|
الموت اخر أمالنا .....................
ما بعرف كيف ممكن عبر عن يلي بفكر فيه
لكن انا راح قول يلي بيدور بعقلي هلاء وانتوا حاولوا تفهموا بس ما حدا يقول عني مجنون انا بحلم باشياء كتير لكن عندي شوية واقعية بتفكيري بتحاول تمنع خيالي انو يسرح باحلام كبيرة مع انو حلمي لا يتجاوز اني احب واتمنى ان امتلكها لكن ظروفنا مثل ما بتعرفوا ما ممكن تسمح اني حقق حلمي لانها ببساطة باخر غرب الارض وانا باخر الشرق كنت بشوف العالم صغير كتير لكن هلاء صار كبير بعدد كل الخطوات يلي بيني وبينها الشغلة يلي بفكر فيها هلاء انو يمكن يكون الموت اخر امل بتمناه لاني ما ممكن اتخيلها مع غيري وبتمنى من ربنا يغفر كتير من ذنوبي حتى روح الجنة وقدر حقق يلي ما راح قدرر حققه بحياتي انا مو مجنون بس والله بجد بحكي هذا يلي بفكر فيه |
اقتباس:
|
اقتباس:
تحياتي الك يا غالي من اكتر مجانين العالم قهرا |
اقتباس:
|
اقتباس:
فلا يبقى لنا الا الموت لان الموت هنا ارادة للتغير لذلك نقول مرحبا بالموت وطابت ايامه |
اقتباس:
|
اقتباس:
عزيزي انا ما قصدت انو ارادة التغير معدومة ولكن يلي قصدته انو الحواجز كتير فوق ارادة البشر لو كان الامر تحرير وطن لكان اسهل بكتير من الحواجز يلي بتمنعني بتمنى تكون فهمت قصدي تحياتي الك ووجهة نظرك على راسي |
السلام عليكم كل الي بقول انك تعيش حياتك هلا وتتفائل ويكون الك امل في كل شي وخلي الموت بايد الله تعالى لانو هو الي بيقرر امتى ياخد اي روح و كمان مصائب قوم عند قوم فوائد و الي يشوف مصيبة غيرو تهون عليه مصيبتو وهذه هي الحياة تقبلها و حبها من شان تحبك تقبل مني فائق احترامي
|
اقتباس:
|
اقتباس:
نسرين انا قصدت هون انو الموت امل يعني انا بقمة التفائل ما اجمل ان نتختلف المفاهيم وتتغير المعاني ليصبح الموت امل |
يعني الموت حل...
طيب متل ما انت بدك امورك تمشي فكر بالناس اللي بيفرحن وجودك معن أهلك وأخواتك ورفقاتك مو من حقك تطلب الموت ......شغلة فيها أنانية ما تزعل من رأيي:D |
اقتباس:
لكن من حقي انا ان اتمنى وان اسعى لواقع اريده وان كان واقعا صعبا تحياتي الك:D |
طبعا من حقك تتمنى وتسعى بس مو تكون أمنيتك هي الموت
على كل الله يوفقك لحتى تعيش مع اللي بتحبا:D |
اقتباس:
|
اقتباس:
بدي افهم هلاء انتي معنا ولا علينا ؟؟؟؟؟؟؟؟؟؟؟؟؟؟؟؟؟؟؟؟؟؟ تحياتي |
اقتباس:
شو صاير متل هاني... انت معنا ولا علينا ..;-) بس بجد انا حطيت هالرد ... لاني بصراحة تأثرت بالكلمات وما قدرت حط رد مفهوم أو منطقي.. أنا حاولت أفهم وجهة نظرك واحساسك .. بس خلينا نحكي بالموت .. يا وائل الموت كنهاية أو كبداية عمرو ما كان حل.. بس من كتر الكبت اللي فينا منحس انو هوي الأمل .. بالنسبة الي انا بخاف من الموت كتير .. وبعتبرو نهاية .. بعتبر الحياة اللي منعيشها هي فرصتنا لنترك أثر ونعيش كل لحظة بلحظتها ونحقق أكتر ما منقدر من السعادة .. الحب كلنا بدنا ياه .. صدقني شو ما كانت الصعوبات ما بتوقف إدام حب حقيقي .. انا بقلك عن تجربة .. بس لازم تكون قوي .. بأحلامك ، بإرادتك ، بكل شي.. انت يا وائل عايش بنعمة .. ايه صدقني لأنو انت ابن فلسطين .. عارف شو يعني هاد الحكي .. يعني انك صاحب قضية .. صاحب معاناة .. صاحب مبدأ... أنا بالنسبة الي التنظير سهل.. قاعدة حاطة رجل عرجل وبمنطق الأمور على كيفي.. بس انت قوي ببلدك وبصمودك، ظروفك لازم تكون قوة أوعى أوعى تحكي عنها انها ضعف .. لانك هيك بتخذل أولا تراب بلادك .. وتخذل أحلامك .. وتخذل انسانيتك .. وبالآخر بتطلع بس بفكرة الموت اللي هيي تحصيل حاصل .. خلينا نعيش حياتنا أولا وبعدين منفكر بالموت .. اساسا هوي لحالو بيجي .. انا يمكن شتت بالكلام .. بس حاولت عبر .. وبتمنى اني كون فهمتك .. :D |
اقتباس:
كتير رائع كلامك وفاهم كل كلمة قصدتيها لكن الموت عندي قوة مو ضعف الموت خيار مو واقع مفروض الموت ثورة مو كبت الموت انعتاق مو عبودية انا ما بتمنى او بفكر انهي حياتي بالعكس لكن بنتظر امل حتى اقدر اكمل الحياة املي مختلف شوي لانو محدد بالموت الموت بس هو يلي بقدر حقق فيه يلي بتمناه لكن في نفس الوقت ما ممكن اهرب من مصيري هلاء لاني مجبر ان اعيش واقع ومعاناة شعبي كله وانا احاول ان اصنع التغير معهم لكن وسط كل هذا الركام الذي اعيش ارى نجمة مضيئة جعلتها امل والموت وحده هو من يحقق املي تعالي هون نرفانا انا نسيت قلك انا في موضوع تشي جيفارا كنت بقنعك بالتفائل لكن بالاخر اقتنعت بوجهت نظرك وانو هاي الحياة مو للي متلنا هلاء جيتي هون تغيري مفهموي راح موت هيك مجنون نرفانا اتقي الله بربع هالعقل يلي باقي عندي تحياتي :D |
بقصد نرفانا انك المفروض من حزبنا مو من الاعداء فهمانة شو قصدت 8)
|
على كل الله يوفقك لحتى تعيش مع اللي بتحبا:D[/quote]
وبدفع عمري كله بس يبقى يوم واحد قضيه معها تحياتي الك:D |
اقتباس:
|
اقتباس:
مرسي الك فيروزة :D ان شاء الله كل احلامنا بتحقق |
اقتباس:
وبالنسبة الي الموت هو النهاية ,, وليس الأمل.. الأمل هو الحياة ,,, بس بحترم وجهة نظرك .. لكن بتمنى لو تغيرها .. وتحياتي :D |
اقتباس:
ليش وين الاعداء  ؟ |
اقتباس:
يعني هلاء جيفارا يلي حطاه تحت اسمك انتهى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟ اذا كان انتهى فنحن منتهين من قبل ان نولد تحياتي نرفانا :D |
اقتباس:
لكن هو مو موجود وما بقدر يغير ساكن في هالعالم .. تأثيرو موجود لانو عم ينعكس من تأثرنا فيو .. لكن لما كان عايش هو عمل وغير كتير. |
اقتباس:
كتير ما راح تكفي الصفحة لاذكرهم لكن بقدر قلك كلمة صغيرة بتجمعهم كلهم البشر |
اقتباس:
لكن ما زال في ناس بتستقي من فكره من ثوريته من رفضه للواقع من كفاحه وبوقت في كتير ناس على قيد الحياة ما ممكن استقي نت كلامهم او فكرهم حرف واحد يعني بقصد انو الموت ما بينهي الانسان والحياة بتخلي الانسان موجود الانسان هو يلي بيقرر يبقى موجود ومؤثر او لا تحياتي نرفانا :D |
اقتباس:
ولازم كلنا نحاول نعمل تأثير وتغيير. |
اقتباس:
|
مرحبا وائل ’’’
انك تحبها هل قد شي حلو بس ما تنبهر فيها اكتر لانو يمكن تخسر حالك ,, واحسن شي بنظري هو انك ما ضل تفكر كتير لانو الافكار راح تعبك كتير وتاخد منك وما راح تعطيك غير اليإس والتشائم ’’ وبالنسبة للمحل الي هو ممنوعة الاحلام فيه "غزة" بلدك فهو حقا انت عايش بمحل صعب جدا تحقيق حلم فيه :S للاسف ’’ لكن عيش الحب حتى تنسى شي من هادا الواقع بس ما تنبهر كتير بالحب ولا بلي بدك تموت حالك عشانها |
اقتباس:
أأأأأأأأأأأأأأأأأأأأأأأأأ أأأأأخ .. هاي على الوجع .. بس ان خليت بليت ... يعني بتلاقي .... :D وشكرا الك ولاهتمامك بمعرفة رأيي. |
اقتباس:
لكن صدقيني بتوقف كل الساعات وبحس لحظة النهاية قريبة كتير ما تفكري اني ضعيف كتير قدامها بالعكس بشوف حالي اقوى رجل بالعالم لاني بشوف الموت صغير كتير مقابل اني ضحي فيها يمكن هذا الشي يلي معذبني اني مضر اترك كتير اشياء واتهاون مع كتير اشياء ما كنت بفكر في يوم اني ضحي بمقدسات ومبادئ كنت مقتنع فيها لدرجة التقديس لكن بيظهر انو قدسيتها عندي وصلت لدرجة اعلى من افكار مقدسة عاشت معي 28 سنة شفتي وين العذاب شروق لذلك انا بختصر المعادلة كلها بكلمة النهاية يلي بنتظرها تحياتي الك اختي شروق:D |
اقتباس:
انتا بس هون يلي بيعرف كل الاسئلة لكن الاجابات صعبة شريك يمكن ما حدا يحس ولا يعرف بالنار يلي عم تاكلني هلاء غيرك على كل حال شريك بتمنى نقلب عندي المعادلة وصير متلك لكن بعتقد انها صعبة كتير تحياتي شريك :D |
اقتباس:
بدي اسألك سؤال مباشر.. شو ناوي تعمل؟ |
اقتباس:
لو كنت بعرف ما كنت سالتكم انا بعرض مشكلتي وبنتظر ردودكم حتى اخلق امل جديد بعنب بحاول اخدع نفسي مرسي لمشاركتك نرفانا و بتمنى ما كون بزعجك معي تحياتي الك:D |
اقتباس:
هاد تقدير وشهادة منيحة بحقنا انك تشاركنا بموضوع مهم وخاص بالنسبة الك .. وبالنسبة للأمل.. انا شايفة انك أخدت قرار بهالشي وخلصت ... بدي قلك شي كتار الي بحبو شي صعب المنال .. !!! بس اللي بحب شي كتير ابدا ما بتخلا عنو خصوصا اذا كان شخص هوي كمان ببادلو الشعور. |
اقتباس:
وهذا الشي يلي عم يخليني بعدني على وجه الارض مرسي الك نرفانا :D |
اقتباس:
وتوقيع تقيل .. عجبني .. |
اقتباس:
ما بيقدر هذا الكلام غير يلي عنده مشاعر اكبر من الحياة على كل حال مقدم نرفانا ما بيغلى عليكي |
اقتباس:
بعدين بتصير الصورة والتوقيع ....:lol: شكرا الك :D |
| الساعة بإيدك هلق يا سيدي 08:06 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون