|
هل تقبل الزواج من فتاة فاقدة لعذريتها؟؟
انطرح موضوع بسيريانيوز هو كالتالي تسود في مجتمعنا قاعدة أخلاقية اجتماعية تحلِّل للشاب بعض مظاهر "الفلتان" الأخلاقي، بل وربما تباركها له، من منطلق "الشطارة" و"الفهلوية"، في حين تحرِّم ذات القاعدة على الفتاة أي خطأ خلقي مهما صغر حجمه. وفي الوقت الذي يغلب فيه في مجتمعنا، أن يتورط الشبان في علاقات جنسية قبل الزواج، إما على سبيل التجريب، أو على سبيل الانحراف المؤقت، نجد أن تلك التجارب لا تؤثر في معظم الأحيان على سمعة الشاب ذاته حينما يرغب بالزواج، إذ يغض المجتمع الطرف عنه، بمقولة "إنه شاب". في المقابل، إذا ما تورطت فتاة في علاقة جنسية ما، فقدت عذريتها كنتيجة لها، فإن ذلك يمثل، في نظر شرائح واسعة من مجتمعنا، بمثابة الانتحار الاجتماعي الذي يجعل تلك الفتاة تخسر أهم أسهمها للدخول في عالم الزواج الفاضل. في حالة من هذا النوع، يندر أن نجد في مجتمعنا شاباً يقبل الزواج بامرأة فاقدة لعذريتها، أو بامرأة اعترفت له بأنها خاضت تجارب جنسية سابقة، قد يكون هو ذاته، خاض أضعافها. هذا السؤال نوجهه إلى الشبان الذين يطالعون موقع سيريا نيوز: هل تقبل الزواج من فتاة فاقدة لعذريتها؟ أو أقرت لك بأنها خاضت تجارب جنسية سابقة؟ كيف تقيِّم نظرة المجتمع لموضوع شرف الفتاة وعذريتها في بلادنا؟، هل تؤيدها أم ترفضها؟ هل تعتقد بأن نظرة المجتمع هذه، نظرة فيها تمييز عنصري بين الجنسين، أم أنها ضرورة اجتماعية وأخلاقية تقتضيها متطلبات حفظ الأنساب، وحماية المجتمع من الانهيار الخلقي والاجتماعي؟ شو رأيكن ؟؟ شباب وصبايا ... |
اقتباس:
:D |
حاليا مش مفكر اتزوج بلمره
|
هلق أنت عما تحكي من منطلق شرف المرا بين فخادها و عقل المرا بين فخادها
بحياتنا مما منطور وبعدين جبلي أكبر دكتور فيه يثبت أنو في رجل مالو مارس الجنس |
موضوع وجيه للطرح....:D :D :D
الحئيئة أنا بشوف إنه الشب لازم يُعامل في المجتمع متله متل الصبية... يعاقب التنين بنفس العقاب وأت بيغلطو... ويعطيهن نفس الثواب وأت بيحسنو.... من باب العدل... ما لازم يكون في تمييز على أي درجة بسبب كون الانسان أنثى أو ذكر.... إزا كنت شب... (والحمدلله إنه مالي شب):p أكيد ما برضى إتزوج من صبية ما راعت حئ الله بحالا وبالمجتمع يلي عايشة فيه!!! كمان ... بما إني صبية:o ... وعندي نzرة ورأي خاص بصفات الشب يلي بحس عليها العين...:p نفس الجواب.. رح إلك ياه .. (لأ ) بس رح إحكي مفصلا .... معك وأت تسمع؟:p مو بس الشب يلي مجترح للمجال يلي زكرته حضرتك فقط.. وإنما الشب يلي بعتبره غير نقي بمقاييسي... هو بالتأكيد شب مرفوض... يعني مستحيل وافئ على شي شب مأضي وأته داير ورا الصبايا... ما له هدف... ما بيخاف من الله... يلي بيهمه من الحياة البسط وبس... لإني ببساطة بأدر حالي... وبعرف إنه الشي الغالي يلي محافzة عليه من ميلادي... شعوريا ... وقلبا وقالبا.... خالص إله ....مو لأي حدن بينعطى...ولا بسمح لحالي فرط في لأي حدن ما بيستاهلو.. وعندي قناعة إنه شريك حياتي المستقبلي لازم يكون على مستوى وعلى قدر عالي من الاستحقاق للنقاء يلي مدخرتله ياه.... وهيدا أكيد من حئي...:larg: :larg: |
اقتباس:
اول مرة بحس في بنت بتعرف تحكي :p ياستي مرسي ع المرور ونيالو زوج المستقبل بهيك فلسفة :oops: وباقي الشباب هاد مو رأي انا لازق الموضوع لزق يعني لسا ماحطيت رأي بالموضوع |
كمال المراءة ان تترفع عن العلاقات الجسدية ,, الى الروح ,, الى اعلى من الغيوم ,, ما يكون الجنس ببالها ,, و لا هدفها متل سيدتنا مريم العذراء ,, اكمل نساء العالمين ,, انا هيك بدي اتزوج ,, وهيك بنظري المراءة لازم تكون عشان هيك لما تكون الها تجارب قبل الزواج بتكون قذرة ,, منحطة ,, تثير الاشمئزاز :pos: ( اسف ع التعبير بس انا هيك بحس ) بينما كمال الرجل ,,, ان يكون رجال مجرب ومدعوك ,, فحل ووتقيل ,, و حواليه الف بنت و بنت بس العلاقات قبل الزواج ,,, للرجل و المراءة ,,, ما لازم نخلي مقياس المجتمع هوي الي بيحكمنا يعني لاني شب مارس الجنس ؟؟ طيب وين المقياس الديني:? ؟؟ لا الاسلام و لا المسيحية بيحللو الزنا ,,, لو حللوه ,, كان منحكي بالموضوع يلي طرحتوه بس ما فينا نتناقش بحكم رباني:pos: |
اقتباس:
يعني هاد الواقع اذا مالي غلطان .... |
صديقي العزيز الموضوع يلي طرحتو مهم جدا وضروري يسمعو كل شاب وبنت
انا الصراحة ما يتزوج من بنت فقدت عذريتها لان مت ما اناحافظت على حالي و ما ارتكبت اي غلط مع اي بنت و الحمد لله بدي اتزوج بنت بنفس المواصفات مجتمعنا متخلف بعض الشيء لان بينظر للبنت يلي فقدت عذريتها على انها وسخة بينما الشاب يلي اضى كل عزوبيتو عم يركض ورا البنات و الله اعلم كم مرة مارس علاقة غير شرعية بينظرلو نظرة الرجل الكامل و السبب كلو نقص في التربية . :shisha: :shisha: :shisha: :shisha: :shisha: |
كلام المجاملات خلو لبعديين
.............. انا مستحيل ارضى.... السبب كالتالي بما أني ماعملت شي غلط بها الحياة او مارسة شي غلط اذا القاعدة اللي انبنيت عليها انوا الانسان مابخود الا الشخص اللي بستحقوا الثواب والجزاء من جنس العمل........الطيبون للطيبات على العموم ............كل واحد ونظرتوا |
اقتباس:
انت اختصرت علي الحكي انا معك بكل كلمة حكيتها الطيبون للطيبات والخبيثون للخبيثات وعلى نياتكم ترزقوون مشكور عزيزي :D :D |
ايييييييييييييييييييييييييييييييي نعم
لاني ما بعرف شو الفرق بينها وبين العذراء بظن غشاء لالبكارة ما بيشكل فرق. |
في كتير بنات بيعملو السبعة وذمتها وبقضو ليصدو واخر شي بتروح بتريح حالها 15 يوم بالضبط قبل عملية اعادة غشاء البكارة وبتتزوج وهي معها دليل العفاف
وفي بنات بيمارسو علاقات جنسية بدون ما يفقدو عذريتون (فرشاية) وكمان نفس الشي بس بدون يتزوجون مافي شي ضدون انا برأيي انو غشاء البكارة مو دليل براءة او طهارة ممكن كتير بنات فقدو عذريتون ضمن علاقة حب حقيقية بس ما دخل العهر لدماغون وفي كتير بنات ما الون علاقات حتى ومع هالشي العهر معشش براسون |
ان بحكيلكم الجواب
اذا كانت الفتاة عربية طبعا لا يقبل
اما اذا اجنبية فمافي اي مشكلة عند الشب العربي |
اقتباس:
|
اقتباس:
|
اقتباس:
بعدين شبوا الشارع ليك لبنان مثلا |
اقتباس:
: : : : : : : : : : : : : : : : : : : : : : : : : : : خجلتك ما :o ثقافة ع كيفك .... انا مطول بالي وعم اسمع ارائكن واخر شي بدلو بسطلي |
على حسب كيف فقدت عذريتها (حادث ولا إغتصاب ولا هي بإرادتها ).... انت رح تعرف كيف فقدت عذريتها ؟؟؟ أو أصلا ً إن كانت فاقدة لعذريتها ....؟ بكل الأحوال حسب نياتكم ترزقون .... طبعا صعب كتير الواحد يجزم بهالأمر هاد برأي لواجهو شخصيا ً بس الموضوع منتشر بكثرة ... شكرا لك على طرحك لهذا الموضوع المهم ...... |
اقتباس:
|
اقتباس:
شكرا ع المرور بس ياريت هيك كمان نسمع اراء اكتر من الاعضاء:melody: |
اقتباس:
|
البكارة ليست من أركان الزواج، وليست من شروط صحّته باتفاق العلماء والمذاهب إلا إذا اشترط هذا الشرط في صلب العقد ويصبح الالتزام به واجباً، فإذا تبيّن أنّ الزوجة ليست بكراً انفسخ عقد الزواج و إذا لم يكن هذا الشرط منصوصاً عليه في العقد، واكتشف الرجل أنّ زوجته غير بكر، فالأمر عائد إليه اما التطليق او البقاء معها:pos:
واريد ان اسال شبابنا العربي لم يقبلون الزواج من الاجنبية حتى لو كانت معتادة على ممارسة الجنس منذ صغرها وللاسف اننا هكذا نقبل من غيرنا ما لا نقبله من انفسنا :shock: والجميع يعرف ان التائــب من الذنب كما لاذنــب لــه :oops: بسم الله الرحمن الرحيم قــال تعـالــى قل للمؤمنين يَغُضُّوا من أبصَرِهم ويحفظوا فروجهم ذلك أزكى لهم إن الله خبيرٌ بما يصنعون(29)وقل للمؤمنَت يَغضُضن من أبصَرِهِنَّ ويحفظن فروجهن» (30) سورة النور |
أنا برأي
أنوا كل نظيف راح ياخذ نضيفه وكل وسخ راح ياخذ نضيفة بس ابتطلع وسخة بالأخير وعلى رأي المثل (( كل حبه امسوسه ..... إلا كياله )) وبعدين لا حدا يخاف على الفاتيات الاتي فقدن عزريتهن لأنوا بكل بساطة وجدوا الحل باتبعاع إحدى الخطط الآتيه : أولا: القيام بعمليات متخصصه لدى دكتور مختصص أيضاً بإرجاع الغشاء إلى وضعه ، أو بما يشبه وضعه السابقة لكي يظن العريس ( القر .....) أن فتاته الحسناء عذراء ،، وفي يوم الصبحية يقوم الدكتور المختص بالإتصال هاتفياً بالعروس لكي يطمأن على سير الأمور.... ثانياً : قيام الفتاة بالتعرف على شاب لم يسبق له أن قام بأي علاقة مع فتاة ولا حتى بالكلام ، يعني إذا حكتوا أي بنت بفوت بـ 100 الحيط ،،،، وبتقنعوا أنوا بتموت فيه ومو قادره على فراقه ( يعني بتضحك عليه بكم كلمة ) وبعد ما يحبه ويتعلق فيه ،،، ابتجي هي وبتقولوا أنوا في شباب اغتصبوني وأهلي لو عرفوا راح يقتلوني .... الخ ( يعني بتألفلوا شي قصة اتكون هي الضحية فيها ) بقوم الشب بطق عندوا عرق الشهامه وبتزوجه |
لو انا كنت شب (بعيد الشر) :p
راح اسال بالاول كيف... اذا كان اغتصاب مثلا ... اوكي بس اذا كان بارادتها ;-) .......... اكيد لأ كيف راح ائتمنها على بيتي وعرضي وولادي ؟؟؟! :pos: وشكرا لإلك rassel على هالمواضيع المميزة والطرح الاكثر من رائع :) |
بس اذا كانت تايبة وندمانة على هالعملة:pos: ..... راح افكر بالموضوع
|
المجتمع الشرقي ظلم كتير البنت و أيد الشاب على أمور كتيرة و لو صارت مع بنت لتحولت لحثالة :jakoush:
للأسف سمعنا كتير عن شباب بيطلعو على بلاد برا و بيشوفو أشكال ألوان و بكل الوسائل و الطرق و بس يرجع من الغربة بيطلب من امو تدورلو على قطة مغمضة ما باسها من تمها إلا امها ليش؟ :x لأنو ما بيقبل غير يكون الرجل الأول بحياة البنت و الرجل الشرقي مو بس ما بيتقبل ياخد بنت فاقدة عذريتها لأ و ما بيتقبل كمان تكون عرفت حدا قبلو و odell كلامو ما استغربتو متلو متل كل هالشباب لأ و بيجوز يكون وش السحارة كمان :frown: بيتعاملو مع البنت على أساس انها مجردة من المشاعر والغرائز :-? و الخلاصة أنا مع Lotus :deal: بكل كلامها الشي يللي أغلى من الروح بالنسبة للفتاة هي العذرية و الفتاة بطبعها نقية .. صافية .. حالمة :lover: مستحيل تعطي عذريتها غير للحبيب يللي بتكون مو بس بتحبو .. بتكون بتعبدو .. و بتكون على استعداد توهبو روحها .. فوقتها بتقدملو عذريتها أساسا الفتاة بتقرف من فكرة الجنس مع غير الحبيب و كتيييييييييييير بستغرب تصرفات الشباب لكككككككك ماااااااااااا بيقرفوووووووووو :humm: أنا بالنسبة إلي مستحيل أعرف انو شب مارس الجنس إلا و نزل من عيني و قرفت منو و (بعتذر):larg: و متل ما أنا ما بقبل حدا يلمس شعرة مني غير حبيبي و ما بقبل حتى انو فكر بالزواج و الانجاب غير من حبيبي(رغم خيانتو) لازم يكون متلي و لازم يكون بيستحقني و بيستحق إخلاصي.. و لأنو خاين ما بقبل غير يكون ذكرى ولو حتى كانت هالذكرى كذبة فأنا بحافظ على حالي لحبيبي يللي بذكرياتي حتى لو هو أبعد من النجوم .. :cry: و بضل بأحلامي انو قدملو يللي أغلى من روحي بالأحلام لأنو بالواقع .. ما بيستحق .. :tears: و بعتذر عالإطالة |
بطلت اتزوووووووووووووووووووووو وج
|
له له له ..... مين زعلك ؟ :p
|
ماحدا بس خفت من ورا ها لحكي عصفور طيار احسن;-) والله فهمانك;-)
:larg: |
لا لاأقبل.....
|
انا بالننسبة الي كبنت مابرضى هاد الشي لانو محرم ومادخلو ابدا بالتطور الفكري او التخلف العقلي كلشي بالدنيا الو حدود والبنت الي بتكون مخبصة قبل الزواج او طالعة مع غير شب شو بيضمن لزوجها انو رح تصونو بعد الارتباط,, ياريت الشباب تجاوبني ع هل السؤال؟؟؟ |
الفكرة قابلة للنقاش في بلاد غير بلادنا للاسف ..
انا شخصياً ما عندي مشكلة .. بس في بلادنا ( مقورن ) :frown: |
طيب يعني حسب انو فقدت عذريتها بشو؟
يعني صدقوني المنيحة مبينة والبنت العاطلة الا ما تبين ما ضل اشي مخبا هالايام وكل اشي قسمة ونصيب شكرا على الموضوع |
حسب اذا كانت يعني في شي اسمو حب و شي اسمو غصب عنها
|
السلام عليكم
يا شباب بغض النظر عن العادات والتقاليد اللي فيها الصح و الغلط ولكن: أنا متفاجئ برأي الأخ اللي عم يفترض خسارة البنت عذريتها بعلاقة حب حقيقية و بيعتبر إنو ما في مشكلة إذا كانت عن(حب حقيقي) و متناسي إنو اللي بدها تخسر عذريتها بدها تكون بالأول خسرت كلللللللللل ما يمت للدين والخلق والشرف لحتى وصلت لمرحلة فقدان العذرية لأنو متل ما بتعرفو إنو البنت ما بتنجرّ للزنا إلا ما تكون جربت كل ما يوصلها إلو. وطبعا الحكي نفسه بينسحب عالشباب. فتخيل يا راعاك الله شو هالبنت اللي رح تعيش معها بقية عمرك و اللي يفترض إنها رح تربي ولادك و استلم على تربية يا معلم.لأنو المنطق بيقول إنها ما حتمنع بناتها بالمستقبل عن شي هي اسنحللنو لحالها باسن الحب الحقيقي. هادا رأي حبيت شارككن فيه شباب وعذرا عالإطالة والله يوفق الكل. |
randa 86 ممكن بس إفهم شغلة؟
شو قصة كلمة الحبيب :الحبيب=الزوج؟ إنتي بحكيك عم تصادقي و تشجعي علىإنو الشب اللي بيحب بنت (ولو كان حب خرافي من تبعوت قيس و كسمو و غيرو ) بيحقلو منها كل ما يحق للزوج من زوجته بل أكثر. خلص معناتا يا شباب حبو و انبسطوااااااااااااااااا وعمرو ما حدا يتزوج خليكن عالأرض يا جماعة و لا تتأملو كتير بالأفلام و الرومانس ok? |
هاد هوي الحكي
:yahoo:
اقتباس:
لك بشرفي انك كبير كبير اي والله هاد هوي الحكي , بعدين كل طنجره والا غطا , يعني السيكا سيكا رح يتجوز حشك بشك و المنيح بيتجوز وحدي عفيفه ما ؟؟؟؟؟:ss: |
صح هالحكي
اقتباس:
هالحكي صح بتعرفو ليش ؟ لانوالاجنبيه بتعملا وهيي مرتاحه وشايفي انو هاد موغلط , لك هيك مجتمعا يا روحي , اما هون فبتكون عارفي انو هاد غلط وقمه الفساد وعبتعملا ومبسوطه وع السر ليه لانو السر شي حلو بتنبسط ما فيها اخي ما فيها تاع قلا اي يلا المجتمع سمحلك بتطبل بدا , اي هيك , خالف تعرف .:clap: |
الغريزة الجنسية هي أقوى الغرائز عند الأنسان
وأنا برأيي إذا الأنسان ماقدر يتحكم فيها ويكون العقل سيد الموقف ممكن نشبه ها الشي بالحيوان المهم اذا بدنا ناقش الموضوع بعيد عن الدين والعادات والتقاليد انا برأيي الأمر مرفوض عند الطرفين بس ليش الرجل الذنب عندو مغفور فهي لأسباب شرقية (عادات وتقاليد) لأنو بالدين مافي حدا ذنبو مغفور أنا ضد ممارسة الجنس قبل الزواج من الطرفين وأنا كأنثى مستحيل أتزوج شاب كان عندو تجارب جنسية مهما كانت الظروف وبحترم كل شب بقول ما بتزوج بنت غير عذراء احترام الأنسان للغرائز شيء عظيم من ناحية تانية اذا بدنا ناقش موضوع اكثر احترام ممكن نقول ونسأل الشباب هل تقترن بأرملة أو مطلقة؟؟؟ مو ببنت فاقدة عذريتها :x انا من الناس يلي بقدس الحب بس مو تحت شعارو بخون اذا البنت فقدت عذريتها مع حبيبها وما اتزوجتو ؟ او شو الضمان انها رح تتزوج ها الأنسان العفة حلوة كتير ومطلوبة عند الجنسين رجل كان أم أمرأة بغض النظر عن الدين والمجتمع المجتمع الشرقي اعطى الجنس قيمة قذرة بالوقت يلي هو احد اروع الأشياء يلي ممكن تخلينا نحن البشر نحب بعضنا ونستمر بالوجود اذا عرفنا كيف نستعمل ها لغريزة بدي قول كلمة لكل شب مابتهمو ها الأشياء انك لازم تتذكر انو اذا اقترنت بأنسانة غير عذراء من الممكن يجي يوم وتعيد الكرة مازال هي غير متحكمة بغريزتها واسترخصت اغلى شي بتملكوه بلحظة |
| الساعة بإيدك هلق يا سيدي 20:58 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون