|
بين حانا ومانا.... ضاعت لحانا
هاد الموضوع للشباب والصبايا اللي عايشين او عاشو بالغربة لفترة وجربو احساس انو الواحد يضيع بين بلدو وبين بلد غربتو ...... يعني بكلمة تانية هون بدنا نحكي عن تجربتنا بالغربة وانو شو بيصير معنا مثلا كل مرة بنرجع عالبلد او لما بنرجع من زيارة البلد للغربة وهيك شغلات
ورح بلش بشغلة كتير بتغصصني وبتصعب عليي كل مرة برجع على سوريا وهيي انو دايما بكون متوقعة انو بدي شوف كلشي بسوريا متل ماتركتو قبل سنة بس للأسف بشوف كتير شغلات متغيرة..... بشوف اهلي كبرو بالعمر وختيرو..... الولاد الصغار اللي كنت بعرفون لسه مابيحكو ولابيمشو بشوفون عم يحكو وعم يمشو يعني بكلمة تانية بحس انو راحت عليي شوفتون بمرحلة كاملة وحلوة كتير من عمرون..... رفقاتي واخواتي وقرابيني اللي بعمر الشباب بشوفون ارتبطو وغالبا باشخاص مابعرفون يعني بحس انو في بدائرة معارفي وحبايبي ناس غرب بس بحس انو لازم حبون لمحبتي لشريكون بس بيضلو غرب عني :cry: واخر مرة انصدمت انو اهلي تركو المدينة اللي ربيت فيها تقريبا كل عمري وقررو يرجعو يعيشو بالضيعة ومستقرين ببيت الضيعة اللي بعمري ماعشت فيه وبعمري ماحسيتو بيتي:cry: يعني رجعت على سوريا حسيت اني عايشة بين اهلي بس مو بنفس الجو اللي كنت متعودة عليه...... حسيت اني غريبة :cry: |
مافي احلا من الضيعة
حياة بسيطة بتجنن انو لسى ما رجعت على سوريا بس في شي من انو الفصاعين اللي كنت بعرفون هلق كبرو وقرايبيني صار عندون ولاد ماني شايفون والعالم ختيرت وعالم تغيرت بس يلا كلو منيح نحن تغيرنا كمان |
اقتباس:
شكرا ويللي:D |
اقتباس:
منيح ما طلعت لحالي بحس هيك .... وبيني وبينك اسوء شعور بيجيني وقت ياللي بعرف انو العمر والوقت عم يمرق بدون ما شوف هالناس ياللي بحبها ومع الاسف بدو يجي يوم وما أقدر شوفهون ... حتى بوصل لمرحلة انو كل الحياة تافهة وبلا معنى ... بنجي وبنتعذب وبنروح .... ما بقدر قول اكتر من : يلعن ابو الغربة... |
اقتباس:
اي والله يلعن ابو اخت ام عم خال جد الغربة وكل سليلتها :cry: |
ولي عحظي لا ترعبونا شباب....لانو انا مسسافر بيجوز بعد سنة...بطلنا:cry:
|
الي رجعة ع الموضوع بس مكتئب اليوم شوي وما ني حايي امقتكن اليوم
الغربة بتبكي الحجر.... |
وأنا كمان بدي سب الغربة معكون..... رغم اني عايشة ببلدي.
المشكلة انو اسا شوي رح صير غريبة و ما بعرف حدا و أنا عايشة بيتي و بين اهلي....... الكل عم يسافر...... وكل ما سافر حدا قطعة من قلبي بتروح معو...... بتصدقو يا جماعة مليت الوداع، وقلبي كل يوم بيبكي مية مرة كتر ما مشتاق.... ناس تربيت معون، اخوات و رفقات...... ناس ربوني..... كلن بعاد عني عم تمرق ايام فرح و حزن عليون و ماعم اقدر شاركون بولا شي!!!!!!! ما تفكرو انو انتو يلي عايشين بعاد عن وطنكن بس عم تحسوا بقساوة الغربة...... ونحنا كمان (الناس يلي منحبكون) حاسين فيا لأنو عم تحرمنا منكن... ترجعولنا بالسلامة.... |
انو ماشي اتفقنا
الغربة كربة والغربة مو حلوة والواحد مافي احلى من بلدو طيب ماشي نحن شو طالعين على الغربة هيك بكيفنا ولا طالعين مشان نتسلى ونغير جو;-) يعني بصراحة لوكانت بلدنا معيشتنا متل العالم والخلق ماكنا فكرنا نطلع على الغرب ولا بشكل بالأشكال بس بلدنا هي اللي خلتنا نتغرب;-) ;-) يعني المجمل نحن طالعين على الغربة غص بالعنا مشان نــــــــــعـــــــيــــــــش مو طالعين بكيفنا:cry: واللي عايش مرتاحو ببلدو ماحدا جابروا يتغرب ملاحظة يعني الشباب اللي مسافرين لبرا مشان يدرسو هي مو اسما غربة هي اسما ((حكش سنان)):pos: :D :D :D |
اقتباس:
كل الناس ببتتغير معك حق بكل كلمة قلتيها دبتعرفي بنصير عندهم ضيوف نحنا ضيوف حتا بين اهلنا الله يكون بالعون ويلعن ابوه الغربة :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: |
المشكلة يا شباب اني حاسس انو الغربة خربتني ....
اي خربتني ...... من جوا وبشكل خلاني اعرف انو مستحيل ارجع نفس هداك الشخص اللي كان بسوريا... خسرت كل احاسيسي القديمة , لذتي بالحياة , عنفواني ,.... كل حياتي الماضية .... والمشكلة انو ما عم شوف طريقة استرجع هالامور فيها !!! صرت اعرف انو انا تغيرت بحيث اني خسرت كل عالمي الماضي (اللي كنت اعشقه)وللأسف ............ الى الأبد .... والله هادا اكتر شي مرعبني .... لك ايام عم اطلع بالمراية وما عم اعرف حالي!!! بيني وبينكم الشكل نفسو .... لكن فرق كبير من جوا !!!! لك ..... يلعن ابو الغربة على ابو الساعة اللي تغربت فيها |
اقتباس:
|
اقتباس:
|
اقتباس:
يعني قطيعة على عيشتنا نحنا :cry: |
اقتباس:
|
اقتباس:
ومنشان سبب الغربة انو البلد مو مأمنة حياة منيحة كمان ماني معك..... او عالاقل ماني معك بكل حالات الغربة..... يعني شوف اكتر البلاد اللي مأمنة لشعبها حياة كريمة كمان بيكون عندون متغربين..... لانو بكتير حالات بيكون دافع الغربة يمكن شي من الفضول للحياة ببلاد تانية او طمع بالشي اللي لسه احسن او حب انو الواحد يجرب حياة مستقلة عن اهلو او..... او ...... يعني مافيك تلوم البلد كتير على غربتنا :D |
اقتباس:
|
اقتباس:
|
اقتباس:
(الو شو جبرك عالمر غير لامر منو ) |
اقتباس:
|
اقتباس:
|
اقتباس:
|
اقتباس:
انو مااااااااشي اتفقنا بس هدول اللي عبتحكي عنن طالعين تسلاية يعني بكيفن وايمتا مابدن بيرجعو مو متلنا ياحسرتي طالعين على بلاد غير الله مابيعرف ايمتا منرجع منا:cry: ونفس الكلام بينطبق على الشباب اللي مسافرين للدراسة :D :D :D |
ليس الغريب غريب الشام واليمن .... إن الغريب غريب اللحــــــــــــد والكفن
إن الغريب له حق لغــــــــــــــــربته .... على المقيمين في الأوطان والسكن الدنيا تدور والمتغير فيها بني البشر فلا يبقى الا الذكرى |
الغربة صعبة ........
بتزكر وقت كنت عم بدرس ...... رجعت بالأجازة بأحدى السنوات ......... صوري معبية البيت ..... براويز فوق تحت لعمى شو انبسطت ..... فتت على غرفتي وغرفة اختي ........ ما لقيت تختي ......... لعمى كأنو الخزانة وقعت علي و فعستني فعس .......... و قتها حسيت انو انا خلص ......... صرت ضيفة بهالبيت ( المسكين قامو لأنو الغرفة ضيقة ودوبها وسعانة يعني مو قاصدين) ......... عشر سنين كل سنة برجع فيها عالشام بصير غريبة عنها اكترمن قبل ....... و بآخر زيارة .... تقوقعت تماما بالبيت مع اهلي ......... و هلأ يمكن لسنتين ما انزل .......... ما في شي بيشجع ...... سنة عن سنة عمتبرد مشاعري .... و هاد شعور خطير ..... حقير .......... و خصوصا انو انا مغتربة و مالي رجعة نهائي عالبلد هلأ ........ يعني مو دراسة |
اقتباس:
من الجمارك بيقلي يا أهلين (هات لأشوف شو جايبلنا معك):pos: قلت سبحانك ربي لو كنت طالب شي 1000000 دولار مو كان أحسن المهم صدقوني يا ناس مافي أطيب من هل بلد ومافي إنسان بيريد يترك هل بلد إلا لشغلتين إتنين إما علشان الحالة تعبانة وضاربو السلك أو هربان من شي شغلة مساويا بس والله أفظغ شي بالغربة وأبشع شيئ هو إنك موجود بين ناس بينظرو إلك على إنك إنسان غير مرغوب فيك و أكبر مشكلة بتروح لهنيك بتشتاق لهون ..... وبتجي لهون ....... بتفكر بهونيك......... بس يلا شو بدكن تعملوا ( هيك وهيك في ............... إخت الغربة) تؤرجحُني في فضاءٍ كملاكٍ لَهُ المجرّاتِ إخوةٌ و على الأرضِ .أصدقاء أغنيةُ آخرِ المساءِ و أوّلِ الليلِ تهزّ في الروحِ أغصانًا تطيّرُ الموتَ .تطربُ الصمت ضَحِكُ الأصحابِ يقودني لبكاءٍ منسيّ لأدراجٍ مغلقةٍ على أطفالٍ يشعلونَ دموعَهُمْ .ليستأنسوا الدخانُ وطنٌ في الخلاءِ .يتلاشى الجرحُ قمرٌ برتقاليٌّ تشعلُهُ الجمرةُ .ليتجلّى الماءُ يضحكُ .وحيدًا في القاعِ الأصحابُ يضحكونَ عاليًا .يلامسونَ الفرح الفوانيسُ و النباتاتُ متدليةٌ من السقفِ .ظلاًّ لجنّةٍ بعيدةٍ أيقوناتُ الغربةِ متدليةٌ من جبيني ضوءاً لعتمةٍ .صرفتُ في سوادِها طفولتي بكاءُ النهرِ خَفَتَ .يبدو أنّ الأسماكَ نامَتْ والريحُ .ما زالت تهدهدُنا هل نغفو؟ . |
ولك ...
الفقر بالوطن غربة .. والذل بالوطن غربة ... والجوع بالوطن غربة ... بسسسسسسسسسسسسس ...!!!! منرجع ومنقول ... ويلي دلعونا ...وويلي دلعونا .... يلعن بي الغربة . الوطن حنوناااااااا :cry: |
عيشة متل سفرجلة .. كل عضة بغصة .. ويا مااااااااااااااااال الشام .. على بالي هواكي
|
أنا دايما بحس بالغربة ... بس ببلدي .. للأسف .
|
اقتباس:
ان تفكر تفكير شاذ عن افكار الاخرين والغربة هي ان تطلب المستحيل وتعلم ان ذلك محال وهي الغربة الفكرية ، والغريب الذي يستمع ويتقبل سياسة التحطيم وقتل الابداعات ونحر المواهب والغريب هو ذلك الشخص الذي يبنى له مجد وان سخر منه الاخرين |
اقتباس:
مجود قطعتيلي قلبي |
اقتباس:
سبحان الله نفسها صارت معي بوحدة من زياراتي لسوريا:cry: |
اقتباس:
|
اقتباس:
|
اقتباس:
مابعرف اذا كنت فهمتك بشكل صح ...... بس فعلا انا هيك بتخيل وضعك حتى من قبل ماتحكي هيك تحياتي:D |
اقتباس:
شكرا كتير طاهر لمرورك:D |
اقتباس:
هادا اللي متل الغصة الدائمة عندي .. هاد اللي بنام وبقوم وبحلم فيو وبحاول وبطخبط وبروح وبجي وهو ملازمني .. ما عم اقدر أفصل نفسي عن هالهموم والقضايا .. يعني بكون فرحانة بكل شي يمكن بحياتي .. بس هالهموم والقضايا العامة اللي بحسها بتمسني بضلها مرتبطة فيي ومرتبطة فيها .. وبتعطيني هالطابع الحزين أو الهادي اذا فيكي تقولي .. واحيانا الطابع المتمرد والثوري في بعض الأمور.. وبتخليني عندي حاجة ملحة لتحقيق هدف معين وللتغيير والتمرد على واقعنا . وبتخليني بعزلة عن الناس. يا إمراة من ورق .. بكلمتين حللتيني وفهمتيني وشخصتيني .. شو بدي قلك .. بكيتيني :cry: . تحياتي الك وبعتذر اذا طلعت عن الموضوع وطولت بس ما قدرت ما علق على كلامك .. شكرا .:D |
اقتباس:
فعلا انا غربتي نابعة من العزلة هاي اللي وضحتها في جوابي السابق .. شكرا امراة من ورق على ردك . وبتمنى يا طاهر تكون وصلتك الفكرة . |
اقتباس:
يمكن فهمتك بسرعة لانك كنتي من هالناحية انعكاس لصورتي بالمراية بس فعلا بكل موضوع ومشاركة الك بالاخوية كنت حس انو هي الصفة الاساسية ل نيرفانا وتحياتي الك :D |
اقتباس:
شكرا . |
| الساعة بإيدك هلق يا سيدي 00:25 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون