|
لله يا محسنين
لله يا محسنين..
معلش ولو انا مو من جماعتو للمدعو الله بس رح اقتبس هالجملة. ايه عم اشحد .. لك شو يعني.. ايه لله يا محسنين. بتعرفو هالشعب ما بعمل شي غير لله، ما بيعرف يشتغل غير ببطاريته تعالى، ما بتنفع الانسانية ولا الاخلاق ولا المحبة، بس الله، مشان هيك قررت استغلو لهالله لحقق مصالحي الا وهي الشحادة. بس يا حزركن شو عم اشحد؟ ما رح خبي عليكم انا عم اشحد شي ما بنقدر نستغني عنو، شي هني سرقو مني، نهبو، اكلو.. جردو من كل شي.. عرو.. هانو.. لك شو مفكرين هني احسن مني ،كل يوم عم يشحدو عليه شكل.. اكيدعرفتو شو عم اشحد.. صحيح، تمام، انا عم اشحد شقفة وطن.. شقفة وطن نضيفة، ما وسخها *** الكبار:oops: ولا لعبو فيها الصغار:shock: . هلا انا مو شحاد مشارط .. بس ما دام عم اشحد واشحد ليش ما اشحد شي نضيف;-) . :hashish: |
ما فهمت حاجه...يمكن سبق
|
:shock: :shock: :shock: :shock: :?
اش عبصير هون |
انو ليش عم تحششي تحشيش منفرد .. هاتيلك سحبة .. انا بدي اشحد نظام نضيف
|
ع هالحالة كلنا شحادين.....
بس ما حلوة الشحادة بالسقيفة....روحي اشحدي بالمنبر....لانو هونيك ما في اكتر من يللي عم يبيعو وطنيات....بلكي بتلاقي شي كريم (مو كريمبو منشان ما انفهم غلط) يشحدك شي شقفة وطن مطفطفة من جيبتو..... |
اقتباس:
|
اقتباس:
|
اقتباس:
ايه هالقد بدها لحتى لاقي حدا احشحش معو.:deal: عبالي اسالك كلامي كان مفهوم ولا الحشيشة مضروبة،ولا انا ما عاد اعف حشش، ولا ما في محششين بالبلد:shock: . مية اهلين وهاي احلا وامر سحبة :hashish: بدك نظام نضيف مو لحتى نلاقي بلد يحبنا ويضبنا اول، لانو صايرة الاوطان تكره ولادها هالايام... |
اقتباس:
انا عم بشحد مو عم بيع. والوطنيات اساسا خلصت موضتها لو بدي بيع ببيع شي محرز يعني شي في الو شراية... شكلك جديد شي لانو المنبر بطلناه،، صايرة تستهويني السقيفة ، اخو مراقي شي ... اما بالنسبة لكريمبو، ايه صحيح هوي على حافة الجنون بس بعد ما جن، وانا بحب اسمع خبرياتو... برايك الحشيش عم يضرو. عكل حال اكيد ما بتقصدو هوي. واخر خبرية لالك ما في حدا كريم هالايام لانهم يا اما فقراء وملتعن ابو الي خلفهم او حقرا ويلعن ابو الي خلفهم. |
:humm: :humm: :humm:
عندي شعور أني شايفتك من قبل ؟؟؟ :? ;-) |
لك يا بنت...:lol: .. عفارم عليكي بعدك متذكرة شي اسمو وطن:o :o |
اقتباس:
وبدك تدوري كتيييييييييييييير بس الك شغلة ................. قال عطي الخباز خبزو لو اكل نصو اي اي لا تستغربي ............. شغلة الشحادة ما بتلبقلك..... الوطن ما بينشحد عليه .... ( الا اذا كان انتهازي ) وفهمك كفاية;-) _____________________________________ طيب شو رايك نشحد مع بعض .................. ومنتقاسم الوطن بالنص بيني وبينك ..............;-) ____________________________________ اما تحشيش على الاخر:hashish: |
اقتباس:
لسى ما لاقو الوطن ... بديو يتقاسمووووووووووووووووووو وووه |
اقتباس:
وهل يخفى القمر،،، شفتي قديه انا بذاتي متواضعة. اهلين ،، لك كل هالحركشة لشوفكم مجتمعين في وطنا الخاص "اخوية". |
اقتباس:
هاد لانو تجربتي الشخصية حاليا عم بتارقني فيما يخص الوطن. ما علينا لك ساعة مابتلاقي طريقة لتكتبي فيها حرف عربي لتواصلي مع الي بتحبيهم بتصيري تدوري عوطنك وتلعني الساعة الي تركتيه فيها والساعة الي حترجعيلو فيها. شو بدك بهالتخبيص هلا. اشتقتلكم.:cry: |
اقتباس:
بصحتك.. بعدين ما في احلى من شحادة الوطن، احسن من سرقة الوطن وخيانة الوطن واستنزاف الوطن،،، الشحادة اشرف بكتير:sick: . |
اقتباس:
بس فكرك حاتقاسم الوطن معو ..:o |
كلمتين خفاف نضاف منشان ما نتخانق....وبغد النظر عن كوني جديد هون او قديم....
الوطن ما بينشحد...ولا بينباع ولا بينشرى..... الوطن جواتنا بينخلق وبيكبر بس ما بيموت....بلحظة من اللحظات بيجوز تفكرو انو بيموت...بس ما بيموت.... والوطن ما بيتقسم بين فلان وعلتان...الوطن جوات كل واحد فينا كامل...ولما بدي اتقاسمو مع حدا بفضل اتقاسمو مع حدا بيحبو وبيحميه..... بعدين الايكو ما بينشاف....لا قبل هلئ ولا بعد هلئ.... |
نشحد وطن طيب حلوة كتير
بس يا ترى من وين بدنا نشحدو لهاد الوطن ومن مين ... او بالاساس بقي فيها وطن ليش شو هو الوطن ...؟؟؟؟ هلئ كان الواحد يقول بدي ارجع عالوطن وكان يبكي متل الاولاد بشان يشوف الوطن بس هلئ شفلي مين بدو يضل بالوطن غير .... وغير ..... هدول العالم يلي عملو وطن على جثة وطنا وطن عايش على الاحتيال والنصب والبلطجة من الكبير للصغير تحكيلي انت مو هيك او هو مو هيك هالحكي ما بيدخل براسي لاني بعرف كل واحد بالوطن كيف عم يفكر وكل واحد برات الوطن لشو عم يخطط لاء مابعلم بالغيب وماني الله ... بس صرت شايف كتير من هالوطنيات والحكي الفاضي بدكن وطن بتخلقو وطن بتعملو وطن انتو الوطن او انتو يلي ممكن تعملو وطن بس هالشي ما بيصير بالحكي والشحادة لا تفكر انا ضدكم او عم دافع عن شي بس لايمت بدنا نضل ساكتين ومحبوسن يا بالمعتقلات السياسية يا بالغربة عايشين على حفاف الوطن بدنا نرجع ومابدنا بدنا نحكي ومابدنا صار نفسي اعرف شو بدنا احسن شي اشحدلي شي وطن مترين بمتر وهيك بصير شقفة من الوطن وبدوب بقلب الوطن |
اقتباس:
اقتباس:
من ناحية البيع والشراء والوطنيات انا حرة بموقفي من هالموضوع. هلا بدي اسالكم سمعانين شي "بالرمزية"؟ كلامي عن الوطن رمزي، فيكم هلا تقراو الموضوع من الاول. وبعدين مو طالع بايدنا شي خلينا نفشفش ونحكي. يا لطيف ... |
اقتباس:
يظهر فهمتي وجهة تحشيشي غلط انا كمان كنت عم فشفش واحكي ومابالضرورة يكون كلامي ضد رأي اي حدا هون انتي عملتي الموضوع لتحكي وتفشي خلقك وكمان لتسمعي ردود العالم وفشات خلقهن يمكن بالرد السابق نسيت اشكرك عالموضوع على كل حال يعطيك العافية وياريت تقبلو هالوردة مني :D |
هلق بما انو انا طبعي ما بحب النقاشات والجدال...فما راح طول عليكي...
انا ما انتقدتك ولا انتقدت رأيك.... كل يللي عملتو اني عبرت عن رأيي بالموضوع كوني عندي رأي بالموضوع....بس... وشكرا الك ولابو سليمان... |
اقتباس:
ولعيونك احلى سحبة واحلى كاس نرفعو على اطلال وطن عايشين فيه ..................كاسك بس انا ما بعرف اشحد ( بصراحة ) انا زلمة حربجي وشغل انقلابات وحبوس وتنظيم ثورات وقيادة جبها.............. لك وين اخديني:cry: اجو المخابرات ولي على قامتي انا ادمي سعدو وكيلكون :cry: |
اقتباس:
لك من جايبينك انت ....:shock: كيف كمشوك لك ومالقو يحطوك غير هون معي :? ياعمي بلا ما يصير انقلاب من جوات المعتقل خليهن يحطوك بعيد عني ... انا مو مصدق اطلع لاهرب برا البلد |
اقتباس:
يعني مو مشان شي بس اذا فتت لبيت خالتي ...... مع مين بدي العب طرنيب وتريكس وطاولة ؟؟:lol: |
اقتباس:
يعني ما بفارقك وحياة الخالقك:? هلئ هاد يلي بسمو قدر :sick: لكن انشاالله تكون جايب معك حشيش يكفي :pos: |
| الساعة بإيدك هلق يا سيدي 04:49 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون