|
اصلاح لكن .. اجتماعي
في وحدة من السرحات تبعي .. شوفلك هالفكرة ..
الواحد فينا بحاول يحط حالو في خانة معينة ضمن فكر معين ودور محدد .. لكن اتضح يا جماعة انو الانسان هو البداية والنهاية والغاية في كل تغيير .. يعني في منا ضد وفي منا مع وفي منا نص نص .. برأيي كلو ما بينفع .. غير أبو حشيشة طبعاً  لا بس جد ... نكوشت وبحبشت براسي .. وكانت النتيجة كالتالي : بقلك كل شي بصير بالعالم بسبب الانسان ولهدف هو الانسان .. الحروب والنزاعات والانظمة والسياسات والمال والنفط والخدمات ... الخ .. بس يا جماعة .. بعد الصفنة المعتادة :shock: .. الانسان مو زابط .. يعني مو سليم .. مو سوي .. مو مو .. الانسان لساتو ناقص وما بيحمل التفكير لا بسياسة ولا باقتصاد ولا شي .. وهون وصلت لفكرة .. الاصلاح الاجتماعي .. نصلح هالانسان كجزء بالأول والمجتمع ككل .. وبعدين بنبقى نفكر شو بناسبو نظام ودولة واقتصاد .. وكلو .. الانسان طاقة هائلة اذا قدرنا نأسسها صح .. بس لانو بدونو هالعالم ولا شي .. اذا فهمتو شي مني بكون منيح لانو بتعرفو أبو حشيشة .. ما بيضرب الا المخ ..بقى شو رأيكم انتو ؟؟؟ |
ايه انو شو عليه
|
يحرم علي اذا فهمت كلمة وحدة من اللي حكيتا
فيوزات مخي ضربت من الكلام :shock: :shock: :D |
شو يا جماعة .. ركزولي شوي ... واقراو ما بين السطور .. الي بالحبر السري يعني ..
|
اقتباس:
شووووو هادا اللي بين السطور انا من السطور فتت بالحيط :shock: :D |
هاد يللي عم تحكي عنو مو الانسان
لانو الانسان يوجد الانسانية اما هاد يللي حكيتي عنو يمكن يكون شي كائن او مخلوق عجيب ما عندو الفكر الانساني بس عندو الفكر الاجرامي والسلطة بدمو وفي شغلة حشيش على الاخر هي المدينة الفاضلة تبع افلاطون بس بضل افلاطونية لانو كان اخد حشيشة وقت كتب عنها هلأ كتبت بس ما بعرف اذا كتابتي عن تحشيش ولا عن وعي ما بعرف واذا فهمتو شي خبروني |
اقتباس:
الانسان هو اساس كل شي .. أساس كل فكر وفن وحضارة وثقافة .. اذا ما بتقدر تآمن فيو وتطورو .. ما رح تقدر تحقق شي .. والتغيير بكافة انواعو بدو انسان .. |
اقتباس:
عم فكر اعمل شي عقد مع علماء الاستنساخ بركي بيستنسخو شي انسان قديم من يللي عمل الحضارات القديمة لانو انا هاد بحسو انو انسان فعلي |
اقتباس:
فينا نصنعو نحنا .. |
حبيتو كتير للموضوع ...
تمام تمام .؟... بداية علينتا أنو نقبل أنو الأنسان مقدس بالمطلق يعني كل أنسان حتى اللي عم نطلق عليو مجرم ........ إلخ
ما في شي بيجرد الأنسان من أنسانيتو ... لهيك المجرم بينعملو أعادة تأهيل وهوي جزء من المجتمع ... اللي بتمارس الدعارة بيعادتأهيلا وهي مهمة للمجتمع وهيك ..... أنا أومن أن التغيير يبدأ على صعيد الأنسان ... كفرد ... قبل الانتقال إلى مرحلة الجماعة ... وبعتقد أنو نبدا بالأساسيات الخبز ... مثلاً ... ما فيني أجي أحكيلو لواحد جوعان عن الديمقراطية هوي ما بدو ديمقراطية ولا بيهمو أن كان الحكم بالأسم شيوعي أو اشتراكي أو ديكتاتوري بيهمو ياكل ... بدي حقق الأساسيات لحياتو ... بعدين بسعى لأنميو وأثقفو |
الموضوع عنجد كتير حلو و انا مع مرسيل بالحكي اللي حكتو
بس في شغلة اخواتي نحنا دايما عم نطالب بالانسانية طيب ,,, مالانسانية بتحمل الخير و الشر يعني الانسان المجرد عن اي مذهب او عقيدة او فكر هو مانو انسان خيير بالفطرة لهيك الشغل على الانسان برأيي لازم يبلش من الاصلاح الفكري و السياسي |
والله يانيرفانا بعد صفنة بحكيك وقعدة مع حبيب القلب :sosweet: ابو حشيشة
طلع معي هالجوابانو اهم شي نغير الانسان هاد كلام حلو..... بس لحتى نغير الانسان بدنا منظومة اجتماعية ترعى هالتغير..... وبدنا منظومة دينية تتفهم هالتغير..... وبدنا منظومة حكومية تدعم هالتغير يعني بنرجع لقصة انو بالاول الجاجة باضت البيضة؟؟؟ او البيضة جابت الجاجة؟؟؟ :shock: يعني حاسة اني فوتكن وفتت معكن بدوامة لامخرج منها:? بس شغلة الاصلاح الاجتماعي مافينا نعملها بمعزل عن الاشياء التانية مابعرف اذا حكيي مفهوم اولأ؟؟ بس كلو من حبيب القلب:sosweet: ابو حشيشة |
اقتباس:
بس لما عملت اضافة رد جديد انت لسه ماكنت حاكي فكرتك اعذرني :D |
اقتباس:
|
اقتباس:
م انتي عبرتي عن الفكرة بطريقة احسن :D |
اقتباس:
|
اقتباس:
طاوعني خدلك شفطة :p شكرا كتير عالتفهم :D |
اقتباس:
بس حلوة :yahoo: :yahoo: :yahoo: :yahoo: :yahoo: :D |
اقتباس:
صحاب لدرجة انو نحنا واااااااااااااااحد :yahoo: :D |
اقتباس:
توفير الاساسيات لحياتو كمان انا معك فيها وبحب ضيف انو التعليم الاساسي لازم يكون من هالاساسيات مع انو في ناس معترين حتى هاي ما بيقدرو عليها . |
اقتباس:
والاصلاح الاجتماعي بيعني كمان علاقة الانسان ببيئته ومجتمعه وتعامله معه . |
اقتباس:
يعني في كتير جماعات حقوقية ومنظمات غير حكومية بتقوم بدورها من منطلق انساني فقط. وبدي ضيف انو الاصلاح الفكري اللي ذكروا فادي قبل كمان بيلعب دور مهم وممكن يساعد بالاصلاح الاجتماعي بشكل اكتر من فعال .. بالنهاية الانسان بتصرف بناء على فكرو . بما انو ابو حشيشة بالموضوع اكيد رح نفهم على بعض. |
اقتباس:
|
اقتباس:
|
انو ايه انسان وانسانيه
واصلاح اجتماعي وتحسين وضع الفرد وبعدين بيتصلح المجتمع وتعملو مجتمع انساني مثقف ومحترم وماهم شو يكون النظام المهم انو يصير في وعي انساني ويعرف الواحد انو انسان حكي كتير حلو وخاصه مع ابو حشيشه بس عن مين عم تحكو انتو مين فاضي يدور على الانسانيه المدفونه جوات العالم ويعمللها اعاده احياء ويرجع يغذيها وينميها وين هدا الحكي بدو يصير بأي عصر الجاهلي ولا الحجري ولا بعصر الكراسي والمصالح والنزاعات الطائفيه المصطنعه والافكار السياسيه المحششه بدي خبركن انوالانسان يلي عم تحكو عنو موجود بس ما بدو يطلع يعيش هالواقع يعني انتو عم تحكو من انسانيتكن بس مين بيقدر يعمل هالحكي يلي بتحكوه ورجوني شغل خلص وقت الحكي ما خلصت حكي برجعلكن |
اقتباس:
الاخوية هون هي طريقة لمحاولة توعية الناس ولفت نظرهم لهالمواضيع وحثهم على التفكير .. |
[quote=Nirvana;464410]ايه صعبة وقد تكون مستحيلة .. تمام .. بس ما بتقدر تعيش دون محالة .. على الأقل بشكل شخصي ومن خلال تعاملك مع الآخرين ومع اللي حواليك .. بيئتك ومجتمعك وعكس صورة ايجابية من خلالك ..
الاخوية هون هي طريقة لمحاولة توعية الناس ولفت نظرهم لهالمواضيع وحثهم على التفكير ..[/quote يمكن انتي ماعم تشوفي المشاكل يلي بتصير بأخويه انا معكن بكل كلمه حكيتوها بس الواقع غير هيك نأمل خيرا |
:pos: رح ارجع بالحديث لورا شوي نيرفانا و امراة ورق حكو عن لزوم إيجاد منظومة اجتماعية للارتقاء بالانسان طيب
عمر الانسان على الكرة الأرضية كم ؟ علميا ما بعرف بس عشر طعشر مية ألف سنة صح؟ اي كل هل الوقت الانسان ما حسن يوجد منظومة يعيش عليها و حتى بالعصور الحديثة جدا من النظام الشيوعي و الاشتراكي الى الرأس مالي و الاقطاعي و و و .. و حتى الديني يهودي مسيحي اسلامي بوذي سيخي كل هدول ماحسنو يربطو الانسان و يشكلولو منظومة لايجاد طريق للحياة السعيدة و الموز بحليب .. طلعت بخلاصة من هل فكرة انو البني آدم مامنو أمل .. خيو انو نعيش حياة مثالية هاد حكي أفلاطوني و حكي للحكي فقط يعني مشان نحلم بالموز بحليب ( يلي سبق و زكرتو :lol: ) تحياتي |
لحتى الانسان يتغير لازم اول شي يكون عندو نزعة للتغيير لانو ما فيكي تعملي شي من بعيد لبعيد ....يعني بيني وبينك الانسان كلما عم نقدم سنة عم يرجع لورا 100 سنة ...وبانتيجة أنا يئست من شي اسمو انسان او انسانية
ما بعرف ؟؟ |
اقتباس:
:? :? أنو عمر الأنسان مدري شقد ... بس الأنسان على صعيد الفرد كتير تقدم ... اليوم ما وصلنا للموز بحليب ( ما بعرفا هالأكلة أنا بعرف الرز بحليب ... ) بس وصلنا لتطورات ... التطور مسيرة مانا لحظية .. وما في يوم رح نكون راضين عن المجتمع تماما .. ومن فشل التجارب الماضية عم تنشأ تجارب جديدة |
اقتباس:
شو إعراب كلمه يأس ؟؟؟؟؟؟ انا بعرف انو الانسان وقت بيشتغل بيطور بس انسان ماعم يعمل شي غير الحكي طبعا رح يكون تتطورو لحظي ليش ما بنجيب وصفه (الموز بحليب )وبنطبقها مادام بنقدر نجيبها ويمكن من خلالها نوصل لخلطه (الموز والفريز مع الحليب ) |
اقتباس:
|
اقتباس:
انابأيد كلامك ومعك بكل كلمه حكيتيها هدا إذا كل واحد بدو يفكر هيك الدنيا بالف خير بس يظهر كل واحد بحب الكوكتيل بطريقه وبحب خلطه الكوكتيل تكون بمعياراتو مابدي احكي حكي افلاطوني لان افلاطون مات هلئ هدا الكوكتيل يلي بنحكي عنو إلو معايير غير الانسانيه انا بتمنى انو كل واحد يكون عم يفكر بنفس الطريقه يلي حكيتيها بس التفكير بيوقف عند احترامي؟للكل؟؟؟ والاهداف يلي ممكن حققها معن ؟؟؟ اما باقي الشغلات بيفكر فيها بس ليعيش هو كإنسان بمفهومو |
| الساعة بإيدك هلق يا سيدي 11:03 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون