|
كل مين مشاغب بصفو يفوت لهون ...
أتذكرون أيام ولدنات الإعدادية و الثانوية والأنكلة والتأريق والأساتذة الخالصين والطلاب الأخلص منهم ؟؟؟
أكيد كل واحد منا الو قصة كوميدية صايرة معو وربماوكل منا ربما يعتبر مدرسته الرائدة في فنون الشغب .... بقا هاتوا شو في عندكون من قصص الشغب خلال أيام المدرسة , مع انو الكتابة غير الحكي , والحكي غير معايشة القصة على الطبيعة .. ولح بلش أنا , حاكم صاير معي قصص كتير .... |
القصة الأولى :
أحد الأساتذة الخالصين أردنا انو نخلص عليه فوق ما هو خالص اتفقنا عند دخول الإستاذ أن نضع عيونا جميعا ً في زاوية الصف دخل الأستاذ ... السلام عليكم ... ما حدا لحدا الطلاب ينظرون إلى الزاوية أدار وجهه إلى الزاوية لم يرى شيء , أعاد نظره إلى الطلاب ما زالوا ينظرون بالزاوية ..... يا أبنائي طلعوا لعندي ما حدى لحدى الكل حاطط عينو بالزاوية .... وكل واحد من الطلاب عامل وضع هو وعم يطلع عالزاوية شي صفنان فيها وعم يكفر بالعبري شي عم يزورها شي عم يتعجب شي مدهوش شي حزنان .... الأستاذ طلع هيك : يا ولاد الحلال طلعو لعندي و ما حدا لحدا و الكل على وضعو يا شباب .. يا ناس يا عالم يا هو .... الكل عينو بالزاوية حمل حالو وفات لجوى عند الطلاب وحط إيدو على طالب قلو ولا ليش عم تطلع عالزاوية؟؟ جاوبو الطالب وهو عم يطلع عالزاوية :لا ...... ولا شي ..........طبعا ً ما زال ينظر إلى الزاوية بدون ما يطلع بالأستاذ ... دار وشو على باقي الطلاب و لساتون على وضعهم عم يطلعو بالزاوية .... وهون الأستاذ فقعت معو وبلش يسب على أبو جنب وطلع عند الموجه وبلش يعيط .. ولم العالم وطلعو الأساتذة من شعبهم ونحنا بالصف فاقعين ضحك وبعدين فات الموجه لعنا وبلش يقول : ولك يستر ع عرضكم ولك يسترع حريمكم ولك كلو فيوز واحد يلي بقيان عند أستاذكم مشان يلي خلقكم حلّو عنو بقا .... |
القصة التانية
مرة كنت بالعاشر وكان عنا حصة قومية وبصراحة كنا ننعس بهالحصة لأنو آنسة القومية فايتة بالحيط وحديثها بيديق الخلق , وفوق هيك أبرد من البراد ... المهم اتفقنا انو نشتري لازق جرادين ( انتو اكبر قدر ) وانتظرنا لحتى صارت حصة القومية وحطينا لزيق على طوبة الباب وسكرنا الباب وإذ بآنسة القومية جاية هيك وفرحانة بحالها وبدها تفتح الباب وبتعلق إيدها وبتصرخ متل زمور الخطر ... بجية أستاذ العسكرية ( لأنو كان يحبها ) ... وبعد قال وقلنا انفكت ايد المخلوقة ونزلونا ع الباحة مشان يعاقبونا ( وهو المطلوب ) والشباب كلها فاقعة من الضحك وما عم نحسن نمسك حالنا المهم حاول أستاذ العسكرية انو يعرف مين حاطط اللزيق وعجز لأنو ما كان بالصف فسافيس المهم انقضيت الشغلة بعشر عصايات على ايدينا وكانوا على قلبنا متل العسل لأنو كنا عم ناكل العصي ونحنا عم نضحك من الموقف وأستاذ العسكرية كلمالو يتجاكر .... لأنو كنا ما شاء الله متل التماسيح , يعني ما حدا حس ولا بعصاية وحدة ... |
القصة التالتة :
استاذ لغة عربية خالص طلب من طالب في منتهى الخلصان و نو يروح ويعبي طوبة المازوت على أيام صوبيات راح الطالب ورجع ومعو طوبة المازوت وبمنتهى الذكاء بدال انو يحطها على القمع حطها دغري فوق الصوبيا وهبت بوشو فقفز الطلاب من على مقاعدهم وبدل أن يطفئو النار حملوا حقائبهم وركدوا و راحوا يحتفلوا ويغنون عالصريفة والليفة... محتفيلن بانصرافهم مبكرين بسبب الحريق والأستاذ بقي بداخل الصف يسب ويبهدل … إلى أن جاء طلاب الباكلوريا وساعدوه في اطفائها |
القصة الرابعة
طالب ضربته الأنسة الحسناء ظلما ً متعمدا ً بالعلامات فقال لها لعيونك و هرب بعد انتهاء الحصة و ذهب إلى بيته و أحضر بيضة أفرغها ثم عبئها حبر أزرق ولزقها.... ووقف أمام باب المدرسة منتظرا تلك الأنسة الشقراء التي كانت تمشي بخطوات واثقة وما أن ظهرت أمام عينيه حتى سفقها البيضة وهرب .. وراح الحبر معطيا لوحة تشكيلية جميلة مع شعرها الأشقر…. شباب هدول استفتاحة بس ولسه عندي شي مليون قصة ... |
هههههههههههههه
حلوين كتير اييييييييييييي في كتيييييييييير شو بدنا نحكي لنحكي عنجد الله يعين الأساتزة والله ما عندي استعداد صير إستاز إزا بطوبولي مدارس الهند والسند لعما والله معالجة الطلاب بتقصر العمر 100 سنة يعنيي اللي مكتبلو يكون استاز بكون بالأصل عمرو شي 170 سنة بس بطيرو ال 100 بالمعافرة مع الطلاب بقى بموت بعللو بال 70 ;-) :lol: :yahoo: :yahoo: :yahoo: :yahoo: :yahoo: :yahoo: |
اقتباس:
ع راسي حارتك لسه في شغلات افظع من هيك بكتير جاية ع الطريق وفي شغلات مشفرة ما منقدر نحكيها .. شنو في بنات :yahoo: |
ولك وائل يعدمني ياك وين هالغيبه والله الك وحشه :?
|
ههههههههههههههههههههههههه هه
ههههههههههههههههههههههههه هههههههه ههههههههههههههههههههههههه ههههه اشي فاخر من الاخر اما انا وصحباتي كنا قاعدين بأخر كرسي بالصف ومعروف اي شي بصير انه أحنا طبعا صفنا فوق بالطابق التاني ونحنا جمب الشباااك :sosweet: وبتعرفوا الشباك ماعليه شبك لان خزقناه حتى نكب منه الورق والبزر وفي مشرفه كانت وقافتلنا بالزور اتفقنا انا والبنات انه بس تمرق نكب عليها قنينه مي حجم عائلي وفعلا انكبت المي على راسها وشعراتها وقفوا وبعد العمله خلينا كل الصف يطلع حتى ما يعرفوا انه أحنا :sosweet: |
اقتباس:
اهلين ست علوش والله ع راسي حارتك يا ورد :D |
حيووووو ترموسة
بس حدا بيكب مي ؟ كنتي كبي كولا او شي بيدبق خليها تتعذب بالحمام شوي :gem: |
اقتباس:
|
اقتباس:
|
اقتباس:
بالله وين كنت :lol: |
والله كنت مشغول كتيييييييير
دراسة وشغل ومليون شغلة فوق راسي بعدين ما بتعرفي تسألي عني وتطمني عني ؟ :shock: |
والله كنت مشغول كتيييييييير
دراسة وشغل ومليون شغلة فوق راسي بعدين ما بتعرفي تسألي عني وتطمني علي ؟ :shock: |
اقتباس:
كنت بدي اسال يمان بس كمان هوه ماعم شوفه :? |
اقتباس:
شو هادا؟؟؟؟ والله طلعتي مانك قيلية تورموسة!!!!! فكرتك عاءلة!!! |
اقتباس:
|
اقتباس:
|
اي كلي زعتر لكان
لأنو بيقوي الذاكرة :gem: |
اقتباس:
|
كلي هوا لكان :o
على شوكولا ... :p |
انا ايام المدرسه كنت عاقل :lol:
|
اقتباس:
قال عاقل!!!؟؟؟؟ سبحان الذي خلقك ما أعئلك!!!! أي!!! :shock: :shock: :shock: :yahoo: :yahoo: :yahoo: |
اقتباس:
حرام عليك حتى اسأل الآذن (البواب) كان كل يوم يحطلي علامه زياده على شان انا عاقل :lol: |
هههههههههههههههههههه
بس أي بواب فيهم؟؟؟ لحسن حظك البواب القديم اعطالك عمره1!!!! |
هههههههههههههه كل القصص بتجنن بس انا عندي قصه احلا وبسببا عدت السنه كا عنا استاذ مصري(مع احترامي للمصرين) غليظ كتير واتفقنا ان نعملو شي مقلب وانا كنت صاحب الفكره مشان هيك عملتا (يا ريتني ما عملتا) المهم الفكره كانت نشتري جاجه مو ميته اكيد عايشه ونرميا عالأستاذ من كتر ماني فهمان رميتا من الشباك على وشو (الوجه) اما خربتلو وشو وكسره نظارتو ام صارت عيونو تدمع وراح عالمستشفى بسبب ارتفاع الضغط وان راكد بدي اهرب شافني المدير وفهمكون كفايه عمل فيني بلاوي ما بتنحكى ابووديع |
اقتباس:
|
انا قصتي كتير قريبة لترموسة بس انا ساويت هالشي مو بقصدي
كنا بالتاسع وانا ورفيقتي عم نتراشش بالمي ومروقين ونط هالشي قبل حصة العربي رفيقتي هربت مني لبرا الصف وانا عم استناها لتفوت وتخبيت ورا الباب انفتح الباب ورشيتها وياريتني ما رشيتها طلعت انسة العربي يلي فايتة وانا كنت عم قول لحالي ليش الصف سكت وماحدا حكى كلمة انا وقت شفتها ماعرفت شو بدي ساوي بس فرطت ضحك ورحت بكل ثقة طالعت محرمة من جيبتي وعطيتها ياها بس فصلوني 3 ايام بس لهلا كل ما اتذكر هالموقف بفرط ضحك |
يحرق حريشك يا بنت الشام ....
اي كنتي اتأكدي بالاول مين اللي فات منيح اللي آنسة العربي مو المديرة كنتي رحتي فيها فصل نهائي :o على فكرة منيح اللي ذكرتيني بالموضوع لح ارجع كملو .. |
لك والله في كتير قصص الواحد لازم يحكيها;-)
مشكور عالموضوع :D |
اقتباس:
احكي خيو احكي ... ع راسي |
حاحكيلكن موقف صار معي مرة
هربت انا ورفقاتي من حصة التاريخ وتخبينا بالحمامات والانسة شكت انو نحنا هربانين انو مو معقول شلتنا كلها تكون غايبة طلعت الموجهة عم تدور علينا فاتت عالحمامات قالت في حدا هون ورفيقتي من جدبتها ردت التلها لا ونحنا الكل فرطنا ضحك وانكشفنا واكلنا كم مسطرة |
و الله ذكرتني بشغلات كتير حلوة هي الءصص يســـلموا كتير ..:ghazool: ..
و بدي أحكيلكون شغلة شو جاهزين .....:shisha: ..... هادا بزمناتو كنت شرير كتير بالمدرسة..:blow: ...و بحب المءالب كتير و مرة من المرات بحصة الرسم بصف العاشر عند الأنسة غرام...:yahoo: ...ما علينا...:larg: ....المهم كنت عم ضوج و خبط و عيط وشاغب و نكت ...:clap: ....فالأنسة جنت و ءلتي ولا محمد ؤوم عند عند سلة الزبالة و الله انا ما كذبت خبر رحت لعند السلةجبتها و حطيتها جنبي بالمقعد.....:lol: .... فالأنسة جمدت و ما عرفت شو بدها تسوي فحملت حالها وراحت....(حردت).......بطلت تكمل الحصة و بطلت تعطي شعبتنا ..............:tomtom: ............... |
و الله ذكرتني بشغلات كتير حلوة هي الءصص يســـلموا كتير ..:ghazool: ..
و بدي أحكيلكون شغلة شو جاهزين .....:shisha: ..... هادا بزمناتو كنت شرير كتير بالمدرسة..:blow: ...و بحب المءالب كتير و مرة من المرات بحصة الرسم بصف العاشر :gem: عند الأنسة غرام...:yahoo: ...ما علينا...:larg: ....المهم كنت عم ضوج و خبط و عيط وشاغب و نكت ...:clap: ....فالأنسة جنت و ءلتي ولا محمد ؤوم عند عند سلة الزبالة و الله انا ما كذبت خبر رحت لعند السلةجبتها و حطيتها جنبي بالمقعد.....:lol: .... فالأنسة جمدت و ما عرفت شو بدها تسوي فحملت حالها وراحت....(حردت).......بطلت تكمل الحصة و بطلت تعطي شعبتنا ..............:tomtom: |
مدري ليش طلعت مرتين :shock:
|
| الساعة بإيدك هلق يا سيدي 10:14 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون