|
وداعا اخوية
اول شي اعذروني ممكن تكون افكاري لاول مرة غير مرتبة يمكن بسبب اني عم مر بظروق شوي صعبة او يمكن لاني عم باخد قرار كتير صعب
ما عارف كيف بلش حكي او من اي نقطة ابدأ راح بلش من احلى شي بحياتنا من اخوية الوطن يلي جمعنا كلنا بكل الوانا واختلافاتنا راح بلش من اسعد ايام حياتي يلي قضيتها هون يمكن حملت هاي الايام اوقات كنا نحس بالضجر او الياس او الحزن لكن بالمحصلة كانت كلها ايام ما راح تنسلخ من ذاكرتي لاني حسيت بقيمتي هون وحسيت بقيمة كتير ناس هون حتى يلي اختلفت مهم بلشنا بالسعادة والاوقات الحلوة وراح ننتهي كمان بالسعادة والاوقات الحلوة كوستا اليوم وصل لمرحلة ان يسيئ او ممكن ما تكون اساءة ممكن نسميها انو اصبح وجوده سبب في تعاسة او حزن ناس بيحبها كتير الناس هاي كوستا مستعد يضحي بعمره ليسعدها وما ممكن بلحظة يكون سبب في تعاستها والاساءة اليها لذلك كله قررت اني انسحب حتى يبقى كوستا هو الصورة الحلوة يلي عرفتوها و ما اسيئ لحدا الموت عندي يسبق قبل ما سيئ لحدا فيكم رغم انو قرار صعب ولا رجعة فيه ورغم اني راح ضحي بقيمة كتير سامية ومقدسة عندي هيا اخوية و اصدقائي واخواتي هون لكن متل ما قال جبران وإذا رأيت سكّيراً فقل في قلبك : من يدري إذا كان هذا الرجل لم يسكر لكي يتخلص مما هو شر من السكر وداعا اخوية اقول وداعا الى جميع اللذين اسأت اليهم قبل ان اقول وداعا الى اللذين احسنت اليهم اودعكم من هون من المنبر الحر لانو انتو احرار وخلقتو احرار بدي ودعكن كلكون يا اخواتي لانكون فعلا اخواتي هاد القرار يمكن اصعب قرار اتخذتوا بحياتي لاني بدي دير ضهري وامشي من هون وما تعودو تشوفو كوستا اي كوستا يللي كان ثوري وحمش بالمنبر كوستا يللي كان يحب الكل كوستا يللي كتب وتغزل ببنات الاخوية كوستا يللي اتحركش بالشباب واخد رايهم كوستا يللي حكى من قلبو كوستا يللي تخانق مع البعض منكون ومن هون بدي اعتذر لكل انسان اسأت الو ان كان من الاخوية او من خارجها كانت فرصة سعيدة اني تعرفت على ناس ربيت معهون وربيو معي انا صارت معي ظروف وما فيني كمل لانو مو طالع بايدي شي ساوي والاهم من هيك انو صرت عم سيء لناس هون وبعترف اني اسات ومشان هيك لاني بحبكون كلكون من دون استثناء قررت اني انسحب من الاخوية قررت حتى ضل محافظ على ادنى صورة او فكرة اخذتوها عني وبدي وجه تحية الى : الى الملحدين عهدنا عهد الوفاء والى المؤمنين الى اللقاء في معارك اخرى بتمنى منكم كلكم تسامحوني لو اخطات بحق واحد فيكم وتاكدوا انو كلنا اخوة مؤمنين وملحدين مسيحين ومسلمين يلي بيجمعنا مع بعضنا اكبر من يلي بيفرقنا نحنا كلنا بشر نصيب ونخطئ لكن انسانيتنا وضميرنا بيجمعنا تحياتي لكم جميعاً اخوكم كوستا |
Spector بعلق مشاركاتو حتى اشعار اخر
حياكن :D رح اترك معك ورح ارجع معك بس بدي اعرف شو السبب يلي رح نترك اخوية مشانو |
كوستا :shock:
|
اقتباس:
وليش بدك تترك ؟؟؟ السبب واضح بين الاسطر تحية الك عماد |
اول شي شو منشان القوانين واللوائح والدستور تبع اخوية ولا يعني لانكم من ذوي السلطة والنفوذ بيحقلكم انكم تغيروا قوانينا واعرافنا يا حكومتنا العتيدة
ولا يمكن بتفكر انك خلص تركت وبقيت من من الحكومة لا يا غالي ما تركت ولا راح تترك لك نبيل عامل فيها عنتر زمانك ومناضل وثوري ومتحرر وما بعرف شو وببساطة وبدون مقدمات وداعاً اخوية لك شو هالضعف يلي انتو فيه بعدين تعال هون بما انك ملحد قديم والضمير هو الله يلي بتامن فيه هل ضميرك مرتاح هلاء لما تترك ؟ ضميرك يلي هو ربك من وجهة نظرك طبعاً بيكون سعيد ومرتاح لما تترك ؟ هيك انتا بتحس انك بطلت تسيئ للناس يا اخي لو اسئت لحدا فينا كلنا بنعذرك وبنعذر بعضنا لانو نحنا اخوة قبل لاكل شي حتى لو اسأت لشخص ما إعتذر اله وانتهت القصة اما انك تنسحب بكل بساطة فما تزعل مني هاي بعتبرها جبن وعدم ثقة بالنفس وبعتبرك لا ثوري ولا مناضل ولا عندك ضمير ولا شي لك ملعون اخته من زمن وسخ يلي عم نفقد ناس غالين واحد ورا التاني ونحنا عجزة حقيرين ما قادرين نحتفظ بالناس يلي بنحبها اترك نبيل يلا شو منتظر وكلنا راح نترك لانو ما مستعدين كل يوم ينفرض علينا احساسنا بالعجز وبانا جبناء افتح مسنجرك نبيل هلاء لو سمحت |
اقتباس:
:D :D |
اقتباس:
السبب يلي خلاك تضعف هيو سبب عاطفي ؟ :shock: السبب يلي خلاك تترك انك ستسلمت لأنسان او مجموعة من الناس ؟ :shock: ضعيف ؟ لا مانك ضعيف جبان مانك جبان انا بعرفك منيح بعرف مين كوستا بعرف مين يلي وقت بقول انا ملحد يعني لو اجا الله قلو انت ملحد كافر بقلو اي خ*** كوستا فهام عليي انا معك حتى لو كان سببك تافه انا معك لأنو انت علمتني معنا اخوية انت علمني انو العمر اخر شي بفكر فيه الانسان وقت بجي لعند حدا اكبر مني ب اكتر من عشر سنين وبعاملني ك صديق \ اخ \ الخ لا تفكر للحظة انو رح شارك ب اخوية من بعدك |
اقتباس:
اي منيح فرحتني انتا التاني الله يفرح قلبك لك شو عم تحكي عماد شو ببساطة هيك ممكن تتركوا يعني كلنا صرنا بلا قيمة عندكم بلا مضمون بتفوتوا بحياتنا وبطلعوا وقت ما بتريدوا بعدين شو سبب عاطفي ما عاطفي لك لو عندوا عاطفة وبيعرف شو يعني عاطفة ما بينسحب ولا بيقبل الهزيمة لك العاطفة قوة العاطفة ثورة العاطفة انك تنتزع حقك من كل واحد بيحاول يجردك منو هاي العاطفة مو انك تترك وتنسحب يا ثوري انتا وياه يا حيف على الرجال يلي بتقبل الهزيمة !!!!!!!!!!!!!!!!!! |
اقتباس:
كوستا انا حكيت كلمة وما بتراجع عنا يا برجع معو يا بروح وما برجع كمان معو |
اقتباس:
اما السلطة انا بتنازل عنها بكل بساطة اقتباس:
اقتباس:
اما عن الوداع يعني وداع من دون لقاء الله هو ضميري وانا بشوف انو هيك مرتاح وغيري كمان مرتاح اقتباس:
وانا ما بعرف اعتذر بس فيك تقول انو هاد اعتذار اقتباس:
ويمكن هاد الصح او الغلط بتركلكون ياه تقيموه بعدين كلنا عم نفقد بعض وانت مؤمن وبتعرف انو الفقدان حق علينا لانو شبيه بالموت على فكرة انت وغيرك غاليين عليي كتير ولا تفكر انو ما في حدا مانو غالي وانت ابطال اكتر مني ومانكون عاجزين اقتباس:
اقتباس:
|
منقول من المنبر
الله معك كوستا، و انشالله منلتقى عن قريب ما بعرف، بس حاسس انك متسرع بهيك قرار |
اقتباس:
وعن العاطفة موجودة يا وائل بس يمكن ما حدا عرف قيمتها وعن الرجال هي الايام كفيلة تحدد هاد الشي بعدين في متل بقول الهريبة تلتين المراجل;-) انا بحبك وائل متل ما بحب غيرك والكيد بيعرفوا حالون |
مع انك استاذي ( حسب اعتباري )
مع انك صديقي ( حسب ما بتعتبر ) مع انك ملحد متلي بس انا ما بعرف بالالحاد غير انو مافي الله مع انك حببتين ب اخيوة مع انك عرفتني معنا الصداقة مع انك من رجال اخوية وقواعدا مع انك انسان وهاد الشي مو كل المخلوقات عندا هيك صفة مع اني كنت مقرر اترك معك لأنك صاحب قضية وبلا قضية مافي اخوية بس انا ما رح اقدر اتخلا عن اخيوة بلا سبب بس تلاقي سبب حقيقي فأنا معك انا تسرعت وقلت رح اترك ووقت حكاني انسان تاني متل كوستا اقنعني اكتر من كوستا كان حكيم اكتر من كوستا لذلك بتمنا ما تطول يا كوستا |
كوستا؟؟؟؟ :cry:
|
اقتباس:
بقدملك وردة اعتبريها رعبون صداقة جمعتنا بالاخوية :D |
اقتباس:
انت ما دخلك ب يللي صار |
اقتباس:
بس انا يلي رح يرجعك لأخوية ورح يشكروني الاعضاء سلام :D |
عزيزي كوستا ... إلى أين ...؟
|
إلى كوستا .. و إلى الإدارة
لـ كوستا
بما أنني لم أمتلكـ الحق .. للرد على موضوعكـ صديقي كوستا // باعتباري مجرد عضو // فضلت أن أرسل لكـ إشعارا ً .. بوجودي هنا على خط معارضي غيابكـ رغم اختلافنا .. بكثير من النقاط .. إلا أنني .. وجدت فيكـ مناقشا ً شهما ً .. ذو قلم .. وصاحب رأي .. تدافع بشراسة وشرف . عما تعتقد أنه في حيز منطقكـ أدعوكــ إلى المنبر .. لنكمل كأسا ً .. بدأناها رغم أنني لا أعرفكـ سوى على الصفحات .. إلا أنني .. لم أستسغ فكرة الغياب هذه للإدارة أقول هناكـ مشكلة .. في أبجدية الحوار هنا في الموقع .. دفعت شخصا ً .. كـ زميلنا .. كوستا للاعتقاد بأنه يؤذي ..الآخرين .. ويسبب لهم المتاعب .. والحالة هنا ليست خاصة .. أظن أن الحالة عامة .. إضافة بالنسبة للمشاكل في أبجدية الحوار .. سأفردها في موضوع جديد .. أو أتابع هنا .. |
اذا كان الموضوع اعتذار ، بظن انو وصل صوتك للي يمكن يكون تدايق منك ... واذا كان غير هيك ، برأيي تعيد التفكير ... واذا بعدك مصرّ ، فــ ما بنقلك الا خود وقتك .. و بانتظار رجعتك :D :D
|
كوستا
ليش هالقرار معقول انت بهالبساطه؟؟؟ |
اذا كل ماواحد بدو يختلف مع التاني وتصير شوية مشاكل
التاني بجي بدو يترك الاخوية على هالحالة مارح يضل حدا :? |
ايوا برافو برافو كتير كمان :frown: :pos:
me2 .... nirvana....وكانت لاوديسا رح تروح بس بقيت .....وهلق انت ما رح قلك ضل .. بحترم رغبتك ... بس رح قلك انو مارح ننساك ..وانو انت رح تنسانا لانو اللي بيدير ضهره وبيروح ما بينفع انو يضل يفكر بالشي اللي تركه والا ما بيستفيد من روحتو شي بتمنالك الحظ والخير يكونو رفاق دربك:D :D :D |
كوستا وين رايح:cry: :cry:
|
اقتباس:
بس اللى بيختار يبعد بيكون شايف سعادتة او راحته فى البعد معقول انت كدة اذا اسأت لحد كلنا بنغلط وبنرجع نعتذر وخلاص اى كان السبب مش مهم اعد مع نفسك شوية شوف انك تبعد عن اخوية وكل اللى فيها دة حيحل المشكلة او هيريحك ولا انك تفضل وسط ناس عايزنك تبقى معاهم يوم ما تكون مضايق هتتكلم معاهم تختلفوا شوية تتفقوا شوية مش مهم المهم سوا :D :D |
اول شي بوجه شكرنا العميق باسم كل اخوية الوطن المعنوي للحكيم يلي لبى ندائنا ونقل الموضوع على السيقيفة حتى يقدر كل عضو بيحب كوستا انو يشارك ويعبر عن رفضه لقرار كوستا يمكن نقدر من خلال كلماتنا نوصل لكوستا قيمته بالنسبة النا جميعاً
شكراً حكيم ويديمك الله رمز لاخوية :D كوستا انا ما كملت كلامي امبارح بسبب نقل الموضوع على البريد لكن من هلاء بقلك راح علق مشاركاتي بكل شي وما راح يكون مشاركات مني غير هون بموضوعك هذا وبس اسمحلي ناديك باسمك لانو بيحمل صفاتك ما راح اذكر كوستا رغم انك بتحب الاسم هاد راح قلك نبيل لانك فعلا نبيل نبيل انا في يوم من الايام انجبرت اني افقد شخص غالي كتير علي الظروف ارادت اني ما اقدر استمر معه وقتها كل الكون صار عندي ظلام ما شايف شي و لا حاسس بشي حولي لا امل ولا حلم بحياتي وصلت معي للموت يمكن هاي اول مرة بحكي عن شغلة خاصة بحياتي ما بعرف لو كان راح تقدر كلامي هذا ولا راح تعتبره قصة طريفة تقرأها وتستمتع فيها او تشوفها كئيبة وما تكملها في الفترة يلي قلتلك عنها انا وصلت لقرار الموت مو ترك منتدى او اصدقاء وبس لاء وصلت للموت فعلاً وإشتغلت على الموضوع بشكل جدي فبل التنفيذ بيومين وبالصدفة البحتة سمعت اغنية بالتلفزيون لمرسيل خليفة يلي بيقول فيها ( وأعشق عمري لاني اذا مت اخشى من دمع امي ) يمكن تستغرب لو قلتلك انو هاي الكلمتين حركت فيا اشيا كتير بالرغم اني كنت عايش بالبيت وعند اهلي وكل يوم بشوفهم لكن الاغنية هاي جعلتني اتخيل المشهد يلي راح يكون وقت ليستلموا جثتي وممكن ما يستلموها واندفن بال48 راجعت حسباتي ولقيت اني كنت اقذر واحقر من تصور البشر لاني اخدت قرار عن ضعف وجبن وذلة وما حسبت حساب الناس يلي بتحبني و الناس يلي راح تتعذب لو غبت انا فضلت راحتي على عذاب الاخرين والاخرين يلي بحكي عنهم الهم حقوق عليا متل ما نحنا كلنا هون النا حقوق عليك ومتل ما انتا فضلت راحتك على حساب احساسنا بالعجز انو نحتفظ بناس حبيناها وعشنا معها الحلوة والمرة كتير ناس ممكن تقرا كلامنا هون وتستغرب شو الرابط يلي بيجمع هاي العالم لدرجة انهم يناضلوا لاخر لحظة في سبيل انو واحد يبقى وما يترك انا فكرت كتير بالرابط يلي بيجمعنا ما لقيت تفسير منطقي مقنع لتحديد هذا الرابط لقيت عقلي عاجز عن التفسير يمكن لانو الرابط هذا متعلق بالقلب مو بالعقل متله متل الايمان والحب وحب الخير نبيل اقسم بالله العظيم وانا انسان مؤمن لو أدت اني اطلع الشام حتى اشوف شو قصتك راح اعملها وتلاقيني فوق راسك اترك كل هالافكار المجنونة و ارتاح يومين من الضغوط يلي انتا عايش فيها وعم ننتظرك لنكمل مشوارنا بعدو في خطوات كتير لازم نمشيها سوا وما راح نتنازل بسهولة بالنسبة للشخص يلي أسأت اله بعتقد انك بتقول دايماً انو الله هو ضميرك وما عمري سمعت انك بتقول عن نفسك الله وبما انك لست الهاً يبقى لازم تغلط لك كلنا بنغلط وكلنا بنصيب هاي هيا الحياة خطأ وصواب كيف ممكن نشعر بقيمة الصواب لو ما اخطأنا وكيف ممكن نتعلم ونستفيد من تجاربنا لو ما مرينا بالخطأ ارجوك نبيل ما تجبرني احكي اكتر من هيك بكفي يلي حكيته وما تجبرني اني اخد انا كمان قرار صعب نبيل ما ممكن انتظر يوم عيد ميلادك لنزل موضوع تهنئة متل ما عملت مع nervana كتير راح يكون صعب وانتا بتعرف كيف كانت نفسيتي يوم عيد ميلادها وشو حكينا انا وانتا حرامك عليك يلي عم تعمله ارجوك نبيل فكر وركز وتذكر انو هون في ناس بتحبك اخر شي بعدو في عندي امل ادخل الجنة فيك لما اقنعك ان الاسلام هو الحل :p او انك تقنعني بمنطقك لانو باقي الشبية هون مو ملحدين ومثقفين متلك يعني لو جادلوني بغلبهم لاني رجال صاحب مبدئ:o الله يسعدك نبيل ويخليلنا ياك فكر وتذكر انو راح تتعسنا كلنا لو بتقبل بتعاستنا و احساسنا بالعجز يبقى اترك :D |
إذا بتسمحولي احكي ولو إني بعرف انو رأي مو مهم بالنسبة لكتير عالم
يعني بس بدي افهم ليش بتحبو تنزعو مساه للواحد انو كل يوم والتاني بينطلنا حدا بدو يترك ما بكفي الواحدعايش بغربة كمان بدكن تخلوه يبطل يحس بالاخوة وهو بعيد يعني عنجد صار الواحد يكره حالو انا ما صدقت لاقي عالم بغربتي بتحب بعضها هالمحبة ولا حتى وانا بالبلد خلص سكرولنا هالموقع وخلونا نحاول ننسى انو هون اتعرفنا على اهم عالم بحياتنا يمكن ما صار تعارف بينا انا وكوستا او حتى عالم تانية بس بيكفي اني كنت شوف حوارتكن حتى حس بالسعادة بس هيك وهلئ بعد ماكل واحد صار بدو يترك بتمنى عنجد انو تنهولنا هالقصة وتسكرو الموقع او تدفنو لانو صار ميت وانا رح اعتكف هلئ حتى اشعار آخر |
اقتباس:
|
اقتباس:
بدنا كوستا يجى ويقول ... ايوة هانت اويضل معنا ويقول ما هانت |
اقتباس:
|
اقتباس:
|
اقتباس:
اقتباس:
جازيتا مارو اقسم بالله العظيم ما ممكن نسمح انو يترك لو وصلت شو ما وصلت نبيل بالذات ما ممكن يترك هو هلاء اكيد عم يقرا كلامنا بدون ما يفوت بإسمه لانو هلاء موعده كل يوم نبيل لو انتا رجال و واثق بنقسك انك بتقدر تواجه عم ننتظرك تواجه اما بتنتصر علينا او بننتصر عليك على حسب علاقتي فيك بعرفك ما كنت جبان بيوم وما بظن السبع ممكن بلحظة يتحول لجبان عم ننتظر يا سبع :D |
صدقوني يا جماعة انا مو من النوع يللي بتهون عليه العشرة
اساميكون محفورة بقلبي وما ممكن انساها حتى لو لحظة موتي وانا عم ودعكون من هون لانو انا بدي اترك الاخوية مشان كون مرتاح مع ضميري وانا من هون زعلان كتير على الفراق ( هو كل عمرو بيزعل الفراق) لانو قاسي وائل اسلوبك بالكتابة خلاني اكتب ورد عليكون من جديد لانو اثرت فيني قصتك بس ما فيني كمل المشوار معكون انتو بتقدرو تكملو من هون وتبنو وطن من خلال صرح صغير تقاتلنا فيه ودردشنا فيه وضحكنا فيه هاد الصرح اسمو اخوية ولا حدا يعلق مشاركاتو مشاني معليش خليكون متابعين |
اقتباس:
نبيل يمكن انتا بتملك انك تنسحب وتترك وتضرب عرض الحائط كل المشاعر يلي عبرنا عنها هون لكن يلي ما بتملكه انك تفرض علينا نخالف فطرتنا و افكارنا فطرتنا عم توجب علينا انو نتمسك في كل انسان بنحبه افكارنا بتفرض علينا انو كلنا ما نتخلى وننهزم وانو نحافظ حتى اخر لحظة انتا عم تطالبنا نتجرد من فطرتنا ومنت افكارنا بعتقد انك ما بتملك هذا الحق وقت يلي بنصير عم نتوسل بكل كبرياء مو بكل ذل الك حتى ما تتركنا وانتا بكل بساطة عم تقول كملوا الطرق وحدكم بعتقد انك اقل من انك تفرض علينا انو نتجرد من افكارنا وفطرتنا انا اسف يلي عم بحكي هيك بس هاي هيا الحقيقة بنسمح لاي شخص انو يفرض علينا فكرة او مبدئ بس وقت ليكون هذا الشخص بيستحق انو نتنازل لاجله انتا يلي بتحدد لو كنت بتستحق تنازلنا او لاء |
1 ملف مرفق .
اسمعها وانشا الله تغير رايك:cry:
|
كلمة أخيرة
2 ملف مرفق .
وطن حلمت فيه وتمنيت يتحقق ويصير بالواقع
بعد ماعشت واقع من المتغيرات والاضطرابات قلت لحالي هون ما ممكن انو الواحد يفقد شخص عزيز اول ما دخلت اخوية لقيت فيكن العالم يلي بحبها بس واقع الفراق ما ممكن يتغير لهيك رح وقف هون بشان ما اتعلق بالوطن اكتر |
اقتباس:
لحظة غضب لحظة جنون والكون مش هو نفس الكون |
اقتباس:
بعرف انكون بتحبوني وما بدي انو تتجردو من افكاركون بالعكس بدي تضلو فيها يا زلمة دبحتني بكلمتك ... انو شو توسل ؟؟؟ .... طول بالك شوي نحنا اخوات ومنضل اخوات وما بدي تتنازلو عن اي شي لانو مو نحنا يللي منتنازل بس كلامك دبحني وائل ........ و مو عارف رد عليه |
كوستا ...... :?
ما لحى أسألك ليش بدك تترك لاني ئريت كل الردود .. بس شوف لحلى ئلك على شغلة .. مع إننا ما منعرف بعض .. بس عن جد في أعضاء بالمنتدى إن طلعو خسرت كتير أخوية .. وأنت واحد منهون .. كل واحد فينا بيمر بيظروف .. كان جريئ وائل وحكى .. أنا ما بئدر كون بجرأتو وإحكي .. بس تأكد أننا كلنا منمر بظروف بتطحن كل شيئ حلو فينا .. وبتعصرلنا مشاعرنا لأخر نقطة .. ومع هيك برجع وبوقف .. وبقول بكرة أحلى .. نحنا هون بالغربة .. الاخوية هيي النافذة الوحيدة الي بحس فيها اني عم شم ريحة تراب بلدي بعد الشتي .. وريحة الياسمين الصبح .. بس بوجودكون انتو فيه .. فلا تخسرونا أمل صغير عم نعيشو كل يوم .. انا عم حاكيك هيك ما منشان اقنعك لا تطلع لأ .. لانو ما حدا الو الحئ انو يمنعك من شيئ بتحس انو راحتك فيه .. بس مشان تفكر بهل الكلام اذا عم تمر بأيام عصيبة .. تحياتي الك كوستا .. |
1 ملف مرفق .
اقتباس:
اسمع هاي معي هلاء نزلها عندك ارجوك واسمعها معي هلاء :D |
| الساعة بإيدك هلق يا سيدي 05:03 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون