|
أنت صاحب قضية؟؟
معظم الشباب بقصد الجيل يلي طالع يعني تحت العشرين او بأول العشرين بتلاقيهم لابسين كنزة غيفارا وحاطين طاقية غيفارا ولابسين تياب متل غيفار وشعرون متل غيفارا ودقنون طويلة متلو يعني اذا انت كتير متأثر بغيفارا ضروري تقلدو بالشكل؟؟؟ قلدو بالتصرفات بالفعل يا ترى شو سر غيفار وليش ها الجيل من الشباب يلي بحب غيفارا لازم يكون بعيد عن الدين( بقصد كل الأديان ) ولازم يكون استغفر الله متمرد على الرب من باب انو هو صاحب مبادىء ونخوة من باب انو هو حتى قدرة الله عليه ما بتهمو مع العلم انو مو شرط تكون بعيد عن الدين اذا احترمت شخص لمبادئو بالحياة لمجرد انو هو كان شيوعي انا بحترم غيفارا وبحترم نضالو لكن بكره شيوعيتو لأني مؤمنة بالله وبتلاقيهم لهل الشباب بيحكو عنو بتأثر لدرجة انو بتحسو شوي تانية رح يخلق غيفارا تاني وهنن يمكن مابيعرفوا يركبو جرة غاز وبيخافو يشعلو عود كبريت واذا نفخت عليهم بيطيرو شو ها السر يلي كمان بيفتخرو فيه ادام البنات يا ترى هل الأنسان يلي بيفكر بأنسانيتو و أنسانية غيرو وبفكر بأصلاح المجتمع و ابعاد عنو كل عادة سخيفة وكل تقليد اعمى لازم يكون مهركل و ابو دقن طويلة وتياب وسخة لأنو هو كتير مشغول بالمجتمع مو فاضي يحك راسو ليلتفت لهيك قصص؟؟؟؟ شرحو بكلية الفنون الجميلة الفنان يلي بيرسم لازم بالضرورة يكون مشرشح لمجرد انو فنان وشرحو الممثل لازم يكون متقلب وعواطفو غير مستقرة وبحب بالشهر 5000 الف مرة لمجرد انو هو من جوى مليان عواطف متخبطة بتتخانق ببعضها ماكلياتنا بشر كل واحد فينا في جواتو غيفارا صغير و فنان صغير و ممثل صغير وشاعر صغير بس هل ها الشي يعني انو نبهدل حالنا مع الناس و التعامل مع الناس وشوف حالي عليهم اتكبر مو مبدأ اني شايف حالي لاسمح الله لاء بس انا فنان هموم المجتمع والوطن كلها برقبتي!!!!!!! وكمان بالبس و الشكل و الأكل متل الفنانيين يلي بكلية الفنون الجميلة اذا جاعو بياكلو فول نابت من شي عربية وبيفرشو بالأرض وبيتربعو واذا نعسوا بنامو ماعندون مشكلة لمجرد انو هنن فنانيين و شاعرين بالوضع وعندون الحياة قضية؟؟ هيك انا لازم كون اذا بدي صير صاحبة قضية؟؟ صح ومارح انسى السلوك الفلسطيني يلي بشوفو على اكتاف معظم طلاب الفنون الجميلة لأنو هنن مع القضية و مؤيدين للقضية ولا تنسى جرب قلون لها الشباب اصحاب السلوك بتروحو اتحاربوا بفلسطين وتحرروها اسمكون من اصحاب القضية؟؟؟؟؟؟؟؟؟؟؟ |
:gem:
تحياتي whiterose موضوع حلو و مهم .... اقتباس:
أأنا بشوف انو صار لازم نفرق بين غيفارا ( الانسان , الشخص , المناضل , الشهيد ) و بين غيفارا ( االصورة , الأيقونة , الكنزة , ...الخ ) غيفارا بعد وفاتو تحول لرمز ... و رمزية غيفارا توسعت مع الأيام لتشمل كل ما هو ثوري , هلأ متل ما قلتي انو غالبا الشباب بعمر العشرينات بينحازو لغيفارا .... ( بتذكر في مقولة ما بعرف لمين ...بتقول انو اذا لم تكن شيوعيا و انت في العشرينات فأنت بلا قلب , و اذا بقيت شيوعيا بعد الأربعين فأنت بلا عقل ) ....طبعا غالبا بكون هالتأثر سطحي..بمعنى انو أكيد هالشب ملا راح قري مبادئ الشيوعية و كتب كارل ماركس و لينين و تروتسكي و غيفارا و التجارب الثورية بالعالم ...لاء ..ببساطة هو بحب من غيفارا ثوريتو ..و غالبا هو بحب رمزيتو للثورة ....الثورة اللي هي من صفات جيل الشباب ...ثورة مجردة مبهمة ...ثورة لأجل الثورة . هون بصير غيفارا الرمز وسيلة تعبير....غيفارا اللي هو الشباب الدائم ( بحكم كونو مات شب ...غيفارا رجل لا يهرم أبداً ) ...غيفارا اللي هو الإخلاص المطلق للمبادئ ( غيفارا لم يساوم أبدا على قضيته ) ..غيفارا الطله المهيوبة و المحبوبة ( يعني تخيلي معي مثلا انو حدا يعمل شكلو متل شكل كارل ماركس :lol: ) ..بالمختصر ...عم يلاقي الشب بصورة غيفارا ( ان كانت مرسومة ع تيابو او مرسومة بشكلو العام ) طريقة يعبر فيها عن رغبتو بالثورة ( ما ثورة البروليتاريا طبعا ..و انا الثورة المجردة ) و عن رغبتو بالتحرر و الانعتاق من قيود متنوعة بتختلف من شخص لشخص و من مكان لمكان . طبعا هي الطريقة بالتعبير هي افضل بكتير من انو الشباب يقلدو غيفارا بالفعل بدل الشكل ...تخيلي مثلا لو كل هالشباب شايلين سلاح و طالعين بالشوارع بدن يعملو ثورة ..و واحد منن مثلا عامل محكمة عسكرية ثورية و عم ينفذ اعدامات ع زاوية الحارة :lol: بالنسبة الي شخصيا ..انا عندي هيك وجهة نظر شوي متحفظة على استخدام الرموز .... بفترة ايماني بالمسيحية كنت ارفض اني البس صليب مثلأ ...كنت اسأل حالي ..ليش بدي البس الصليب ؟؟ هل هو انعكاس بصري للصليب اللي انا حاملو بداخلي ؟؟ اذا كان هيك لازم كون فعلا حامل الصليب بوجداني قبل ما ينعكس على مظهري ..و اذا كنت بدي البس الصليب مشان فرجي الناس اني لابس صليب دهب مثلا ..بكون عم ابتعد عن تعاليم المسيح و عن مسيحيتي بشكل جذري ......المهم ..بكل الأحوال لقيت انو اما اني ما بستحق البس الصليب او اني بكون عم استخدم الصليب لغايات ما تتناسب مع المسيحية نفسها .و بالنهاية كنت ارفض اني البس الصليب . بمرحلة لاحقة و بعد اهتدائي للاللحاد ;-) كان غيفارا احد الرموز اللي بتغريني متل ما بيغريكي منظر البحر للسباحة او منظر كاس نبيت أحمر للشرب ...رمز جذاب ..رمز مبهر ..رمز محير بقوتو و قدرتو ع التأثير ...صرت اجمع صور غيفارا .....علاقة مفاتيح عليها صورة غيفارا ...خلفية شاشة غيفارا ... ع دفاتر الجامعة بكتب اقوال غيفارا ...الخ و بنفس الوقت كنت انقهر وقت شوف صور غيفارا عم تنباع ع الرصيف مع صور نوال الزغبي و نجوى كرم و ما الى هنالك .... كنت حس انو انا السبب !!! لو ما كان في ناس متلي عم يطلبو هالسلعة ( اللي هي الصورة و الكنزة و ما بعرف شو ) ما كان تحول غيفارا لصورة بتنباع ع البسطة . و رجعت فكر انو انا ليش بدي حط صورة غيفارا ... يعني أنو كم جوعان بشبع وقت بلبس كنزة عليها صورة غيفارا ؟ قديش بتزيد نسبة العدالة بالعالم اذا حطيت غيفارا خلفية شاشة !!! ....صرت قول ..لو أنو غيفارا لبس كنزة عليها صورة لينين و عم سكسوكة متلو ..و علق صورتو ع الحيط و شعر هيك بارتياح داخلي ..و لا عمل ثورة ولا من يحزنون..شو بكون ؟؟؟.....بتكون ببساطة كارثة !!! من وقتا صرت حس انو كلما كترنا صور لغيفارا ..كل ما قللنا من جوهر غيفارا فينا ...كل ما كترنا من غيفارا الرمز ..كل ما قللنا من غيفارا الثورة .....كل ما بعدنا عن حقيقة غيفارا . الشيوعية اللي بتندد بعبادة الفرد و بتنفي امكانية التغيير للفرد ..و بتسخر من قصص البطولة الفردية بالأدب المثالي ...وقعت بفخ الفردية من خلال تقديس الرموز ..و صارت بطولات ملايين الشهداء مختصرة بتمثال للينين و صورة لغيفارا !!! صرنا نقول بدون تفكير انو لينين هو اللي عمل الثورة بروسيا و انو غيفارا اللي عمل الثورة بكوبا !!! و كأنو الألاف اللي كانو وقود الثورة و دماء الثورة ما كان الهن وجود ولا كان الهن لازم . و منتعامى عن حقيقة أنو لة كان لينين بيقدر يعمل الثورة لحالو كان عمل الثورة بالعالم كلو ما بس بروسيا ..و انو ثورة غيفارا ببوليفيا كانت من أفشل الثورات !! لحتى ما بعد كتير عن الموضوع ..لازم اذكر نقطة مهمة بتتعلق بموضوع الشكل ..و اللي هي تأثير مدرسة الواقعية الجديدة المرتبطة بالاشتراكية على مختلف نواحي الحياة ..هالمدرسة اللي بتنادي بارتباط الشكل بالمضمون ... و بتأثير هالمدرسة ظهرت نزعات عند كتير مفكرين و فنانين من حيث انو يكونو ثوريين بمظهرهن بقدر ما هني ثوريين فنياً او فكرياً ... و بطبيعة الأحوال الثورة بالشكل بتكون باتخاذ مظهر مخالف للمظهر الشائع ..ان كان من ناحية الشعر أو التياب او خلافو ...و بطبيعة الأحوال بكون هالمظهر المخالف مظهر نافر هلأ هون اقتباس:
على كل حال ما بدي طول كتير بالرد ... بلكي بكون الي عودة للموضوع ..بس حبيت قلك انو كلامك هون اقتباس:
تحياتي و بهديكي هالغنية - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
وايت روز
هشتنشت حكيكون مو رائع مو حلو حكيكون اكتر من رائع و بجنن و انا بوجهلكون احترامي و خشوعي يا فهمانين :D |
و الله موضوع عنجد حلو
و بتعرفي أنو 96% من يلي بتلاقيهم لابسين كنزة غيفارا وحاطين طاقية غيفارا ولابسين تياب متل غيفار وشعرون متل غيفارا ودقنون طويلة متلو ما بيعرفو مين هادا غيفارا بس هني شافو الصورة بمسلسل هومي هون و عجبتهن و البسطات بالبرامكة ملياني صور ل غيفار و بخمس عشرين |
اقتباس:
تانيا هو انساني .. ثالثا ثوري .. رابعا رمز .. شي طبيعي انو نتأثر فيو للأسباب اللي ذكرتها .. وطبعا بضل انو كل واحد الو سبب جواتو لهالتأثر هاد .. أكيد انو المهم انو يكون تأثرنا هاد معنوي مو شكلي او سطحي.. بدون التقليد بالشكل أو لبس الرموز .. ما حدا قال انو اللي بيتأثر بجيفارا لازم يكون ملحد أو لا ديني .. انا بعرف ناس مؤمنين وبيحترمو هالشخص ومتأثرين فيو .. الشباب من الطبيعي يحاول يلاقو قشة يتعلقو فيها .. يعني رمز ينظرو الو كمثال وقدوة خصوصا في عصر ناشف وسطحي متل هالزمن اللي عايشينو.. وشخص غيفارا كشاب وقريب من الناس بشكل كبير حتى بنضالو وثورتو ضد الظلم .. مو متل بقية الرموز اللي اما سياسيين أو متكلفين أو عنيفين ومتعصبين في أفكارهم .. بالنهاية كل انسان في هالدنيا في مين بأثر عليه .. وهالانسان عندو نزعة غريبة بانو يبين هالشي .. ستي يتأثر هالشب بغيفارا ولا بحد تاني ;-) يعني عمرو دياب أو جاد شويري .. :shock: اما بالنسبة لموضوع الفنون .. بالعادة الفنان الحقيقي بتجرد وبتحرر من كل شي عم بقيدو .. ومن هيك بتشوفي متمرد بشكلو وبطبيعتو .. بس انتي اعطيتي تعميم مع العلم انو مو كل الفنانين هيك .. وبعض الهواة أو الدارسين للفن بفوتو بهالمرحلة من التحرر سواء تقليد للآخرين أو تأثر وبرجعو بطلعو منها .. أما الي فعلا بضلو فيها وبتخذها نمط حياة فهني قلال كتير .. بس نيالهم اذا قدرو يوصلو لهالمرحلة بحق وحقيقي. الموضوع كتير كبير .. بتمنى كون قدرت انو عبر شوي .. |
اقتباس:
ههههههههههههه كلام جغرافي بيروغرافي صحيح 99.99 % :p تحياتي اب وليم :D |
بدي اسال صاحبة الموضوع وايت روز .. انت مؤمنة بفكرة أو دين أو معتقد ؟
|
صباح الخير للكل
فعلاً موضوع جميل للنقاش شكراً كتير لكاتب الموضوع والمشاركين فيه انا بشوف انه هذه الظاهرة موجودة في اغلب المجتمعات العربية مع اختلاف الرموز للشخصيات الي بحب الشباب يحاكيها بالشكل اكتر من المضمون و من احد الأسباب يمكن بيكون القمع الممارس من قبل السلطة الي بخلي الشباب من الصعب يحاكي الشخصية بلمضمون ( ممارسة الأفكار بشكل عملي ) فيلجأ الى المحكاة بالشكل تحياتي للجميع |
أول شي بدي اشكر مرور حشت نشت وبدي اشكر تعليقو على الموضوع وكلامو:D
اقتباس:
وشكرا على الأغنية كتير بس ما اشتغلت :x |
انا ما بحبو لجيفارا ولا عرفتو اصلا لا بدرس التاريخ في حركات التحرر :p عشان هيك ما عندي هداك التأثر فيه
|
اقتباس:
|
اقتباس:
انو غيفار شخصية جذابة وشخصية ثورية في فرق كبير اقتباس:
اقتباس:
وهاد كلامي اقتباس:
.. اقتباس:
اقتباس:
انو الواحد يمشط شعرو ويرتبو تقييد؟؟ والرسام من الضروري يكون تيابو موسخين بالألوان لأنو تقييد اذا بغيرون لما بدو يطلع على الشارع؟؟ واني امشي بالشارع ومااعمول حساب لحدا هي حرية؟؟.. وين التجرد والتحرر بهيك قضايا؟؟ اقتباس:
انا ما عممت انا عم احكي بشكل عام مع التأكيد على انو الأكثرية هيك |
اقتباس:
وبالنسبة للأفكار و المعتقدات بأمن بكتير اشياء ويمكن حتى ماتتناسب مع ديني او مجتمعي او حتى افكاري بس الواقعية هي اساس الحياة لهيك بحب عيش دائما باللحظة يلي عم عيشها وبس:D |
اقتباس:
ومن حق كل انسان يعيش بالطريقة اللي بتعجبو .. ما دام ما عم بسبب اذى لحدا .. اللي مربي لحيتو .. في شيوخ وخوارنة مربينها ما اعترضتي عليهم .. وفي ناس ما معهم حق لبس منيح ومن هيك بكونو مبهدلين .. بدك تعترضي عليهم كمان .. يعني هاي حرية شخصية وكل واحد بعبر عن حالو .. |
اقتباس:
|
عنا مشكلة بالفكر الديني الذي لايرى الا النصف الفاضي من الكأس
وتاني شي والاهم مابعمره كان الفكر بالمظاهر الفكر شيء ايماني داخلي ممكن مايظهر للغير ممكن انا كون معلق صليب أو نجمة داوود ولاكون مسيحي ولايهودي الرموز لا تدل على حقيقة الشخص تحياتي |
اقتباس:
رح قلك مثلا الوليد بن طلال رجل فاحش الثراء بس انا عمري ما شفتو ببدلة عليها القيمة او على القليل زوقها حلو فرح احكي عليه النظافة و الرتابة بين الناس مابدها الشغلة تدخل بالحريات قال كول ما تشتهي نفسك و البس ما يليق بين الناس اقتباس:
انا مابحب احكي شغلة لورجي العالم اني فهمانة ترباية اللحية شغلة شخصية بحتة بس يلي عم احكي عنو ما الو علاقة بالشخصية ولازم تعرفي انو تقليد شخص ما بعبر عن ضعف شخصية لعدم قناعة الشخص بنفسو مو اذا حبيت شخص ثوري اوم روح سوي حالي متلو بالشكل روح سوي حالي متلو بالفعل وياريت تقرأي رد الأخ حشت نشت يمكن تفهمي على اسلوبو اكنر:D |
اقتباس:
|
اقتباس:
اما لما انا بجي وبتقصد ورجي العالم انو انا متأثر كتير بغيفارا وعم قلدو بالشكل فا السبب انو انا متقصدة الناس كلها تعرف انو انا متأثرة فيه اما لما بكون متأثرة بغيفارا مع الأحتفاظ بشكلي هاد هو الشي الحقيقي يلي عم احكي عليه |
اقتباس:
http://www.akhawia.net/showpost.php?p=438347&postcount=42 أنا شخصيا وكتير متلي ما بنحب التقليد ولا الاصطناع .. بس اذا الواحد بدو يمشي بالمقلوب وما يإزي حدا هاي حرية شخصية .. مو انت اللي بتحكمي عليه عم بيتصنع أو عم بقلد أو انو الو مصداقية. وشكرا :D |
اقتباس:
بعدين انا مالي مضطرة بررلك واقنعك بقناعاتي يلي بجوز انتي من الأساس مابدك تقتنعي فيها بغض النظر عن درجة استيعابك لألها اقتباس:
وانا ما عممت و التعميم لغة الحمقى وانا لما كتبت هيك كان فينو العضو يبرر دغري او يعبر عن وجهة نظرو بأريحية كبيرة لأنو نحنا هون مجتمع وهمي يمكن تكون الحقيقة موجودة فيه اقتباس:
الا ما اصتدم بحدا يمكن بدون قصد بس المهم أزيت اقتباس:
مين انا لأحكم على الناس انا مابعرف ليش انتي عملتي للموضوع ايدين ورجلين وما اخدتي فيه غير المعاني السيئة بالوقت نفسو يلي الأخ حشت نشت يلي هو بقول عن حالو ملحد ويمكن يصنف حالو من ها الناس فهم قصدي وفي شي بقول المكتوب مبين من عنوانو فمن ها المنطلق انا فيني اعطي نظرة عن اي شخص ممكن قابلو مثلا لما بدي شوف رجل تيابو وسخة و عليها دهان اكيد رح قول هاد دهان ولما شوف رجل راكب سيارة bmw 760i اكيد رح قول هاد فاحش الثراء في اشياء بتشوفيها بعينك بتعطيكي سلطة بأنك تحكمي على الشخص ومن ها المنطلق انا بحقلي احكم على اي حدا بشوفو بالطريق ولما بحكم من بعيد وما بأذي بكلمة او فعل فهيك بكون احترمت حرية غيري بالوقت نفسو يلي عطيت لنفسي الحق بتقييم ها الشخص وياريت تكون وصلت ........... |
هلا انا بدي سجل متابعه وما حعلق لانه الشبيبة ما شاء الله ما تركوا مجال...
بس بدي قلكن شي عن هيدي اقتباس:
يعني صارت هالعالم تلبسه..هالبلوزة موضة..للاسف :pos: |
اقتباس:
انا عم بحكي وجهة نظري.. ويا ريت كمان تكون وصلت .. سلام |
اقتباس:
|
شغلة مهمة مافينا نحكم على اي انسان من خلال مظهره
ممكن اللي حاطط الصورة يكون فعلا مقدر صاحب الصورة ومحترمه ومحترم فكره ومسيرته الانسانية ومنجزات وحتى اخطاؤه بس حبيت وضح هالنقطة تحياتي |
كما عادتها وايت روز مواضيعها ملغومة ..... و موقوتة ..........
انا بآمن بالحرية الشخصية طالما ما فيها أذى للغير .. حرية المعتقد ..... حرية اللبس .. و حرية التصرف ...... حرية التقليد ........... كلو كلو مقبول طالما مافيه اذى و تعدي على حريات و حقوق الآخرين ..... مو كل محبي غيفارا متشبهين فيه .... مو كل مين لبس كنزة عليها صورتو صار غيفاري ..... مو كل الفنانين عندون لحية و مبهدلين ....... بما أني من عائلة اغلبها فنانين( رسامين ) أبي.. عمي.. عمتي.. أنا.. أختي.. أخي.. و لا واحد فينا عندو لحية و مبهدل حالو و كتار كتييير من الفنانين مالون بهالتشكّل ..........في لا يخلو الأمر لكن هاد ما بيعني التطبيع ..... بس حبيت نوه على هالقصة أكتر شي لأنو مستني بشكل شخصي نسبيا ........ |
اقتباس:
|
يا جماعة أنا ماني شايف انو في خلاف بالرأي بكل الردود بالموضوع ..اللي صاير هو شوية شخصنة :pos:
whiterose طرحت الموضوع بغسهاب لتطرح بالنهاية سؤال واحد هو اقتباس:
بقى فرطولنا ياها حبية ...الله يرضى عليكن ;-) |
اقتباس:
 |
كرمالك رح افرطها ....... (سمايلي أبو وردة) بما انو مافي سمايلات
|
اقتباس:
نيرفانا وانا بدي بوظة :cry: (ريمي تساعد على فرط القصة..ولا تخرج عن الموضوع;-) ) |
اقتباس:
تكرمي وهاي الك |
اقتباس:
(ع الهامش:مجود وصلتك الرسالة؟؟) |
اقتباس:
اقتباس:
راجعي بدلية موضوعي بتتذكري انا شو قلت رح عدلك اقتباس:
عمك وابوك من الجيل اللي طالع :pos: وياريت تأكديلي على كلمة معظم ماشي وانا كتير بكره سياسة التعميم لأنها بصراحة فعلاً لغة الحمقى يعني جد انا مصدومة يعني اخر شخص كنت بتوقعو انو مايفهم كلامي هو حشت نشت وهو اول شخص فهم انا عن شو عم احكي يمكن لأنو مر بتجربة ها الشباب مع خالص احترامي لحشت نشت:D بس انو شو اسمك ولا مو حاببتلك ها الأسم:jakoush: |
اقتباس:
شو هي شخصنة هل هي من التشخيص؟؟؟:pos: اقتباس:
هي نا لقيالها تصريف كمان شو هي؟؟ |
اقتباس:
بينما بجوز xt2k يكتب موضوع كتير مهم و أبو نهلا يطنشو ..أو يفوت يقلو أنو الموضوع مكرر :p ( نظرا لأنو أبو نهلا مثلا غيران من xt2k لأنو عيونو زرق :lol: ) ...اي و هكذا . اقتباس:
اقتباس:
|
اقتباس:
أنا ما بحب واحد لأني بعرف عنو شي بيخليني ما حبو اقتباس:
هلق ضروري إذا مؤمنة تكرهي الشيوعية؟؟ |
اقتباس:
|
وايت روز....كلامك أكثر من رائع......والحقيقة ان مجتمعنا مليء مع الأسف بالتناقضات و حب المظاهر......لا أستطيع أن ازيد أيكلمة على ما كتبتيه
يعطيكي العاية |
يا أختي ويلبسسسسسسسسسس متل جيغيفارا .. مو احسن ما يلبس متل القذافي ... :clap:
اقتباس:
ليش منحب يكون العالم كلووو ... متل ما نحنا بدنا .. ليش بدنا نلبس العالم على زوقنا ونشربيهن على زوقنا ... وننيمهم بتخوتن على الطرف اللي بريحنا ؟؟؟ ليش ؟؟؟؟ :cry: يا خيتو شو عرفك انو هاد اللي قاعد على الأرض عم ياكل فول و ناكشلي شعراتو .. مانو صاحب مبدأ ؟؟؟ :jakoush: ليش لنحكم على العالم بمظاهرها ؟؟؟؟ لابس كنزة جيغفارا ؟؟؟ اي وفليكن ... شو خسرنا ؟؟؟ قلت قيمتو لجيغفارا شييييييييي ؟؟؟؟ طلعلو قرووووووووون شي ؟؟؟؟؟ :o بس انا مو هاد اللي قاهرني .. اللي قاهرني انو ليييييييش عالكنزة عم يحظو صورة جيغيفارا يعني مو القذافي مثلا ؟؟ ؟؟؟؟ :sosweet: |
| الساعة بإيدك هلق يا سيدي 22:48 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون