|
البنت في مجتمعنا
متل ما منعرف انو نحنا عايشين بمجتمع شرقي
وهالمجتمع الو عادات وتقاليد طيب انو البنت ليش دايما مالها حق ؟؟ ليش البنات دايما مهمشين من بناء المجتمع ليش البنت لما بدها تشتغل بتواجه صعوبة واذا اشتغلت بكون السبب انها حلوة وليش ما فيها تقرر مصيرها دايما في حدا تاني بقرر عنها ...ان كان ابوها او اخوها او زوجها وين الحرية يلي موعودة فيها معقول انها تضل هيك |
معقولة ما دام رح نضل نفكر بنفس الطريقة .. بدها وعي وثقافة وإرادة ..
المجتمع اذا ما تطور ما رح تاخد البنت حقوقها .. ولا حتى الانسان كإنسان .. طبعاً وضع البنت بالنسبة لمجتمعاتنا نسبي.. حسب التربية والثقافة والوعي بالبيت .. بس بضل المجتمع عامل حواجز كبيرة للبنت بحيث خلاها سجينة واجباتها في الحفاظ على نفسها كبنت و اذا تزوجت في واجباتها كربة بيت .. هالأمرين هني ضروريات وواجبات لأي بنت .. بس ما يكونو هنن المسؤوليتين الوحيدتين لإلها .. لانو البنت فيها تعمل أكتر من هيك وتقدم للمجتمع .. و اي شي تاني هو خيار لالها . |
في كتير شغلات ما ذكرتها
بس البنت عم تتعامل عنا بالمجتمع كأنها ضلع قاصر طيب ليش دايما من قول عنها انها بنص عقل يا ترى مزبوط هاد الشي وليش ما عندنا الثقة انها بتعرف صالح نفسها ايمتى المجتمع بدو يصير فيه تساوي بين الشب والبنت |
اقتباس:
بس يصير المجتمع واعي بصير في مساواة ,, ومو ضروري يكون في مساواة .. يمكن يفترض ما يكون في مساواة .. بس في شي اسمو اني اتعامل كانسان وآخد حقوقي كإنسان وأقدم واجباتي كإنسان .. لانو بجميع الأحوال في مميزات خاصة بكل من البنت أو الشب. |
:cry:
اقتباس:
انت ضربت عالوتر الحساس إلي عودة شكرا عالموضوع:D |
يا عمي ما قدرت اتحمل بدي رد مع انو ما في وقت
انا مو مع المساواة مية بالمية وانما مع انو المجتمع لازم ينظر لهالقضية من غير زاوية انا مع الاختلاف واحترام الاختلاف واحترام الرجل للمرأة واحترام المراة للمراة والي عودة |
تسجيل متابعة ......... شكرا عالموضوع
|
اقتباس:
|
اقتباس:
اي لانو لو بتضل ميت سنة ما راح تحل هالمشكلة لانو قبلك قاســــم أمين تبهدل منشان هالشغل |
نظرة المجتمع للبنت ما رح تتغير لحتى هيه تغيرها يعني طالما لحديت اليوم في بنات كل همن انن يتجوزوا والعالم عندن بينتهي عند هالحد فبحياتنا ما رح تتغير نظرة الناس لألنا
|
التربية الخاطئة
انا بالنسبة الي بلشت تتوضحلي صورة انو التربية والمجتمع لي هو محيط فينا اساس كلشي صح او غلط مثلا اذا منشوف بنت عم تحكي مع شب ع التلفون امها ع السريع بتقوم بتبهدلها وبتقلها مو مرباية وما بعرف شو واذا شافت الابن عم يحكي ع التلفون بتقلو يقبرني هالولد نجمو محبوب واذا الشب مارس الجنس مع بنت وعرفوا اهلو ما بظن انو الموضوع بيكون كبير بالشكل الي راح يكون في اذا عرفوا اهل البنت انو مارست الجنس مع شب وانا طبعا ضد هالموضوع بس انا مع انو العقاب للشب وللبنت يكون متساوي وكمان الثواب للشب وللبنت يكون متساوي ما بعرف يعني مجتمع ذكوري بشكل طاااااااغي جدا وبدنا زمااان لحتى نخلص يعني اذا بلشنا فيمن هلق بدنا شي جيل حتى تبلش تصير الصورة حلوة مع انو بكل الاديان موجود المساوة بين الشب والبنت بالثواب وبالعقاب يعني ما فينا ننسب هالشي للدين بل لترسبات اجتماعية متخلفة متغلغة عنا وفينا وحتى منقدر نقول انو الدين حاول يصلح بعض هالاشيا بس ما بظن انو تمكن 100% يعني انا الي عم احكي وكتار الي بيشوفا هالصورة غلط ما بيقبلوا انو تصير معون مو لأنو هني رافضينا بل لانو بيخافوا من نظرة المجتمع الهون وع عيني :D :D |
كلو بيعتمد على التربية وبس بقا البنت اذا مو مرباية صح رح تطلع بمنشا خطأ ولهيك بضل الناس بتشوف البنت االلي مو صح بفكرو اذا ما عملو هيك البنت رح تطلع فلتانة لهيك بضل مافي مساواة
|
تركيبة الانسان في مجتمعنا غلط .. ولازمو اعادة تأهيل ..
وقتها ممكن التفكير بوضع البنت في المجتمع . |
اقتباس:
هلأ المساواة يا ري مي ضرورية مع الاخذ بالاعتبار انو كل انسان الو كيانو الخاص والاحترام واجب على الكل ومن الطرفين بس يا ترى شو هو الاحترام ؟؟ معقول ينفقد بعد فترة من الزمن |
اقتباس:
مع العلم بأنو مو الدين هو السبب في هالكبت بقدر ما هو الناس اللي بتعاملو مع الدين غلط أو بتعصب اعمى . |
اقتباس:
بس التعصب الديني موجود عند الشب والبنت اذا كانت افكاروهم مطابقة للتطرف والكبت موجود بمجتمعنا نتيجة عادات وتقاليد فرضت من قبل بعض الناس او بالاحرى من رجال الدين |
اقتباس:
بس لما كل واحد بينطلق من نفسه وبيتعامل مع الجنس الاخر على مبدأ انو انسان متلو اكيد المشكلة بتبلش تنحل |
اقتباس:
لانو هوة بيكون مو وائق من نفسو بس بيقنع حالو انو هوة الصح والناس كلها غلط فهمت منشان هيك لاتقلي رجال دين ومابعرف شو ويلي بدو بتعصب الله معو يعصب راسو بسلك ويقع لحالو:lol: :lol: :lol: بايخة بعرف:jakoush: :jakoush: :yahoo: :yahoo: :yahoo: :yahoo: :yahoo: |
اقتباس:
كلام واقعي مية بالمية وهون بتلعب دور التربية بالمنزل |
كولكة
لك ياأخي والله مواضيعكم صارت تسم البال
لك ياأخي والله مواضيع كبيرة يلي بتحكو فيها لاتقلي بدك تصلح الكجتمع من ورى جهاز الكومبيوتر حجي روح شيل الكريك والفاس متل جدي وجدك واشتغل بالارض وحاول تصلحها لانو في شغلة أسمها الأصلاح الزراعي أحسنلك من هالمواضيع لكبيرة عليك:krimbow: :willi: |
اقتباس:
اذا ما عجبك ردي خيو انا اسف بس يمكن غيرك يعجبو |
اقتباس:
على برنامج سوبر مهضوم:yahoo: :yahoo: :yahoo: :yahoo: لك شوفو شوفو الهضامة عم تنقط منو:o :o :o :o |
اقتباس:
اقتباس:
اقتباس:
اقتباس:
ويلي بدو يشيل الكريك والفاس هو صاحب الارض يلي تركها وصارت بور وركض ورا الوظيفة اقتباس:
|
اقتباس:
لك ماقتلك عم تشرور منك الهضامة حجي أعرف انو انتا عم تحكي مع أبو أصيل ودير بالك على حالك الله يسعدك يا يا يا يا يا يا مهضــــووووووم خخخخخخخخخ:yahoo: |
وهاي تصبحو على الف خير من عندي .. :jakoush: :jakoush: :jakoush:
|
اقتباس:
هي الها حق التصويت والانتخاب وبعدين وصلت لأعلى المراتب هي صارت الدكتورة نجاح العطار نائب رئيس الجمهورية وقبلها كانت وزيرة وغيرها كمان صارو وزيرات حتى انو دول الجوار من شي سنة حتى صارت المرة وزيرة عندن بعدين هي الاتحاد النسائي من شو بيشكي :lol: ؟ سمعت في شي اسمو الاتحاد الرجالي:p وهلئ خلينا نحكي جد انو اول شي وأخر شي الضرب على التربية يعني انا مع اعطاء حرية منذ الطفولة ان كان للصبي او للبنت ضمن حدود لأنو هالشي بيثقل شخصية الطرفين مثال للبنات في بنات صار عمرن هالعمر ولهلئ بخافو من انو يطلعو بتكسي لحالن ليش ؟ لأنو الأهل من يوم يومن معتبرن انو سائق التكسي وحش كاسر مثال للصبيان انو لهلئ في شباب كمان صارو بسن زواج مابيعرف يشتري تياب لحالن طول عمرن بينزلو مع امن (دلوع الماما ) وما بيعرف يشتري حتى ابسط الامو للبيت خبز .بندورة . .................. |
اقتباس:
:clap: :clap: :gem: :gem: :king: :king: |
اقتباس:
لك انا بهز الورد منشان شم ريحتو بس بس بصراحة لاتقليلي ياستي والله مهضوم هالرجال وحبيتو انا:yahoo: :yahoo: |
اقتباس:
على الوجع :cry: :cry: :cry: :cry: |
شو رايكن بالقول "ليست المشكلة في مساواة الرجل بالمراة بل بمساواة الرجل بالكائن الانساني"
|
اقتباس:
وفعلا صاير مجتمعنا ذكوري طاغي بس عندي تعليق على ممارسة الجنس بين الطرفين ..... كتير ناس بتعملها على السكت وما حدا بحس .... طيب هاد نابع من الخوف من العقاب ...ولا نابع من التسلط بمجتمعنا |
اقتباس:
عدا شغلة المراكز بالبرلمان والوزارات انا هي بحسها انو الحكومة مجبورة تعمل هاد الشي حتى تبين انها دولة ديموقراطية اما شغلة التربية عجبتني فكرتك انو من الطفولة من بلش نعطي الحرية |
اقتباس:
تصبحو على خير |
اقتباس:
|
أول شي مشكور خيي كوستا عل الموضوع و بصحتك;-)
أنا بتفق معك و مع زين بفكرة أنو هاد المجتمع الذكوري اللي نحنا في وصل لمرحلة القرف و هاد شي ألو ظواهر سلبية كتير بس شو بدك تقول لتقول لما بتعرف أنو لهلق في ناس مقتنعة تماما بأنو البنت في قلها 3 طلعات بحياتها ما الزم تطلع غيرن و هنن من بطن أمها للدنيا و من بيت أهلها ع بيت جوزا و من بيت جوزا عل المقبرة فتضلوا عل الحكي اللي لسا موجود بين العالم و برأي أنو التطبيق الخاطئ للدين و التمسك بالقشور هو واحد من أسباب خنق المأة و حرمانا حقوقها و أنا بأمن بالمساوة الكاملة بين الرجل و المرأة بكافة النواحي و تحياتي للجميع:D |
طيب هلأ خطر على بالي شغلة
كلنا منعرف انو الشب لما بحب بنت بروح وبيحكي معها وبصارحها بحبو ..... طيب اذا كانت البنت بتحب شب ليش ما بتصارح بهاد الشي وما بتقول انها بتحبو ؟؟ طبعا رح نقول العادة هيك انو الشب هو يلي بيحكي طيب البنت اذا حكت شو رح يكون موقف الشب منها وموقف الاهل منها والمجتمع |
اقتباس:
الولد ولد ولو عمر بلد وبالمناسبة syrvar مو هيك بتنكتب |
اقتباس:
شوي شوي يعني خلينا ننظم النقاش لانو صرت طارح كذا نقطة مختلفة وكل واحدة منهمم بدها بحث شي تلات ايام انا راح اقرا الموضوع ومخمخ فيه قبل ما رد بس دوختني انت بس موضوعك لازم ينحكى فيه من زمان مشكور |
اقتباس:
والسبب بجدارة هو المجتمع الشرقي وأنت كرجل شرقي صعب تتجرد منو ممكن أنت كرجل متحرر تتحرر من بعض العقد يلي فرضها علينا مجتمع مليان بعادات وتقاليد بس في اشيا مستحيل تتخلى عنها السبب مو الدين أنا برأيي لأنو مافي ديانة سماوية أجت ألا وكان الأخلاق والأنسان أهم قضية فيها السبب هو نحنا أنا وأنت أنا ممكن اظلم حالي بدون ماحدا يظلمني متل أني مثلا حب دخن بمكان عام بمطعم او اي شي يمكن ما اعمل ها الشغلة كرمال انو احترم حالي لأني بعرف شو نظرة المجتمع مع العلم انو يمكن كل الموجودين تكون نظرتهم عادية باوقت نفسو يلي الرجل ممكن يدخن ويشرب كمان وبالعكس هيك بكون حصل على كمية اكبر من المعجببين:cry: ولا شو؟؟ |
اقتباس:
انا بعرف قصة انو رفيقة الي حبت شب كتير وماقدرت إلا صارحتو وكانت النتيجة عكس ما كل الشلة متوقعة بالعكس هو حبها على حبها الو والون هلىء سنتين ويمكن بحبها اكتر ما هي بتحبو نحنا حاليا بالقرن الواحد والعشرين وقدرنا الحمدلله نتحرر شوي من بعض العقد أخ كوستا أنت لما بتكتب موضوع أو بتعرض مشكلة فبتكون بها الحالة بنسبة 75% عم تحكي عن حالك مو بس انت أنا و كل الناس وأنت بجوز ماعندك مشكلة انو بنت تجي تصارحك بس في شباب عندون مشكلة وبصراحة انا عندي مشكلة بها النقطة مدري ليش ؟؟ يعني بعجب بشخص كتير وبتعلق بشخص كتير بالوقت يلي بورجيه انو انا مو طايقتو بكره ها الطبع فيني بس جد يا خسارة انو ماقدرت اتجرد منو وخسرت اهم شخص بحياتي لهاد السبب يعني انا متل اغنية فارس كرم...شفتا بشارع الحمرا:p |
| الساعة بإيدك هلق يا سيدي 08:41 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون