|
خدني معك .. كام يوم سياحة ..
بما انو الصيف خلص .. والدوام .. بدي .. لهيك ماعاد فيي سافر ... وبما أنو أخواتي بأخوية موزعين بالعالم كلو ... يعني عندي أخوات بروسيا ... أميركا ... الصين .. فرنسا .. ألمانيا .. مصر ... الأردن .. المغرب ... الأمارات ... قطر ...
هلق بعد هالمقدمة الأدبية ز..شو بدي من أخواتي .. بدي ياخدوني لعندن :clap: :yahoo: ... شوبكون .. ماتنجلطو ... تاخدونا هون بأخوية لعندكون ...يعني كل خمس تيام واحد .. انا :gem: أي انا بجلالة قدري .. بختارو بيحكيلنا عن بلد اللي موجود فيو بيبدا ... ( خارطة .. مساحة .. .سكان .. لمحة عن صناعة وتجارة وزراعة البلد .. صورعن مناظرو الطبيعية معالمو السياحية ..شوية أسماء لمشاهير فيو ..إذا ممكن موسيقا تراثية .. .شوي بس ( شوي ما تدخلولي بالتفاصيل ) عن نوع الحكم فيو ) .. وهيك بتكونو كأنو عزمتونا .. لعندكون عالبلد ... :mimo: |
ميرسي كتير ميمو عالفكرة الحلوة.انا عازماكي عالمغرب مرحبا بيكي:yahoo: |
إربطوا الأحزمة إلى ... روسيا ...
رح أبدا .. أول خمس تيام ... بصديقتي المقربة .. هية عرفتني على أخوية ( يعني وقت بتسائل عليكون وما بتعرفو على مين بدكون تسبو .. صرتو بتعرفو مين جابني لهون ..)
مشاركاتا يمكن قليلة ... شوي .. بس محبتا وموهبتا بالتصوير ... وثقافتا وتواجدا بروسيا... بيخلوني .. حب أني أبدا الموضوع .. بصديقتي كيلوباترا ... كيلوباترا .. غدا سنحلق ... مع كيلوباترا إلى روسيا ..  |
اقتباس:
|
فكرة كتير حلوة
بتاخدوني معكن على روسيا وبعدها بنرجع عالمغرب لعند غازيتا ومن المغرب بتجو كلكون لعندي عقطر وعلى اعتبار بشتغل بفندق فالاقامه رح تكون اسهل شي |
اقتباس:
ما معقول شو الناس عينا ضيقة :p :p :p لأ لأ لأ المحل اللي بعدو مو المغرب ... أنا ما بدي قلكون لليلة السفر ( مشان التشويق :gem: ) وبخصوص قطر منفكر باقتراحك :humm: :humm: وبخصوص البرايفت .. ما رديت لأنو بتعرف ليلة سفر وبدي ضب شنتايتي ...يعني خمس تيام هدول بدي شي عشرين تلاتين بلوزة وعشر تناعشر بنطلون ... :lol: :yahoo: ... ( لأ بصراحة ما كتير بحب أكتب برايفتات ... ) |
انا بحب روسيا كتير خدوني معكون :yahoo:
و اذا بدكون انا باخدكون ع جرمــــــــــــــــــــــــــــــــانـــــــــــــ ــــا :lol: :p |
اقتباس:
واصلا مابعرف سوق بسكليت لسوق طياره وشكلك مابدك ياني اجي معكن خلص بطلت سافر معكن بس الاقتراح بانكن تجو قطر لساتو قائم وبنستقبلكم واما بالنسبه للبرايفت انا ماكتبتو غلا بعد ماحكيت القصه شي عشرتعشر مرة المهم انشاالله بتروحو وبترجعو بالسلامه |
اقتباس:
خلص ولا يهمك .. وكمان بخصوص البرايفت كنت عم امزح ... بس لأنو النت عندي هلق كتير بطيء ما فيني أتأكدلك .. ..بكرة الصبح انشالله :D وبعدين ما منروح بلاك :D |
اقتباس:
اي بعرف انكن مافيكن تروحو بلاي بس انا هيك بحب ادلل شو مفكرة بس انتو البنات بتدللو ومو مشكله بشان البرايفت عاتي بعدين بطبعن لهدول الكتب :D :D :D :D |
لك كنتي اجلي رحلة روسيا لآخر الشهر ........ حاكم عندي طلعة على موسكو كنت بطلع معك ببلاش ........ وكنت زودتك بصور خرج سبق صحفي .........
ايمتى بدك تجي لعندي؟ |
اقتباس:
ببعتلك برايفت عن موعد الرحلة لعندك مشان السسبينس 8) :gem: |
منقـدر نوصيـكي ع هدايا :p ؟ موضوع كتير حلو ،، متل العـادة مرصيـل أفكارك رائعـة :D ،، |
بس يجي دور الاردن خبروني.:D ..مع اني ما بحبها...:pos:
|
التحليق .. !!!
مرحبا ...........
تذكروا شو حكى همام حوت لما إجا الدور عالطيارة السورية (يله بالدور يا بييييب بالدور يا بييييب إش كني ما بتفهموا يا بييييييييييييييييييب). بس أنا حآخدكون بالطيارة الروسية :) تفضلوا يا ضيوفنا الكرام :  آخر اللقطات من فوق مطار دمشق الدولي : (ريف دمشق): استمتعوا برحلتكم مدة 3:40 ساعات. واستمتعوا بوجباتنا اللذيذة على متن الأيرفلوت !! 8) مع القبطان : إيفان إيفانوفيتش إيفانون (قولوها 5 مرات لياخد لسانكون عالحكي الروسي , أدامنا 5 إيام) ومساعدته الكريمة ميمو (حبيبة قلبي :oops: ) وهي وصللللللنا لمطار (شيريميتيفا 2) في موسكو ... هبوطاً مريحاً طبعاً فيكون تلاحظوا الفرق :yahoo: ... لبسوا جواكيتكون مشان ما تاخدوا برد ....... والرحلة غداً بتبلش طبعا ............ حزروا من وين ؟؟ واليوم قبل النوم حاحكيلكون حكاية عن بلد اسما روسيا |
روسيا الاتحادية ... !!!
 العاصمة : موسكو مساحة البلد : 17075400 كم2 موقع البلد : تقع روسيا في قارتي آسيا وأوروبا, يحدها من الشمال المحيط المتجمد الشمالي وكل من النروج وفلندا, وإيستونيا وبيلاروسيا من جهة الغرب, ومن جهة الجنوب كل من كازاخستان ومنغوليا والصين, والمحيط الهادئ من الشرق. تفصل جبال الأورال بين قسمي الآسيوي والأوروبي لروسيا بنسبة 1:3 لصالح آسيا. وحدة النقد : الروبل الحكم : اتحاد فدرالي يخضع لنظام تعداد الأحزاب عدد السكان : عام 1998 : 156.489.000 نسمة, يتوزعون بنسبة 74% في المدن و26% في الريف. اللغة : يتكلم السكان اللغة الروسية وهي على ثلاث لهجات : شمالية وجنوبية ووسطى, كما أن الأقليات تتكلم لغاتها الخاصة بها إلى جانب الروسية. الديانة: المسيحية الأرثوذوكسية, بالإضافة للإسلام واليهودية والوثنية والمذاهب الأخرى من المسيحية. أهم المدن: - موسكو : 8.820.000 نسمة ((مع أن بآخر مصادر قريتها 16 مليون في النهار و10 مليون في الليل .. بس بصراحة انا ما عديتون )) !!! - سانت بطرسبورغ : 4.500.000 نسمة - نوفوسيبرسك : 1.500.000 نسمة - نيجني نوفغورد : 1.500.000 نسمة المنظمات الدولية التي تنتمي إليها : الأمم المتحدة, الاتحاد الأوروبي . العلم :  أهم المنتجات :
التقسيم الاداري : من حيث يتكون الاتحاد الروسي من 89 كيان فدرالي (وحدة ادارية)، منهم 21 جمهورية : 1. أديغيا 2. ألطاي 3. باشكورتوستان 4. بورياتيا 5. داغستان 6. إنجوشتيا 7. كبردينو - بلقاريا 8. كالميكيا 9. قرة تشاي - تشركسيا 10. كارليا 11. كومي 12. ماري إل 13. موردوفيا 14. ساخا (ياقوتيا) 15. اوستيا الشمالية - ألانيا 16. تتارستان 17. توفا 18. اودمورتيا 19. خاقاسيا 20. ششنيا 21. تشوفاشيا على النحو التالي:  الوضع الدستوري : تختلف الجمهوريات عن باقي الكيانات الفدرالية في أحقيتها في اتخاذ لغة رسمية (المادة 68 من دستور الإتحاد الروسي). الكيانات الفدرالية الأخرى كالكرايات والاوبلاستات ليس لديهم هذا الحق. إلا أنهم كسائر الكيانات الفدرالية ليس لحكوماتهم سيادة وطنية (المادة 3). |
Российская Федерация
الرئيس : فلاديمير بوتين رئيس روسيا الحالي , مواليد سانت بطرسبرج 7 اكتوبر من عام 1952 وحصل على درجة الكانديديات، التى تعادل الدكتوراة، فى الاقتصاد. فى يوم 25 يوليو 1998، اصدر الرئيس بوريس يلتسين قرارا بتعيين بوتين مديرا لجهاز الامن الفيدرالى الذى خلف جهاز الكيه جى بى السابق و اصبح رئيسا بالانابة عند استقالة يلتسين فى 31 ديسمبر من عام 1999، وفى الانتخابات التى جرت يوم 26 مارس عام 2000، تم انتخاب بوتين رئيسا واعيد انتخابه رئيسا للبلاد فى الانتخابات العامة التى جرت يوم 14 مارس 2004.
 المصادر: موسوعة الأقطار والبلدان / مصطفى فاخوري موسوعة ويكيبيديا موسوعة كليوباترا الخاصة مخطط تعاقب الأجيال التفصيلي لروسية والاتحاد السوفيتي 1 - بدأ بناء روسية عام 1848 على يد نقولا الأول ( القيصر ) الذي أوفد البعثات إلى أوروبا ( خاصة فرنسة ) لنقل الصناعة والزراعة والتعليم ( التكنولوجية ) إلى روسية . 2 – الجيل المستهلك حكمه اثنان الأول كان إسكندر الثالث وكان مسالماً حميد الصفات عالي الذكاء والثاني هو نقولا الثاني الذي أطاحت به الثورة الشيوعية عام 1917 . 3 – قامت الثورة الشيوعية عام 1917 وأعلن الاتحاد السوفيتي بعد أن انضم إليه كثير من الجمهوريات المتاخمة . 4 – الجيل الباني في الاتحاد السوفيتي بدأه لينين ثم ستالين الذي انتصر في الحرب العالمية الثانية على هتلر النازي الألماني وكان في القمة خروشوف . 5 – الجيل المستهلك في الاتحاد السوفيتي كان بريجنيف ثم أندروبوف ثم تشيرنينكو ثم غورباتشوف الذي بدأ الانهيار في زمنه بل وساعد على الانهيار بدعوته للبريسترويكا ( إعادة البناء ) والجلازنست ( الصراحة ) ولكن الانهيار التام كان في عهد يلتسن الذي تعاون مع العدو السابق للاتحاد السوفيتي وهو أمريكا واستقلت الجمهوريات التي كانت قد ضمت إلى روسية وشكلت الاتحاد السوفيتي . 6 – الجيل الباني لروسية الجديدة بدأه بوتين الذي مازال يحكم روسية للان وجرى تجديد رئاسته من شهر . 7 – روسيا الآن في مرحلة الصعود في الجيل الباني وسوف يكون قمة صعودها عام 2031 . - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
حلو كتير الحكي
يللا استعجلولنا شي شوي بالرحلة حاببتا تخلص الرحلة ابكر بشوي عندي شوية شغل بدي اتعرف ع بعض عالم هونيك ومافي غير ميمو وكليوباترا مسموح يروحو معي :pos: |
يــــــــــــا سلام .......... شي كروتّا تمام (هي بالروسي)
أنا لازمني شوية معلومات عن موسكو...... من ناحية السياحة و التسوق و الأوتيلات ...... و المطارات و هيك بمعيتك سباسيبا |
اقتباس:
|
شي كتير حلو اكيد راح نستفيد و تستمتع وننبسط كتير :clap:
|
غزول في ألمانيـا ،،
اقتباس:
genau ،، خاصة لما يجـي دور ألمـانيـا :yahoo: ،، |
عن جد لازمني معلومات عالسريع ....... عن فنادق جيدة و مطاعم عربي تركي جيدة بموسكو
|
واو رحلة روعة تانكس كتير بكرا منكمل الرحلة.
|
انا دخت بالطائرة ...
|
يا جماعة بس طولوا بالكون علي ... اليوم عندي تقديم مادة حمل :cry:
ادعولنا ............ وبعدين منكمل الرحلة |
بدنا بيتيوركا ها ............. خرشو كمان بيصير ...........
|
[quote=chefadi;469691
و اذا بدكون انا باخدكون ع جرمــــــــــــــــــــــ ــــــــــانـــــــــــــ ــــا :lol: :p[/quote] وانا رحت معكون كمان.....و عم نستنى هلأ بالاوتيل بين ما ترجع تفتلنا كليوبترا بروسيا.... ولما بدكون انا باخدكون ع حمص.....أهم دول العالم:lol: |
اقتباس:
انا بحب حوووومص و اهل حوومص :sosweet: .. و مناكل حلاوة الجبن كمان :eat: .. |
اقتباس:
روحي كليوباترا الهي يوفقك.بس لا تتاخري .يا جماعة حدا يدفع مصاري الاوطيل على ما تيجي. |
تحولي على قطر 8)
|
ايمت بدنا نروح على ايطاليا
برد كتير هون |
شو صار معكن
وين وصلتو بالرحلة لك ليكون لغيتوها :? |
اقتباس:
 |
يلا يا محمد ... أنا كتير حابة كون هلق بمصر :yahoo: :yahoo:
عن جد ....  |
اقتباس:
اقتباس:
|
مقدمه
مصر الاسم الرسمي للدولة طبقا لدستورها هو جمهورية مصر العربية و يترجم في المحافل الدولية إلى (بالإنجليزية: Arab Republic of Egypt).مصر دولة تقع في أقصي الشمال الشرقي لقارة أفريقيا، و تطل على كل من الساحل الجنوبي الشرقي للبحر المتوسط و الساحل الشمالي الغربي للبحر الأحمر بمساحة إجمالية تبلغ مليون كم² تقريبا. مصر دولة أفريقية غير أن جزءا من أراضيها، و هي شبه جزيرة سيناء، يقع في قارة آسيا. تشترك مصر بحدود من الغرب مع ليبيا و من الجنوب مع السودان و من الشمال الشرقي مع اسرائيل، و يفصلها البحر الأحمر عن كل من الأردن و السعودية، و تمر عبر أرضها قناة السويس التي تفصل الجزء الآسيوي منها عن الجزء الافريقي. مصر أكبر الدول العربية سكاناً، و ذات الترتيب السادس عشر عالمياً :yahoo: من حيث عدد السكان الذين يعيش أغلبهم على ضفتي النيل و إلى جانب المنطقة الساحلية. تشكل الصحراء غالبية مساحتها و هي غير معمورة. معظم السكان في مصر حاليا من الحضر يعيشون في مدن ذات كثافة سكانية عالية، ربعهم في مدينة القاهرة الكبرى، أكبر مدن أفريقيا و الشرق الأوسط.:shock: |
اقتباس:
مشكور سيمو عجل الرحلة مشان اقدر اروح معكم اليوم وبكرا. |
علم مصر
 الشعار  النشيد الوطني بلادي بلادي بلادي بلادي بلادي بلادي هو النشيد الوطني المصري الحالي، ألفه ولحنه سيد درويش، وتم تبنيه عام 1979. نص النشيد "بلادي بلادي بلادي" بلادي بلادي بلادي لكِ حبي و فؤادي بلادي بلادي بلادي لك حبي وفؤادي مصر يا أم البلاد انت غايتي والمراد وعلى كل العباد كم لنيلك من اياد بلادي بلادي بلادي لك حبي وفؤادي بلادي بلادي بلادي لك حبي وفؤادي مصر انت أغلى درة فوق جبين الدهر غرة يا بلادي عيشي حرة واسلمي رغم الأعادي بلادي بلادي بلادي لك حبي وفؤادي بلادي بلادي بلادي لك حبي وفؤادي مصر يا ارض النعيم سدتي بالمجد القديم مقصدي دفع الغريم وعلى الله اعتمادي بلادي بلادي بلادي لك حبي و فؤادي بلادي بلادي بلادي لك حبي وفؤادي القاهرة هي عاصمة جمهورية مصر العربيه القاهره مدينه واحده فقط وهي ذاتها المحافظه وهي أهم مدنها، عدد سكانها 20 مليون و نصف المليون نسمة، بدون حساب سكان مدينتي الجيزة وشبرا الخيمة. يسكنها أكثر من ربع سكان مصر البالغ تعدادهم 75 مليون نسمة، وتصل الكثافة السكانية بها إلى أكثر 15 ألف نسمة لكل كيلو متر مربع، و سميت تاريخيا باسم مدينة الألف مئذنة لكثرة مساجدها. أسسها المعز لدين الله الفاطمي لتكون عاصمة له، وقد بناها له القائد جوهر الصقلي ، و تضم الان مدينة الفسطاط التى أسسها عمرو بن العاص سنة 20هـ ، و مدينة العسكر التي أسسها صالح بن علي العباسى سنة 132هـ ، و مدينة القطائع التى أسسها أحمد بن طولون سنة 256هـ ، بالإضافة إلى القاهرة الفاطمية ، و الأحياء التى طرأت عليها بعد عهد الفاطميين و حتى الان . و تعد القاهرة حاليا هى أكبر مدينة عربية و الأكبر و الأكثر سكانا فى افريقيا و الشرق الأوسط أيضا. القاهرة، محافظة مدينة، أي أنها محافظة تشغل كامل مساحتها مدينة واحدة، و في نفس الوقت مدينة كبيرة تشكل محافظة بذاتها. هناك أيضا ما يعرف باسم مدينة القاهرة الكبرى وهي كيان إداري شبه رسمي يضم بالإضافة إلى مدينة/محافظة القاهرة مدينة الجيزة وبعضا من ضواحيها وشبرا الخيمة من محافظة القليوبية. تعد أكبر العواصم الاسلامية والعربية والافريقية . كانت عاصمة الدولة الاسلامية والعربية فى عهد القائد صلاح الدين الأيوبى حيث كانت مركز حكمه. صوره حديثه للقاهره من دون جمال او حمير او رمل :lol:  يا جمالها :sosweet: :hart: |
في أمكانية تأمنلنا النشيد القومي ؟نسمعو ؟ :?
أنا بدي روح مصر :cry: |
| الساعة بإيدك هلق يا سيدي 22:35 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون