|
بدنا نرجع الأخوية
أخواتي و عيلتي حبيباتي :hart: أنا بعد ما شفت هل وضع المتأزم بالأخوية لازم حدا يقوم و يصصح الوضع لأنو لح نصير متل المنتديات السعودية عن سخافة المواضيع يلي صايرة هل كم يوم و أنا لح بلش بحالي بعد مالقيت أنو حتى او خبت عن الأخوية شي أسبوعين ما تغير شي وم الح أتروك بيتي لعالم يخربو بعد ما كان أحلى بيت و أحلى عيلة مشان هيك اعلن الكفاح المسلح:zen: :zen: :zen: بأسمي و بأسم كل واحد بيحب الأخوية وبماأنو أخواتي المشرفين مو طالع معهون شي ومو فاضيين إ لاأنو يعملو كم شغلة بتواقيعهم مو الكل لح أنزع كل موضوع بايخ و سخيف و بتشوفو |
اذا فيك لا تقصر
|
و الله حكينا كتير هالحكي .. بس ما في نيحة :cry:
|
انا جربت اعمل هيك
بس المشكلة بتنبه الواحد على انو غلط او الموضوع مو خرج يتنزل او هيك شي بيقوم بيتعاطف معو شي الف واحد من اللي بيحبو هاد المستوى وبينشهر الموضوع اكتر وبتطلع انت بسواد الوجه يعني مابظن رح تستفيد كتير او انو تخلي هدول المشاركين يخففو مشاركات بالعكس :( |
أختي إمرأة من ورق
معك حق طيب ليش نحن ما نلم حالنا ليش كل واحد بيشتغل لحالو ليش مو كلانا بنشتغل مع بعض لا بعدين قدرنا نطفش عالم و أولهم سولي و هي رائدة فضاء ... بقا شو رئيك تحطي أيديك بأيدنا |
خيتي جيدا أنا هل مرة ما عما أحكي ولا عما طالب حدا
أنا بدي نحنا نرجع الأخوية متل ماكانت وخي أبو الموت و الله لتشوف الإصلاحات بس أنا ما فيني بلش لحالي حطو إيكون يإيدي |
اقتباس:
|
اي والله يا أب وليم
شوف انا كان على بالي من زمان اني اطرق لهالشغلة لأني بصراحة هالشغلة بالذات معقدتني وهالشغلة هي انو بلشت حس انو الأخوية بلشت تصير متل المنتديات الخليجية :jakoush: :jakoush: يعني بياخة واكل هوا ومشكور ومشكورين على المرور ومشكورين على الطلة وسلمت وسلم لنا قلمك وهالأكل هوا يعني اخوية اللي خلاني حبة الروووح اللي فيا بس اذا بدا ضل على هالحالة بدا تصير منتدى خليجي بايخ وممل هو وأعضائو ومواضيعو البايخة ومية وردة الك ياغالي :D :D :D |
اخي العزيز ابو وليم
ما بعرف شايفك كتير مستاء من يلي عم بيصير مع انو كم السلبيات يلي هون اقل بكتير من الايجابيات يكفي الاخوية انو ما في حدا منا بالرغم من استياءه في بعض المواقف انو يترك والدليل كتير شباب هون عملوا مواضيع انهم بدهم يتركوا وبعد يوم او انتين رجعوا واعتذروا من الجميع لانهم ضعفوا بلحظة ضعف وياس اخي العزيز كل تجمع بالحياة في الايجابيات والسلبيات ولو ما كان في شي سلبي ما راح نعرف معنى الايجابي ولا نذوق طعهمه شغلة تانية ما لازم يقتصر تعاملنا هون مع الناس يلي بتفهم بالعكس لازم تتعامل مع كل العقليات والتوجهات لانو الحياة فيها كتير تناقضات وكتير توجهات مختلفة حتى الحقيرة والتافهة منها ما لازم يقتصر تواجدنا وردودنا على الناس يلي بتفهم بالعكس الناس يلي مو فاهمة اهم بكتر ترد عليها من الناس الفهمانة حتى تغير فكرتها وتعرفها الصح من الخطا انا معك انو هون في ناس ما عندها استعداد لتحاور والفهم بس لما بتحاورها انتا بذلك بتثبت وجهة نظرك امام الاعضاء الصغار بالسن وبتكسب انو بتخلي هاي الشباب الصغيرة تشوف الاراء المختلفة وتقبل وجهة نظر معينة وتتبناها حتى يكون عندنا شباب بمجتمعاتنا قادرة على التحاور والفهم واثبات وجهة نظرها ازمتنا الرئيسية بالعالم العربي هو افتقارنا للعنصر القيادي بعتقد انو هيك بناسس للشباب تكون بمراكز قيادة وتقدر تكافح من اجل اوطانا وافكارنا ومبادئنا هاي وجهة نظري مع احترامي الشديد لك ولوجهة نظرك اخي ابو وليم كل الشكر والتقدير لك:D |
اقتباس:
|
اقتباس:
يا خي يمكن أنت ماحضرت الزمن القديم تبع حسون و طارق و أبو النسيم كان في نفس تفوت على الأخوية و بعدين في كتير عالم عما تروح أو عما تخفف بس شو لح نستفيد يعني أنت مبسوط بوضع الصالون |
اقتباس:
والله يا اب وليم بصراحة هادا الحكي اللي حكيتو انت كلو صح وانا معو 100% وخاصة مشان ماتصير الأخوية متل المنتديات الخليجية بايخة وغبية ومواضيعا تافهة :jakoush: :jakoush: وانا مستعد اعمل اي شي حتى مايصير هادا الكلام ونخلص من البياخة تبعت المنتديات الخليجية بس يعني هادا الكلام مارح نحسن نفذوا بالمرة لا أنا ولا انت يعني نحن بالأول وبالأخر مجرد أعضاء لارحنا ولا جينا يعني مالنا مشرفين ومالنا سلطة على حدا يعني مامنقدر نفرض سلطتنا على حدا لما منكون مشرفين منقدر نفذ هالكلام هلأ لأ لانو نحن مجرد اعضاااااااااااااااااااااا ااااء وهي هي القصة مية وردة :D :D :D |
مزبوط خي حسون
بس أنت بتشك أنو نحن فينا نخرب الموضيع بطريقتنا الخاصة |
اقتباس:
شلون هي مافهمتا شلون فينا نخرب المواضيع يعني :shock: :shock: :shock: |
خلص شباب ( ابو وليم و جوفرمنت ) انتو فصلو ونحن منلبس
يعني شوفو شو الطريقة التخريبية المناسبة ومنشتغل عليها المهم ترجع اخوية متل اول |
اقتباس:
لعيونك وعمننتظر مبدعنا اب وليم :D |
اقتباس:
جبهة الدفاع عن اخوية :zen::zen::zen::zen: |
اقتباس:
|
والله يا ابو وليم.
في شغلة اعضاء اخوية صارو مجوعتين. جماعة المواضيع السخيفة. واللي هني صارو مجموعة كبيرة. وصارو تلت ارباعهون مشاركين. ومشاركاتهون لا بأس فيها. وبعضهون صار بالالاف. وجماعة المواضيع اللي مو سخيفة. وكمان في منهون بالالاف بس التنين صارو جزء من اخوية. وجزء كبير. بدك تحارب هالمجموعة رح تلاقي مجموعة تانية كبيرة. واقفة معو. لفتتني شغلة كمان, بالماضي كنت اجي لاخرب موضوع من المواضيع السخيفة. كنت لاقي رد من تنين او تلاتة بالكتير. بس بنفس الوقت كان يكون في شي 10 عم يخربو الموضوع معي. بس هلق صرت اذا بدي اخرب موضوع. صرت لاقي رد من شي 20 واحد. بالوقت اللي عم يخربو الموضوع معي هني شي تنين او تلاتة. صارت نسبة السخيفين باخوية اكتر من البقايا. ومع الاسف كمان لسى شغلة زيادة شفتها باخوية. وقت عم ينطرح موضوع سخيف, وما لازم يكون موجود باخوية. الاعضاء الله يكتر خيرهون. عم يقعدو يتشكروه ويقلولو برافو ويسلمو وتابع ومن هالحكي. فشي طبيعي انو ما يرد على حدا. بكل الاحوال انا شايف انو ما رح ينفع شي, لانو السخيفين ما عادون مجموعة صغيرة. وما عاد مشاركاتهون قليلة. اذا في حل ما رح يكون بهالطريقة. لانو هالطريقة ما رح تنفع |
اقتباس:
اضافة لحكيك معظم اللي عم يصفقو ويزلغطو ويرقصو بس ينزل موضوع هني من الاعضاء اللي عم يقولو انو الاخوية صايرة سخيفة يعني فيك تقول بوجهين حبة يمين وحبة شمال |
;-)
هاد اللي كان بدي وصلو |
بما أنو في أكتر من موضوع بيحكي عن وضع أخوية احترت وين بدي رد .... ولأنو لهلق ماهم نشوف حلول رأيي صار لحالو ..
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
ونحن عنا دروس بالإبادة معلي نحن مو بس هيك تخريب مو ضيع نحن لح نرجع نحط موضيع متل الخلق و العالم أو إذا عندك شي فكرة أطربنا خي جاد |
يا شباب بما أنكون أنتو ما شالله عندكون روح الإحياء و البعث للأخوية القديمة نحن لح نشتغل بطريقتين و محل شغلنا الأول و الأهم هوي الصالون يعني بدنا نعمل نفضة 1-بدنا كلما نشوف موضوع بايخ و تحت المستوى المطلوب نفوت ونخرب بكم تقفيلة سئيلة غليظة خلي يلي كتبو يكفر 2_ وهي الأهم بدنا نحط مواضيع مهمة و حلوة و بتعبر عن ولاد الأخوية الأصليين ملاحظة:أهم شي ماحدا يترك الأخوية هلق لأنو هي ماتركتنا لما كنا بحاجتها و هلق هي بحاجتنا |
طيب سؤال
شو صفتنا انا ولا انت ولا غيرنا اذا شي نهار في موضوع ماعجبنا وبدنا نخربو ؟؟؟؟؟؟؟؟ |
طيب شو صفة هدول يلي عما يحطو موضيع بايخة
أنا ماني روبين هود بس أنا بدي دافع عن هادا الشي الحلو يلي أسمو أخوية |
اقتباس:
ماشي ما أختلفنا بس هلأ انا مثلا في موضوع ماعجبني فبدي اجي خربو مثلا مشان مايرجع بنحط متلو فأكيد بدو يجي صاحب الموضوع ولا أي حدا تاني يقلي انت شو دخلك شو محلك بالأعراب واذا ماعجبك نطاح راسك بالحيط بهالحالة شو بكون موقفك اذا حدا قلكل هيك يعني نحن مابمون على حدا بس مع ذالك انا مستعد اعمل شو ماكان حتى ماتصير الأخوية متل المنتديات الخليجية :jakoush: :jakoush: :jakoush: ومية وردة الك :D :D :D |
قلو
هيك أنا بدي أعمل و إذا مو عاجبك في كتير مشرفين عما يكشو دبان أشتكي |
| الساعة بإيدك هلق يا سيدي 04:15 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون