|
استفتاء على الدكتور بشار.....لمشاركة الجميع مع او ضد....
يا جماعة موالين ولا معارضين حابب نحكي عن شغلة كلنا منحكي عنا بس ما فكرنا فيها ولا مرة........
هي الدكتور بشار الاسد......... انا ما بعتبر نفسي لا من المعارضة ولا من الموالاة....بس تقاليد الموالاة انها توالي الرئيس.....والمعارضة انها تعارض الرئيس.......بس بسال نفسي انو هذا الشخص هل هو سيء ولا منيح.........بس للتنويه انو موضوعنا عنه شخصيا وليس عن النظام بقى ما حدا يقعد ويكرتلي الماضي....... لنشوف مواقفه اذا كانت منيحة ولا لا...... مو هو الوحيد الشريف الي فتح ايديه وبلدو للمقاومة بلبنان...........صح ولا لا؟ مو هو الوحيد الي هدد اسرائيل بقصفها اذا تجرئت......صح ولا لا؟ مو هو الوحيد وقف بوجه امريكا وافشل مخططاتها بالمنطقة.......صح ولا لا؟ مو هو الوحيد الي ما فتح اراضيه للقوات الامريكية لغزو العراق.....صح ولا لا؟ مو هو الوحيد الي قال لا وما وافق لدخول القوات الامريكية العراق.....صح ولا لا؟ مو هو الوحيد الي وقف مع السودان لما تدخلت امريكا لتقسيمه.....صح ولا لا؟ طيب لنقارنه بغيره......... لاحكي على كل هالكلاب (الامراء) الي طلعو فتوى حرمت فيها حتى الدعاء لنصرالله.....والفساد عندهم واصل للمليارات من صفقات ونفط......... لاحكي على قطر الي الجنود الاميركان فيها اكتر من شعبها.....واكبر قاعد بالشرق الاوسط عندهم...واميرهم خلع ابوه؟؟؟؟وحط حاله محله...... لاحكي على مصر الي رئيسها باع مصر وباع العرب وباع حاله اللاسرائيليين.......منتجعاته عايشة عالاسرائيليين والمخدرات اكلة الشعب ومع امريكا قلبا وقالبا............. لاحكي على ملك الاردن الي عربي ما بيعرف يحكي لسا........ارضه وماله وشعبه وحتى بيته للاميركان..... لاحكي على ليبيا الي معمر افندي ما حدا بيعرف دينه ولا شو بدو.....كل يوم شكل وكل يوم مع حدا شكل... لاحكي على الكويت الي دمروا العراق ومازالو عم يدمروا.........ال الصباح لما فات العراق(لسبب سرقتهم لنفطو) ركبو المرسيدسات وراحوا عسعودية سياحة بالقصور ولما رجعو سموهم الفاتحين....... يعني ما عم لاقي احست منو عالاقل دكتور(معو شهادة )اما البقية ما بيعرفو يفكو الحرف....... والله يا جماعة انا شايفو منيح وعلى كل حال بكل المشاركات الي عم تسبه وتسب البلد ما حدا قدر يحكي عن قصة ضده شخصيا..........بقى شو رايكم؟؟؟؟؟؟؟؟ ملاحظة...(برجع بقول هذا الموضوع عن الدكتور شخصيا وليس النظام)....... |
كلهم ســــــــــــــواء
مالفرق بين ذلك الخائن الذي يبيع دينه و وطنه و شعبة لأعداء هذه الأمة من أجل البقاء على الكرسي
وذلك الرجل الذي يسير على نهج أبيه الراحل في قتل شعبه وقمع أهل الحق و نصرة أهل الفساد .......... أليس كل هذا من أجل الكرسي إذا كلهم سواء محمد العماني ـ عمان / الأردن |
أوافقك الرأي ياصاحب الموضوع :
فلو قمنا بعمل مقارنة مع رؤوساء الدول العربية وملوكها لوجدنا أن بشار الأسد أفضلهم على الإطلاق... لكن المشكلة تمكن بنا نحن معشر السوريين , لماذا العرب الخونة يجارون التيار , ويسمعون كلمة ماما امريكا وبنتها المدللة اسرائيل , بينما نحن السوريين كتيرين الغلبة حاملين الهم العربي والقومية العربية وهالحكي الفاضي كلو مالو طعمة , ليش نحمل هم مجموعة من المستعربين الكلاب الخونة ونقول عنهم انهم اخواننا في العروبة .. بينما هم على اتم الاستعداد لفتح قواعد امريكية في ارضهم , اذا قررت امريكا مهاجمة سوريا ... هؤلاء المستعربين هم اشد خطرا علينا من الصهاينة ... يجب ان نوقف تلك المهزلة المسماة القومية العربية .. والشعارات الطنانة الرنانة .. قال عرب قال بخخخخخخخخخخخخخخ |
أصلاً مو حلوه بحق طبيب مثقف و رجل صاحب مواقف مثل الرئيس السوري أن تضعه في خانة المقارنه مع مجموعه من التافهين قليلي النخوه و الحيله
|
اقتباس:
تانيا..ياريت كل الناس تحكي الا انت......عالاقلية الدكتور بيعرف يحكي عربي اما صاحبك ما عرف يقرا الكلمة الي كاتبينله ياها اول ما استلم المملكة بمؤتمر القمة....حرام ثقافته انغلوسكسونية وامه بريطانية وعايش طول عمره برا....لشو الغة العربي؟؟؟؟؟؟ |
اقتباس:
نحنا السوريين عمرنا ما اتكلنا على حدا لانو منعرف النتيجة مسبقا ولح اعطيك الامثلة: _في سنة 1973 وعشية الحرب اتي خاضتها مصر وسوريا على اسرائيل اتصل الملك حسين شخصيا برئيسة وزراء اسرائيل ان ذاك(غولدا مائير) لتحذيرها وابلاغها عن نية الدولتين مهاجمة اسرائيل عشية عيد الغفران......... _في سنة 1978 ومع انه مازال الحلف السوري المصري قائما وحرب الاستنزاف شغالة يركب السادات طائرته ويتجه لتل ابيب حتى دون ان يخبر احد بذلك...... _في سنة 2003 وبعد اشتداد الصرخات في الشارع الاسلامي لنصرة فلسطين وتاملهم خيرا من تلك الصحوة في الشارع ياتي الرئيس المصري ليحبط كل امال الفلسطينيين بعبارته المشهورة(الي عاوز يحارب يحارب......احنا مش حنحارب)والتي اعتبرت من رموز الخزي والعار عليه....... _ في سنة 2002 ظل قبلها العقيد معمر القذافي لمدة عشر سنوات يقترح وينظر انه صاحب اقتراح وقف تصدير النفط على الدول الغربية اقدم صدام حسين على قراره التاريخي بوقف تصدير النفط لرفع اسعاره فكان اول المنتقدين له هو القذافي العلاك....وبعدها اتى موقف السعوديين والكويتيين الخونة بسد حاجة السوق منه للحفاظ على اسعاره....... كمل ولا بيكفي؟؟؟؟؟؟؟؟؟؟؟ هالجماعة لا خرجهم تضامن ولا شي..........اما عن موضوع مجاراة التيار فحط ببالك شغلة حبيبي الي بيتنازل عن بصلة بيضطر المرة الي بعدها يتنازل عن سلة بصل وهكذا دواليك حتى اذا فرغ من يده ما يتنازل عنه رماه المقابل بحاوية الزبالة واكبر مثال على ذلك السعوديين...... باعو العرب وباعو القضية وباعو حتى نسوانهم للاميركان الي كانو حامينهم......وبعد احتلال العراق رماهم الاميركان كالكلاب وذهبوا لقطر...والان يبحثون عن دور لهم ولا يجدون...... لا توجع راسك وتستنا العرب........خسارة |
اقتباس:
حلوة وملعوبة |
يا جماعة بذكركم .....موضوعنا عن الدكتور شخصيا وليس النظام......
|
اقتباس:
فعلا الشعب العربي شعب اذا ضرب الحذاء به .... قال الحذاء بأي ذنب أضرب:jakoush: أهم شيء نحط ايدي فوق ايدك وايد كل مواطن سوري شريف لنحارب الفساد والرشاوي والواسطات ونبني بلدنا سوريا الأم الغالية التي لاغنى لنا عنها فلو كانت جبهتنا الداخلية قوية ونظيفة وخالية من الشوائب لأستطعنا مجابهة الاعداء المستعربين والصهاينة والأمريكان وكل واحد يريد أن يضر بسوريا بكل عزم وقوة تحياتي ....:deal: |
اقتباس:
فعلاً الرئيس بشار الأسد يعتبر بشر والبشر خطائون ....بس حرام نقارن هذا الشخص بهؤلاء الحثالة الزبالة فعلاً أنا غلطت لما قلت كلمة مقارنة لأنو حرام الواحد يقارن بني آدم بحيوانات تحياتي:D |
أول شي
أنا بستغرب من موضوع ينطرح للنقاش بين العرب اذا قلنا رأي ووافق الرأي قلنا عنو قبضاي وياهيك الحكي يابلا واذا ماوافق الحكي بنصير نجرح ونسب و.... العيب مو فينا لأنه احنا ماتربينا على الديمقراطيه والحوار ونحنا عم نحكي عن شخص الدكتور بشار واذا ماعجبنا الجواب صار الحوار عن الملك عبدالله والا غيرو ثاني شي كل نظام بالدنيا من حقه يدافع عن بقاءه وهذا الحكي بوجهه للأخ محمد العماني اذا بيصير عليه خوف بيمحي كل من سببه والأنظمه -مو بس بسوريا- بكل العالم الاسلامي أنظمه مو اسلامية ودايما الي بطالب بتغيير الحكم همه الاسلاميين وما بدي أحكي النظام بحارب الاسلام ولكن بحارب أعداءة ثالث شي شخصية الرئيس بشار مابتوقع فيه شخص بالوطن العربي مو معجب بشخصية الرئيس بشار شخصية قوية وجريئة ومتعلم ومتكلم عنده وطنية، ومابعرف مدى القومية الي عنده أخطاءه مو أكثر من بقية الزعماء العرب وأكيد كلنا عارفين ليش لأنه مو وحده بهالعالم ولا هو أقوى شخص بهالكون الي بيحكي انه كان يمشي بعض القرارات ويطنش بعض الحقوق أنا بقول أكيد ولازم يعمل هيك ليمشي مصلحة البلد ومابدي أحكي عشان مايصير فيه يالي صار بالرئيس صدام لا عشان مايصير بسوريا يالي صار بالعراق كمان مو دبلوماسي أو سياسي قوي |
خلو فيه روح نقاش يالخوانا
الموضوع مو شخصي مع حد وبلا من هالعنصريات |
راجعلكون بكون حمي الوطيس :sick: |
اقتباس:
وبيضل شعبنا اطيب شعوب الدنيا...... وانشالله بلدنا كل مالها من احسن لاحسن........ :clap: :clap: :clap: :clap: :clap: :clap: |
والله ببصملو بدمي لك هي سوريا وهاد بشار الأسد رمز الصمود والعطاء والله نحنا السورية فيكفينا فخر أنو منشعر بكرامتنا بالوقت يللي غيرنا عايش ملك بس بالذل
بعدين أنا بوافق الصديق والغالي أمير بأنو هادا الدكتور والمثقف ما بيتقارن مع غيرو مع كل التحيات وكل الحب والاحترام لك ولكل مشاركاتك الغنية والمفيدة وشكرا لجهودك شريييييييييييك:D :D :D :clap: :hart: |
اقتباس:
|
شو دخل أبوي احترم حالك يا ولد
|
اقتباس:
بقى ياريت لا تفوتنا بامور مالها علاقة بموضوعنا......:frown: |
اقتباس:
يا جماعة المعارضة ما في أحلى منها لك أنا أكبر معارض لكتير أشيا من وجهة نظري غلط ولازم تتصلح وانا طالب جامعة وجامعة تشرين واذا بدك اسمي حيدر هاني محمد بدرس اقتصاد سنة تانية أكتر من هيك لفرجيك انو نحنا ما متل ما ببتصورا انو لازم تمدح او شي لا بالعكس الدكتور وصى بالنقد البناء يللي فيه مصلحة سورية .... لك هي سورية العروبة سورية الاسد مو النقد الهدام يللي بس بيعتمد على التجريح والتخوين .... في فرق أكيد.......ز واتلحمد لله صحيح عجلة التطوير والتحديث عم تمشي ببطء بس الدكتور حكى انو ما في بيجي بسرعة كمان في معطيات وضغوطات خارجية بتفرض ظروف علينا ألتلك أنا متفائل بالمستقبل انشا الله اذا اندفعت العجلة أكتر وصارت أشمل شكرا الك شريك كتير على ردك:D |
اقتباس:
تاني شي : اوعا يطقلك شي عرق تالت شيء : انت من الأول مو محترم حالك والدليل على هاد الشيء ردودك الوقحة السابقة عليي رابع شي : انا ماعاد ارد عليك ولاعلى مواضيعك احتراما للأعضاء خامس شيء : انا سوري ووطني وعندي وطنية اكتر منك مو انت اللي بتعلمني الوطنية سادس شيء : روح مسح جوخ الله مع دواليبك سابع شي ::jakoush: :jakoush: :jakoush: :jakoush: :jakoush: :jakoush: |
الصديق المشبوه رامستين كاتب الموضوع يخترع احلام ويبني عليها سخافات! أولا صديقي نحن نأخذ على بشار أنه رئيس غير شرعي لنقاط كثيره منها ثلاث نقاط رئيسية : 1 - أنه أتانا من دون انتخاب وعلى ظهر قوة مخابراتية اجرامية ... افتعلت مجزرة بضباط المخابرات والجيش والطائفة وكل من قد يشك بولاءة... وتحول شعر ( الشرع ) الى اللون الابيض! 2 - أنه رئيس خائن لسوريا وعميل لأمهِ اسرائيل و لديانه مربيتة وجدته ناعسة أم حافظ . 3 - اتبع سياسة الخنزير حافظ - لا رحمة الله عليه - بحذافيرها في التعامل المتعالي مع الشعب السوري ، وأبقي السجناء السياسيين وأغلق سجن تدمر سئ السيط وفتح عوضا عنه سجون منها سجون سرية ... طبعا لن أخوض في باقي جرائمة الكثيرة والتي من أهمها هداياه وهدايا نظامة للعراق وللبنان وللاردن ولفلسطين! ولن أخوض في قضية بيع سوريا لنظام ايران الصفوي وادارة ظهرة للامة العربية! النتيجة : بشار رئيس خائن و غير شرعي لسوريا وسيعمل الشعب السوري على اسقاطة واستبدال نظامة العميل بنظام ديمقراطي شرعي حر! |
إذا قارنا الرئيس بحسني مبارك وبملك السعودية وبياسر عرفات وصدام والقذافي..... رح يطلع نعمة من الآلهة
أصلا هدول اللي عديتون أسوأ السياسيين بالعالم ، وبتوقع الرئيس أحسن من السيئ ليش دائما لما بدكون تقارنو الشي اللي عنا بتقارنوه بأسوا شي بالعالم مثلا لما بتناقشو قضية الأمان اللّي بسوريا بتقارنونا بروسيا وبالعراق والصومال . شوفو شو عمل عالصعيد الداخلي بعدين عطو رأيكون أنا شو بهمني إذا كان الرئيس ضد أميركا واللّي مع اسرائيل ، إذا حكمنا تشي غيفارا أو شارون المهم أني عيش متل العالم......المواطن عنا صارت أهدافو بالحياة أنو يأمن راتب (إغاثة) أخر كل شهر مشان ما يموت من الجوع وبعدين يدبر أنتاية يعيش معها ضمن البيت (الهدف الأصعب) وبياكلو وبيشربو وبيخلفو ولاد وهادا الروتين صار هوي الشي الطبيعي (الرياضة مابطعمي خبز - عزف الموسيقى مابطعمي خبز) بتوقع أنو الرئيس ألو علاقة بالوضع الداخلي السيئ لسوريا |
اقتباس:
|
ثانيا صديقي من تسميهم ( كلاب ) هم من حموا بشار وأعطوه الغطاء الدولي حتى هذه السنة! فالبارحة كانوا اخوة وأحبة واليوم أصبحوا حقيرين؟؟؟ وتضع لنا صفاتهم ... وصفاتهم صديقي لا تنطبق الا على الخونة البعثيين وقائدهم بياع الحشيش الخائن بشار! أسيادك البعثيين وقائدهم الخائن أعمالهم هي : اللصوصية ، الشبيحة ، تجارة المخدرات ، تجارة النساء ، تجارة الرقيق ، التهريب بمختلف أنواعة ، بيع سوريا وتراثها العظيم الى المجرمين الاسرائيليين والايرانيين!!! وارسال الهدايا المتفجرة الى الاردن ولبنان والعراق!... النتيجة : بشار رئيس خائن و غير شرعي لسوريا وسيعمل الشعب السوري على اسقاطة واستبدال نظامة العميل بنظام ديمقراطي شرعي حر! |
مو ناقصنا أخوان مسلمين
|
اقتباس:
لا يختلف اثنان على كلامك بشان الروتين والمعاش والفساد والحالة السيئة...بس انا بسالك سؤال محدد: هل الامور بسنة 2000 كمقارنة بسيطة كانت افضل من الان ام اسوا؟؟؟؟؟؟؟؟من ناحية المعاش والفساد وغيره.. هذا قصدي...انا ما عم قول نحنا عابشين بالجنة...بس مالنا بنار جهنم.......يعني بعتقد انو الزلمة حسن بكتير من المجالات وعم يعمل حهده بس هالبلد فيها سرطان اسمه الرشوة والفساد........ |
اقتباس:
لكن حتى ولو كنت على حق .. فهذا لايبرر لك عدم قبول رأي الطرف الاخر لأننا بالنهاية سوريين حتى ولو كان الطرف الاخر غلطان ... فلايجوز لك او لغيرك ان تتهم الطرف الاخر بالخيانة او العمالة حتى تتأكد أنه خاين أو عميل .. ولو كان على غلط فواجبك كمواطن سوري تجاه المواطن السوري "النصيحة" واعطاء الدلائل على عدم صحة كلامه .. ولايجب ان ترفع من شأنك عاليا لأنه لايوجد شجرة وصلت لربها وبالنهاية كلنا بشر والبشر خطائون .. والترفع بالمستوى هو خلافي مع هذا المعو حيدر .. حيث انه قال لي نفس الجملة التي قلتها انت الآن وهذا الشيء يعتبر تكبر وعنجهية من منظوري الخاص ... وانا اكره التكبر والغلو واعطيك مثال انني لست متكبر : انا مواطن سوري مقيم في السعودية واعمل بوظيفة ممتازة ولدي حساب كبير في البنك ولدي سيارة ممتازة والوالد حالته المادية ممتازة ... عندما انزل الى سوريا وأرى ابناء اعمامي واخوالي وضعهم اسوأ من وضعي احزن عليهم واتمنى ان اساعدهم ولااتكبر عليهم حتى انني لااتظاهر واتفاخر بمااملك مع العلم ان الوضع بسوريا صاير كلو مظاهر.. على كل حال هنالك معارضة شريفة تسعى للاصلاح من الداخل ولاتعتمد على القوى الاستعمارية الخارجية وكان الله بعونها مماتتحمله من ضغوطات حكومية فأنا احيي تلك المعارضة الشريفة والنزيهة التي تحاول اعمار البلد ... وهناك معارضة قذرة ونتنة وفايحة ريحتها تلك المعارضة تعتمد على الصهاينة والامريكان امثال الغادري الذي قال انه سيبني اول متحف لضحايا الهولوكوست في دمشق في حال استلم الحكم والبيانوني القذر وخدام الذي الذي دمر البلد وسرقها ونهبها على مدى 30 سنة وبعدين عمل حالو شريف مكة وقلبوا عالبلد هدول المعارضة كلهم الى مزبلة التاريخ ولم ولن يعترف بهم الشعب السوري الاصيل خلاصة الكلام : اتمنى ان ارى الديمقراطية تنتشر وان تتوقف سياسة الحزب الواحد وان تعطى الفرص لجميع السوريين وليس للبعثيين فقط ... ارجوا ان تكون فكرتي وصلت تحياتي ...:deal: |
اقتباس:
كلامك صحيح 100% لكن الا تلاحظ أن الزمرة الفاسدة اللتي هي حول الرئيس بشار مع الحرس القديم الذي يجب ان يتغير الا ترى ان هؤلاء معظمهم يقفون عائقا في وجه التطور والتقدم في سبيل الحفاظ على مصالحهم ومراكزهم !! انا اوافقك الرأي ان الرئيس بشار انسان مثقف ومتعلم وقد عاشر الشعب ويعرف همومه ويحاول ان يطور الشعب في جميع المجالات ... لكن انا ارى ان الزمرة الفاسدة التي من حوله هي السبب في منع عملية التقدم والازدهار |
وين التطور بأي مجال؟
بعرف أنو عام 2000 كنت طالب صف تاسع و ما كان عليي هم عام 2006 طالب جامعة مديون بمبلغ 300ألف للدولة (مبلغ كبير كتير) ملاحظة: من فترة راح أبن أخوه لأصف شوكت(قدس الله سره) عمطعم بالشام وعجبتو رقاصة قام وفتلها 200ألف (المعلومة مترجمة عن أحد الصحف الصومالية) المعاش ارتفع بس دائما بدها تطلع معو كم شغلة البنزين مثلا الفساد متل ما هوي بوافقك الرأي أنو في سرطان بسوريا وبعتقد أنو هوي جزء من هادا السرطان أو مرتبط معو يعني مستحيل يطيرو لأصف شوكت شو ما صار ولو كان الزلمي منيح كان نزل قانون أحزاب متل العالم والخلق وإذا حابب تعرف شوي عن الفساد شوف هالإرتباط (مافيا سورية الحديثة **أصف شوكت ** - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
ماانا هادا اللي قصدتو يعني شلة الفاسدين والطغاة امثال اصف شوكت ورامي مخلوف وعلي دوبا و و و الخ ... هدول لازم ينقضى عليهم من اجل اعطاء المجال للرئيس بشار الاسد الانسان المتعلم المثقف والذي عاشر شعبه وتعرف على همومه بأن يكمل مسيرة التنمية والازدهار |
اقتباس:
بس بيني وبينك الرئيس مو طالع بأيدو شي صاير متل أميل لحود بلبنان الفرق بلبنان كلشي مكشوف عنا بتعيش وبتموت وما بتعرف مين حاكمك اقتباس:
كيف بدنا نقضي عليهم |
اقتباس:
مين يلي أكلها بالنهاية ياشطر اكيد مو انت ولا هو اكلها هالشعب المعتر ... والكرسي وين بدو يروح ....... اقتباس:
اقتباس:
وباقي الأجوبة ليش سيادتو من ايمتى بيعرف هالبلد |
اقتباس:
انت تقول ان اتقبل الطرف الاخر في النقاش وهذا من الديمقراطية........بعتقد انو انت يا اخي ما قرات مشاركات هذا الشخص ولا طريقته بالكلام...هذا الشخص المسمى زاهي بيضل يسب ويسب ويسب بكلشي سوري...واذا بتقلو البلد وطول بالك بتصير بنظره بعثي وعميل ومخابرات ؟؟؟؟؟؟؟بقى اي نقاش مع هيك ناس؟؟؟؟؟؟ يا اخي علمتنا الدنيا انو الناس درجات بالثقافة والفهم ....بس في ناس مستحيل تقدر تحكي معها او حتى تناقشها مشان هيك غسلت ايدي منو...... اما عن موضوع المعارضة فانا بصدد كتابة موضوع كامل عنها في المنتدى واتمنى مشاركتك به........... |
اقتباس:
طيب اذا لاحظنا انو رجالات الطبقة الاولى طاروا وهلق صرنا مع رجالات الطبقة التانية طيب يمكن في شغلة مو ملاحظها حضرتك....... الدكتور شب دخل عالسياسة حديثا وما صرلو ست سنين...طيب كل واحد من الشباب الطيبة صرلو عشرين وثلاثين سنة مسؤول؟؟؟؟؟؟وحاطط عشيرته وعشيرة عشيرته حوليه؟؟؟؟؟؟خلينا واقعيين هيك ناس مو من السهل انك تحاول تزحزحها من مكانها حتى لو كنت اعلى منها مرتبة....مظبوط؟؟؟؟؟؟ لو عمل الدكتور متل ما البعض بدو(يشيل الفاسدين ويحطهم بالسجن...يرفع قانون الطوارئ....يسمح بالاحزاب....)لكان وانا متاكد انو تاني يوم يا اما فرطت البلد او صار انقلاب عسكري وحطوه بالسجن......شو نسيت انو هدول الي عم تحكي عليهم هنن الي ماسكين البلد من كل اطرافها؟؟؟؟؟؟؟؟؟بقى يا جماعة معلش خلينا واقعيين شوي......... |
اقتباس:
يا اخي المعارضة لا تلغي حب الوطن والانتماء له قد نختلف انا وانت في اسلوب قيادة الدولة والمجتمع ولكن بالنهاية النتيجة واحدة نحن الاثنين نريد انا تكون سورية بلد العزة والحضارة والصمود.........ز صح وانا لا ارى اختلاف فعندما تقول مثل هذا الكلام عن سيادة الدكتور لماذا تكلمت عن أبي اذاُ عندما قلت رأي في موضوع الاستفتاء وهو رأي لا يخرج كثيرا عن رأيك في سيادة الدكتور لماذا غيرت رأيك أخي العزيز ارجو ان تقرأ ما كتبته بعد كلامك عن أبي بهذه الطريقة وسوف ترى اننا لا نختلف بشيء الجوهر واحد ................. وهذا يكفي :D مع تحياتي لكاتب الموضوع الذي أكن له خالص احترامي :hart: |
اخوي rammstein ما بعرف ليش هيك بحسك بتناقض حالك !!! بدافع عن بشار الاسد وبتقارنلي ياه مع زعماء تانيين بعدين بتقول انك مو موالي واذا حدا حكى عن بشار شي بتعود ادافع عنو ؟!! وكل دفاعك عنو انو دعم حزب الله ووقف بوش امريكا !! (على حد قولك ) وهل الشي كلو غلط ! هو اذا وقع سلام مع اسرائيل رح ينسى شي اسمو مقاومة بلبنان وفلسطين ورح تشوفو صار متل هل البقية ...
انا كان بدي منك اذا بدك ادافع عنو ادافع عنو بشي عملو جواا سوريا !! بعدين هو سياسي فاشل يعني اذا انا بدي مصلحة سوريا وشعب سوريا معقول اوتر العلاقة مع السعودية ومصر وكل دول الخليج !!! يعني شو استفاد اذا قال والله انتو يا سعودية عملاء لامريكا !؟! ولو كان هل الشي صح بس ليش هيك بيحكي لك ما عندو سياسة وما عندو دبلوماسية !! انا ما بلومو وقت ما استلم الحكم كان عمرو 34 وانت بتعرف انو الرئيس لازم يكون عمرو 40 بس سبحان ربك كيف اتعدل القانون بشغلة 5 دقايق ومجلس الشعب الي هو اسم على غير مسمى هيك صوت الو ما بعرف كيف هل التوافق عنا بسوريا سبحان ربك ..... بعدين يا طويل العمر بقلك بشار الاسد دكتور ومثقف وما بعرف شو من هل الحكي الي مالو طعمة يا اخي نحن ما بدنا دكاترة ولا بدنا مثقفين !! نحن بدنا رئيس يكون وطني الو سمعة طيبة ويكون مقدم خدمات لبلدو ويكون معرف عند كل الناس انو محترم وعادل ووطني !! يا اخي مين هاد بشار الاسد لو ابو مو رئيس !!؟ انا بدي اسالك سؤال لو حافظ الاسد ما كان رئيس سوريا وكان مواطن عادي كان معقول انو بشار الاسد هلق يصير رئيس !؟ طبعا لأ لانو اكيد رح يكون بالقرداحة عميقطف كم برتقانة مشان يروح يبيعون ..! بعدين يلعن ابو هيك وقت الي مشي صرلو 6 سنين لك شو عمل ؟؟ المعاشات زادت !؟ طيب ما كل شي غلي يعني عملية مترابطة ؟! الاحزاب مافي !! حبس الي بيحكي كلمة وروح شوف كل كم يوم بيعتقلو واحد متل المجلس الي كان ينظمو الاتاسي ... البطالة زادت عن عام 2000 ،، البيوت غليت ،، الناس عمتهاجر من البلد ،، انا بدي اسالك سؤال لو انت بتاخد 10000 ليرة سورية يعني اذا كنت مدرس وكان عندك اربع ولاد وعندك اجار بيت وعندك فاتورة الكهربا والماي والتلفون ومواصلات ودفاتر واقلام للولاد ولبس ولحمة وخبر وخضرة و و و ..!!؟؟ اكيد لأ فلا تقلي الرواتب زادت ومن هل الحكي وفكر منيح وانت احكم يبقى اذا الواحد لازم يكون مع او ضد |
اقتباس:
مو ضروري اذا شفت انو الدكتور بشار انسان مثقف وعم يحاول يعمل شي يعني انا بعثي ومخابرات وغيره.......كمان يا اخي على عيني وراسي الفساد والسرقة هلكتنا .....والمحسوبيات والواسطة دبحتنا.....ونحنا عم نعيش تحت حكم نظام امني ...على عيني وراسي...بس هالشي ما لازم يخلق مني انسان حاقد على كل ما هو سوري...متل البعض بهالمنتدى وانا ما بدي اذكر اسماء ناس انت بتعرفها....... انا طرحت موضوع رايي بهذا الشخص الي هو رئيسنا هلق حبينا هالشي ولا لا.....ما بهمني انتخابه صحيح ولا لا ....ابوه رئيس ولا لا....من القرداحة ولا من جبلة....هذا كله عبارة عن جدل بيزنطي لا بيغني ولا بيفقر......انا بهمني انو هل ساوالي شي ولا لا....فادني بشي ولا لا..... وسمحلي قلك اخي السكران انت فوتتنا بالحيط...يا عمي شو دخل الدولة اذا هي حررت الاسعار وزادت المعاشات فغلي السوق......حيرتونا اذا الدولة فرضت علينا السعر منقول مخابراتي وامني...واذا حررت السعر منقول غلي السعر وفقرو الناس......غلاء السعر غير مرتبط بالدولة بل مرتبط بالقيمة الشرائية للشخص ومن الطبيعي اذا زاد المعاش تقوى القوة الشرائية...... اما عن موضوع السياسة ......طيب عفوا هلق انت برايك اذا هذا الشخص مد ايده لاسرائيل وعطوه نص الجولان وعمل سلام على كيفهم وفتح اراضيه للاميركان يعني انت وقتها بتكون رضيان؟؟؟؟؟؟؟؟ هو قالها بصراحة انو ياجماعة عطوني ارضي كاملة ومننهي حالة الحرب هنن الي ما بدهم ........شو يعمل ؟؟؟يعمل متل جنبلاط الكلب الي عم يبوس الصرامي بنيويورك؟؟؟؟؟؟؟؟؟ولا متل عبدالله سعود الي مابيفهم الخمسة من الطمسة استهلكوه الاميركان وبعد ما خلصت مدته رموه للكلاب تنهشه؟؟؟؟؟؟؟؟؟ يا حبيبي هالبلد طالما فيها رشوة وفساد وواسطات لا تحلم انو نصير متل غيرنا............سلام |
اقتباس:
|
مجودي ...........ز يا سيدي حكيك صح ومنشان نهاد الغادري يللي كنا عم نحكي عالخاص فيا سيدي انا اكتر شخص بالعالم ملدوغ منو ........ يا زلمة تصور أنو قبل ما تنمنع المحرر من دخول سورية كان معنا للعضم هلأ دفعلو ابن الحرري كم ليرة يا سيدي قلب أضرب من أبنو عالقليلة هداك صريح وواضح الزلمة عميل عينك عينك أما هاااااااد
فأعوذ بالله كيف بان على حقيقتو تصور أنو عندي ألو أكتر من250 مقال أد ما كنت أحترمو ............ لك أخ يا شريك أخ..........ز على كل حال يمكن نزل عنو مقال أمسح فيه الارض وبين ليش انمنعت المحرر بسورية ومين منعها..كلو معروف وعندي المعلومات كلها ....:D |
اقتباس:
انا درست المرحلة الثانوية بسوريا .. على ايام حافظ الاسد .. وقتها كان رئيس الوزراء الاسرائيلي النتن ياهو وانا بالفصل دخلوا عليي الجماعة شيت حزب البعث فقالو للجميع مين اللي بدو يشترك فكلهم رفعوا ايديهم من عدايي انا فلما سألني الرفيق الحزبي ليش مو رافع ايدك قلتلو مابدي انتسب لأنو انا اهلي بالغربة وسفرياتي كتيرة فرد علي هذا الكلب : انت لست مواطن سوري شريف انت ابن عمو لنتنياهو :shock: وانا انفلجت من كلامو :shock: فقد قام هذا الرفيق باتهامي بالخيانة:cry: وقررت ابتعد عنو بعد ماجرح مشاعري مشان اتقي شرو وماروح وطي مع العلم انو انا معروف بحبي لوطني وبلدي سوريا بس من ساعتها صرت اكره شيء اسمه التحزب والانتساب للحزب على كل حال بعد استلام الدكتور بشار لمقاليد الحكم انا تفائلت باعتبار بشار انسان متعلم ومثقف ويهتم بالحياة المدنية وخالط الشعب ويعرف همومه وقد سمعت انه كان يعالج المواطنين العاديين في عيادته الخاصه وفعلا لاحظت اشياء عديدة تغيرت بس مازلنا بحاجة لأكثر وانشالله بالمستقبل راح يتحسن الوضع وعندي امل بهذا الشيء وان كان لابد من التغيير فالتغيير يجب ان يتم من الداخل مهما كانت نتائجه وليس من الخارج تحياتي :deal: |
| الساعة بإيدك هلق يا سيدي 19:06 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون