لماذا نخسر اشخاصاً نــريــدهم في حيــاتنا .. !!!!!
 

لماذا نخسر اشخاصاً نــريــدهم في حيــاتنا .. !!!!!:cry:

صعب أن تــرا من احببت يبتعد شيــئــا فشيــئــاً عنــك .. والأصعــب انك تتألم لذلــك .. وما هو أصعــب الصعــب (( أنك سبب هذا كله ))

عندما تتفوه بحماقات و تحسب انك الأقــوى على فــراقــه .. وانه هــو من سيخسرك و ليــس أنت .. !! وانك ستجد ألــفاً غيــره وأفضل منه و .. و..
كثيــرا ما تحصــل هذه المواقــف في حيــاتنا .. ولكن

هل نحن فعلا نحن قادريــن على فراقهم
هل نستطيع تركهم دوون توديعهم
هل نستطيع نسيان الماضي وكانه لم يكن !!!
هل سنطوي صفحتنا عنهم .. هل نستطيع ؟؟؟

في بادئ الأمــر ربما !! ولكن عندما يرمي بك البحر الى ذلك الشاطئ الموحش
الذي لا يوجد به غيــرك !! نعم ليس هناك غيرك .. انت وحدك ولا احد بجانبك !!
لقد رميت بكل من حولك كل من كان يجدف معك في تلــك السفيـــنه وكل من يؤمن لك الامان في حيــاتك .. وها انت هنا وقد تمزقت يداك من التجديف تتألم و تصرخ

تصرخ و تصرخ الى ان يختفي صوتك ..

فهل من مجيب ؟؟؟
لاأعتقد فبينك و بينهم المئات والمئات من الامياال .. الآن وفي هذه اللحظه ! ادركت انك ضعيــف بل وتافهه وانك متكبر و مستكبر .. فماذا استفدت بعد ذلك .
لم تجد افضل منه و لم بل ولن تجد مثلهم ..

والأهم من ذلك كله !!!!


(( لســت بقدر كــلامــــــــك ))

كم هو مهين ومتعب هذا الشعور .. نصيحة لك : ابتعد عنه ولا تجربه
تقرب لأصحابك واحبابك ولا تتخلى عنهم !!
وجدّفوا و تعاونوا ولا تقربوا ذلك الشاطئ

وليفتح احدكم قلبــه للأخر ..
واعتــذر منهم اذا اخطأت ..
وسامحهم اذا اعتذروا ..

وذلك لتكسب اجرهم
وليرتاح ضميرك ..
ولتعيش سعيداً راضياً عن نفســك


بتمنى انو الموضوع ينال اعجابكم
تحياتي لكم :hart: القلب المنادي:hart:

حطيتي ايدك ع الوجع ،،
 

الناس المناح قليل حتى نلاقيهم بحياتهم ولازم لما نلاقيهم ما نضيعهم

شكرا عالموضوع الحلو:D :cry: :cry:

ولي
والله اصعب شي هيك يصير بالواحد
خصوصا
لما يكون الشخص الي بدك تيعد عنو
اخدلك ئلبك
وعئلك
وحياتك :cry:

لكان انتبهي ما ضيع منك ،، كه كه ،،
 

ليش أنا مالي دايرة بالي عليكي غظولة :? :shock:

أنا مارح اسمحلك تضيعي مني :o

دخيلللووو فيروظة ،،
 

او خسارة الاشخاص يلي منحبون بتعمل امراض لكنت انا انسان معي عاهة دائمة :cry:

تركوا ل الله :pos:

شكرا عالموضوع :D

موضوع حلو والله يعطيكي العافية شذى
بس لا تعليق ؟؟؟؟؟؟؟,,,,,,,,,,,,,,,,,,,,,,,,,,,,,,,,,,,,,

موضوع اكثر من رائع
يسلمو القلب المنادي،،،

لك اااااااااااااااااه لو يصحلي ارجع شهر لورا حتىرجع يلي بحبون كلون بس يمكن ما اادر لاني
فئدت امي وابي واخي بحادث سيارة ة وفئدت حبيبتي لسبب تافه (لانو هيك بدو)
وباول لصاحب الموضوع ازا بمسكك بدي طئ رقبتك لانك فتحت جروحات-بمزح من شان رئبتك- بس جد فتحت جروحاتي:peace: :peace: :peace:

اقتباس:

لك اااااااااااااااااه لو يصحلي ارجع شهر لورا حتىرجع يلي بحبون كلون بس يمكن ما اادر لاني

:cry: عن جد :cry:

ما بقول غير الله يعينك ويساعدك :cry:

:cry: الموضوع كتير مؤثر .....

مشكورة شذى :D

يا ضرسانة شو خص شذا ازا انا يلي فئدت اهلي انا ريان

يا ضرسانة بتعرفي لما التي وجعتيلي البي خفو جروحاتي (عم بكزب )
بس شكرا لالك لانك تاثرتي بس انا بدي صحح معلومة انا ما فئدت اهلي من شهر
انا فئدتن من اربع اشهر

يا ضرسانة فئدتن ومشي الحال شو بدي اعمل ياريت في حدا يعوضني:hart:

بلكي يارب تبعتلي شي ضرسانة من غامض علمك (في ببالي وحدة) هيك تكون مشاركة باخوية
ايـــــــــــــــــــــــ ــــــه يارب :pos: :pos: :pos: :pos:

كلامك صح .. والحكي كتير حلو .. بس لو اكتشفتي انه الموضوع فيه خيانه ؟ متل ماصار معي .. هل هاد الشي بينفع معه الاعتذار ؟
وفي حال الواحد قبل الاعتذار هل هاد الشي صح ولا لا ؟

معكن حئ... الموضوع مؤلم..:cry: :cry: الحئيئة إنه هالشي صار معي من فترة بس مختلف شوي...
تركت رفيئتي اللي كتير كانت بتعنيلي صداقتا... :shock: :cry: استمرت هالصحبة سنة بشكل حلو كتيير... كنا جنب بعضنا بالملمّات ومع بعضنا بالفرح... وتركتا... لإني حسيت إنا فجأة تتغيرت معي...:shock: :? إلت يمكن في شي فيي عم يدايئا.. سألتا آلت مافي شي... بس آلتلي: "تحمليني هيك، مابعرف إيمتى رح نرجع متل ما كنا"... :? سألتا بتعرفي إني مدايئة لإنك تغيريت معي؟ آم...آلتلي مبلا... وضحكت ضحكة خفيفة وكإنه هالشي عم يبسطا!!!!!!:? :shock: شي بيئتل !! :x :jakoush: ومع هيك حطيت ببالي كل الأعزار وتحملت هالشي خمس شهور ومؤخراً قررت إنه حاجتي!!!:jakoush: لأ والمشكلة إنها عم تنفي أي تغيُر فيها...:pos: طريقتا بالحكي ماعادت هية.. أليلة صارت أعداتنا ومشاركاتنا في أمور الحياة... باردة صارت مسجاتنا ومبين فيها إنها عم تنبعت رفع عتب.. بئى عشرين مرة حاكيتا.. إنه بس بدي إفهم شو اللي تغيّر! بس ما كنت حط إيدي على العلة!!!:cry: كل اللي آلتيلي ياه إنه صاحباتا التانيين صارو عم يئلولا وينك ما عم تبيني... وتزكرت هية إنه عندا رفئة بعد بسنة من ما بلشت صحبتنا.. إنه وإزا الواحد عنده رفئة.. بتغير!!؟:? ما كل العالم عندا رفئة!!! يعني عندي رفئات غيرا بس ما فهمت مشان شو عملت هيك!!! حسيت ضيعت وأتي بصحبتا الكزابة... اللي كنت بفتكرا صحبة...ما كان في إدامي غير لملم أشتات صداقتنا اللي صرت حِسَّا وهمية الأصل والمنشأ وروح.... عم شوفا بشكل يومي بحكم إنه نحنا مع بعض بنفس المجال...:pos: حاولِت محاولات هزيلة إنا تتحركش فيي فبعتت كم مسج ناكتين.. ما رديت عليها لإنه حاجتي مزعوووووجة:cry: من هالقصة شهور وهية بتعرف إني مدايئة منا وما حركت ساكن... وعم تتصرف متل البنات الصغار باستفزازا إللي بعلاقاتا مع الآخرين بمحيطا!!! طيب غلطانة وكمان عم تحاولي تدايئيني ولو بشعرة!!!!! أنه أنا مرتاحة هلأ بقراري لإني تخلصت من علاقة عم تكدر عليي صفو حياتي..:D بس وجودا بمحيطي اليومي شي عم يصعب الوضع عليي شوي... فالبتالي ولو كان في حدا غالي علينا.. بنتركه إزا كان عم يدايئنا وهاين عليه فينا... لك بنتركه ونص!!!!!!!! وشو ما كانت النتائج لإنه هيك أكيد أريح..... بئى هيك حبيت فـــــــضـــــــــفــــــ ــض لإنه الموضوع على الوجع! ميرسي لاستماعكن:D

عم اقرا الموضوع وحاطط موسيقى تصويرية غنية كل يوم لأبو وديع
فشو صار فيني مع شوية ذكريات بس بس عيوني دمعو
تحياتي للقلب المنادي سبيتك عيوني سامحيني
لأنو ذكرتيني بشغلات عم اتناساها صرلي فترة
موضوع اكثر من رائع مشكورة عيوني

والله يا حجي بدك تشوفي وتنطشي لانو يلي ما بيطنش ما بيعيش:oops:

الحكي كتييييييييييير حلو واعجبني بشكل!
بس اذا حدث ورجعوا ليعتذروا ما رح سامح لأنه ما حدا بيتكبر علي انا :p !!
بعدين ما فيهن كل ما حسوا بالوحدة يرجعوا وكل ما لئيوا رفقة تانية يروحولها! يعني ما بصير اكون لعبة بين ادين اللي بحبهن!!.....:sosweet:
المسألة مسألة كرامة!!...(حسب رأي) مش بس ضمير.!:hart:

يسلمو القلب المنادي على هالموضوع الحلو ....

بس الصراحة انا زعلت عالشباب و الصبايا لانو كلهن اتفتحوا جروحاتهن :( و حسيتهن اتزكروا شغلات و اشخاص عم يحاولوا ينسوهن او يتناسوهن

على كل حال شكرا الك الموضوع حلوووووووو :D

هالرد هالمرة مشان الاخ ريان لانو عنجد انا تأثرت كتير وقت قرأت قصتك وانك فقدت اهلك و حبيت قالك العمر الك والله يصبرك و كلنا معك

من اول ما قرأت مشاركاتك حسيت فيها حزن بس ما عرفت ليش ... بس هلق وضح السبب

وهي الك :D

سيدي اله يخليك بس جد كل جروحاتي تفتحو بس شو بدك تعمل يلي صار صار :(

مشكووره بس شو الواحد يعمل لما يكون منيح مع كل الناس وما يلاقي حد يحكي معو او يرتاحلو وشو الواحد يعمل لما يشوف حبيبو عم يتعذب قبالو وهوه مو عامل شي, انا محتااااااااااااج للمساعده فساعدوني :cry:

اقتباس:

سيدي اله يخليك بس جد كل جروحاتي تفتحو بس شو بدك تعمل يلي صار صار

:cry: ..

اميرة انتي كل رد برسلو انا انتي بتعلقي عليه شو اصتك يا ضررسانة
:x :x :x :x :x :x :x :x :x :x :x :x :x :x :x :x :x :x :x :x :x :x

شو حجة اميرة كل اقتباس انا بعملو
بتنطي وبتعملي رد عليه شو اصتك

لك ريان اميرة ما الها علاقة انتا بس يلي بيعمل مشاركات هلاء لذلك هي ما بتلاقي غبيرك تعمل رد عليه
على كل حال ست اميرة انا جيت طنشي ريان
و داويلي جروحي لاني مشرشح جروح

موضعك القلب المنادي حلو كتير بس عندي سوال اذا ممكن ؟؟؟؟؟؟؟؟؟؟؟
ليه كل مواضيعك بتحكي عن الفراق و الهجر وشغلات متل هيك
تحياتي الك القلب المنادي وللجميع واميرة كمان :D

ميرسي جميعا على كلتكن الحلوة والله نور الموضوع بوجودكن

تحياتي لكم القلب المنادي

شو يا حوبة (ما بتحبي الك ضرسانة ) ليه صدفة سودا
بعدين انا ما اصدت يلي ببالك ويمكن انك بتكوني بنفس المواضييع لانو زوئك حلو _متلي_
بس ما علينا بتعرفي انو اكتر يلي بيكون زوؤون نفس الشي بيكوني مو متفاهمين بكتير من الشغلات :D ;-)

انا حكيتلك انو انتي الخسرانة لانك رفضتي الطلب التاني
وانا زعلان:( :cry: