|
واحدة من أكبر عمليات الفساد المنظم في سورية
كشفت وزارة الاقتصاد من خلال الرقابة الميدانية، ومن خلال عمليات الجرد السنوية على مستودعات المؤسسة العامة الاستهلاكية،كشفت عن وجود واحدة من أكبر قضايا الفساد الاقتصادي التي طالت الوزارة مؤخراً، حيث استطاعت لجان الرقابة الكشف عن وجود عدم تطابق بين عدد القسائم التموينية، وبين الكميات الموجود والمستهلكة من تلك المواد، الأمر الذي أدى إلى نشوء شكوك حول عمليات توزيع المخصصات التموينية. تطورت تلك الشكوك إثر الاستمرار في التحقيقات الميدانية، والكشف على مستودعات، وتدقيق حسابات المؤسسة العامة الاستهلاكية، وكانت النتيجة مذهلة، فقد كشف عن سرقة ما يقارب 108 ألف دفتر خاص بالقسائم التموينية من مديرية تموين دمشق خلال السنوات العشر الأخيرة، وقد قدرت قيمة المواد التموينية لهذه الدفاتر بـ18 مليار ليرة سورية، وعلى إثر هذه النتائج تم إيقاف ما يقارب الـ40 موظفاً معظمهم رؤساء مراكز. عشر سنوات والاقتصاد يسرق بطريقة منظمة، وبعلم أو بدون علم الجهات المعنية، والفساد يمارس على قوت الشعب دون رقيب عليه، فهل سينال هؤلاء الفاسدون قصاصهم؟ وقد قامت الحكومة الآن بتعقيد أمور المواطنين عند أخذ مخصصاتهم من المواد التموينية بأن بدأت تطلب منهم دفاتر العائلة والهويات الشخصية علما أن السرقات تمت في المستودعات، ولم تتم في كوات التوزيع أبداً. من ناحية أخرى يجب أن لا تعطي هذه القضية أي ذريعة للتيارات الليبرالية في الاقتصاد السوري للعزف على وتر إلغاء الدعم، فالمشكلة ليست في الدعم بمقدار ما هي في إدارته، والدفاع عن إلغائه ليس منطقياً أبداً وخاصة في ظل الظروف السياسية والاقتصادية التي تحيط بسورية. قاسيون |
صح النوم ..
بدي اكفر شوي و دخن حمرا و اشرب قهوة مرة و اسمع تصبحون على وطن و قول: اننا محكومون بالأمل |
شوقصدك ( بدي اكفر شوي ) ؟؟؟ تكفر بشو ، لما قدصك ( تفكر ) ؟ لأ صديقي اننا محكومون بالعمل وبالاقتناع بحتمية التغيير وازالة الطغاة المجرمين الذين يحكموننا بكفرهم وديكتاتوريتهم و لصوصيتهم وجرائمهم التي لا تعد ولا تحصى : حزب البعث. |
اقتباس:
|
لك اييييييييييه
فانييييييييييي |
اقتباس:
سوريا بضل قوية غصب عن الكل ........... واكيد بشعبها مو بحكامها ويللي فاني هو المنتفعين وعلى فكرة هنن يعتبرو من يللي دخلو التاريخ بس من مزبلتو:lol: :o :clap: |
اقتباس:
اي شو بدنا نصلح لنصلح , أكلنا فساد عن عمرنا بهالكم سنة(30 سنة هههه) سيدي ما علينا , بتضل بلدنا شو بدنا نساوي |
الشام و سوريا باصلها و عراقتها
بنخوة رجالها و الحب المغروس فيهم لارض سوريا بالفطرة و مشان قضية الفساد من هلأ و بكر بتقول سكوبي قال في متل بينطبق على الحكومات العربية و اي فضيحة بتصير فيه دود الخل منه و فيه لو تبعات الرقابة مو قابضين ما كانو استشرفو بعد 10 سنين |
أصدقائي... شكرا لكم و لردودكم الرائعة نحن ننشر وننقل أخبار بلدنا سوريا حتى نكون على اطلاع على شئ ( ولو بسيط ) مما فعلة المجرمين الخونة البعثيين ورئيسهم الغير شرعي بشار. المطلوب منا كسوريين جميعا أن نتكتل ونعمل لأسقاط هذا النظام الجائر الظالم ، كل منا في موقعة ، والا فالنظام ساقط بغير أيدينا. والخيار للسوريين |
اقتباس:
|
مزبوط اخت زينا لهيك قلت الخيار بايدينا ، اما نحني بنحول بلدنا لواحة ديمقراطية وامثولة للعالم ، أو البديل هو التغيير من بره! وباقي القصة عندك بتمنى منك التواصل عيوني |
سوريا يا حبيبتي لعنت لي كرامتي .
|
اقتباس:
|
له له له يا سكوبي 84 ليش الغلط هيك قلنا مليون مرة عيب الشتائم عيب حبيبي نحنا بنحكي منشان سوريا هل ارض النقية وهل شعب الصابر المجاهد الفساد يلي بتحكيلنا عنو هو مشكلتنا نريد أن نتخلص من الفساد من يلي جابلنا الفساد وعلى راسهم المجرمين الغير شرعيين الحاكمين لسوريا هلأ تمام صاحبي وحبيبي؟ وبتمنى منك التواصل وتوصيل فكرتك من دون مسبات وشتائم |
اقتباس:
لانو لما بتقول سوريا بتنحسب علينا انو سوريا الاسد وانا برفض سوريا الاسد توقف |
مرحبا شباب أكثر من35سنة وهم يسرقون موضة قديمةولكن عندما تتكلم يقولون لك بأنك عميل للامبريالية هاهاها
لاشئ جديد من يجرؤ أن يحتج أو يخرج بمظاهرة يرسلونه وراء الشمس |
عزيزي الفوضوي هذه حجة الضعفاء قصة ( عميل للامبريالية ) لأن النظام وزبانيتة وأدواتة ليس لديهم أي شئ يدافعون به عن أنفسهم سوى الشتائم و اتهام الآخرين بالعمالة من دون دليل واقعي. شكرا لتواصلك الدائم |
دائما السرقة و الاختلاس موجودين و بكل مكان بالعالم مو بس عنا بسورية ولا لانو الحاكم من بيت الاسد و بعثي صار بالنسبة الكن انو الفساد موجود بس عنا؟؟؟؟؟؟
انا ماني عم قول انو هالشي سليم و انو الاختلاس مسموح بالعكس هاد من الاخطاء المدمرة للبلد و كل بلد مو بس سورية ولازم كل موظف يبلش من حالو وما يرتشي و يختلس اي شو كمان تعوا قولولي انو الرئيس بدو يشتغل مراقب تمويني كمان لحتى يمنع هالاشياء......اي تخنت كتييييررررر |
والله يا وسيم قلتلك نحنا مشكلتنا بسوريا مو بأي بلد آخر وما حدا قال أنو الفساد بس عنا! بس الفساد بسوريا هو فساد منظم من قبل عصابة من اللصوص والمجرمين بقيادة الخائن بشار وحزبو وعائلتو! يا ريت يا أخ وسيم تدافع عن سوريا بدل ما تدافع عن مجموعة من السرسرية! |
حبيبي عارض وناضل بشكل معقول و مقبول بيقبلو العقل و المنطق ساعتها لكل حادث حديث
|
اقتباس:
اقتباس:
الموظف الصغير الله يعينو بياخد بخشيش منشان ما يجوع بس المشكلي بوجود الرؤوس الفاسدي الكبيري يلي مستندي على فسادها بالحماي يلي بوفرها النظام الديكتاتوري لهيك أنا بشوف أنو الحل للقضاء على الفساد هو القضاء على الديكتاتوريي اقتباس:
|
اقتباس:
بعدين منرجع لموضوع الخيار و الفقوس يا أما حاسب الكل يعني الكل يا أما ما بيطلعلك تحكي على حد ابدا مو تقعد تقلي هاد فقير معلش |
اقتباس:
بس ما بكفي لأنو عم بروح فاسد و يجي فاسد غيره يعني متل بعضو و برجع و بقول لا يمكن القضاء على الفساد دون القضاء على الديكتاتوريي اقتباس:
بس عطو معاشات متل العالم و حطو أسعار منطقيي منشان ما يضطر الموظف لينزل حالو و ياخد بخشيش |
اقتباس:
|
بكل بلدان العالم بدون استثناء في رشاوي و فاسدين .... بس بنسب متفاوتة
|
اي وشو الحل طيب..
|
اقتباس:
و رح إحكي لما انسرق الخزان التأميني عنا باليونان طلعت مظاهرتين بأثينا و مظاهرتين بتثالونيك و مظاهرتين بباترا اقتباس:
|
القضاء على الديكتاتوريي[/quote]
ليك يا عزيزي فوضوي انا كوني موالي للرئيس اذا كان قصدك انو القضاء عالرئيس بشار بازاحته من الحكم و انو ينحط واحد غيرو فما بتوقع انو حدا عندو مانع اذا كان هالشخص احسن من بشار بس للاسف اللي بدو يجي انا متأكد انو بالاول رح ينتقم من كل الموالين للرئيس الاسد و بعدين يفكر بغير اشياء يعني ما منكون استفدنا شي غير انو شلنا ديكتاتور(متل ما انت بتسميه) و جبنا ديكتاتور تاني همه الاول الانتقام فأفضل انو هالنظام هاد يحسن من علاقتو بالناس و يحسن من وضع البلد قدر المستطاع لحتى اذا اجى حدا غير بشار و استلم الرئاسة مو يقضيها انتقامات و انقلابات و من هاد الحكي |
اقتباس:
اقتباس:
القضيي بنظام الحكم يصير ديموقراطي اقتباس:
هلأ إذا إجى بانقلاب أنا معك رح يكون ديكتاتور أكتر من بشار الأسدو رح يسجن أنصارو منشان هيك أنا ضد الحل العسكري خيو أنا بدي حريي و أنا ما بعتقد تغيير شخص رح يجيب حريي لهيك أنا بشوف الحل بالمؤتمر الوطني العام و هاد الحل نحنا بتجمع اليسار الماركسي طارحينو و أنا شخصيا بشوف أنو الشعب لازم يثور ليجبر السلطة تفتح مؤتمر وطني عام اقتباس:
|
اقتباس:
يا سيدي الله وايدكن لحتى يتم هالمؤتمر الوطني العام المهم عندي و عند كل السوريين انو تتحسن سورية و تتقدم بس بدون خسائر و مشاكل بالبلد |
اقتباس:
|
اقتباس:
|
اقتباس:
و الحكم بسوريا استبدادي لأنو وصل حافظ الأسد على الحكم عن طريق انقلاب عسكري |
اقتباس:
|
اقتباس:
اقتباس:
|
لاحظوا شباب على الأخ وسيم يحمل العقلية الديكتاتورية تماما مثل سيدة الخائن بشار! وسيم بيك... لما بدنا ( نعين )!!! رئيس ما رح يكون رئيس ديكتاتوري! يعني رح تعينوا صناديق الاقتراع! هاد أولا .. ثانيا مو لازم يفتعل مجزرة ( مثل حافظ وبشار ) لأستتباب الأمر له! أرجوك تتخلى عن العقلية الديكتاتورية المتخلفة التي لقّمك اياها مجموعة الفساد والافساد عصابة البعث لحتى يكون الك مكان في سوريا المستقبل |
al moshkelh hee alsoltah al dectatoreh oa al moshchkelh al akbar hee klab al soltah
|
| الساعة بإيدك هلق يا سيدي 02:11 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون