|
ما هو (( العيب ))الذي تتمنى تتخلص منه في شخصيتك؟؟؟؟؟؟
لكل شخص منا شخصيته ولديه عدة مميزات تميزه عن غيره من الناس اضافة لذلك عدة عيوب نجده يحاول تلافيها واحيانا لا يحب ان يعترف بها مع انه ضروري لكل شخصية ان يكون لديها مميزات وعيوب انه شي فطري والكمال لله سبحانه وتعالى ومن العقل والمنطق ان نكون اول المعترفين بعيوبنا قبل مميزاتنا حتى تكون عامل مساعدة لنا في تلافيتلك العيوب والوصول الى الحد من ذاك العيب او التخلص منه نهائيا... اذااستطعنا فالسؤال الموجه الى كل عضو من اعضاء المنتدى واتمنى الاجابةعليه بصـراحــه : ^ ^ ^ ماهي الصفة التي ترى انها تؤثر على شخصيتك وترى بانها من عيوبك التي تتمنى ان تتخلص منها ؟ كل الاحترام والتقدير للجميع  </IMG> |
والله انا الحمد لله بحمد ربي عكلشي...
بس يمكن يمكن انو انا فيني شغلة انو بحب انو كون قائد ما بحب انو تروح هالصفة لانو حلوة بس احيانا بيصيير زعلات من وراها شكرا عالموضوع الحلو |
الانفعال العاطفي علي قضيه فلسطين
|
مرحبا انا هاي اول مشاركة الي بمنتداكم الحلو وحبيت حطا هون ^ عجبتني فكرة الموضوع عندي يمكن شي 100 صفة بدي لتخلص منها :lol: بس اكتر صفة هي اني براعي مشاعر الغير زيادة عن اللزوم لكن اذا حدا اذاني بنقلب القصة معي وكمان زيادة عن اللزوم بتمنى كون معتدلة ومرنة اكتر هاي صفة بتمنى غيرها :D ويسلمو نسرين:D ة |
اقتباس:
هاي مشكلة بتصير معي اوقات و انا عصبي كمان كيف بيشيلوها هاي؟ |
العصبيه الزايده عندي
يعني ممكن انفجر بلحظات وماعاد بشوف قدامي مع انو ممكن يكون سبب بسيط يلي عصبني هي اكبر مشكله عندي |
اقتباس:
|
بحب إتعلم حِب المقربين مني وإسق فيهن بالعئل مو بالألب بحيس إزا صار ما صار هالشي ما يكركبلي كل نواحي حياتي..
|
الحمد لله على كل شي
بدي أتخلص من طيبة قلبي بس مافيني |
اقتباس:
حطينت ايدك عالوجع... بس مو هيك بحب كون القائد بكل شي مع انو كلشي بيطلع من تحت ايدي تمام بس ما بحب شوف واحد عم بغلط قدامي بتنسيق روحة او اي شي او طلعة او او |
انا بحب القضية كتير بس مابعتبر عيبي
عيبي يا اخ انوا ما بحب اعترف بعيوبي او اخطائي ان جاز التعبير |
كنت سدق الناس كتير لأن كنت فكر انو الناس متلي بس الحمدلله هالعيب تخلصت منو
وبطلت سدق كل شي بيتقلي.. بس العيب يلي هلأ عم حاول اتخلص منو هو مراعاة شعور الآخرين على حساب شعوري يعني بتحمل أي شي ممكن يجرح شعوري أو يزعجني من أي شخص ولا بزعلو بكلمة لأن بخاف كون غلطانة بحقو وهاد الشي عم يدايقني كتير لأن غلط كون هيك وبإذن الله مارح ابقا هيك :gem: نسرين هي جاوبتك بصراحة.. بس انت شو العيب يلي بتتمني تتخلصي منه بشخصيتك؟؟ يلا صار دورك تجاوبي:yahoo: مو بس تسألي:D |
اقتباس:
|
اناااااااااااا مابقدر انصحك لاني تقريبا عيبي نفس عيبك وفي كمان شغلة
يمكن افهمتهااا هيك اني وقت حب بحب بكل صدق وامانة واخلاص حتى لو كانت العلاقة عادية وهاد يمكن بدوو يجيب اخرتي ومشكورة***** ح |
اقتباس:
جبيتا في شي انو عيبي هوي التسرع بحب كتير السرعة و عدم النتظار و هالشغلة بتدايقني كتيييييير تانكس |
جبيتيهاااا
اقتباس:
هاهاااااا واهااااااااا قلتيلي حلوة وجـبيتيهااا ايه نيالهاا والله يحلي ايامك وتانكستين مشكورة ص***** :p نسرين كل عام وانت بالخير ح**** راديا كل عام وانت بخير ص***** :p :lol: :lol: :lol: ورمضان كريم على الجميع |
الحمد لله ما في شي بسخصيتي مو عاجبني او مو عاجب حد
والف الحمد لله على هالنعمه ومشكوره اختي على الموضوع الرائعد :D |
اقتباس:
قول والله |
اكبر عيب فيني اني عنيدة كتييييييييير:oops:
واكتر الخناقات والمشاكل الي بتصير معي بسبب هالصفة ....طبع فيني ما بقدر اتخلص منو |
أخت نسرين موضوع جميل وبيستحق منا نوقف عندو، فعلا الكمال لله ونحنا بالنهاية بشر وعنا عيوب وأخطاء -هادا الشي الطبيعي- بس كنت متمني انك تطرحي سؤالك بشكل مختلف، تطرحيه شو هو الغلط اللي شفتو بغيرك وحابب أنك تغيرو، هالصيغة بتخلي أغلب الاعضاء يتشاركو بحماس وبفعالية أكتر، لأن الاغلبية ماراح يعترف بعيوبو، وأن أعترف فما راح يعترف مية بالمية بيجوز يطرح صفة أو صفتين بأحسن الاحوال، هيك ممكن نتعلم بشكل أفضل من تجارب كل المشاركين ومن رؤيتهم، لهيك أنا راح اعتبر أنك سألتي متل ما أنا أقترحت عليكي وراح رد بناء عليه.
العصبية، هي نقطة ضعف الجاهل، اللي بتخليه يقع بالأغلاط وعدم التصرف بحكمة او موضوعية، ومهما كانت الشغلة وراثية أو الظروف عمتفرضها، مو حجة ليجن جناننا ونهوبر ونشوبر، لازم نضل هاديين ونتصرف بتعقل وحكمة لنقدر نصير عالموقف ونكسب. الثقة، لازم نكون واعيين تماما لها الامر، ونكون حذرين جدا بمنح ثقتنا لحدا، لانو الخيانة والغدر صعبة كتير كتير، وخاصة من الناس اللي أخدو ثقتنا وتكشف الهم كل تفاصيل حياتنا، برأيي الثقة ما بتنعطى الا بعد امتحان طويل وتجارب واقعية، لحتى ينجح ويصل الممتحن لدرجة أخذ الثقة وينال هالشرف. العفوية، ليش لنكون ممثلين وندعي أحوال أو قدرات ما بنمتلكها، ليش ما نكون طبيعين وبسيطين بطرحنا لنفسنا، الكل هيك ممكن يتقبلنا ويحترمنا ويحاول يساعدنا -طبعا اذا بيحبنا- وما بنضطر للمراوغة والتملص وقت ننكشف لغيرنا، كلنا عمنتعلم ونحاول حسن واقعنا، مو عيب نقول أنا مابعرف، او نتهرب من وضعنا الاجتماعي ونبهرو ونعظم فيه لانو مو عاجبنا، صح يا شلة وانا خطأان -بمعنى فهمان-. هدول الشغلات التلاتة اللي حبيت شارك فيهم واللي بشوف اكتر الناس واقعين فيها، وما عميحاولو يصلحوها، ودمتم. الله حيووووووو الدعم اللوجستي |
للصراحة الموضوع حلو و خلاني ارجع فكر بحالي :?
يعني انا بتضايق من حالي احيانا من طيبة القلب الزايدة وهي حقيقة و شغلة تانية انو انا حساسة كتييييييييييييييير يعني كيف؟؟ يعني ممكن انا اتضايق وانجرح من كلمة حكاها شخص من دون ما يقصد او يعدها كلمة بتجرح و انا بطبعي ما بحب اظهر هالشي للناس ومشان هيك بيضل الجرح بقلبي و انا بس يلي بتألم منو عرفتو كيف ;-) |
ماهي الصفة التي ترى انها تؤثر على شخصيتك وترى بانها من عيوبك التي تتمنى ان تتخلص منها ؟ بكره بحالي الحساسية sensetiveالزيادة و بتمنى اتخلص منها واحياناً بكره في حالي الطيبة وبرضو بتمنى اتخلص منها |
انا انسانة عنيدة كتير : يعني عندي كن فيكن! ما في لف ولا دوران ;-) !!
كمان شي اني شوي (بس شوي :o ) عصبية!! |
| الساعة بإيدك هلق يا سيدي 20:56 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون