|
هل من الممكن ان يسموا الحب ليضحي الانسان بعقائده من اجل حبيبه
اخواني جميعا تحية لكم ساطرح الان موضوع للنقاش والحوار لكن ما اريده منكم ان نركز على جانب واحد من هذا الموضوع لانه موضوع شائك ومعقد تختلط به عدة مفاهيم خاصتا انه مرتبط بالجانب العقائدي للانسان والذي اعتبره من اهم الجوانب قدسية لدينا او لدى الاغلبية منا
اخواني الاعزاء ما تعلمناه جميعا ان الحب تضحية وان قمة سمو الحب حينما يضحي الانسان باشياء ثمينة عليه من اجل سعادة الحبيب حتى اننا لا نستغرب حينما نرى او نسمع بان اشخاصا قد افنوا حياتهم لكي يسعدوا احبتهم ولكن هل يرقى الحب لمرتبة تجعل الانسان يضحي بدينه او عقيدته من اجل ان يرتبط بحبيبه ؟؟؟؟؟ لكي تتضح الفكرة ساوردها لكم هنا كلنا نعلم ان المسلم يجوز له شرعا ان يرتبط ويتزوج من الكتابية اي من الممكن ان يتزوج نصرنية او يهودية وان تبقى على دينها على اعتبار ان عقيدة الاسلام يدخل في مضمونها الايمان بالرسل جميعا والكتب السماوية جميعا ولكن لا يجوز شرعا للمسلمة ان تتزوج بغير المسلم وذلك حرصا عليها حتى لا يؤثر زوجها عليها فترتد عن دينها فهل يمكن ان يضحي الرجل بمعتقداته ودينه من اجل الارتباط بحبيته المسلمة ؟؟؟؟؟؟؟؟؟؟؟؟؟ قد يتبادر لذهن البعض هنا سوال مضمونه لماذا لا تضحي البنت وتترك دينها لترتبط بالانسان الذي احبته ؟؟؟؟؟؟؟؟؟ ارد عليكم مسبقا هنا اننا لا يجب ان نغفل المعتقدات والعادات التي جبلنا عليها في مجتمعنا الشرقي حيث ان الحالة التي تخرج البنت عن دينها فيها قد يكلفها ذلك حياتها اما الشاب فيستطيع ان يحدد مصيره وعقيدته دون تاثير من احد ودون ان يتلقى العقاب من احد هذه هي الحالة الوحيدة باعتقادي التي تكون التضحية من شان الرجل ولا يمكن ان نتخيل البنت تضحي هنا شكرا لكم جميعا ويانتظار ردودكم وحواراتكم ولكن لا تنسوا اننا هنا في الصالون وليس في حوار الاديان لا اريد منكم ان ننزلق لحوار ديني لاننا جميعا تنقصنا الحجة والبرهان في شؤون عقائدنا ولان الموضوع اجتماعي اكثر من كونه ديني تحياتي لكم جميعا :D |
في حل تاني بدون ماحدا يغير معتقدو وهو الزواج المدني..... بعرف رح تقلي ببلادنا مافي زواج مدني بس في دول كتير فيها زواج مدني وممكن يتزوجو فيها ويعلنو زواجون ببلدون وهيك بيصير زواج رسمي وبظن مابيضل في مشكلة كبيرة وبيكون تزوجو وعاشو سوى وبدون ماحدا يغيير دينو او معتقدو...... طبعا هاد بحالة كان الطرفين متفقين على تفهم الآخر وتقبلو
وشكرا عالموضوع :D |
اقتباس:
اذا لهلأ الاهل بينظرو لمسألة المذهب ضمن الدين الواحد نظرة متشددة كتيرر فكيف يتقبلوا الزواج المدني بعيد عن موافقتهم ... اليوم انا طرحت موضوع الزواج القبلي والطلاق بسبب عدم التكافؤ النسب ... تصوري هالشي لهلأ موجود بين الناس ونحن بالقرن الواحد والعشرين ..!!! |
اقتباس:
بكل الاحوال الي رجعة على موضوعك..... شفتو عالسريع وماكان عندي وقت احكي فيه بس الموضوع ظريف :D |
ليش يحق للرجل الزواج من امرأة تكون على غير ديانتة او معتقدة و مذهبه ولا يحق للمرأة نفس الشئ؟لا تقول علشان الرجل اقوى ايمانه من المرأة و انو سهل التأثير عليها بعكس الرجل..عموما ما يهم مين فيهم يكون مختلف عن الثاني المهم يكونوا متفقين اطفالهم بيتبعون ديانة و مذهب و معتقد مين..مع انو انا افضل انهم يتركون للاولاد حرية الاختيار.
|
اقتباس:
فيك شباب وصبايا منفتحين من ناحية الزواج لكن العائق الوحيد بوجههم التزمت الأهلي ... لهيك انا دائماً مع العلمانية ...لأني بلاقي كتير حلول لمشاكل الحياة بالحياة العلمانية |
انا اعرف ناس تزوجوا وبينهم اختلافات عرقية و دينية وكل الاختلافات اللي ممكن تخطر على بالك الحب كان مصور لهم انهم اقوى من كل العقبات ..بس بعد السكرة جات الفكرة و اصتدموا بالواقع و اكثرهم ما قدر حبهم يستمر وتفرقوا.
|
اقتباس:
|
Ok you know we both are right and we both have a point..so it really depends on the ppl who are involved..Thank you Wa2el that was a good one:D
|
اقتباس:
لما الواحد يتزوج وحدة مو من ابناء ديانته اول سوال راح يسالوه الاهل قبل السؤال عن صفات هذا الشخص وعمله سيكون السؤال عن الدين وكيف بدكم تعملوا بمشكلة اختلاف الدين هذا قبل الحديث عن ترتيبات الزواج وتفاصيله يلي بقصده انو المشكلة اكبر من مجرد الالتجاء للزواج المدني لانو راح يكون مرفوض من الناس والمجتمع لذلك انا بتسال هل من الممكن ان نضحي بعقيدتنا من اجل من نحب اقتباس:
لكن انا كنت عم احكي من خلال انو الرجل هو الاقدر على تحمل تلك المشاكل والاعباء خصوصا انه ليس بحاجة الى اهله لو وصل معهم لطريق مسدود اضافة لانو لا يمكن لاي رجل يحب فتاة ان يقبل على نفسه ان يكون سببا في قطيعتها من اهلها لانو بالرغم من الحب والحنان الذي يعطيه الرجل لحبيبته يبقى حنان وحب الاهل ذو طعم اخر لذلك كله بعتقد انو التضحية هون لازم تكون من الرجل لانه هو الوحيد هنا الذي يستطيع ان يقدم تلك التضحية شكرا الك امراة من ورق على مشاركتك الرائعة وكلامك يلي بخليني دايما مقتنع انو بعدو في شباب عرب واعي ومثقف تحياتي الك وشكرا لمرورك:D |
اقتباس:
اول شي شكرا لمشاركتك وحوارك بالموضوع اخي اسير انا هون بعتقد انك متقارب معي بوجهة النظر يلي بنحملها كلانا لذلك ما راح ناقشك بالموضوع بس انا راح يقتصر هون نقاشي معك على السطر الاخير ما راح خوض في مسائل ايديولوجية ولكن ما ادو قوله هنا لماذا نحن دائما نحمل المسؤلية للفكرة ونبرئ الاشخاص من مسؤليتهم عن تشويه الافكار انا بعتقد دائما ان كل الافكار والمعتقدات التي وصلنا لها عبر تراكمات وتجارب بدات منذ بداية الخليقة حتى الان انما هي ثمرة كفاح ونضال وتضحيات في معركة الانسانية الكبرى وكلها كانت صحيحة فان كان بعض تلك الافكار لا يصلح في مجتمع ما فانه يصلح في اخر وان كان لا تصلح تلك الفكرة في زمن ما فانها تصلح في زمن اخر اخي العزيز اسير انت هنا تطالب بالعلمانية وكانها الخلاص من كل ما نعيش اوكي ساتفق جدليا معك الان ولكن اريد ان اطرح مسالة هتا الدين مثلما يتفق معظمنا بغض النظر عن اختلاف دياناتنا الدين هو منهاج من عند الله عز وجل وهو منهاج حياة واخرة وبما انو الله من صفاته الكمال فمنطقيا ان استنتج ان الدين منهج كامل العلمانية مجموعة افكار نشات بعد الثورة الصناعية وبداية ظهور الكيانات المستقلة في اوروبا لكي يتجنبوا سطوة الكنيسة التي بدات منذ العصور الوسطى فحينما فكر فلاسفة اوروبا في حل للتخلص من سيطرة الكنيسة في كافة مناحي الحياة وذلك حتى يمهدوا لانطلاق حضارة القرن 21 خرجوا جميعا بفكرة العلمانية ساتفق معك جدلا هنا ايضا ان للعلمانية الفضل الاكبر في التطور التكنلوجي والحضاري الذي عاشته اوروبا ولكن كانت لها من المساوئ ما قد يعادل نتائجها او اكثر وهنا اتسال سوال اخي اسير اذا كان الدين المنهاج الرباني عاجز وقاصر على تلبية رغبات وطموح الانسان فما الضمان من ان العلمانية كفكرة بشرية ستسطيع ان تلبي مع عجز الدين عنه لك اسير كنا بموضوع وخرجنا لموضوع تاني بس بتعرف كلو مترابط وكلو متشابك وانا سعيد بالحوار معك اسير مرسي لمرورك ومشاركتك يلي اسعدتني:D |
اقتباس:
ولاجل ذلك ولان الدين والعقيدة هي قمة الهرم والتدرج الهرمي لاولويات يكون الخوف على تاثر المراة من زوجها لان الدين اهم من الزوج في معتقدات مجتمعنا بالنسبة للاولاد بعتقد من وجهة نظر الدين الاسلامي انو الاسلام دين الفطرة يعني الانسان يولد مسلما وبعد ذلك الاهل هم من يحددوا طريقه مثلما تقول الاية الكريمة ينصرانه او يهودانه او يمجسانه اي انو الانسان يولد مسلما وبعد ذلك الاسرة والمجتمع هم من يحددوا طريقه اي انه لا يوجد خيارات وبدائل امام الانسان من ناحية الدين اقتباس:
والطرف الاخر يلي بيضحي شريكه لاجله اكيد راح يقدر هاي التضحية الكبيرة وما ممكن في يوم يفكر يخون او يسبب مشاكل او الم لشريكه لذلك بعتقد لو كانت الارضية هي الحب والعطاء ما ممكن في يوم هالتجربة تفشل لانو الفشل هو نتيجة الانانية وحب التملك يلي انجبلنا عليه والانانية وحب التملك ما بيكونوا موجودين مع ناس بتفكر بهيك منطق ان تفقد اشيا غالية عليها لترتبط بحبيبها اقتباس:
مرسي الكEuphoria على مرورك ومشاركتك معنا وبعتز كتير بمشاركتك وبافكارك تحياتي الك Euphoria العزيزة :D |
انو ما قريت كل الردود لانو قرب موعد الافطار.بس بدي قول شغلة هالمشكل بيكبر بس بالدول العربية .بالدول الغربية وقت شاب نصراني بيطلب فتاة مسلمة للزواج .بيضطر يضحي مشانها ويعتنق الديانة.وما بيكون اي مشكل بزواج الشاب المسلم بفتاة نصرانية.اما بالدول العربية كلا الطرفين ما بيضحو بعقيدتهم.ونادرا ما بيحصل هالشي.
مشكور وائل ديما مميز بمواضيعك:D |
اقتباس:
انا بتفق معك الى حد كبير انو لم نصل لهاي الدرجة من السمو لكي يضحي الانسان بفكرة او معتقد من اجل حبيبه يمكن مو هذا الشي يلي ما وصلنا بمجتمعاتنا فقط بل انو كتير اشيا بعدنا ما وصلناها اهمها انو نكون بشر على الفطرة متل ما ربنا خلقنا نقبل الخير لذاته ونرفض الشر لذاته وما يكون حكمنا على الاشياء من خلال عادات ومواقف ترسخت في العقلية العربية شكرا الك غازيتا على مرورك وعلى رئيك يلي بحترمه كتير :D |
اقتباس:
بس هلاء انا مو عارف كيف قدرت تحط كلمتين متناقضتين جنب بعض ؟؟ كيف بتقول يسمو و بتحط جنبها ..يضحي بدينه و معتقداته !! انا مو فاهم هيدا اسمو انحدار بالحب وما بترضاه جميع الاديان...ومين هاد الحبيب يلي بيستاهل تضحي منشانه بمعتقداتك وهو واقف بيطلع عليك.. وهو ما ضحى بمعتقداته منشانك؟؟ لازم يكون الارتباط اساسو الدين و المعتقدات.. اما ازا جن الشخص بحب حبيبه وترك دينو و مبادئو منشانها فيعني على اي اساس اختار؟؟ بالعكس.. الانسان يلي بتخلى عن مبادئو و قيمه و دينه منشان بني ادم رح يموت فهو الخسران وماعندو صحاب ليكون عندو حبيب !! حتى الصبايا هاي الايام نادر ما تلاقي بنت مو مثقفة.. و واعية..وصارت تختار الشب على اسس كتيرة اهمها انه يكون رجال بتصرفاتو ومشاعرو ..و كلمته كلمة رجال قبل ما يكون عندو فلوس مو واحد مهوي!! و الدين بنصحها انها تاخد واحد بيخاف الله منشان لو ما حبها مايظلمها!! وصار الهون راي و حجة الها وزنها.. وانا بحترم الناس يلي بيحكموا العقل قبل المشاعر شكرا حبيب قلبي وائل على موضوعك الحلو |
اقتباس:
مايسترو |
اقتباس:
مايسترو |
اقتباس:
اقتباس:
|
اقتباس:
يقول عليه الصلاة والسلام: "مامن مولود ولد الا على الفطرة فأبواه يهودانه او ينصرانه او يمجسانه" اسفة على الازعاج:D |
احكيلكم وجهتي نظري بالموضوع ..
الحب اشي كثير حلو وانا مع احترامي للجميع و احترامي للعادات والتقاليد بنظري اسمه تخلف الواحد يترك اللي بحبه عشان عقيدته ،، بس الناس و الزمن ما برحم ما حدى بترك حدى بحالو ... مش قلت ايمان مني او قله احترام لجميع الديانات على العكس انا بحترم جميع الديانات وانا مو شايفة فرق بين ديانة المسيحية والاسلامية بس انا ضدد كثير عادات وتقاليد ومنها الزواج باختلاف الديانات مش شايفة فرق بين مسلم او مسيحي بس هي بتصفي مشكلة الناس المتخلفين اللي عملوا فرق بينا و لى مسلم و مسيحي كلنا في عنا رب وكلنا بنخاف الله |
اقتباس:
مشكورة فراشة على التصحيح مع اني لم اذكر الحديث كاملا لاني كنت شاكك كونه اية ام حديث وشاكك في صياغته لذلك ذكرن فقط الثلاث كلمات يلي هما محور الفكرة يلي كنت بحكي فيها على كل حال شكرا كتير الك فراشة بس وين رائيك بالقصة ولا الموضوع مو حرزان تعلقي عليه ؟؟؟؟؟؟؟؟؟؟؟؟؟؟ مرسي لمرورك:D |
مع اني مؤمنه انه ما في فرق بين المرأه والرجل في هاد الموضوع
وبغض النظر عن هاد الشي لانه الواقع انه نحنا عايشين في مجتمع شرقي ذكوري اللي بسمح للرجل بعمل اشياء لا تسمح للمرأه بس بدي اقول انه ازا التنين متأكدين انه حبهم بتجاوز كل العقبات وبستاهل انه الواحد يغير دينه فيضحو عشان حبهم. اما اذا كان احد الحبيبين عنده ذرة شك انه العلاقة مش رح تنجح فحرام يفوتو بكل هاد العذاب |
اقتباس:
اول شي بالنسبة للتناقض يلي حكيت عنه راح جاوبك بانو يمكن انا وانتا الدين عندنا بيحتل قمة الهرم واول درجة بسلم الالويات لكن ما بنقدر نعمم الحكم على الجميع متل ما عم تشوف في ناس كتير بالمجتمع مو متدينة و ما بيهمها الدين بشي هلاء انا لما حكيت كلمة سمو قصدت فيها انو يسبق الدين بدرجة الاهمية عند الشخص ما قصدت السمو بالمعنى الحرفي للكلمة من رقي لانو السمو وفق رما قصدت مفهوم نسبي بيختلف من شخص لاخر معلش ما كتير واضحة فكرتك عندي لانو الموضوع بيخص الاخوة اصحاب الديانات غير الاسلام من خلال هاي النقطة ممكن تبلش تعرض وجهة نظرك يلي بحترمها علشان ناقشك فيها شكرا لمرورك ومواضيعي حلوة لانكم بتدخلوا وبتناقشوا فيها :D |
اقتباس:
انا مع رئيك لكن عم نحكي عن واقع عايشينه يلي قصدته هون انو في مشكلة كبيرة عم نتعرض الها هل من الممكن ان تبلغ التضحية الى الحد الذي نضحي فيه بعقائدنا ؟؟؟؟؟؟؟؟ هلاء انتي هل من الممكن ان تطالبي حبيبك لو كان مختلبف معك في الديانة ان يؤمن بدينك حتى تتمكني من الارتباط به ؟؟؟؟؟؟ اما انكي لا يمكن ان تفكري بهذا الطلب منه لان العقيدة من المسلمات التي لا يمكن التضحية لاجلها ؟؟؟؟؟؟؟؟؟؟ شكرا لمرورك ونقاشك معنا :D |
اقتباس:
اختي العزيزة بعتقد انو لو احدهم ضحى بدينه من اجل حبيبه لا يمكن بحال من الاحوال ان يبقى مجالا لذرة شك بفشل التجربة لان التضحية هنا ستغفر كل ما عدا ذلك شكرا اختي لمرورك ومشاركتك:D |
اقتباس:
ليش نوخذها نضحي بعقائدنا ؟؟ ليش ما يضل كل واحد على دينه ؟ مش ضروري المسلمة تصير مسيحية ، ومش ضروروي المسيحية تصير مسلمة ؟ والشباب نفس الشي الموضوع مش تضحية وتغير العقيدة ،،،مش ضروري اغير وتغير الديانه لو انحطيب بالموقف ما رح اطالب منه اغير دينه ويقتنع بدني كل واحد يضل على دينه |
اقتباس:
ليالي انا وانتي مو مختلفين بس المشكلة هون انو كيف ممكن ترتبطي بانسان على افتراض انك مسلمة وهو مسيحي لا يجوز ذلك شرعا لذلك لن يسمح لكي الاهل ولا المجتمع من ان تفعلي ذلك هذا ما قصدته ليالي اما ان تبقي على دينك ويبقى على دينه فهذا عكس ما يتطلب الشرع لانو لا يجوز للفتاة المسلمة ان تتزوج بغير المسلم لذلك سيحول الاهل دون الارتباط بينهم نفطة اخرى ليالي لو افترضنا ان فتاة متدينة مسلمة احبت شاب ليس بمسلم كيف سيرتبط بها على اعتبار ان الارتباط به وهو على دينه حرام شرعا وهي فتاة متدينة تحياتي ليالي:D |
سمو الأنسان ليضحي بعقائده
شوف القضية كلا تكمن بنظرتنا للالتزام أنا اليوم أشعر أني ملتزمة بسمعة أهلي ... بإيماني بكنيستي ... لهيك يوم اللي أنا بدي أكسر أحد هالالتزامين لأجل الحب ... رح يجي يوم أكسر التزام الحب لأجل شي تاني وهادا ما بعتبرو السمو ما ممكن أرتبط بشخص أعرفة لسنوات معدودة ... وأخالف رغبة اهلي ... إذا هوي بيحبني ... فأنا صناعة هالناس ... أغلب ما فيني هوي مأخوذ منون لهيك ما فيني وجهلون هالجرح ... هي واحد أنا جزء من الجماعة المؤمنة ... حجرة بهالكنيسة وغيابي عنها رح يترك فراغ وألم ... تالت شي والأهم ... أنا الأمومة عندي أهم من الحب ... أول شي بفكر فيو التشتت اللي رح عيشو لولادي ... لهيك أكيد لأ :D |
اقتباس:
وانا رأي انو الحب عبارة عن خليط من مشاعر وافكار يعني الحب مو بس عواطف وانما كمان تفكير منطقي مشان هيك لما ايا انسان بدو يفكر بالحب لازم يفكر فيه من كل الجوانب والجانب الديني من اهم الجوانب اللي لازم نفكر فيها يعني انا مثلا مابسمح لحالي اني حب واحد ديانتو غير ديانتي لانو برأي هالحب مهما كان قوي بالنهاية رح يفشل لانو في شي من ركائزو متهزز وغير قوي واللي هو الدين لما حب شخص ديانتو غير ديانتي رح سبب الاذى لنفسي ولاهلي ولمجتمعي اللي انا عايشة فيه لانن هنن مارح يتبقلو هيك تصرف وخاصة انو ارتباطهن بالدين قوي جدا مو بس بالاسم فهالشي رح يأثر عليهن ويخيب ظنن وكمان انا بأيد butterfly انو هالشي رح يأثر بصورة سلبية على الاطفال بالمستقبل ورح يشتت افكارهن لما ينحطو بموقف بدن يقررو فيه شو الافضل ديانة الام ام ديانة الاب ويمكن يصير خلاف بين الام والاب بين بعضهن بمحاولة التأثير على الاولاد بحيث انو كل طرف بدو يخلي الاولاد على دينو ... يعني القصة معقدة كتير وما بتتوقف بس على قوة الحب لحتى انو نضحي كرمالو وانا ماحطيت رأيي لانو انا وضعي مفروغ منو اني مارح اقدر حب شخص على غير ديانتي لانو اصلا مابيصير ..وغير هيك عقلي بيرفض هالشي وسبب تاني خلاني ماحط رأيي انو حسيت السؤال موجه للشباب غير المسلين انو بيضحو بدينن كرمال حبيبتن ...وبعتقد كل الموجودين هون رح يكون جوابن لاء لاني متل مالي شايفة ايمانن بدينن كبير وبحييهن على هالشي |
اقتباس:
اقتباس:
يعتذر منكم بيترفلاي وفراشة يمكن كان عندي شوية مفاهيم للتضحية والحب لكن هلاء اكتشفت انو هذا زمن ليس للتضحية ولا للحب لذلك بحترم كتير وجهة نظرك بيترفلاي وفراشة ومعكم بلشت اقتنع انو لا يجوز بحال من الاحوال ان نضحي بشيئ من اجل الحبيب ليس من المنطق ولا من العقلانية ان نضحي بحقائق من اجل اوهام فهو زمن الاوهام و زمن الكذب فلنحتفظ جميعا على ما تبقى لنا من حقائقنا سواء كان الدين او غيره من القناعات وليذهب الباقي للجحيم اشكركم جميعا على مشاركتكم |
اقتباس:
وشي تاني انو الحب مو اوهام الحب شي حقيقي وشي اساسي لنعيش حياتنا بسعادة والدين كمان حقائق منعيشا وبيأثر بحياتنا وبينظمها ولازم يكون في توازن بين التنين مشان نقدر نكمل مشوارنا بالحياة |
اتسمحون ان ادلو بدلو هنا ؟؟
في البداية ساتكلم عن وجهة نظر شخصية !! لا انكر ان هذا الموضوع شغل تفكيري .. ولاوضح اكثر .. ربيت في بيت مخلط .. اي ان امي كاثوليكية .. وابي مسلم .. فعشت في بيئة متجانسة لا تشوبها شائبة عنصرية او تزمت .. وظننت ان الامر سيبقى هكذا .. الا ان كبرت , وكبرت تطلعاتي . وكان اصطدامي الاول هو تلك النقطة التي ذكرتها ... فقد تعلمت ان الحب مقدس .. مهما كان وكيفما كان .. لكني علمت انها ما كانت الا نظرة سطحية !! فتشابك افكاري .. بل بالاحرى تعقدت بحيث ما عرفت اين البداية واين النهاية .. من جهة يغوص تفكيري في واحة الحب وقدسيته التي لا تعلم حدودا ولا يرى فيه افق .. لكني سرعان ما اصحى على قيم تشعرني باني مخطئة .. لن اجد لسؤالك عزيزي وائل في نفسي جواب .. فهو انفصام في التفكير بين مد وجزر ,, سيبقى الا الانهاية ودمتك بكل ود |
اقتباس:
اوكي فراشة وجهة نظرك واضحة ومقنعة وبحترمها لكن هلاء صرت برفضها من داخلي يمكن لشي خاص عندي لكن اكيد ما بقدر عمم الحكم هون على الكل لذلك راح اكتفي هون وما راح كمل ردود على المشاركات لانو راح اختلف مع نفسي ومع قناعاتي السابقة لذلك بتمنى تكملوا حواركم بدوني ما عارد اقدر فيدكم بشي من هلاء مرسي فراشة الك ولمشاركتك:D |
اقتباس:
لانو ما في اجابة اصلا مايا هو مجرد اوهام تافهة ليس اكثر شكرا مايا:D |
اقتباس:
انا ولدت بعائلة الام والاب فيها من نفس الدين ونفس الطائفة ونفس الضيعة وحتى الى حد مامن نفس العيلة(يعني في قرابةبس بعيدة شوي) بس اهلي ربوني عالحب ومساواة الحب لكل الناس بغض النظر عن الانتماء اللي بينتمو الو....... هالشي كان كتير حلو وجميل لحتى كبرت ودخلت المجتمع بشكل فعلي وبلشت حس انو الحب هاد صعب التعامل معو بمجتمع طائفي ومناطقي هلأ رح تحسو انو حكيي ماالو علاقة بالموضوع بس حبيت وضح نقطة لمايا انو كل هالتقارب بين اهلي من نواحي الانتماء لدين ومنطقة وخلوني عيش حالة نفس الحالة اللي هيي عاشتها...... وبالتالي مافيكي تلومي الزواج المختلط لاهلك على وضعك..... يعني انا بشوف انو وضعك واحساسك انتي الصح ووضع المجتمع الطائفي هوي الغلط:D |
اقتباس:
يعني بكلمة تانية لازم يصير تفاهم وكل مين يضل على عقيدتو ويتزوجو وهيك بنكون عملنا توازن بين الحب والدين :D |
اسمحلي وائل رد على موضوعك من وجهة نظري الخاصة بعيدا عن الحوار الديني والعقائدي
انا برأيي انو اللي يضحي بربه منشان واحدة حتى لو الواحدة دي انا شخصيا (يعني الموضوع يكون بيمسني انا) ممكن يضحي بها منشان اي شي تاني ممكن بيوم من الايام يشوفه افضل منها ليس السبب هو انه الدين ولكن لأن الانسان لما بيولد على دين معين مهما كان هالدين بيتربي على معتقدات الدين وعلى تقاليده اللي بتكون سائدة ببيته وبأسرته والدين له علاقة بالاسرة لأنه بيكون الشئ الوحيد المتفق عليه بالبيت عند الاهل يعني مثلا بيتلم العيلة كلها ويروحو المعبد او الكنيسه أو حتى المسجد بيوم الصلاة فمعني ان الشب يغير ديانته انو بيضحي بعيلته كلها لأنه مش منطقي انو الاهل يجي ابنهم اللي ربوه على معتقداتهم اللي هم كمان اتربو عليها ويقولهم انا بدي غير ديني وعقيدتي وعقيدتكم منشان بنت حبيتها يروح الاهل يقولوله اوك حبيبي بس دير بالك على حالك خروج احد الافراد عن ديانته بتكون قطيعة للأهل وإذا ربطنا هالامرين ببعض بنشوف انو الشاب ترك دينه واهله علشان بنت حبها واللي معندوش خير بأهله ما بيكون عنده خير بغيرهم لأن نكران جميل الاهل صعب اللي يعملة يعترف بأي جميل لأحد غيرهم شكرا على الموضوع واعتذر للأطالة |
اقتباس:
اسف منوشة رغم اني كتير بحب احاور معك وبحترم وجهة نظرك لكن هالمرة ما راح حاورك وراح اكتفي بالرد فقط عليكي لانو جزء من احترامي لكي وبترك الحوار بهذا الموضوع للاعضاء حتى ما اعكس بعض من يلي كنت مقتنع فيه زمان بشكرك منوشة :D |
وائل يمكن مو من حقي اتدخل بقرارك عدم النقاش بس فعلا بتمنى انو تكمل النقاش معنا :D
ولسه مافهمت بالضبط ليش مو حابب تكمل النقاش |
أنا أعتقد أنو حسب الحبيب والحبيبة وحسب الدين وحسب الاهل كل هذا يحدد نوع التضحية ولكن الدين أهم لان بدونه أصلا مافي حب
|
| الساعة بإيدك هلق يا سيدي 22:28 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون