|
×?°مـــع أو ضـــد ×?° ارجوو من الجميع المشاركة ...
×?°مـــع أو ضـــد ×?° السلام عليكم ورحمه الله وبركاته اخواني اخواتي في منتدانا الغالي اعجبني هذا الموضوع في احد المنتديات فاحببت ان انقله لكم من باب الاستفادة لنا جميعا كلنا نتعرض لاسئلة لا نستطيع الاجابة عليها لكن من الصعب علينا ان لا ندرك الجواب الصحيح او من العيب عدم طرح هذا السؤال على غيرنا ليعطينا الاجابة الشافية كي ندرك الحقائق بصورة سهلة وجميلة الموضوع بسيط وسهل و طبعاً إذا شاركوني فيها((* اعضاء اخوية سوريا*)) رح يكون الو مذاق آخر .. الطريقة هي عبارة عن سؤال يُطرح .. والعضو اللى بعدك يجاوب عليه .. على أن تبدأ اجابته ( مع أو ضد ) حسب وجهة نظر الشخص مع ذكر السبب المبرر للاجابة بعد أن يجيب العضو .. يطرح هو سؤال آخر على من سيرد بعده وهكذا ابدأ / السؤال / هل انت مــع او ضـــد مقولة((ان الثقه بالنفس تؤدي دوما الى الغرور)) أتمنى أن يكون الموضوع نال اعجابكم!!؟!! الفكره؟ تكمن لمعرفه مايدور بالخلد والعقول دون اطاله؟ بمعنى ان الشرح لا يتعدى التعبير عن الرأى بايجاز لتحقيق المتعه والتنويع بالطرح ؟والعرض؟ ملاحظة : (( ارجو ان تكون الاجوبة ضمن اطار المنطق ايضا ان لم يستطع العضو الاجابة على السؤال ارجو ان يفسح المجال لغيره )) والله ولي التوفيق اقبلو تحياتي |
ضد
هلأ في أشخاص صاروا مغرورين من كتر ثقتهم الزايدة بحالهم بس مو دائماً,لأنو الواحد لازم يكون عندو ثقة بحالو مشان كل شغلة عم يعملها وكل قرار عم ياخدوا بحياتو يكون متأكد منّو |
أنا سؤالي:
هل أنت مقتنع بعبارة:"لا تؤجل عمل اليوم للغد" ؟ |
مع
لانه كما قال رسولنا الكريم (اغتنم فراغك قبل شغلك) وهذا ينطبق على الواقع كثيرا شكرا على الموضوع |
سؤالي
هل انت مع المثل (حيث توجد العزيمة تسهل السبل) تحياتي |
قطرة الماء لا تثقب الحجر بالعنف انما بتواصل السقوط انا مع العزيمة لان العزيمة من الارادة والارادة تمثل شخصية الانسان |
لكن سؤالي هو هل انت مع المثل(( القائل كل ممنوع مرغوب )) ؟؟ اشكر تفاعلكم مع الموضوع |
مع..
النفس البشرية ميالة لكل شي ممنوع!! سؤالي... "الهالة الشخصية الكبيرة متطلب أساسي عند بدء الخوض في العلاقات الإنسانية...." الهالة الشخصية هيي الحدود يلي منحطا بيننا وبين الآخرين عند التعامل وقد تكون هالة صغيرة.. يعني منسمح للآخرين يصيرو أهلية محلية معانا... وقد تكون كبيرة...وتعني كل شي حلو بحدوده |
اقتباس:
المطلوب منا....................يعني السؤال .................بدك نفسر شو؟؟؟؟؟؟؟ |
اوك انا رح اسئل سؤال هل انت مع مقولة اتق شر من احسنت اليه؟؟؟؟؟؟
|
اقتباس:
ضدها ومعها يعني اذا انتا بطبيعتك محسن بغض النظر للشخص يلي قدامك فبنصحك تستخدمها بينما لو انتا بتحسن للأشخاص المقربين منك أو الأشخاص اللي همي the best of the best فبعتقد انوا لاداعي لهادي المقولة ولكن لازم الواحد يضل على حرص وحيطة مش قلق وخوف من الناس |
سؤالي ماهو هدفك في الحياة؟؟؟؟؟؟؟؟ |
الطموح يا سيدي مثل لبس القميص اي انه ان كان كبيرا ولبسته سوف يضحك الناس عليك وان كان صغيرا ايضا ولبسته سوف يضحك الناس عليك يجي ان يكون الطموح مناسبا للواقع الذي تعيشه والارضية التي تقف عليها هدفي ان اسطر لي اسم تتناقله الاجيال من بعدي لكن بالخير وليس بالشر |
سؤالي هو : مع او ضد العلاقات العاطفية عن طريق الانترنت ؟
|
ضد
الانسان لما يبدأ باقامة العلاقات العاطفيه عبر الانترنت بكون وصل لمرحله اللي فيها ما عاد عندو ايمان بالناس وجها لوجه, او انو ما عندو ثقه بنفسو. |
سؤالي هو:
هل تؤمن بالمثل القائل "قل لي من تصاحب اقل لك من انت" |
مع.. لانوو الناس الي بنصاحبهن بيكون اكيد عقلنا بتفق مع عقلهن وهيك بوضحو صوورة ولو بسيطة عننا ..
سؤالي.. شو رايكو بالانتقام؟؟ مع او ضد.. أرجو الصراحة |
اكيد ضد :larg:
لأنو في فرق بين الغرور والثقة :D |
اقتباس:
المهم انا فكريا ضد الانتقام بس عمليا مع مع مع |
سؤالي:
هل انت مع او ضد انو كل شي ببدا صغير وبكبر ماعدا الالم ببدا كبير وبصغر... |
اقتباس:
|
سؤالي انت مع ولاضد المقولة المشهوره بهالزمن طنش تعش
|
انا معها وضدها يعني لما يكون الشخص اللي امامك جاهل فأحسن شي نستعملها لكن في أشياء لازم ماطنشها لحتى ماتتفاقم الأمور وتكبر بسبب التطنيش والإهمال سؤالي: الصراحة راحة ......صح هالكلام..................؟................ ..ومتى...............؟ |
مع....
وأت بيكون الوضع بجد مو متحمل والسكوت رح يخلئ مشاكل مالا حلة... وأحيانا بفضل التطنيش والسكوت وأت بيكون الموضوع محمول... وما بدي إجرح يلي أدامي.. بعتمد على زوءه وفهمه... بس للأسف على الأغلب... ما بيطلع عنده!!!:o :o بما إنك ما فهمت سؤالي الماضي KILLER011... بعرف شوي مفلسف!!:p رح إسأل سؤال تاني... إنت مع أو ضد هي المقولة... قالو استأسدت النساء!!! فلولا فلول الرجال ما استأسدت النساء!!! مو كل الرجال طبعا!!! نصن:o :o :p :p |
اقتباس:
مع هالمقولة اكييد شي طبيعي المراءة اكتر من الرجل بتفكر بمصلحة الاسرة و قدرتها على التحمل اكتر من الرجل من هون لو الرجل تهاون في بعض الامور لانها بنظره مو مهمة كتير المراءة ما بتتهاون بيكون الرجل سكير مثلا و مرتو بتشتغل و تصرف ع البيت و الاولاد,, هيك احنا فتحنا الباب للمراءة تستأسد علينا:pos: |
مع اخواني الذين سبقوني وحتى لا نخرج عن سياق النص سؤال هو : هل انتم من مؤيدين الزواج على الطريقة الشرقية اي مثل ايام زمان امك هي الي تجيبلك عروس اي دون علاقات عاطفية ؟؟ للشباب والبنات السؤال |
اقتباس:
تلئو وعدكن لكان!!! :o :o بس مو هيك بس Odell... دراجة صارت شغلة إنه بعض الرجال صارو ما خرج يحملو مسؤولية بيت... فبتطر المرأة إنها تكون المرأة الرجل في آن معا!!! وهيدا شي مدمر!! بس وين سؤالك؟!! |
ضد
ليش مين بدو يتجوز أنا و لا أمي سؤالي " شو أهم دراستك ولا علاقتك العاطفية ؟" |
اقتباس:
سؤال كتير حساس وخطير انا عندي دراستي شي وعلاقتي العاطفية:sosweet: شي تاني يعني مابخلي مثلا العلاقة تخرب بيت دراستي وكمان العكس:jakoush: بس الدراسة إلها أولوية عندي:pos: .............. وبرضو حبي الو أولوية :oops: :hart: سؤالي: ماهو الفرق بين العلاقة السطحية .......والعلاقة الجدية النابعة من القلب؟ طبعا على أساس أي علاقة؟حب صداقة أي شي |
انا ضد هذا
اظن ان هناك ما يشعرك بالفارق بين الغرور و الثقة بالنفس على الاقل بين المرء و نفسه فعندما يكون لتصرفات المرء و انفعالاته مبرر حقيقى لا مفتعل يكون اتيانه على الشىء منطقى و من قبيل الثقة لا الغرور |
اقتباس:
بس رح جاوبك... العلاقة السطحية فيها كتير مجاملات.. العلاقة الجدية النابعة من القلب... بيتك يلي بترتاح فيه وبتكون على حئيئتك وراحتك العلاقة السطحية ممكن كتير تتحول لعلاقة جدية ومننبسط فيها... بس العلاقة الجدية.. بتصير جرح:cry: إزا رجعت لورا وصارت سطحية!!!:cry: :pos: سؤالي... إنت مع أو ضد المقولة التالية.... العين مرآة القلب... |
90 % هادا الكلام صحيح لانو أي شي بخبي الانسان بقلبو بتلاقي بعيونوا يا لوتس:cry: |
نعم انا مع مقولة العين مراة القلب فليس جدير بنا ان لا تظهر سمات تفكيرنا في قلوبنا على عيوننا سؤالي هو هل انت مع ما يسمى بزواج المسيار موضة هذا العصر ؟؟ |
اقتباس:
طبعا لآلآلآلآلآلآلآ أول شي زواج المسيار هادا معناتو انوا المرأة لازم تصرف على حالها والرجال ماالو دخل يعني بدخل عندها وقت مابدو ...................... ولا كأنوا في مشاعر أو احاسيس بمسؤوليات الحب والزواج ويمكن الأولاد سؤالي : هل انتا \انتي مع الدراسة بالخارج بالغربة؟ |
اقتباس:
لا دراسة الغربة (اوروبا او امريكا القصد) ما بتلائمنا.. احنا مجتمع محافظ.. وهناك مجتمع منحل.. بنتفقش مع بعض واللي بدو يروح وما يدير بالو عحالو.. بضيع :shock: سؤالي.. شو رايكن بالانانية؟؟ (فكرو فيها عنجد) يعني انو الواحد يعمل اي اشي ليكون مبسوط |
الزواج الناجح هو الزواج المبني لى الحب
فأنا ضد النوع هاد من العلاقات |
اقتباس:
الأنانية مرفوضة...الواحد ممكن يحب حاله بدون ما يكره الغير... وينبسط بدون ما يزعل الغير.. حب النفس شي منفصل عن الأنانية.. سؤالي.... هل أنت مع الجملة التالية أم لا... إذا لم تقم أهمية لنفسك من أجل الغير... لم يقم الغير لك أهمية... لإنك جعلته يشعر بأنه الأهم... |
اقتباس:
|
آخر سؤال ليكو فوء بالأزرق... منتبهين؟!:p
|
اقتباس:
انا ضدها لانو الانسان اللي بعمل أهمية للناس من الطبيعي او المنطقي انهم همي يعطلولوا اهمية سؤالي : تجربة الأشياء الممنوعة والمحرمة بداعي أن تأخذ درس ولاتحاول ان تعيد الكرة؟ |
| الساعة بإيدك هلق يا سيدي 01:51 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون