|
سؤال يهرب منه الملحدون
أنتم تنفون وجود الله بسبب اعتقادكم بالتطور وأنا أقول لكم ما هو بديلكم إن انتفى التطور؟؟؟ |
اقتباس:
:lol: |
سؤال بسؤال للهروب من الجواب على السؤال المطروح
طريقة اعتدنا عليها |
اقتباس:
وين شفت في سؤال بالكلام اللي انا قلتو ؟؟؟ ركز معي ;-) |
اقتباس:
حتى اعطيك الجواب الشافي على سؤالك |
........
متابع فقط . . . |
اقتباس:
بس انا الي بأمن فيه هو التطور ( بدون النظرية ) بامن انو هدول الشغلات الي متضحيكن فيا الانبياء على العالم ومخليون يساو حروب ومجازر من وراها هي عبارة بس عن مذهب فلسفي بس غيرولو اسمو لدين وصارو العالم بعدين يموتو مشان هالمذهب بس انا شخصيا بأمن انو هادا الشي الي معلقينو على كتافنا بيخلينا نشوف الدنية على حقيقتة غير الطريقة الي قال عنا الله . انا هلق رايح سافر قولكون الله بياخد عخاطرو مني وبيساوي حادث بالقطار الي اخترعو الملحدين ؟؟؟؟؟ |
اقتباس:
يعني عم تحكي من جواة قلبي و |
كوستا يقول
اقتباس:
لذلك ابحث عنها وأجب انا في الانتظار |
اقتباس:
اخي ان كنت لا تعرف ما هي نظرية التطور من الافضل ان تبقى جانبا لذلك انا أستهجن على نفسي ان أرددها او أبحث عنها وان كنت تعرف النقد والجواب فتفضل فأنا في الانتظار ........... |
اقتباس:
بصراحة حديث مضحك اثناء الليل كيف لا تؤمن بنظرية التطور وتؤمن بالتطور نفسه :sick: وكيف انبثق التطور بنظرك وتقول ان وجود الانبياء هو مذاهب فلسفية تحولت فيما بعد الى اديان عزيز بما ان الفكرة التي تؤمن بها هي من الاساس صفرا وهي عدم وجود ال لهذا الكون فمن الطبيعي جدا ان تتحدث وتتقول عن هذه الامور وتسميها مذاهب وفلسفة ..... والخ لذلك ادعوك برفقتي لأثبت لك ما لم تؤمن به من خلال سؤال بسيط لك انت وهو ... كيف تفكر ؟؟ انا لا أتحدث عن سؤال كيف تفكر باجابته لأ بل علميا انت كيف تفكر ؟؟؟ |
اقتباس:
بس في تصحصح صغير هون احنا ما بندعي وجود الله لانو هيك معتقدين او الاخوة المؤمنين هيك معتقدين هنن مؤمنين بوجود الله لانو شيء فرض نفسو بالادلة والبراهين |
اقتباس:
هات خيو ورجينا وين الادلة والبراهين اما ابو العبد العبد لله خيو برجع بقلك انتا عم تسأل هالسؤال بسبب فهم خاطئ لنظرية التطور هذه النظرية لا يمكن ان تفنى وهي تملك الادلة الكاملة وانتظر فقط سنين معدودة ستصبح النظرية المعتمدة في المجمع العلمي أخوك بحب ظل جيفارا |
اقتباس:
|
اقتباس:
وسؤالي واضح كان الا اذا انت جاي تتسلى |
اقتباس:
انا أصلا لأ أؤمن بها حتى يكون ليه مفهوم انما اعلم نظرة الملحدين بها فقط لذلك يبدو من الصعب الحصول على اجابة |
اقتباس:
يا ريت تكون واضح حتى نقدر نتناقش |
ابو العبد هلق رح كون كويس واعتبر تجريحك بشكل عام ما كان . بس يا ريت المرة التاني وقت بدك تحكي مع شي حدي يا ريت بس هيك شي زرة احترام . لانو هاي بتخلي القدامك يحترمك كمان . :D
اقتباس:
وبس مشان معلوماتك . حاول خلية تزيد لانو انا مدري ليش حاسسني قلبي انك انت كنت بالصدفة فاتح شي موقع متعصب وقريانلك كام كلمة بتأثبت اخطاء هاي النظرية . فأجيت لهون تأرجينة انك فهمان ومثقف . اي المهم انو كنت بدي قلك بس هاي انو كل واحد مانو مؤمن بالله معناتا مؤمن بنظرية التطور . فهادا ببساطة حكي فاضي . اذا انت بتامن بالله بس لانك ما بتعرف شو اصل الحياة واقتنعت بالفكرة تبعيت الانبياء انو الله ساوا الارض والشمس والمجرات وهاي الشغلات الي منعرفة والي ما منعرفة بشغلة سبع تيام فهادا ببساطة مانو دافع بالنسبة الي اني امن فيه لاني ما مسدق انو هادا الي صار وما بيهمني حتى اعرف كيف صار الي بيهمني شو الي رح يصير . اذا انت بدك تسالني انا بشو بامن . بقلك بساطة انو بكلشي اسمو علم بعيد عن هاي السوسوة الي اسما دين . يعني بالوقت الي العالم بتكون عما تكتشف مكونات اجزاء الذرة نحن منكون عما ندور بالكتب المقدسة اذا كان في شي مكتوب عن الموضوع واسا مانو مكتشف . وبعدين منشوف اذا الله سمح الطلعة عالقمر ولا لاء . وغير الشغلات الي بالجملة بالمجال الطبي بس ما هادا موضوعنا هلق . اقتباس:
انا مثلا بعتبر انو كيشنر متل بوذا متل موسى متل المسيح ومحمد . كلون كانو عباقرة بالعصر تبعون وقدرو يعملو تغير كبير كتير بالنسبة لوقتا . بس انو منجي نتطلع عالعصر الي كانو عايشن فيه والفترة الي وصلنا علية هلق نشوف انو في كتير شغلات تغيرت. فيا رح يتغير الدين ( وهادا ما بيمشي الحالو لانو هادا كلام الله وما بيصير الواحد يغير فيه ) يا اما منستغني عن الاديان لانو الموضة تبعيتة خلصت . وحبيب مرة تاني بقلك . اذا كانت وجهة نظري غير وجهة نظرك ما يعني انو وجهة نظري والشغلات الي بأمن فيا صفر . بس انت شكلك ما عندك حل تالت . العالم يا بيكون معك يا اما عليون ( لغير المؤمنين ) وهاي كمان شغلة صعبة او تقريبا مستحيلة انو حدي يقدر يناقش شخص يجاي بس يقول انو هوي الصح والتانيني غلط وهوي ما بيعرف شي لا عن النقاش ولا عن اختلاف وجهات الرأي ( أو طريقة الأيمان بالنسبة لموضوعنا ) اقتباس:
واذا بدك تعرف كيف انا بفكر . بعتقد انو هادا سؤال صعب شوي . لانو هاي طريقة تفكير مانة طبخة . وانا ببساطة بقلك انو بفكر او بأمن انو 1+1=2 واسا فينك تبلش من هون وتوصل عالمصفوفات والتوابع والاشعة والتحليل وكل انواع الرياضيات التاني بتحط فوقة خليط فيزياء وعلوم بتعرف انا شو معتقداتي وطريقة تفكيري بالحياة . يعني مثال صغير . يطلع كتاب مقدس كامل يحكيلي عن شي اسمو جاذبية ارضية, انا شخصيا باعتبر الحكي كلو متل الضر** على البلاط . وبعدين يجي واحد متل عمو نيوتن اجا من اكتر من 350 سنة وقال انو في شي اسمو جازبية ارضية بتجزوب كل الاجسام لتحت وبيطلع تسارعة تقريبا شي 9,81 متر بالساني مربع . يا أخي سدقني انا بالنسبة الي الانبيا والرسل هني الي عما يعملو شي عملي للبشرية . لانو خلصت فترة الحياة النظرية . يعني واحد بيكتشف هيكك شغلة هادا ما حرام ينضاف على لائحة البشر العاديين . بدك ما تواخزني على الإطالة بس حاولت اختصر بس هوي الموضوع ضخم كتير . وانت ما رديت على كوستا وحاولت تصغر الموضوع . يعني بدك تبرهن اخطاء النظرية من شي وجهة نظر وخلص صلى الله وبارك. اما بدك تعمل دعاي لشي دين من الاديان والحملة موجهة خصيصن للملحدين ؟ |
مممممم .. حاليا للمتابعه و بعدين منشوف .. :D
|
اقتباس:
اولا لا علاقة للتطور بوجود الله او عدمه. و من يقول لك ان التطور دليل على وجود الله او عدم وجود الله فهو مششش فهمان الطبخة التطور و العلم بشكل عام يعطينا أجوبة لتساؤلات كثيرة.. هذه الأجوبة تغنينا, و سوف تغنينا أكثر بالمستقبل, عن الحاجة المعنوية لوجود الله. يعني و بالعربي الفصيح, الإنسان اخترع الآلهة لكي يفسر الظواهر العجيبة مثل المطر و الرعد و البرق و النار و الولادة و الزرع... بعد ان تصبح الأجوبة موجودة.. لا يعود هناك حاجة لوجود الله فلسفيا. يعني الاجوبة العلمية مثل نظريات التطور و نشوء الحياة و حتى النظريات المتعلقة بانفجار الفضاء و توسعه لا تعطيك اي جواب عن وجود و عدم وجود الله... و لكن تقول لك... أنظر... هذه الأجوبة أمامك! هل تريد ان تؤمن بالله أم لا؟ هل تعتقد بوجود الله ام لا؟؟؟ البعض سيقول نعم أؤمن حتى بوجود اجوبة على كل اسئلته العلمية... و لكن يحتاج الله لأنه لا يريد ان يقتنع أنه لا يوجد حياة بعد الموت أو أمل ببعض الأمور المستحيلة أو بسبب طبيعته الروحية إلخ إلخ... يعني نحن نعطي كل الإجابات على الأسئلة... و نترك الموضوع لك و لتفكيرك الشخصي هذا اولا أما ثانيا... فالتطور حتما موجود حولنا بدون توقف و أسهل دليل عليه تطور الباكتريا و الفيروسات مثل فيروس الإيدز... هذه كائنات (بعضها ليس أحياءا) تتطور بسرعة هائلة من حولنا أنصحك بأن تقرأ عن مبدأ التطور و كيف يحصل التطور فتثقف نفسك قليلا. ففي حال لو سألك كوستا مرة ثالثة ماذا تقصد بسؤالك لربما تستطيع ان تعطيه جوابا يعبر عن بعض الذكاء |
مجددا... من المفضل ان لا تخلط بين الإلحاد و نظرية التطور. فلا علاقة لأحدهما بالآخر... و لو ان نسبة من يتبع نظرية التطور قد تزيد عند الملحدين من المؤمنين
لا يمكن تعريف الله. لا نستطيع نحن تعريفه.. لأن محاولة تعريفه ستعطيه نقاط ضعف و هذا ما لا يقبله المؤمنون.. و لا هم يرضون بإعطاء تعريف مرضي لله بحيث يستطيع العلماء البحث عنه. بدون تعريف علمي (و ليس فلسفي).. لا أحد يستطيع ان يثبت وجود الله. و حتما نظرية التطور لا علاقة لها بالله. هي فقط تنير بصيرتنا و ترينا كيف كان الإنسان القديم يفكر بطريقة ظريفة من خلال الكتب الدينية كالإنجيل و القران... و لكن ليس اكثر من هذا |
صديقي ابو العبد إقرأ عن إنسان نيادرتال (الانسان القرد ) وبعدين تعى
غير هيك الفكرة اوضح من هيك ما في بس لا تغمض عينك اخوك بحب ظل جيفارا |
اقتباس:
عزيزي جيو أنت بالحقيقة لم تعرف ما أعني نهاائيا عزيزي الانسان المتدين لا يؤمن أصلا بنظرية التطور أما اذا كنت تعني عن تطور التكنولوجيا مثلا او تطور في المجالات العلمية فأنت بعيد كل البعد ولكن انا أيضا لا أعرف ان كنت من الملحدين لذلك أن كنت منهم فأنت متناقض بحديثك اما كنت تتحدث بأسم الملحد فسأنهي الحديث معك لذلك عزيزي ارجو ان تعطيني اعتقادك في حل هذه المسألة حسب ما هو معتقد لديك انت ذاتيا وانا بصراحة لأ اعلم ماذا أردت من ردك هذا او انك غربت كثيرا عن الموضوع الرئيسي ام انا أعطيت حجما لايستوعبه أحد لذلك أريد شيئا واحدا فقط هل انت ملحد عزيزي ام لا حتى اعرف انا بما أتحدث ولدي الكثير |
اقتباس:
ظل جيفارا عزيزي المحدين يؤمنون بنظرية التطور ولا اختلاف في هذه المسالة هل انت منهم ؟؟ حتى استطيع الحديث معك وارجو عدم رمي الموضوع خارجا عن النقاش |
اقتباس:
عزيزي لا يهم ان كنت ملحدا ام لا. و لن اجاوبك على هذا الان لأنه لا يهم ما هي خلفية من يتحدث معك. بل المهم هو الفكرة التي يطرحها... انت تجاوب على الأفكار المطروحة.. و لا تفصل جوابك حسب دين او جنس المتكلم!! فعلا شيء مدهش و من قال لك عزيزي ان المؤمن لا يؤمن بنظرية التطور؟ هل سألت كل المؤمنين؟ و طبعا التطور المقصود بكلامي هو تطور الأحياء لأحياء أخرى أرجو ان تقرأ ردي السابق بتمعن فأنا تحدثت ببساطة |
اقتباس:
حتى نتمكن من النقاش بنظرية التطور علينا ان نكون على مستوى عال جدا من العلم... على مستوى الماجستير و حتى الدكتوراة... حتى انا لست مهيئا للكلام عنها مع اني صاحب اختصاص علمي ارجو الا تأخذ الأمور ببساطة فهي معقدة جدا تحياتي |
اقتباس:
النياندرتال هو تطور مو الهومواركتوس والإنسان العاقل الحالي أو الهوموسابينس هو كمان تطور من الهومواركتوس طبعاً هاد جزء من نظرية تطوّر الإنسان المثبتة عبر الحفريات الأثرية هي عالهامش بس ما بدّي اتدخّل بالموضوع لأنو قرفتو |
لاحظت هذا الموضوع من جديد, فحبيت اني اقول شغلة وهي انو كل نظريات تطور الانسان هي فاشلة وخالية من اي واقعية وهذا ما اثبته الكثير من المفكرين مع براهين لذلك, فذلك كل من يوهم نفسه بمثل هالنظريات هو عم بواسي بحالوا لحتى يبعد عن الحقيقة الوحيدة والتي كل شيء من حولنا من انفسنا او بيئتنا بدل عليها وهي وجود الهه واحد قادر صنع كل شئ واحسن صنعه... وهو نفسه تعالى صنع الانسان وبرمجه... والدليل البسيط هو عند تعرض انسان لمصيبة او وقوعة بخوف شديد اول شئ بقوله "يا ربي" ساعدني....
وهذا موقع اضفته سابقا ورايت انه من المناسب اني اعرضه كمان مرة هون لمفكر ابدع في برهنه هذه الامور بدلائل. وهو عبارة عن حلقات فيديو... - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - وهذه الحلقة الخاصة تبين انهيار نظرية التطور وحقيقة الخلق.... |
اقتباس:
بالنسبة لموضوع التطور ما بظن الو علاقة بوجود او عدم وجود الله |
معلش يا جماعة تعطونا رابط هلي يوصفلنا نظرية التطور ولو شوي حتى افهم الله وين حاططني..
|
اقتباس:
يكفي انك لما تعمل بحث على موقع - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - ... يلي هو المصدر الأساسي لكل الأبحاث العلمية الحقيقية, لا تجد أي مقالة علمية له. أسلوبه ليس علمي. أسلوبه أسلوب دجالين.يبدو أنك شاب في مقتبل العمر, و أتمنى ألا تحصر تفكيرك بهكذا مدارس منافقة. و أتمنى أن تفتح ذهنك و تتقبل العلم بدون مكابرة و تمسك فأفكار بائدة عمرها آلاف السنين |
اقتباس:
يا عزيزي انا ما بقولك انه هذا مرجع:jakoush: انا بقولك انو بكفي انك تعرف انو نظرية التطور فاشلة وغير صحيحة!!! وهذا الفلم ابسط ما يكون ليبين ذلك من خلال ما يوجد حولنا وبدون اي تعقيدات... :pos: بعدين لما الاساس غلط كل ما يبنى عليه غلط يعني كل الدينامكية مبنية على غلط!!! وبعد كل الاكتشافات البيولوجية للمادة الوراثية لم يجدوا اي من الشيفرات تدل على صحة نظرية التطور- على حد علمي :larg: |
اقتباس:
ثم عندما تريد ان تهم اساس احدى اقوى نظريات العلم فطبعا لازم يكون في تعقيدات. قد لا تفهمها حضرتك و لكن غيرك يحتاجها و يفهمها. اما اخر جملة فضحكتني بصراحة. من قال لك هذا الكلام؟ الكلام بالعكس تماما... المعلومات من الشيفرة الوراثية تدعم نظرية التطور! ممكن تقل لي ماذا قصدت ب"على حد علمك" .. يعني قرأت هذه المعلومة في مكان ما ... أم فقط توقعات شخصية؟ |
يلعن أبو نظرية التطور عأبو داروين
ياعمي أنا ملحد وبحياتي ما سمعت عن نظرية التطور بس اللي بعرفو أنو أية نظرية بالعالم أحسن من النظريات القديمة الموجودة ببعض الكتب القديمة متل القرآن والتوراة مثلا بالقرآن البني آدم انعمل من طين وهالشغلة ملطوشة من التوراة اللّي سرقتها عن أساطير الشرق وأساطير اليونان القديمة لو عملو بلاستيك مو أحسن؟؟ الإنسان من طين-الجن من نار -الملائكة من نور -اللة من شو مصنوع ؟؟؟ إذا كان شغل اليابان لحتى آمن فيه فورا بس عنجد أنت عقدت الشباب بهالسؤال التحفة تبعك يمكن بسبب هالسؤال اهتدى شي ألف بني ادم للإسلام شو بدك أحسن من هيك |
السلام عليكم ورحمة الله وبركااتة
اولا أعتذر عن التأخير عن الردود وذلك لأسباب قاهرة أعتقد ان الموضوع اخذ منحنيات كثيرة وتشعبات جعلته يخرج عن المساق الرئيسي لذلك اقول أنني قد بدأت بسؤالي من النهاية وأود القول هنا أنني سأبدأ بطرح موضوع جديد أو لنبدأ من البداية وهو وجود الله ألادلأة والبراهين على وجود خالق اله لهذا الكون الذي ينفيه جميع الملحدين فلنبدأ بالطرح ومن له سؤال فليسأل ومن له تفنيد فليفند دليل العقل : يقول تعالى في سورة الطور: { أَمْ خُلِقُواْ مِنْ غَيْرِ شَيْءٍ أَمْ هُمُ ٱلْخَالِقُونَ } * { أَمْ خَلَقُواْ ٱلسَّمَاوَاتِ وَٱلأَرْضَ بَل لاَّ يُوقِنُونَ } هذه الآية من الآيات التي يخاطب فيها الله سبحانه وتعالى الإنسان بمنهج عقلاني ، أبطل به جميع احتمالات وجود البشر على الأرض من غير خالق خلقهم ، بدءا من الاحتمال أن يكونوا قد خلقوا من عدم ، وانتهاء بأن يكونوا هم الخالقين للسموات والأرض. فالعقل يتوصل غالبا إلى ضرورة وجود خالق للكون والكائنات عندما يستخدم المنطق الفطري ويقبل الخضوع لبديهياته التي تُفضي به إلى الإيمان به ،، وأيضا حين نتأمل في كتابات المفكرين والفلاسفة المسلمين وغير المسلمين ،، ويحضرنا مثال ديكارت حينما انطلق من التأمل والشك ليصل في النهاية لوجود الخالق ... ويجب ان تعلم يا أيها الملحد والملحدة قاعدتين بديهيتين أساسيتين : *الحوادث لا يمكن أن تُوجد نفسها : فالشيء يحتاج أن يكون موجودا قبل أن يوجد نفسه ، وإذا كان موجودا فهو لم يوجد نفسه وإنما أوجده غيره... فكل موجود لا بد له من موجِد ،، فإذا سلمنا بأن كل موجود إلا وله موجِد أوجده أدى ذلك إلى تسلسلٍ لا بداية له. وهذا مستحيل عقلا. فيلزم إذن التسليم بأن هناك موجدا يوجد الأشياء دون أن يكون في حاجة إلى موجد. *الشيء المنظم لا يكون من فعل صدفة : فلاعقل يرفض أن تكون ولو إبرة واحدة من بين آلاف الإبر المصنوعة قد وجدت صدفة رغم بساطة صنعها ،، وكلما واجه شيئا أكثر تنظيما ، جزم جزما قاطعا باستحالة أن يكون وليد الصدفة. هل تتوقع ان الصدفة هي التي منحت الإنسان العقل الواعي دون سائر الحيوانات ؟؟ هل تتوقع أن الصدفة هي التي مرة أخرى مهدت الحياة على سطح الكرة الأرضية ؟؟ هل الصدفة هي التي خططت بإحكام لدورة الليل والنهار ؟؟ هل الصدفة هي التي جعلت لكوكب الارض مسارا محددا في دورانها حول الشمس بدون خلل في المسافات بحيث لو أن كوكب الأرض اقترب بسنتمتر واحد من الشمس لاحترق ولو بعد بسنتمتر واحد لتجمد ؟؟ هل الصدفة هي التي زودت المخلوقات بجهاز المناعة ؟؟ هل الصدفة هي التي خططت بإحكام لدوران الكواكب والأجرام في المجموعة الشمسية بحيث لا ينبغي لكوكب أن يدخل في كوكب ولا جرم أن يصطدم مع جرم آخر؟؟ ماذا لو قلت لك أن القلم الذي تكتب به كان نتيجة صدفة بحيث ان الصدفة هي التي صنعت له الغطاء وزودته بالحبر وصنعت له الرأس المزود بكرة صغيرة في آخره لتسهيل عملية الكتابة ؟؟؟ هل سوف تصدقني ؟؟ بالطبع لا ،، سوف تقول ان هذا مخبول مجنون لا عقل له . فبالله عليك فكيف تريدنا أن نصدق أن هذا الكون كله بأجرامه وكواكبه وبحاره وأشجاره وجباله وهواءه هو نتاج صدفة ؟؟؟ لن أناقشك لا في النبوة ومعجزاتها واخلاقها ،، ولا في روعة نظم القرآن واعجازاته العلمية واللغوية والبلاغية .... فقط في الكون ،، ألا ترى أن هناك تصميم رائع حكيم في هذه الأرض يعمل تحت أمر خالقه بإتقان ونظام.؟ ألا ترى أن هناك قوانين وسنن ثابتة مقدرة ومتقنة ؟؟ ألم تتأمل دورة الحياة ؟؟ دورة تشكل المياه منذ تصاعدها كبخار ماء إلى غاية الإمطار ؟؟ هل رأيت في حياتك سيارة؟؟ سوف تقول لي طبعا بل إني امتلك واحدة ،، إذا رأيتها تتحرك بإتقان ،، أليس ذلك يشهد بوجود صانع ؟؟ إذا رأينا السير المنظم للنجوم والكواكب والشمس والقمر والليل والنهار ، والمخلوقات المخلوقة بإحكام وإتقان ألا يشهد ذلك بوجود خالق وصانع؟؟ ألا يشهد بوجود الله ؟ من صاحب التركيب الحكيم الموجود في الأرض والكون ؟ من الذي قضى بالسنن والقوانين المنظمة الدقيقة ؟؟ هل هو الوثن الذي لا يعقل أمرا ولا يفعل شيئا ؟ ام هي الطبيعة العمياء الصماء البكماء التي لا تملك إرادة ولا تدبير ؟ أم ان العدم هو الذي أنشأ ، وصمم ، وأوجد ، وكون وقدر ، وأتقن ، فكيف ينتج الموجود من معدوم ؟؟ أم أن ذلك كله شاهد يتحدث إلى العقول البشرية أن له ربا حكيما ، قادرا ..؟؟ |
| الساعة بإيدك هلق يا سيدي 07:25 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون