|
Nirvana وفـــــــــــــــــــــــ ــــــــــــــــــاء بعيد ميلادك
يمكن المكان هذا موم هو المكان المناسب للموضوع بتمنى منك تايجر تعذرني وتنقله على المكان المناسب او تخليه هون لو شايف انو صح مكانه
كنت بتمنى انو يكون محور الاقامة الجبرية مازال موجود حتى اكتبه فيه لانو كانت الاقامة الجبرية هي المحور يلي بتحبه وبتحب تكتب فيه ما بدي كتر حكي حبيت بس اكتب هالموضوع لنقول كلنا الها كل عام وانتي بخير وعقبال مية سنة فرح وسعادة ان شاء الله Nirvana بعدنا ما نسيناكي و بعدنا عم ننتظر رجعتك رغم انو بلشنا نحس انك كنتي صح يوم ما بعدتي يوم ما تكون مجبر انك تدوس على كل شي اعتنقته بحياتك ويوم ما تصير الغوغائية فكر وأيديولوجية و يوم ما نتغنى بالديمقراطية واحترام الغير ونحنا مو محترمين حتى انفسنا يومها بيكون مجبر الانسان انو ياخد قرارات صعبة بتمنى رجعتك Nirvana وبتمنى ما حدا فينا يوصل لمرحلة اتخاذ القرارات الصعبة وهذا لنك لاخر مشاركة لنيرفانا باخوية يمكن حطيت اللنك لنتذكر اخر شي حكيته او لنتذكرها هيا ما راح تفرق كتير بالنهاية - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - Nirvana كل عام وانتي بالف خير وسعادة :birthday: وعم ننتظرك ما ملينا الانتظار وهذا ابو حشيشة حبيبك:hashish: |
كل عام وانتي بخير Nervana
|
مع إني ما بعرفها منيح لnirvana وطبعا هالشي بأسف عليه
بس بيكفي انك تعرف افكار الشخص لتفهمه بتمنالها السعادة والرجعه القريبه |
:akh: :akh: :akh: :akh: :akh: :akh: :akh: :akh: :akh: |
بقلها كل سني وانتي طيبه nirvana :D
يمكن هيه ما بتعرفني بس انا قاريه الها مشاركات يمكن كافيه لحتى اعرف شوي عنها الاهم من هيك مشاركتها الاخيره سواء الاقتباس او الرد بتختصر شغلات كتيره حكيناها |
كل عام وانتي بالف خير nirvana  انشالله عقبال المليون سنة يارب واقبلي مني هي الهدية  اخوية كلها مشتاقة لك  |
كل عام وانتي بخير نيرفانا (بالانكليزي ) وانشالله عقبال المية :D
|
و أنا كمان ما بعرف نيرفانا ...
لكن من حديث وائل والشباب .. ( وبعض مشاركات نيرفانا اللي قرأتها ) لا زم أضم صوتي للشباب بالأخوية .. و أهنيك يا نيرفانا بعيدك .. وبرفقاتك تحياتي |
......................
كلما مر عام ... ازدنا قربا من الامس.. :? Nirvana في كتير ناس بالحياه منقابلون و متل بعضا ما بنحس.. و في كتير ناس بمرو بحياتنا متل قطار الساعه 1.................. ;-) و في ناس بمرو و بعلمو متل نقاط ندى اللي بتكون ع الوراق الورد الصادق مع طلعه الشمس بالارض الحريه.. و في ناس ما بمرو بس كانون مرو .. بنشتقلون كاننا بيوم التقينا معون في محطه الحياه... كل عام و انت بخير .. :D |
كل عام وانتم بالف خير
اجدع ناس السوريين ربنا معاكم |
Nirvana
عن جد عن جد شتقتلك كتير وبتمنى انو تعيدي التفكير بالرجعة عالاخوية وكل عام وانتي بالف خير والمهم تكون سعيدة ومرتاحة بحياتك سواء رجعتيلنا او لأ :D |
Nirvana....... كل عام و انتي بالف خير ........:D كلنا بانتظارك ولو طال الغياب ......... |
Nirvana كل سنه وانتي طيبه . و فرصه اتشرف بمعرفتك . . |
اقتباس:
الطبل بدوما والعرس بحرستا :lol: |
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
يعني لو جمال عبد الناصر عرف انو في كل هاي العالم عم تنتظره و تطلبه بالرجوع كان اكيد رجع على الدنيا :o Nirvana عم ننتظر :hashish: |
اقتباس:
لك هاني ممكن يكون الكلام صحيح و تكون اخدت الجنسية :o بتعرف هيا غايبة من مدة وممكن خلال هالمدة صارت اشيا كتير معها :hashish: بعدين في اخبار سمعتها ما بطمن خايف بكرا انزل موضوع متل هذا لشخص كتير عزيز وغالي :shock: |
كاتب النص الاصلي Nervana
بالتحشيش وبدونه .. -------------------------------------------------------------------------------- بصحة الأخبار والاخوية و ويوريكتنا .. حابة نتذكر هالأغنية سوا .. بصباح الألف التالت .. :hashish: بعد في جوع :hashish: في أطفال مشردين :hashish: و بكي ودموع:hashish: خلينا ننهي الحروب يا دول القوية :hashish: لا للفقر لا للقهر لا للعنصرية :hashish: انت مين أنا ما بسأل لكن حزنك قلي مين ... :hashish: ولا بعرف أيا لون وأيا دين :hashish: بعرف أنك خيي خيي بالانسانية :hashish: بصباح الألف التالت :hashish: في منفيين :hashish: في ناس بالمعتقلات صرلون سنين :hashish: خلينا بمطلع هالعصر والدنيي مشتاقة :hashish: ننهي الظلم ننهي الخوف :hashish: و عالعدالة نتلاقى :hashish: انت مين أنا ما بسأل لكن حزنك قلي مين ... :hashish: ولا بعرف أيا لون وأيا دين :hashish: بعرف أنك خيي خيي بالانسانية :hashish: أنا من هالشرق جايي:hashish: أرض الايمان :hashish: ضيعنا مطلع الشمس:hashish: :hashish: ولون الزمان :hashish: من عنا لكل الشعوب منودي تحية :hashish: جيل يفل وجيل يطل :hashish: على وقع الحرية :hashish: انت مين أنا ما بسأل لكن حزنك قلي مين ... :hashish: ولا بعرف أيا لون وأيا دين :hashish: بعرف انك خيي خيي بالانسانية:hashish: اح . اح .. اح .. - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
كل عام وانت بخير نيرفانا.
عقبال المية. الله يوفقك....... |
كل عام وهي بالف خير
عقبال تحقيق كل الاماني :D :D |
اقتباس:
|
اقتباس:
But we can not be forced to the loss of friends always:cry: We hope that oblige:D |
اقتباس:
كمان :confo: :confo: :confo: :confo: :confo: :confo: :confo: :confo: :confo: :confo: و :? :? :? :? :? :? :? :? :? انو هلق شو المفروض يكون المعنى ....... :larg: |
اقتباس:
|
عقبااااااااااال المية سنة يا احلى نيرفانا بالدنيا
والله انا شتقتلك كتير ونحنا كلنا بانتظار رجعتك حبيبتي والله يوفقك تحياتي |
رسالة من ابو حشيشة
خطر على بالي هالرد انا وبالجامعة وبنص حصة الرياضيات كانت حصة محششة الله وكيلكن (في حدا بالدنيا كلها بياخد بالفحص 98 من 95 :shock: انا اخدتا اليوم ) المهم ما بعرف قديش في اسا من الافكار في براسي بس انشالله اقدر اتزكرا كلها واكتبا (خصوصي بعد ما فتت هلأ ولقيت مخموخة قليلة الزوق باعتلي رسالة :pos: انو قال شو في اعجاب خفي فيني بس مو حارق قلبي غير اني مو قدران اعرف مين :cry:)
رسالة من ابو حشيشة الى نيرفانا (بالانكليزي ) : مرحبا نيرفانا اول الشي كل عام وانتي بخير وانشالله عقبال المية وانشالله سنة الجاي بتحققي كل امانيكي نيرفانا انا بعرف انو انتي عم تفوتي على اخوية (ما تقليلي كيف بعرف مصادري الخاصة :detec::7asheesh:) وحتى اذا ما عم تفوتي بدي قول للشباب اللي عم يحكو معاها يوصلولا الحكي : يا نيرفانا بدي قلك رجعي فوتي باسمك رجعي حطي ايديكي بايدين الشباب بايدين وائل وذا لايت وفراشة وذا مورنينغ وغازيتا والقلب المنادي ومرسيل وليلى وتوت مكعب وسيزار رجعي خلينا نرجع اخوية متل ما كانت كلنا عنا نفس الشعور كلنا بدنا اخوية ترجع متل ما كانت بس اذا ضلينا نحكي ونحكي ما رح نستفيد شي لازم نشتغل شو بتستفيدي اذا ضليتي تاركة شو رح نستفيد اذا ترك واحد من الشباب او الصبايا اللي هني عمدة اخوية شو بدنا نعتمد على هالجداد اللي مانن شايفين باخوية غير محل للعب او للعشق مانن شايفين باخوية متل نحنا مو شايفين مانن حاسين شو هيي اخوية متل نحنا مو حاسين خلونا نرد ايام الحقيبة السرية لطارق افكار تحشيشة لهاني يوريكا الجريدة اللي تعبنا عليها كلياتنا ما هو تعريف النقطة وكم نقطة تانية لحرقصة المخ لJoe القتل الرحيم لامراة من ورق خلونا نرد ايام ما كانت العالم على قولة blade اقتباس:
بس بدي قلك هيك يا نيرفانا رسالة مني للكل : انا بجوز اترك بعد فترة اخوية طبعا كلكن رح تتفاجأو انو كل هالحكي اللي حكيتو فوق ورح تترك اخوية اي نعم رح اترك اخوية لانو صار دوامي بالجامعة وبالشغل طويل وبجوز ما يصير عندي وقت ادرس لحتى فوت على اخوية بس اكيد اني رح ارجع يعني كلها شهر واسبوع انشالله وبرجع وبقول انشالله ارجع اقوى من اول انا قدمت استقالة من الاشراف يعني كلها شغلة كم يوم رح تلاقو تحت اسمي مشرف متقاعد بدال مشرف وبس ارجع رح ارجع مشرف متقاعد بس اكيد مو معناتا انو ختيرت وانو وقفت هون اكيد رح نكفي سوا بس ايد لوحدا ما بتزقف بدنا نكون كلنا سوا بزكر ايام كنت مر بفترات صعبة كتير وكنت كتير قول بدي اترك اخوية ومرة فعلا تركتا لمدة اسبوع كامل بس رجعت وهلأ عنجد بعد ما قريت الموضوع اللي نكشتو لنيرفانا وبعد ما قريت رد ذا لايت تحديدا تزكرت كيف كانت مرسيل تقلي انو انتو شاطرين بالحكي وبس بدال مانكن عم تحكو اشتغلو وهلا تاكدت انو معاها حق رح اقتبس قول للحكيم قديم كتير بس حبيتو من وقت ما قريتو (هوي صاير حشيش على ثوري غير مسلح ) بيقول فيه : اقتباس:
بدنا مواضيع كاتبينها بايدينا بدنا نبعد عن النقل من منتديات تانية لانو اخوية بعمرها ما كانت نسخة من منتدى تاني ولا بعمرها رح تكون لازم المواقع التانية هيي اللي تنسخ عنا بس مو نحنا اللي ننسخ عنها كنت متفاءل بموضوع الشلل انو يساعدونا بس الشباب على ما يبدو ما كان الها نفس تشتغل فخلونا نحنا نشتغل بايدينا بعتقد حكيت كتير خارج الموضوع بس بيبقى سؤال واحد نحنا كفو ؟ نحنا قدها لهالشغلة ؟ انا بآمن انو اذا اتفقنا انو نحنا مع بعض اذا نسيت انا شو ديانة وائل او شو ديانة منوشة اذا نسي وائل انو مرسيل سورية وهوي فلسطيني اذا نست منوشة انو جاد ومريومة مسيحيين اذا تركنا انتماءاتنا وطوائفنا برات المنتدى ووقت فتنا فتنا كانو عيلة وحدة الها ديانة وحدة وطائفة وحدة وقومية وحدة وقتا منكون قدها وقت مناقش لناقش مو لنجرح بعضنا ومهما كان الموضوع بيجرحنا (كمثال بسيط في موضوع عم يخطر على بالي نزلو بس بجوز يجرح بعض المتدينين ) وقت منتناقش باي موضوع كان مشان نحاول نقنع بعضنا مو مشان قلو للي مقابيلي انو انا افهم منك وهوي مشان ياثبتلي انو لاء يبا يبلش يسبسب فيني واعلق انا ويا وقتا رح تنجح المظاهرة السلمية ورح ننزل على الدبكة ورح ندبك كلنا سوا بعرف انو حكيت كتير بتمنى اوصل لنتيجة :D |
انو كيف الواحد بعد مايقرا هيك كلام ويشوف هيك مشاركة يفكر انو يترك موقع متل اخوية مهما كانت الاسباب ومهما كانت المنغصات
عنجد هاني كل كلمة قلتا بتنوزن بدهب مو الحل انو نترك لما ننزعج الحل انو نحاول نغير ..وكلشي بياخد وقت لحتى يصير والتغيير مابيصير بين ليله وضحاها انا بضم صوتي لالك هاني بكل كلمة قلتا وبقلا لنيرفانا متل ماانت قلتلا انو رجعي باسمك ..اخوية محتاجة ناس متلك وبقلك الك ..تروح وترجع بالسلامة .مشرفنا المتقاعد:gem: ...اييييه ياهاني كبرت والله وطلعت تقاعد:p ..بس رح تبقى قوي و صحاب مواضيع ومشاركات مميزة حتى لو مارح تبقى مشرف ( واكيد مالك ناطر كلمتي لحتى تعرف هالشي ) مية :D لاخوية ولكل واحد عمل اخوية |
اقتباس:
هاني كان نفسي بسمايلي يرفع القبعة بس للاسف ما لقيت لكن بعتقد انو السمايلي هذا يأدي نفس المعنى :mimo: |
يا نيرفانا بالانكليزي...اول شي بدي قلك كلعام وانت بخير وان شاء الله عقبال الالف سنة...
حابب احكي شغلة وبيجوز ما صارت مناسبة قولها...انك انتي الشخص الوحيد بأخوية يللي كنت استمد همتي وقوتي منو..انتي الشخص الوحيد يللي كنت حس انو وبشكل كتير غريب رافقني بلحظات ضعفي وقوتي بدون ما نتبادل كلمة وحدة... حاليا وللمرة التالتة من أول ما سجلت بأخوية..انا بالحضيض...وعم حاول استجمع قوتي وارجع بس عم حس حالي ضعف من اني اقدر...الشي الوحيد يللي بحس انو ممكن يرجعني...هو رجعتك... تقبلي مني كل محبة...:D |
اقتباس:
شو قصتكم ذا لايت لك نفسي حدا يستمد قوتوا مني صرت غار منها لنيرفانا :p امبارح صارت معي شغلة غريبة ذا لايت بعد استعراض كذا موضوع هون وصلت لحالة من القرف واليأس والاحباط اكبر من التصور فجأة حسيت اني محتاج عيش بالفترة الحلوة يلي كنا عايشينها في الصيف الماضي بكل مفردات هاي الفترة ما لقيت سبيل لاتذكر وعيش هاي الحالة الجميلة يلي كنا فيها غير من خلال جريدة ويوريكا لانو هاي المجلة هي سجل كامل لكل اللحظات يلي عشناها مع بعض بحلوها ومرها بسعادتها وبشقائها بقواتنا وبضعفنا الجريدة هاي كانو كانت نيرفانا عارفة انا راح نوصل مرحلة ما نلاقي غير الماضي الجميل نعيش فيه لنشعر بالامل قرات الجريدة كلها من اولها لاخرها يمكن اخدت معي 5 ساعات بس كنت بقمة سعادتي وانا عم اقرا فيها لاني عشت كل لحظاتنا الحلوة يلي مرينا فيها استوقفتني مشاركة لنيرفانا وقفت عندها كتير المشاركة هاي كانت رد على تساولنا الها لما كانت بتمر بمرحلة احباط وياس متل يلي عايشينها هلاء وكانت بتلمح لانها بدها تترك وتسالنا كلنا شو عم يصير ردت علينا بهاي المشاركة وقالت (يمكن انا وصلت لحالة من الياس لكن مازلت بفوت على اخوية لاجل الايام الخوالي ) يتمنى من الله انو نتعالى شوي عن يلي وصلنا اله حتى ما يصير وجودنا هون لاجل الايام الخوالي فقط بدنا نعيش الحاضر والمستقبل و ما يكون وجودنا هون بس لنعيش الماضي عم ننتظرك نيرفانا وعم ننتظر كل انسان مهما كان لونه او جنسه او عمره او ديانته او سنه عم ننتظر كل انسان بيحمل معنى انسان بداخله :D |
كل عام وانت بخير نيرفانا
وبتمنى نشوفك قريبا بأخوية لأنو صراحة خسارة الاعضاء يلي متلك يتركو , بجوز هالحكي قلتو قبل بمرة بس برجع بعيدو. شكرا وائل وشكرا لجميع من ساهم بهالموضوع :D نيرفانا و مي تو و مستر سامو اشتقنالكن وارجعو بئا مو حلوة الجمعة بدونكن :D |
اقتباس:
تحية الك nirvana :D |
نيرفانا انشا الله تكوني شفتي هالردود وهالمشاركات وتعرفي قديش بنحبك:sosweet: اشتقتلك:cry: صعب انك ترتاح لشخص وتحبو بهالسرعة عن جد بفترة كتير قليلة قدرتي ترجعينا لاخوية وقت دخلت.عن جد نورتينا بمواضيعك بكل موضوع كنت بقراه كنت بيزيد اعجابي فيكي اكتر.بليز ارجعي نورينا ونوري الجريدة :sick:
بحب اتشكر وائل لانو حط موضوع خصيصا لاحلى نيرفانا.وبحب اتشكر هاني عالرد الرائع وذي لايت وفراشة وشوشو وكل شخص لمح الموضوع وشارك. كل سنة وانتي بالف خير وسعادة ونجاح وكل سنة وانتي محبوبة من الجميع وانشا الله تنوري اخوية من جديد بلييييييز reviens je t'en supplie:cry:  لسى متذكرة بتحبي متل هالصور  joyeux anniversaire ahla nirvana |
انشاالله كل ايامك سعادة وعلى كيف كيفك
ناطرينك نحنا اوكي ما تطولي يللا:D :D :D |
كل عام وانت بألف خير نيرفانا
وأسجل احترامي وتقديري لك وعسى غيابك خيرا نأمل عودتك وقراءة أفكارك عن جديد:D :D :D :D :D :D :D :D :D :D :D :D :D |
اقتباس:
اقتباس:
اقتباس:
مرسي لمرورك الكريم ري مي:D اقتباس:
مرسي لزوقك:D |
أنو كل عام وأنتي بخير ..
كنت متمنية قلك أنو كل عام وانتي معانا ... :? اكيد اشتقنالك :mimo: بخصوص هاني ... هاني قريت الرد ما لايقل عن خمس مرات ... رهيب اللي كاتبو هاني ...رائع أنت ... رائع برقيك ... رائع بمحبتك لأخوية .. يمكن كل واحد مننا بيعبر عن محبتو بطريقة .. بس هالمرة طريقتك بالتعبير كانت رهيبة .. برفعلك الشابو :mimo: |
اول حاجه كل سنه وانتي بخير يا نيرفانا
للأسف ان ما بعرفا لنيرفانا بس بجد حبتها قوي من كلامكم عليها واكيد هي شخصيتها كتير حلوه علشان كلكم تحبوها كده يا رب تكوني بخير نيرفانا ويارب ترجعي قريب علشان اتعرف عليكي اكتر تاني حاجه عاوزه اقولك يا وائل حلو منك هالموقف تالت حاجه ان قريت الردود كلها وفي حاجات مش فاهمها شويه تقريبا حصلت قبل ما انا اسجل في اخويه بس كل اللي فهمتوا انها كانت ايام حلوه انشا الله بترجع الأيام دي تاني وبترجع نيرفانا وتجتمعوا كلكم تاني وتقبلوني بينكم لو مفيش مانع رابع حاجه بقي عاوزه افهم من هاني داغر يعني ايه (نيرفانا"بالأنكليزي") وكمان بقولك اني قريت ردك وكتير حلو بس اللي بيقول الكلام ده ما ينفعش يقول انو هيترك اخويه ولا ايه؟؟؟ |
ههههههههههه
خلاص هاني فهمت يعني ايه نيرفانا (بالأنكليزي) |
اقتباس:
حلوة هالميرسي لك مو:? :sick: |
Nirvana
الله يسامحك ... :? بدك تعرفي ليش مو .. اي اكيد من حقك الطبيعي انك تعرفي ليش .. هاد بقا انا بكرا عندي فحص و الفحص الاخير و النهائي و مصيري شنو انا عم اتمرجح هلق بين مرحله اني بلط بالصف او اني يعني هيك بهمه الشباب اندفشلي شي دفشه ... هلق انت شو بدك بكل هالوجعه الراس المهم بقا مسهرتيني للصبح الصبح يعني الصبح "3 هلق الساعه" عم اقرا الجريده تبعك .." تبعكون بس انا كنت عم ركزع شو انت كاتبه... يعني بما انو انت السبب اللي عم اقرا مشانو" فيا ستي طلع معي شغلات و شغلات المهم هلق النتيجه .. انو انت خساره ..:o تافهه و قديمه و قايلنها الشباب شي ميه مره بس يعني شلون بدي اشرحلك بقا .... ما لقيت غيرها .. ما بهمني هلق شو عم استخدم الفاظ :shock: بس بدي انو تكون وصلتك الفكره .. روحي افتحي الجريده و عدي اقري فيها من اول صفحه ... اذا ما كنتي فهمانه علي هلق بعد ما ترجعي تقريها بتفهمي علي تمام ... و لا الك قريها بكل الاحوال .. اي عفكره لانو في اخباريه قالت انك عم تفوتي و تتناوئي عشو عم نكتب هون بس اندر كفر :shock: فلا تطنشي .. :? حاج حكيت كتير مو .. اي خلص رح اسكت و عفوا من الشبيبه يعني نكشتلون الموضوع مره تانيه بس ............. :cry: تحملوني شباب دب الحماس فيني .... :p مورنـــــــ.....ـــــيـــــــ......نــــج :D |
| الساعة بإيدك هلق يا سيدي 20:41 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون