|
زواج المسلم من مسيحية
هل انت مع زواج المسلم من مسيحية وتعتقد انه ناجح
ام انت ضد الموضوع من الاساس وكل واحد ياخد من دينه احسن؟ |
جووو انت الذي صوت ؟؟؟ بلا ه :lol: :lol: :lol: :lol: :lol:
|
طيب احكو
ام بس بتصوتوا وبتفركوها :shock: |
لا و الله انا هلق صوتت و انا لا أؤيد الزواج
|
لا انا اللي صوتت
|
اقتباس:
يعني لولا انا ما صوتت بلا ادري كانت النتيجة مية مية لا! :shock: |
الله يستر ما تكون عبير هي دمدم بكون كملت القصة معنا! :shock: :shock: :shock: :shock:
|
اي ووين الغلط يعني
|
ما في غلط ابدا اصلا انتي وضعتي خيار موجود من الاجوبة وهذا حقك
بس يا حبذا لو تستفيضي :dr: |
شو هيدا تصويت ولا سباق
بعدين ليش ما كون فخورة بنفسي أه |
اقتباس:
قلت يا حبذا لو تستفيضي يعني احب ان تشرحي اكثر وجهة نظرك :? |
ههههههههههههههههه .. خود بقا علقت هلق ..
اي حبيب .. ما دام ما حدى ادلى بدلوو انا حدلي والله يا حبيب على الرغم من اني بمسألة الدين ما بدقق بنوب .. وكتير من اصدقائي ما عرفت دينهم لبعد شهووووور من صداقتي بيهم بس ما بفكر اترك لنفسي المجال حتى اني اتزج من مسلمي مو الفكرة بالبنت بحد ذاتها ولا بالدين لانو اسلامي او شي .. اطلاقا كل ما هنالك انو لسا عنا بنات بيطرو العقل اشمعنى بصبص لبعيد ووجع راصي .. لا انا حكون مرتاح ولا هيي مرتاحة مهما كان نسبة الانسجام بيناتنا في شي اسمو التربية انا متربيي على اشياء وهيي على اشياء تانية .. وخود بقال الاولاد على شو بدنا انربيهون والله انا ما كتير باخد وبعطي بموضوع الزاج هذا بحسو بالخير قدر .. بس بفضل ما اعطي لنفسي اي فرصة بالارتباط باي وحدي من برات ديني ومن برات دولتي ومن برات مدينتي يعني حمص ويا هوووووووو بدك سيبها بصباياها و روح فكر بشاميي مثلا .. ولا حلبيي هههههههههههههه صعبي والله :D |
عيني ربك ياDr_HUS
ها دا الحكي النظيف |
اقتباس:
يعني شو اصدك اه اه حكي لشوف هههههههههههههههههههههه والله حكيك مظبوط لك دكتور بس صدقني وات يقع النصيب وقتها الواحد لا راح يفكر لا بدين ولا من وين ولا مو من وين وموضوع الزواج انا برئي شي مقدر النا من اول ما انولدنا يعني ازا ربنا كاتب للواحد انو راح ياخد بنت معينه راح ياخدها فهاد شي علمو عند ربنا :D |
و الله يسلم هالتم يا drhus هادا حكي
:wink: :wink: :wink: |
تحليل:
الزواج مبني على التكافؤ بين الزوجين من حيث الحقوق والواجبات الزواج المتعدد الأديان لا يؤمن دائماً هذا التكافؤ يمكن تأمين هذا التكافؤ في ازواج المتعدد الأديان ضمن صيغة زواج علماني الزواج العلماني يتعارض مع تشريعات جميع الأديان الزواج غير المتكافئ غير أخلاقي ( رأي شخصي) و بالتالي الزواج المتعدد الأديان إما أن يكون متكافئ و متعارض مع الدين أو أن يكون غير متعارض مع الدين لكنه غير أخلاقي وبالتالي يتعارض مع الدين بطريقة ما أرجو أن لا أكون قد أطلت عليكم وإلى اللقاء في الحلقة القادمة :o |
يعني يا استاذ Dr_HUS
يعني منيح ماجبت سيرة اللادئانيات والله بتعرف انو ما بيتقاوموااااا :wink: :P |
اقتباس:
وباللادقية مافي حلاوة الجبن لذلك ما بروح ع اللادقية كتير ع سيرة المعكرونة أنا جوعااااااااااااااااااااان :cry: |
هههههههههههههههههه عاد ما تقلبولنا ياها مدن وتكتلات .. انا ما قصدي والله يا جماعة ما قصدي قول انو بنات باقي المحافظات ما حلوين وما فيهم انوثة بنوب .. انتو فهمتوني غلط :oops:
|
:wink:
|
هلق ما بعرف لشو طرح هالمواضيع .....
وليش دايما عم ندور وين في شي بيعمل مشكلة أو في حول جدل وإلو علاقة بالخلافات بين الأديان ومنحكي فيه... هادا ما بيعني أنو أنا ضد الحوار .... بس الحوار اللي بيوصل لنتائج بتخيل بيكون أفضل ولا شو رأي الشباب :angel: يعني هلق إذا منبلش أنا مع وإنتا ضد .... وأنا مع لأنو وإنتا ضد لأنو ..... وهيك على مهاترات للصبح ما حدا رح يوصل لنتيجة (مع إحترمي للشباب اللي أدلوا برأين) سلامات |
نضيف هال الحكي ترا
|
والله هاد الكلام كلو باش مبشوش
أنا برأيي انو السؤال من أصلو غلط , يعني ما لازم يكون السؤال عن نجاح الزواج ولا لازم يكون بالتحديد عن مسلم مع مسيحية كان ممكن يكون السؤال ( هل انت مستعد للزواج مع شريك يختلف معك بالانتماءات الاساسية ) يعني اي دين , اي شعب اي عرق اي جنسية . من وجهة نظري الشخصيي انو انا ما عندي مانع اصلا, الدين اخر شي ممكن فكر فيه , المهم شخصية البنت عندي و مدى انسجامنا مع بعض و اهم شي اذا بنحب بعض , يعني انا اذا بحب بنت اي انشالله كانت من القرود السود بدي اخدها . و لهيك رح اضطر انو اختار الجواب الاول مع انو انا ما بعتقد انو موضوعنا عن نجاح الزواج او فشلوا الموضوع هل انت مع او ضد و اسلموا ديموزي :D |
أنا مع زواج المسلم من مسيحية أو (العكس) لأنه هذا النوع من الزواج يكون نتيجة حب صادق يقاوم العراقيل الاجتماعية التي يفرضها المجتمع والدين في سبيل الحب فيكون الزواج ثمرة هذا الحب.
والسيد سامر يحاول التفنن في السؤال لكي لا يتعرض مع معتقداته فيخرجه ويمنتجه بطريقة ملغومة. فهو لم يسأل عن الزواج علىالرغم من اختلاف الأديان بل حدد السؤال حول زواج المسلم من مسيحية وحسب الشريعة الإسلامية فالمسيحية لا تبقى مسيحية إن هي تزوجت بمسلم. |
أنا بدي أسأل بموضوع الزواج يلي بيختلف طرفي بالدين
أي دين بدو يحكم الزواج لأنو مفهوم الزواج بكل دين يختلف عن مفهومو بالدين الآخر و بالتالي يا أما بكون الزواج مسيحي مثلاً و هاد بيحرم الطرف الآخر المسلم من حقوق أعطاه ياها الاسلام (تعدد الزوجات، القدرة على إنهاء الزواج بالطلاق في أي وقت............ إلخ) كما انو المسلم يلي بيتجوز زواج مسيحي لا يعتبر متزوج بنظر الاسلام فهو يزني و بالعكس أذا كان الزواج اسلامي رح يخلي الطرف المسيحي ينحرم من بعض حقوقو، كما انو رح يعتبر زاني و المشكلة الأكبر رح بتكون لما يصير في ولاد : يعني شو رح يكون دينون، وهل من الجميل لإنسان ما أنو يكونو ولادو من دين غير دينو؟ يعني أنا برأيي أنو أذا في شخصين من دينين مختلفين بدون يتجوزو ، لازم تنيناتون يتخلو عن دينون و يتزوجو زواج مدني فقط، و بهالحالة ما رح يواجهو اي مشكلة، بس هيك هدول بكونو جماعة مانون مؤمنين بدينون من الأساس و هيك صار الموضوع غير ديني وما في معنى للسؤال من اصلو بس أنا بالنهاية بدي أسأل أنو ليش السؤال هو عن زواج مسيحية من مسلم و مو عنى الزواج يلي بيختلف أطرافو بالدين ؟ |
اقتباس:
مين قلك انو "حب صادق" و مانو مجرد طيش صبياني... لانو غالبا هوي طيش و قلة عقل... لانو لو فيهم عقل ما كانوا اتجهوا بهل اتجاه و كانوا وعيوا عواقب هيك زواج بمجتمع عربي متحفظ.. ثم ما في شي اسمو حب صادق... الحب بيروح بعد شهرين 3 4.. او قول سنة سنتين... و اخرتها... اخر شي بيضل الاولاد..و المخانقات اليومية عن ليش عم تعلم ابنك هيك و هيك ما بيصير.. و ما في روحة عند اهلك و اذا بتدوسي اجرك برا هل البيت و الله لاكسرلك ياها :!: و ع فكرة المسيحية فيها تبقى مسيحية ان تزوجت بمسلم... بس المسيحي ما بيقدر يضل مسيحي اذا تزوج مسلمة |
اقتباس:
مين قلك هالكلام كلامك خطا يا اخي بالاسلام يجوز الزواج من مسيحية ويعد زواجا عاديا وليس زنا |
اقتباس:
يعني بحالة مسلمة تزوجت مسيحي بدون ما يأسلم... او مسلم تنصر و تزوج مسيحية.. او يمكن اي شي تاني غير متعارف عليه في الشرع الاسلامي |
اقتباس:
اقتباس:
لأنو القانون هيك بيسمح للمسلم يتجوز مسيحية و يضل محافظ على دينو ، و ولادو رح يحملو دينو قانوناً و ما بيسمح للمسيحي يتجوز مسلمة إلا اذا غير دينو و أولادو رح يكونو اسلام يعني بصراحة هاد سبب تاني بخليني كون ضد الزواج مختلط الدين إلى أنو يصير في عنا تكافؤ بالحقوق بين المواطنين على اختلاف دينون |
عيني اكيد ما بيسمحو لانو عنا نحنا بالاسلام ازا الوحده تركت دينها بتصير مرتده وبيصير لازم تنقتل
:D |
اقتباس:
و هادا تأكيد لفكرتي بعدم التكافؤ بالحقوق لأنو اذا مسيحي غير دينو للاسلام عنا بالبلاد العربية ما حدا بيحكي معو بس العكس ممنوع بالقانون و بالاسلام ومتل ما تفضلت رح يتبهدل و يمكن ينقتل على كل حال ما تفهمو أني ضد حدا بس الحق يقال و أنا ما عندي شي ضد الاسلام بالعكس أنا بعتبر أنو نحنا شركاء بهالوطن و بالقضايا الوطنية و الانسانية و يمكن أغلبكون بيعرف هاد الشي من خلال مشاركاتي بالموقع فخلينا كل واحد ياخد من دينو ........ولا حدا يتخلى عن دينو و يصير مرتد و ينقتل يعني متل ما بتعرفو اذا الواحد انقتل أكيد رح تنضر صحتو :pos: و ميت وردة لكل مين أدلى برأيو بهالموضوع :D |
اقتباس:
|
اقتباس:
بعدين مو كل زواج ناجح. ليش برأيك توافق ديانة الزوجين هي أساس نجاح الزواج. ياما في زيجات قامت عن مصلحة او إكراه، ياما في زيجات تظهر من الخارج مثالية وناجحة وتكون فاشلة. |
[quote="dimozi"]والله هاد الكلام كلو باش مبشوش
بشرفك مين علمك هاي ما أليان الحايك :wink: و على فكرة أنا ما مع زواج مسلم من مسيحية أو العكس |
مزبوط اخ أبو عضل ...
هاد الأخ اليان عليه حركات و حكيات حلوات كتير .... :P يعني بس كل الشباب ها اليومين عم يقولوا باش مبشوش و مبشوش و مدري شو خلينا نسمع حكياتك عطول أخ و اسلم ديموزي :D |
انا بحس انو لما واحد يتزوج من برات دينو غلط
لانو الدين متل مجتمع للواحد يعني كانو عم يتزج من غير مجتمع عندوون غير تقليد وغير طريقة بكلشي وما رح يفاهمو لانو كل واحد صار وكانو من مجتمع او كل واحد بيحكي بلغة غير التاني وبيفكر غير التاني حتى لو كانو بيبحوب بعض بس نسال ليش الواحد لحتى يتزوج من برات دينو شو بيخلي يعمل هيك بيجوز معقد يكون او هيك شغلات :D :D :D |
برأيي أنو لازم قبل ما نفكر انو الزواج قبل ما يكون بين مسلم و مسيحية هو زواج بين شخصين بيحبو بعضون , يعني مثلا أنا أبي مسلم و أمي مسيحية و لا بصغري و لا هلأ حسيت بأي مشكلة لأنو ولا واحد منون اجبرني على شي ولا حتى يعني تربيتي كانت على أساس ديني .
بس باعتقد انو هالزواج لو ما تم على أساس علماني ما بظن انو حيكون زواج ناجح |
اقتباس:
اقتباس:
تحياتي :D :D |
ممكن اسئل سؤال؟؟؟؟؟؟
الاخ اللي طرش السؤال ليش ما حطوا بالعكس كمان؟؟؟؟؟؟؟؟؟ شو راي الجماهير بزواج المسيحي من مسلمة؟؟؟؟ واذا حدا عم يسئل شلون خطر على بالي هالشي ؟؟؟؟ بقلكن بكل بساطة.......... على مبدأ ليش لأ |
هلأ وقت تكون عم تدور على إنسان يفهمك و يحترمك و يحبك من كل قلبه و تكون شخصيته متوافقة مع شخصيتك و كتير أحيان ما منلاقيه فتخيلوا لو لقيناه و كان من غير دين أو كان أسود أو حتى كافر شو المشكلة إذا كان هو المطلوب هو يلي منحس براحة غريبة حدو و هو الأمل بالنسبة إلنا و لما تكون هيك القصة حقيقية ما لازم شي يوقف بوجه هالشخصين
هلأ مشان رأي رشاقة و سعيد لما بنت أو شب بيختار شريك حياته رح يكونوا متفاهمين أكيد و آراؤهم وحدة أو قريبة من بعضها مشان هيك ما فينا نقول أنهم متل الجتمع و انشاء الله تكون فكرتي وصلت |
| الساعة بإيدك هلق يا سيدي 09:24 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون