|
دورها و عطيني شحطه
 اجينا ورحنا ورحنا واجينا وبعدين مابيتغير شي كل شي على حالو يعني الشي يلي بنساوبي اليوم هو نفسو يلي ساوينا مبارح وبدنا نساوي بكره وبنرجع بنساويه بعد بكره ويلي بعدو يعني هيك الشغله دايره بدائرة مغلقه نص قطرها 2 سم يعني مافي خواص بدنا نلف وندور وندور ونلف حولين النقطه وهيك بدها تمشي القصه بس!!!!!؟؟؟ لحظه في شغلات بنعملها مرة وممكن نعيدها بس كل مرة بتكون مختلفه عن يلي قبلها وألها نكهة جديده مبارح وانا طالع بالسيارة رايح على الشغل طلعت غنيه لابو وديع بيغرد وبيقول احلى ايام العمر عمر السهر وصرت اتذكر ايام السهرات والليالي العامرة بالفرح احيانا وبالآسى اوقات تانيه بس كانت السهرات تبقى حلوة وهون حطنا ابو خليل الجمال .... يعني لما بتذكر كيف كنا نسهر للصبح واحنا قاعدين ومسلطنين على شي غنيه لام كلثوم او شي موال للعملاق وديع الصافي او حتى الاغاني الشعبيه ومواويل العتابا مع الكاس ..لا تسألو اي كاس اكيد المشروب يعني بصراحه العرق وشويه هالمازاوات قدام منا ونفس هالاركيله يلي مخلي الجو ضبابي والضحك والتخويت بالله كان الواحد ينسى همو وحتى لو كانت القعده فيها لمحه من الآسى بتلاقي نسايم البسمه عم داعب وجهك وبتصير تضحك ولو كنت عم تضحك من قرفك بس بتنبسط وبتعرف انو اليوم يلي عم يروح مارح يرجع لهيك ما في احلى من السهر ه والقعده الحلوة يعني انا واحد من الناس بدفع نص عمري لأسهر شي سهرة متل ايام السهر بسوريا صحي نسيت خبركن اني برا سوريا ويمكن هدا الشي يلي بخليني حن للسهرات لان اكيد الجو بسوريا هلئ كلو سهر ات وقعدات من يلي بحبن قلبي يعني هلئ بتلاقي فلان طالع هو وفلان على الساحل وبيتذكروني لما كنت اطلع متل المجنون بالليل على طرطوس بشان اسمع فيروز الصبح على الشط وفلان تاني بكون عم يشرب كاسه المته هو وتلاته تانيين وفاتيينها لعبه تركس والتخويت شغال او بكونو اصحابنا التانيين -لا حظولي هي التانيين -بيكونو سهرانين -ساعه بقرب الحبيب -ايييييييييييييييييه راحت علينا نفسي يرجع الوقت لورا شي سنه لارجع استمتع بكل لحظه من كل سهرة سهرتها انتو بعدكن معي..!!!!؟؟؟؟ طيب ليش ساكتين اتفضلو عطوني رايكن كيف بتحبو تكون سهرتكن وشو احلى سهرة ممكن الواحد يسهرها بس يرجع على البلد واسمحولي وجه شكر ل leoprad |
اي دورها خيي وعطيني شحطة:cry: :cry: :cry: :cry:
اليوم 28 آب والصيف عم بيودع وأنا ما حسيت بالصيفية السنة مع اني مو مغتربة ولا شي ما سهرت متل كل صيفية ولا رحت رحلات متل كل مرة ييييييييييييي على هالوضع أحلى شي الكزدورة المسا بعدين دق طرنيب بس بشرط واللي بيخسر يا ويلو من المسخرة تاني يوم يا الله ليش هيك عنجد الوقت اللي بيروح ما بيرجع أي دورها خيي وعطيني شحطة |
اقتباس:
نحنا لاعنا سهرات ولا عنا شي |
بمناسبه 28 آب بحب اتذكر فيروز لما قالت رجع ايلول وانت بعيد بغيمه حزينه قمرها وحيد
|
وبمناسبة 28 آب
بعايد رفيقي بعيد ميلاده هوي ما رح يشوف هالمعايدة بس وإذا |
أحلى سهرة!!!!!!!!!
أحلى سهرة وقت بتطلع عالضيعة يوم الخميس و بتروح عالساحة و بتلتقي مع رفقات ألك زمان ما شفتون....... هدول اصدقاء الطفولة، عرفتون ما هيك؟؟؟ يلي كانو معك بكل لحظة سعادة انت و صغير....... و بتصيرو تحكو سوا و تتذكروا كيف كبرتوا و ين صرتو من احلامكن.... و كمان احلى سهرة و قت يلي بتخلص شغل و بتروح بتقعد عالكورنيش قدام البحر انت و أعز رفقاتك ........ و تنفخ نفس اركيلة غير شكل و بتتطلع بوجه الناس يلي قاعد معون و بتحس بالحب يلي بعيونون كيف عم يضويلك كل حياتك.... الصداقة كتير حلوة يا ناس...... و احلى سهرة وقت لبتروح لعند خالتك ام ياسين انت و الشلة بالشتوية و بتقعدوا جنبا و بتكون هيي محضرتلكون هالاكل الطيب....... يي ذكرتني بأشيا كتيرة الله يسامحك!!!!!! |
دورها وعطيني مليون شحطة وقول الله وولع غيرها ولا تخاف :cry:
قلتلي احلى سهرة ما هيك.... لك ااااااااااااااااااااااااييييييييييييه ع وجع القلب الي عملته انت هلق... خيو متل ما قالت ري مي اليوم 28 آب لا وهلق صرنا 29 لانه الاعه 12 وشوي..المهم راحت الصيفية ورج ايلول ...وورقوا الاصفر شهر ايلول...تحت الشبابيك... اخ بس لو كنت هلق سهرانه ع سطوح ضيعتنا انا والغالي وعم نحكي ونمزح ونتقاتل ونعصب او سهرانه انا ورفيقتي ببيتهن ع البرنده والسد قدمنا ومنظر وهوى برد العمر.. او سهرانه انا واهلي عم نحكي نرغي ع العالم او سهرانه انا ورفقاتي بالضيعه وهنن بيلعبوا شدة وانا بتفرج ويتعايطوا ع بعض ويصرخوا وانا اضحك...ولك اخخخخخخخخخخخخخخخخخخخخخخ ع شي نفس اركيلة قدام البحر ... بكمل ولا حاجة؟ |
اقتباس:
ورقو الأصفر شهر أيلول تحت الشبابيك ذكرني و ورقو دهب مشغول ذكرني فيك رجع أيلول و أنت بعيد بغيمي حزيني قمرها وحيد بيصير يبكيني شتي أيلول و يفيقني عليك يا حبيبي ليالي شتي أيلول بتشبه عينيك يا ريت الريح إذا أنتا نسيت حبيبي أول الخريف و ما جيت ينساها الحور و قمرها يغيب و ليلا يطول و نبقى حبيبي غريبي و غريب أنا و أيلول |
لك أخ ما أحلى أيام السهر قولت أبونا وديع يا 26 سنة و يا عمر الولدنة و يا مين يرجعني صغير و ياخد مالك يا دني يا با أوف
أخلى سهرات سهرات البحر بيضل الواحد عل الشط عم يسكر لتطلع الشمس و عند الشروق بيكون الواحد عم يمر بأحلى لحظات حياتو |
:? :? :? :? :? :? :? :? :? :? :? :? :? :?
:? |
مشان الله بس ... والله دمعوا عيوني
لك دخيل رب سورية وتراب سورية أنا هلأ شي شهر زمان ومسافر وصدقوني يا جماعة اني احياناً ببكي وبقول : كيف بدي اترك هالبلد ؟ اما عن السهرات فحدث ولا حرج انا من الشام والسهرة من الشام ولا احلى احلى لعبة تريكس بالربوة مع نفس أرغيلة وأصواتنا بتوصل للمريخ ونحنا عم نتخانق على اختيار او شب او أص ... او احلى سهرة بالشام القديمة بباب توما .. بباب شرقي .... لك آآآآخ واحلى احلى شي صحن فول من عند بوز الجدي بنص سوق الجمعة بعد نص الليل يا ويلي شو طيب وآخر شي اختمها ابريق موز وحليب عند ابو شاكر بالصالحية لك آآآآآآآخ .. من عند مين لح اشرب كوكتيل من بعدك يا ابو شاكر ؟ اما طلة قاسيون فلا حدا يذكرني بتحس حالك واقف بالسما والنجوم عم تضوي وكاشف الدنيا كلها والله شوفة بترد الروح لك آآآآآخ ويا ويلي ع البلد شو حلوة |
ذكرتوني واليوم 28اوت. خلصت الصيفية مو:cry: اي خلصت وراحت معها ايام كتير حلوة متل ماراحت ايام العطل اللي كنا بنقضيها كلها بالسفر والسهر مع الاصدقاء الجداد اللي بنتعرف عليهم بالمكان اللي بنقضي فيه اجازتنا.بتذكر وقت كنا نتعرف على شلة ويوم بعد يوم بيزداد عددها وبتحلى السهرة.وباخر ايام الاجازة بنوعد بعضنا مشان السنة الجاية نقضي اجازة الصيفية بنفس المكان ونلتقي فيه.ما خلفنا الوعد وصرنا نتلاقى 4 سنين متابعة.بس ظروف كل شخص فينا ما تركت هالاربع سنين يتمددو ليوصلو للسنة الماضية وهالسنة والسنوات الجاية.يلا خلصت الصيفية بس لسى ذكريات حلوة بتضل بقلوبنا:cry: :cry: :cry: :cry: :cry: :cry: :cry: ولك اه:cry:
|
ممكن تفهموني الموضوع
|
و فوق كل هاد .. بكرا المدرسة .. :cry:
|
اقتباس:
|
اقتباس:
|
اقتباس:
|
اقتباس:
|
اقتباس:
|
اقتباس:
|
اقتباس:
|
لك اخخخخ يا ابو سليمان شو عما تعمل فينا ..
لك يا زلمي انتي ما في بقلبك نقطة رحمة .. ما بتعرف انتي شو بيصير بالعالم الي عاشت الصيفية وهي كل يوم عما تحاول تنسى انو في شي شي اسمو سورية مشان ما تنتحر اخر الشي ... لك انتي شو عما تعمل فينا .. بدك تزكرنا بايام السهرات الي ما بتنتسا .. يا اخي الله وكيلك ما نسيناها .. بس شو فينا نعمل اذا هي نسيتنا .. نسيت ايام ما نضل سهرانين لوجه الصبح .. وكل مين عما يتلوطح شكل .. هادا البروح عاليمين وهداك الي بيمسكو وبيروج هوي واياه عاليسار ... وقت بتطلع الشمس وبتبلش الدني تضوي شوي شوي .... وتبلش الشباب الطيبة تلم حالة وتروح عند الجلبجي .. واحلا فطور بالعالم كلو .. لما بدك تزكرني بايام طلعات المشتى .. اي بتلش الساعة ينص الليل .. وطلعات جبل السيدي .. لك يا زلمي انتي ليش عما تتج حروح هالعالم .. لك ليش .. والله حرام عليك يا زلمي ... سدقني ما حدي نسيان .. ولا حتى فيون حدي ينسا هديك الايام .. بس في عالم بتتناسا الموضوع لانو ما بيطلع بالايد شي غير الحسرة عهديك الايام ... لك اهههههههههه الله يرحم ايامك يا بلدي |
اقتباس:
|
يا شباب بشرفي زعلتوني عليكون هون كل نهار السهر شغال مع الارغيلة والكاس شي فخامة ....ابو السيم (بما انكون تنين ) وابو السيم التاني وقت ترجعوا بس اعزفوا تلفون واحلى سهرة ما احلمتوا فيا ;-)
|
اقتباس:
|
اقتباس:
|
اقتباس:
|
اقتباس:
|
اقتباس:
مين بدو ؟ !! :? |
اقتباس:
|
اقتباس:
:cry: :cry: :cry: :cry: :cry: :cry: :cry: بس خلص عنجد حاج نبكي نحنا التنين و نبكي غيرنا .. :( بكفي ... :( |
اقتباس:
|
اي خلص يا جيدا ويا غزلان
قلبتو الممضوع شات :jakoush: |
اقتباس:
ما لحتى الواحد يعرف ايمت بدو ينزل ... بس شو مفكر انو رح تخلص مني بس انزل عسوريا .. والله رح ضل قاعد فوق راسك لليل نهار ... لك اخخخخخخخ بس خليني انزل عسوريا ... وهلق عما تجاكرنا ما يا ... الله يغربك يا رب ويخليك تعرف شو معناة الغربة ...( مع اني بحس هاي الدعوة اكره دعوة بالعالم .. بس معليش انتي بتستاهل وما بتروح بدربك عالفاضي:pos:) |
اقتباس:
|
اقتباس:
خيو انت تعى ومارح شيلك من فوق راسي |
ايييييييييييييييييييييييي يه اييييييييييه بحرقة مو ايه عادية
انا هاي اول صيفية بقضيا برات سوريا يعني شو بدي احكيلكن لاحكيلكن كنا متعودين نحنا والشلة بالضيعة شباب وصبايا انو نطلع نمشي بالضيعة يعني نبرم الضيعة مشي شي عشر دوار ونحنا عم نسولف ونضحك واحيانا تلاقينا على قاعدين على حراف الدكاكين والمحلات وعم نتسلى او كنا نطلع لعند عمك سائر الله يزكرو بالخير ونقضيا على شاورما وشيش وفلافل و كازوز وبعدا كنا يا اما نروح نجتمع عند شي حدا من الشباب وتبلش الاتصالات وكلو اربع ثواني يا معلم كسرنا ضهر السيرياتل من ورا الاربع ثواني على الو بتلعب شدة منسكر منرجع مندق الو جاييكن ونسكر ونرجع ندق الو منجهز اركيلة يكون قال اي وكلو بدك تحكي باربع ثواني ولحق يا معلم كنك بتلحق ما عدا العراس والحفلات والسهرات كنا احيانا ننزرك يعني نكون معزومين على حفلة ويجو يحكو معانا انو خيو تعو لعبو شدة ومجهزين اركيلة نقلن لاء بدنا نروح على الحفلة في البنت الفلانية موجودة ولازم نكون نحنا موجودين نروح نحضر دقيقتين من السهرة تكون البنت ما التكشت فينا ونحمل حالنا ونروح نلعب شدة ههههههههه مع هيك بقول انو هالصيفية كانت كتير حلوة عليي وصار احلى الشي بحياتي واذا الله راد صيفية الجاي بتكون احلى واحلى سيدي هيك الدنيا يلعنكن دمعت عيوني :cry: فتحتولي جروحي القديمة والجديدة (اللي ما صرلا يومين :cry: ) |
دوووورها ،،
اقتباس:
اقتباس:
اقتباس:
دورها و عطيني شحطة  ،،صرلي عم فكر بهالشي اسبوع ،، و الصيف ودع ،، و اجا الشتى ،، و راح الشتى ،، أحيـانا ً بحس اني حاطة ايـامي ع الـcopy machine و عم صورها ،، و بحس اني مضيعة شبابي بهالشغل .. ذكرتوني بأيام زمان ،، و الرفقة الحلوة ،، السـهر ،، فنجـان القهوة اللي ما بيخلص ،، الضحك ،، دورها ... و عطيني شحطة.. |
اقتباس:
|
اقتباس:
الله وكيلك عم احكي من قلب مقهور ببالك انا ماني مجروح وعم حاول انسى لك آآآآآآآآه بس شو بدي احكي لأحكي |
| الساعة بإيدك هلق يا سيدي 14:03 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون