|
ولد وأبوه
هلأ الواحد بيتجوز وبيصير عندو ولد...... هاد شي حلو
بس لما بصير عندو ولد بيبطل اسمو الفلان وبيصير اسمو ابو الفلان والمرأة بيصير اسمها ام الفلان على اسم الولد طيب ليش هيك؟؟؟ ليش لحتى يلتغى اسم الاب (اجتماعيا طبعا يعني رح يضل اسمو عالهوية متل ماكان بس بين الناس بينتسى اسمو الاصلي) انو ليش انا بحسها فيها الغاء لشخصية الاب والام :? وكمان ليش اذا اجى اول ولد بنت وسموها مثلا رباب بيصير اسم الاب ابو رباب وبيجيبو تاني ولد واجت بنت بيضل الاب ابو رباب وبيجيبو تالت ولد واجت بنت بيضل الاب ابو رباب ونفس الشي لو جابو عشر بنات بيضل الاب ابو رباب بس يجي الصبي لو بعد عشر بنات بيصير الاب على اسم الصبي يعني مثلا ابو باسم:? ليش؟؟؟؟؟؟؟؟؟؟ |
اقتباس:
وكمان الناس احرار يقولو ابو باسم وما يقولو ابو رباب :p :p :p وكمان مو من حق رباب تقرر الاسم اللي الاب رح يتنادى فيه ولا انتي ولا اي حد :p :p :p عاش باسم وابوه عاش عاش :yahoo: :yahoo: :yahoo: :yahoo: :yahoo: |
والله هون باميركا مافي شي من هالحكي
من اول ما اجيت على اميركا ما سمعت حدا عيط لابي ابو جاد |
اقتباس:
والله أنا مستغرب من هادا الحكي علشان عندنا في سوريا بينادو لكل واحد حتى قبل ما يتجوز بأبو فلان على حسب إسم الأب يعني مثلا أنا من أول ما أصبح عمري 13 سنة كان الناس كلها إلي بتعرفني وبتعرف والدي بينادولي أبو خليل على إسم والدي (الله يرحمو) وهاي إيشارة لإلي علشان الإسم يمشي عليّ لغاية ماأتزوج وأسمي إبني خليل علشان إسم الوالد يتم ملازمني طبعاأنا بحكي على أكثر الناس الموجودين بسورية بس مش الكل وكمان أغلب الأولاد أول ما بيجيهم بنات بيسموهن على حسب إسم الأم ولكن للأسف الشديد قلة عقل بعض الشباب إلي طالعة اليوم وتفاهتهن وتظاهرهن بالتمدن أو على رأي الشباب (الموضة) فبيقولو (ياي إسم البابا كان موضة قدية كتير كتير بدنا شي إسم يكون هاي كلاس يعني إسم شي مطرب أو راقص أو مطربة هيك يعني يكون جانتي كتير جانتي ) وطبعاً أحياناً تسلط الزوجة على الزوج يبخليها تمنعو يكتب إسم أول ولد على إسم البابا تبعو لإني هادا الشي بيخليها تتذكر حماها دائماً لك آه شوبدي إحكي لإحكي كل الدنيا ماشية بالمقلوب أما بالنسبة لكون الواحد بينسما أبو فلان على إسم أول ولد فقط فعلى ماأعتقد لأن الولد الأول هو الإسم اللذي ينادا به حتى من قبل أن يتزوج الشخص وليس من الممكن أن يتغير إسم (أبو فلان )كل ما بيجي ولد جديد لأنه إذا دل فإنه يدل على جزء من شخصية الرجل وليس من الممكن أن يكون الرجل في كل فترة من الزمن بشخصية جديدة تحياتي الحاج متولي |
شوفي يا ستي جبت سطل أفكاري بما يتعلق بهالمسألة.
الابوين بيصير اسمهم أبو وأم الولد الاكبر لأنو بصراحة هو بيكون أغلى ما عندهم وبيعتزو بأسمو لدرجة أنهم بيبدو أسمو على أسمائهم الشخصية -متل ما بيبدو كلشي ألو ولو على حساب صحتهم وراحتهم-، وهي سنة الكون وهي الفطرة اللي الله سبحانو وتعالو خلقها فينا، وبتخلينا نفني عمرنا لارضاؤو وسعادتو... بالنسبة للقضية التانية أنو ليش بيتغلب أسم الولد على البنت ولو أجى عاشر مولود، لأنو ببساطة الولد الذكر هو اللي راح يحمل أسم العيلة ويضمن استمرارية النسب -متل ما بتعرفو- وأكراما لهالشي بيأخد اسمو الاولية على أسم أهلو بمجرد قدومو على هالدنيا، بالأضافة لانو مجتمعنا العربي معروف أنو مجتمع منجب للذكور بشكل عام، وغالباً في ذكر بالاسرة بيكون أسمو هو الغالب على أسم أهلو، بمعنى لو مجتمع بينجب الاناث بشكل اكتر كانت من الطبيعي يتمشي هالموضة ويصير أسم البنت هو الغالب على اسماء الاهل، يعني فيلك تقولي عادة قديمة ودارجة. بحب ضيف شغلة أخيرة أنو مجتمعنا بيربي الشب من صغرو على أسمو البديل فبتلاقيه من صغرو أبو فلان -وطبعاً هالفلان ذكر- لانو هالشي -حسب اعتقادهم وبالتجربة- بيخليه يصير رجل بسرعة اكبر وقادر على تحمل المسؤلية بشكل أكبر لهيك شخص بيكبر على هالفكرة متوقعة انو يرضى يغير اسم البكر لاسم صبية، لك أكتر من هيك ناس كتير بيضل أسم الذكر -أبو فلان وأم فلانة- حتى لو ما أجى هالذكر أبداً وكل الخلفة كانت بنات. لهيك يا صبية الله يرضى عليكي ماتحاولي تغيري هالموضى ونصير ابو فلانة مو حلوة بحقنا منوووووووب منوووووووب. الله حيووووووو الدعم اللوجستي |
ام شو حضرتك بلا صغرة 8)
:lol: |
اقتباس:
عن جد افحمتني ...... كلامك كتير مقنع :jakoush: |
اقتباس:
شو بدو يتسمى على اسمك :p عم امزح اكيد هوي بيتشرف فيك 8) بس انو ظريف يحافظ على شخصيتو ويضل الو اسمو الشخصي ومايلتغى بمجرد انو صار اب:D |
اقتباس:
بس كأنو انا حسيت من حكيك انو نحنا لازم نتقيد بكل شي من العادات اللي عنا بدون حتى مانفكر فيها ونفكر اذا في شي تاني ممكن يكون صحيح وسليم اكتر منها وبعدين ليش الاتهام لاي حدا طلع عن هي التقاليد انو تابع الموضة...... يمكن يكون مفكر بالموضوع بشكل عقلاني اكتر من كل اللي عم يتبعو التقاليد ويكون وصل للتتغير عن طريق واعي وماهوي تقليد للغرب ابدا وبكل الاحوال نحنا بحاجة انو نفكر بالاشياء اللي بنعملها واللي ورثناها عن اجدادنا القدماء...... وبعد التفكير بالسلبيات والايجابيات بنقرر اذا لازم نضل عليها او نغيير عنها..... وهاد اللي بتمنى انو يصير ولهي انا طرحت الفكرة هون |
اقتباس:
ليش مين قلك انو ال ابو فلان ما بيكنلو شخصية ضاربة على كل الشخصيات اللي بالبيت |
أنا أبي كان أبو المجد و حتى لما اجى سيزار ضل أبو المجد ( مو لأنو اسمي اسم ينطبق عالجنسين لأ)........... رفض يغير............
عفوا منك سيزار.......................ز يا حاج متولي ........... انو برأيك لازم الواحد يسمي ابنو او بنتو على اسم ابو و امو ؟ طب وبعدين ............. وضحة بنت وضحة وضحة بنت وضحة وضحة بنت وضحة عثمان بن عثمان عثمان بن عثمان عثمان بن عثمان ما بيصير ............... الواحد لازم يختار اسم مناسب لأبنو او بنتو بحرية دون التقيد بأسم ابو و امو ........... ما في داعي ............. الدنياعم تتطور والناس عم يزداد وعيها ........... ما عم قللك سمي اسماء هشك بشك لأ ........... بس التسلسل الأسمي بالعيلة مو مريح ......... |
يمكن لأنه بوجود الولد بحيات الأهل بتتغير حيات الأهل يعني بصيروا عايشين في عيون ابنهم
بصيروا بعيشوا حياتهم في تجارب ابنهم بيزعلوا وقت بيزعل بعصبوا وقت بعصب وبيفرحوا وقت بيفرح يمكن مشان هاد الشي بتتغير التسمية |
اقتباس:
ولك والله انك منتا عايش ماني عارف كيف متحمل الغربة يا مان بس بعين الله |
بس بجد كلمة ابو يعني انتا هلا مسؤل عن عيلة
وكمان لحتا ما يضل تحت مظلة العزابية يعني هيك يبين انو متزوج وعندو ولاد ومستقر يعني شكراااا |
اقتباس:
هلأ منشان انو الابوين عندون الولد اغلى من كلشي بالحياة هاد شي صح....... بس ليش لحتى مايحافظو على اسمائهم..... يعني هيك مارح يكون الولد خسر شي ابدا ومارح يكون نقص عليه شي...... والاهل بيضلو حاسين اكتر بقيمة شخصية الون بالاضافة لانو مارح يحسو انو بعدو عن الولد ولا شوي اقتباس:
اما انو الولد رح يحمل اسم العيلة؟؟؟ هلأ خليك واقعي لسه حدا هلأ عم يحيي اسم العيلة؟؟ يعني هلأ انت بتعرف مثلا اسم جدك التالت مارح تقلها وقول العاشر او العشرين..... يعني هي ببساطة موروثات فكرية قديمة وفيك تقول بالية بس مانها من واقعنا الحالي ابدا بعدين ليش مابتفكرو بالبنت ونفسيتها كيف رح تتأثر لما بيصير فيها هيك شي...... وانها رح تحس انو اجى الذكر اللي لسه ماعمرو غير يوم واخد منها شي طول عمرها حستو من حقها وانا معك انو هي مابتتجاوز كونها عادة قديمة ودارجة اقتباس:
|
احلى شغلى وتعقيباعلى الموضوع الاساسي
بتصير معي كتير بس اتعرف على حدا من الجالية الغير مثقفة معظمون بيقللي (ابو شو؟ بلاصغرة) بقللو بكير على ابو بيقللي بااااااااااطل عالرجال كأنو من تمام الرجولة انو الواحد يكون ابو شغلة |
اقتباس:
:jakoush: :jakoush: :jakoush: :jakoush: :jakoush: :cry: :cry: :cry: :lol: :D |
اقتباس:
|
:? :? :?
|
اقتباس:
:shock: :shock: :shock: :shock: :shock: نعم والله ابتحكي جد احنا بفلسطين يمكن اذا بدنا نجبر البنات عفوااا يعني علا هاي الكلمة بدنا لكل شب 4 وانتي احسبيها |
اقتباس:
|
اقتباس:
:D |
اقتباس:
|
اقتباس:
اول شي انو حتى لو تغيرت حياة الاهل وصار الولد هوي الاولوية....... هاد مالازم يعني انو ننسفون من الوجود ويصير وجودون بس وبس كرمال الاولاد وكمان تفسيرك فيه شي ناقص...... لانو لو كان بس هيك كانو بيسمو على اسم الولد الكبير بغض النظر عن كونو صبي او بنت |
اقتباس:
وبعدين اذا تغيير الاسم رح يعلمنا تحمل المسؤولية معناتها هات ياتحمل مسؤولية :pos: |
اقتباس:
|
اقتباس:
;-) |
اقتباس:
أبو فلان= زلمة جدع حرر القدس وجاب صلاح الدين هلق مو بس هون المشكلة أنو بيكون عأسم أبوه للرجال ؟؟؟ طيب ليش ؟؟؟ :? :? :? :? أنو ليش بدنا نخلد حالنا بأنو ولاد ولادنا ياخدو أسامينا ؟؟؟ طيب لأ وإذا المرأة اعترضت بتكون زوجة مشاغبة :jakoush: |
اقتباس:
ولك مية وردة لعيونك :D |
انو انا حصرات افكاري وطلعت بهالجواب وبرأيي انو سبب استخدام هالطريقة باستخدام الكنية (وهو لازم نشير لانو أبو فلان هي كنية وليست الكنية هي اسم العيلة متل ما العالم بتفكر لانو اسم العيلة مو اللقب)....اي انو السبب هو مختلف يحالة الرجال والمرأة بس كمان في سبب مشترك صغير بيناتهم
بالنسبة للزلمة بيصير اسمو ابو فلان منشان يضل يذكر العالم ليل نهار انو رجال وسيد الرجال وبيطلع بأيدو وهي دليل رجوليتو انو عندون ولد....طبعا وحسب المعتقدات الانتيكة تبعتنا...فانو الواحد يجيب ذكر شي بدو رجولية وفحولية أكثر من جيبة البنت...وهون بنتذكر الاسماء متل أبو عنتر وابو صياح وابو صخر وابو حديد وابو حجر وابو ناس وتنك وهالقصص ما بالنسبة للمرأة فاستخدام كنية ام فلان تعتبر طريقة لتقنع اسم البنت يللي كان ولا يزال يعتبر بكتير من المجتمعات المحافظة ببلادنا عورة...اي اي عورة...وسكان الشام بيعرفو عن شو عم احكي ويا ما علقانة مشاكل للدم لانو واحد قالو لواحد تاني انو بيعرف اسم اختو او امو او شي بنت بالعيلة.... اما السبب المشترك الصغير فهو الرغبة بالغاء الالقاب مع المحافظة ع طريقة مؤدبة لنداء الاشخاص خصوصا اذاا كان المنادى عليه اكبر بالعمر من الشخص المنادي ودمتم احبائي |
لا بدي احكي جد هلئ
انو هي شغلة حلوة انو الواحد ينادولو بأسم ابنو وهي شغلة منتشرة واول مابجي لواحد ولد على طول بصير ابو فلان حتى مع مرور الزمان الناس بتنسى اسمو لهالزلمة وبس بتعرف ابو مين هو هلأ هي شغلة انا ماعندي اعتراض عليها بس كمان مالي معة مية بالمية لانو هالشغلة بتخلي اسم الشخص ينتسى بالمرة ويرتبط فقط بأسم ابنو وهادا الشي في ناس مابتحبو بالمرة لا ولسه في شغلة تانية انو موبس بصير ابو فلان لما يصير عندو ولد ;-) من الصغر بصيحولو ابو فلان يعني انا على طول في ناس طبعا مو الكل اول ماتعرف اسمي حسن مثلا ببلشو ينادولي ابو علي :o مع انو انا اسم ابوي مو علي وأذا ان شاء الله اجاني ولد بالمستقبل مابدي سمي علي بس بنادوني ابو علي مع انو مالي اي صلة بهادا اللي اسمو علي :o :o :o واسف عالأطالة ماقلتيلنا ام اشو بلا صغرة 8) :lol: :D |
أنا كتبت رد بالأول بس ما حدا رد عليه بس مانها مشكلة
يا ستي يا آنسة من ورق انا عملت تحرياتي وبحب احط لك اللي فهمته من بحثي في قديم الزمان ما كان في شي اسمه نسبة أو كنية فكان الناس يعرفون من اسماء ابنائهم وكان واجب على الأب يسمي ابنه البكر على اسم ابوه حفاظا على اسم الاب وابداء للاحترام من جهة أخرى " تسمية اغلى الأشياء باسم أحلى الابهات " وعلى فكرة هي مقولة حلبية مشهورة المهم وكان الشخص من وقت ما كان صغي ينصرخ له أبو كذا .. بس هلق بعد ما انه خف تقليد تسمية البكر باسم الاب أصبح ينتظر اسم الولد حتى يبدا الآخرين بمناداته باسم أبو كذا والأم باسم ام كذا يعني بالعربي الفصيح القصة مانها أكتر من تقاليد قديمة تغير شكلها لكنها باقية في الأحياء المسكونة في الوقت اللي فيه أزيحت من الكتب الرسمية . |
اقتباس:
آسف لتأخيري على الإجابة يمكن تكون وجهة نظرك صح أريد أن أسأل سؤالً واحداً فقط و أتمنى جواباً صريحاً إذا كان الأب والأم عم يفنو حياتهن من شان سعادة أولادهم ألا يستحقو منا ولو على الأقل أن نحمل أسمائهم |
اقتباس:
|
اقتباس:
|
بعد ما قرأت كل الردود طلع معي إنو بلا الخلفة بيكون أحسن
حتى بلا الزواج.......كمان أحسن;-) |
اقتباس:
|
اقتباس:
بس منشان التفسير التاني ماني كتير معك...... يعني انو تجي تنادي لحدا بعمر الوالد او الوالدة بس بام او ابو الفلان مانو كتير مؤدب يعني دايما لازم تقول عمو او خالتو او استاز او هيك شي |
اقتباس:
وروح طق افقع مارح قلك انا ام شو :yahoo: شكرا على رأيك:D |
اقتباس:
وحياة ربي رديت عليك :cry: اقتباس:
|
| الساعة بإيدك هلق يا سيدي 11:58 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون