|
لماذا يلجأ البعض منا إلى كتمان آلامه و أحزانه؟
كلنا تجمعنا نفس المشاعر.. مشاعر الحزن و الألم و الأسى التي قد تعترينا من حين إلى آخر حاملة معها الدموع و الوجع البعض منا قد يلجأ إلى أقرب إنسان إليه و يفرغ له مكنوناته و يشكي له همه و البعض الآخر قد ترتسم تلك المشاعر على وجهه و تنطق لنا بما لم يبح به لسانه من وجع و حرقة و منا من لا يفصح عن تلك المشاعر و تبدو تعابير وجهه صماء مبهمة لا علاقة لها بما يدور في جوفه لماذا هذا الاختلاف يا ترى؟؟ و لماذا يجمع البعض منا همومه و أحزانه و يضعها في صندوق محكم الاغلاق و يعلقها في رف مهجور داخل الغرفة؟؟ إذا كنت أنت أخي او أختي القارئة ممن يلجأوون إلى الكتمان ما الذي يدفعك إلى ذلك؟ أهو خوف من استهزاء الناس و سخريتهم؟ أم هو شعور بالضعف أمام الآخرين؟ أم تراك تأخذ بقول (( الشكوى لغير الله مذلة )) ؟؟؟ أتمنى سماع آرائكم و تعليقاتكم حول الموضوع:D |
مشكورة اختي على الموضوع :D :D
انا من النوع يلي ما بخلي شي بقلبي يعني لما بكون مجروح جرح كبير في وحدة من الناس تقدر تفهمني و تعطيني بعض النصائح يلي تخليني اتغلب على هل الجرح يلي فيني و ه الانسانة انا بلاحظ ان كل واحد من الشباب و الصبايا بيحبوها و يتعلقو فيها و على الاغلب بتكون صديقة الهون اكيد عرفتو عن مين بحكي عن الخالة اخت الماما غالبن بتكون صديقة لانو في تفارب بالعمر صح يعي بالنهاية مابحب خلي شي مكبوت جوة و الا بيطق قلبي :shock: :shock: :ss: :ss: :ss: :ss: |
!
أنا صايرة عم أتاكد من شغلة
أنو الزلمة لما ما بيحكي شي عن آلامو فهو لحتى يخلي الناس تشفق عليه !!! |
شكرا على هذا الموضوع
وانا برأيي أنه ما في انسان ما عنده شخص قريب منه بيقدر يحكيله كل همومه ومشاكله ولازم الواحد يحكي عن حاله لحتى يروح عن نفسه لانه الكتمان يضيق القلب ويكتم على النفس ولكن البوح بما لديك حتى ولو لشخص واحد فقط يجعلك تشعر بالراحة والسعادة الداخلية تحياتي :ss: |
اقتباس:
اما بالنسبة لليش هيك انا بسوي: انا طبيعتي انسان راكز هادي ما بحب اوجع راس غيري بهمومي. والحل لمشاكلي ما بلاقي الا لما اقعد لحالي اصفي ذهني وافكر بهدوء... واذا ما كان في حل لأيش اوجع راس غيري من اصحابي بولولاتي؟! واذا كان لا بد لازم اعمل اشي بالموضوع ومش ملاقي عندي الجواب فيمكن اتوجه للناس هلي عنجد تفهم في مشكلتي وتعطيني الدروب الي ممكن اسلكها، وطبعا الباقي علي. شكرا عالموضوع:D |
لا تشكو للناس جرحاً أنت صاحبه ....لا يؤلم الجرح إلا من به ألم
أحيانا .. أرى أن أحزان الآخرين .. ومصائبهم ... أكبر مني ومن حزني .. لهــذا لا أبوح شاكيا بالحزن .. قد أعبر عنه .. لكن كل واحد ( اللي فيه مكفيه ) |
شكرا على هذا الموضوع لانو عن جد مهم والله انا شخصيا اشبه بالeponge بمتص كل الصدمات والمشاكل الي بتخصني وبتخص غيري وبعمري ما التقيت بشخص بنت او ولد يمكن احكيلهن او افضفض على جواتي من شان هيك تربى عندي هالكبرياء هالقوة من الخارج المراء الحديدية ما بحب الشفقة والكلام الزايد مسكينة ومادري شو....الخ ومن جوة بركان حزن والام اداوي جروحي بروحي او تاخذ روحي
|
:oops: يا ريت حدا بيفهم لنحكيلوا!!!!!!!!!!!!!!!!!!!!!!!!!!!!
|
"ابكي والصمت يجرحني"
|
مشكورين جميعا على الرد و الحوار و التفاعل مع الموضوع..:D
|
اقتباس:
لا زيادة : وإن اختلفت الطريقة والشرح ولكن المضمون نفسهـ شكرا ً |
اقتباس:
كل شى الى قلتو صح بس فى ناس ماعدها ولا واحد تشكيلو :sick: :D |
لأنو
أتركيها بالقلب تجرح ولا تطلع لبرا وتفضح |
والله لا اشكي لانهم لا يستحقون الصراحة معهم
:x |
معك حق نائب الرئيس
|
اقتباس:
شايف انه عجبك الرد ..... هاد رد الزعماء بس :p شكرا :D |
;-) وبس الزعيم يالي بيفهم عالزعيم:larg: مو هيك:p
|
:D :D :D
|
اقتباس:
شرفني ردك اختي العزيزة وبصفتي نائبا للرئيس قررت ترفيعك لرتبة ........ انت اختاري وارد عليك لا حقا شكرا لك :D |
والله خجلتني:blush: انت كريم ونحنا بنستاهل:wink1:
|
تموت النفوس بأوصابها....ومادرى عوادها ما بها
وما انصفت مهجة تشتكي...أذاها الى غير بارئها |
تسلمو جميعا على المرور .. و على النقاش الحلو:D
|
:oops: انا بس كنت حابة ضيف انو مرات الواحد منا بيكون عم يضغط على حاله تيتحمل ألمه أو العذاب اللي بيكون حاسس فيه ،،، وبيعتبر انو اذا بدو يفضض لحدا او يحكي مع اي حدا بهالموضوع يللي مدآيؤه كأنه عم يفتح جرحه من اول وجديد فبيكون اهون عليه انو يخبي ألمه من انو يرجع يحكي فيه مرة تانية.... :ok: |
فعلا الشكوى لغير الله مذله لو الواحد حكى همه بحكو عنه شكونجي ولو ما حكى بحكو عنه معقد على شان هيك مهما كنت حزين و مهما كنت مدايدئ لازم ماحد يعرف و احاول اضحك على حالي و على الي حولي بالسعاده
|
قد يكتم الانسان احيانا حزنا لا يكون مهما في نظر البعض لكنه بالنسبة اليه كالجبال فوق صدره اللتي لاتجعله يشعر بمتعة الحياه<<هذه حقيقه لايستطيع احد انكارها.. فأنت وحدك من تستطيع تقييم حياتك اهي سعيده ام بائسه..وفي نظري هذه الاسباب اللتي تجعل الواحد منا يخفي حزنه وينفرد بهمومه: *عدم تواجد شخص يشعرك بأهميتك.. *تحقير وتقليل شأن كلامك.. *الايحاء لك بأنك تعطي الامور اكبر من حجمها .... *اشعارك بأن اهتماماتك محدوده وانك بمعنى اصح(تافه).. وبالتالي لن تزعج نفسك بالاستماع الى هذه الاسطوانات وستفضل تحمل همومك لوحدك... لذلك فلنحاول ان نكون ذلك الشخص الذي يلجأاليه الاخرون ويفرج لهم همومهم.... يقول الشاعر: لا تشتكي للناس جرحًا أنت صاحبه لا يؤلم الجرح الا من به ألم مستحيل أحد يشعر بحجم الحزن والهم اللي في الانسان الا الانسان نفسه. تختلف أسباب كتم الإنسان لهمومه وأحزانه تبعا ً لشخصيته . . فقد تجد البعض يلجأ لكتمان همومه وأحزانه لطبيعته الكتومة والمتحفظة . . وتجد آخر لا يريد أن يسبب للأخرين أي ألم أو يشغلهم بهمه ، فيتحفظ على همومه في أعماق قلبه . . وآخر قد قطع وعدا ً وعهدا ً أن يبقى سبب حزنه سرًا. أتمنى من كل شخص أن يكون مبتسم للحياة وما يخلي أي حاجة تثقل على قلبه ويضحك للدنيا والله الدنيا ما بتسوى تحياتي لك عزيزتي |
اهلا و سهلا الهوى سلطان,,
و أخيرا قررت تنور موضعي بطلتك الرائعة:D يسلمو على المداخلة الحلوة.. و بصراحة عنجد في هالزمن الانسان بيضطر يخبي كلشي بقلبو.. و انا من ناحيتي بتبع هالاسلوب.. لاني بحس انو الشكوى لغير الله مذلة .. وباخد بكلام الشاعر (( لا يدري ما الجرح سوى المجروح)) فلو شكيت للناس هل رح يراعو قيمة الحزن الي انا فيه.. ما بظن ابدا بس لما يلاقي الشخص انسان تاني يفهمو و يرتاح عليه .. بيكون من السهل انو يشيل جبال الهموم الي حطاها على قلبو .. و يبوح بكل شي لهالانسان.. تسلم اخي على الرد:D |
| الساعة بإيدك هلق يا سيدي 05:13 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون