|
مصطلحاتنا ...الحلبية والشامية و...... انتو كملو !!!
يا شباب كل واحد يكتوب عن مصطلحات مدينتو الي بيحكو فيها
ببلش بحالي انا مثلا من حلب ومثلا : اسماء الاشارة : هنيك . كوهنية , كوهاك هونية كوهنية : هون اشو : شو شمشاية : كبشة او معلقة سكب غميقة شنق : صحن كبير مفتوح تقلي تشاي : ابريق شاي بانجان : باذنجان بنات ادنيه : لوزاتو جيجة :دجاج اباااو على الله : اشارة تعجب !!! مامنوية : اكلة بس بتتاكل بحلب سفرجلية ,سماقية: اكلات حلبية عميقسم : عميعرض مقسماتي : شايف حالو في كتير لسة بس نسيان هلق عنا اكلات وعادات ما بتصير الا بحلب يا خيو شغلتنا كبيرة نحن :yahoo: وهي الصورة يعني انا مقسماتي |
وعن شوي من المصطلحات الشامية
شو يااابييي : شو يا اخي او اشو يا خيو بالحلبي بدي اتزوز : بدي اتزوج شبناااا : شو في اغي : ايوااا بنوب : ابدااا باااطل : مستحيل اودعناكم : مع السلامة وفي كتير من هل المصطلحات الي بتجنن:clap: الي عندو كمان يكتوب ومنشوف اي مدينة عندا احلى لهجة |
اي والله يا خيتو..بس بدي أسألك بتعرفي شو يعني فرتيكة بالحلبي؟؟؟؟؟؟؟!!! لأني بصراحة حابة أعرف؟؟
وشكراً على زوقك...:oops: |
طبعا الكل عارف المصطلحات المصريه واللى عايز مساعده انا هقدمهاله هههههه
 |
اقتباس:
لانو بالمنتدى موجود جنسيات مختلفة وحلو انو يكون في مصطلحات من كل بلد |
اهلا وسهلا بيكى بنوته حلب مهو المصطلحات المصريه غريبه وعجيبه وكتيره اكيد انتوا بتشاهدوها فى الأفلام والمسلسلات وانا مفيش فى ذهنى اى كلمه ممكن تفيد حد منكم عموما ميرسى على الموضوع الحلو ده بالتوفيق ان شاء الله
|
اقتباس:
ومشان سؤالك على الكلمة هي يا طويل العمر الفرتيكية يعني الشوكة 100 السلامة خيوووو ... اكيد بتعرف اش يعني |
انا من سلمية ....
وفيها اغرب المصطلحات ... مثل : غاد او غاديني ويعني هناك. اتزرن او زرون وتعني انظر. بشلوقة وتعني ( بالعامية الشحاطة) سقرق ويعني كاس الماء البلاستيكي. شدوق وتعني قطعة خبز.. لاش تعني ليش. شاح ... وتعني حرك بعنف... استلقا وتعني امسك... و في جعبتنا الكثير من هذا.... |
أحلى شــــــــــــــــــــــــ ــــــــــــــــــــــام . . . . . اتكل,زمر عالكوع, هوينا: يعني فرئنا بريحة طيبة. أرصة مفلفلة: يعني أرصة ماكنة يتدرج لونها من الأحمر للأزرق بعدين للأخضر. أشكرة: يعني مبينة. اصحك تنبرء, حاج تطول وتقصر, اصحا يطقلك شي عرء: يعني لأوي. آظااان: يعني الهيتر يا عمري أو السخان. آكل كم: يعني آكل بحالو مئلب. آلب عالطابة, آلب شحار: يعني متوسخ. أنبز, تناوأ, مط راسو, نبّأ: يعني تطلع. بالمشرمحي, بالألم نشرح: يعني بالعربي الفصيح. التدع: يعني احترق من طرفو. تدندل: مد راسو من مكان عالي. تمر تينة: شغلة بتلزق "ما بعرف بس بيقولو لزق متل التمر تينة" تنح عبدك يا ربي: لما يسكر مخو للواحد وما عاد يفهمو غير ربو "متل حالنا يعني". حندء بندء: يعني عازك وعوازك. خطوف رجلك: يعني روح عالسريع ورجاع. . درخوشة, زابوءة, خلع: يعني حارة ضيقة مكنكنة, رايح بالعبطة : يعني رايح بالعجقة مو مبين . ممممممم يعني كانو يكون في عجقة والكل عم يحكي تقوم انت تلحش شي مسبة عالماشي بتقوم بتروح بالعبطة ... المسبة طبعا مو انت. رايح بالعرض : يعني سمين . رايح نيفا : يعني خالص سلامتك . زرنئ : شرب المي من تم الواعة سواء كانت قنينة او غيرا بشرط ما يدق تمو فيا. سءّ : يعني تمسيح المي يلي بتنكب بخرئة ناشفة. سرنوة : وحدة سلالة من تحت لتحت. سكبة : يعني شوية اكل من عند الجيران. سكملة : الطربيزة الزغيرة يلي بحطو عليا الضيافة من شاي وغيرو . سلحب : يعني زمط انسحب بهدوء . ساند خاصرتو : يعني واحد وين ما راح بياخدو معو.. شمع الخيط ، فركا : يعني هرب . شوية لخر ، شوية رخر : يعني شوي تانية( هي ميدانية) . شويط : هي الريحة يلي غالبا منشما لما تكون الام عم تطبخ وعم تحكي بالتلفون مع بنتا او اختا. طجونة ، ششنية ، تبنية : يعني واعة معدن زغيرة. طلع بالعالي : يعني عيط بصوت اعلا من صوت يلي عم يحكي معو . عم ينط القرد بوشو: يعني مو رايء وعم يخانء دبان وشو. عاطسو من مناخيرو : يعني بيشبهو كتييييير . عفارم عليك : يعني برافو عليك ( هي ميدانية). على حيس رئّة : يعني شوي شوي سلحبة. عملك مشوة : يعني جولة. غاسل ايدي منو : يعني قاطع الأمل منو . غرفة ماشية ، آيمة آعدة : يعني منكوت كرارا. فش نيعك : يعني حط ايدي جوات تمك لحتا ينملخ نيعك . لألوء : يعني تبع . مأرّح : يعني مو ئلليل . مدجون : يعني عالموضة . مربع ، أوضة : غرفة الضيوف بالبيت العربي . - نتع : حمل . ندف ، لطش ، سفئ : يعني اخد سلبطة . يردح : يعيط ويندب . يكش ، يبيض ، يسحب ، يقشط : يعني يكزب ويحكي قصص ومفكر العالم مصدقة . يوك : جورة بالحيط بحطو فيا الفرش . فاينة : يعني الزاحلة او الشغلة المو تمام. لأوي تشد إيدك: يعني لا تعتمد عليه كتير. لابس وشو عالمألوب : يعني مو رايق وما عم يتحاكا. مأطع موصل: يعني بيلعب على كل الحبال. مدهرن : يعني عالموضة اكبر من سنو. النء : طلب الشغلة بشكل متكرر باوقات متقاربة يعني تعيف سماه للواحد. النبيرة ، الدنكورة : وهي دعبولة بتطلع براس الواحد بعدما ياكلو شي طرءة على راسو. يطئ يرغي ,رمى بلا يحكي حكي بلا لخراب البيوت عم يحفر كوسا : يعني عم ينكش بمناخيرو:shock: |
الله عليك يا معلم ماشا الله قاموس
الله يعطيك العافية احلى كلمة عجبتني هي مدهرن :p |
بعرف أنو معنات
المقلاية معناتها طواية:p |
عم يحفر كوسا : يعني عم ينكش بمناخيرو
ههههههههههههههههههههههههههههههه حلوة يسلمو الشامي وعاراسي اهل الشام اهلا عالم |
اقتباس:
ما شا الله عليك قاموس متعدد الأبواب ما خليتلي ولا جملة اكتبها :cry: تحياتي واحلى شــــــــــــــــــــــــ ـــــــــــــام :D |
خيو اشبدك لقش عنا
عراسي حارتك:deal: |
المشكلة مو بالكلمات بس
يعني حتى طريقة اللفظ انا بس بابا يبلش يحكي حلبي الله وكيلكن ما بفهم منه ولا كلمة بقى حطولنا طريقة لفظ الاحرف قبل ما تحطوا التعابير الله يجوزكن |
*******
اقتباس:
متل ما قالت بنوته حلب .............. بدنا شي كم مصطلح هدول المصطلحات الشبابيه ... (( مزه ، طحن ، روش ، ................. )) وغيرن تحياتي |
طيب شو رايكن نكتب مصطلحات عراقية وانا كمان بساعدكن
|
مثل هل كلمات
تشمتشة مسطرين خاشوكة معلقة مبز طاولة دمبك دربكة قوري بريق شاي صغير كيتلي الي اكبر من القوري بطل قنينه حزام قشاط بوتين بوط رياضة (انتو اكبر قدر ) وفي قدون قدود |
*******
اقتباس:
الكلام العراقي كتير حلو (( هسا .... إهناني ..... وما بعرف شو )) بتعمل معروف إذا جبتلنا كم كلمة على كيف كيفك .. تحياتي |
بعض المصطلحات الفلسطينية ...
كلو : قلو او قال له بكدرش : ما بقدر طخو وكع ميت : يعني قوصو بالسوري او اطلق النار عليه ووقع ومات ايش : يعني شو او اشو بالحلبي:lol: ايش مالك : شبك بالشامي او اشبك بالحلبي هسسا : يعني هلأ بالشامي وهلق بالحلبي الكهوة : القهوة يااابااا : يابي بالشامي او يووب بالحلبي او ابي بالعربي وله : يعني ولاه بالشامي وولاك بالحلبي بتجنن هي اللهجة .... |
كلك زوق sakran
بس انا بحكي سوري على فلسطيني و مرات اردني كمان بس شو لهجة-كوكتيل ما بكن تسمعوها:lol: |
اقتباس:
شو كولتي هههههههههههههههههههه:oops: :lol: :lol: |
ايه ايه سمعينا لنشوف احلى شي فلسطيني على سوري بينخلط هيك وبينتج حكي حوراني :p
|
ايه شو بدو يطلع معي يعني؟
ماما بتحكي فلسطيني وبابا سوري على حلبي وانا بالاردن من اكتر من 3 سنين ايه منيح بعدني بعرف احكي عربي:frown: |
ايه على راسي ابوكي الحلبي والله !
ما بتحكي حلبي يعني انتي؟! ابوكي ما بقلك وقت ما بيكون مبسوط ابوس روحك شقدك كويسة ؟!! |
هلأ منجي على هيك كم مصطلح لبناني
بيعقد : بيجنن او كتير حلو ما عمبأشع : عمطس بالشامي او ما عمبشوف عوينات : نضارات طبية او شمسية يا دلي : يعني اذا واحد اتعجب بس بدلع ! اموت على البناني انا ما فيي (بشد وكسر الياء) : ما بقدر او ما فيني ليك : يعني اطلع او شوف كمينا: يعني كمان هدول الي هلق طلعو معنا الحكي اللبناني حلو بس للبنات بس للشباب مو حلو ابدا ! |
اقتباس:
الله يسلمك ;-) |
اقتباس:
مية اهلا وسهلا :D |
اقتباس:
تكرم شامي من طوكيو بالخدمة نحنا;-) |
وليعلا عيونك يا شامي ... :lol:
لك شو هاد ولووو !! موسوعة متنقلة :o ... بس في مصطلحات انقرضت ما عاد نستخدما بالشام :D |
هناية .............هون
شنو...............شو اكو..............في ماكو...............ما في قشمر................مولدن جنطة..................شنتايه (حقيبه) مكعكل...........................مكزبر ( الواحد شعراتو مكزبرين يعني) كلاص......................كاسة سكملي..................كرسي زوج....................اهبل يمعود..................... معروف شو معناها لانو ما الى معنى لغوي كزوز.......................قشطمان تاير........................دولاب واير ......................شريط كهربا محجر.....................درابزين بنكة........................مروحة |
هي لهجة عراقية ما؟
والله هي لغة بذاتها بس حلوة كتير:D بس صعبة كتير:lol: |
معكون معكون بتتعلموا
متل ما انا اتقنت اللهجة السورية وازلم واحد ما بيطالعني من بين مليون سوري |
*******
اقتباس:
ميرسي أبو مرسيل ...................................:D كتير حلوه هاللهجه ......... انا سمعتا من رفيئتي وهيي عم تحيكها .... فكتير عجبتني تحياتي |
شكرا جداااا علي كل الكلمات اللي كتبتوها انا بموووووت باللهجة الشامي وحابة اتعلمها ارجو المزيد من الكلمات وانا من مصر بس بحب اشوف كل المسلسلات السورية علشان اتعلم اللهجة
|
اردني بدوي
عنا في شوية كلمات غريبة مثلا لد غاد : اتطلع هونيك اللدادة: المراية اسماء الاشراة: هناك: غاد هنا : هني هم: هظولاك نحن : حنا هؤلاء: هذول كلمات بمعنى ذهب(راح ) 1 قوطر 2 لقّى 3 اقفى 4 هوّد 5 عقب 6 طاح(للفلاحين ) شلونك :كيفك اهرج:احكي اقلط :اقعد تصيح : تبكي وللحديث بقية :D |
يا خيو يا خيو شي حلو اللهجة الاردنية احلى شي كلمة اهرج
|
ههههههه يحرء حريشك ياشامى ماخليتلنا شى نتفه صغيره نكتبها عين الله حولك حواليك قاموس شامى احى
|
اقتباس:
الله يسلمك واجبنا :larg: |
على راسي انت يا كبير
ولهجتكم حلوة كمان مو بس احنا .... :D |
| الساعة بإيدك هلق يا سيدي 21:13 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون