|
بخصوص الدوا السوري
أنو عنجد شو مشان الدوا السوري
مرة .. مو من زمان يعني... كان فيه انسان سوري مريض(الله يشفيه) مرضو ل هالبني آدم ما بيصح وكان ياخد دوا أجنبي احيانا استيراد ..وأحيانا تهريب من لبنان بعدين إجا إنسان سوري تاني ولكنه رأسمالي(من اللي بدن يربحو خلال ثانية) قال لجماعة الصحة: يا شبيبة أنا بدي أفتح معمل دوا من انواع معينة بقا عملو معروف وامنعو استيراده (دعما للصناعة الوطنية) قالو: ع راسنا خيو نحنا بيهمنا تطوير البلد وصار بقا هالانسان المريض راح عالصيدلية وجاب من الدوا السوري وما كمل الشهر وكان بالمشفى ليش؟؟ لأنو بالمشفى عرفو أنو ما فيه بجسمه غير كمية قليلة جدا من المادة الفعالة يعني كأنو انقطع عن الدوا شهر وكان هالانسان رح يموت بسبب هالشي لولا لطف الله ودمتم سالمين |
هادي يا ستي
رفيقتي صيدلانية... قالتلي الدوا السوري فيو اي شي الا الدوا :D |
هي شغلة قديمة كتير ري مي ...ومعروفة ...
|
اقتباس:
بس لأيمت؟؟؟؟؟؟ |
اقتباس:
بس لأيمت؟؟؟ يعني الدولة مو لازم تشوف اذا هالمعامل عم تصنع دوا وفق المعايير الصحيحة وين الرقابة طيب اذا الرقابة ما بدا تشتغل ليش لحتى يمنعوا الاستيراد؟؟ |
بدك ما تواخذني حبيب بس معلوماتي اللي ما بتوصل لمعلوماتك العاليه و القيمه بتقول أن سوريا تصدر أدويه لكل دول العالم التي تفحص حكوماتها الأدويه كلها قبل السماح باستيرادها
بقى راعينا شوي و قلله لرفيقك اللي بالمستشفى : عليك العافيه |
اقتباس:
وتاني شي: سورية تغطي 85% من حاجة البلد الدوائية ... بس يا عيني مو كل الأنواع جيدة ولمعلوماتك الانسان المريض اللي حكيت عنه مرضو نفسي بقا شوف انت قديش الموضوع تعبو وخلاه بحالة مزرية للغاية ... وما بدنا نحكي عن مشافي الامراض النفسية بسوريا لانو شي بيقرف عندك مثلا معمل الدولة الديماس ما إلك نفس تفوت عليه لا تعقيم ولا بطيخ ( وهاد حكي انا متأكدة منه) اما المعامل الخاصة ف البعض منها منيح والبعض الآخر لاء والقصة اللي حكيتا صارت وبتصير وعم تصير |
في بعض الادوية السورية جيدة وإدا استخدمها الواحد بيستفاد عليها
وفي أدوية متل إلتها مالها فائدة |
اقتباس:
انا بفترة من الفترات ..احتجت دوا...طبعا هوي الاصل فرنسي...بيجي حق العلبة منه بالاردن 60 دينار يعني بشي 5 الاف وشوي...وطبعا انا كان بدي بالشهر علبتين..راح قلي الدكتور نفس الدوا بنفس المفعول بس سوري..قلتله الله حيو الوطني..صرت جيب الدوا السوري والي هوي ارخص كان تطلع العلبة بـ 750...واخد نفس المفعول...مع انه دوا صعب ومعقد ... :D يعني في كده وكده :p |
اقتباس:
بعلم الدواء يوجد بلدان متخصصه بأنواع محدده من الدواء لا يمكن أن ينافسها احد و لا تنجح عندها انواع اخرى من الادويه و هذا يحدث في كل بلدان العالم تقريباً بخصوص معمل الديماس أنا ما بعرفه بس اللي بعرفه ان معامل الأدويه في حلب مثل أوبري و شفا و ...... ممتازه و تصدر الأدويه لكل أنحاء العالم شغله تانيه بالتأكيد سوريا ما بتعرف تصنع أدوية الأمراض النفسيه لأنو صناعتنا الدوائيه تعتمد على السوق و في سوريا حبوب الألتهاب و أبر الألتهاب و الجريب ووجع الرأس و أدوية الأطفال هي الأهم و نجاحنا يقتصر على هذه الأنواع تقريباً |
اقتباس:
انا قصدي كان انو الرأسمالي السوري بدو ربح سريع ولو حتى على حساب صحة البشر وهالشي وضحتو تماما بالموضوع اقتباس:
|
ومشان ما حدا يفكر اني عم بهاجم كل الادوية السورية ..وأني ضد صناعة بلدي
انا عم بحكي عن نصفها بس |
ري مي
Senior Member -- قبضاي -- الصراحه النقاش المنطقي أنا بحترمه كتير و هلأ صار الكلام منطقي بس كمان مره أنتي عبتقولي أنو المرض النفسي مخبى و ما حدا بيروح على طبيب نفسي و أكتر من هيك أنا بعرف من زملائي اللي درسوا و عبيدرسوا طب أنو ما حدا بيتخصص طب نفسي لأنو بدو يفتح عياده و يكش دبان بقى كيف بدك سوريا تكون ناجحه في انتاج ادويه لأمراض لا تعالج و لا أطباء تكتب لها وصفات في بلادنا تحياتي |
عليك بالعافية
بدك ما تواخذني حبيب بس معلوماتي اللي ما بتوصل لمعلوماتك العاليه و القيمه بتقول أن سوريا تصدر أدويه لكل دول العالم التي تفحص حكوماتها الأدويه كلها قبل السماح باستيرادها
بقى راعينا شوي و قلله لرفيقك اللي بالمستشفى : عليك العافيه |
يا سيدي غلطان (مع الاسف يعني ياريت لو الامراض النفسية قليلة)
قصدي بكلمة مخبى أنو ما حدا بيعترف انو ..زار طبيب نفسي مشان الناس ما تقول عنو مجنون ويمكن يكون الشخص بس انو عم بيعاني ازمة وبتمر |
اقتباس:
|
أول شي صباح الخير : :p :p :p
تاني شي مشان هادا الموضوع اللي عم تناقشوه الكن ما بعرف اديش اسمحولي قلكن :::: الدوا السوري اللي بيتصدر لبرا نوعيات تنافس أقوى أدوية العالم بشهادات الدول المصدر إليها أجنبية كانت أم عربية ..... أما بالنسبة للدوا السوري في الداخل :::::: فهنا المشكلة ... معظم الادوية لا فعالية لها و لكن ليس الكل لأن هناك بعض الأدوية ذات الأسعار المرتفعة ( فوق 200 ليرة ) ذات فعالية ممتازة . قد يتساءل البعض عن السبب ؟؟؟؟؟ ف اقول الآتي : مصنِّع الدواء عندما يذهب ليشتري النبتات التي يتم استخراج الدواء منها يكون أمامه الحالات التالية : نباتات طازجة : و هذه أسعارها كبيرة لكن فعاليتها ممتازة جداً . نباتات نص نص : فعاليتها وسط و أسعارها بين بين . نباتات ذابلة : لا فعالية لها و أسعارها رخيصة جداً . و الدواء في السوق الداخلية معظمه من النوع الاخير . بالنسبة للدولة فتكون العينات التي تعطيها المصانع للدولة هي من أدوية التصدير فتكون النتائج مطابقة للمواصفات . بعدين انتو ليش زعلانين يا أخواتي ؟؟؟؟؟؟؟ يعني افرضو مثلا لا سمح الله انو واحد وصفلو الدكتور دوا غلط فإذا ما نفعو ما بيضرو أما إذا كان الدوا فعال و غلط فممكن يروح المريض :lol: :lol: :lol: :lol: :lol: :lol: |
:? ...........:cry: |
اقتباس:
هاي لاقولا فتوى للادوية المعفنة كلامك مظبوط ابو النور مشكور |
اقتباس:
:D :D :D |
اقتباس:
:pos: |
يا جماعة في شغلة مهمة أنو ليش بعض الدوية السورية ما الها مفعول يعني متل قلتها ؟
لأنو ببساطة المواد الأولية تبع الادوية يلي عم نصنعها هي منشأ باكستاني وهندي ويمكن صيني وهدول يعتبرو صنف تاني او تالت اذا شي صيدلي او صيدلانية موجودة هون ياريت يشرحولنا هالنقطة وصيدلي يا صيدلي ياااااااااااا صيدلي بدي دوا الها وبدي داو الي قلبي صاير صاير صاير شعلة نار ;-) :p كفو من عندكن |
وهادا يا ستي كان في وزارة بتسمع وبطنش:clap:
|
شكرا للكل على مروركم
|
تحياتي الك ريمي على هالموضوع الحلو وتحية للشباب الطيبة على النقاش الحلو كمان
بدي عقب على كلامكون انو كمان في تقصير من جانب الاطباء النفسيين عنا بسوريا وبظن بالعالم العربي كللو الطبيب النفسي الو دور كبير بالمجتمع ما عم ياخدوا الشخص العادي لازم يزور الطبيب النفسي كل فترة ليتأكد من صحتو النفسية بس اللي عم يصير انو بزمانوا رحت انا ورفيقي لنزور طبيب نفسي الزلمة ما كزب خبر من اول زيارة وصفلوا دوا بنوم جمل وصار رفيقي متل المحشش مع انو ما كان هيك قبل ما يروح وللعلم انو الطبيب من اشهر الاطباء النفسيين بدمشق بقى انا اذا جنيت رسمي ما بظن انو استرجي بقى روح لعندو |
اقتباس:
ع كل حال انا واياها ما بنختلف ...;-) اهلين فيك....:D |
اقتباس:
الطبيب النفسي بهالايام = تاجر........... (الاغلبية) كل زيارة بيشفط هديك الحسبة وما بيهمو انو يتفهم المريض او يناقشه لاء فورا بيشخص عالسريع وبيوصف أدوية (يعني ما بيحاول يساعد بدون دوا - مساعدة معنوية-مهما كانت الحالة بسيطة) ويللا اللي بعدو تقول بين ايديه مو بني آدمين |
اقتباس:
هدول ل ريمي |
اقتباس:
خدي هالباقة لكن.....:clap: |
لسلام عليكم
انا حبيت اشارك لاني صيدلانيه:king: بصراحه مو بس سوريا عندها هالمشكله الوطن العربي كله بيعاني من هالمشكله يعني كل شي بيستورد من بره والعتب بصراحه عالمواطن العربي اللي ماعنده ثقه بالمنتجات الوطنيه وبس اتخرج اقولكم السبب الحقيقي:p |
اقتباس:
وللا عالرأسمالي اللي بيستورد مواد مو منيحة:pos: |
:( :( :(
|
يعني برخصو الدوا وبقللو نسبة الفاعلية فيه شو أستفاد البني آدم
|
اقتباس:
|
لك أنا أبوي صيدلي بحكيلكن حكي عن مصانع الدوا بيشيب الراس
|
| الساعة بإيدك هلق يا سيدي 00:21 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون