|
طريقة تصفير الهارد أو التنسيق منخفض المستوى
أرجو من الخبراء و بالسرعة القصوى طريقة تصفير الهارد لأنني في حاجة ماسة لهذه العملية علما بأنني أملك قرص إقلاعي و كل شيء جاهز الرجاء المساعدة
|
ممكن سؤال ؟
تصفير الهارد يعني بدك تمسح جميع البيانات وتلغي جميع الاقراص وتكونها من جديد ولا شوو؟؟ اذا ئصدك اعادة تكوين الهارد وتقسيمه من جديد انا جاهز ;-) |
أبو شريك إذا كان قصدك أنو الهارد عندك فيه مشكلة وبدك تصفره ( أو بدك تعمله زيرو فورمات ) فهدا بيصير عن طريق برامج متعددة متل
low level format EZ Disk Manager DM Disk Manager وإذا كان هدا قصدك فأنا جاهز بس خبرنيOK |
أيوه يا أخ prof711 هذا هو قصدي تماماً
و على فكرة أنا عندي سي دي إقلاعي و عرفت كل شي فيه تقريبا ما عدا تصفير الهارد لأنني دخلت على خيار Disk editor بس للأسف ما عرفت كيف بدها تتم العملية بقى يا ريت لو بتدلني على الطريقة و أنا بكون شاكر لك كتير كتير و على فكرة اسم السي دي عندي هو من سلسلة هيرينز أو Hiriens ما بعرف اذا كتابتها صح و لك جزيل الشكر |
يعني تفرمتو؟
|
أبو شريك لا تواخذني بس كنت مسافر عحمص...
على كل حال شو هو نوع الهارد ديسك تبعك ( سعته ,سرعت قراءة/كتابة ,موديل ) مشان ابعتلك برنامج يكون خاص فيه وتدعيلي... وابقى اعزفلي عالبرايفييت... باي |
بتحط قرص الأقلاع
بتفوت عالدوس إذا كان الويندوز هوي اللي بدك تفرمتو فليكن c مثلا تكتب format c:/q id; Y`h f]; jtvlj, uhgsvdu هيك إذا بدك تفرمتو عالسريع أما إذا عالطيء (أحسن) نفس الأمر بس بدون /q أذا موهيك الطريقة اللي بدك ياها فهمنا شوبدك مشان نعرف نساعدك |
ابو شريك بلاك ديث بس يمكن السيد alifha طالب برنامج مشان يعمل شي اسمو تصفير أو زيرو بالمصطلحات التقنية تبع الكمبيوترجية و لهشي لازمو برنامج من البرامج اللي ذكرتا قبل بس لازم يحددلي نوعية الهارد اللي بدو يعملو الزيرو مشان نقيلو البرنامج المناسب...
على فكرة هيك شغلة ما بنعملها إلا إذا كان عالهارد شي باد سيكتور أو هيك شي... لا تواخذني على هالمطاحشة... يلا باي |
لك أيه بس خلي يحدد
أنا ماعرفت شو بدو مشان هيك لحشت لحش بس لازم لأنو طلب وطنش ما نساعدو هع |
لك مو مشكلة على راسي أبو شريك..
|
يا شباب شكرا كتير على المبادرات اللطيفة
و شكرا يا بروف711 على المساعدة نوع هاردي هو ويسترن ديجيتال و سعته 40 غيغا بايت و اذا بهمك الموديل بالزبط فهو على التالي WD400BB-32DKA0 و شكرا كتير على المساعدة مرة أخرى لجميع الشباب |
منيح اللي رديت
أنا شلت إيدي من الموضوع الموضوع صار عند بروف |
لاء يا بلاك ديث أنا ما قصدي شي بالعكس شكرا كتير على اهتمامك بسؤالي بس أنا وجهت طلبي لبروف لأنه الوحيد اللي عرف طلبي بالضبط أما بقية الشباب فكروا أنو بدي أتعلم الفرمته
و برجع بقللك شكرا كتير و أي واحد عنده معلومات حول هالموضوع بتمنى يساعدني |
أيه في ألف معنى لتصفير الهارد
شوف أبو شريك تاني مرة وضح مشان نعرف شو نساوي مونقعد نلحش لحش لا تزعل مني |
خلص يا معلم على راسي
|
تسلم حبيب واليوم بعمل بحبيش شو عندي هيك برامج وببئى بخبرك;-)
|
اقتباس:
مرحبا .. أفضل طريقة لتصفير الهارد هي عن طريق برنامج الديسك منجر وإذا ما عندك البرنامج أنا بحطلك يا مع الشرح تبعو |
أليفا موقفة عضويتو مؤقتا
|
هي طلبك ....!
2 ملف مرفق .
أي أبو شريك أنا لح حطلك أكتر من برنامج كلها بتعمل زيرو يعني Low Level Format وهي هن بالملحقات بس أبو شريك بما أنك قلتلي أنو في عندك سيدي إقلاع فأنا برأيي لازم يكون عندك برنامج اسمو EZ Disk Manager بس مالو موجود بالHiren's Boot على كل حال خود جرب هدلون و ردلي خبر و نحنا بخدامة الطيبين شرواك و شروى أخواتنا بهالأخوية....
|
الف شكر لكل الشباب اللي شاركوا معي و حاولوا يساعدوني
شكرااااااااااااااااااااااااااااااااااااااااااااااا اااااااااااااااااااااااااااا |
أهلين حبيب وشو عندك مشاكل لا تخجل
|
طيبة بلاك ديث !!
توقيع جديد .. مو رايحة غير علينا (بس بتعرف شريك اللون الأسود أرجل من الأخضر)! |
هلا بروف
هاد التوقيع تبع الشلة الجديدة تبعنا شرف لعنا وما بتكون غير رضيان شلون مو رايحة غير عليك |
| الساعة بإيدك هلق يا سيدي 07:31 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون