|
شو مشان أرنيستو تشي غيفارا؟؟
"يبدو أن الوضع الذي وصلنا إليه يستدعي وجود غيفارا سوري.." يقول أحدهم
والآخر يقول "يبدو أن الوضع يستدعي وجود غيفارا عربي.." ربما بدا الوضع للكثيرين غير ميئوس منه.. و ربما كان الوضع يتطور بشكل إيجابي... بس تعوا لهون... حاج فصحى... لا بدها غيفارا ولا شي... لأنو الوضع هلق يستدعى أنو تصير البلد كوبا والسنة ألف وتسعمية وشغلة وستين... أنا برأيي.. روحوا فركوها من هالقرف.. لأنو لو غيفارا عايش ما كان رضي يناضل بهيك شعب... وشكراً هه |
الوضع ميئوس منو و انا رح افركا قريبا و انفد بريشي :yahoo:
و هي الك :D |
بعتقد انو في بالامة جيفارا كتير وان اختلفت المناهج والتوجهات
الا ان النضال ضد امبريالية العصر وتفاهة المتسلطين واصحاب الافكار المتعولمة يجمع بين دفتيه كثيا من جيفارا العصر وان اختلفت مناهجنا وتوجهاتنا |
اقتباس:
و فعلاً.. ألف كلمة جبان ولا كلمة "انقبر على قلبو ما عمل شي كل حياتو" وهي إلك:D |
اقتباس:
بس المقارنة ممكن تكون غير عادلة.. لأنو شوف الظروف هون و هونيك.. هونيك كانت الثورة حرب أهلية أما هون فالنضال ضد دولة معادية |
اقتباس:
|
اقتباس:
ةعندنا الوضع متشابه الى حد ما فكفاحنا ضد الامبريالية يتصل مع كفاحنا ضد اذنابها والاذناب كتير متل ما بتعرف بل ممكن ان يزيد حدة المعركة والمواجهة عندنا ان الدين ياخذه البعض ستارا لتمرير مخططات الشيطان وهنا تكمن المعادلة تحياتي الك ومشتاق لمواضيع من مدة ما شفت مواضيع الك كهربجي:D |
جيفارا العربي مستحيل ينوجد موصعب
لانو جيفارا الحقيقي الانسانية كانت جواز سفرو مو متل هلأ المناضل صار المجاهد والامبريالية صارت اليهود والنصارى مو كل المسيحيين متل بوش بس مو كل الاسلام متل تشافيز اللي وجه وسطاه لكل الدول العربية اللي حاولت توفر غطاء لاسرائيل في حربها الاخيرة جيفارا توعد بمواجهة الظلم اينما كان حتى دفع حياتو تمن لها الشي بس جيفارا العربي بتوقع يواجه الظلم في اراضي الامة الاسلامية وينسى بقية الدول اللي عم بتواجه الظلم بدون معونة اسلامية وعم بتحقق فعالية اكتر من الكتير من الجول الاسلامية |
اقتباس:
المهم انا ماني سوداوي و متشائم و ممكن يولد غيفارا بيناتنا بس اديش رح تكون استجابة الشعب لألو ,,, هاد السؤال ؟؟ تحياتي |
اقتباس:
بعدين يابا احنا التنين عارفين انو النضال واحد.. بس بديش قولها زي ما هيّ;-) ... فهمت عليي ما؟؟ |
اقتباس:
ماشي ما كنت سألت هالسؤال |
اقتباس:
ما تتركنا مرة تانية لاننا ما بنستغني عن ارائك ومواضيعك هاي ابيات للشاعر محمود درويش ..................................لا يمكن ان اتخيلها قيلت عن شخص غير جيفارا يا أيها المتفرجون تناثروا في الصمت وابتعدوا قليلاًعنه كي تجدوه فيكم . حنطة ويدين عاريتين وابتعدوا قليلاً عنه كي يتلوا وصيته على الموتى اذا ماتوا وكي يرمي ملامحه على الاحياء اذا عاشوا تحياتي كهربجي وسعيد بعودتك :D :D |
اقتباس:
شكرا كتير ع القصيدة.. بس تعا لهون؟؟ انو ساحة معركة؟؟؟ الأخوية ساحة حوار :D |
اقتباس:
انا ما شفته انقطع :shock: |
اقتباس:
شكراً لاهتمامكن (الزايد) أنتو التنين.. يعني حسيت حالي شي شغلة كبيرة و الله :D :D |
اقتباس:
اقتباس:
|
اقتباس:
ببساطة لانو كل حالة لأي شخص هي استثناء سواء بالظروف أو الشخص نفسه .. بس غيفارا بعيش فينا .. بيطلع بخلقتنا بإنسانيتو وببساطو وسخريتو وحضورو كل ما نفكر بالتغيير أو بالتمرد أو الثورة .. كل شخص ترك أثر بهالعالم بعيش في يلي بحبو .. بس مستحيل يتكرر.. |
هلق تشي غيفارا مات . والله يرحمو ..
مات ومعد يرجع .. واصلا حتى لو رجع ما رح يرجع نفس جيفارا الي كل العالم بتعرفو ... جيفارا هوي كان شخص مميز بوقت مميز .. ونحا هلق عايشي بوقت مميز كمان .. ولازمنا شخص مميز .. بس ما جيفارا .. جيفارا نحنا فينا بس نعتبرو انو فكرة او قوة .. القوة الي لازم تخلي الواحد يقول لاء بوش العالم الغادرة الي معد بقتلني شي النا .. العالم الي اخدت منا كلشي .. وخلتنا عايشين لانو مانا عما نموت .. وبعاد كتير عن كلشي حلو بالحياة .. نحنا هلق بوقت انو لازم يجي شي قوي او شخص قوي بيقدر يخلينا نرجع نحس بالاحساس الي حسو العالم بفترتو .. لازم كل واحد منا يرجع يحس انو هوي بهالدنيا .. هوي رح يكون شي اذا عمل ثورة, في احتمال ما يستفيد منا وفي احتمال يموت كتير عالم من وراها .. بس للحرية في ثمن .. وبحياتو ما كان ثمن الحرية غير دم الشعب المقهور الي عاش كل حياتو تحت الاستبداد وبعيد كل البعد عن شي اسمو حرية ... جيفارا مات .. وما رح يرجع .. بس نحنا لازم نتعلم من هيك شخص كيف فينا نساوي مقاوم بيوقف وقفي قوية وبيطالب بحرية الفقير الي رح يضل كل عمرو فقير اذا ضل العالم هيك ... ما بدنا تشي غيفارا العرب .. بدنا يجي منعنا خالد وجورج وفؤاد ومحمد وحسن .. بدنا واحد يكون منا وفينا .. عايشين الامنا ومشاكلنا .. واحد مننا الي بيحرر القيود الي بين ايدي بعدين بيحررنا قيودنا .. وبالنهاي بيحرر قلوبنا الي ما عما يخلونا نحس فيا بحب الوطن الحقيقي الي عايش بقلوبنا وميت بالحقيقة ... |
اكيد كلامك مزبوط نرفانا
لكن يلي بنقصده انو في صفات ومبادئ واهداف بتجمع جيفارا مع كتير اشخاص تانية بما انو ما يميز تشي ارنستوا جيفارا عن باقي البشر هاي الصفات وبما انو في عالم كتير بتشترك مع جيفارا في ثوريته ومقاومته للامبريالية حتى وان كان نضاله مو بوطنه بلاقي انو مازال في جيفارا واكيد راح يجي جيفارا كتير و راح يجي ناجي العلي كتير وراح يجي عمر المختار كتير ما ممكن نفقد الامل بيوم ينتصر فيه الخير على الشر تحياتي نرفانا :D |
اقتباس:
:D |
اقتباس:
لانو مو مهم نعيش حياة حلوة المهم نعيش حياة إلها أثر في الدنيا .. وما في شي بحررنا إلا انفسنا .. |
اقتباس:
اذن طموحي واملي ان اجد مواقف من اشخاص تلبي ما اتطلع اليه وما نتطلع اليه جميعا شغلة تانية مطمنيتني على مستقبلنا انو الحرية كمفهوم بتكون موجودة عندنا بالفطرة يعني ما ممكن يكون اسمه انسان لو ما بيطمح للحرية وبيضحي بذاته لاجلها لذلك كله انا بنتظر يوم الخلاص مو يوم الوداع لابو وديع ههههههههههههههه تحياتي نرفانا :D |
اقتباس:
وفعلا الحرية عند الانسان فطرة ... (انت لفتلي نظري لهالفكرة اللي بنحسها بس ما بنوقف عندها وبنفكر شوي) .. يعني الحرية فطرة تولد مع الانسان والحياة بتسلبها وتنزعها منا .. ونحنا صار لازم نسترجع هالحرية المسلوبة .. بس المشكلة انو الحرية ما سلبها شي واحد ومحدد بس.. الحرية سلبها المجتمع، الاستعمار، الانظمة ، الاقتصاد غير المستقر .. وغيرو .. :D |
اقتباس:
الوعي لا يمكن ان اقبل وجود انسان واعي يقبل الذل والهوان والعبودية لا تستقيم فكرة الانسانية ولا فكرة الوعي بدون ان تتبعها الحرية الدليل ان هناك كثير من الشعوب رغم الاستعمار والفقر والانظمة المرتكبة لسفلس في الارض ورغم ذلك لديها من الحرية والكرامة والاباء الكثير في وقت ان تلك المعاني فقدها غيرهم ممن لم يتعرض للاستعمار ولا للفقر ولا لشيئ من المعاناة سعيد جدا بالحوار معكي اختي العزيزة :D بدي اسالك سوال واحد مين حط الصورة اول انا ولا انتي هههههههههههههههههههه تحياتي الك:D |
اقتباس:
وانا كمان أسعدني الحوار معك .. وعفكرا انا حطيت الصورة بالأول وبعدين انقطعت عن الاخوية .. هيك متزكرة لأنك انت كنت حاطط صورة تانية لجيفارا .. بس انت شككتني بحالي لاني انا بنسى كتير .. صححني اذا كنت غلطانة .. عكل حال في شي بيمنع نحط تنيناتنا هالصورة المعبرة .. :D |
اقتباس:
نرفانا انا هنا لا افرق بين الحرية كمفهوم حياة مادي اعيشه وبين مفهوم فكري او ثقافي اعتنقه وانتمي له بالعكس اعتقد ان اعتناق الحرية واعيش فيها بخيالي مقدمة لتحرير الارض لانو تحرير الانسان اهم واقدس من تحرير الارض بالنسبة للصورة فعلا انا فعلا جديد غيرت الصورة بسالك لانو الي حط الصورة بعد التاني لازم يدفع اله رسم لانو هاي حقوق فكرية الها امتيازات تحياتي الك نرفانا :D |
اقتباس:
بس بالتاكيد الحرية سواء كانت مفهوم ... عقيدة ... مبدأ .. فهي السبيل للتغيير والخروج والانعتاق من عصر الظلمات هذا. وبالنسبة للدفع .. خلص لكان انا حاططتها بالاول.. :lol: :D |
اقتباس:
لكني متاكد ان في جنبات هذا الليل العسير يوجد مشاعل للنور والحرية والانعتاق لكن ما اتمناه فعلا ان نعيش حتى نرى ذلك الفجر باذن الله والا يطول الظلام كثيرا بالنسبة للدفع اوكي تحت امرك اعملي الي فيزا واحجزي الي بفتدق 5 نجوم في اي بلد بتحبي شوفك فيها علشان اسلمك الرسوم الي اتفقنا عليها تحياتي :D |
هلق انا صرت مقتنعة انو غيفارا تاني مافي
بس منتمنى يطلع شي واحد احساسو عالي وشجاع لدرجة اقناع الناس وتوعيتهم لان الناس يمكن ما يقتنعو اذا عرض رايه شخص عادي طبيعي بس واعي الناس بدهم بطل او رمز لحتى يثقو فيه ويسمعو كلامه ويزيد وعيهم |
اقتباس:
|
اقتباس:
يا عزيزتي كتير اشخاص متل الي عم تطلبيهم موجودين وتوقيعك بيحمل اسم احدهم تاكدي انو اي شخص بيحمل فكر التحرر والانعتاق راح تتقبله البشر لكن بشرط يكونوا بشر مو حيوانات لانو البشر بس هي الي بتعرف شو الفرق بين الاستعباد والانعتاق تحياتي الك :D |
اقتباس:
شكلك بدك تخسرني .. خلص مسامح ..:lol: |
اقتباس:
بس مو غلط بهالأثناء الناس الواعية تأسس لمجيء هالرمز .. يعني بنشر وعي وثقافة .. وحتى يفهمو الناس هالمفاهيم البديهية هاي متل الحرية والتغيير والانسانية والحقوق .. لانو صدقيني ناس كتير مكبوتة مو فاهمة أساسا ليش هيي مكبوتة .. وناس بايدها تغير بس ما بتعرف كيف.. يعني الشغلة كمان بدها توجيه وارشاد .. |
اقتباس:
ولانه مات مصلوبا وكما وعدنا الله انه سيكون المخلص اذت يجب ان نتفائل بعدين نرفانا نحنا وصلنا لمرحلة ما في شي ينبكى عليه يعني اكيد الخلاص قادم انا مصر انك تاخدي حقك ما مستعد انك تسامحيني فيه بوفر عليكي وبنخلي اللقاء بالجنة ان شاء الله وبعطيكي حقك شو رائيك؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟ اكيد راح ربنا يسامحنا ويخلينا بالجنة لانو كل الي ارتكبانه بحياتنا لا يعادل ربع ما ارتكب بحقنا شفتي ليش انا متفائل نرفانا ؟؟؟؟؟؟ |
اقتباس:
يلي بينفع هو الثورة وبس واذا صار ثورة ..... اكيد ما رح يضل رموز وابطال الثورة تحصد ابنائها |
اقتباس:
|
اقتباس:
|
اقتباس:
ليه انتي ما مقتنعة فيها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ بعدين انتظرت منك سؤال بتعرفي شو هو ؟؟؟؟؟؟؟؟؟؟؟؟؟؟؟؟؟؟ اني انا ذكرت اتنين من ابناء الحرية بتوقيعك المصلوب والذي لم يولد بعد ولم اذكر الدي مات مجنونا بتعرفي ليه لانو هذا الذي مات مجنونا كان ضحية اذن كل ثورة بالعالم يجب ان يموت بها الضحايا ونحنا هلاء الضحايا لكن اكيد راح ما راح نبقى ضحايا ابد الدهر تحياتي الك ولكوستا الي مشتاقله كتيرررررررررررررررررر:D |
اقتباس:
اكيد بتتذكري طيب نحنا شو توصلنا بالموضوع يلي بدو يقوم بالثورة الشعب وبس |
اقتباس:
بقبل اني كون ضحية في سبيل الثورة بس ما ينباع دمي متل ما باعو دم اطفال لبنان و فلسطين وانا مشتاق للكل هون :D |
| الساعة بإيدك هلق يا سيدي 04:20 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون