|
ختان الاناث ... مأساة صامتة للفتاة
خلال قرائتي لمقالة ضمن الصحف الالكترونية ... ذهلت من رقم ..!! 97% تصل نسبة ختان الاناث بمصر طبقاً للمسح اللي قامت به وزارة الصحة المصرية عام 97 ...
إلا انو هالنسبة انخفضت لتصير بـ 57% خلال هالسنوات الاخيرة ... ويتم ختان اكثر 3 مليون فتاة سنوياً ... بصراحة انا انصدمت لما قرئت هالخبر ... ومذكور بالخبر انو الدراسات بتقول ان نسبة 50% من تلميذات المدارس في الفئة العمرية 15 إلى 18 تم ختانهم .. وانو هالنسبة موزعة بين الريف والمدينة... ويعتقد انو هالعملية تقضي ع الرغبة الجنسية للأنثى وبالتالي بتساعد بالحفاظ ع عفافها ... ويتم خلال هالعملية ببتر الاعضاء التناسيلة الخارجية للاناث ... وفي هذه العملية تتم إزالة الاجراء الخارجية من العضو التناسلي للأنثى كلياً او جزئياً ... وهالعملية منتشرة بأجزاء من افريقيا جنوب الصحراء ومصر ومناطق في اليمن وعمان... واما ببقية العالم الاسلامي في الشرق الاوسط وشمال افريقيا وجنوب وجنوب شرق آسيا فهالعملية نادرة او غير موجودة... وبقولوا انو هالممارسة تعود إلى العصر الفرعوني ع حد قول بعض الاساطير ... كما تمارسها بعض الجماعات المسيحية .. وكمان بعض الجماعات الوثنية في افريقيا... وحسب قول مفتي مصر علي جمعه إنو النبي محمد لم يختن بناته مشيراً الى انو تلك العادة ليست قضية دينية في اصلها وانما هي موروث عن العادات الفرعونية التي انتشرت في حوض النيل فديماً وهيك انتقلت الى بعض الدول العربية ... بقى انتو شو رأيكم ...؟ |
الجهل والتقليد لعادات دون النظرلها بيعمل اكتر من كدة
وفعلا الموضوع دة كان منتشر جدا زمان بس مع محاولة التوعيه يعنى فى ناس بدأت تفهم بس لسة منتشرة بكثرة فى القرى والارياف وقلت شوية من المدينة فاكرين انهم بيحموا الفتاه وهم بيبوظوا الدنيا |
المضحك انو من فترة قرأت انو علماء مسلمين حرموا هالظاهرة ونفس الشي القبطيين بقى من وين جاية هالعادة ما بعرف
|
اقتباس:
ليس لها علاقة بالدين |
اكيد انا معك بهاد الشي وهاد دليل على عدم اهتمام كثير من رجال الدين بمصلحة الشعوب لانو صرلها زمان القصة وما عالجوها
|
هديك المرة كنا عم نحكي عن الموضوع بصف الأنثروبولوجي
كانت اول مرة بسمع فيه وعنجد انصدمت وهلأ انصدمت اكتر انو الموضوع منتشر بمصر و لهلأ لسمعت فيه بس السؤال بالنسبة النا ليش ختان الصبي مقبول وختان الفتاة مامنقبلو ( اللي رافضين الفكرة طبعا ) بالنسبة الي انو ختان البنت ماكنت سمعانة فيه من قبل ابدا بس ختان الصبي بصراحة مابعرف ليش بيصير من الاساس حتى كون مع او ضد :p |
اقتباس:
ينعمى كيف صارت هي :shock: :shock: :shock: :shock: :? |
ما فيه نص قراني بيثبت صحه هاي العمليه ولا حتى بالسنة النبويه
عشان هيك الله يهديهم |
اقتباس:
يعني عنجد انو تعو فكرو فيها بالنسبة لختان الصبي او البنت شو الفائدة منهن ؟ ما بعتقد في فائدة من ختان الصبي غير كلمة قلي ياها رفيقي مرة بمعسكر التدريب الجامعي بس عيب نقولا :oops: |
اقتباس:
القصة مو قصة الله يهديهم او ما يهديهم لانو هني ما عم يخالفو تعاليم شي يعني صحي ما في نص قراني او سنة نبوية بتثبت صحة هالشي بس كمان ما في شي بيقلن ما تعملو هالشي فالشغلة ما فيها مخالفة للتعاليم الدينية هيي مجرد عادات اجتماعية لا اعتقد بوجود فائدة الها :D |
اقتباس:
وصلت الفكرة حبيب وصلت الفكرة :lol: مع انو مو واضحة كتير بس منحاول نستفسر :p بس هلأ مو المشكلة بختان الصبي ختان الصبي هادا عرفان ومشي حالو وبعدي الصبي بيعملو في هيك اول مابيولد يعني او مابنزل من بطن امو وممكن ببعض الحالات بطول شهر بس هون عبقلك انو البنات لما بيعملو هالكلام بكون عمرن 15- 18 سنة :? :? :? :shock: |
اقتباس:
في عالم بتنختن هيي وعمرا 26 سنة (هاي مرة صارت مع خالي وهوي دكتور اجا لعندو واحد عمرو 26 سنة بدو ينختن (يا اخي كلمة ينختن صعبة سهلولنا ياها :p ) ) فشو رايك بقى |
اقتباس:
بس طبعا هالحلات نااااااااااااااااادرة كتير وصعب كتير انو تلاقي واحد بهالعمر يجي بدو يطهر :p لانو اول الشي الشغلة يتموت من الرعبة مي سهلة :cry: وطبعا برجع بقول هالحلات نادرة جدا و90% من الصبيان بيطهروا بعد الولادة مباشرة بالنسبة للكلمة سيبك من كلمة ختان وخليني عالتطهير لانو معناها اخف والطف شوي وفيو خفة دم اكتر من هديك :sosweet: وبلا ختان بلا بطيخ |
ختان البنات منتشر جدا بمصر وبنسبة أعلى بالسودان وبيوصل الى اعلى نسبه في جيبوتي وأثيوبيا.
بالنسبة الى انو هيدي مناطق حارة جدا فبتكون نسبة الشهوة الجنسية للفتاة أعلى عند حصول الاحتكاك مع أعضاءها الجنسية. فبيعتقد أهل هيدي المناطق انو الحل هوي عبر الختان أو "الكوي" وهيدا بيعبر عن قمة الجهل والتخلف والبربرية. أما ختان الصبيان فهوي مش واجب بالاسلام بس من شروط الحج. ويتم عبر ازالة قطعة من اللحم الميت فوق البتاعة نظرا لسهولة انتقال الأمراض من تلك المنطقة مع العلم أن اللحم الميت من أنسب البيئات لتكاثر الجراثيم والميكروبات. وتجدر الاشارة انو ختان الذكور ما بأثر على الشهوة الجنسية أو أي شيء له علاقة بالجنس. يمكن صار فينا نفسر ظاهرة كثرة الطلاق في مصر, انو حدا مننا يتخيل عندو زوجة مختونة. اي بشرفي ما الو نفس ينام معها ولا حتى يبوسا |
كلامك صحيح Toocoolfriend هالظاهرة منتشرة كتير بمصر والسودان ... وبيرتفع نسبة الطلاق بينهم بسبب هالختان... لانو الفتاة تصبح باردة جنسياً نسبة للإثارة الخارجية ... طبعاً ما فينا نقول شي عن الاثارة الداخلية...
المهم ... اغلب مراجعي العيادة الجنسية بيكون من النساء المختونات... بالمصلحة ... عزيزي انو هالعملية هي قتل شعور الفتاة ... من دون أي انسانية ... لو فرضنا انو هالامر كان مفروض ... بالاساس ليش الله خلقو ووضع بجهاز المرأة ... اللعنة ع التخلف ... ومو هون المشكلة ... المصبية وقت ولادة المرأة المختونة ... أغلب الاوقات بيتم عبر الولادة القصرية... والطفل يتم وضعو تحت المراقبة لمدة قد تطول كتير... واظن انو الفكرة هي فكرة معاشر الرجال ... لانو نحن ما بنفكر بالمرأة غير ع انها وعاء للتفريغ فقط... بما يتعلق انو الختان مذكور بالاديان ام لا ... فبعتقد انو الديانة اليهودية بيلزم ع معتنقيه الختان للرجال طبعاً ... عدا النساء... وبالمسيحية والاسلام ما مذكور نص صريح ... بالختان للنساء ... لكن في بعض الروايات عن النبي انو ما منع خفض الجواري... وبالنسبة للرجال فبعتقد انو ما عندو اي مشكلة إلا وقت الحج ... فيلزم عليه الختان... طبعاً فوائد الختان للرجال كثيرة ... وينصح به الاطباء .. كون تجمع الجراثيم يتم تحت الجلد ... وبيتم العفونة .. وما إلى هناك من روائح كريهة... لهيك ينصح لكن لا يوجب ... وبالنسبة للنساء ... فانا ضد الختان جملة وتفصيلاً ... |
اقتباس:
سيدتي شوفي ختان الصبي لا يسبب موت الاحساس لديه لا بالرغبة ولا بالنشوة بل عدم الختن يسبب احتقانات خطيرة جدا أما ختان المرأة فهو يقتل الاحساس لدى الانثى ليس الاحساس بالرغبة بل الاحساس بالنشوة يعني لما يحصل ختن للمرأة بتصير متل اللي عم يحس بالعطش بس ما عم يشعر بالارتواء للأسف الجهل خلى البعض يفكر إنو هو بختان المرأة يقضي على الرغبة ولكن للأسف تبقى المرأة عطشى لا تروى عرفتي ليش ما ركزنا على ختن الرجل |
المشكله موبس بمصر او السودان وهي عاده افريقيه معروفه ومتبعه من اكثر من 5000 عام وهيه موجوده بكل دول افريقيا :frown: بالنسبه لمصر أثبتت تجارب السنوات الماضية إنه يمكن تحقيق نجاح ملموس في مجال مكافحة ختان البنات عن طريق وسائل عديدة أهمها التوعية والقوانين التي تحرمه. وهذا ما تدل عليه تجربة مصر التي تراجعت فيها نسبة النساء المختونات من 97 بالمئة قبل عشر سنوات إلى 75 بالمئة في الوقت الحاضر. ولا تزيد هذه النسبة حاليا بين الفتيات دون 18 سنة على النصف سوى بقليل. - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
بس لاحظو ..
عدم وضوح موقف الأزهر إزاء ختان البنات .. ولا اي جمعية دينية مسيحية . يعني الي ما بينفهم .. انو السيجارة لئولها فتوى وحرموها .. مع انو مافي أدلة واضحة لحد الان بأنها مميتة .. ( بما انها مؤذية .. وان لجسمك عليك حق ) بس هل الشغلة البربرية الي ان كانت من التراث فلا فخر ,, وان كانت عادة ,, فبئس العادة .... ولا ما بتدخل هاي تحت طائلة ( وان لجسمك عليك حق ) لهلى ما لئولها دبارة .. انا سمعت فيها هون بألمانيا بيطبلو وبزمرو كل ما نحكى عن اضطهاد المراة بمجتمعاتنا .. المسألة ما بدها بس توعية وتثقيف .. لا بدها ئص ايدين برأيي بعدين يعني كتير التوعية عم تجيب نتيجة ..لبين ما توعي ربع الشعب .. ( بطلوع الروح ) بيكون تلت ارباعو بــــــــــــــــــــــــ اظ  أأأأأأأأأأأأأأأأخ بس .. لك والله التخلف والجهل ما بتدعو عحدا .  |
انو انا كمان انصدمت بالنسبة:shock: :shock: شو 97% او حتى 50%
وبتقولولي ليش نحنا عالم تالت:pos: |
هاني داغر لا والله :lol: ما بتعرف يعني الامريكان وتوصلو لانو كتير صحي ويمنع تراكم الجراثيم وفي قانون الله يعلم اذا وافقو عليها لما لا يجبر اولياء صبيان ضعاف عند الولادة :sick: بالوم ا باجراء هالعملية الطبية 100بل100
اما البنات فانا استغرب:? و:frown: مالفائدة من الختان شو هو اصلا في شي زائد :shock: |
اقتباس:
بس ( والحكي مو من عندي صارت مناقشة عنا بالمدرسة و واحد من شباب الصف علق هالتعليق :oops:) انو هالقطعة الجلد اللي بيتم شيلا من الذكر فيها اكتر نسبة من الخلايا الجنسية و بالاصل مشان هالسبب تم انتزاعا بالنسبة للنظافة والصحة متل ماعرفت انو بأوروبا موضوع الختان مو منتشر ابدا ويمكن نادر جدا وماسمعت انو في عندون مشكلة صحية من وراها |
انا بعتبر انو هالعملية ختان الفتاة او (خفضها) تندرج ضمن (العنف ضد المرأة) ... ويجب استئصال ومعالجة اسباب هالتخلف...
|
اقتباس:
لختان الذكر عدة فوائد ومن اهمها النظافة وبما انكـ ذكر بكل تأكيد فهمت شو بقصد بدون ما ندخل بالتفاصيل بس بيكفي نذكر نقطه مثلا ً اثناء (التبول )... وللإفاده بتمنى تقرأ هالمقالة ... الأثنين 06/11/2006نيويورك (رويترز) - توصلت دراسة علمية أجريت على مدى خمسة وعشرين عاما الى أن احتمالات إصابة الذكور المختونين بالامراض التي تنتشر عن طريق الاتصال الجنسي تقل عن اصابة نظرائهم الذين لم تجر لهم عملية الختان بتلك الامراض. فطبقا لتقرير نشرته مجلة "بدياتريكس" أو طب الاطفال في عددها الصادر في شهر نوفمبر تشرين الثاني فان ختان الذكور ربما يقلل من مخاطر اكتساب ونشر تلك العدوى بنسبة تصل الى 50 في المئة مما يشير الى "الفوائد الجمة" لعملية الختان التي تجرى لحديثي الولادة بصورة روتينية. والدراسة الحالية هي مجرد احدى الدراسات الكثيرة التي اتخذت من الختان المثير للجدل موضوعا لها. وبينما توصلت معظم الابحاث الى أن الختان يقلل من معدلات الاصابة بفيروس اتش اي في أو فيروس مرض نقص المناعة المكتسب والزهري وقرح الجهاز التناسلي فان النتائج كانت أكثر تضاربا بالنسبة للامراض الاخرى التي تنتشر من خلال الاتصال الجنسي. ووصفت الاكاديمية الامريكية لطب الاطفال الدليل الذي توصلت اليه الدراسة بأنه "معقد ومتضارب" ومن ثم فانها توصلت الى استنتاج في الوقت الحاضر مفاده أن الدليل غير كاف لتأييد اجراء عملية الختان لحديثي الولادة. وفي الدراسة الحالية قام العلماء بتحليل المعلومات التي جرى جمعها من خلال دراسة للصحة والتنمية التي شملت مجموعة كبيرة من الاطفال المولودين حديثا في نيوزيلندا حيث جرى تقسيم الذكور المولودين الى مجموعتين بناء على ختانهم من عدمه قبل بلوغهم سن الخامسة عشرة. وجرى تحديد الاصابة بمرض لا ينتقل الا عن طريق الاتصال الجنسي في الفئة العمرية بين الثامنة عشرة الى الخامسة والعشرين عاما من خلال استمارة استبيان. وأظهرت الدراسة التي أشرف عليها دافيد فيرجسون وزملاؤه في كلية الطب وعلوم الصحة ازدياد مخاطر اصابة 356 صبيا لم تجر لهم عملية الختان بعدوى الامراض التي تنتقل عن طريق الاتصال الجنسي عن 154 طفلا اخرين أجريت لهم عمية الختان. وبالاضافة الى ذلك فقد ظلت تلك المخاطر مرتفعة حتى عقب تفسير الاسباب التي ربما تثير لبسا مثل عدد الشركاء في العلاقة الجنسية والجنس غير الامن. ويستنتج القائمون على الدراسة بناء على تحليل المعلومات الواردة بها أن فوائد الختان "ربما تكون كبيرة" من حيث الحد من مخاطر انتقال عدوى الامراض من خلال الاتصال الجنسي. وقال واضعو الدراسة ان "الموضوعات المتعلقة بالصحة العامة التي تثيرها نتائج الدراسة تشمل بصورة واضحة تقييم الفوائد طويلة المدى لعملية ختان الاطفال الذكور حديثي الولادة بصورة روتينية من حيث الحد من مخاطر العدوى داخل التجمع السكاني مقابل التكلفة المحتملة لمثل تلك العملية." :D |
ورح ادرج هون بعض المشاكل لختان الفتيات...
مضاعفات الختان تبدأ في الظهور مع بلوغ سن الحيض، بحيث إن النساء يشعرن بألم بالغ لأن الدم لا يخرج بسهولة. إلا أن الطين يزداد بلة في لحظة الولادة، لأنه يتعين جرحهن ثم يتم التأكيد على ضرورة ختانهن من جديد وخياطتهن مرة أخرى.... وسمعت انو في نوع فظيع للختان ... وهو بنزع العضو التناسلي بكاملو... وخياطة الاجراء الفوقانية من العضو ... بحيث ما بيتركو غير فتحة زغيرة لخروج البول ودم الدورة الشهرية... وبيتم ختان الفتيات في الثالثة من العمر... وبقولوا المختصون بالطب انو عمليات الختان تجرى غالباً في شروط غير صحية من دون البنج كمان... وبيستخدمو سكاكين المطبخ والمقصات وبعض قطع الزجاج ... وطبعاً بتكون غير معقمة ابداً واغلب الاحيان بيتم استخدام نفس الادوات بختان اكثر من بنت بنفس الوقت...طبعاً هالشي بيزيد من احتمال انتقال العدوى بين البنات... وببعض الحالات القصوى بتموت البنت نتيجة نزيف دم او التعفن او الصدمة من العملية الوحشية ... يلعنهم ع هيك تخلف ... منظمة الصحة العالمية بتقول: انو نحو مئة وثمانية وثلاثين مليون امرأة وفتاة من مختلف أرجاء العالم قد جرى ختانهن .... شوف هالصورة كيف بيستخدمو المقصات العادية ... للعملية ..  |
اقتباس:
لك شو هاد .......فلم رعب ...و الله أفلام الرعب مقبولة أكتر من هيك ..... الله يجيرنا من الأعظم....... |
اقتباس:
هاد يا سيدي من لأنت محسوبكم من كبار مناصري الحزب الديمقراطي الاميركي، لدرجة انو رفقاتي بيقولولي اني العضو الوحيد بهالحزب يللي ما معو الجنسية الاميركية صارت سنة الالفين .. و زبط البلد... و اجت الانتخابات بامريكا و خسر الحزب الديمقراطي و صرنا ع الحدد... نكسنا هالعلام بالاوضة عندي، 3 تيام حدادا على هذا العالم المجنون، يللي صار لعبة بايد عصابة بوش الملعون المصيبة انو كنت متراهن مع رفقاتي ... و يللي بيخسر الرهن بدو ... (كيف بدي قولا هي بدون ما كون سوقي؟) بدو يتطهر الله لا يرويكم الوجع يللي اكلتو يا شباب... ما بشتهيه لعدويني... المهم بالموضوع، و عن تجربة عم بحكي... من الناحية الجنسية ما اختلف شي معي بس يللي اختلف و بشكل ملموس .. هوي النظافة يعني كيف بدي قول (هالمرة رح تثبت عليي تهمة اني سوقي، يالله منحكي بالالغاز و عمرو ما حدا يفهم) لما كنت خرطش الطرنفيشة قبل الطهور، كانت تطلع ريحة من هي تبع الاسلحة البيولوجية بتطس و بتعمي (نيع) كنت اخجل كتير اني فوت ع التواليت (شوفوا الادب لما تطلع كلمة تواليت من تمي) لما كون عند حدا من صحابي و خود على بل محرمة و نضف المواضيع و ارجاع نشفهم... هاد كلو اتخلصت منو الريحة اختفت، و ما عاد في داعي للخرطشة، صارت الامور تمشي تيموتيكي تيموتيكي بقا من جهة النظافة، اي بالله الطهور انضف اما من جهة ختان الانثى، يعني هاد تخلف فظيع، و منيح يللي ما عنا هيك عادات متخلفة ببلادنا و الله يخليلنا سيادة الرئيس يللي قضا على العادي المتخلفي، حتى لو ما كانت اساسا موجودي بس كأنو النسب مبالغ فيها؟ |
اقتباس:
والحكي من ناس مصاروة رفقاتي هون :cry: |
اقتباس:
يعني هيي حست بالمتعة او ستين عمرها المهم الرجل عم يستمتع بس هلأ عندي سؤال باي حالة بيستمتع الرجل اكتر لما بيكون مع امرأة عم تتجاوب معو او لما بيكون مع صنم؟؟؟:shock: مابعرف ليش انا بتخيل انو لازم يستمتع اكتر لما بيكون عم يشوف تجاوب..... وختان البنات بيقتل هاد التجاوب او بالقليلة بيضعفو لدرجة كبير وكمان في فكرة انطرحت من قبل انو الختان ماعم يقتل او يخفف الشهوة عند الانثى هوي بس عم يخفف المتعة يعني متل ماانحكى قبل ان المرأة بتصير بتعطش ومابترتوي يعني هلأ وين الفائدة بالنهاية من الختان؟؟؟ ماعم شوف الو اي فائدة لااجتماعية ولا اخلاقية ولا ذكورية ولا شي |
اقتباس:
يعما والله ما عم تنبلع معي... 95 بالمية؟؟؟؟ |
اقتباس:
|
ينعمى شو هاد اي اذا خفت من هالمنظر بقى كيف اللي بدا :cry: :cry: :cry: |
اقتباس:
تصوري مقصات ... وقطع زجاج ... المهم انو يقصو ويزيلو شهوة المرأة باعتقادهم ... المتخلف... |
[quote=مسطول على طول;588388]
ولا تزيد هذه النسبة حاليا بين الفتيات دون 18 سنة على النصف سوى بقليل. - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - رقم مش قليل ولو بسن 18 منتهى التخلف |
بنكمل..
بنكمل موضوعنا ...
اليوم قرأت خبر بتفيد انو إريتريا منعت ختان الإناث بشكل رسمي ... والخبر هون... "إريتريا تمنع ختان الإناث رسميا... الدولة الرابعة عشرة التي تحظر العادة.. نسبة انتشارها 89% أعلنت الحكومة الاريترية أمس، منعها ختان الإناث على عموم البلاد منعا باتا ونهائيا. وأصدرت مرسوما بالمنع يضم 5 مواد، ويقرر السجن والغرامة للمخالفين، لتصير بذلك الدولة الرابعة عشرة التي تصدر قرار منع الختان.وينص المرسوم على أن أي شخص يقوم بعملية الختان للإناث، أو يقدم الأدوات، أو يطلب، أو يشجع على الختان، وكذلك كل من يتستر ولا يبلغ السلطات المختصة من دون سبب مقنع رغم معرفته بأن عملية الختان ستجرى أو أجريت، يعاقب بالغراة المالية أو السجن. واعتبرت أسمرة أن عمليات ختان الإناث مضرة وتنتهك حقوق المرأة، ولا علاقة لها بالدين أو المجتمع. وكانت حملات توعية تنتشر في البلاد منذ أكثر من 5 أعوام للمساعدة في اجتثاث العادة الضارة، التي تقول اسمرة إن نسبتها تصل إلى 89 في المائة. من جهة اخرى، أعربت منظمة «فوروارد» في لندن عن ترحيبها الحار بالقرار. وقالت انشراح محمد أحمد، مديرة البرامج في «فوروارد»، وهي منظمة دولية غير حكومية مقرها في لندن، وتجد الدعم من وزارة الصحة البريطانية وجهات خيرية عديدة، لـ«الشرق الأوسط» أمس على الهاتف «إن نسبة الختان المعلنة في اريتريا تزيد عن نسبة 89 في المائة، لافتة إلى ان النسبة المعروفة عالميا، حسب احصاءات اليونيسيف تزيد قليلا عن 94 في المائة، الأمر الذي يعد «مخيفا». وقالت المسؤولة في «فوروارد» إنهم يتوقعون أن تحدد الحكومة الاريترية مدة العقوبة بشكل واضح يكشف لمواطني البلاد جدية المسؤولين في محاربة الختان، ويذكر المخالفين بما ينتظرهم من عقاب رادع. ودعت المسؤولة، اريتريا للأخذ بالاتفاقيات الاقليمية والعالمية الخاصة بحقوق الأطفال والنساء. وعادة ما تتضمن عملية ختان البنات، استئصال البظر وأجزاء أخرى من الأعضاء التناسلية الخارجية. والكثير من الممارسين لهذا العمل غير مدربين، ويستخدمون أدوات بدائية. وقال صندوق الأمم المتحدة للسكان في آخر تقرير له إن هذه الممارسة تترك آثارا نفسية وجسمانية دائمة، اضافة الى المخاطر التي تنجم عنها أثناء ولادة الأطفال. وتشير التقديرات الى أن ما بين 120 مليونا و140 مليون امرأة وفتاة خضعن للختان، حسب الصندوق." المصدر الشرق الاوسط |
يااخي من فترة شهر كنت عبتمشى قام شفت وحدة بتشبها لهالمرة (حتى عندا نفس الخطوط اللي بوشا) مجرد ماشفتا هيك خريطت بارضي انا وماعاد يطلع مع الحكي شلت حالي هيك وركييييد ع البيت :cry: بكفي من اول ماشفت هالصورة ماعبعرف انام :pos: |
يعني المشكلة أنو لما ما بتقدر تعمل عادة سرية بيصير صعب تحافظ على "عفّتها"
|
1 ملف مرفق .
توزع مناطق الختان(الإناث..) بافريقيا...حسب الخريطة..
 |
2 ملف مرفق .
طبعاً لزيادة المعلومات..عنا نوعين من الختان للإناث..والنوع الاضرب والالعن هو النوع الفرعوني او السوداني...
وبيتم عن طريق ازالة البظر و الشفرتين وبعدين خياطو..وترك فتحة زغيرة لخروج البول وطبعاً الولادة رح تكون صعبة كتير ع الفتاة بهيك حالة..ورح تصير حالات نزف كثيرة..مما يمكن انو تفقد حياتها..واهم شي انها تفقد احساسها بانوثتها بفقدنها جهازها الحسي الجنسي..يعني موتها كأنثى وبتقى عبارة عن ثقب لا اكثر لقضيب الرجل اللي داخ من كتر التفكير وبالنهاية توصل انو يستأصل ويزل كل هالزوائد اللحمية باعتبار هالزوائد رح تمنع البنت من الانحراف و..ووو!!.. طبعاً تم ادراج بعض الروايات والاحاديث عن الانبياء بمباركة هالعمل الاجرامي بحق الفتاة... والصور المرفقة بتبين الطريقة الفرعونية (السوادنية..) للختان... اللون اللي بالاصفر الاعضاء اللي يتم ازلتهم بطريقة الختان..  وهون الصورة بتوضح عملية الخياطة وترك فتحة زغيرة للبول وخروج الطفل المؤلم للأم وخطورة فقدانها الحياة..  |
لا أصدق ما أقرأ لا أصدق
وقف شعري من الرعب يا إلهي هل نحن في عصر الديناصورات؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟ !!!!!!!!!!!!!!!!!!!!!!!!!!!!!!!!!!!!!!!!!! محبتي إليند |
اقتباس:
والله شي غريب أنو المرأة هيك خلقها الرب فليش ليتدخلوا بصناعة ربانية:cry: |
| الساعة بإيدك هلق يا سيدي 17:55 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون