العلويون.. بعد سقوط بشـار
 

تنطلق أسئلة صادقـة اليوم، بعد أن صار سقوط بشار وحكمه أمراً وارداً، تقول هذه الأسئلة: ماذا يحـل بالعلويين بعد سقوط هذا النظام!!؟
وجوابـي على ذلك:
1- هذه الأسئلة تفترض أن العلويين مشاركون بهذا النظام، فسقوط النظام سقوط لهم، وهذا الافتراض غير صحيح، نعم بعض العلويين مشاركون في هذا النظام، وخاصة في وحدات الأمن، وفي الجيش..ولكن أكثر من نصف العلويين مسحوقون مع بقيـة الشعب السوري، سلبت حقوقهم، وسقاهم النظام كؤوس الذل والقهر كما سقى غيرهم..
ولنقرأ ما كتبـه (مواطن سوري) ويتضح أنه (علوي) في موقع (سورية) يوم (5/9/2006) يقول:
(في البداية، ليس من المبالغة الزعم بأن كثيراً من العلويين غير سعداء - على الأقل - بالنظام الحالي (يقصد نظام بشار). والأسباب الموجبة التي يروجونها هي:
- الفقر (مثلاً الأحياء العلوية الفقيرة حول دمشق، والقرى الفقيرة ونسب البطالة المتدهورة في المنطقة الساحلية، الخ).
- الاعتقال السياسي الذي لا يجرؤون على التصدي له (أمثلة: صلاح جديد وحزب العمل الشيوعي وعارف دليلة حالياً)
في مرحلة شباب آبائنا تحولت المدن الساحلية الواقعة في سفوح جبال الساحل مثل طرطوس وبانياس وجبلة واللاذقية من مجتمعات سنية صرفة إلى مدن حديثة متعددة الطوائف نسبياً. لكن خلال جيلنا (يقصد حكم بشار) تحولت هذه المدن إلى مدن فقيرة قذرة بسبب سياسات الفساد وسوء التخطيط والمحسوبية. وشاهدناها تتحول مسرحاً لمراهقي الجيل الجديد من عشيرة الأسد في القرداحة الذين يطلق عليهم أحياناً الشبيحة).
أقــول:
العلويون اليوم يرون الامبراطوريات الخيالية لرامي مخلوف، وماهر الأسد، وآصف شوكت، وغازي كنعان، وأمثالهم ممـن صاروا يمصـون دم الشعب السوري كله، بجميع طوائفـه، ويعرفون عن امبراطورية رفعـت الأسد الشيء الكثير..

وفي عيد الأضحى الماضي التقيت بزميل بعثي، وجلست أتحدث أمامه حول كتاب باترك سل الذي يؤكد أن جـد حافظ الأسد ليس علوياً، وأن الطائفة العلوية لاتتحمل أوزار الأسد..
كان زميلي البعثي يصغي بانتباه، وكنت أتوجس أن يثور في وجهي كل فينة، ولكنه قال واستغربت مماقاله: ـ هذا كلام جديد وجريء وثمين ويستحق الانتباه..
لذلك شجعني زميلي البعثي على طرح بقية المشروع فقلت:
والطائفة العلوية مظلومة، عندما نحملها أوزار حافظ الأسد، لم يستفد من فتات موائده أكثر من نصف الطائفة، وبقي نصفها الآخر محروماً فقيراً بائسـاً..
عندئذ لم يستطع زميلي البعثي أن يصمت فقال:
لا.. يا أستاذ هذا الرقم غير دقيق.. أنت ربما بعيد عن سوريا ولاتعرف الواقع، الذين استفادوا من حافظ الأسد من العلويين لايزيدون على (20 – 25 %) فقط، وهم أبناء أسرة الأسـد، وأخواله، ومخلوف، وأنسباؤه، وأقاربه، وباقي عشيرته،وبعض أزلام الطائفة الذين استفادوا من حكمـه بشكل خيالي.. وهؤلاء لايتعدون (25 %) من الطائفة العلوية، في حين بقي (75 %) من الطائفة يعيش في الفقر، أو تحت خط الفقر مثل نصف الشعب السوري كما يقول نائب رئيس الجمهورية السيد عبد الحليم خدام..
وتابع قائلاً: منذ أشهر زرت قرية من قرى العلويين، شرق طرطوس، تبعد عن الطريق العام كيلومتراً أو أثنين على الأكثر.. هذه القرية قد يصل سكانها ثلاثة آلاف نسمة، يشربون ماء العين (نبع طبيعي)، كما كان أجدادهم يفعلون، تأتي النساء، ومعها الحمير، وقد حمل عليها برميلان، فتملأهما بماء العين يدوياً، ثم تعود بالحمار إلى البيت.
والطريق الذي يصل القرية بالطريق العام والذي لايزيد عن (1 ـ2) كلم لايزال بدون رصف أو سفلتة، كما أن شوارع القرية كذلك غير ممهدة أو مسفلتة..
قلت لـه: ربما الموقع وعـر جداً، ويصعب تمهيد الطريق، وشوارع القرية!!؟
أجاب زميلي البعثي:
لا.. أبداً.. العقيد صبرة خازم صبرة، من أزلام الأسد، وهو قائد فرع المخابرات العسكرية في البادية (تدمر وما حولها)، حوّل معظم الاسمنت المخصص للبادية لمصلحته الشخصية، وبنى قصراً في الجبل، في مكان أكثر وعورة من هذه القرية، وبناه منعزلاً، وحده بعيداً عن الآخرين، بعد أن شـق له طريق الاسفلت قبل أن يسكن فيه، ومهد المنطقة المجاورة له ليزرعها بأشجار الفاكهة والأزهار..
ثم أردف زميلي البعثي يقول:
القرداحة وماحولها تطورت ألف مرة، بالمقارنة مع بقية الجبل، وفي القرداحة وماحولها قصور تفوق القصور في دمشق وضواحيها. والطرق تصل للقرداحة من كل الجهات، تمشي وسط الجبال والصخور، تلمع وتتلوى في الوديان كالثعبان، وبني فيها مطار خاص لاستقبال طائرة الأسد الخاصة..و.. و..
و(رامـي مخلـوف) بن محمد مخلوف (خال) بشار الأسـد، أعطي امتياز شركة الاتصالات للخليوي، وحرمت الخزينة السورية (700) مليون دولار لأجل عيون (ابن الخال)، ويصل دخل الشركة حالياً إلى (2) مليون دولار يومياً..
أما تركـة جميل الأسـد، شقيق حافظ الأسد، وهو رجل بسيط، فقد وصلت (4) مليار دولار، كما كشف ذلك خلافات ولده (منذر) مع آخر زوجات والده..
أما النهب الذي وفـره حافظ الأسد لأخيه رفعت، كي يثبت حكمه، فقد بلغ حـد الخيال الذي يكاد العقل أن لايصدقه..) انتهى كلام الزميل البعثي.
2- ينبغي توسيع السؤال وتعديلـه ليكون: ماذا يحل بأزلام النظام الأسدي بعد سقوط بشار!!؟ فأزلام النظام ليسوا من العلويين فقط، بل فيهم عدد كبير من المواطنين السـنة، وغيرهم أيضاً.. وهؤلاء الأزلام موجودون في الجيش بنسبة قليلة، وفي المناصب المدنيـة بنسـبة كثيرة، فماذا يحل بهؤلاء الأزلام كلهم من سنيين وعلويين وغيرهم!!؟
3- المشكلة في أذهان السوريين الذين لم يعرفوا حاكماً مدنياً، موظفاً يعمل ويسهر على راحة الشعب، السوريون لايعرفون إلا الحاكم (المتألـه أو المتفرعن)، أما الحاكم الذي لايستطيع أن يقتل مواطناً واحداً إلا بعد إحالته على القضاء الحـر العادل، ومحاكمته وتمكينه من الدفاع عن نفسـه، في المحكمة الأولى، ثم التمييز، ثم يصدر قرار القاضي بعد محاكمة علنية نزيهة.. هذا الكلام لايصدقه الشعب السوري لأنه لم يـره، ولم يقرأ عنه، ولم يسمع بـه في سوريا..
4- المشكلة في أذهان السوريين، أو قل في هذا الجيل الذي ولد في أوائل الستينات وعاش حياته كلها في قانون الطوارئ، حتى صار أمراً عادياً عنده، ورأى الجيش متحكماً في حياة الشعب، يتدخل في الصغيرة والكبيرة، حتى في قضايا الزواج والطلاق، ويهمل أو يترك عن عمـد حمايـة الحدود، وتحرير الأجزاء المغتصبة من الوطن كالجولان..معظم الشعب السوري الموجود اليوم لايعرف أن الجيش لايحق لـه الخروج من ثكناته إلا إلى سـاحة المعركة مع العـدو الخارجي، ولايحق لـه العمل في التجارة أو الزراعة أو الصناعة، ولايحق له المشاركة في الانتخابات إلا إذا استقال الضابط من القوات المسلحة..
5- المشكلة في أذهان السوريين اليوم الذين لم يعرفوا أن مهمة المخابرات العسكرية حماية الجيش (فقط) من جواسيس العـدو، والعمل على كشف مخططات جيش العدو، والتعرف على تشكيلاته وتسليحه ونوايـاه.. وأنه من العـار عند الأمم المتقدمـة حضارياً أن تتدخل المخابرات العسكرية في شؤون المواطنين، وعندما تفعل ذلك جعلت المواطنين في مكانة العـدو الخارجي الذي كلفت بمتابعـته والتعامل معـه..ولايعرف السوريون أن الأمن السياسي هو المسؤول عن المواطنين، من منهم خالف القانون المعمول بـه في البلد، وحاول مساعدة العدو الخارجي، وبالتالي لايتعامل مع المواطنين سوى الأمن السياسي وهو جزء من وزارة الداخلية وليس من وزارة الدفاع..

بعـد أن ذكرنا بواقع الشعب السوري، نذكر بمشروع المعارضة السورية، في الداخل والخارج، وقد نضجت المعارضة السورية، في سـجون النظام، وفي ديار الغربـة، ورأت في ديار الغربـة كيف يعيش البشـر؟، كيف تتعامل الحكومة مع المواطنـين.. [لاحظت في الجزائر في العقد السـابع من القرن العشرين أن الموظف يرتعد خوفاً أمام المواطن إذا صرخ المواطن في وجـه الموظف الذي عقـد لـه معاملتـه، يصرخ المواطن بكلمتين فقط يقول: ألست جزائرياً!!!؟، يتراجع الموظف عن بيروقراطيته، ويحل المشكل للمواطن بسرعة].. هكذا نضجت المعارضة، وذاقت طعم الذل والقهر والظلم وأعتقد أن المعارضة لن تفعل كما فعل النظام الأسدي في الشعب السوري، وأول الفوارق الهامة:

1- لن يكون الحكم القادم بعد سقوط بشار شمولياً، يقوم على فـرد، أو طائفة معينة، أو حزب معين، بل سيكون حكماً وطنياً تشارك فيه جميع فئات الشعب السوري..وبالتالي سيكون حكماً متوازناً، يختلف عن النظام الأسدي اختلافاً كبيراًجداً.

2- لن يكون الحكم البديل عن النظام الأسدي حكماً عسكرياً، بل سيعود فيه الجيش إلى ثكناته، يتدرب ويستعد لتحرير الجولان، ولمن يسمح للجيش بالتدخل في العمل السياسي.. وسيتولى الجيش مهمته الحقيقية وهي الدفاع عن الوطن ضد العدو الخارجي (فقط).. وسيكون حكماً مدنياً، يستطيع فيه المواطن أن يقيم دعوى على رئيس الجمهورية أو رئيس الوزراء أو الوزير، وعندما يقتنع القاضي الحـر العادل، بعد أن يقدم المواطن أدلـة كافية، وبعد أن يسمح للمدعى عليه بالدفاع عن نفسه، وقد يحكم القاضي للمواطن؛ وينفذ الحكم..

3- يجب أن يكون للقضاء في الحكم البديل مكانة كبيرة وعظيمة، وأن يكون القاضي مستقلاً، لايخضع إلا للقانون والدستور، ومجمع القضاة، لأن القضاء سوف يحل مشكلات كبرى.. كثير من المواطنين السوريين ظلموا وسوف يتقدمون بدعاوى لهذا القضاء، سوف يُدعى على أزلام النظام، من علويين، أو من السـنة، وسوف يمثل هؤلاء أمام القاضي، ويدافعون عن أنفسهم، ويحكم القاضي الحر العادل.. وتنفذ وزارة الداخلية قرار القاضي..

4- وسوف يتقدم المدعي العام بدعاوى ضد هؤلاء الذين نهبوا أموال الشعب السوري، ويسألهم (أنى لك هذا)، وعندما يثبت أنها سرقت، سوف يطلب منه إعادتها إلى خزينة الشعب السوري، بقرار من القاضي، وليس من المحاكم الميدانية، إذ لا توجد محاكم ميدانية إلا في ساحة الحرب، في خطوط القتال مع العدو الخارجي، أمام أن توجد المحاكم الميداينة في سجن تدمر، وكفر سوسة، وفرع فلسطين، وغيرها..فهذا من صفات النظام الأسدي الذي سيسقط إلى غير رجعـة بإذن الله تعالى..

5- إذن العلويون مواطنون مثل غيرهم، إذا تقدم مواطن بدعوى ضد أحد العلويين، يدعي فيها أنه قتل ولده، أو والده، أو أخاه، أو نهب مالـه، واستطاع هذا المدعي أن يقدم للقاضي أدلـة كافية، وحكم القاضي بصحة الدعوى، سوف يُقتص من هذا العلوي بقرار القاضي، يقتص منه الحاكم، وقد يتقدم مواطن سني أو علوي ضد مسؤول (سني) فيحاكم عند القضاء، وعندما تثبت صحة الدعوى يُنفذ فيه الحكم.. هكذا ينبغي أن يكون القضاء الحر العادل في سوريا القادمة، قوياً ونزيهاً وعادلاً، يخرج سوريا من أزمـة يبدو للبعض أنها مستحيلة الحـل، ويحذر من الفوضى، أو الحرب الأهلية..

6- سوف تستفيد المعارضة السورية من أخطـاء المعارضة العراقية، وهذه أهم الجوانب التي سوف تستفيدها:

1- عدم الاستقواء بالأجنبي، ومازالت المعارضة السورية التي ذاقت الويلات والمصائب، لاتقبل أن المحتل أفضل من المستبد..
2- لن يسرح الجيش، وسيبقى العلويون وغيرهم من أفراد الجيش في أماكنهم، إنما ستكف أيديهم عن التدخل في شؤون المواطنين، ويعكفون في ثكناتهم على الاستعداد لتحرير الجولان، وعلى السهر لحماية حدود سوريا من العدو الخارجي. وسوف تعود الوحدات الأمنية إلى مهامها الحقيقية من حماية الجيش والوطن من أخطار العدو الصهيوني وجواسيسه..
3- سيبقى الموظفون في أماكنهم، من أي طائفة، ولن يكون التعامل على أساس الطوائف، بل كل مواطن سوري لـه كامل الحق في العيش بحرية وكرامة، وليس من الكرامة تسريح الموظف مادام يقوم بعملـه كاملاً، ولم يخل بشروط العمل..

نسأل الله عزوجل أن يزيـح كابوس النظام الأسدي عن سوريا، وأن يهيأ لها حكماً صالحاً بعـده يخرجها من هذا النفق المظلم المجهول.. والله على كل شيء قدير..




د. خالد الاحمد - أخبار الشرق

الطائفة العلوية متل اي طائفة تانية بالبلد...فيها المتنفعين وفيها المعترين....صحيح النسبة شوي مختلفة عن باقي الطائف بس التنوع كمان موجود
ويوم بيتغير الحكم...اذا تغير...بيصير عليهم متل ما راح يصير ع كل هالشعب

هلق كل هاد موضوع ..:shock: ..يا ويلاه :?

بشرفي تسالي....

الموضوع فيه مغالطات كتير هاد اولا
تانيا متل ما قال ذا لايت...العلويين مو من الكريخ ولا عايشيين بدوله لحالهم وتباعه لسوريا...يعني اذا بصير شي بسوريا بصير ع الكل مو حدا معين

ياسيد
من وين ما كنت تكون
الشعب السوري من الشعوب النادرة في هذه المجتمعات
فهو لا يبني علاقاته بالركائز الطائفية 0 و سوريا الوحيدة في الوطن العربي اللتي ضمت تحت جناحها الكثير من الطوائف و المذاهب و الجنسيات العربية و الغير عربيةو جميعهم تتوفر لهم الفرص للعيش بكرامة و عز لا تتميز عن الشعب السوري قيد انملة
وان دل ذلك على شيئ فالدلالة هي التطور والتحضر بالعلاقات الاجتماعية و رحابة و كرم السوريين
اذا كنت من جماعة 14 شباط فروح خيط بغير المسلة
ويا ريت تلاقي شي موضوع تقدر تخلي السوريون يتفاعلوا معك اكتر
و يا اخي غير اللحن بقا مللتنا

اخ زاهي

بقللك انو فرضية سقوط الحكم اللي معنون فيه موضوعك..ستبقى فرضية

تانيا ...هالاقوال والاستنتاجات كل فرد بسوريا بيعرفها ..من صغيرون لكبيرون
وما حدا بيخاف يحكي فيها

بقى عمي روح احكي بشي يكون العالم التاني ما بيعرفو..وخيط عليه هدنك الوقت

سلام

هالحكي مزبوط تماما، أهلنا العلويين مننا و فينا، و يللي بصير علينا بصير علين و العكس صحيح، بس هنن حظن سيء إنو النظام الدكتاتوري الحاكم ينتمي لهالطائفة، و للأسف هالنظام عميدعم الزمرة الفاسدة بهالطائفة، و هي الزمرة الفاسدة هيي يللي بتأيد الرئيس و نظام البعث، و مصوا دم الشعب السوري، و صلوا مستواناالثقافي و المعيشي للحضيض، أما الباقي فهوي ضحية متلنا متلن.

لعمى على هالحكي هلق هيك نحنا :?

كتر خيرك يعني

عفوا لاوديسا، أكيد صار سوء تفاهم، أنا ما بعرف كيف فهمتيني، بعدين أنا بحترمك كتيير و مستحيل إجرحك، فقليلي شو فهمتي مشان وضحلك النقطة، لأن عنجد ما ني فهمان كيف فهمتي فكرتي.:?

ما فهمت شو قصدك هون ؟ و شو الحكي الغلط اللي قالو ؟:?

الفكره بتقول كل علوي بيؤيد النظام بيكون مص دم الشعب السوري، و صل مستواه الثقافي و المعيشي للحضيض،

وطبعا مو كل مؤيد هيك
في كل دول العالم المتقدم والمتأخر في فساد وفي كل شيء بس النسب الايجابيه للمجتمعات المتقدمه على حسابنا اعلى ونحنا نصيبنا النسب السلبيه .

بس طبعا في عالم كتير بتؤيد انظمتها لانها شايفه انها على حق او ان هاد واجبها ,
مو دايما كل مؤيد بيكون بيمص دم شعبو (هادول الممتصين والمنتفعين ) نسبتهم بسيطه جدا جدا
ما رح توصل ل 01% في اي مكان بالعالم

تحياتي محمد
بتخيل انو الكل قولوه لابوطريق شي ما قالو
كلامو كان واضح وهو قال بالحرف الواحد (و هي الزمرة الفاسدة هيي يللي بتأيد الرئيس و نظام البعث، و مصوا دم الشعب السوري، و صلوا مستواناالثقافي و المعيشي للحضيض، أما الباقي فهوي ضحية متلنا متلن) وهو قصد الزمرة الفاسدة المقربة من النظام ولم يقصد ابدا كل علوي يؤيد النظام
كلامو واضح لابو طريق وانتو عن تأولوه بطريقة مشوهة
ياريت الواحد يكون دقيق بكلامه ويا ريت ترجع تقرا كلامو بشكل دقيق
تحياتي

يعني بالمختصر , نسبة كبيرة من الفساد(يعني 90%) عم تيجي من العلويين بس هادا ما بيعني أنو كل علوي فاسد

كلام صحيح يا زاهي العلويين من اكتر الطوائف تضررآ بالحكم الاسدي
وصحيح ان بضعة افراد من قمة النظام الفاسد ينتمون للطائفة العلوية
بحكم الولادة لا غير الا ان هناك قيادات بالحركة الديمقراطية وبالمعارضة
السورية ايضآ فعارف دليلة وفاتح جاموس ونزار نيوف وحسيبة عبد الرحمن
وغيرهم كثر ايضآ وجميعنايذكر بوفاة باسل الاسد كيف كانت مشايخ السنة
كالبوطي وكفتارو وشيخو يتبارون في لعق حذاء حافظ الاسدوالتطبيل والتزمير
له واعتبار ابنه شهيد بينما القى الشيخ العلوي لجامع القرداحة كلمة مختصرة
اعتبر فيها وفاة باسل نتيجة طبيعية لولادته طبعآ هذا مثال ليس آلا
وسوريا الغد بعد الخلاص من الاحتلال الاسدي ستكون مضرب المثل للمساواة
والعدل واي كلام عن حكم اصولي سني يعقب سقوط هذا النظام هو محض
هراء اطلقته ابواق هذه السلطة لتبرير وجودها التسلطي الغاشم ليس الا

شكرا كتير the light عنجد فهمت عليي تماما، و وضحت وجهة نظري بالكامل، و ما رح زيد عيللي حكيتو حرف واحد، فعلا إنك أصيل، و زينا كمان شكرا كتير إلك يا ملكة على فهمك و موقفك الراقي النبيل، و عزيزي الغالي محمد ابراهيم لو عايش بسوريا كان فهم شو أصدي، المهم شباب، حصل خير.;-)

أما أخي بورخيس، هادا الشيخ يللي عمتحكي عنو مستحيل يحكي هالحكي بإرادتو، يا أما مخابرات و هنن قالولوا قول هالحكي، أو بكون مدعوم و مو فارقة معاه، يعني مو معقول نكون عايشين بأوروبا و مو عرفانين، بس هادا مو مبرر أبدا لبعض الشيوخ من إنن يمسحوا جوخ، و كمان مو سبب لأنو يكون في عنا حقد لطائفة معينة أو دين معين، وأنا بأيدك إنو سوريا الغد رح تكون مضرب المثل بالمساواة.

تسلم أخي على ذوقك
و بدي ضيف أنو نحنا ما عنا مانع تحكمنا الطائفة العلوية أو أي طائفة , المهم يكون الحكم ماشي على الطريق الصح لأنو هلأ حكمنا بدو تغيير شبه شامل مشان يصير الإصلاح ,و هالتغيير ما رح نسمح بأنو يكون بإيدين حدا غيرنا نحنا الشعب السوري

و هي هيي فكرتي تمام، و أنا عبرت عنا من قبل، إنو مو فارق مع الشعب مين الرئيس أو شو دينو أو شو طائفتو، المهم يكون عادل و حكيم، و أنا قلت قبل هالمرة إنو لو آل الأسد قلبوا سوريا مملكة الشعب مارح تفرق معاه إزا كان الحكم ديمقراطي و عادل و فيه مساواة، بس ما يكون متل هلأ، و الشعب ما بهمو إلا العيش الكريم، مو عيشة الذل يللي عايشا هلأ.

أنا قررت أسس حزب و سمي حزب الحياد لمحاربة الفساد شو رأيك تنضم ؟ 8)
الدعوة مفتوحة , خلينا نلحق دوبو عنا حرية أحزاب هلأ عأساس يعني

شوفي، إزا هالحزب معادي للثورة و القائد، و منافي لمنطلقات حزب البعث العربي الاشتراكي، و ما بحارب الهجمة الامبريالية الشرسة التي تتعرض لها أمتنا، و إزا ما بوقف بوجه الضغوطات المعادية لموقفنا تجاه القضية، فأنا بتسمحيلي مالي مصلحة، أما إزا بينظر للوضع من منظور الرفبق القائد فأنا معك إلى الأبد، و بالروح بالدم نفديك يا......;-)

بطلنا نعمل حزب :cry:

إيواه، معناتا حزبك لا ينظر للقضية من منظور الرفيق القائد، و بالتالي إنتي أكيد عميلة و مدسوسة مافي مجال، اعترفي مين داسك أحسن، و اعترفي شو هيي أهداف حزبك المخبأة وراء الأسطر و خلف الكواليس، اعترفي أحسن ما انسفك شي خطاب سياسي بعثي بعشرين سنة ما بيخلص.

لاااااا لا تتهمني بما ليس بي أرجوك أيها الرفيق الطليعي أبو طريق
بس أنا فكرت أنو الحزب رح يكون ولا شي جنب حزب البعث العربي الاشتراكي من حيث التوجهات الديمقراطية و الايديولوجية ذات التوجه الديمقراطي الانفتاحي الوحدوي الانكشاري
فقررت حول توجهاتي و نشاطاتي السياسية البانية نحو حزب البعث العربي الاشتراكي اللي هوي نور البلاد و خلاص العباد...

اييييييييييييييييه
وينك يا كوستا............:cry:

الاول وقبل كلشيء
انا مش من العلويين ,انا من المصريين ,هاد اولا

ثانيا :انا لا ادافع عن نظام الاسد ,منطقيا ليس لي مصلحه الا اذا كانو رح يدفعو:lol:
وهاد اقتراح مستبعد لان بالفعل في المنتدى تلاميذ البعثيين كتير وبيدافعو باستماته غريبه
كل مافي الامر اني وضحت كيف فكرتك ممكن تنفهم وكمان وضحت ان الفساد منتشر في كل دول العالم بنسب .
اذا حابب تقتبس كلامو ارجع من اولو من (اول هالنقطه تحديدا),من ورا شوي رح يكون هيك ورح يكون اوضح:D
"و للأسف هالنظام عميدعم الزمرة الفاسدة بهالطائفة، و هي الزمرة الفاسدة هيي يللي بتأيد الرئيس و نظام البعث، و مصوا دم الشعب السوري، و صلوا مستواناالثقافي و المعيشي للحضيض، أما الباقي فهوي ضحية متلنا متلن."

وكلامي انا معناه
ان في عالم بتؤيد الانظمه بدافع الواجب او عن قناعه ومافي مصلحه ماديه وهاي حقيقه لكل الانظمه(كلام عام) يعني مو كل مؤيد من الزمره الفاسده

التشابه بين الانظمه في الشرق كبير جدا
الفساد والسرقه والنهب والمحسوبيه والرشاوي والديموقراطيه تقريبا متشابهين لدرجه كبيره
والاختلاف ما بينهم في حدود ضيقه جدا لاختلاف بعض الطباع الخاصه وفي النهايه هالاختلاف محدود نسبيا ,
بمعنى اخر اذا تحركت بصوره عرضيه من الشمال لليمين من المغرب وتونس اللى ليبيا الى مصر
ثم فلسطين وسوريا ولبنان والاردن ثم انتقلت للتحرك لاسفل لتصطدم بالعراق والسعوديه ودول الخليج ثم اليمن ستجد التالي

فساد دكتاتوريه رشاوي محسوبيه ووساطه سرقه ونهب وتخلف تكنولوجي
ولكن
الدرجات تختلف من دوله لاخرى في حدود ضيقه نسبيا

أخي محمد أنا ما عمقلك إنك مع النظام أو مع حدا معين، و أنا واثق إنو لو دفعولك مال قارون ما رح تصف مع النظام، لأنك أصيل و محقاني، صح؟؟;-)
بس يا معلم أنا مستغرب إنو كيف واحد مثقف و فهمان متلك يفهمني غلط؟؟؟ و إنتي يا معلم كاتب ردي و مغمق اللون كمان، "و للأسف هالنظام عميدعم الزمرة الفاسدة بهالطائفة، و هي الزمرة الفاسدة هيي يللي بتأيد الرئيس و نظام البعث، و مصوا دم الشعب السوري، و صلوا مستواناالثقافي و المعيشي للحضيض، أما الباقي فهوي ضحية متلنا متلن."
مو هي من ردك؟؟؟؟ في مؤيدين للنظام، بس لا تنسى في مؤيدين مغشوشين، يعني الأهداف الحلوة تبع حزب البعث و مواقف الرئيس الخارجية متل موقفوا من المقاومة، كلها خلت ناس كتير تأيدو، طبعا منعرف إنو موقفو من المقاومة هوي مناورة مع الشعب مو أكتر، يعني عميلعب على وتر عاطفة الشعب و وقوفن مع المقاومة، يعني بصراحة إزا بدي وضح كلامي رح عيد نفس اللي حكيتوا قبل، ما بعرف كيف رح وضح أكتر من هيك، فالمهم أ،ا ما كان قصدي اجرح حدا، و بالذات لاوديسا، لأنها إنسانة عزيزة عقلبي كتييييير، و هيي بتعرف هالشي ما بدا مين يقللها، و ياريت ترجع تقرأ ردودي لأن ساعتا أكيد رح تفهم موقفي أكتر.
المهم يا جماعة حصل خير.

"

كمان ما تغير المعنى لانو قولو (و للأسف هالنظام عميدعم الزمرة الفاسدة بهالطائفة-وحرف الباء هون يعني (من) يعني بتصير الجملة (الزمرة الفاسدة من الطائفة)) معناه ان النظام عم يدعم زمرة محددة هي الزمرة الفاسدة مما يعني وجود زمرة أخرى غير فاسدة وهالزمرة الفاسدة هي يللي بتأيد النظام والبعث اما الزمرة التانية غير الفاسدة فابو طريق ما حكا عنها وهي قد تكون معارضة لتوجهات الرئيس والنظام وقد تكون مؤيدة للنظام لدوافه مختلفة منها الوطنية والقناعة بالسياسة الخارجية وغيرها من الاسباب
وبالتالي أبو طريق عنى بكلامو المؤيدين من الزمرة الفاسدة وليس كل المؤيدين....يعني جزء وليس الكل
تحياتي

يستر عرضك شريك لا تجبلو سيرة، بعدين بقيلني من منصبي يللي سلمني ياه بدولتو، يا حبيبي و بيلحشني بالسجن، حاكم هوي دكتاتور، مو أنظم من غيرو، خلص التوبة و المبلغ يللي بدك ياه بدفعو، المهم لا تجيب سيرة للمعلم.
عجبك زينا هي صارت صوفتي حمرة عند المعلم كوستا :cry: :waa3:

لك والله إنك رائع، كفيت و وفيت يا شريك، ماني عرفان كيف بدي أشكرك.:mimo:

العلويين طائفة ومذهب ديني من الشيعة يا عيوني ...واكيد رح تلاقي بمصر علويين... يعني علوي مصري متل ما رح تلاقي علوي سوري وعلوي تركي وعلوي لبناني ...

للتوضيح فقط ...
تحياتي :D

هلأ صار جنوح شوي عن الموضوع كنت بتمنى يروح الحوار لأعمق من هيك
بأغلب الردود يبدو الشباب قرو أول كم سطر و داق خلقن :lol: لأنو خطفو الكباية من راس الماعون

المهم
منجي لنقطة العلويين بسوريا
العلويين بسوريا ما انشهروا و انعرفوا غير بعد حافظ الأسد ما استلم زمام الأمور اثر انقلاب عسكري
هلأ كون حافظ الأسد جاية عل سلطة جديد و بعد كزا و كزا انقلاب ف من الطبيعي تكون الزمر المقربة إلو و الأكثر ثقة من طائفتو و أولاد ضيعتو ..
هلأ لهون المستفيدين ليسو الطائفة انما زمرة معينة ( مقربة )
بقية الشعب العلوي متلو متل هل بسطاء يلي بضيع الوادي و الجبل و الساحل و متل أي مواطن سوري بيسعى ورا الخبزة يلي بدو ياكلا اليوم ..
و المعارضين العلويين تمت معاقبتن بتشدد أكتر بذكر اسم ما انذكر بالمقال - عبد العزيز الخير - سجن 22 سنة ( يمكن طلع قبل المدة بشوي لأنو ما ضل غيرو من الشلة القديمة :lol: )

لا حدا يفهم الموضوع بسلبية تجاه العلويين لأنو الموضوع حساس و ممكن جدا يتاخد فكرة خاطئة ..

بعد كل شي هنن طائفة من طوائف الشعب السوري الخليط الى أبعد الحدود لكنه يبقى سوري :D

اما بالنسبه لاني حقاني ومال قارون !!!وصح

لاني حقاني رح اقول الحق , اذا دفعوا مال قارون رح اكون في صفهم طبعا (لا تنسى انك قلت مال قارون)

:lol:

اقتباس:

في مؤيدين للنظام، بس لا تنسى في مؤيدين مغشوشين، يعني الأهداف الحلوة تبع حزب البعث و مواقف الرئيس الخارجية متل موقفوا من المقاومة، كلها خلت ناس كتير تأيدو، طبعا منعرف إنو موقفو من المقاومة هوي مناورة مع الشعب مو أكتر، يعني عميلعب على وتر عاطفة الشعب و وقوفن مع المقاومة،

مافي داعي الواحد يحكي على اي نظام عربي

لكل نظام في المغشوشين فيه
انا عن نفسي مابحترم اي نظام فيهم لانهم ما بيحترموا عقلية الشعوب هاد غير العيوب المعروفه للجميع وطبعا الاهم ان كل نظام بيعمل لتأمين وجوده كهدف رئيسي في الحكم وليس صالح الشعب هو الهدف الرئيسي .

اقتباس:

يعني بصراحة إزا بدي وضح كلامي رح عيد نفس اللي حكيتوا قبل، ما بعرف كيف رح وضح أكتر من هيك، فالمهم أ،ا ما كان قصدي اجرح حدا، و بالذات لاوديسا، لأنها إنسانة عزيزة عقلبي كتييييير، و هيي بتعرف هالشي ما بدا مين يقللها، و ياريت ترجع تقرأ ردودي لأن ساعتا أكيد رح تفهم موقفي أكتر

يا صديقي كان بدي الطّف الجو في الموضوع
واحط رد مرح :lol:
بس ما فرق كتير في جو الحوار :shock:

يعني معقول ما بعرف العلويين :shock: :shock:

يعني الى حد كبير هاد اللي بدي ياه يوصل .....

احترامك عندي متل ما هوي ما بيتزحزح واختلاف الاراء ما بيغير من موضوع الاحترام شي
وانا ما فهمتك خطا بنوب بس اللي صار انو الموضوع حساس شوي وانتي بردك يعني متل اللي بين لغويا انو كل اللي مع سيادة الرئيس هنن زمرة فاسدة ومستفيدين ومدري شو من هالكلام الكبير وهاد الشي بيشجع الشباب ماشاء الله عليهن ليردو ردود غير لبقة وطائفية
اما قصدك انت مفهوم واكيد حصل خير
وانا معو لسيادة الرئيس لو كان هاد مو موضوعنا وببساطةراح قلك ليش انا معو طبعا على الصعيد الشخصي لانو عالصعيد العام بعتقد الكل بيعرفا
بصراحة انا لولا سيادة الرئيس بعمري ما كنت بحلم اتوظف لانو الفرع اللي انا متخرجة منو الو 30 سنة ما شاف مسابقة ولا تقول عم بالغ اي لاء صدق
كمان لولا سيادته بعمري ما كنت بحلم كمل دراستي هون بقصد خارج سورية وعلى حسابن
وبعمري ما كنت بحلم عيش هالعيشة صدقا من كل النواحي يعني الرواتب اللي عم ناخدها عم بتطمنا طم وغير هيك اموك كتير ما في داعي اذكرها وصدقا ما عندي اي واسطة
بس انا بحترم الراي اللي بيخالف رايي بس يكون مبني عالحوار المنطقي والاحترام

بالنهاية رح قول بيت شعر يا ريت بيقدر كل واحد فينا يطبقو

ما دمت محترما حقي فانت اخي .... امنت بالله ام امنت بالحجر

:D :D :D

موضوع لا يستحق التعليق لأنه مطابق لكلام عبد الحليم خدام
وجميعنا يتذكر من هو عبد الحليم العبد الأول للعلوين ولما ما طلعلو شي عن بشار راح يسوي معارضه بالخارج ويقول العلويين كويسيين بس النظام الأسدي مو كويس
معليش خلونا صريحين شوي مع الوقائع والأحداث ليش ما كان خدام معارض بوجود الرئيس حافظ الأسد يعني كان معبيلو تمو وهلق بشار شلحو منصبو
مهما كانوا العلويين لصوص بيبقوا أحسن من اللي دفن النفايات النووية في أراضي البلد لحتى يدمر حتى الشجر
اصحوا يا ناس فيئوا
جميع الأنظمة في الالم قبلية حتى أحدث دولة في العالم وهي أمريكا قبلية والحاكم له ثلاثة أرباع البلد

أنا بصراحة تفاجأت كتييير بيللي حكيتيه، بس هالشي مو يعني إني عمكذبك.
أولا أنا ما بعرف شو تخصصك و شو فرعك، و بعدين كتييير مستغرب من إنو الراتب طامرك طمر!!!! معقول كل موظفين سوريا رواتبن من الحكومة طامرتن طمر؟؟؟؟؟؟ إزا طامرتن ليش المواطن السوري و بالذات الموظف الحكومي يعيش على خط الفقر إزا مو تحتو؟؟؟؟؟؟
أنا أبي تغرب مشان الرواتب، و ليكيه بالغربة كلشي جمعو دفعناه أقساط للبيت.
بعدين على أي أساس رحتي منحة؟؟؟؟ أنا هلأ عمإدفع لدراستي بالماجستير 11200 دولار و بدولة عربية كمان، أبي عميدين مشان يخليني كمل دراسة، لا تفكري إني مبسوط، لأ، بس أبي حلموا الوحيد بهالدنيا إنو يشوفني مكمل دراستي، و بالذات إني مسبق عن أغلب يللي من جيلي، و ما خلاني اشتغل بعدين كمل دراستي، وهادا الحلم يللي هوي ما قدر يحققوا من تحت راس حكومتنا الدكتاتورية، لأ، يا حزرك ليش ما قدر يكمل تعليمو؟؟؟ لأن كان ملتهي بجمع لقمة الخبز بعد ما توفى جدي، حالو حال كل مواطن شريف و نزيه بسوريا، و ين كان الرئيس و مخلوف و غيرو و غيراتو لما أبي ضل بالجامعة 10 سنين، مو كسل، بس راح عالعسكرية و طلبوه احتياط(عأساس آل يعني يحرر الجولان و يتبنى القضية) و اشتغل فترة مشان يعيل أهلو، و هلأ بدو ياني كمل تعليمي، للمعلومات العامة أنا راسلت جامعات كتير معتبرة ببريطانيا و أميركا، و عملت الTOEFL و جبت فيه العلامة المطلوبة، و جبت 3 رسائل توصية من أهم دكاترة قسمي، و هنن عفكرة معروفين عمستوى عالمي، كلن دارسين بأميركا و بريطانيا، و إلن أبحاث و مقالات منشورة بأهم المكتبات العالمية و الدوريات العلمية، و قبلوني الجامعات، بس وقف سفري و حلمي على أجرة الجامعة و المعيشة يللي بتوصل لل50000 دولار برياحة. ما تفكري كلشي حكيتو مسلسل درامي، لأ واقع محض.
إنتي لاوديسا إزا كنتي حالة خاصة(مو شرط واسطة) مو يعني إنو الحكومة طامرة الشعب بخيراتا، لو كان صاير نفس الشي معي كنت كمان متل موقفك، بس رح كون حالة خاصة لسبب من الأسباب.
مع كل هالشي أنا ماني ضد أو مع الرئيس، بس كان الأولى فيه إنو يوقف النصابين الكبار من العلويين و غيرن عند حدن، و يحاسبون بتهمة الخيانة العظمى بحق الشعب، و كان الأولى إنو يشيل الموظفين الحكوميين يللي معينين بالواسطة الحزبية أو الواسطة الطائفية أو حتى الواسطة الشخصية، لأن هدول ذلوني ذل لما كنت روح راجع بالدوائر الحكومية،ذلوني إلي و لكل مواطن سوري ما إلو غير الله بسوريا.
و رغم كل هالشي ما عندي حقد لا عالرئيس ولا على طائفة الرئيس، لأن هالطائفة كمان فيها معترين كتيييييير متل حكايتي، دعسهن النظام و أعوانو برجليه.
بالمختصر نحنا لولا سيادتو و سيادة أعوانو ما كنا عرفنا شو صار فينا، كنا غير شي تماااااااااااام.

يعني حكيك صح ... شو بدنا نحكي

يا لاوديسا صح في منح دراسية بس قليل ما ينالوا ولاد البلد يللي بحاجة الا , بس طبعا الوضع هلأ أحسن بكتير بالمقارنة مع وقت كان حافظ الأسد ماسك
بس كمان نحنا لازملنا اصلاح جذري , الفساد معشعش فينا عشعشة ما بيعلم فيها الا الله
أنا نفسي اضطريت اتعامل مع المؤسسات هونيك و الله لا يورجي حدا عالفضايح اللي هونيك , لازم تدفعي لتمشي معاملتك و اذا ما دفعتي راحت معك كم سنة كمان
هادا طبعا غير السجون العامرة بالشباب الطيبة و معظمن سجناء رأي , ذنبون الوحيد أنو ما سكتوا , طبعا غير عمليات التعذيب و الاستجواب يللي بتصير بالتعاون مع السي آي اي , يعني شو بدي اذكر لأذكر
الله يصلحنا و يريحنا ...

اوكي محمد انا جاهل باللغة العربية وما بفهم فيها بس ع الاقل فهمت يللي قالو ابو طريق من اول مرة وما فتيتها بميت طريقة منشان اوصل ليللي كان بدو يقولو
ع كل حال انت اعتبرت الموضوع وكأنو نزال لاثبات الذكاء وانا ما بشوفو غير اكتر من انو وجهة نظر وانفهمت غلط...