|
ياحرام.... صارت بالتلاتين
ليش دايما عنا نظرة انو البنت بس صار عمرها او قرب عمرها من التلاتين لازم تبلش بالعد التنازلي لعمرها وكأنها صارت عجوز وخلص عجزت عن العطاء :frown:
برأيكن هالشي بسبب التغييرات الفيزيولوجية اللي بتصير بجسمها؟؟؟ بس مابظن..... لانو لسه بالتلاتين مارح يظهر العمر عليها لانو اذا لسه ماتزوجت مابيضل في شب بيقبل فيها؟؟؟ كمان مابظن..... لانو عموما تأخر سن الزواج وصار في بنات كتير عم يتزوجو بعد التلاتين وحتى احيانا بحيطان الاربعين طيب البنت متل الشب بالتلاتين بتكون لسه بقمة العطاء..... لسه فيها تدرس وفيها تشتغل وفيها تتزوج وتنجب اطفال بقى حدا يفهمني ليش هالرعب من عمر التلاتين :jakoush: |
عمريش سمعت هيك شي عادي سن التلاتين زيو زي غيرو
ومشكورة على الموضوع :oops: |
اقتباس:
طيب تمام ومشكور عالمرور :D |
اقتباس:
|
اقتباس:
هلق منشان النظرة انو صار عمر البنت 30 او قربت عليه ولازم تبلش العد التنازلي انا بقول هاد كان زمان هلق ما كتير حدا عم يفكر بهالايام بعمر البنت والسبب امور كتيرة واهما الدراسة هلق منشان التغيرات الفيزيولوجية كمان متل ما ظنيتي لانو ما بيلحق لسى يبين عليها واسم الله بنات هالايام ما عم تعرفي تحطيلن عمر لك بيتمو صبايا - امثال الفنانة سلمى المصري والمذيعة ماريا ديب - :p وانو منشان الزواج وتاخرو كمان متل ما قلتي مانو سبب لانو صار تاخر الزواج امر طبيعي ولابدمنو لبنت عندا هدف بدها تحققو راح قلك ليش الرعب بنظري هلق انا عن نفسي كتير فكرت بهالموضوع ما بنكر بس لقلك كيف يعني اتخيل انو راح تمرق هالايام وصير بال 30 دون ما حقق شي هاد كان يرعبني لانو قمة العطاء قبل التلاتين بس هلق ما بيسببلي التفكير بهالموضوع اي زعل بالعكس يا ستي والله بحب بتعرفي ليش لانو عملت كل شيي كنت احلم فيه سابقا طبعا الطموح ما بيخلص بس مقارنة بعمري بعتقد ما ضيعت وقتي :lol: درست واتخرجت واتزوجت وانجبت ولسى معي وقت قبل التلاتين :p بس الطموح بيتطور كل ما اتقدمنا بالعمر اما اللي ما عندو طموح واللي ماعندو شي بحياتو بينرعب اكيد من هالعمر لانو ما قدر يحقق شي بهالسنين اللي راحت :D |
احنا عندنا بالمدينه الي احنا فيها البنت اذا وصل عمرها 20 وما تزوجت بيقولو عنها عانس وفرصة انها تتزوج بتكون قليله كتير
لانه شعبنا لساته بيأمن انه الشب بياخد بنت 16 على شان يربيها على ايده :lol: وهادا تخلف :pos: |
ما بدي علق
:frown: :frown: :frown: :frown: |
اقتباس:
|
اقتباس:
ومعك حق يمكن اكتر شي بيأثر هوي شو اللي حققتو البنت قبل ماتوصل لهالمرحلة |
اقتباس:
الله يعينكم:D |
اقتباس:
|
خليني قليك شغلة
هلق اذا بتشوفي باميركا و اوروبا يعني عمر تلاتين هوي يعني متل ما بقولو صبا بالنسبة للغرب يعني بنت عمرا تلاتين و مانا متزوجة يعني عادي جدا كمان بجوز لأنو عند الغرب البنات بشكل عام بمرو بعلاقات متعددة متل الزواج بس مش زواج طبيعي يعني بجوز هاي نقطة مهمة . بعكس عنا يعني عنا البنات بشكل عامن عم نحكي ( اكيد في حالات " خاصة " مش شاذة ابدا ) مش مارين بأي علاقة من اي نوع تاني غير الحب و اكتر من الحب يعني ناطرين شي او متعلقين بشي لحتا يجي . لهيك بجوز اذا تأخر نصيبون يقولو عنسنا او اهلون يقولو عنست البنت النقطة وين بالنسبة للتفسير العلمي العمر تلاتين ما الو اي تأثير عالبنت بالنسبة للجانب العقائدي " التخلفي " هوي شي خاطئ تماما لأنو البنت كل ما كبرت كل ما زاد حلاها ما بظن اني جبت النقطة من الصميم يلي بعقلي ما عم اقدر طلعو شكرا امرءة من ورق موضوع رائع بدو شوية مخمخة :D |
اولا شكرا لصاحبت الموضوع على هذا الطرح
ثانيا كما قيل عن عمر المراة : في العشرين مثل كرة القدم يجري وراها 22 وفي الثلاثين مثل كرة السلة يجري وراها 10(يعني مازال عندك امل) اما في الاربعين زي كرة البيسبول يجري وراها واحد وفي الخمسين زي كرة التنس كل واحد يرميها للاخر وفي الستين زي الغولف كل واحد يحاول يرميها بالحفرة اقول بعد هذا ان في المجتمعات الشرقية المراءة تشيخ بسرعة مذهلة اقصر من عمر الزهور ، فبعكس المجتمعات الغربية بسن الثلاثين والاربعين ربما تعرف الحياة او الزواج فهوا سن النضج العقلي ولكن ليت المجتمعات الشرقية تعرف ذلك ، ولكن المجتمعات الشرقية بعادته ربما ثقيلة الدم اصبح عندما تتعدى الفتاة عمر 20 وتقترب من 30 اصبحت امراة متمردة غير مفيدة بالمجتمع |
قالوا عن المرأة الفتاة تحب • في الرابعة عشرة من عمرها لتتسلى .... • وفي الثامنة عشرة لتتزوج ... • وفي الثلاثين لتتأكد من احتفاظها بجاذبيتها .... • وعندما تصل الأربعين لتنسى الشيخوخة... إذا تقدم رجل لامرأة ليخطبها : • وكانت في العشرين من عمرها سألت في هدوء: كيف هو ؟ .... • وإذا كانت في الثلاثين تساءلت باهتمام : من هو ؟ .... • أما إذا كانت في الأربعين فإنها تصرخ:أين هو ؟!! المرأة في الثلاثين برأي هو سن النضج الكامل وهو السن الذي يسمح لها بالخيارات الاكثر دقة في حياتها .... بغض النظر كيف ينظر المجتمع لدينا للمرأة ... إلا أن المرأة وبرأي الشخصي في سن الثلاثين قد إكتسبت الخبرة اللازمة للحياة كي تنتطلق إليها وهذا يعني بدايه العد التصاعدي وليس التنانزلي... شكرا على الطرح المفيد دمتم بود :D |
اقتباس:
بالنسبة للنقطة الاولى واللي هي المقارنة بين المجتمع الشرقي والغربي صارت واضحة وبوافقك عليها لحد كتير كبير بس بالنسبة للباقي بالفعل مو كتير وصلتنا الفكرة وياريت اذا معك وقت ترجع توضحلها :D |
اقتباس:
ياخيي المرأة انسان متلها متلك مابعرف كيف تشبها بكرة....... يعني اهانة كبيرة لانسانيتها |
اقتباس:
|
اقتباس:
طبعاً اللي أضفتو ما بيعني إني متقبلة فكرة إنو الفتاة تصبح منبوذة في سن الثلاثين من قبل الراغبين بالزواج. وكمان بتصور إنو ما بئا تضبط هالشغلات في وعي بما فيه الكفاية ليساعد على تخطي هالحواجز. شكراً إمرأة من ورق:D |
اقتباس:
بس الحالة اللي عم تحكي عنها من توقف الانجاب هيي سن اليأس والوضع العام انها بتصير بين الاربعين والخمسين........ هلأ في حالات بتصير قبل او حتى بعد بس بتكون حالات نادرة ومع ذلك حتى لما بتوصل المرأة لسن اليأس مو المفروض انها تحس انو انتهت حياتها لانها قادرة تعطي بكتير مجالات واكيد هيي انسان قبل اي شي يعني مو مهمتها بالحياة الانجاب وبس :D |
أنا برأي هالشي مرتبط بالعقلية الشرقية ( المتخلفة ) ......
لأنو الزواج هو أولاد و فقط بالنسبة للشرقي .... و متل ما قالت نيرفانا الينت بتبلش تفقد من خصوبتها كلما طلعت فوق الثلاثين ...... لكن بالغرب الموضوع أقل من عادي و النساء بتفتخر بعمرها ( خصوصا لما بيكونوا ما زالوا جذّابات ) .... و في كتير بالغرب بدون يتزوجوا الإنسانة ياللي بيرتاحولها و بيريدو يمضّوا باقي حياتهم معها بدون ما يكون للإنجاب أي أهمية بذلك ....... المهم حياته للشخص نفسه ...... |
اقتباس:
أنا ما قلت إنو انتهت حياة المرأة عند هالمرحلة أنا علقت على نقطة معينة بالموضوع أنا رأيي الشخصي إنو الإنجاب بحياتو ما كان سبب رئيسي لتتوقف الحياة الزوجية وذكرت هالكلام بمشاركة تانية معك . أما بالنسبة لأنو المرأة إنسان فهي أكيد ما رح نختلف عليها وأكيد مو مهمتها بالحياة الإنجاب وبس أنا ضد هالفكرة أساساً.والمرأة قادرة تقدم لمجتمعها متل ما بقدم الرجل وأكيد هي عنصر فاعل بالمجتمع . |
اقتباس:
|
اقتباس:
|
اقتباس:
خلينا نبلش من البنت نفسا انو هي صار عندا هالهاجس وهي بترجع متل ماقلنا للتربية والعادات انو يابني صار عمرك 22 سنة ولسى ماحدا خطبك او حدا دق باب بيتنا ياحسرة عليكي يابنتي صرتي بايرة او معنزة (تخلف) هلئ هادا الشي بياخدا لشغلة تانية ويمكن انحكى فيها انو شو هو سن الزاوج المثالي للبنت او للشب ؟ اما بخصوص التلاتينات انا واكيد في غيري بيعتبر انو البنت بهالسن قادرة اكتر من اي سن تاني على تحمل المسؤلية وحتى للشب كمان لأنو ببساطة الزواج هو عبارة عن مؤسسة مو بس علاقة جنسية يعني في تحمل مسؤوليات في واجبات في التزام ..........الخ والمشكلة الكبيرة انو البنات صارو يعتبرو حالن كبرو على الزواج بعد عمر 25 انو ليش يعني؟ واذا بدنا نحكي من الناحية الطبية وحسب معلوماتي انو البنت فينا تضل تجيب ولاد لسن 42 يعني لحتى توصل لسن اليأس طبعا حسب طبيعة كل بنت من الناحية الفيزيولوجية وناحية تانية حكي الناس والجيران والاقارب انو يافلانة ليش لهلئ ما تزوجتي والانكى من هيك صارو يحكو على الشب انو صار عمرك هالعمر ولهلئ ما تزوجت اكيد في شي وخدو بئا على قصص وسيّر |
اقتباس:
ومع حق وخصوصا بالنقطة الاخيرة وهيي حكي الناس اللي دخلو واللي مادخلو ونقون :cry: |
أول شي في طلب من غاليتي أمرأة من ورق ... معلي وقت تقتبسي رد حدا مشان تشكريو ما تقتبسي الرد كاملاً كتير عم تطول الصفحة .... أما بخصوص الموضوع أنا لست مع تهميش أية فئة عمرية من أية حياة أنسان ..اللي حابة تتجوز بالخمسين هي حريتا ... بس أنا برأيي أنو الزواج المتاخر ألو مساوئو كما الزواج المبكر ... الأولاد قضية مهمة كتير .... الفارق الكبير بينون ويبن أهاليون أنا ما كتير بحبذو .... اقتراب سن اليأس وترافقو مع بدايات الزواج كمان مو كتير صحي للزوجين ....
|
هيك مجتمعنا مجتمع تعبان
وعنجد هي فكرة كتيرة حساسة انو عنجد لم بصير عمر المرة فوق التلاتين وماتجوزت فهي شغلة كبيرررررررة كتير والبعض وبكل صراحة بقول عليها عانس ;-) |
شكرا لأمرأة من ورق على هل الموضوع الحلو ..
وانا مع التطرق لهيك سلبيات بمجتمعنا .. بالفعل الموضوع حصد كل الإجابات المستحقة إلو .. بس في عندي نقطة .. الشباب الي علئوا على الموضوع كتبوا بكل دبلوماسية .. ومثالية . .. وهاد شيئ حلو كتير .. بس السؤال .. هل فعلا كلهون مستعدين انهون يكونو مــــــــن اللي راح يغيرو المجتمع .. او بشكل أبسط .. هل فعلا بوافقو الإرتباط بفتاة .. صارت بالتلاتين ( يا حرام خخخخخخ ) وبتمنى تكون الردود بصراحة ... وشكرا الك مرة تانية |
اقتباس:
اقتباس:
فيني قلك انو ما بدي علق لانو موضوع حساس جدا جدا ويمكن أنبحت بفرد مرة لهيك اذا ضليت ساكتة احسن |
اقتباس:
وحقك وحق الاخوية على راسي...... وشكرا كتير هالتنبيه:D اقتباس:
اما منشان الزواج المتأخر.... اكيد اذا متأخر زيادة كتير بيكون الو شوية مساوئ.... بس مع ذلك انا مع الزواج الاقرب للتأخر يعني صح بيكون في فرق عمر كبير بين الاهل وولادون بس برأيي هاد شي من مصلحة الاولاد اذا كانو الاهل على وعي كافي وقدرو يكسبو الاولاد كاصدقاء بالرغم من وجود فارق كبير بالعمر..... وليش احسن؟؟ لانو اول شي وعي الاهل يفترض يكون زاد وحتى عواطفون نضجت اكتر وبالتالي تعاملون مع الاطفال يفترض يكون احسن الى حد ما بالاضافة لانو بيكون في استقرار على كافة الاصعدة سواء من ناحية عمل الاهل والوضع المادي وبالتالي بيكون الطفل قادر يعيش استقرار اكبر |
اقتباس:
بس شو الحل؟؟؟ وع فكرة الموضوع اكبر من موضوع عنوسة وبس يعني اذا بنت قررت تكمل دراسة وعمرها قرب من التلاتين بتشوف الكل بيبلشو ينقدوها انو شو بدها بالدرس بعد هلأ ومن هاد الحكي :pos: |
اقتباس:
وانا بانتظار اجوبة من الشباب |
عمريش سمعت هيك شي
|
اقتباس:
|
اقتباس:
|
اقتباس:
بكل الاحوال هاد شي بيطمن انو يمكن هالظاهرة عم تخف او خفيفة ببعض المناطق وشكرا الك:D |
اقتباس:
|
ولي !
بالنسـبة الي ،، انا سمعتش هيكش شيش من قبل :p .. يمكن الموضوع مجرد ظلم للمرأة ،، لأنو موجود بكل المجتمعات بس بمجتمعنا مركزين عليه اكتر ،، لأنو منشوف انو المرأه هي بس للـ بيت و الزواج ،، و بعد الـ30 بتصيـر (( مو مرغوبة متل قبل :pos: )) ولما يناقش المجتمع العربي انو المرأة لها حق بالحياة و هي المرأه العاملة و المُدرسة و .. و .. فهي كلها شكليات اخدناها عن المجتمع الغربي ،، لأنو بالعمق منشوف المرأه : 1. للـزواج ( و فهمكم كفاية ) 2. المرأة الأم ( اكل و طبخ و غسيل و شوية حنية ) .. مشان هيك سن الـ30 بيرافقو العديد من خيبات الأمل اللي بيفرضها المجتمع ،، مو المرأه .. طبعاً الـ30 هو لسه سن الشباب ،، يعني ما بقدر قول انو ختيارة ابداً ، بس المجتمع بيفرض هالشي ، حاليـاً البنت عم تصل لعمر الـ30 و محققة انجازات خيالية من علم و معرفة و تعلم و عمل و .. و .. بس طموح البنت غالباً بينحد بالزواج ، و الزواج يعني العائلة و الأطفال و بعد الـ30 بيكون صعب انها تجيب اكتر من ولد علمياً .. بالإضافة ، البنت كتير بيهمها الشكل و الجمال ،، و بتصل للـ30 بتبدا علامات الكبر عليها ،، و بتبدا بحرب ضد الشيخوخة ... و ياعين و ياليل :cry: .. و للأسف المجتمع بيزيدها ع قولة : كبرتي و ختيرتي و شو مشان عم يشيبو شعراتك .. و .. و ... حديث طويل كتير و متشعب،،و انا رأيي مع ري مي:deal:..خليها بدون تعليق احسن ما ننبحت :ghazool:!! |
اهلين غزول :D
معك حق بكلشي حكيتيه..... بس دخيلكن انبحتو ولا يهمكن اصلا هوي موضوع انبحاتي بقوة :shock: :lol: |
اقتباس:
يعني خيتوووو بدك الصراحة انو كمان البنت اللي عمرا 17 سنة غير البنت اللي عمرا 30 سنة مثلا ومشان هيك صار عند الناس هالفكرة المتخلفة شوي انو الوحدة لما بتصير فوق ال 30 فهي بكون كبرت وبلشت تعنس :D |
| الساعة بإيدك هلق يا سيدي 06:47 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون