|
اللي عندو مخ اقتصادي يتفضل
السلام عليكم
شلون الشباب ؟ انشالله تمام ؟ بدي أستشيركو بموضوع (مصيري)تقريبا. أنا أخوكو محمود و معي شوية مصاري و حابب أشتغل فيهن بشي مشروع صغير يسد حاجتي على الأقل بس عندي مشكلة صحية فأنا عاجز تقريبا فيا ريت تعطوني أفكاركو بالمشاريع اللي تتوقعو انهن بساعدنّي المبلغ حوالي 1200 دولار يعني حوالي 60000 ليرة فكارمونا الله يكارمكو |
ظبطلنا اياهن على 65000 وبعدين تعى لعندي؟؟؟
|
اقتباس:
هلئ لاحقو للزلمه على 5000 مو بيناتنا خيو اول شي لازم نعرف انت شو بتعرف تساوي شو دارس شو مؤهلاتك شو الشي يلي بتحبو |
كنت (بزمناتي ) طالب طب من سنتين بس حاليا عامل إيقاف دوام بسبب الحالة الصحية
|
يعني اخ محمود انك تفتح مشروع معدات طبيه بظن المبلغ يلي معك ما بيكفي
ممكن على اعتبار وضعك الصحي تعبان _الله يقومك بالسلامه _ تفتح محل اكسسوارات شغله خفيفه نطيفه شو رأيك؟؟ اكيد فينا اناقش الموضوع اكتر إذا بتحب |
أتوقع إني لقيت مشوع مناسب
بوفيه مدرسة |
اي اموفق اخ محمود هادا مشروح امنيج اكتيير
|
موفق حبيبي
بس اذا عندك اعاقة صحية شو رأيك تشتري سيارة بتكون معفي من الجمارك و بتأجرها |
اخي العزيز المشروع الافضل والاسهل من حيث الجهد هو سوق الاسهم(البورصة)
وانتظر جوابك |
اخي ما الك غير بورصة الفوركس بس لازم تتروى كتييييييييييييييييييييير و تتعلم عليها كتييييييييييييييييييير شوف هالموقع و اوعى تتسرع wwww.forex.com.sa
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - وراسلني على ايميلي ممكن ساعدك ان شاء الله |
والله برأيي انك تشافر لشي بلد خرج يمشي حالك فيو
|
بما انو انا طالبة اقتصادية فلقيت بعد المخمخة بموضوعك انو احسن شي يلي قلك عليه الزميل leoprad
|
اقتباس:
اي سنة |
ليش في سوق بورصة بسورية ؟؟؟؟؟؟؟
|
أنا برأي تعطيني ياهن إلي بنوبك ثوابي
|
بدها خمخمة
شوف اخي محمود أنا بدرس اقتصاد , بس صدقني دراسة الاقتصاد بعيدة عن الواقع العملي اللي منشوفه
الحقيق مبلغك قليل , وأنت أولاً وأخيراً لازم تشتغل بشغلة بتعرفها وإذا مافي وبما أنو المبلغ قليل فبتقدر تشارك حده بشي مشروع , ويعطيك نسبة عليها بكون أفضل حل , او في غير شي , ممكن تحطهن بالبنك , وتزودهن شوي شوي , وبعد سنة بتقدر تاخد عليهن قرض وتشتري فيه شي شغله مع وضع اشارة ,يعني مثلاً بيت وتوضع عليه اشارة حجز وتوفيه بالتقسيط وتأجره , طبعاً رح يعطوك مبلغ أكتر من مبلغك اللي وضعته ,وبحطو فائدة 8% وفي النهاية أخي الكريم عليك تدرس المنطقة اللي عايش فيها وتعرف شو في ماشي كتير , بس انا بفضل الحل اللي بتشارك فيه شخص بأمانه يعني يكون شخص ثقة وتدخل معه شريك |
اقتباس:
|
اقتباس:
بعرف كلشي عنو تقريبا بس لسا ما تجرئت ادخل بالموضوع ....... في مجال تفيدني شوي بالموضوع ؟؟ |
ممممممممممممممممم;-)
ما عندي مخ اقتصادي :cry: |
اقتباس:
حبيبي بدك رأي , احسن شي اشتغل باي شي ئلو علاقة بالاكل يعني اذا صحلك مطعم صغير اجار , او كافتريا حتى لو بعيدة عن البلد وحطلك كم اركيلة بتخيل اكتر شي بيشتغل , او اذا بتلاقي شي مدرسة ثانوية ( شباب ) تفتح جنبها كافتريا صغيرة وشدة واراكيل وسندويش بشرفي لتقص دهب احمر . |
غيرو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟!!!!!!!
|
مشتل زيتون
|
أي حبيبي رأيي في مشروع بربحك منيح وما بده رأسمال
أنت شو بتعرف تعمل عالكمبيوتر يعني تصميم برمجه مثلاً أنا بساعدك حبيب هدا مشروع مربح بس مو كتير والتوفيق على الله راسلني و انا جاهز تساعدك |
الله يجزيك الخير يا معلمي
إن شاء الله تخرب الخطة لأنو على أساس أتعالج إن شاء الله فياريت تدعيلي و بس على كل حال أنا ضفتك لعندي و أمانة تدعيلي يالله السلام عليكم |
الله يشفيك يا رب آآآمين الله يقومك بالسلامه
|
السلام عليكم
بالفعل بوفيه مدرسه قد يكون مناسب أكثر من فتح بوتيك ملابس أو غيره لأن الناس قد تستغني عن تغيير اللبس كل يوم بس لاتستغني عن الأكل والشرب يوميا البوفيه ممتازه حاليا وربنا يوفقك وتفتح فرع ثاني وثالث.. |
الله يشفيك أهم الشي
|
| الساعة بإيدك هلق يا سيدي 11:40 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون