|
لن اسميه ساترك لكم اختيار الاسم
حينما يتغير الوجه الملائكي لترى الشيطان يطل عليك باقذر وجه
حينما تختزل كل معني الحياة ليصبح الموت هو المعنى الوحيد الذي تراه حينما تنقلب المعادلة ليصبح الناتج صفر حينما تتنازل عن حقوق كثيرة شرعها الله لك لتجد انك انت وحقوقك لا تساوي شيئ حينما تتغير كل المعاني الجميلة التي عشت عليها الي معنى واحد يتجسد بكلمة الشقاء حينما تضطر الى التنازل عن حلمك البسيط لتعيش واقعا بأس لا تملك به شيئ حينما يفرض عليك ان تعيش كما اراد الاخرون لك ان تعيش حينما تخلص بكل ما للكلمة من معنى لتقابل بكل اجحاد وتنكر حينما تكفر بكل شيئ امنت به حينما تجد نفسك امام مصير قذر حينما تتنازل عن جزء من كبريائك وكرامتك في سبيل حلم ولا تجد من يقدر ذلك تصبح للحياة مفاهيم اخرى غير تلك التي ندركها ونضحك بها على انفسنا اصبح اليوم مفهوم الحياة كل ماقذر ودنيئ لكنها ارادة الله ان نحيا كما يشاء وان نلقى مصائرنا كما يشاء لا نملك الا ان نقبل ونرضى ونامل بغد افضل لكني لا املك الان ان انتظر ذلك الغد المشرق لانني فقدت كل تلك الشموع التي تضاء بها الطريق اشكركم جميعا والى لقاء قريب باذن الله لن ارد على مشاركاتكم لانني سانقطع من الان عن الاخوية تحياتي لكم جميعا :D |
كلنا بلحظات يأسنا بنشوف الحياة هيك واكتر
بس لازم يكون عندنا الامل انه الاتى قد يكون افضل بيضل جوانا حلم بدنا نحققة ونعيشوا صدقنى ما فى حدا راح ينظلم يعنى اذا كانت الحياة هيك اكيد راح تتغير اكيد ربنا هيعوضك لان هو العدل (ولا تقنطوا من رحمة الله) بس لية يا وائل راح تنقطع عن الاخوية |
وين يا وائل ليش رح تنقطع عن الاخوية....
مين رح يتابع قصائد مظفر النواب ... ارجوك لا تنقطع ولا تتركنا من دون حبيب:D |
بعتذر منكم جميعا
اتخذت قرارا متسرع بسب ظروف قاسية شوي كانت لكن ادركت سريعا انه ما زال عندي اشخاص لهم عليا حق ان ابقى واستمر انتم من تعلمت منهم الكثير وحلمت معكم بالكثير لكم عليا حق ان ابقى واستمر وان انتظر ذلك الغد المشرق حتى وان كنت اخدع نفسي بتلك الكلمات لكن ان اخدع نفسي اهون بكثير من ان اترك الاخرين يخدعوني تحياتي لكم احبتي واقبلوا مني كل الحب والتقدير لانكم انتم فقط من يدرك تلك المعاني العظيمة :D |
اقتباس:
اتنمى ان لا اصدق ما حدث وان ابقى في ذلك الحلم وبنتظر من العدل العدل مرسي الك ماروا :D |
اقتباس:
كلماتك كتير صعبة عليا لكن يلي بقلك ياه مر علينا كتير اوقات صعبة وما حنينا هاماتنا لكن يلي مر عليا امبارح كان كتير صعب واكيد ما راح يحني هامتي هو كمان قراري الان هو ان ابقى ةاستمر لانكم تستحقون مني اكثر من ذلك كل الحب والاحترام اخي اسير وبننتظر الغد المشرق حتى ولو ما بلغنا بيكفينا انو يكون حلم تحياتي الك حبيب:D |
اقتباس:
وعلى كل حال يا رب تكون بخير والاوضاع عندك تهدى |
بزمناتو محمد ابراهيم قلي...اني
صاحبة الوجه الملائكي والروح العفريتيه... ذكرتني فيه... اهلا برجعتك :D |
بالرغم من الياس الموجود بكلماتك بس بجد كلمات معبره كتيير :D
ياريت وائل لا تفكر انك تترك المنتدى مره تانيه لانه المنتدى في اعضاء كتير قديرين متلك ما بدنا نخسرهم ويا اهلا وسهلا برجعتك :D :D |
اقتباس:
بس اكيد ما راح تكوني وجه الشيطان القذر انا يلي وجهتله كلامي كان شيطان على كل حال مرسي الك ريمي على مشاركتك:D |
يا وائل انا حبيت ئلك شغله
"الحياه مليئه بالحجاره فلا تتعثر بها بل اجمعها وابني بها سلماً نحو النجاح" ;-) |
مو لازم تستلم للامر بهذه السرعة
لازم تكابر عشان تصير |
اقتباس:
لكن وقت يلي ممكن اترك الاخوية اكيد راح اترك كل شي بتمنى ما اوصل لهيك مرحلة وبتمنى من الله ان يرحمني برحمته من كل شي ممكن يصير تحياتي الك اختي العزيزة :D |
اقتباس:
طبعا بعد اذنك رنا :D :D |
اقتباس:
لكن انهدم المعبد عليا بس اكيد راح اجمعها مرة تانية بمساعتدكم وحبكم وعطفكم تحياتي الك رنا :D |
اقتباس:
لكن لما يوصل الامر للمفاضلة بين الكرامة وشي تاني اكيد راح نختار الكرامة مع انو الشي التاني كتير عزيز وما ممكن تستقيم بدونه مفهوم الحياة لكن بيبقى كبرياء وكرامة الانسان اغلى من انه يضحي فيها هاي الاشياء يلي باقيا عندي ما ممكن اتنازل عنها تحياتي الك اختي العزيزة ومرسي على المشاركة :D |
أول ما عرفت أنك رح تترك المنتدى كتير تضايقت لأنو عن جد يا أخ وائل أنت من الناس يلي شجعوني أكتب كل كلمة كتبتها بهالمنتدى ....
وخاصة وقت عجبك توقيعي .... وحابة قلك مرة تانية يا أخ وائل أنو الدنيا بتستاهل منا أنو نتفاءل لأنو بدون الأمل والتفاؤل بأنو رب العالمين دائماً معنا بكل خطوة وثانية ولحظة بخلي حياتنا كتير بشعة ......:D |
أول ما عرفت أنك رح تترك المنتدى كتير تضايقت لأنو عن جد يا أخ وائل أنت من الناس يلي شجعوني أكتب كل كلمة كتبتها بهالمنتدى ....
وخاصة وقت عجبك توقيعي .... وحابة قلك مرة تانية يا أخ وائل أنو الدنيا بتستاهل منا أنو نتفاءل لأنو بدون الأمل والتفاؤل بأنو رب العالمين دائماً معنا بكل خطوة وثانية ولحظة بخلي حياتنا كتير بشعة ......:D |
لاااااااااااااااااااا شو عبتحكي
بلا هالكلام شو ليش بدك تترك شو لسه ماصلك كم يوم لحقت تترك رجاءا عنجد شيل هالفكرة من راسك والله عنجد زعجتني كتير بهالخبر صدقني انت زلمة مافي منك والله انت غالي على قالبي كتيرررر وبدي ازعل اذا تركت وبصراحة اذا كان في رمز للأحترام والأكبارية فهو اكيد انت :D :D :D تحياااااااااااااااااااااا ااااااااااااتي الك ياغالي وانسالي هالأفكار الخنفشارية :D صحيح انا اول ماقريت عنوان الموضوع فكرت انو انت اجالك ولد ومحتار شو تسمي فقلت خليني ادخل باركلو لوائل بالمولود الجديد:o :o:o:o بس طلع الموضوع شي تاني غير اللي تصورتو تماما :lol: |
و انا كمان وائل بدي قلك ما منسمحلك تترك. القرار ما قرارك وحدك. كلمتك هون مسموعة و مؤثرة و ألنا حق عليك. نحنا بحاجة نسمعك... وبعرف انو ما بتتخلى عن واجباتك تجاه الناس يلي بتحبون.
ولقلبك بدي قلو: انت خلقت للفرح و الحب خلي عندك ايمان قوي بهالموضوع و اوعك تتعود عاليأس |
اقتباس:
انتي كتبتي كلمات رائعة لانك انساتنة رائعة وحساسة كتير يمكن يلي خلاني فكر بالموضوع هذا شي قاسي وصعب كتير لكن يلي خلاني ابقى واستمر هو حبكم و واحترامكم يلي ما ممكن انساه طالما انا موجود راح ابقى واستمر طالما انا موجود على وجه الارض لانكم احلى اغلى شي عندي بحياتي ما بكون مبالغ لو قلتلك انكم اصبحتوا وطن وما ممكن اتخلى عن وطني اكيد راح ابقى طالما انا موجود اقبلي مني كل الحب والتقدير :D |
اقتباس:
وقرار بقائك هو دليل ع انو هامتك لن تحنى أبداً ... شو ما كانت الظروف والأوقات... واكيد الغد رح يكون مشرق لما بنبقى مع أحبابنا بكرر شكري لك وتحية لك من القلب أيها الحيبب :D |
اقتباس:
بيحبه وبحترمه وبتمنى التقي معه واكيد راح نلتقي حتى لو ما كان ةبالحياة اكيد راح يكون ةبدار العدل راح ابقى واستمر وما بترك الحقيقة والوضوح الوحيد بحياتي مرسي كتير الك حكومة وبوعدك لو ربنا اراد وصار وعشت وصار عندي اولاد راح يكون اسم الاول منهم من اختيارك تحياتي الك حبيب القلب :D |
اقتباس:
مرسي الك عزيزتي الغالية توقيعك بتمنى كتير ناس تفهمه لو كل الناس شعرت انوممكن تموت باي لحظة اكيد راح تتغير كتير اشياء بحياتنا ما راح نخون ةبعض ولا نحطم بعض ولا نكذب على بعض بتمنى هالمعنى يوصل لكتير بشر حتى نبقى بشر تحياتي الك عزيزتي Tulip واقبلي مني كل الحب والاحترام :D راح ابقى وراح تبقى الهامة مرفوعة لاني اصبحت لا املك الا تلك الهامة |
اقتباس:
بشكرك مرة تانية اخي اسير يلي بدي منك تتاكد منه انو قرار الترك ما كان بخصوص الاخوية وطنا وبس لا كان بيخص كمان اشياء تانية بحياتي غالية وعزيزة عليا متل معزة وطنا الاخوية لكن يلي خلاني عيد التفكير بهالموضوع انو ما ممكن اترك مصيري بايد انسان يحدده هو كما يريد ان ابقى واستمر بكل تلك المشاعر القاسية التي اعيش اهون عليا من ان اترك ويكون قرار تركي هو قرار شخص اخر تحكم بمصيري ليجعل من نفسه الها يحدد مصائر الناس لذلك غيرت الفكرة واحاول ان اتعامل مع الواقع كما ارداده الله ان يكون لكن يلي بتمناه منكم جميعا انو تتاكدو اني بحبكم كلكم حتى يلي كنت على خلاف معهم اكيد في جزء من المحبة والتسامح الهم لانو اكيد بنبقى اولاد وطن واحد وبنبقى بشر مهما اختلفنا اكيد بنتوحد وقت ما نكون بنعرف الحقيقة بتمنى من الجميع انكم تسامحوني وتتاكدو اني انا معكم حتى لو فنيت روحي راح كون معكم بكل تفاصيل حياتنا هون بالاخوية وطنا تحياتي الكم جميعا والك اخي العزيز اسير واقبلوا مني كل الحب والتقدير:D |
شكرا أخ وائل لأنك رح تبقى معنا بالمنتدى :D
|
اليأس تاج على رؤوس اليائسين لا يدركه الا المتفائلون
يأخي خلي عندك أمل ان رح يجي يوم وتتبدل امورك للأفضل صدقني مافيه أحد راضي عن حياته الكل يحس بالنقص بس الفرق هو بالروح والتفكير فلا تكون انهزامي تفائل بالخير تحصله |
اقتباس:
كتير اشياء ضاعت منا فيروزة يمكن ما كنا بنملك ارادة انو نبقى محتفظين فيها لكن وطنا اكيد بنملك انو نبقى محتفظين فيه لذلك راح ابقى واستمر مرسي كتير لمشاركتك فيروزة اقبلي مني كل الحب والاحترام:D |
اقتباس:
والله مو ياس زهرة بالعكس هو الواقعية بذاتها كل الاشياء الحلوة ما قادرين نحتفظ فيها كتير اتحملنا ووصل الامر لمرحلة مفاضلة وتقرير لكن يلي بيبقى مصبرنا انو مؤمنين بالله يلي راح ينصفنا وظلم ذوي القربى اشد وطاة من وقع الحسام المهند بتمنى كون قدرت وضح تحياتي الك زهرة العزيزة وكل الاحترام والتقدير :D راح ابقى طالما انا موجود |
ما شربت كأسا ًعلقمية إلا كانت ثمالتها عسلاً.
وما صعدت عقبة حرجة إلا بلغتُ سهلاً أخضر. وما أضعت صديقاً في ضباب السماء إلا وجدته في جلاء الفجر. وكم مرة سترت ألمي وحرقتي برداء التجلد متوهماً أن في ذلك الأجر والصلاح ولكنني لما خلعت الرداء رأيت الألم قد تحول إلى بهجة والحرقة قد انقلبت برداً وسلاماً. ( أتمنى أن يصبح حالك مشابهاً لهذا ) |
اقتباس:
شكرا نيرفانا على مشاركتك الرائعة بس بدي افهم هلاء انتي نيرفانا ما غيرها ولا وحدة تانية انا بتوقع تكوني نفسها لانو هاي كلماتها وهاي قوتها يلي بعرفها عنها على كل حال مرسي على المشاركة واقبلي كل الاحترام والتقدير :D |
لسا الايام كتيرة يا وائل بس انت احلم بكل شي حلو ومنيح لانو بالحلم فيك ترسم مستقبلك وتحط بين عينيك فكرة المثابرة من اجل غد افضل.واهلين برجعتك وائل:D
|
اقتباس:
تحياتي الك وان شاء الله بنقدر نخلق امال واحلام جديدة اقبلي مني كل الحب والاحترام:D |
عفواً وائل سؤالك غريب يعني في مشتركة تانية بنفس اللقب ؟
أكرمني بتفسير لوسمحت... |
اقتباس:
هي بنت اسلوبك نفس اسلوبها بالحوار لذلك شكيت لكن على كل حال بشكرك على مشاركتك اختي العزيزة :D |
له يا بطل الى اين ؟؟؟؟؟
بدك تترك اخوية وانا هون وحدي بدي اضل ما رح اقبل منك هالكلام ابدا |
اقتباس:
رجعنا عن الفكرة انسان لانو ما ممكن الواحد يقدر يفقد شغلتين عزيزتين بوقت واحد راح ابقى طالما انا موجود راح نكفي هالحياة متل ما ربنا كتب يعني حبكم و عطفكم وايمانا بالله اكيد راح تهون كتير من يلي عم بحسه شكرالك اخي العزيز انسان وبس ومشتاقلك كتير :D |
اقتباس:
"راح نكفي هالحياة متل ما ربنا كتب" اجمل واقوى عبارة بسمعها من بطل والشكر الك اخي وائل وانا كمان مشتاقلك كتير:D |
وائل اعتذر لتأخري في الوصول
الحياة مسرح كبير، ولكل دوره المرسوم له، وائل كلماتك كانت دافع الي اني استمر بالأخوية، وشفت فيك الإنسان اللي بيستحق اني اسمع كلامه وامشي بطريقه، فما تعلن انسحابك واستسلامك بسبب موقف، حياتنا كلها مبنية على مواقف. منها القاسي والظالم، منها الحلو ومنها المر، منها بيعطيك حب واخلاص ووفاء ، ومنها بياخد اكتر مما بيعطي، لكن هل معنى ذلك انه نرضخ لكل شيء سيء وقاسي ونعلن استسلام سريع؟؟ اكيد لا احنا ما انخلقنا حتى نستسلم، ولسه طريقنا في بدايته. بهديك كلمات الاغنية التالية وائل ويا رب توصلك كل معانيها: من يفقد عينيه لا يمكنه أن ينظر نظرة حاقد ومن فقد لسانه لا يمكنه أن يصرخ صرخة غاضب أما من فقد يديه لا يمكنه ان يتسلح ويقاتل أما من يفقد رجليه فلا يمكنه أن يتقدم في المسير . . . . صحيح أن من يفقد عينيه لا يمكنه أن ينظر ينظر نظرة حاقد لكن ...... يمكنه أن يصرخ صرخة غاضب صحيح أن من فقد لسانه لا يمكنه أن يصرخ صرخة غاضب لكن.... يمكنه أن ينظر نظرة حاقد صحيح ان من فقد يديه لا يمكنه أن يتسلح ويقاتل لكن.... يمكنه أن يتقدم في المسير صحيح أن من يفقد رجليه لا يمكنه أن يتقدم في المسير لكن... يمكنه أن يتسلح ويقاتل لكل دوره في النضال في النضال في النضال لكل دوره في النضال في النضال في النضال والحاجة للجميع والحاجة للجميع والحاجة للجميع اشكر ربي انك رجعت عن قرارك، فمن كان مثلك لهو أحق ان يتربع في قلوبنا من ان يبقى اسير الحزن |
اقتباس:
كلامك مقنع فلسطينية الشتات لكن نحنا فقدنا كتير اشياء يعني لو كان الوضع عندنا عادي متل باقي البشر اكيد راح يكون اهون لانو بيبقى في وقت لتعوض يلي فقدته لكن انتي بتعرفي انو نحنا وضعنا اصعب لانو ما عاد في عندنا وقت للتعويض لكنها حكمة الله انو نفقد اشياء وما نقدر نعوضها لانو الله متاكد من انو نحنا اكيد راح نتحمل المرار هذا يمكن لو تعرض غيرنا اله اكيد ما راح يقدر يتحمل لكن نحنا مر علينا اكتر من هيك بكتر لذلك صار عندنا مناعة ضد الهزيمة والنكران لكن وقت يلي بيكون الامر خيانة بيكون كتير صعب انتي شايفة نقدنا هون بمواضيع النظام الرسمي العربي اصعب من نقدنا لاسرائيل لانو هما يلي خانونا والمعادلة عندي هلاء متساوية قيسي خيانة النظام الرسمي لفلسطين راح تعرفي حجم المرار يلي بشعر فيه تحياتي الك عزيزتي واختي فلسطينية الشتات ولك كل الحب والتقدير :D |
| الساعة بإيدك هلق يا سيدي 19:05 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون