|
الطريقة الصحيحة .. لتنظيف الأسنان
رح نزل اليوم موضوع من اختضاصي ..
الطريقة الصحيحة لتفريش الأسنان ... هلق عنا أربع خطوات بسيطة بتخلي النخر بعيد : هالخطوات بتطلب ... فرشاة أسنان جيدة - معجون مقاوم للنخر - ودقيقتين على الأقل كل يوم  الخطوة الأولى ... من أجل أنو نفرشي سطوح الأسنان الخارجية منحط الفرشاة بموازاة الأسنان واللثة بدرجة 45 ْ بحركات لطيفة ( بركز لطيفة لأنو التفريش ما بيعتمد أنو القوة ونعمل رض للثة :jakoush: ) ومنحرك حركة نصف دائرية .. أكيد ما منحرك يمين يسار ... ( بتمنى ما تلتهو بالتطليع عتم البنت المهم الفرشاية ;-) )   نفس الحركة لنفرشي السطوح الداخلية الخلفية للأسنان ...   الخطوة التالتة أنو منضع الفرشاة باتجاه الأعلى .. ومنحرك نحو الأعلى والأسفل لتفريش الأسنان الأمامية السفلية من الداخل .. ومنحط الفرشاية للأسفل ومنحرك أعلى أسفل لتفريش الأسنان الأمامية العلوية من الداخل ..   الخطوة الرابعة : منفرشي سطوح الطاحنة للأسنان ... ( يعني الجزء من السن اللي مناكل عليه ) بحركة أفقية ...  وإذا حابين تحصلو عنفس فريش ( منعش يعني ) فيكون بالنهاية .. تفرشو اللسان كمان  وبالنهاية وقت رح نطبق هالخطوات ... بيصير عنا ابتسامة هيك ... ( مو البنت ... ابتسامة بس )  |
وبالنهاية بدي أكد انو كتير ضروري نفرشي سناننا ...
 عن جد ... أنا عم أنصحكون ...  وإلا ....  |
عن اذنكن يا جماعه رايح فرشي سناني وارجع
ولا لاء ما رح ارجع |
ايوه ايوه
يالله هلأ تعي بكرا وحطيلنا موضوع كيف منتغطى منيح قبل ما ننام وكبيلك شوية مي ع ط.... وزحلقيلنا من المنتدى :pos: :( |
اقتباس:
أحبطتني ... بمحاولاتي الأولى للتصرف كدكتورة ...:? |
لك لااااااء لك ماما :( أنا أثف :sosweet: والله ما كان قصدي دكتورة :oops:
خلص ليكي انا ببقى براضيكي ;-) بدي روح نام هلأ عيوني طلعو مظاهرة من وشي ع كتر ما نعست وفتحة الفك تبعي صارت كيلو متر يالله تشاو وتصبحي ع خير إنتي والموجودين :D |
شكرا بترفلاي
مواضيعك دائما مفيدة وبنفس الوقت ممتعة الله يوفقك بدراستك :D |
شكرا على الموضوع المهم جدا لأنو في كتير عالم مابتعرف تفرشي سنانا
وياريت لو مسبقة شوي بالموضوع ما كان صار معي التهاب لثة شديد جدا |
لك وينك يا زلمية ؟؟؟ :?
|
يا هيك المواضيع يا بلا.ميرسي ميمو:gem:
|
د. مرصيـل
اول مرة بعرف انو هيك تفـريش الأسـنان :? ؟؟ لكان انا شو كنت عم ساوي بالفترة الماضية :cry: !! شكراً كتيييير بطرفلاي ع المواضيع المفيـدة :D ،، بس سؤال : شو رأيك بـ المعجون المبيـّض للأسـنان  ؟؟ |
اقتباس:
أنا والله بفرشيون دايما:clap: |
يعطيكي العافية دكتورتنا ..ولا تقطعينا من النصائح مشان دايما تكون انياب واسنان اخوية نضيفة
:D |
اقتباس:
|
اقتباس:
:jakoush: بس الحق عليك ... يا زلمة ... ليش العنف مع لثتك ؟؟؟ رض ؟؟؟ ولا وراثة ؟؟؟ |
شكرا كتير ميمو :D
عفوا دكتورة مرسيل :gem: عن جد شكرا كتير عالموضوع المفيد :D |
اقتباس:
|
اقتباس:
رأيي بالمعجون المبيض للأسنان ... المفروض هالمعجون أنو هوي بيبيض السن بس كيف مبدأو فيو حبيبات بتكشط أول طبقة من السن .. لهيك بيبدو أبيض بس مع الاستعمال اليومي ... بيضعف السن .. وبيصير حساس كتير ومع الوقت ممكن يتصدع وبعدين ينكسر هلق لهيك إذا كتير حابين نستعمل هالمعجون يفضل كل 14 يوم ... أنا بظن ضحكتك حلوة .. .لأنو الروح الحلوة بتشع من ضحكة الشخص :D |
اقتباس:
|
اقتباس:
|
ميرسي كتير butterfly
عالموضوع بجد مفيد كتير كل الناس فاهمه ان تفريش السنان شى بسيط بنروح بالفرشه شمال يمين وخلاص بس انتي قلتلنا الطريقه الصح تسلمي عالموضوع |
غزول فاتت بالحيـط
اقتباس:
:blush: :blush: .. ميرسـي بطـرفـلاي .. |
اقتباس:
|
اقتباس:
|
3 مرات بيكفي ؟
اقتباس:
 اي و انا هيك حسـيت !! كه كه سؤال د. بطرفلاي : هلأ لازم فرشي سناني 3 مرات باليوم ولا بعد كل وجبـة ؟؟ لأنو بالنسـبة الي اذا بعد كل وجبـة مصيـبة :? !!  |
اقتباس:
|
اقتباس:
ومشان الحق عليي يمكن بس انا ماكنت بعرف شي اسو التهاب لثة لأنو لأنو لهلئ زاير دكتور الاسنان شي 3 مرات بس بكل حياتي ووقت رحت لعند دكتور الاسنان رحت مشان سناني لأنو بلشو يوجعوني ئام ئلي انو سنانك مافيهن شي بس عندك التهاب لثة شديد جدا وهادا يلي صار معي بعدين فعلا علمني كيف فرشي سناني مزبوط لأنو كنت متل البقية فرشي سناني من غلط وحتى لو كانت مرتين باليوم قلي متل قلتن :pos: بس الشغلة يمكن رض والله اعلم بس يمكن في هيك شي وراثة لأنو سألت اهلي بعد ماصار معي هالشي وحكيتلوا للدكتور انو يمكن الشغلة وراثة قام قلي مافي هيك شي اسمو وراثة :pos: بس ما اقتنعت منو :pos: اي دكتورة مشان دواء الالتهاب ما كملتو لأنو اجى رمضان فشو اعمل ؟ وشكرا الك |
شكراااا على المووووووووووووووضووع الحلوووو بصرراحه استفدت كثيررر ميرسي لالللك:sosweet:
|
د. غزول
اقتباس:
يي :? !! حدا بيترك دوا الالتهـاب ؟؟ مابيصير لأنو الجراثيم بترجع بتقوا مرة تانيـة ،، لأنو الانطيبيوطيك بيعمل على منع تكون الجـدار الخلوي ( من خليـة ) للجراثيم و عندما نتوقف عن اخذ الانطيبيوطيك بيرجع جدار الخلية الجرثومية للتكون ;-) .. مع تحيـات الطبيبـة غزول 8) ( بعد اذنك بطرفلاي :p ) ،، |
هي المواضيع المفيده
شكرا كتير اختي بترفلاي :D |
اقتباس:
وبعدين استعمل مضمضة فيا صادات ... هي ما بتبلعا يعني ما بتفطر :D |
غزول الطبيبة شكرا
اقتباس:
بعدين ياعمي شو هالغزول هي ؟ من وين ماحكيتا بتجاوبك يعني اجتماعياً ثقافياً وهي طبياً بئيان شغلة وحدة بس وهي سياسياً بتكوني جمعتي المجد من جميع اطرافه ;-) سلامات :D |
اقتباس:
اذا اصدك على محلول البراجونسيل هادا عم استخدموا كل يوم مرتين حتى ضمن النهار من وقت ماوصفلي ياه الدكتور بس الاصد انو هالدوا يلي بلشت فيه ئبل رمضان وماكفيتو بدي ارجع كفيه بعد رمضان ولا لاء ؟ وشكرا الك :D |
اقتباس:
والله يا ريت فلاش باك تضم غزول لالنا ونشوفها معنا بالسقيفة عم تطلق رصاص هون هون المهم انا عجبتني كلمة كتير حلوة غزول وهي (الانطيبيوطك):p بس كنت بتمنى بالتوقيع تكتبي مع تحيات التيبة غزول بتكون اخر روقان هيك اسف جدا صاحبة الموضوع لخروجي عن النص وما راح تتكرر يا بيترفلاي العزيزة :sosweet: |
اقتباس:
وبخصوص الدوا المفروض تسألو عن دوا التهاب بديل ما بيصير أبداً تقطعو ... |
اقتباس:
بس غزول بتبعد عن هديك المواضيع مدري ليش بدك تسألها تحياتي :D |
اقتباس:
بس جد والله انا جاهز تكرمي اعتبرين صارو بجيبتك بس لهلئ ما عطيتيني رأيك الطبي عم شوفك عم تأدفيني على الدكتور :lol: ومشان الدكتور شبعرفني لنشوف رح احكي معو يا اما راحت لبعد رمضان وعليكي خير |
اقتباس:
غـزول مو حيـاللا 8) .. اقتباس:
هي لغتي الغـزولية ;-) ،، و احلى تحية للضكطورة بطرفلاي :D .. |
اقتباس:
لك شو القطة بتاكل عشاك انا بعرفك منيح وبثق بقدراتك وثقافتك لذلك انا متاكد انو غزوال راح تسمع منك وراح تقابلنا بشي موضوع هناك تحياتي فلاش باك المقنع:D |
اقتباس:
بس بتعرفي رائعة كتير اللغة الغزولية هاي :p |
| الساعة بإيدك هلق يا سيدي 22:31 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون