|
عرب 48 أو عرب إسرائيل ...
في البداية من أين جائت التسمية ؟
عام 1984 و عندما دخل اليهود إلى فلسطين تم تهجير قسم كبير من الفلسطينين العرب الذين كانو السكان الأصليين لفلسطين من بلادهم و لجؤوا إما إلى البلدان العربية المجاورة أو إلى قطاعي غزة و الضفة الغربية التين أصبحتا فيما بعد من المناطق في العالم من حيه الكثافة السكانية و تحولتا إلى مخيمات لأناس هجرت من أرضها و الأحوال بشكل عام (( الصحية و العسكرية والإقتصادية ..... إلخ ) أصبحت هي الأخرى أقرب إلى الجحيم منها إلى موطن يسكن فيه ابشر ... لا أريد الخروج كثيراً عن الموضوع الرئيسي (( لكن للمهتمين لدي مقال للصحفية سحر بعاصيري يتحدث بالتفصيل عن الوضع في قطاع غزة و المخيمات هناك )) ... لكن بقي قسم من العرب في بلداتهم و لم تستطع الدولة الصهيونية إخراجهم منها (( كما يقول عرب 84 أن أجدادهم رفضوا الخروج من بلداتهم و قراهم و حاربوا بشدة إلى أن تم تسليم هذه المناطق تسليماً خائناً من قبل الملك عبدالله والد ملك الأردن الحالي )) و من هنا أطلق على هؤلاء العرب إسم عرب 48 , أو عرب إسرائيل .. و ذلك لأنهم يسكنون ضمن أراضي الدولة الإسرائيلية (( داخل الخط الأخضر .. و هذه أيضاً تسمية لهم .. عرب الداخل )) يملكون جواز سفر إسرائيلي و تحت إشراف الدولة الإسرائيلية لكن م فوارق عنصرية واضحة عن اليهود لا يمكن لأحد إنكارها .. عرب 48 يمكنهم تحدث العبرية بطلاقة , لأنهم مجبورون عليها في التعليم و أيضاً لغة الدولة لكن هذا لا يعني شيئاً فهم ما زالو عرباً , لهم عاداتهم العربية و دينهم السايق إن كان الإسلام أو المسيحية . و في القرى العربية يكون مختار القرية عربياً أيضاً... لا أحد يستطيع أن ينكر الأوضاع الإقتصادية الممتازة بالمقارنة مع بقية البلدان العربية التي يعيشها عرب 48 و التي بالرغم من تراجعها بعد الإنتفاضة تبقى من الإفضل ... و لعل هذا هو السبب الرئيسي لمعظم المشاكل بين عرب 48 و باقي الفلسطينيين (( و خصوصاً بين فئات الشباب )) و هنا أيضاً لا أريد الدخول كثيراً في المشاكل بين الفئتين .. لكن بشكل عام يكون الجو متوتراً عندما يلتقي أشخاص من كلا العربين (( أذكر مرة أخرى أنه بين الشباب في العمر و ليس الجميع أيضاًً بل الفئة الأكبر منهم ... أما الناس المتقدمة في العمر فالعكس هو الصحيح ... فنرى العجائز من عرب 48 يتابعون الأخبار أولاً بأول و و سمعت بأنهم يبكون دائماً كلما يسقط شهيد فلسطيني )) شباب عرب 48 بشكل عام منفتحين على الحضارة الغربية أكثر و بشكل ملحوظ من باقي العرب و ذلك نتيجة إختلاطهم باليهود ... و قسم كبير من هؤلاء الشباب يميل إلى الخروج من البلاد (( على فكرة , كلمة ( البلاد ) هي الكلمة المستخدمة بين عرب 48 للتعبير عن بلادهم فهم معظم الأحيان يتحاشون قول كلمة إسرائيل عن وطنهم )) و ذلك لعدة أسباب ... و النسبة الأكبر من المغتربين يخرجون بغرض الدراسة و قسم كبير منهم لا يعود مرة أخرة إلى البلاد .. أيضاً من أسباب خروجهم هو صعوبة القبول في جامعات إسرائيل (( فحص القبول يدعى بسيخومتري )) و تلعب هنا العنصرية دوراً كبيراً في القبول في الجامعات ضد العرب ... بالإضافة إلى أن الشباب يريدون الهروب و الخروج من هذه العنصرية و التضييق ضد العرب و بناء حياتهم الخاصة و بدون تدخل كبير من الأهل .... فالمخرج الوحيد من كل هذا هو الخروج من البلاد إلى بلد أجنبي يستطيع الشخص فيه تحقيق أحلامه التي من المستحيل تحقيقها في دولة لم تعد للعرب بعد ... (( و الأغلب إلى بلد أجنبي لأنه من غير المسموح لهم الدخول إلى البلاد العربية غير مصر و الأردن بسبب الجواز الإسرائيلي )) . في المدينة التي كنت مقيماً فيها كان فيها أكثر من 30 طالب من بلدة واحدة لا يتجاوز عدد سكانها 20 ألف نسمة تدعى الطيرة ... يتواجدون أغلب الأحيان في تجمعات (( كما أغلب العرب هنا )) و منهم من خلق لنفسه نفس الجو الذي كان كان يعيش فيه في البلاد من ناحية الأصدقاء و التجمعات و العادات العربية ... إذا سألنا شخص منهم من أين أنت ؟ من السهولة ملاحظة التلبك الذي يرافقه .. فهو لا يريد قول إسرائيل ففلسطين هي بلده ... لكنه أيضاً يحمل الجواز الإسرائيلي و لا يستطيع إنكار الأمر .. و الأصعب من هذا كله كلمة وطن ... فكلمة وطن تعني عندهم البلدة التي عاشوا فيها .. فليس من السهل على الشخص منهم الإفتخار بوطنه إسرائيل و خصوصاً أمام بقية العرب .. لكن الشئ الذي يجب أن يذكر أن فئة من الشباب تفتخر بطريقة أو بأخرى بإمتلاكها للجواز الإسرائيلي و خصوصاً أمام باقي العرب لما يتمتع به من مزايا هول العالم ... فحامل هذا الجواز يحق له السفر إلى أي مكان في أوروبا أو أميركا دون صعوبا تذكر .. بل أن الدولة الإسرائيلية تسهل خروج العرب منها ... و هذه طريقة غير مباشر لتقليص عدد العرب فيه .. و شباب عرب 48 ينقسمون لقسمين , و بفوارق واضحة و هما : إما شاب متدين و متطرف بدينه لأبعد الحدود حتى إن هذا التطرف يجعله من المنبوزين إجتماعياً هنا وعلى حسب رأيي .. أو أن يكون أبعد ما يكون عن الدين ... يمضي وقته في الشرب و التحشيش (( على فكرة شلة التحشيش منتشرة بين شباب إسرائيل بشكل كبير جداً و حتى في إسرائيل و ليس فقط عندما يخرجون من بلادهم )) هذا كل ما صادفته من عرب إسرائيل حتى اليوم (( أو بالأحرى الشي المستحق ذكره )) ... و أنا شخصياً أصبح عندي بعض الأصدقاء من عرب 48 ... من ناحيتي لا أرى فرقاً بينه و بين أي عربي آخر .. في النهاية أريد أن أذكر شيئاً بعد ... يعض الشباب الوطنين لحد اليوم يقولون أن بلدهم فلسطين .. أمام الجميع و حتى إذا سأل الأستاذ في المدرسة أو الجامعة .. و المكان الوحيد الذين يقولون فيه أنهم من إسرائيل هو في الدوائر الحكومية عندما يطلب منهم إبراز الجواز ... بتمنا كون قدرت فيد شوي بهالمعلومات يلي لازم يكون كل واحد مننا عندو فكرة عنها لأنو أنا بذكر أو ما وصلت على ألمانيا ما كان عندي أي فكرة عن إنو في عرب متلنا متلون ساكنين بإسرائيل .... صحي ... بتعرفوا شو أكتر شغلة مشهورة عندون ؟؟؟؟ طبعاً ... المسلسلات السورية أنا بعتذر من الكل إذا كان في أخطاء بهالمقال ... و بتمنى من يلي عندو معلومات إسا يضيفها هون مشان الكل كمان نستفيد .... و بحب و جه تحية خصوصية لبنت الناصرة .. يلي هي بعتقد الأولى يلي عمتشارك بمنتدانا الرائع أخوية من عرب 48 .. يللا سلامات ... و بإنتظار موضوع جديد ... |
موضوع مهم جدا فعلا يا سعيد.... عرب الـ48 مختلط معهم بحكم أنو أغلب العرب هون من غزة و من عرب الـ 48.
شخصيا لاحظت أنو الحساسية ولو بشكل طفيف موجودة بين عرب غزة و عرب الداخل ( أهل غزة لما يحكو عن عرب اسرائيل يقولو عنهم عرب الداخل) الفرق الثاني شخصيا لاحظتو بين عرب اسرائيل اللي ساكنين بمدن و قرى عربية بحتة ( سخنين :hart: , دير الأسد....خصوصا منطقة الجليل) و العرب اللي ساكنين بمناطق مختلطة مع اليهود . يعني مثلا شباب سخنين شفتهون عروبية كتير و كتير بحبونا للسوريين بحكم اللهجة المختلطة, ولو أحيانا على سبيل المزح بيقولو أنو نحنا مو معترفين فيهون ( الصراحة...كلامهون صح) بينما في هون شلة من قلنسوة (جنب تل أبيب) يعني مشاكل مع الغزاوية و معانا ( السوريين) لا تنتهي, وصلت كتير مرات للشرطة يعني ( تصورو على الموقف المخزي, شلتين عرب عم بيتقاتلو بنص الشارع و نازلين عياط و سب بالعربي , و الاسبان يا حرام مرعوبين ... ) هاي العرب في كل زمان و مكان, ع قولة واحد صاحبي ادلبي : أحلى ما فيهون..............دخانهون بيعمي :P |
هلاء ما كتير بعرف ناس من عرب ال 48 , بس بعرف غزاوية كتير, و كان عندي رفقات كتار منهن, و الغزاوية جماعة مشرانيين كتير بصراحة, غير كل الفلسطيني, و بسمع من رفقاتي الفلسطينين أنو لما كانو يروحوا جوا( على مناطق ال48 ) ما يشوفوا غير العرب بالبارات و النايت كلبز, يعني العرب جرب وين ما راحوا و أصلا هنن لما بيفوتوا لمناطق ال48 كانوا يروحوا بس منشان ها الشغلات ( قبل الانتفاضة) .
شكرا سعيد على الموضوع , جد حلو, و عجبتني تبعت انو بيحبوا المسلسلات السورية :lol: تحياتي :D |
اقتباس:
|
اقتباس:
وين الشي اللي يدعو للفخر :aah: :aah: |
شكرا ابو شريك و الله الموضوع اجى بوقتة بالنسبة الي
مشكور |
عرب .............
السلام عليكم
أول الشي أخ سعيد يسلمو على هالمقال .. وحضيف كلشي بعرفو وبأدر عليه للمعلومية والفائدة العامة. العرب الذين استقبلوا إسرائيل في تلك الاعوام العتيقة بالزلاغيط كانوا (الدروز) في تلك المناطق, وهناك قانون: عرب 48 لا يخدمون في العسكرية .. مسيحيين كانوا أم مسلمين. لكن الدروز موجوب عليهم الخدمة العسكرية, والتي (لا يخفى على أحدنا) كثيرا من الاحيان تؤدي إلى اشتباكات اسرائيلية - عربية على حدود لبنان وسوريا, وهكذا نلاحظ أن العرب يشهرون الاسلحة في وجه اخوانهم الذين يعيشون فقط على أرض أخرى (خلف الحدود). وطبعا هذا هو السبب كذلك الذي تمنّع به العرب (المسلمون والمسيحيون) من أداء خدمة (العلم) ولم تمانع الحكومة على طلبهم. كذلك, ففي المناطق والقرى العربية, المدارس حتى تحوي المناهج العربية كذلك, مما جعلهم يتقنون العربية كذلك. أملك الكثير من الأصدقاء العرب 48 . وبحب احكيلكون هالحادثة .... ممكن تفيد أحدكم .......... أن زميلي بالجامعة (وهو من عرب48 ومسلم) ويحمل اسم (محمد) بكل فخر ..... استأجر شئة (مشان ما يسكن بالسكن الجامعي لأن ما كان عاجبه) ومتل مو اغلبنا بيعرف ان الطلاب بيجتمعوا ليشتركوا على شقة وحدة. فزميلنا محمد ....... أخد شئة بالاشتراك مع زميل سوري و ............... وبعد مرور سنة, أجت العطلة الصيفية, ولملم الزميل السوري غراضه ليأضي العطلة بسوريا .... فـــ .. فستأبلوه جماعة بيت خالتوه (وخالتنا كلياتنا الله يحفظها ويطول بعمرها) ....... وبعد محادثات طويلة, وافقوا يعطوه فرصة تانية !!! فاضطر ....... لانه يترك الشئة بعد رجوعه ................... ويترك الشخص يلي عاش معو وتآسم الخبز والملح والصلاة وايام الشباب ............ أما بشكل عام, فطبعا كلياتنا منحاكهون ومنرافقهون ومافي مشاكل أبدا, غير اذا زادت العلاقة هيك يعني كتير. وانا بحبون كتير :) والي ذكريات حلوة ......... وأصدقاء .......... وووووووو ......... :D .. وما بحس انهون بيختلفوا عنا وغير المسلسلات :lol: فأنا بحب لما بيألدوا اللهجة الحلبية (إشبك خاي) والسلام :D |
و بسمع من رفقاتي الفلسطينين أنو لما كانو يروحوا جوا( على مناطق ال48 ) ما يشوفوا غير العرب بالبارات و النايت كلبز
انامن عرب ال48 وبفتخر بكوني فلسطينيه يس بدي اقول انو هدا الحكي مش كلو صح في ناس كتير ما بتروح عالاماكن المذكوره .وفهمت كانو طول الوقت بدون شغله ولا عمله بس ما بنكر انو في بروحو بس زي اي دوله تاني عربيه .وكما ن موضوع المقال فيوكتير اشيا صح بس انو في قسمين من الشباب (متدينين جدا ومتحررين جدا) هدا الشي مش صح لانو بكل مكان في عدده انواع من الاشخاص وكما بشباب 48. كذلك, ففي المناطق والقرى العربية, المدارس حتى تحوي المناهج العربية كذلك, مما جعلهم يتقنون العربية كذلك مش بس بالمناطق والقرى العربيه التعليم عربي كمان بالاماكن المختلطه. |
شكراً على المرور أخت بيرلانتي ...
بشأن إنو عرب 48 مقسومين لقسمين .. هاد الشي متل ما قلت إنو حسب ما لاحظت هون ... كان عندي كتير رفقات من الناصرة و من قرى المثلث ... هلأ شباب الناصرة المسيحين .. نفس جو شباب سوريا تمام .. و أنا معون ما كنت حس إني مع عالم غرب .. (( قصدي المسيحين منون )) أما شباب قرى المثلث فهني يلي قصدتون بكلامي هاد ... و كانت شغلة بتبين بوضوح ... مثلاً شباب الطيرة كلون كانو مع بعض كل الوقت .. قصدي المساويات .. شي عشرين شب خلينا نقول ... منون شي تلت أو أربع شباب متدينين و ما حدا بيعطلون إلا الشيخ فلان و الشيخ فلان .. و باقي الشباب كل واحد حامل بإيدو قنينة البيرة و عميسكروا ... ومع هاد بيضلو رفقات و بيحبو بعضون .. (( مع إنو هواية الشيوخ المحاضرات على الشباب يلي مانو متدينين )) بقا أنا هاد قصدي كان من الشي يلي كتبتو ... و إذا في عندك معلومات ممكن تفيدينا فيهون بهالموضوع منكون كتير شاكرين .. لأ،و متل ما قلت في كتير شباب عرب ما بيعرفو إنو في عرب متلون ساكنين داخل إسرائيل .. سلام :D :D |
يعني شكرا عالموضوع , منيح انو تعرفوا شوي عن عرب 48 لانو في كتير عرب ما يعرفوا شو يعني عرب 48
وانو في عرب باسرائيل .. وفي قسم من اللي بعرفوا بفكرونا انو احنا اسرائليه و زينا زي اليهود هدا الاشي اكيد مش مزبوط , يمكن وضعنا الاقتصادي هون ازبط من باقي العرب بالدول اللي حدنا زي سوريا لبنان مصر والاردن .. بس برضو احنا مش ماخدين اشي من حقوقنا اسرئيل ببتعامل معنا بعنصريه كبيره .. في نقطه زكرتوها هون هي الوطن احنا صعب كتيير علينا هدا الموضوع , انا عن نفسي ما بعرف شو وطني !! ما في عندي انتماء لاسرئيل يالمره و كمان ما بقدر اقول انو انا من فلسطين !! فلسطين اكيد اقرب علينا من اسرئيل يعني ازا حدا عربي سألني من وين انا بقلو من عرب 48 , فلسطنيه بس بيني و بين حالي مش كتيير بكون مقتنعه لانو ما بحس في علاقه كبيره مع فلسطين ازا رحت على غزه او جنين ما يحس انو ينتمي بالمره لهدا المجتمع .. يعني لا العلم الفلسطيني بحملو ولا النشيد الفلسطيني بعرفوا وحتي الفلسطنيه غاد ما بعدونا منون خصوصي احنا المسحين رايحين بين الاجرين ... يعني الدروز هون بضحكوا عحالون مفركين انو ما في زيون وانو اسرائيل عاملتلون حساب بخدموا بالجيش وبغنوا النشيد الوطني تبع اسرائيل "مع انو عنصري بشكل و ما بمتل العرب بالمره " حتي انو الدروز هون ما بعدوا حالون عرب بقولو عن حالون احنا دروز مش عرب و تلت ترباع حكيون قايت فيو عبري .. والمسلمين تفريبا زينا من ناحية الانتماء لاسرئيل بس هني بتلقوهن منميين اكتر لفلسطين هي هاي اصعب شغله انو تعرف انتي لمين منتمي بس هدا ما يعني انو مش مبسطوين هون , انا مبسطوه كتير بكفي انو عايشه بالجليل وين عاش المسيح ما في احلا من هيك |
احلى تحية لعرب في الداخل (عرب موجودون بفلسطين )
من اطلاعي على الموضوع اريد ان اضيف مايلي
1- ان عرب 48 نسميهم عرب الشمينت (والشمينت هو لبن اسرائيلي ) على سبيل المزح ودون زعل 2- سكان غزة ولا في بعدهم ويكفي انه بتلف غزة كلها ما بتجد محل بيع خمور او غيرة 3- سكان الضفة وانا منهم لهم عاداتهم وتقاليدهم وبيكفي انهم متمسكين جدا بدينهم 4- ان الوضع الفلسطيني بشكل عام زاد من التكافل والتضامن بين افراد الشعب 5- لاتحكم على فلسطيني لايعرف فلسطين وعاش بسوريا او الاردن بانه صورة لفلسطين الداخل 6- الاحتلال جلعنا شعب لاننظر الى المادة ونعشق المووت اكثر من الحياة 7- الى خرب الوضع عنا مجيء بعض الفسدة من الدول العربية والخارج (جماعة السلطة ) |
Re: عرب 48 أو عرب إسرائيل ...
اقتباس:
yla m2bole mnak 7'io btmon .... 3la fkra shbab 2na bskar mn kobait kola ...hhhhhhhh ... 2s2lo s3eed :lol: :o :D |
اقتباس:
:hart: SAKHNIN :hart: :D |
Re: احلى تحية لعرب في الداخل (عرب موجودون بفلسطين )
اقتباس:
:!: shemenet=shemenet :!: yla 3la kol 7al bs 2nte ktob 3rab tnova 27san ... hek btshmal kol 2lmtgat :lol: :o y3ne yo3'ort, lban, koteg, 3emek , shemenet , brelewbade w...... hehe bde lbkra ma b7'les ya btal .... :P |
اقتباس:
|
:p :p :p :yahoo: السلام عليكم.......
احم اول شي هلا بيكم ومنورين انا من عرب الداخل يلي همه فلسطينين وغصبن عن الكل بالنسبه للموضوع لك عنجد انه موضوع شيق وحيوي وبوقته لانها المعلومات يلي قدمتها يا صبي كتيير مهمه وكتير من البشر ما بيعرفوا بقصه المخاليق يلي عايشين بهاي المنطقه وبشكرك على كل معلومه قدمتها للشباب لهدف تزويدهم بالمعرفه:? وبالنسسسسسسسسسسبه بالنسسسسسسسسسبه لكلامك يا خي امين زعيم ..حكيت على انه في شباب من عرب الداخل بيفتخروا على انهم بيحملوا الجوازات اسرائيليه وحكيت على انه نسبه الشباب الصايعه "لا تواخزني على هالمصطلح" يلي بيسكروا ..... كتيره وسبب هالظاهره هو لتعاملهم مع اليهوود بس بحكيلك شي واحد ويا ريت تحط هالشي بزهنك على انه الشباب الصا... بيتواجدوا في مجتمعنا وانا معاك بس انتوا عم بتحكوا وكأنه ما في عندكم متل هالصنف من هالشباب يا خيييييي ترااا الشباب الهامله موجوده بكل مجتمع وبكل مكان ... ويلي بعتزوا بالجواز الاسرائيلي هدول عملاء وهاملين والحمد لله انا من عرب الداخل وفلسطينيه بكل فخررررررررررررررررررررررر ررررررررر ودمي وروحي لفلسطين وبالنسبه للجواز الاسررائيلي والله ما بعتز فيه واصلا ما بعترف فيه بس القدر وصلنا لهون " والخونننننننه " حكام الارداني باعوا اراضينا نحنا اصلنا اصل وكلي فخر باصلي انا عايشه باسرائيل لاني ما هربت... وضليت عايشه غصبن عنهم واقسملك انه عرب الداخل والله عايشن معناه اخونا يلي عايشن بالضفه ويلي بيصير عليهم بيصير عليناااااا ومتابعين كل اخبارهم .. ويلي بيغلط او بتعرض لاي مسلم باي دوله عربيه وكانه اتعرضلي وغلط علي بسسسسس يا ريت تفهموا على انه المسلمين همه جسم واحد وان اي عضو تألم... بيتألم كل الجسم . على كــــــــــــــــــل حال بشكر وبشكر كل يلي شاركوا بهاد الموضوع وبتمنى تزودونا بمواضيعكم الشيقه اكتر واكتر والله والله انا بنعاني كتيير لك يا اخي صح اني عايشه بفلسطين هلا وبوطني بس بالرغم من هيك والله حاسه حالي وكاني عايشه بالغرب وكاني مهاااجره لبلاد مو بلاديييي لك شو بدنا نحكي تا نحكي يا اخي خليهااااااااااااا على المولااااااااااااااا بسسسسسسسسس ااااااه بس :yahoo: :p :p :p والله انكم زرااااااااااااااااااااااا ااف وبتنحبواااااااااااا والى اللقااااااااااااااااااااا اااااء |
شكراً كتير على الرد الزريف كمان :p
بس هون عندي طلب منك , أو من أي شخص من عرب الداخل : لو في مجال تحكولنا الوضع كيف هنيك من كتير نواحي , مثلاً الإعلام , الطرقات , الشرطة و شرطة السير بالخصوص .. كل هالأشياء هاي نحنا ما منعرف كيف عمبيتم التعامل مع العرب من قبل اليهود ... وهلأ خصوصي فترة الحرب مع لبنان .. مشكورة كتير و بتمنا رد من طرفك .. سلام |
اقتباس:
يعني اشرف النا انو انوت فيها ولانكبر واحنا مابنعرف شو وطن حتى بلدي ماعادت مو جوده راحت مع توسعت اليهود في الاراضي الفلسطنيه بس شو الواحد بدو يعمل بدو يصبر لانو لازم في يوم من الايام لازم يرجع الحق لاصحابوا |
اقتباس:
|
اول شي ثانكس عالموضوع الرائع .... عرب اسرائيل متل اي عرب بأي بلد ما بيفرقوا عن غيرهن ..... يمكن انو معهن الجواز الاسرائيلي بس هادا ما بيعني انو ما فيهن الروح الوطنية الفلسطينية او بيحكو عبري كتـــير هادا نصيبنا بالحياة... وعلقليلة نحنا ما تركنا ارضنا "ارض فلسطين المحتلة " وهربنا لبلاد تاني بالعكس تمسكنا فيها وما تركناها وما رح نتركها ..... صحيح انو الدروز بيخدمو بالجيش الاسرائيلي لانو بيعتبروا حالن لولا شوي يهود وانو هاي ارض اسرائيل "لك فشروا هاي ارض فلسطين" بس المسلمين والمسيحية ما بيخدمو ومتلهن متل اي مسيحي او مسلم عايش بأي دولة عربية ..... بالنسبة للعرب المختلطين مع اليهود بمدن او قرى يهودية ممكن تلاقي منهن قسمين القسم الاول حب العيشة هونيك الا مهوي الشعب اليهودي عايش عكيف كيفو ما بيحط هم عحالو كل شي عندهن رفاهيه فأكيد العرب بدهن يتقلدوا ويصيروا متلهن والقسم التاني الي مو طايق يعيش بهيك بلاد لشدة العنصرية بس هيك نصيبو بس مع الايام بتأقلم لهيك اجواء وهوي مرة عمرة بكون صداقات مع اليهود .... بس العرب الي مش مختلطين متل اي شعب كتير وطنية وما بهمهن حدا مين ما يكون يكون متل اهل سخنين "بلدي" عرب حيفا الي كنت عايشة فيها بحاولو يتقلدو باليهود لانو مدارس يهودية ووين ما تروح يهود .... اما بالنسبة لشو حكيت عن العرب انو شي شيخ دين وشي "بيشرب " يمكن يكون هيك شي اصلا هاي العادة موجودة بكل المناطق يعني مش غريبة بس ولا مرة لاحظت هالشي وهادا ما بيعكس صورة شعب ...... :cry: وانشالله تتحرر فلسطين :cry: ------------------ :hart: wIth My lo0ve:hart: :hart: White rose:hart: |
واخيرا في حدا بعرف انو في بداخل اسرائيل عرب مسيحيه واسلام ودروز
|
شو هاااااااااااااااااااااااا اياااااااااااااااااااااا
شكرا على التعب يا اخ سعيد بس اسمحلي انا واصلتني لعند ايلات لك شو هايا في كتير كتير غلط بالمقال واشياء موش صح وموش حئيئيه وبدي ائلك شغله موش از شفت اكمن شب من بلد معينه بيعطي فكره عن بلده بتكون غلطان كتييييييييييير
اولا: ما في عنصريه بالجامعات لانا عرب او يهود الي بجين بسوخمتري عالي بنقبل للجامعه ونحنا عنا الجامعات منفوتها بس عنا الطب والمحاماه مندخلها بالجامعهات متأخره يعني بكون عمرك 22 23 هيك اشي علشان الجنود الاسرائيليه بكونوا بالجيش(اولاد وبنات) منشان هيك موش العرب تكون تنقبل للطب اسرع وقبل اليهود تانيا: بالنسبه للحشيش و.. موش بالضبط صح في ناس هيك وفي ناس هيك والبيره عنا كتير بتنشرب يعني شيئ طبيعي اسا عنا بس في ناس هيك بحششوا وباخدوا مخدرات بس يعني بين ال 100 تنين او واحد يعني في ناس هيك وهيك بس ما تاخد بالمجموع يعني موش الكل هيك ثالثا : في شيئ غلط هو انو ما في مختار شو هايا مختار؟!!!!!:? ما في مختار عنا شو نحنا موش بسوريا نحنا ما في عنا مختار في بكون بالقرى مجلس ورئيس مجلس واعضاء متل المدينه بكون رئيس مدينه واعضاء نفس الشي القريه ونحنا ما في فرق ما بين قريه او مدينه لانها نفس الشي بس عدد السكان والمساحه اقل وبس رابعا: انت عنصري من الناحيه الطائفيه كل الناس عرب ونحنا باسرائيل العرب ما في عنا اشي متل مصر ولينان وسوريا والدول التانيه تميز ما بين الطائفيه عنا مسلمين بروحوا على الكنائس ومسيحيه بروحوا على المساجد علشان نقيم الطائفيه ونحنا ما في عنا مسيحي مسلم ما بتميز بينهون متل بعضوا يعني (احنا هون موش مسيحين مسلمين درزين نحنا عرب ) خامسا : نحنا بنختلف شوي عنكن انتوا السورين نحنا ما في عنا رشوه او ازا كان ابن رئيس او مسؤوول او وزير يعني خلص لاء في عنا قانون وما في تميز ما بين فقير وغني لاننا كلنا ناس بشر المتعلم هو الغني يعني عندكون الدكتور والمعلم والمحامي بكون موش غني عنا لاء يعني المعلم عنا بكون اغنى من تلت مسؤولين عندكون انا ما بدي احكي واحكي بس اعرف نحنا هون موش شخص باوروبا بيعطي صفه لبلده وللعرب الي فيها لاااااءءء وشكرا |
اقتباس:
اقتباس:
اي إذا كذبتي على حالك و قلتي مقتنعة, أنا ماني مقتنع .. و إذا بتقوليلي إنو في حب و حنين و ود بين الطلاب العرب و الطلاب الإسرائيلين , أوكي بعترف إني غلطان .. خلينا نكفي سوا .. اقتباس:
اقتباس:
اقتباس:
بس معك حق .. أنا عنصري ضد اليهود , و ما بقدر إتقبل الآخرين اللي هني اليهود .. هيك بطبعي هالشي ما بعرف ليش .. اقتباس:
اقتباس:
أنا كنت و بجد لا أنوي الرد على الرد الأخير في هذا الموضوع .. لأنو بصراحة كان دون مستوى الموضوع .. بس غيرت رأي بدون سبب مقنع .. شكراً لكل اللي شارك بالموضوع بحيادية متل لغة المقال .. و أكرر أنا لم أتقصد التجريح أو الإهانة بأي شخص كان .. |
انا بدي اضيف انو عرب ال 48 من بعد الانتفاضة صار عندهم وعي كبير جدا بالنسبة للقضية الفلسطينة مش متل قبل ابدا انما هناك تجمعات دمقراطية بوعو فيها العالم وفعلا صار وعي كبير جدا ,,,
|
اقتباس:
الخامس والأخير من إستراتيجية السيطره الإسرائيليه نحو عرب ال48 ,وهُو:5. السيطره السياسيه على عرب ال48 والتناقُض السياسي العربي الداخلي كجزء من إستراتيجية السيطره الإسرائيليه : يَتَعَرَض عرب ال 48 مُنذ نشأَة الدوله الإسرائيليبه وحتى يومنا هذا إلى سياسة اضطهاد وترويض مبرمجة شملت جميع المجالات الحياتية , وانعكست سلبياً على الوضع العام لعرب 48 سواء اجتماعياً او اقتصادياً او سياسيًاًا وثقافياً , ورغم ان العرب يشكلون نسبة ال 22% من مجموع السكان في اسرائيل الا انهم ما زالوا مُغيَّبين ومُهمَّشين سياسيا وبعيدين كل البعد من ان يُؤَثروا في السياسة الاسرائيلية وفي مراكز اتخاذ القرارات التي تتعلق بوضع عرب الـ 48 في اسرائيل , فبدلاً من تسعى اسرائيل الى مساواه العرب في الحقوق سعت هذه منذ قيامها في اتجاه احتواء وترويض العرب سياسيا بهدف السيطرة السياسية عليهم من جهة , وبهدف المحافظة على قواعد اللعبة الاسرائيلية من خلال تضليل العرب بشعارات " الديمقراطية " وفتات الحقوق , مع الابقاء على وضعهم ووضعيتهم داخل الدولة الاسرائيلية دون تغيير في جوهر التعامل العنصري من جهة ثانية . من هنا وضمن استراتجية السيطرة حاولت اسرائيل منذ قيامها عزل العرب عن إِنتمائهم الوطني وتشوية هويتهم التاريخية الفلسطينية , حيث ان العرب لا يُعاملون كعرب في المؤسسات والاحصائيات الرسمية الاسرائيلية , بل يطلق عليهم " غيراليهود " وفي احسن الاحوال "ميعوطيم " والتي تعني أقليات مُختلفة حَدَّدت لهم الدولة الاسرائيلية ملامح وأُسس هوية مُزيفة مثل " الدروز , البدو , العرب " وذلك بالرغم من ان الحقيقة التاريخية تُثبت زيف هذه التَسميات الهادفة لــ " فرق تسد " والسيطرة , ولا يمكنها ان تخفي حقيقة ان هؤلاء جميعاً يُشكلون قطاعات فلسطنية وجزء لا يتجزأ من الشعب الفلسطيني, وبالتالي ورغم فشل اسرائيل الذريع في تحديد هوية وتبعية بعض القطاعات العربية الا انها تُصر على استمرارية نهجها في انكار الخصوصية التاريخية والحضارية للعرب . والسياسي كان وما زال اسلوب ثابت في تعامل اسرائيل مع الحركات السياسية العربية المطالبة بالمساواه في المواطنة والحقوق والاعتراف بالعرب كاقلية قومية , ولكن الانكى من هذا كله[ورغم مرور 57 عاما من النفاق السياسي الاسرائيلي] هُو ان العرب لم يحصلوا بعد على الجنسية والمواطنة الحقيقية بمعنى ان قانون المواطنة الاسرائيلي يعني اليهود فقط بينما الوضع القانوني لوجود العرب يندرج تحت وضعية تأشيره " حق المُكوث " التي تمنحها الدول عادة للأجانب او الاشخاص الغير محددة هويتهم ووطنهم !!. اسرائيل لكنهم في الحقيقة خارج هذا الاطار من الناحية السياسية والاقتصادية والاجتماعية , بمعنى عدم اهتمام الدوله الإسرائيليه ِبمساواة العرب باليهود لا بل سعت فقط للسيطرة عليهم ضمن اطر علاقة تضمن تعايشهُم مع وضعهم ووضْعيِتهُم الدونية مقابل الوضعية الفوقية للشعب السيد في دولة الاسياد . ارتكزت استراتجية السيطرة السياسية نحو العرب على الاساليب التالية : 1. الحيلولة دون وحدة المجتمع العربي سياسياً من خلال التجهيل والتضليل التي إتبعتْهُ السياسة الرسمية والاحزاب الصهيونية والموجه ضد وحدة المجتمع من خلال تحالف الدولة مع قوى رجعية وقبلية ورموز انتهازية تتبادل المصالح مع الدولة والاحزاب الصهيوينية من جهة,وتَلعب دور الوكيل المحلي في تَرويج سياسة ألتضليل وتَرسيخ الجهل والتجهيل من جهه ثانيه وبالتالي تحالف بين رموز ومُخَطِطِي سياسة اسرائيل ورموز عربية محلية مُهمتها الحفاظ على الوضع القائم في القرى والمدن العريبة , بمعنى ان مُهِمة الوُكلاء المحليين هي بث الخُنوع وبعدم جدوى النضال السياسي في تغيير الحالة الاجتماعيه والاقتصادية للعرب وفي المقابل تقوم الدولة الاسرائيلية بِتَلْمِيع رموزها ووكلاءها والاعتراف بهم كقيادة محلية في المجتمع العربي . وهُم [اي الرموز] في الغالب رموز جاهلة وساقِطة وتبحث لها عن دور اجتماعي وقيادي وتَجِد ضَالتُها في الدولة الاسرائيلية وسياستها . 2. القمع السياسي المباشر وغير المباشر الموجه ضد الحركات والمؤسسات السياسية العربية التي تُحاول تغيير اُصول اللعبة السياسية الاسرائيلية مع العرب , وتُدافع عن حقوق العرب, بمعنى ان القمع السياسي المباشر يعني استعمال اسرائيل لقوتها البوليسية والقانونية الخاصة والمُغرضة في قمع المظاهرات والإحتجاجات كما حدث في يوم الارض عام 1976 وبداية انتفاضة الاقصى عام 2000 وغيرها من الاحتجاجات العربية في اسرائيل , اما القمع الغير مباشر فيتجلى في اسلوب اجهاض الحركات والمؤسسات السياسية الجذرية في المجتمع العربي من خلال طرح الدولة الاسرائيلية لبدائل سياسية بواسطة رموز عربية محلية ساقطة وعميلة مهمتها الدعاية المضادة للحيلولة دون الإلتفاف الجماهيري حول المؤسسات والحركات العربية اللتي تُطالِب بِتغيير الوضع السياسي والاقتصادي والاجتماعي للعرب . من الجدير بالذكر ان الدولة الاسرائيلية تَرَكِزْ على عملية الاستقطاب العائلي والتعصب القبلي داخل التجمعات العربية, وتُغذِي هذا الاستقطاب والتعصب بِإِمتيازات وتسهيلات ونوع من النفوذ المحلية للقياداة العائلية سواء التقليدية منها او تلك الشابة والمُهَجَّنة بِمَنْظِرٍ حَديث وعقلية فحواها القبلية والعائلية, وهذا ما ُنلاحِظَهُ في فترة الانتخابات المحلية والبرلمانية حيث يرتكز المرشحون سواء متعلمون او غَيْرَهُم على اصوات ودعم عائلاتهم بالدرجة الاولى ودعم الاحزاب الاسرائيلية . 3. التجهيل الاعلامي والسياسي التي تُمارسه اسرائيل للحيلولة دون تبلور وعي اجتماعي وسياسي عربي وفي المقابل دعم الدولة الاسرائيلية بصورة مباشرة وغير مباشرة لثقافة الواسْطَّة واالبَخْشِيش داخل التجمُعات العربية , بمعنى تَرسيخ مفهوم الحصول على وظائف وامتيازات عبر الوسطاء التي هم غالباً ما يَكونون مقربين من سياسة الدولة والاحزاب الاسرائيلية, وبالتالي ستكون النتيجة الحتميه هي التبعيه والفساد والخنوع السياسي التي تعاني منه مجموعات وشرائح اجتماعية عربية من بينها عدد لا يستهان به من شريحة المًتعلمين واصحاب الاثر على المجتمع كَكُل وسلك التربية والتعليم خاصة . 4. شَكَّلَ إِعطاء العرب حق التصويت والترشيح في الانتخابات البرلمانية والمحلية ألإسرائيليه سَيفٌ ذو حَدين, فَمِن ناحية اولى كان بمثابة دعاية خارجية لديمقراطية اسرائيل ومن ناحية ثانية اعطاء الدولة والاحزاب الاسرائيلية فُرصة التَغلغُل في المجتمع العربي في اسرائيل واللِعب على حبل التناقُضات السياسية الداخلية وإِستِثمارُهاا لصالح الاحزاب الإسرائيلية وسياسة الدولة الاسرائيلية , وبالتالي إرتباط عملية تَسْيِيس العرب ضمنياً بِمُشاركتهم في الانتخابات البرلمانية والمحلية , حيث ان هذه المشاركة تَضمَّنَت من الناحية الاسرائيلية عملية ترويض العرب وإِدخالهُم في تناقضات سياسية واجتماعية تَخدِم بِالدرجه الأولى إستراتيجية السيطره الإسرائيليه من جهه,وتَقويض العرب سياسياً والحيلوله دون وحدة مَطالبهم السياسيه ووحدة صفهُم من جهه ثانيه. من هُنا ومنذ قيام الدوله ألإسرائيليه كانت وما زالت مواقف الأحزاب الصهيونيه مواقف إنتهازيه ومُنافقه نحو قضايا العرب في إسرائيل,حَيثُ أنَّ هذه الأحزاب تَغْمُر العرب بِالوعود في فترة ألإنتخابات ثُم تتخلى عن هذا بعد الإنتخابات لابل أنَّها وللمثال لا الحصر تقتُل 13 عربيا وتجرح المئات من العرب ,مثلما فعلت قوات الشرطه الإسرائيليه عندما قمعت المُتظاهرين في هَبة أكتوبر 2000 في بداية إنتفاضة ألأقصى,مع العلم أنَّ العرب منحوا باراك [رئيس الحكومه الإسرائيليه أنذاك] 95% من أصواتهُم وذلكِ لأِسباب داخليه وتَلبية لِنداءاَت خارجيه!! رغمَ أنهُ من الصعب سَردْ تاريخ الحركه السياسيه العربيه داخل اسرائيل في مقاله واحده,إلا أنَّهُ ومنذ نهاية السبعينات من القرن العشرين بداَت ظاهرة تأسيس ألأحزاب العربيه المُستقله اوهكذا يَحلو لِمُؤَسسيها تَسميتها بِالأحزاب العربيه وغير الصهيونيه مع أنَّ مرجعِية البرلمان ألإسرائيلي مرجعيه صهيونيه,وقانون المُواطنه الإسرائيلي اللتي حرم العرب من حقوق المواطنه الكامله أقَرَّهُ هذا البرلمان,وبالتالي لا يَكمُن الخلل في إدِعاء قومية وعروبة الأحزاب اللتي يًرأسُها بعض العرب لابل أن القضيه هُنا تَمُس جوهر ولُب إشكالية ووضعِية الوجود العربي في اسرائيل والسؤال لمطروح: لماذا مَنحت اسرائيل العرب حق التصويت والترشيح للبرلمان الإسرائيلي وفي المُقابل سلبتهُم حقوق المواطنه الكامله؟؟؟ وهل تواجُد اعضاء برلمان عرب في الكنيست الاسرائيلي جُزء من تَسويق "ديموقراطية" اسرائيل رغم أنَّ الأعضاء العرب لا يَتمتعون بِحق المواطنه الكامله كزُملائَهُم من البرلمانيين ليهود؟؟؟؟ الجواب على هذه الأسئله المطروحه يَكمن أولاً في إصلاح المسلكيه السياسيه لِكثير من الأعضاء العرب في الكنيست الإسرائيلي اللذين يُسبِبُون في بعض الأحيان الإرباك السياسي في فترة الإنتخابات البرلمانيه واالمحليه,حًيثُ تُؤَدي التعبئه السياسيه الخاطئه إلى إنقسامات حاده داخل التجمعات العربيه إلى حد بُروز ظاهرة الإستقطاب والإستنباط القبلي والطائفيه,وظاهرة العُنف والعُنف المقابل بسبب الصراع على الاصوات والمراكز مما يصُب في صالح إستراتيجية السيطره الاسرائيليه. هُنا لابُد من القول أنَّهُ من الصعب فَهم أن يصبح الفرد[الإنسان] مُمثل لِشعب أو أقليه عُضواً في برلمان دوله قبل أَن يصبح مواطن هذه الدوله!!! أَلَيسَّ في هذا تناقض صارِخ ؟؟؟ أَلَيسَّ تَبَنِي شعار"دولة جميع مواطنيها" و "دولة جميع ا لمواطنين" تَرسِيخاً صارِخاً ومفضوحاًً للعنصريه الإسرائيليه وترسيخا ًلِتأشيرة المُكوث وليست المواطنه!!!؟؟ كُلُ ما في الأَمر أنَّ اسرائيل وبعد أَأكثر من نصف قرن ما زالت تَزُف العرب علىنِفاق الديموقراطيه,بمعنى منحهُم حق التصويت والترشيح وإقامَة ألأحزاب وفي نفس الوقت الحيلوله دون مُشاركتهُم في صِياغة او التأثير في القرار السياسي الإسرائيلي حتى في ما يَتعلق من قضايا بالعرب أنفسهُم,وهذا ما يُفسر عملية تَحنِيط الأعضاء العرب وتهميشهُم داخل الكنيست الأسرائيلي,ومن ثُم تَحويلَهمُ إلى مُجرد زَخارف للديموقراطيه الإسرائيليه!! واخيراً وليس اخرا يبدو جَلِياً أَنً سياسة الدوله الإسرائيليه نحو العرب في اسرئيل سياسه ثابته,وترتكز على نُقطتين أساسِيتين وهُما: إستِمرارية السيطره بِكُل اشكالها والوصايه على العرب من جهه وتَرسيخ موقع دونيه وهامشيه العرب داخل الدوله الإسرائيليه مُقابل فوقيه مُطلقه للقطاع اليهودي. احم احم عنجد متأسفه نيابه عن الاخت رنااااااااااااااااااااااا ااااااا لك رنا يا بنت شو عملتي فضحتينااا بدك تحكي او تعارضي في اسلوب حضاري للحواار:oops: :oops: :oops: السموحه يا شيخ الشباب اوك عاتي بتصير باحسن العائلات وبالنسبه للتعامل الاسرائيلي اتجاه الشعب العربي بالداخل شوف فووق:pos: :pos: :pos: ويا ريت المشتركين يفهموا معاناتنا ..... على كل حال شكرا على المجهود من قبل ل يلي بيشاركوا بالمنتدى ..... يعطيكم الف عافييييييييييييه:clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: |
اقتباس:
يعطيكي العافي يا والله فلسطينية على المعلومات لقيمة:gem: بس يخرب زوئك هيدا كلو رح نقرا هلأ ما لئيتي شي ائصر "بمزح":shock: .... على كلن ابدعتي ميرسي كتيـــر :p |
اسفه جدا
الى الاخ سعيد انا اسفه جدا جدا ازا حكيت اي اشي دايئك بس والله ما قصدي غير اني اصلح الاخطاء بس انا صح حكيت شيئ عنك خطأ بس والله ما قصدي غير كل خير وبكرر اسفي
بس بالنسبه للجامعات اكيد في تميز ما بين العرب واليهود بس بالنسبه انو الطلاب بروحوا على الخارج للتعليم هايا لاء علشان نحنا عنا القبول حسب العلامات ولكن التوضيف والعمل اكيد في تميز :( وبالنسبه للطائفيه انا اسفه والله فتره عصبيه ما قصدي بس لانك حكيت عن المسيحيه متل السورين والباقي غير هايا لاء علشان نحنا عنا ما في شيئ اسنه مسلم ومسيحي لاننا كلنا عرب ولازم نضل عرب لانو يجب علينا كلنا اسلام ومسيحيه انو نكون يد واحده علشان تتحررر فلسطين وانا قبل ما اكون اسرائيليه جدي وجد جدي فلسطينيه وبضل فلسطينيه والطائفه شيئ ما لازم نحكي عنه واسفه كتير كتير كتير كتير كتير كتير علشان جرحتك حتى لو بحرب بس والله ما كان قصدي اجرحك وانا متضايقه من نفسي وحاسس اني ظلمتك بالحكي بس يعني بدك تتحمل الاراء ولما قريت المقال تضايقت شوي يعني في اشياء لاء موش موجوده بس موش مشكله هايا رايك من الناس الي شفتهم بالمانيا وانت معك حق هايا وجهت نظرك وبكرر انا اسفه جدا وبتمنى تتقبل اسفي لاني انا الغلطانه بحقك للاخت وايت روز ازا ازعلتك باي اشي انا اسفه كتير كتير . وحقكم علي |
بلا عنوان
هههههههههههههههههههههههههههههههههههه مسترwhite rose
اوك اوك بتمزح هع خذ راحتك يا صبي عاتي لك يخللف علي يلي تعبت حالي ومتت وانا انسق فيه ههههههههههههههههههههه تضرب انت وردك ......... لك عم بمزح :oops: :oops: :oops: هههههههه وربي ما عملت شي بس نسخ ولصق لك اقراه وان كان طويل بلكي على الله طلع منك شي انت ورفقاتك يعني معلوماات هه .انت من عرب الداخل؟؟؟ يا اخي هلا انت بتعرف كل المعلومات يلي موجوده مع انك عايش بالداخل !!!! خليها على الله بس اقرااه وما تفشلنا للمقال وبالنسبه للدبه رناااااااااااا تسلميلي على ردك عنجد رفعتي راسي وليك حيفاويه مو حيله كلك زووووووووووووووووء يا بنت بلدي |
سوري والله فكرت صبي يا بنت هههههههههههههههههه حولي الصيغه من مذكر الى مؤنث والله تأثير الجووع علي ههههههههههههااي white rose
:oops: :oops: :oops: :oops: :oops: :oops: :oops: :oops: :oops: :oops: :oops: :oops: :oops: :oops: :oops: :oops: :oops: :oops: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :yahoo: |
لا جوعانة كتير هيئتك
لوول .... |
بس انتووووو نسيتوا الشهداء...
اول شيء انا وصلت لهووووون بالصدفة وقرأت الموضوع واعجبني وصممت ان اعلق عليه! وانضممت لأعضاء المنتدى!! :D :D
وانا انسانة معروفة باني وطنية كتير ومتعلقة بعروبتي وارضي!! " فهم لهم وطن يعيشون به وانا لي وطن يعيش فيي" :( :( انتو نسيتو 11 الشهيد من عرب ال 48 الذين سقطوا في رصاص الجيش الاسرائيلي :x حيث خرجوا للتظاهر ضد الانتفاضة الاخيرة وهذا اكبر دليل على عروبتنا وانتمائنا لوطنا وشعبنا... زد على ذلك يوم الارض الذي نحييه كل سنة كذكرى لافتقادنا لارضنا وفي هذا اليوم ترفع الاعلام الفلسطينية شامخة... وكل هذا يللي بعملوا عرب ال 48 !! :pos: فلا تحكم على شعب كامل من خلال اكم شب لا نفتخر بأنهم منا!! |
اولا مشكور اخي على الموضوع اللي بالفعل لازم الكل يعرف ان عرب ال 48 ما في فرق بينهم وبين اي مواطن عربي ان كان سوري او اردني او مصري وبدون استثناء ... يعني اذا منحمل جواز اسرائيلي هاد ما بعني ان عاداتنا تختلف عن اي مواطن عربي .. لا احنا نفس الشيئ، وبالعكس دولة اسرائيل صارت اكتر عنصرية على عرب 48 خصوصا بعد الانتفاضة ... مصاري حرب لبنان اللي خرسها من حزب الله احنا للاسف اللي رح نعوضها للدولة !! وبالفعل بدأت الشرطة تتفشش فينا بمخالفات بسبب ومن دون سبب وانا بأسف لاني مش عايش بوطن عربي اله علم خاص ونشيد وطني خاص .. !!! وبشكرك مرة تانية على الموضوع اللي قدرت اعبر عن مشاعري ولو شوي __________________________________________________ ___________________ اقتباس:
بالفعل هاي عجبتني :) ... لانو احنا منحب السوريين بشكل كبير ... والمسلسلات السورية منبحها كتير واللي مش مصدق يشوف اسمي !! :p :D |
شكرااا اخي
هلا مين ما ابيعرف عرب 48 اذا حدا ما ابيعرفهم انا بنزل كمن موضوع يوضح بس بتوقع انو اخي نزل الموضوع ومفهوم وما في اوضح منو شكرا اخي مع تحياتي بقــــــــ انسان ــــــــايا |
اهلا و سهلا بكل اللي ردو بهالموضوع, و كمان أهلا و سهلا ل LaDyInReD اللي كانت هاي أول مشاركة إلها بأخوية و إنشالله يعجبك المنتدى ..
و كمان برجع بحب و ضح شغلة للمرة الشي العاشرة, يا جماعة و الله هون ما كان المقصود إنو عرب 48 ليسو عرب أو ليس عندهم عروبة أو مانهون متلنا .. الله الوكيل ما هاد القصد يا جماعة, و هالشي معروف عند الكل .. تاني شغلة, لما إجت سيرة الحشيش ليش لحتى الواحد ينزعج .. ما بكل بلد في الناس السيئين و الناس الجيدين .. بسوريا في عالم بتاكل الأخضر و اليابس , و نتشار بينشر عالطالع و النازل .. يعني حرامية من العيار التقيل .. في كمان محششين إذا كان النظرة إلهون لهالدرجة سلبية .. و في مجرمين .. و في و في و في شو ما بدك .. بس إذا حدا كتب عن هالموضوع بوجهة نظر حيادية والله ما بنزعج لأنو الشغلة عادية و أنا بعرف إنو مثلاً أنا ماني سيء .. بقا ليش لحتى إنزعج ؟؟ تحياتي لكل المشاركين بالموضوع مرة تاني ... و والله أكتر شعب هون بألمانيا بين العرب حبيتون هني عرب 48 .. و الباقي سطر و عبي بالزبالة :lol: عمبمزح .. كل الناس خير و بركة على قولة ستي .. و إذا مو مصدقين سألوها .. :lol: |
SABE
كلامك صحيح اخي وبالفعل كل بلد فيها الناس الجيدين والسيئين وما في بلد في العالم 100% .. على كل حال موفقين ان شاء الله في دراستكم ... :) |
[quote=SABE]اهلا و سهلا بكل اللي ردو بهالموضوع, و كمان أهلا و سهلا ل LaDyInReD اللي كانت هاي أول مشاركة إلها بأخوية و إنشالله يعجبك المنتدى ..
ميرسيي كتتيييير على فكرة انا كتييير بحب اسمع حكيكو لأنه بجنن:" تقبرني" و"تقبشني" " موو لكاااااان" كل هالكلمات كتيييير حلوة!! وبالنسبة للمنتدى منتدى كتييييييييييييير حلو ورح اكون عضو فعال فيه واخبر عنه لأصحابي!! THNX :p :p |
ههههههههههههههههههه لك لك شو هالكلام يا ladyinred جوااهر يا بنت وليك يا مقصوفه الرقبه هاد طلعتي بنت جيرانااااااااااااااااااااااااااا من بااقه هلا بيكي بالموقع وبقول ماله منور بالاياام الاخير هههههههههههههه مش تصدقي حالك يا بقاويه ههههههههههههه عم بمزح
انا من العاصمه من جت المثلث افتحي الشبااك وطلي علي :yahoo: وبالنسبه لتعليقاتك والله معاكي حق ويلي بيعرف بيعرف ويلي بيعرف ما بيعرف على العموم انا ما دخلني بغيري ان هو متمسك بارضه او لا انا كل ما بيهمني هو انا واعوذ بلله من كلمه انا الحمد لله متمسكه بأرضي وانا فلسطينيه . والمنطق بيحكي على انه بكل مجتمع فيه الزين وفيه الشين وبانه ما نحكم على شعب بأكمله نحمله كامل المسؤليه بسبب انحراف اكمن شب فيه تحيــــــــــــاتــــــي للجميــــــــــــع |
على كل حال اذا في حدا بحب يتعرف على عرب 48 اكتر (علينا) بقدر يفوت على هالموقع يللي بخصنا ::p
http://www.arabs48.com/ |
حلو الموضوع :D يعني يا ريت كل العرب بعرفو عننا .. انو والله الواحد زهيئ يجاوب العرب على انت من وين ! :?
انه الوضع الطبيعي الواحد بنسال من وين بقلو من سوريا من لبنان من الاردن من جنوب افريقيا .. احنا مجبورين كل معربي سألك من وين تقعد تشرحلو بحرب ال 48 وتهجر و طلع و ما بعرف شو .. فلتونا من هلقصة :jakoush: انا خلقت هون بالجليل .. جليل الامم و جليل المسيح .. وانتو سموها متل ما بدكووووو اسرائيل فلسطين احنا ما عاد يفرق معنا .. بس ازا بدكو الصراحة والواحد تيحكي عن حالو بس بصورة الجمع :p انو يعني انا بدي احكي باسم عرب ال 48 بس انا مش ازدي عن عرب ال 48 كلون انا ازدي عن حال بس ما بحب اقول انا من شان هيك بقول احنا :gem: المهم منرجع لموضوعنا ازا بدكو الصراحة انا بحس انو احنا عن انفصام بالشخصية :cry: يوم يتدب فينا الوطنية مرة وحدة و منصير بدنا نحرر فلسطين من النهر للبحر :gem: ويوم "فخار يكسر بعضو" :adal: يوم منكون كلنا العرب ايد وحدة مسيحية ومسلمين ومرات بيجوا الدروز معنا :adal: :yahoo: ويوم منفلت على بعض :shock: انو بتقدروا تقولو حسب الطقس :? بس تالواحد يحكي جد انا بس اطلع من قريتي وين انا ترعرعت :clap: واروح على اي مدينة يهودية بحس بالغربة وقت بروح على قرية عربية تانية كمان بحس بالغربة .. انو لما قال صاحب الموضوع انو عنا فكرة الوطن صعبة ما غلط .. انو ما عنا وطن عنجد :pos: يلا متاسفين على الازعاج :shock: حاسة حالي متل كيس مي كان ماسكوا واحد على بناية عاليه وزتو للكيس من فوق لتحت .. اسا خلال وقوعي من فوق لتحت انفتح هدا الموضوع وشاركوا فيه الناس المحترمين اللي زيكو وخلصو منو و نسيو و بعد 3 اسابيع مضى :? وصل كييس المي اللي هوي انا :yahoo: يلا استرو ما شفتو مننا |
والله مشكور كتير للتوضيح لانو جد في شباب مني وجر مابنعرف شي عن هالحكي هادا بنسمع عنو بس بدون تفاصيل وباركط الله فيك سيدنا
|
| الساعة بإيدك هلق يا سيدي 05:51 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون