|
رداً على جميع الاخوة المسيحين والإسلام...
قرأت الموضوع الخاص بشكر البابا .. على ردود أفعاله تجاه الدين الإسلامي...
وبصراحة ... انزعجت ... لم أنزعج لأنني مسلم .. فأنا مسلم جغرافياً ..فقط ...لأنني علماني حقيقي .. ولست من جماعة المتدينين .. ولكنني انزعجت من عدم الفهم والقراءة .. التي تجعل أحياناً من شخصيات مهمة في العالم .. تجعل منهم أشخاص غير بناؤون ... يا أعزائي أن لا أدافع عن أي دين ... وشعرت بالإنزعاج والإحباط على التراشق الكلامي الذي قرأته في المنتدى .. وهو بين المسلمين والمسيحين .. على ما يبدو .. سبب الإنزعاج .. أن المسيحين الموجودين في المنتدى لا يدرون شيئاً عن دينهم .. ولاتزعلو أصدقائي المسيحين .. فالمسلمين الموجودين في المنتدى أيضاً لا يدرون شيئاً أيضاً عن دينهم .... لا يجب أولاً على شخصية مهمة في العالم كشخص البابا الجليل .. أن يحرض الناس على بعضهم ..فهو أولاً ..أي بابا دولة الفاتيكان .. ( التي هي الدولة الوحيدة التي لايوجد فيها جيش عسكري ) يجب برأي الخاص أن يكون داعي للمحبة والسلام ... بين الناس ... أحب أن أذكر الأخوان المسيحين .. بحديث سيدنا عيسى عليه السلام : من ضربك على خدك الأيمن ...أدر له الأيسر ... يا جماعة أوليس هذا إعجاز في الإنسانية .... أو ليس هذا إعجاز ... في الرحمة ... أوليس هاذا أخلاق ... لا يوجد أحد اليوم يستطيع بقلبه الإيماني العمل به .. أما بالنسبة للشباب المسلمين .. فأحب أن أذكر .. أن سيدنا محمد كان له زوجة مسيحية مهمة جداً في حياته .. هي السيدة خديجة .. وكان عمها الراهب ورقة بن نوفل ... وهناك حاثة شهيرة جداً يا شباب ... أن الإمام علي عندما كان في الثامنة .. دخل على سيدنا محمد وخديجة .. فرأهم يصلون ..... وهذا طبعاً كان قبل نزول الدعوة الإسلامية ... وقبل علم سيدنا محمد بالصلاة والإسلام ... فكيف كانو يصلون ... إذاً ... ألم يلاحظ الشباب المسلمون والشباب المسيحيون .. أن قصة السيدة مريم وولادتها .. هي واحدة في القرآن الكريم .. وفي الأنجيل .. والقداديس ... والتراتيل ... والقصص الدينية المسيحية .. إذا النتيجة الحتمية أن الإسلام والمسيحية .. هما واحد .. وكلاهما يدعوان إلى الإيمان بالله ... وإتباع الأخلاق الجيدة ... ( الوصايا العشرة عند الأخوة المسيحيون ) ... إذاً لما هذه الإقتتال والنقاش السخيف بينكم في هذا المنتدى ..... بالنسبة للأخ الذي يقول أن مسيحياً ضرب في أفغانستان لأنه شرب من ماء ...إسلام .. أقول .. من أي زمان .. ونحن نضرب هذه البلدان المتخلفة ( باكستان وأفغانستان ) كأمثولة لدينا ... وهل الدين الإسلامي مسؤول عن تصرف شخص أخرق غبي تافه مثل هذا الشخص الذي ضرب المسيحي .. يا صديقي .. إذا قدم شخص مسيحي .. وأهانني ... هل يجب أن أرد له ذلك .. بإهانة مسيحي العالم ... وإهانة السيدة مريم وعيسى عليهما السلام ... لاعاذ الله طبعاً .. منذ متى ونحن نعمم ... ياأصدقاء كل إنسان مسؤول عن تصرفاته ......لوحده ..... وأخيراً ..أقول لكم ... مارسو عقائدكم بالطريقة التي تعجبكم ... مسيحياً أو إسلامياً ... ولكن لاتفرضوا عقائدكم على أحد ...فلكل إنسان الحرية في سلوكه .. طالما أنه لايضر أحد .... وتذكروا دائماً .... أن الدين لله ........ والوطن للجميع ............... أتمنى أن لاأسمع في هذا المنتدى .. أي نقاش آخر سخيف عن هذا الموضوع ...وأتمنى من الشخصيات الدينية المرجعية المسيحية أو الإسلامية دائماً زرع بزور التفاهم والود .. لا الشقاق والخلاف ....... ودمتم أيها المسيحيون والإسلام بجميع طوائفكم ومذاهبكم ..أحباء وأصدقاء ...في الوطن.. الذي بحاجة إليكم جميعاً وبدون إستثناء .... في عملية بناءه..... |
اخي ما في شي اسمو مسلم علماني ومسلم مش عارف شو هو
المسلم مسلم بس هيك ماشي شكرا يا اخي :? |
???????????????
والله ما فهمت ..شي عليك .....
أوجز .. أشرح .... أختصر .... |
شكراً إلك
|
اقتباس:
|
اقتباس:
معك تماما , مشكور |
مشكور كتير اخي كلامك مجملا كتير حلو
بس في بعض النقاط خربت فيها بس على العموم المعنى من كلامك حلو كتير انه لازم نعيش احناو المسيحيين كأنا اخوه وانا استفسرت عن هالشي من دكتور بيدرس شريعة بالجامعه وقلي انه احنا والمسيحيين اخوه بالانسانيه واخوه بالوطن مشكور كتير مره تانيه :D :D :D :D :D :D :D |
نحن المسلمون لم نشأ أن يكون هذا الجدل ولكنه - أي البابا- قال كلاما في وقت لا يسمح بهذا ولو كان اقتباسا ولكن الشخص عندما يقتبس كلاما فهو يتبناه فلا يمكن للكثوليك أن يقولوا أن ما قاله - الحبر الأعظم- هو مجرد اقتباس!!
العالم لا يحتمل المزيد من النزاعات فما هو موجود يكفي.. لكن ان كان قد بدأها فيحق لنا نحن المسلمون بل ومن واجبنا الدفع عن رسولنا وتبيان حقيقة ديننا ومن حقنا أن يعتذر لنا هو شخصيا وإلا فتجربة الدنمارك كفيلة بتبيين ما يمكن للمسلمين فعله ان اتحدوا... |
كلام حلو بس ألي تعليق صغير على حكيك ..
اقتباس:
كان مجرد نقض على نهج الدول الأسلامية التي تشحف بحق المسيحين من حيس القانون واضح الكلام بس فسر بشكل جيد مشكور على الموضوع الرائع اقتباس:
|
رددد
شو يا نضال .....
أنت زعيم ..... والزعيم لازم يكون حيادي .... ما هيك .....؟ ولا شو رأيك؟؟؟ كان قصدي أنو هادا الكلام عادي يطلع من أي حدا ..بس مو عادي إذا طلع من البابا .... شخصية البابا يوحنا 2 كانت بتاخد العقل من هادا الجانب .. وإذا طلع هيك حكي من شخصية إسلامية أيضاً فالموضوع مرفوض أيضاً... خليك حيادي .... لأنو الزعيم هيك .. يازعيم ... خلينا نحنا الاتنين حيادين .. بركي بتعلمو العالم ... يكونو هيك .. وتذكر دائماً .... الدين لله .. والوطن .. للجميع ... |
والله كتير عادي
أنا من وجهت نظري لقيت الحكي سليم وعادي جداً وما عم صف لجهت حد بس حبيت قول يلي نقال عنو أنو نحكا للتحريض ليش لحتا نكذب على حالنا ما أنا وأنت والكل بيعرف القوانين أنو مو عادلة من الناحية يلي حكاها البابا |
اقتباس:
فعلا علماني قلتلي خديجة مرتو للرسول المسيحية خخخخخ كه كه كه كه مرتو المسيحية كانت ماريا القبطية:jakoush: |
انا مابعرف ليش كلام الفاتيكان اثر او عمل ضجة
لأنو هو اخر شخص ممكن المسلمين يهتموا لشو بقول لأنو هو بالنهاية عبارة عن يوسف القرضاوي تبع المسيحيين :p حلو ها التشبيه عادي ولله انا من زمان بقلكون انو تعايش ديني مستحيل يصير وكلو كذب بكذب قال الفاتيكان قال (اخ بس قال مابتعرف خيرو لتجرب غيرو) الله يرحمك يا يوحنا المهم الفاتيكان قال انو كلام البابا حرف و اسيء تفسيره ولم يكن قصد البابا ما فسر!!!!! |
وبكلام الفاتيكان يعني هادا البابا
ما يدل إلا عن كره وضغينة وثورة القتال بقلبه للمسلمين عم يحرض البشر على بعضها بعكس يوحنا يلي حاول قدر الأمكان ينشر السلام |
نحن لا بدنا ندافع عن البابا ولا عن اقواله
هو حر بيعبر عن افكاره الخاصة ولا يعبر الا عنها وانا كمسيحي ما بوافق ع اعتبار الاسلام مصدر للارهاب انما مصدره هو بعد الجهات المتطرفة يللي بتستغل اليدن لتحقيق مأرب خاصة وبتلعب بعقول الناس العاديين وبتوهمهم بفكرة الجهاد منشان تسيرهم متل ما بدها ما حدا ضد الجهاد بفلسطين وما حدا ضد الجهاد بلبنان كلنا مع الجهاد وقت بيكون جهاد لانصار الحق واستراج الحق المغتصب بس كلنا ضدو وقت بيكون ضد المدنيين والناس المساكين بس لانهم ينتمون لدولة معادية وطبعا كلنا ضد التمييز ضد البشر ع اساس الدين وشككرا |
اقتباس:
هاد الكلام موجه للجميع وخاصة الك صرت قاري كذا موضوع بيتهم البابا بمعاداة الاسلام ممكن شي حدا من يللي عم يحكوا هالكلام يجيبولنا الخطاب الحرفي للبابا بدون ما يكون مشوه او مجتزا؟؟؟؟؟ انا حطيت موضوع بالسقيفةو وياريت يللي عندو كلام موثوق يحطو هونيك قبل ما نبلش نتفزلك |
للاسف يللي اسمعناه مبارح.....يا اخي ذا لايت من وكالات الانباء ودفاع الفاتيكان عن حكي البابا بيدل انو انحكى مبارح حكي اساء كتير للرسول والاسلام....
واكيد هادا شي ولا مسلم بالعالم بيقبلو على حالو واكيد انتو كمان ما بترضو انو حدا يحكي عن دينكم او عن رسلكم واصلا نحنا ولا خدا فينا بيحكي عن رسول ارسله الله لانو من شروط واركان الايمان انو الايمان بالرسل...والكتب السماوية جميعا...... هي اولا اما التعليق تبعي على الكلام يللي سمعناه عن كلام البابا وانو حكى انو الرسول ما جاب الا شغلات شريرة وهيك والدولة الاسلامية كانت ارهابية وما قدرت انو تنشر دينها الا بالسيف وحكى انو وين الدولة الاسلامية وانو الاسلام دين تخاطب العقل انا حابب قول انو الاسلام ومن اول ما طلع كان عندو شغلة وحدة انو الاسلام لا يحارب الا من حاربه ولا يعادي الا من عاداه..... واكيد الاسلام والكل بيعرف كيف وقت كانو يفوتو ليفتحو دولة او بلد او او او كانو وقت يفوتو ممنوعو محرم عليهم قتل الاطفال والنساء والشيوخ والحمد لله كمان الكل بيعرف انو الدين الاسلامي كان متسامح جدا مع الاخوان غير المسلمين... والكل بيعرف القبال اليهودية يللي عاشت مع المسلمين بالمدينة وكيف خانوهم اليهود والكل كان بيعرف انوالدين الاسلامي وقت كان يفتح دول كان وقت يفوت يحاول انو يدعي للاسلام وينشره بالحكي والعقلانية ولكن اللي ما رد او ما بيحب يتركوه على ديانته ولا يتعرض لاي اذى كان ياخدو منو الجزية او القليل من المال كالضريبة على حمايته لانو قاعد بالدولة الاسلامية متلو متل غيرو متل الضرايب هلا ............... الشغلة ما لازم تكون مجرد شغلة دفاع او مجرد دفاع اعمى عن البابا او عن شيخ مسلم او او او وقت الواحد بيخطا لازم انو يعتذر ...وان ما اعتذر لازم انو العالم تحتج اكيد لو انو اكيد متل ما قلنا انو اذا طلع شيخ مسلم هلا وحكى عن الدين المسيحي....اكيد ما حدا لح يرضاها منكم ولح تزعلو وتطالبو بالاعتذار...... الخطا لازم يعتذر عليه وما حدا يدافع عن التياني هيك ولو كان شيخه او البابا تبعه او او او واخر شغلة بيجوز تقلي جبلي الديل انو حكى وجبلي الدليل انو قال ...... بدي قلك شغلة لو ما كان صاير هادا الشي ما بدي قلك انو خود هي الخطاب او شي لانو بيجوز يكون ملعوب فيه متل ما اتفضلت حضرتك بس انا عم قلك ((وشهد شاهد من اهله)) شوف الفاتيكان شلون طالع وعم يعتذر عنو ويدافع عنو ويقول انو ما كان قاصد الاساة للمسلمين وهيك وهادا دليل انو في شي انحكى غلط اكيد ولازم يعتر عليه سواء كان متل ما اتسرب للاخبارووكالات الانباء او سواء كان حاكي شي تاني اخر شي الله يديم المحبة بين الجميع....والمخطئ يجب ان يعتذر ويتراجع عن خطأو والاعتراف بالنب فضيلة شكرا الك يا ااخي واسف على الاطالة:D |
[quote]
اقتباس:
اقتباس:
؟؟؟؟ خاصة ألي ليش :oops: ؟؟ اقتباس:
بس شو ماعناتا اتفزلك بسمعا كتير لهلكلمة بس ولا مرة عرفت شو معناتا هلي هي من (فز) يعني بالعامية أوم واشتقت اتفزلك من حرملك يلي هي بالأصل حرم تفس المبدأ8) يتبع بتصرف |
اقتباس:
انا ماني عم دافع عن البابا ولا راح دافع عن البابا لأنو متل ما قلت ما بيعبر الا عن رأيو ما الو الصلاحية انو يعبر عن رأي المسيحيين بالعالم وانا موافق ع كلامك حرف وحرف وما عندي عليه اي اعتراض بس ماحدا جاوبني يعني شو قال البابا؟؟؟ انا بدي اعرف شو قال البابا بالحرف وبشكل كامل ومو بشكل مجتزأ يعني وللأسف انا واثق ان ككل من اعترض على كلام البابا كان معترض على اساس ما قالته الجزيرة او العربية او غيرها وما في داعي نذكر كم مرة نقلت المحطات اخبار غير دقيقة مية مية بس منشان القيام بسبق صحفي يعني بصراحة انا مافيني اقول اذا كان البابا غلطان ولا لاء قبل ما اعرف الحديث تبعو كاملا شكرا |
[quote=whiterose;457149]
اقتباس:
بس بتخيل انو مو هاد موضوعنا وبتخيل انو انا حطيت الاقتباس يللي خلاني وجهلك السؤال يش ع كل اذذا مو حابة تجاوبي انا ما فيني اجبرك |
اقتباس:
بالنسبة لشو قال البابا انا قلتلك....حبيب انو ما حدا في يجبلك كل شي اكيد ب بس انت ما فيك تقول اكيد انو ما اخطا لانو لو ما اخطا كان ما حدا طلع ودافع عنو انو مو قصدو ما بدي ارجع احكي حكيي فوق بس كلامك منطقي وتمام.... وبتمنى انو الكل يبقى اخوة وانو هيك شغلات ما تفرق حدا والله يديم المحبة حبيب..... وشكرا الك:D :D :D :D :D |
اقتباس:
اولا..البابا مانو مرجع لكل المسيحية ولا يعبر عن كل المسيحية البابا هو رأس الكنيسة الكاثوليكية فقط وليس رأس االكنيسة المسيحية (حبيت نوه لهالنقطة لانو بيجوز ما بتعرفها...) تانيا انا ما فيني اعتير التفسير يللي قدمو الفاتيكان دليل ادانة للبابا هاد اسمو تفسير او توضيح يعني فهمني يا يمان انا لحد هلق ما قريتت ع الانترنت غير جمل من قبيل: البابا يسيء للاسلام البابا يتهم الاسلام بانه مصدر العنف البابا بيعمل مدري شو والبابا يقول مدري شو انو اشتهيت حدا يقول شو قال بالحرف يعني مو لازم نجتزأ ع مبدأ (ولا تقربوا الصلاة) |
فهمت عليك كلامك صح بس عكلن متل ما قلتلك......ما في دخان من دون نار ....
وعكلن بكرا بيدوب التلج وبيبان المرج:D |
اقتباس:
انت غلطان لأن المسلم الوحيد اللي يمكن تتحاور معه هو المسلم العلماني لأن المسلم بشكل عام لا يملك عقل لحفظ القرآن يعني كلما بتحكي معه كلمة بجيب لك آية حتى لو ما كان هون محلها بس هو قدام ربه حفظان القرآن بس بجب أأكد لك ان الحوار مع هاد النموذج من الأفراد لا يوصل إلى نتيجة لأنه مدخل براسه الأيات ومانه مستعد يغير نظرته فيها بس المسمل العلماني هو اللي بحاورك بعقله مشان هيك في فرق كتير كبير بين النموذجين :D |
من الصالون ...
|
حكي البابا كان فيه خطأ كبير هادا رأي فيه
|
اقتباس:
أخي البابا أقتبس وأستشهد بكلام قيل قبل مئات السنين وهو لم يتبناه .... ومع هذا قامت الدنيا ولم تقعد ... لكن رد رئيس هيئة علماء المسلمين على قناة الجزيرة لم يكن جميلا أيضا ولم يوفر فيه كل المسيحيين وقد تطاول فيه على العقيدة المسيحية !! حتى أن المذيع شعر بالحرج وأضطر لقطع حديثه ... فهل تتبنى كلامه أم تعتبره رد فعل (وهو خطأ بالحالتين) .... وان أعتذر البابا فهل يعتذر رئيس الهيئة ??!!! ويتراجع عن كلامه اللذي هو التفسير الرسمي للمسيحية لدى الهيئة ??!! ومثلما قلت العالم لايحتمل المزيد من النزاعات فأفضل ما يمكن فعله هو التهدئة وأخذ الموضوع بدبلوماسية .... لأنه بكل الاحوال الفاتيكان لا يبيع جبنة حتى تقاطعوها .... |
اقتباس:
ليش ما معك خبر أنو خديجة كانت مسيحية???!!!! :? :? :? :shock: :shock: :shock: |
اقتباس:
هي البابا اعتذر اليوم بس طبعا رئيس الهيئة لن يعتذر لانو من المبرر التهجم على المسيحية لانها دين محرف وكتابها محرف والتهجم عليها شطارة وكذلك اضطهاد الكفار هو امر محبب |
انا لحد اسا ماني فاهمة ليش عم يوخدوا الاسلام كرمز للارهاب!
هذا يا اخواني ليس ارهابا..هذا دفاعا عن وطنهم المغتصب منهم! لكان يلي عم تعمله الدول الغير مسلمة في العراق وافغانستان وفلسطين ولبنان وقتل الاطفال الابرياء اذا نظرنا نفس النظرة له لكان يعتبر ايضا ارهابا! وهذا رأيي.. وانا عم بشوف طلب من الناس للبابا يعتذر وهذا المفروض! لأن العالم بوضعية تتعذر عن وقوع اي قتال او مشاكل بين الديانات العديدة! وامل ان هذا لن يحدث..لأنه عندها سيكون هذه من علامات الاخرة!! --------------------- حتندم يا جميل |
حبيباتي اعتذر البابا
خلص سكروا الموضوع بس هو قال أنا اسف لان كلماتي أولت وفهمت غلط |
اقتباس:
بكل بساطة لأن أشخاص مثل بن لادن والزرقاوي وأبو ما بعرف شو .... أخذوا الدين مبرر لهجمات أرهابيةلا علاقة لها بالمقاومة .... |
اقتباس:
لانو البابا قال انو صار سوء فهم للشي الي قالو . بس جماعتنا اصرو على الاعتذار |
رد على الوايت روس
لازم تقرأي كتير قبل ما تحكي المعلومة ...
ماريا القبطية .. تزوجها بعدين ... أما أول زوجة مسيحية كانت خديجة بنت خويلد ... ألم تسمعي بالراهب ورقة بن نوفل ..... أم بالنسبة لجماعة المنتدى ... او المشرفين .. فأنا أحبذ أن يكون هذا الموضوع في الدرجة الأولى وليس في السقيفة .. لأن اليوم كان يوماً مزعجاً في العالم ... ألم تروا ماذا حدث في بقاع العالم الأسلامي .. بسبب التصريحات .. أو بسبب عدم فهم هذه التصريحات ... أعذروني .. أحاول أن أكون حيادي .. لأنني غير مصدق بعد أن هذا الكلام ممكن .. أن يكون كلام البابا نفسه .. |
اقتباس:
سوري اخي انا دايما معك بكلامك بس بهاي مو معك ;-) |
العيون الجريئة
أنا أحاول يا أخي أن أكون حيادياً .. فقط ..
أنا أعرف أن البابا حكى هادا الحكي ... بس للآن ما عم صدق ... أنا مسلم .. ولكن أحترم قداسة البابا .. وأحب قدسيته ... نحن يا صديقي لسنا متطرفين .. نحترم جميع الاشخاص والديانات والطوائف.. وخصوصاً الدين المسيحي .. أنا احب الدين المسيحي وأحترمه .. لأن النجاشي ملك الحبشة ( وهو مسيحي ) حمى الدين الإسلامي في نشأته .. عندما أحتمى المسلمون الاوائل عنده .. في الحبشة .. وهو كان ملك عادل .. أنا آسف ... ولكن ..... أعذروا حياديتي ........ |
يمان و WHITEROSE ألف شكر ألكون
كفيتو ووفيتو بحب زيد على كلام يمان أنو في أعترافات من المستشرقين أنو العرب يعني المسلمين ما دخلو و فتحو أوربا بالسيف بل بالعقل ما عرف التاريخ فاتحا أرخم من العرب |
اقتباس:
أصلك جديد على الجو... |
اقتباس:
ماحدا بالعالم فهم كلامو وقصدوا حتى الأميركان صحيفة نيويورك تايمز شرشحتو مبارح حظاتو قلال :o |
| الساعة بإيدك هلق يا سيدي 14:10 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون