لجنة فينوغراد لم تصدر توصيات بإجراء أي تعديلات في المناصب، لكنها قالت إنها قد توصي في تقريرها النهائي خلال شهرين باستقالة بعض الشخصيات. إخفاق ذريع وجاء في تقرير اللجنة -المكون من نحو 230 صفحة- أن أولمرت تعجل في قراره شن الحرب على لبنان في يوليو/ تموز الماضي، واتهمه بالإخفاق الذريع في "التقدير وتحمل المسؤولية والتعقل". وأضاف التقرير أن أهداف رئيس الوزراء المعلنة للحرب وهي تحرير الجنديين اللذين أسرهما حزب الله اللبناني والقضاء على الحزب كانت "مبالغة في الطموح ومستحيلة التحقيق". وأشارت اللجنة إلى افتقار أولمرت للخبرة العسكرية وقالت إنه خاض الحرب دون مشاورة الخبراء خارج الجيش الإسرائيلي. ووجه التقرير أيضا انتقادات حادة لوزير الدفاع عمير بيرتس ورئيس الأركان السابق دان حالوتس الذي استقال العام الماضي الجزيرة نت |
إذاعة الجيش الإسرائيلية تتحدث عن تقديم بيرتس لأستقالته ... و عن إستمرار الإجتماع الذي بدء الساعة الرابعة بين تسيبي ليفني وزيرة الخارجية و أولمرت حتى الآن ، و طبقاً لما صرح به مساعدو ليفني فإنها ستطالب أولمرت بالإستقالة و إلا ستقدم هي إستقالتها ... هنيئاً لك يا حزب الله |
اقتباس:
و هنيئا للفلسطينيين، و هنيئا للسوريين و لكل العرب ليفني قدمت استقالتها من شوي، و رئيس حزب كاديما قدم استقالتو و بلير الاسبوع الجايي رح يودع، بس ناطر ليأمنولو نسخة نضيفة من مسرحية "باي باي لندن" و بوش مو مطول ان تشرين لناظره قريب |
بيني و بينكم يا جماعة، من كم يوم من وقت ما بلش جنبلاط يمسح جوخ للمقاومة حسيت انو في شي عم يفرط، لأنو الزنبرك جنبلاط بيشمشم ريحة الفشل بطريقة عجيبة
يحرق حريشو شو ما بيستحي ع دمو؟؟؟ مفكر انو حزب الله خشخيشة متل الحريري و ابو نص كعكع مو عرفان انو وقعتو هالمرة سودا و بكلاكل |
اقتباس:
وموضوع انو يمشي بتشرين شكلو مش حيحصل نانسي اعلنت استعدادها للتحاور للوصول لصيغه مشتركه مع بوش :jakoush: |
يا سيدي اخيرا بين اثر الصفعة ياللي اكلوها الاسرائيليين و ان كان طول شوي .....:gem: تحية للسيد حسن نصر الله و لكل رجال المقاومة ياللي عملوا اللي ما عملوا حدى ...:D و كسروا انف هالمتغطرس الصهيوني ..... |
اقتباس:
بس فعلا متل ما قلت عندو حاسة شم قوية .... :pos: مبينتو نوع من انواع الشاللو .... :o |
اقتباس:
انا قلبي دالي ليلي ليلي ليلي لي |
اقتباس:
ماليش امل فيي الدنيا دي دي دي دي دي (الاغنيتين لليلى مراد) وكمان انا قلبي دليلي كمان لليلى يا قلبي يا لولا لم يلعن الله الثلاثه :lol: |
المشكلة تكمن بأنو أولمرت وقت نجح بالإنتخابات كان نجاحه بيعبر عن أجاه خطير في الراي العام الاسرائيلي ، مفاد هالإتجاه أنو الجماعة قرفوا من الحروب و أنهم يعيشوا بالرعب ليل نهار و انو اقتصادهم كل شوي يأكل ضربة قوية . يعني كان أولمرت بالإنتخابات مقابل بنيامين نتنياهو ، و كلنا بنعرف أنو نتنياهو من أشد الصقور تطرفاً في الكيان الصهيوني !!
الرأي العام أختار أولمرت !! يعني رفض منطق الصقور يلي قائم على القوة العسكرية و المواجهات المتتالية !! كان الأجدر باولمرت أنو يقرأ نتائج الإنتخابات جيداً و أنو يعرف سبب إختيار الناس إله انو كان قائم على توجه كبير في المجتمع الصهيوني نحو خلق أفق للسلام . و كان مهيئ تماماً لـتقديم " تنازلات مؤلمة " على حسب وجهة نظرهم طبعاً . لكن أولمرت لم يقرأ نتائج الأنتخابات جيداً و سلك نفس مسلك الصقور و أخذته الحمية و الغرور بأنه يمتلك رابع أقوى جيش في العالم ... لكن يا حيرااام وقعت براسه بالاخير :cry: |
اقتباس:
و الله كريم إمبارح كنت بتابع أخبار الجزيرة و شاهدت تقريراً حول إحتفال بلير بمرور 10 سنوات على توليه رئاسة الوزراء ، و كان في التقرير إشارات واضحة لوجود هدوء بالرأي العام البريطاني و إستقرار نسبي مقارنةً مع الفترة الأخيرة حين تم أسر البحارة في إيران !!! يا ترى هل هو هدوء ما قبل العاصفة !!! |
اقتباس:
في شغلة بضحك أو بتبكي !!! بدي قلك ياها بمناسبة الحديث عن الإنتصار .. أولمرت كما هو معروف كان رئيس بلدية القدس . الزلمة إنطلق في حربه الأخيرة ليس بعقلية العسكر التي لطالما حكمت في الكيان الصهيوني ، بل إنطلق من كونه رجل مدني و بنفس تفكير رئيس البلدية !! هلاء في الكيان الصهيوني لو موظف مرموق إتهم بقضية فساد بيخربوا بيت اهله ، لو رئيس بلدية في مدينة ما خرب شارع في المدينة التي يترأس بلديتها ممكن أنو الناس تثور عليه و تغيره . يعني ممكن ببساطة شارع خربان أو جسر إنهدم يكون من شأنه الإطاحة برئيس البلدية !! هلاء الزلمة فكر بالحرب بنفس عقلية رئيس البلدية و إعتقد أنو قصف الجسور و الشوارع من شأنه أن يؤجج نقمة و غضب الرأي العام اللبناني على حزب الله و أنو الناس تثور على حزب الله و على الحرب ، لكن !!! الزلمة شكلوا كان ناسي أنو عم يواجه عرب !! يعني لا جسور ولا شوارع ولا بيوت ولا شي بنوب ممكن نهتم إله إذا كان البديل هوي الإطاحة بكرامتنا !!! هالشي من وجهة نظرك بيضحك ولا بيبكي ؟!! |
اقتباس:
|
اقتباس:
غصب عني بمواقف متل هيك .. بحترم بنية المجتمع الاسرائيلي .. الشي اللي عم يصير هلق بأسرائيل .. رهيب من حيث انو رهيب .. |
اقتباس:
حتتى توضح أكتر مرسيل .. هلاء انو شفافية و محاسبة بتفق معك أنو بنحترمها و بنتمنى نكون متلهم طبعاً إحترامنا هون للسلوك مجرد عن صاحب السلوك الممثل بالكيان الصهيوني و بتمنى مرسيل أنو كلنا نتعود نقول الكيان الصهيوني . لانو لفظ إسرائيل بيندرج تحته أرض !! و هالأرض هي أرضي و أرضك !! لكن النقطة يلي سألت تايجر فيها . أنو لو كنا أمام مفاضلة بين كرامة و بنية تحتية مثلاً ، يعني متل ما حدث مع حزب الله . هل تعاملنا كشعوب متمدينة و أنو ننظر للبنية التحتية و مقدرات الشعب و نحطها بسلم الأولويات ؟؟ ولا ندافع عن الكرامة و نخسر كل شي في سبيل الحفاظ عليها ؟؟ |
اقتباس:
الديموقراطيه باسرائيل اكتر بكتير من الموجوده بالدول العربيه قاطبة والشطاره انو نتعلم منهم ومش عيب اقتباس:
هاي نقطة الخلاف بيني وبين كريم من قبل ما ينزل هالموضوع اصلا . ثم ان مافي بالسياسه شيك عبياض الا اللي بيعطيه العرب لاسرائيل :lol: |
اقتباس:
أنا بشوف ..مصطلح ( اسرائيل ) أنسب .. وبشوف قول كيان صهيوني .. فيو انحياز .. والله خيار صعب كتير كتير .. وما عم اعرف إذا مثلا ( وبعيد الشر ) كانت سوريا أمام هالخيار ... حتى أحيانا بحس أني ما رح افرح مطلقا ً إذا مشي الحال ودمرنا إسرائيل عن بكرة ابيها .. عكل ما بدي ابتعد كتير عن سياق الموضوع .. منتمنى انو ما يتهور هادا الغبي ويغطي الصغط عليه بشي عملية جديدة او حرب جديدة .. اليوم كانو عم يستفزو الأجواء اللبنانية :frown: . |
اقتباس:
مو كان المفروض يجتمعو اليوم ؟؟ |
اقتباس:
اصلا ما بتابع محطات اخباريه (الثقه ضعيفه) بتابع الاخبار بصفه شخصيه عن طريق صديق |
اقتباس:
اقتباس:
|
اقتباس:
أرض يعني اراضي يلي إحتلوها سنة 48 و سنة 67 يعني الجولان و القدس و باقي مدن فلسطين التاريخية !! أما مصطلح الكياني الصهيوني فهون بنكون عم نجرد هالكيان من الصبغة يلي عم يحاول يفرضها إعلامياً و سياسياً ، و الأهم من ذلك أنو عم نربط بين الصهيونية و بين هالكيان .. يعني عم نحيد الدين اليهودي بإعتباره الطرف الآخر بالصراع .. أما أنو يحاول الأجدب أنو يخرج من هالورطة بعملية فهاي درب من دروب المستحيل .. من حوالي شهر و هوي عم يهدد غزة بعملية نوعية و حشد على الحدود الشرقية لقطاع غزة 6000 جندي بإتاظار إشارة بدء الحملة يلي سماها ( الصيد الثمين ) و لكن التفكك الذي أصاب الجيش و على المستويات القيادية حال دون بدء العملية ... على الأقل حتى الآن . يعني لا تتوقعي أنو يفكر بمغامرة بلبنان أو غير لبنان بالوقت الحالي .. و بعتقد أنو الحكومة سقطت .. أو في غضون أيام سوف تسقط .. آخر خبر لعمو كريم <<<< تسيبي ليفني هي المرشح القادم لرئاسة الوزراء .. صرحت قبل شوي مصادر مقربة منها أنو راح تطرح نفسها رئيس للوزراء في إنتخابات مبكرة ... في حالة وصول تسيبي ليفني لرئاسة الوزراء ، بتعتقدو أنو ممكن نعيش نفس سيناريو غولدا مائير !!! |
اقتباس:
أفهم من ذلك أنك مازلت على علاقة بهلاري كلنتون :sosweet: |
اقتباس:
أراضي ال 67 هني أراضي محتلة .. ( هيك بتسمين منظمة الأمم المتحدة .. هيك أسمن بالصحافة العالمية الغير منحازة ... ) وما بدنا نطلع عن الموضوع .. :pos: |
اقتباس:
|
اقتباس:
|
اقتباس:
لا صبايا عاجبين ولا شباب عاجبين :cry: اذا عرفت صبايا تقولو زير :oops: واذا عرفت شباب تقولو سويسرا :jakoush: |
اقتباس:
كتبت رد طويل و بعدها قرأت ردك مرة تانية ، شطبت ردي !! مرسيل من وجهة نظرك أنو الكيان المسخ يلي أقاموه على أرضي بمشاركة و مباركة المنبطحين من حكام المنطقة إلو شرعية !!! و هالشرعية بتنتفي عن أراضي 67 يلي من ضمنها الجولان !!!!!!!!! بتمنى رد واضح منك حتى أعرف مع مين عم بتحاور . |
اقتباس:
انا مرسيل .. :lol: وكوني بعتقد برأي مخالف لرأيك بخصوص أراضي ال 48 .. ما بيغير من هذا الواقع شيئا . :D |
اقتباس:
بيغير كتير مرسيل ، و أكتر مما تتخيلي كمان !!! بلشوا بالدين و الطوائف و الملل و المذاهب و و و و و و و و و كتيررررررر أشيا عم تخلق فتنة بينا و عم تغير مفهوم العدو بنظر البعض منا ليصبح مفهوم العدو هوي أنفسنا . بلشوا يصوروا المسيحي على أنو إمتداد لأمريكا بالمنطقة و أنو وقت تقوم المواجهة راح يكون هالمسيحي مُحيد تماماً عن المواجهة !! و بلشوا يصوروا الشيعي على أنو إمتداد للنفوذ الإيراني بالمنطقة و أنو وقت المواجهة راح يكون الشيعي في معية إيران ضد أبناء شعبه !!! كل هاد برغم أنو خلق فتنة و عم تزهق أرواح أبرياء بهالفتنة لكن برغم كل هاد بعدو في شي بيجمعنا كلنا ، هالشي هوي هالأرض يلي واقفين عليها و راح نندفن فيها بيوم من الايام . لكن !!! أنو أزمة المفاهيم توصل لأنو تختلف مفاهيمنا حول هالأرض و شرعية يلي إغتصبها بعتقد أنو وقتها ما راح يبقى في شي بيجمعنا . و بيكون يلي جاي أشد قتامة و سواد من يلي عايشينه هلاء !!!!!!!! |
اقتباس:
اما إذا بينزل المسيح ( مع أنوبستبعد كتير أنو يعملا ...) شخصيا ً وبيحارب سوريا رح كون مع سوريا :D |
اقتباس:
وانا بعتقد انو نفس سيناريو جولدا مائير رح نعيشوا سوا :o |
مبدئيا يعني، السياسة السورية بتعتمد ع سياسة النفس الطويل مع اميركا، لكنها بتبتعد عنها تماما بالنسبة لاسرائيل
يعني ... دمشق بالوقت يللي بتسب فيه بوش و جماعتو إلا انها دايما كانت تتملق اطراف اميركيين تانيين، متل الديمقراطيين، بيهمها كتير مين موجود بالبيت الابيض لحتى تبني عليه سياستها... بنفس الوقت، ما بتهتم على الاطلاق بحكام اسرائيل، يعني ما بيهمها سواء كان من الليكود او الهستدروت او كاديما، سياستها ما بتتغير بتغير الحكام باسرائيل هاظا كان اولا اما ثانيا: ع ايام حزب الهستدروت المعتدل باسرائيل تم شن العدوان الثلاثي ع مصر، و حرب حزيران 67 و الاجتياح الاسرائيلي للبنان بينما ع ايام الليكود تم عقد اتفاق السلام مع مصر يعني ببساطة ما خص مين مستلم باسرائيل و شو ممكن يعمل مين ما استلم ممكن يعمل سلام او حرب و هكذا نصل الى ثالثا: تسيبي ليفني مش احسن من نتن ياهو، بنفس الوقت مش اسوء منو ع ايام النتن كمان كان بدو يعمل حرب ع سوريا، و بذكر وقتها انو حذرو كلينتون و قاللو: هل تعتقد ان اسرائيل تحتمل 100 صاروخ بيولوجي من سوريا؟ نحنا شفنا بالحرب السادسة كيف ما استحملت اسرائيل بعض صواريخ الكاتيوشا المعدلة يللي اطلقهم حزب الله و بتصور انو الاسرائيليين بيعرفوا حق المعرفة انو ازا حزب الله عدل صواريخ كاتيوشا، فالسوريين معدلين صواريخ سام، و حيفا ممكن قصفها بنقيفة بالنسبة للسوريين، فما بالكم بتل ابيب رابعا بخضم الحرب السادسة اجا عمو سلطانوف وزير الخارجية الروسي و هدد و وعد السوريين انو ما يستعملوا منظومة الصواريخ يللي استلموها مؤخرا من روسيا يعني هيك تصريح له معنيان لعن الله الثلاثة: 1- روسيا لا تريد حرب بين سوريا و اسرائيل 2- روسيا سلمت السوريين منظومة صواريخ (يقال انها الـ س س 300) و يقال انها اهم و احدث من المنظومة التي اسقطت الطائرة (ستيلث) في يوغوسلافيا |
اقتباس:
هاظ كان القصد.....:cry: |
اقتباس:
يا صاحبي البنية التحتية و مقدرات الشعب هي اهم شي ممكن قائد أو حكومة أو حتى الشعب انو يخاف عليهم ... لكن لما انا بفوت بمشكل و بشوف انو خلص ما بقى في اي طريق تاني قدامي غير العراك ( الحرب ) وقتها ما بفكر اذا رح تنشق تيابي او لأ .... كل ياللي بفكر فيه هو كيف رح تنتصر لا أكتر و لا أقل ..... يعني هالشغلات بيضلّوا اولوية لآخر دقيقة قبل قيام اسرائيل بضرب لبنان , بس من بعد اول قذيفة اسرائيلية نزلت على لبنان هالامور كلها بتعتبر تافهة و ما الها اي قيمة لانو ما ممكن انو تتقارن مع الكرامة ..... |
اقتباس:
تمام تايجر متفقين مية بالمية .. مقدارت لازم نحافظ عليها . لكن وقت بتنفرض علينا مفاضلة أكيد الخيار وقتها محسوم سلفاً تحياتي تايجر :D |
اقتباس:
بوافقك اخي كريموف بهالكلمات وهذا هو سر قوة سوريا وصمودها. |
| الساعة بإيدك هلق يا سيدي 11:56 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون