|
الكيمائي _رواية لباولو كويلو
1 ملف مرفق .
الكيمائي _رواية لباولو كويلو.
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
لك معلم الرواي اسمها الخيميائي
منين اخترعتلي كيميائي:jakoush: |
اقتباس:
برافو عليك ولاه جاد صاير عم تقرا لباولو كويللو من ورايا |
ثانكس كتير عالرواية:سوريا:
بعدني ما قريتها بس لازم اقراها |
اقتباس:
|
شكرا عل الرواية....باولو كويلهو كاتب ظريف....ميرسي
|
اقتباس:
العفو ... بس شلون ظريف ؟؟ :lol: :lol: |
ظريف يعني اسلوبو حلو,الطريقة اللي بيكتب فيا بتعجبني....و لو اني ما حبيت روايتو الاخيرة.....اسمها احدى عشر دقيقة....قريتا شي؟؟؟؟
|
اقتباس:
بس آخر رواياتو هيي "مكتوب" و ليس 11 دقيقة بيني و بينك .. عدا الخيميائي و مكتوب ما حبيتللو ولا رواية |
اقتباس:
|
انو كنت عم فكر بالرواي
انو مثلا منين بجيبو هالافكار هاي لا وعم يخاطب الشمس والريح والصحرا يا خيو قعدت وصفنت بهالدني اي ولا شغلة حكت معي حطيت عيوني بعيون هالشمس بعد خمس دقايق ما عاد شفت شي قدامي :lol: الرواي حلوة بس فيها كل كلمة بدها مليون كتاب ترجمة ليترجمها وبعدين النسخة هاي تبع الانترنت فيها اغلاط املائية كتير :jakoush: طلب لو سمحتو يعني شو اسم الرواي بالانكليزي؟؟ لان هاي الخيميائي لهلق بالعربي ما فهمت شو معناتها |
اقتباس:
أما بخصوص رواية مكتوب : حدا عندو ياها ؟؟؟ حدا بيعرف شي مكتبة عم بتبيعها أكيد ؟؟ قلبت الدنيا ما لقيتها بالشام ... لا نبل ولا العمومية و لا غيرها .. |
اقتباس:
هي معناتها : الكيميائي الخيلة ... :lol: :lol: |
هلق قولتك ممكن صير كيميائي خيلة ؟؟
|
اقتباس:
اذا فادي جوفينتوس صار كيميائي خيلة , ليش ما تصير أنت كمان .؟؟؟ :lol: |
اقتباس:
اما بخصوص مكتوب ...والله مابعرف لأنو انا اساسا ما جبتا من الشام بس رح اسالك وين ممكن تلاقيها هون...:سوريا: |
اقتباس:
|
اقتباس:
شكا كريم على أي حال. |
اقتباس:
أي أنا بالي طويل "مع لساني بيشكلو ثنائية معتبرة". أنا الكتاب اللي بدبقون "إن صح التعبير" هنن من الكتاب اللي بتزعلي انو ماعد لقيتي شي تقرأي لألون. شكرا الك ولكريم لجهودكم المشكورة .:سوريا::سوريا: |
اقتباس:
بحس انو انبهاري بأسلوبو ... بروايتو ...بيخف كتير ان قريتلو كتبو ورا بعض ... بحب أنو بعد شوي أستمتع بالكتاب ... وبعدا بقرالو شي تاني ... |
اقتباس:
كمان فكرة .. بس بما اني مجرب أقرأ بهالطريقة و بدون ما حس بأي ملل .ز بنصح بأنو تجربيها و لو لكاتب مقل . ومية وردة لعيونك. المهم بالنهاية هو أنو البني أدم ما يتوقف عن القراءة . |
اقتباس:
|
اقتباس:
في كاتب اسمو امين معلوف، قريانتيلو شي ؟؟؟ بنصحك بسمرقند لهالكاتب ازا قاريتيها بنصحك بحدائق النور اسلوب قراية اكتر من كتاب للكاتب اسلوب رائع جدا، يمكن يخف انبهارك عن هالكاتب، بس بالتأكيد هالشي بيصير في حال كان هالانبهار زائف اما بالواقع الانبهار يأتي بقراية اكتر من كتاب لاي كاتب |
؟؟؟؟؟؟
اقتباس:
أنا ما قلت أنا ما بقرا أكتر من رواية للكاتب ... انا قلت ما بقراهون ورا بعض ...بحس تيحدثوا فيي أثر ( عم احكي عن حالي مو ضروري كل الناس تقرا بنفس الطريقة ) لازم أنو ... أأقرا شي تاني وبعد كام يوم أرجع أأقرا لنفس الكاتب ... مشان ما يطغي كتاب على كتاب عندي .. أو حس أنو الكاتب عم يكرر نفسو لأنو أكيد أجزاء كبيرة منو عم تنعكس بكتاباتو ... وبما أنو أستاذ كريم تدخل ... سمرقند أكتر من رائعة وحدائق النور بعد ما قريتا ...بحاول أأقراها بأرض هالأسبوع وإنا غيرانة وحابة كمان أتدخل ... وأنصحك تقري ( زوربا ) لنيكوس كزنتزاكيس إذا كنتي ما قريتيا :سوريا: |
اقتباس:
قصدت الكلام بشكل عام لما نقرا عن كاتب ... ما لازم نتاخد باسلوبو مهما كان كتابو جيد، فالكتاب جيد و الكاتب الله يعطيه العافية، بس لحتى نصدر حكم لازم نقرا اكتر من كتاب لهالكاتب مثلا دان براون بكتاب "شيفرة دافينشي"... اسلوب تشويقي ساحر، مزج الماضي مع الحاضر، الغموض مع الوضوح، عمليا لما نقرا "ملائكة و شياطين" لنفس الكاتب، ما رح نحس بذات الشي شيفرة دافينشي صعب انو نتركها لحين ننتهي منها بينما ملائكة و شياطين نسيان ازا كملتها للاخير و اللا لأ |
القصة مو أنو ملائكة وشياطين ما بيشد قد دافينشي كود ....
القصة أنو ال 100 صفحة الأولى من ملائكة و شياطين بتشعرك أنو أنت عم تقرا دافينشي كود مرة تانية يمكن لو قريت ملائكة وشياطين ما كنت قدرت أنو تكمل دافينشي كود برأيي مثلا أحلام مستغانمي ( ذاكرة الجسد ) جدا كتاب أنا بحترمو ... بس لو رح أأقراهو مباشرة بعد عابر سرير أو فوضى الحواس ... ما رح أأقدر أنو أعجب بالكتب التلاتة ... لسبب بسيط أنو الكاتب في جزء منو عم يرسمو بكتابو وهالجزء موجود بنسب متفاوتة بكل كتبو ... وقت بقرا كتبو كلا ورا بعض ... أنا بشعر أنو الكاتب عم يعيد نفسو وبيخسر الكتاب جماليتو |
انا شاكرة الكون نصيحتكن الغالية....وبالنسبة الي..كلما بقرا للكاتب اكتر...كلما بيزيد او بينقص انبهاري فيه...الشغلة نسبية بحسب الكاتب....
مثلا روايات احلام مستغانمي كانت عندي بنفس الدرجة....لانو الاسلوب واحد....وانبهرت بهاد الاسلوب مره وحدة بس..... لما كنت اقرا لكوليت الخوري....كنت شوف شي جديد بكل مرة و بكل كتاب.... وكذلك الامر مع محمد الماغوط...... انا قريت حدائق النور....بس سمرقند لسا ما قريانتا.....طبعا امين معلوف ما في عليه كلام ابدا..... و زوربا قريانتا من زمااااااااااااااااان.....هل ذكرتيني فيا.....بتذكر قديش تاثرت فيا بوقتا..... شكرا كتير لالكن يا جماعة....ولا تبخلوا علينا باي كتاب بتشوفوا حلو و بتقدروا تنزلوا هون....لانو نحنا عنجد بحاجة دايما نضل متواصلين مع الكتب و القراءة.... :سوريا: :سوريا: :سوريا: |
اقتباس:
طبعا الاقتراح اللي اقترحو كريم هو مية بالمية بمكانو ... ولكن أنا شخصيا معجب ب أورهان باموك . بتمنى لو أني أقدر أخد كتاب "أسمي الأحمر" و أزرعو بدماغ كل اللي بحبهم . لا أدعي أني قرات واحد بلألف من كتب الدنيا و لكنني لم أتوقف عن القراءة من خمس وعشرين سنة و لكن "أسمي الأحمر" لا يشبه أي كتاب آخر و جدير بالتفضيل على أي كتاب أخر حتى لو كانت كتب لونها سماوي أزرق. لأنو الأحمر أحلا . |
أنا ما بعرف شو بدي قول بهاليوم الحزين الغائم كليا ... بس رددودكم و نقاشكم الحضاري السوري الماغوطي ..بيرد الروح أو ما تبقى من الروح .. هي الروح اللي ملايانة بحبكم يا كريم و يا butterfly ويا sarsoora ويا مي توو ...يعني انا .
|
اقتباس:
شكرا كتير ميييي توووو.....وانا صرت كتيييير متشوقة اقرا(اسمي الاحمر) ورح حاول جيبا باسرع وقت...و اذا عندك شي بينزل هون.....ما تبخل علينا اذا بتريد...... تحياتي الكبيرة لالك........:سوريا: :سوريا: |
اقتباس:
|
اقتباس:
|
thanx a lot .. i wanted this novel a long time ago on my palm and here it is pdf file thanx again
|
كتاب الخيمائي من اروع ما قريت السنة اللي فاتت
كتاب اكثر من رايع قريتو بالفرنسية في الاول وبعد ما شفته عالموقع هنا عاودت قريته بالعربي ...لاكن لاحظت كانه مش نفس الكتاب ..لما تقرءة بلغة اخرى لاكن يبقى روعة وانشاء الله نقدر شوف هالسنة باولو كوهيلو في المعرض اللي جاي يحظره اخر الشهر عنا..:oops: |
اقتباس:
ليش أنتي وين ؟؟ اذا بتحبي هيك روايات جربي "الوله التركي " أو اذا بدك ألقي نظرة على قوائم الكتب اللي موجودة بموضوع "مكتبتي الصغيرة" و تحياتي .. |
شكرا اخي انشا الله اشوفها..
انا من بلد يسموه تــــــونس و رح اشوف العنوان اللي عطيتهولي:oops: وشكرا كثير عليه |
اقتباس:
برشة و نص .. |
من هم الخيميائيون
لان هاي الخيميائي لهلق بالعربي ما فهمت شو معناتها
الخيميائي هو الشخص اللي يعمل في الخيمياء : و الخيمياء بقا منين اجت : حدثت مجموعة من الاكتشافات الكيميائية الصغيرة " نسبيا " بدئا من الكيمياء الصينية و الكيمياء المصرية " الفرعونية " و التي لم يصل الكثير منها إلى أيدينا اليوم وقد ارتبطت دائما بالفلسفة و باقي فروع العلم ( الجبر و الهندسة و العلوم البصرية .... إلخ ) حيث أنها كانت مجموعة معارف ضرورية للارتقاء إلى رتبة فيلسوف ... ماعلينا . النظرية الأساسية لأرسطو تفسر الوجود المادي بأربع عناصر رئيسية هي ( الهواء و التراب و الماء و النار ) أي أن كل شيء في الدنيا مكون من هذه العناصر و باختصار و بلا كتير جرش ولدت فكرة هي كالتالي : كل الأشياء مكونة من هذه العناصر. المعادن مكونة من هذه العناصر لأنها أشياء موجودة. الذهب مكون من هذه العناصر لأنه معدن . إذن لابد من طريقة للتلاعب بتكوين هذه المعادن ( شي بيشبه التلاعب الجيني ) لتحويل معدن ما عادي و رخيص إلى ذهب اللذي هو معدن غالي مثلك يا غالي . و شغلت هذه الفكرة جديا رؤوس الكيميائيين لفترة من الزمن و أهمهم عالميا ( bernard trevesion ) و الذي وصل بتفكيره أن يحصل على الذهب من الإنسان و يقال أن جابر بن حيان قد تعاطى نفس الفكرة . طبعا تطورت القصة مع الشباب و بدأ البحث عن إكسير الحياة الذي يشفي كل الأمراض و يعطي الحياة المديدة أو الأزلية .. إلخ هؤلاء الكيميائيين الذين استحوذت عليهم هذه الفكرة و جربوها بما فيها من معطيات وراء طبيعية و أساطير و فلسفة ذهنية بحتة كان اسمهم الخيميائيين .:clap: |
احلا سيزر والله
الف شكر الك اي والله هالخيمياء باينتها شغلة يعني Interesting ثانكيو مان عالشرح |
هلق رجعت خطرلي هالسؤال
انشالله حدا يقدر يجاوب عليه اقتباس:
يعني شو النتيجة اللي توصلولها؟؟ |
| الساعة بإيدك هلق يا سيدي 18:55 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون