|
مليت بدي اجن
انا مليت بدي جن
مليت بدي افطس مليت من نفس الوجوه من نفس الكلمات بصراحة مليت من الدنيا... لك مليت منك ومنو ومنها ومنهن.. كل يوم عم تزيد جرعات يئسي بالحياة صرت عم استنى اليأس ع الباب وبسألو عن اخو الاكتئاب دلوني ع طريقة لحتى انهي حياتي بصمت |
اقتباس:
بايخة بعرف انو هات لنشوف شو قصتك ليش يئسان :? |
Maybe he needs to get high to forget at least for a short time.. hey Hanny i guess you're the hero here help a needy friend8)
|
اقتباس:
|
اقتباس:
لاء انتي قصتك عويصة وصار بدها قعدة مسوك هالسيكارة سحاب وبلش احكي هات لنشوف شو اللي مدايقك بلش القصة من اول |
روؤ اخي أسير بالله احكي ترا تمر علي اوقات كثير احس زيك كذاtalk to me i'm here
|
الله يعينك شو بدك تعمل ..
|
اقتباس:
يللا الله معك :pos: |
شو بدي احكي لو بدي احكي رح اوجع رأسكم ... فالاحسن ما احكي يمكن شي يوم اصحى والاقي مخي طاير ...
وع العموم مشكور هاني وEuphoria و Yasmina ع سمعاكم صرختي وانا عم اصارع الملل والاكتئاب .. |
اقتباس:
|
اقتباس:
والله ما حدا بيفكك لتحكيلنا شو صاير يعني مفكر دخول فرع المخابرات متل طلوعو (يعني هوي نفسو بس بيختلف مقاس اجرك شوي ) فهات لنشوف يللا احكي احسن ما سلمك للمساعد جميل :pos: |
Hmmmm..no i'm not leaving Hanny you leave maybe he can't talk with you around:jakoush: and aseer it's ok talk about anything i meant it when i said i'm here to listen.
|
اقتباس:
يعني يا اما انا محشش وما عرفت افهم هالرد اذا في مزحة او شي او انو الرد جد وانا انفهمت غلط وما انفهم حكيي على اساس انو مزح يعني وحدة من التنتين بعدين عيني طلب صغير منك بلا هاي سيادة المشرف لانو ما بحبا انا بحب اسمي حاف هاني بدون مشرف وبدون سيادة ومية وردة الك :D |
عم احس بفراغ داخلي بالرغم من كل عم اعملو بحياتي ... ما بعرف ليش؟ افكاري مشتت هون وهنيك ... نظراتي تائهة ... فكري سارح مع الحبيبة ... ومشاكل العيش وظروف المستقبل ...
سابقاً لما كنت بوصل لهيك مرحلة من الصراع مع الملل والاكتئاب كنت بشرب لحتى ابعد هالشبح عن نفسي ... لكان بعد ما قطعت وعد وعهد ع نفسي وللحبيبة باني ما عود اشرب ... فما بعرف شو الحل هلأ ... وما بدي ارجع ع للوضع السابق ... |
اقتباس:
وحاضر لح قولك المرة الجاية مستر هاني , هيك منيح ؟ لأن أنا مابقدر أقول اسم واحد أكبر مني ( حاف ) لازم يكون في له منصب عندي وله احترام ... |
اقتباس:
|
I think she's mad at you..anywayz that's not why we're here,dear friends we're here to help a new friend(new to me) aseer i'm all ears and not as Dumbo i'm sure you know what i mean:D
|
اقتباس:
وحاشى انك تكوني Dumbo |
اوكي اسير اول شئ لازم تسوية انك تاخذ دش وتلبس ملابس حلوة وتخرج من المكان اللي انت فية, ثانيا لا تروح مكان تكون فية لوحدك ,حاول تفكر في الاشياء الايجابية في حياتك وصدقني شوي ويتغير مزاجك ورح ترتاح
|
اقتباس:
الاشياء الايجابية كتيرة بحياتي بس المشكلة النظرة السوداوية اللي عندي ... لو بتشوفيني بتلاحظي عليّ اني فرحان ومبسوط يمكن اعكس هالفرح والسرور بنفسك وبتفرح انتي ... بس بداخل ما بقدر اني اكون فرحان ولا مبسوط ... شي قابض ع مفاتيح سعادتي ... دورت ع كل الحلول بالكتب بالتأمل ما لقيت ... لهيك انا انا مليت واستسلمت لليأس وصار الاكتئاب رفيق دربي |
اقتباس:
ما ضروري هون أو الي لاي شخص بتحس انو ما رح يستغلك و لا تخاف انت لما بتحكي بتخلي العالم تلتهي عن مصايبها فبالتالي انت كمان بتكون عم تساعدون ما عم توجعلون راسون و عريف انك انت كتير قوي و بطل لانك عم تقاوم مشان وعدك لحبيبتك:sosweet: |
اقتباس:
رح احاول اني اجرب احكي ... وبعرف اني رح افشل، لأني معود نفسي ع عدم البوح بمشاكلي لأحد ... وشكراً لكِ The Morning لأنك عم ترشديني :D |
اقتباس:
شغل الموسيقا لتوصل لاخر الحارة " بما انو عندك ليل فبكرا أحسن ما يقشوك اليوم" و وقف تحت الدوش " بتيابك" و خلي المي تكون بارده شوي بعدين شوي شوي خليها تصبر بهالحالة جسمك ببلش بيتخدر و بتبطل تحس انها باردة يمكن تتذكر بهالحظات كل الأشياء اللي مدايقتك بس يمكن هي اللحظات متل الشرب ؟؟؟ |
اقتباس:
اكيد رح اعمل بالنصيحة ... لاني بدي اي طريقة منشان ابقى ... |
اقتباس:
 بس حاول بطريقتك تتخلص منو.حاول تشم هوااا.اخرج يا اخي بعد ما تيجي من الشغل روح شم هوا الدنيااااا. وانت جاي بالطريق اصطادلك شي سمكة زغيرة*صغيرة مو للاكل*يعني اشتريها وما تنسى تشتري شريكها او شريكتها ترى ما بتحب تضل لوحدا.وبعدين حطها قدامك وطفي النور وحط شمعتين حدها.وضلك تراقبها مشان تروق وتنسى الملل.ولو فيك حط موسيقى هادية وادعيلي. هيك كان بدي اعمل بالمرحومتين سمكاتي:cry: |
اقتباس:
هاني نفسو اللي أنا بعرفو ؟؟ ليش قدي عمرك يا حلوة ;-) ؟ ( وصحي بعتيلي الصورة اللي حاطتيا أنا بعشقون هدول الدباديب وهادا عليو حرف أسمي ) |
اقتباس:
|
اقتباس:
واسير ليكون الموضوع مشان اتنازلك عن المسابقة ؟ :? |
خي أسيرو هادا يلي أنت عايشو هوي الحال الطبييعي
للشباب يعني ملل و تشتت و مافيشي نعملو مالنا طعمة بهل دنيا خي معليش بس لاترجع الشام أنا بخليك تفرفش يا ب crasy hours أو الشادرون أنت بس تروك كندا و تعا |
اقتباس:
|
اقتباس:
وشكراً غازيتا ع اهتمامك وتقديمك النصيحة ...:D |
اقتباس:
بصراحة عطيني كم نقطة من عندك :oops: |
اقتباس:
بتعرف اني بدوخ بالطائرة ... ما بعرف ليش ... تصور بقدموا أكل وكل شي بس انا برفض بتعرف ليش !! بضل ع لحم بطني هيك لحتى اوصل ع البر... وشكراً ابو وليم ع الاهتمام وقلبي لك :D |
شو يا معلم هادي !!!!!
شو صاير معك ؟؟؟؟؟؟؟ بتقلي ملل ومدري شو بربك حدا عندو كل هالاصحاب الرائعين شفت كيف كل العالم بتسأل فيك وبتهتم فيك وبتقلي ملل وين الملل حدا بيمل وهو هون بين اخواتو واصحابو :D :D |
اقتباس:
لكن بوجود الاصحاب والاحباب اكيد ما رح ترجع هالحالة ... وتقبل مني احلى ورد :D |
Hey aseer enshallah you're feeling better by now,by the way do you read any books,if yes what was the last one you read?
|
اقتباس:
هلأ كنت مبلش بكتاب اسمو عدو المسيح لفريدريك نيتشه من مدة بس حالياً تارك القراءة ... بسبب هالحالة اللي مرت عليّ ... اكيد رح ارجع ع القراءة قريباً ... |
That's good to hear,it's great to have such good friends around ,you are one lucky guy ,so,who is your fav writer?
|
هلاء اخي اسير يمكن ما في معرفة مسبقة بينا ويمكن ما بعرف الظروف يلي انتا عايش فيها بس حسيت بكل حرف كتبته وبكل رد رديته على الشباب هون لاني عشت نفس التجربة
راح كون واضح معك انا ما بعرف شو ديانتك بس برائي ما راح تختلف كتير لو كنت مسلم او نصراني لانو كلنا مؤمنين بوجود الله حتى وان اختلفت عقائدنا شوي يلي عم يصير معك اسير شغلة من اتنين اما انك وصلت لمرحلة من الايمان فجعلت الدنيا كلها امامك لا تساوي شيئ فذهدت في الدنيا او انك وصلت لمرحلة من الالحاد فداقت الدنيا امامك بحيث لا ترى فيها الا كل ما هو موحش و سيئ اخي اسير لا تستغرب كلامي انظر للردود والمشاركات السابقة الاعضاء وضعوا الحل بان تختلط بالاصدقاء وان تشم هوا نضيف وتسمع موسيقى والبعض اشار الى ان الحل هو الحبيبة وكل شي ممكن تتخيله كلهم كانو صح وكلهم طرح طريقة للعلاج لكنها جميعا فشلت انا رئي البسيط هنا ان كنت مؤمن فكفر واسلك طريق الالحاد لتعرف الفرق بين الالحاد والايمان وان كنت ملحد فجرب ان تؤمن لتعرف الفرق حينما تعرف الفرق بين الكفر والايمان وتشعر به ستجد الحل المناسب لك وحدك دون ان تحتاج مشورة الاخرين اسف للاطالة اخي اسير ولكن حينما قرات الموضوع تذكرت ما قبل 4 سنوات عشتها اتمنى لك السعادة والرضى :D |
اقتباس:
|
| الساعة بإيدك هلق يا سيدي 22:53 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون